رواية الطالبة والعصبي الفصل الحادي عشر بقلم مجهول
ام نارين : اجت البارحة ام رائد وطلبتج لأبنهة
نارين بصدمة : شنوو
ام نارين : اي شبيج
نارين : احم لا ما بية شي بس اشوية اتفاجئت اي وانتي اشكلتيلهة
ام نارين : كلتلهة اشوف رئي ابوهة وصاحبت الشئن هسة ها اشكلتي
نارين : شنو اشكلت اكيد لا
ام نارين : وليش لا
نارين وهية اتعدد علة اصابعهة : اول شي بعدني اصغيرة وثاني شي دا ادرس وثالث شي والأهم اني مو ابالي فكرت الزواج
ام نارين : اول شي انتي مو اصغيرة والبكدج مزوجات وعدهن كومة اطفال ثاني شي هوة راح ايخليج اتكملين وثالث سبب عندج تافه شنو يعني مو ابالج فكرت الزواج يعني ننتظرج لمن اتكبرين وتعنسين يلا تجي الفكرة ابالج
نارين : مامة حياتي انتي طلبتي رئيي وهذة رئيي وللصراح ما اشوف نفسي حمل زواج وطفال وعيال ايضاً
ام نارين بعصبية : شوفي رئيج ما يعجبني وهم ليش بلا متوافقين شو اجتج قسمة اي ابنية امكانج تتمنة تجيهة شو عندة بيوت وشقق واستاذ جامعي وهو عندة شركة هو اوخو يعني ما عندج اي سبب للرفض
نارين بتفاجئ من اسلوب امهة : مامة صدك تحجين
ام نارين بحدة : اي صدك احجي وهذة اخر قرار وتزوجي ورجلج فوك راسج
وعافت نارين بصدمتهة وراحت للستقبال
انوب نارين صحت علة روحهة وراحت ورة امهة يلي جانت كاعدة علة الكرويتة وحاطة ايدهة علة راسهة وكعدت يم رجلين امهة وحطت راسهة علة رجلهة وكالت
نارين : مامة حبيبتي فدوة لا ازعلين مني ترة والله مو قصدي بس والله ما اريد ازوج بعدني اصغيرة
ام نارين بحنية : شوفي ابنيتي ترة كل ام تتمنة البتهة الأحسن يلي ايصونهة ويراعيهة ويدللهة والتقدملج بي كل المواصفات وهم اهلة اتعرفيهم واني ادري ومتكدة ابا مريم (ام سيف ) ما راح اتعبج وراح تعتبرج مثل بتهة واعز هيهة وزوجهة واكيد ابنهة مثلهة
نارين والدمعة بطرف عينهة: ماشي
ام نارين بتسائل : ماشي شنو
نارين بدموع : اموافقة علة الزواج
ام نارين حضنت نارين بفرح وباستهة وكالت : الف مبروك انشأ الله ما اشوفين غير السعادة بحياتج
نارين ببتسامة مجاملة : انشأ الله
ام نارين : يلة هسة راح اخابر ابوج وبلغة بموافقتج علة مود ايردلهم الموافقة
نارين بحزن : ماشي وراحت صعدت فوك وساعة تبجي وساعة اتكول عادي الى ان نامت ............
