رواية احببته لكنني متزوجه الفصل الحادي عشر بقلم مجهول
معقولة احمد ضحك عليه وكمت ابجي وابجي وابجي وكلت يالله يمكن اكو شي اكو سبب لهذا احمد مديجاوبني مر اسبوع واني صرت مثل المجنونة دوم اباوع على موبايلي اشوف احمد دزلي لو لا . الى ان اجه يوم طبت عليه اختي منار الجبيرة المتزوجة وكالت :
منار : حبيبتي سهى ليش ما تطلعين من غرفتج يا كلبي
سهى : ما اريد ما اريد
منار : حبيبتي اطلعي وغيري جو زين الج ولنفسيتج
سهى : لا لا لا ما اريد اخاف يخلص شحن موبايلي
منار : احجيلي حبيبتي شكو والله سرج ابير .
سهى : كمت ابجي وحجيت كلشي لاختي منار وكلت الولد صارله اسبوع وكم يوم مختفي ومديجاوب رسائلي ما اعرف وينه وشصارله ومعقولة ضحك عليه ونحن على علاقة حب صارلنه سنة ونص ؟ معقولة منار معقولة ؟
منار : زين حبيبتي ممكن اشوف الرسائل الي بيناتكم ؟
سهى : اي هاج شوفيه بس امانة شوفيلي حل .
منار كامت تباوع وتباوع وتباوع وتباوع عليه ما عرفت السبب ليش هيج منار تباوع ليه وليش دتفوت من تطبيق الى تطبيق !! اتعجبت وكلت :
سهى : شكو منار ؟
منار : كالت وين حبيبتي ماكو محادثات .
سهى : انطيني الموبايل هاج شوفي مو شوفتج هسه
منار : حبيبتي هاي مو محادثة انتي كاتبة بتطبيق الملاحظات كل هاي الكلام كاتبة فوك ال 300 ملاحظة !!
سهى : شنو ملاحظات اشبيج اني ممخبلة وحجيت وياه اصلا كاميرا وغازلني وكلي انتي حلوة وتخبلين .
منار : حبيبتي طبيت للاستديو وشفت مصورة روحج فوك ال 100 مرة وتحجين ويا نفسج !!!
سهى : كومي اطلعي انتي مخبلة والله اطلعي يالله اطلعي .
يتبع
🌸🌸🌸🌸:
الجزء الثاني عشر والاخير
اجه والدي ومسكني بقوة وشدو ايدي لان كمت اضربهم بكل قوتي واخذوني للمستشفى وكشفو عليه وكالو لوالدي بنتكم مريضة نفسية ( مخبلة ) والدي كال والله ماجان بيها شي دكتور وامي كامت تبجي وتكول دكتور الله يخليك ساعدها الدكتور كال لازم تعوفوها اهنا ولازم نستمر بالعلاج وياها وانشاء الله تطيب وترجع مثل قبل بس ما انطيكم كلام مؤكد لان بس الله الشافي والله كريم تركوني عائلتي بالمستشفى . مر اسبوع اباوع يميني ويساري مجانين وينطونه حبوب ومرات يكهربونه ومرات اشوف ناس تبول على نفسها وناس تكمز بفراشها ويجون مساعدين الاطباء ويضربوهم ابر واني بقيت ساكتة كلش وينطوني علاجي مر 4 اشهر على حالتي لحد ما اجه يوم كعدت الصبح وباوعت يميني ويساري وكلت اني وين ؟؟؟؟ وكمت اصيح اني وين اجه الدكتور كلي ها شكو كلت اني وين كال ماكو شي تعالي خلي نطلع شوية ونشم هوى طلعت ويا الدكتور وتمشينه وكال الحمدالله على سلامتج جنتي مريضة وهسه انتي زينة ونتيجة المرض هو معاناتج للحياة اليومية ولازم ما تعبين نفسج واي شخص ضربج حتى ابوج من دون سبب لازم تروحين لمكان اسمه حقوق المراة وضد العنف . انصدمت من كلام الدكتور واجو عائلتي واخذوني للبيت وعشت وياهم مثل قبل وكانما ما اتزوجت ابد . مر اسبوعين اجه واحد تقدملي ابوية رفضه وتقدملي مرة ثانية وابوية رفضه وراها بيوم طلعت ويا اختي منار للسوك حتى اشتري ملابس وكفني شاب بعمري عنده لحية واسمر وكال :
الرجال : ممكن دقيقة ؟
منار : لا اسفين .
الرجال : بس دقيقة امانة الله عليكم .
منار : شتريد ؟
الرجال : اتقدمت لاختج مرتين ورفضتوني وما اعرف السبب ابوج الي يرفض لو اختج ؟
حسيت اني سامع هذا الصوت من قبل وحسيت شايفه من قبل !! وكانما اعرفه من زمان وسألته وكلت :
سهى : انت شنو اسمك ؟
الرجال : اسمي احمد واشتغل بالمستشفى وهناك شفتج
عجيبة معقولة اتذكرت من جنت مريضة واحجي ويا نفسي ومسوي علاقة ويانفسي بأسم احمد بس كلما جنت اباوع بوجه الرجال حسيت اريد اركض وحظنه وابوسه وابجي وشتكي اله ماعرفت شسوي كبل كتله :
سهى : تعال باجر واخطبني
الرجال : بس فدوة لاتفشلوني .
رجعت من السوك وحجيت ويا امي وكلت اكو واحد صارله مرتين يتقدملي ليش ما كلتولي امي كالت لان ابوج يحس انتي بعدج مريضة كمت على حيلي ورحت لابوية وكتله اني ما مريضة انتم الي مرضتوني جاان يضربني ويهيني وانتم تسمعون كلانه وهسه اني بخير والحمدالله اتخلصت منه . وراها بيوم اجه الرجال وجايب عائلته وياه واتقدملي وابوية قبل الزواج . تزوجت من احمد وعشت احلى ايامي وياه + خلفت منه 5 اجهال حلوين يشبهون احمد وصرت اعيش حرة بدون قيود اشتغل ويا احمد بالمستشفى بالمختبر اختصاصي وصرنه نساعد بعض ونريد الافضل لاولادنه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
