رواية كان اخي الفصل العاشر بقلم مجهول
لعبت نفسي حيل من هيج كامن يحجن..بقيت بالبيت اله ماخلص العزة مال بابا.خابرت على هيثم كتله تعال اخذني لان لازم اداوم عندي مدرسه مكدراطول اكثر
حضرت هدومي وغراضي..وانتضرتو يجي بعد شوي اجه
جنه كاعدات اني وخواتي فات وسلم علينه.احس افتقدتو حيل صار تقريبا10ايام ماشايفته
هيثم: ها حضرتي نفسج
ملك:اي
هيثم:يله لعد امشي
ودعت فرح ومرح واخوتي وطلعنه.كل الطريق ماحجه شي بس ساكت
ملك:شلونك وشلون البنات وعمه سميه
هيثم:الحمدلله كلنه بخير.وانتي شونج
ملك:الحمدلله زينه..اخذتلي اجازة
هيثم:اي اخذتلج
وصلنه البيت وتلكني عمه سميه والبنات
سميه:هلا بنتي ملوكه شونج
ملك:الحمدلله بخير عمه انتي شونج
سميه:والله الحمدلله
وشفت البنات وسلمت عليهن
هديل: ها ولج شخبارج مشتاقيلج حيل والبيت موطيب بدونج
ملك:تسلمين حياتي واني هم مشتاكتلكم
فتت للغرفه واحس كلش مشتاكه للبيت والغرفه صح هناك بيت اهلي بس مارتاح مثل ماكون هين احس هين العش مالي
بدلت وكعدت ويه البنات
ملك:ها هديل شخبارج انتي وبلال
هديل:والله الحمدلله حيل زينين
هبه:يمعودة خبصونه كل الليل يحجون عالموبايل حتى ماكدر انام شوكت تزوج وارتاح
هديل:لاوالله ضاله ع كلبج لازم
هبه: اذا مكدر انام من وراكم طبعا ضالين على كلبي
ملك:من تزوج عود نبجي عليها
هبه:لاابجي ولامدري شنو اصلا اركصصص بس تزوج
هديل:اي اعرفج يهوديه
ملك: ههههههه
هبه:ههههههههه
كاعد نضحك وفات هيثم
هيثم:اريد انام بس نصن حسجن
هديل:هس اصب الغدة تاتتغدة
هيثم:موجوعان
كال هيج وطلع
ملك:لازم مونايم
هديل:والله ماعرف.بس شفتو كعد من وكت الصبح
ملك:اها
هديل:اكوم اصب الغدة
كمت عاونت هديل بصب الغدة وتغدينه
رحت نمت اني والبنات ورى الغدة.كعدنه العصر سويت جاي وكاعد نتعصر كعد هيثم
سميه:هبه كومي سوي اكل لاخوج ماتغدة
هبه:هس
كعد ويانه وجابت الاكل هبه
سميه:هيثم
هيثم:هاا يوم
سميه: البارحه شفتلك بنيه تخبل ومثل الورد ادب وخلاق وجمال
هيثم:اي وشنو يعني
سميه:اريد اخطبلك اياها
هيثم: من اكلج اخطبيلي عود اخطبي
سميه:كافي عاد اريد ازوجك قابل انت صغير عمرك31
اريد اشوفك عريس واشوف جهالك جان هس يلعبون وياي
هبه: اي والله انريد نفرح بيك
هيثم:الله كريم
سميه:والله حرامات اتفوت هالبنيه من ادينا.خل اخطبلك اياها
هيثم:يووم لاتسوين شي من وراي عود من اكلج روحي اخطبي
سميه:ماشي...بس انت هم فكر كافيك عاد
هيثم:انشالله
احس ضجت من جابو طاري انو يخطبون لهيثم او هيج شي.
خلص اليوم عادي تعشينه وخلصنه صارت الساعه10
هبه: هديل وين الديفيدي DvD
هديل:بمكتبه ماما
ملك:ليش شسوين بي
هبه:هيثم جاب قرص مال فلم يريد يشغلو
هديل:صدك.خوش لعد حتى نشوفو كلنه
ملك:اي والله خوش فكرة.