________________
سيف
كعدت با التلاثة وربع اظهر وكمت سبحت ولبست
هذة القاط ورتبت شعري وحطيت عطر وخذت السويج والتليفون من الشحن ونزلت جوة وكل عادة البيت هدوأ لأن الهل نايمين فطلعت السيارة وسديت الباب وركبتهة وطلعت للشركة وصلت وصفيت السيارة بكراج الشركة ونزلت منهة ودخلت للشركة يلي اول ما دخلت بدو الموظفين ايسلمون وراهة اتوجهت المكتبي وبديت اشتغل وهل مرة بلاة مقاطعة لأن السكرتيرة المزعجة ماخذة اجازة فرتاحيت منهة وكملت شغلي الساعة بثمانية ونص فتصلت بمحمد وطلعنة نتعشة سوة وكلتلة علة موافقتي با الزواج هوة فرحلي وكلي ان احسن قرار اخذة انوب كملنة عشة ورجعت للبيت وشفت الهل كاعدين للصراحة استغربت لأن همة با العشرة اينامون فا فتت وكلت
سيف : السلام عليكم
ام وابو سيف : وعليكم السلام
سيف ببتسامة : اشعجب سهرانين اليوم
ابو سيف : ههه لا بس طالع فلم حلو وردت اتابع بين ما تجي لأن اريد احجي وياك موضوع
سيف ( يا ستار يا ربي من وماضيعك يا يابة ) : احم خير يابة كول شنو الموضوع
ابو سيف بفرحة : والله وليدي اليوم اهل البنية رجعونة الموافقة وسمعت من امك ما تريد اشوفهة كبل تريد خطربة
سيف بنزعاج : اي يابة احسن
ابو سيف : لعد نهاية السبوع الخطوبة
سيف بصدمة : شنو نهاية السبوع
ابو سيف : اي يابة كل ما نستعجل احسن
سيف : بكيفك يابة لشوفة مناسب سوي يلا اني صاعد انام تصبحون علة خير
ابو وام سيف : اجمعين
وصعد سيف بنزعاج الغرفتة وسبح وبدل ونام وهوة ينسة او يتناسة موضوع الخطوبة ...........
_________________
نارين
كعدت الساعة با الخمسة العصر واحس جسمي مكسار فرحت سبحت ولبست اتراك بيتي عادي وصليت صلاة الظهر قضاء ونزلت جوة دخلت للستقبال وشفت مامة واية كاعدات ايشربن جاي رحت كعدت اكبالهن وسئلت مامة
نارين : لعد وين بابة وعلاوي
ام نارين : علاوي طلع وية اصدقائة يلعب طوبة وابوج راح ايزور مريض
نارين هست راسهة وابوعت علة التلفزيون
ايه بستفزاز : مبروك مقدمن نونة علة الخطوبة
نارين والدمعة بطرف عينهة : الله يبارك بيج
ام نارين : ها صدك نارين ابوج رجع الموافقة الهل الأولد وتفقو الخطوبة اتكون بنهاية السبوع لأن الولد كال ما كو داعي تشاوفون
ايه : يا مامة خاف محلو لهيج ما يرضة يشاوفون نارين اتخيلي اكصير وسمين واصلع وصاحب كرش هههههه غير اطلعون احلاة كبل
نارين بحزن : ماشي مامة سوو التردو وراحت صعدت
ام نارين دارت علة ايه وكالت : ليش هيج ازعجين اختج
ايه وهية تكلب اتليفونهة وكالت بلا مبالا : مجان قصدي جنت دا اشاقة
ام نارين هست راسهة وكامت راحت الغرفتهة
امة عند نارين فخابرت مخابرة جماعية صديقاتهة هدى وسرى وبنين وحجتلهن الصار وهية تبجي وهنة خففن عليهة وهونن عليهة الموضوع نوب طلبت منهن ياخذلهة اجازة تلث تيام لأن ما بيهة حيل اتروح للجامعة وعزمتهن علة الخطوبة وقفلت التليفون وراحت اتوضت وصلت وظلت تقرة قرئان علة مود ترتاح نفسيتهة انوب صاحوهة علة العشة ونزلت سلمت علة ابوهة وكعدت تتعشة ابهدوأ عكس كل مرة ولمن خلصت صعدت الغرفتهة ورة ربع ساعة اندك الباب مال غرفة وكالت
نارين بصوت مبحوح من البجي : ادخل
علي بيتسامة : هلو نونة
نارين : هلا واجة علي كعد يمهة وكال
علي : ستوني سمعت من امي بخبر خطوبتج نونة حياتي بس كولي اموافقة لو جبرتج امي والله لو جابرتج ام
