رواية فصلية بديلة الفصل العاشر 10 بقلم ام ملكوت

.

.

شهم_

راح ابوي واني رجعت لغرفتي ..

ههه مايريد اسوي بيهه شي المفروض يكول شنو الماراح اسوي بيهه بس خل تجي 

وتشوف جحيمي بدال الموته وحده اخليهه تموت الف موته باليوم ..

انه شغلتين بس رايد منهه الاولى اطلع بيهه ضيمي وضيم روحي الحرمهه اخوهه من ابني صح ابني مايتعوض..

بس اريد طفل يحمل اسم وليدي المات تعودت على اسمه يتناده بالبيت مامتعود كلهه تسكت ومحد يصيح

الشيخه: يمه شهم كوم ابوك يصيحك كوم وليدي

شهم: ها يمه شصار

الشيخه: يمه ابوك يصيحك انزل شوفه شيريد منك

شهم: اي يمه نازل..

كمت شفتهه الساعه ب١ الضهر فزيت المفروض نروح نجيب الفصليه هسه تاخرا بالنومه..رحت غسلت وبدلت ونزلت الوالد وخواني منتضريني ...

_مساء الخير 

الشيخ: مساء النور يله امشونه..

باقر: يمته تتوب من عادتك يعني تكعد تطفي المنبه وترجع تنام ادري شسالفتك..

شهم: تعبان خويه ماشايف النوم بعيني..

ام سماء: يمه سماء ديربالج على روحج وطيعي الشيخ والشيخه واهل بيتهم واهم زوجج لا تخلينه يمسك عليج غلطه او تقصير

حاولي تتوددين لاهله لان الرجال راحته تجي من راحه اهله اذا شاف اهله راضين عنج ويحبونج هوه يبرد قلبه اتجاهج

ومايقسى عليج ولو حاول يقسى عليج همه راح يوكفون بوجهه واذا محد وكف وياج الله موجود بنيتي تحملي وتقوي بالله ودائما رددي لا حول ولا قوه الا بالله ..

وشنو يكلولج عليه سوي واي شي يطلبونه منج نفذي.. ولا تعصبينهم وتضوجيهم وبالتالي يمدون ايدهم عليج يمه..

سماء_

حجت اخر جمله بخنكه وسكتت ماسمعهه بس تناشغ التفتت عليهه لكيتهه تبجي خليت وكتلهه ..

_ليش البجي امي حبيبتي

سماء: خلاص يمه كافي لا تبجين

 لا تخافين علي 

بنتج قويه وتتحمل كلشي يصيبهه ورب العالمين مايحمل عبده اكثر من طاقته 

خليني اروح لمصيري ولكاتبه ربي يصير محد تاذه ولا مات الا اذا رب العالمين يريدله هل شي كاختبار او كاشتياق لصوت عبده وهوه يناجي ويكلمه ..

ام سماء: الله ينور طريقج يمه ويسر قلبج ويريح بالج ويهديلج زوجج واهل بيته ويارب تردين لحضني سليمه ومعززه مكرمه بنيتي..

سماء: امين رب العالمين..

ام سماء: يله يمه كومي نزلي صبحي على بيت جدج وتريكي اني ومريم راح نجهز شغلاتج ..

سماء: حاضر يمه..

اجت اختي دفعت الكرسي ونزلتني جوه واني الدمعه بطرف عيني وبيه غصه بس الله يعلم بعمقهه

حم...

مجبوره ابينلهم اني بخير حتى لا يضل بالهم علي ولا يضنون اني ضعيفه ومو حمل اكون فصليه ...

ولكيت نسوان خوالي وخالاتي ملتمات وجايه خالتي المتزوجه هم..

_صباح الخير

الكل: صباح النور

سماء: شلونج خاله حبيبتي شخبارج

عائشه: هلا خاله مشتاقتلج بنيتي

سماء_

اجت بوستني وحضنتني  ردت ابجي بس كوه لزمت دموعي..