رحنه كعدنه بغرفه الخطار وشغل هيثم الفلم
اني وهبه كعدنه يم الصوبه وهديل وهيثم كعدو عالقنفه وعمه سميه نايمه
هديل:شنو من فلم هذا
هيثم:رعب
هديل: يماا صدك...اتحمست
بقينه ندحك عالفلم حيل مرعب وبي غموض وكل شوي يصير شي نجفل من وراه
حسيت نفسي نحصرت كمت تاروح للتواليت رجعت كبل من الخوف التواليت صاير ورى البيت وضلمه .شاورت هبه
ملك:اكلج اريد اروح للتواليت امشي وياي
هبه:يمه والله مااجي اني هم خايفه
ملك:عفيه امشي وياي
هبه:يله امشي
راحت وياي فتت للتواليت وطلعت مالكيتها رجعت ركض فتت للغرفه
ملك:هاي ليش رحتي ليش هيج سويتي
هبه:هههههه
ملك:لاتضحكين عابت شكد خبيثه
هيثم:شبيجن
ملك:هيج شغله
هبه:كالتلي تعاي وياي للتواليت طلعت من فاتت عفتها وجيت ههه
هيثم: هههههه
ملك:دكافي كافي شون اثنين
دك الموبايل على هديل
هديل: هذا بلال ديخابرني
راحت هديل ورى شوي رجعت وصاحتني
ملك:ها شبيج
هديل:ولج هذا بلال يكلي الخميس العرس
ملك:كل عقلج
هديل:اي والله.احس معد اكدر توترت حيل من هيج كالي تفاجئت
ملك:وانتي شكلتيله
هديل: كتلو اني كلشي مومحضرة..كالي مشكلتج الخميس العرس ماانتضر اكثر
ملك: وليش مستعجل هالكد
هديل:والله معرف...احس كلبي يدك علسريع
ملك:يعني الخميس تزوجين ؟
هديل:مادري ولج..خل يطلع الصبح واكول لامي اشوف شتكول
ملك: الله كريم
رجعنا كملنه الفلم وخلص ورحنه نمنا كعدت الصبح سويت ريوك جان اليوم جمعه.كعدنه نتريك وهديل كالت لعمه سميه وهيثم على مود موعد الزواج.ماكالو شي سكتو يعرفون اول وتالي راح تزوج.خلص الاسبوع هديل متوترة حيل وتحضر بنفسها وعمه سميه واني شايلين هم على روحتها وشون نتعود على غيابها
اجه يوم الخميس وتزوجت هديل..اني لالبست ولاهتميت لان ابوي ماصار هواي من مات ومالي خلك لان راح تروح هيه.هبه صح جانت تكول اريد اخلص منج بس وكت الصحيح معد تكدر اجو اخذوها وراحو.بقينه اني وهبه بس نبجي وعمه سميه حيل متأثرة عليها
وهيثم ماجان متواجد اصلا وكت اخذوها
جان يوم صعب وضوجه كلش ماينحمل احس البيت فارغ
بعد اسبوع عزمنه هديل وزوجها واهل زوجها عالغدة
كعدت من الصبح اني وهبه خلصنه شغل عالسريع وسويت غدة اني وعمه سميه دولمه وباميا وتمن ودجاج
الساعه صارت12 واحنه ننتضرهم.اندك الباب
سميه:اكيد اجو اروح افتح الباب.باوعت شفت هديل رحت اسلم عليها
ملك:شونج حياتي شخبارج صايرة تخبلين شنو هالجمال
هديل: الحمدلله بخير انتي شونج شخبارج مشتاكتلج يولي.حضنتها اني وهبه
رحنه صبينه الغدة الهم وسويت جاي.اجت هديل للمطبخ
ملك:اي احجيلي شونج شون وضعج
هديل:الحمدلله حيل زينه
ملك:بلال شونو وياج
هديل:حيل زين وكلشش مرتاحه
هبه:بعد حبيبتي مايبين شي من هس.اصبري شوي وشوفي شيصير بيج ههههه
هديل:ياستار عاد لاتخربين فرحتي بالعكس مبينهم حيل زينين
ملك:اي خوش
صبيت الهم جاي ماطولو حيل ورى ساعه راحو
بعد 5ايام هيج صادفت عرس ابن اخو عمه سميه ردت اروح ويه عمه سميه وهبه بس جان عندي امتحانات ودراسه ماكدرت اروح فراحت هبه وعمه سميه وخالو محمود وهيثم واني بقينه بالبيت .بيت اهل العريس صاير داخل المدينه وبعيد فكالن راح نبات يمهم.بقيت وحدي بالبيت واحس ضوجه فوول ادرس من جيهه واصفن من جيهه وهيثم مكضي وقتو عالابتوب يشتغل بي.فتت سبحت وطلعت من الحمام رحت كعدت يم الصوبه.باوعلي هيثم وكال
هيثم:امشطلج
ملك:ههه يله
اجه يمشطلي
هيثم:هاي ليس لاعبه بشعرج
ملك:لا مولاعبه بي
هيثم:كاصه منو موو
ملك:لا والله
هيثم:مكصوص منو شويه
ملك:اهاا بس طرفتو من جوة قبل كم يوم
هيثم:ديري بالج تكصينو اموتج
ملك:اهووو عاد استلمتني هس دمشط وسكت.اني اخذت الابتوب العب بي وهو يمشطلي.حسيتو كام يلعب بركبتي بأصابعو جان يكلي
هيثم:تعبتيني حيل
ملك:بشنو تعبتك
هيثم: برودة اعصابج وياي
ملك:ماكاعد افتهم عليك
هيثم:تريدين تفتهمين عليه؟
ملك: ياريت لان ماكاعد افهم شتقصد
من كتلو هيج كبل كام يبوسني من حلكي دفعتو كل قوتي......