بعدة ما امكمل كلتمة وقاطعته نارين ببتسامة : لا حبيبي اني موافقة ومحد جابرني والولد التقدملي زين وحباب وامة خالة مريم وانتة تعرف اشكد احب خالة مريم وعمو احمد
علي بشك : اكيد
نارين بتأكيد: اكيد
وضلو يحجون ويشاقون الى ان راح علي العرفتة وشربت نارين منوم علة مود تكدر اتنام بلة تفكير ونامت
وبهيج خلص السبوع عد نارين بين البجي والنوم والتنظيف علة مود تلهي نفسهة وامهة اكثر من مرة اتكلهة علة مود اترح وياهة للسوك تشتري فستان للخطوبة ونارين ترفض الى ان راحت امهة وايه للسوك وشترت ايه فستان علة ذوقهة النارين الى ان اجة يوم الخطوبة وكعدت ام نارين من الصبح علة مود اتروح للصالون وطبعن راح اتروح وياهة ايه وصدك راح ايه ونارين للصالون وبدت ام الصالون ابأ نارين لأن هية العروس وبعد الحف والمكياج الخفيف الطلبته نارين طلعت صدك جنهة ملاك انوب راحت الغرفة التبديل بين ما ايه اتكمل مكياج ولمن شافت الفستان اتفاجئت بي لأن جان كلش مفتح يعني عكس ذوق نارين تمامن بس اطرت اتلبسة
طلعت نارين من غرفت التبديل وهية اتحاول اتغطي با الفتحة مال فستان وكالت الأيه الي جانت اطوخ ابمكياجهة
نارين بتوتر : ايو مو جن الفستان حيل مفتوح
ايه : اي اكيد غير حفلة خطوبة وانوب دارت علة نارين وكالتلهة اشرئيج
با الفستان مالي والمكياج
نارين : الفستان حيل قصير والمكياج اشوي طوخ يعني هية حفلة خطوبة مو حنة بنات لو عرس
ايه : اوف بابه هو هيج الموديل انتي اشعرفج بي يلة روحي البسي الجبة لأن راح يجي بابة
نارين : ماشي ورحت البست الصايه ولبست الشال
ايه وهية لابسة الصاية وشامرة الشال شمربحيث نص شعرهة طالع وكالت : يلا نارين بابة دك علية
نارين : ماشي اجيت بس ايو اطلعين هيجي
ايه وهية اتباوع علة روحة : ليش اشبية
نارين : لا بس شعرج نصة طالع
ايه وهية تنفخ ابحلكهة ابملل : لج اشكد غبية انتي غير مسوية تسريحة وتخرب با الشال قابل مثلج بس سرحتي شعرج وعفتي مفتوح
نارين : ها صدك يلا خل نطلع البابة
وطلن نارين وايه البوهن وركبن با السيارة ورجعن للبيت دخلت نارين للصالة وامهة وعماتهة ايهلهلن ويصلن علة انبي انوب نزعت الصاية والشال ورتبت شعرهة وكعدت علة كوشة حلوة امهة مسويتهة وكبالهة ايه وبنات خالتهة التكرهن لأن هنة العامل الكبر ابفساد ايه ايركصن ورة نص ساعة صاحو الجهال اجة العريس واهلة من سمعت بصوت الهورنات وصوت الهلاهل بدت تعلة ازدادت دكات كلبي ورجفتي وبدو ايفوتون اهل العريس الي جنت اعرف منهم بس خالهة مريم ورانية وام يوسف (زوجت رائد) والي اول نا دخلت ام سيف بدت اصلي علة محمد وطش الجكليت فوك راس نارين واجت رانية سلمت عليهة وحاولت اتخفف من توترهة وراهة صاحو جيبو العروس علة مود ايعقدون لمن سمعت نارين حاولت تتمسك بمهة يلي اخذتهة هية وام سيف وكعدتهة علة كرسي اباب الستقبال وجابت شال ابيض حطته عليهة وقرئان بيدهة وبدة الشيخ يعقد وتم العقد وصارت نارين بأسم سيف شرعن وخذو نارين ورجعوهة للصالة الي كبت بيهة الهلاهل ورجعت كعدت با الكوشة وراهة كالو راح ايفوت العرس وبدت النسوان والبنات ايلبسن ورة خمس دقايق فات العريس وبدت الهلال والكولات ونارين ما كدرت ترفع راسهة من الخوف الحد ما كعد يمهة وكال بصوت خشن وجولي : مبروك
نارين وهية ترفع راسه وكالت
ابصدمة : استاذ سي......