عائشه: شلونج خاله شلون صرتي

سماء: لا خاله ماتاذيني حبيبتي لا تخافين علي..صدك من يمته جايه شو مادري بيج

عائشه: والله خاله جيت من ال٦ امس خابرنه ابوي وكللنه عل مشكله الصايره وكلولي اليوم ترحين

غبشت من الصبح كتله اخذني اشوف عزيزة قلبي وتلكيني من ال٦ دخلت كعدتهه كلهه انه وجهالي.هههه

سماء: ههههه هاي عوايدج تجين من الصبح لو الضهر وين الوقت النايمين بي وتدخلين عليهم انتي وجهالج مثل الزلزال..هههههه

عائشه: هههه اي وعلي شني ماتشبعون نوم يمته ماجيكم الكاكم نايمين..

4 تع

سماء: ولج انتي عندج كامره مدري جاسوس بس تسمعين بينه نايمين تجيتين علينه انتي وجهالج نوب تفززون حتى الميت من الهوسه مالتكم ..

عائشه: جا خاله اهلي شعدي غيرهم وجهالي صغار خاله ماكدر اعوفهم بالبيت وحدهم محد يدير باله عليهم..

سماء: اي صدك بس جا عل اقل حاجيهم لا يسوون وكاحه اشو واحدهم جنه شاذي يطب بهاي الغرفه يطلع من السطح ..

الكل: هههههههه

سماء_

بقينه نسولف ونضحك الى ان صار وقت الغده وتغدينه واكلت هواي رغم جنت شبعانه..

جانت نيتي ابقي ببطني احتياط خاف ماينطوني اكل من اروح😅..

خلصنه اكل وكال جدي بعد ساعه يجون وبقينه ننتضر وبكل دقيقه تفوت احس ذكرى من ذكريات حياتي تعبر كدامي مثل شريط فيديو 

مرت الساعه وصاح خالي اجه الشيخ ياخذج يله طلعي ..

هوه حجه هيج وبعد ماكدرت الزم دمعتي اكثر احسهه بركان وانفجر من عيني كامو يشبكوني ويبوسوني ويشموني واحد واحد 

من الصغير للجبير عبالك رايحه وبعد مارجعلهم ودعتهم واخيرا شفت وجه رشا يلي صار من امس ماشايفته اجت ركضت وحضنتني حيل وتبجي وتشهك..

رشا: اسفه خاله ماجانت نيتي اخليج بمكاني وادمر حياتج ماجان قصدي ترحين بدالي سامحيني حبيبتي والله مادري راح تطيح براسج اذا ماوافقت سامحيني..

سماء: خلاص حبيبتي مو دائما نكول احنه تؤام فماكو فرق بيني وبينج اني افضل اروح فصليه واموت موته وحده 

ولا اشوف حياتج تدمر كبالي وانه بيدي شي وماكدر اسوي الج اني روحي انطيهه الج مو بس اخذ عنج مصيرج ..

رشا: احبج ولج جلب.ه احبج والله ماراح انسى فضلج هذا علي طول عمري ولو تطلبين روحي ترخصلج وراح ابقى بكل صلاة وبكل صيام ادعيلج حبيبتي..

سماء: بهمس..امس حجيت ويه جدو وكتله انطيهه لابن عمهه احمد لان كلولي يريد يخطبهه ومستحي منك 

علمود خاف اهل الشيخ يعرفون انه مو بتكم الاصل انطلعلهم حجه انهه موكفه لابن عمهه وناهي عليهه هاا شكلتي😉

رشا: بتوتر..هاا خاف مايقبل ابوي يجذب عليج..

سماء: لا حبي مو من صالحه يجذب لان اذا عرفو بيج ماموكفه راح يضروني اني وهوه مايريدلي المضره فهمتي..

رشا: اي انشالله يله حبيبتي كاعد يصيحولج ديربالج على نفسج ماشي ..

1 تع

سماء: انشالله حبيبتي  ..ودعتهم ودفعتلي الكرسي بيبي وامي وطلعني بره وجانت الشمس قويه اباوع

واكفين ٤ زلم وبيناتهم زلمه جبير توقعته هذا الشيخ سلمت عليهم ودخلوني للسياره بس اشوفهم متفاجاين بيه ماعرف ليش..