________________
سيف
مر هل اسبوع بسرعة ولي ما بي اي احداث يعني بين الجامعة والبيت والشركة واكيد تحضيرات امي وابوي وفرحتهم بخطوبتي ويلي كل ما اندم علة تسرعي با الخطوبة لمن اشوف فرحتهم اكول لا همسن وافقت الى ان وصل يوم الخطوبة يلي مصادف اليوم الجمعة كعدت علة صوت الجهال يلي مالي البيت وصوت التليفون كمت وشفت المتصل طلع محمد جاوبتة
سيف بنعاس : ها خير شكو من الصبح داك ما تدري اليوم عطلة
محمد بضحك : لا ادري بس هم ادري اليوم خطوبة اعز صدق عندي
سيف بنعاس : منوة
محمد بضحك : انتة لعد ياهو
سيف : بيهة الخير هسة شتريد
محمد : اسبح وصحصح واني نص ساعة وكون يمك علة مود ارح للحلاق يلا وسدة قبل لا سيف ايجاوب
سيف رجع تليفونة علة الميز وراح سبح وصلة ولبس اتيشيرت ابيض وبنطرون اسود وحذاء رياضي بيض ونزل صبح علة امة واختة وسلم علة عماتة وخالاتة الي جانن جايات من الصبح وطلع راح هوة ومحمد للحلاق وزين وخفف لحيتة وشعرة انوب راحو اتريكو وشترو قوط للخطوبة ورجع للبيت سبح وصلة ونزل كعد يم عمامة وخوالة يلي جانو جايين وبيتهم ممتلي وراهة صعد ولبس
هذة القاط ورتبت شعري وحطيت عطر وخأذت سويجي وتليفوني وأول ما نزلت بدت الهلاهل والجكليت وبست راس امي وطلعت للزلم يلي كامو ايسلمون ويباركون انوب كال ابوي يلة بوية وصدك حضرنة السيارات وطلعنة البيت اهل البنية وصلنة فاتت النسوان اول شي انوب فتت اني ولولد ومحمد يلي جان لابس
هذة القاط ودخلنة وبدينة انسلم وسلمت علة ابو البنية واخوهة الي جان انسان جداً واعي وخلوق وراهة بدة الشيخ يقرة ايات وطلب ابوية البنية رسمي من ابوهة كدام عمامهة وعمامي وبدة الشيخ يعقد بعد ما صاحوهة وهية كعدت ورهة الباب بس انصدمت لمن كال الشيخ اسمهة نارين علاء وذكرت البنية البقاعة واحد بس انوب استبعت الفكرة وكلت قابل بس هية اسمهة نارين علاء وكمل عقد القران وصارت مرتي شرعين وكمت بست راس ابوي وابوهة وعمامي ورة خمس دخلت للصالةالبيهة البنية واول ما دخلت بدت الهلاهل والجكليت ورحت بست راس امي وباركتلي واجيت كعدت يمهة جان ما امبين منة شي بس شعرهة الواصل الركبتهة وكلت بصوت خشن مبروك اشو هاي رفعت راسهة وكالت استاذ اني باوعتلهة ونصدمت
وكلت بصدمة : انتي ...........
________________
الطالبة والعصبي
