رواية الإرهابي وذات النقاب الجزء الثاني الفصل الحادي عشر بقلم ام غايب
من وعيت وآنه ضآيع ..
مآكو عنوآن آعتنيله !
ولآ آكو وآحد دگلي صدره
وكلي ذب حملك وآشيله !!
لـ فآضل عبد السآده 🖤
______
رزان.. الي تغير هو ابويه نايم بالمستشفى بسببك.... ليش احمد ....ليش فهمني
حمصه.. مراح تفهميني لو شگد مااحجي
رزان.. ليش ،كاعد اسألك ليش اريد السبب
حمصه.. عوفي كل الأسباب المهم نتزوج اني وانتي وراهه انتي بطريق واني بطريق واذا تردين تبقين على ذمتي هم عادي كل الي تريدي يجرالج
رزان-يعني مجنت تحبني
رزان.. دگ موبايلي باوعت عليه واني ابجي (بابا)
جاوبني ،حبك الي وكلامك
حمصه-موبايلج
رزان-جنت تضحك عليه ،خليتني اسلمك روحي
اختنكت ،مااعرف شلون صدكتك،خليت بابا
زين ليش ،ليش بس كلي ليش
حمصه-راح اتزوجج
رزان-اكيد ميقبل نتزوج بابا وهو ميعرف الي سويته اني واصلا اذا عرف يذبحني ‘انت شنو من بشرررر. شلون
حمصه.. اطمئني 'مالج علاقه انتي الج الصافي وبس ومااخلي شغله تمسج بمقدار شعرايه ثقي بيه
رزان.. وثقت بيك وخذلتني موووووو نسيت كلامك و غصيت بالكلام احس مااعرف شحجي
شلون هسة أوثق بيك... رجع موبايلي دگ ابن عمي اتصل ٣ مرات
حمصه.. منو يتصل عليج
رزان.. ابن عمي.... اكيد اكو شي صار
حمصه.. جاوبي
رزان.. جاوبته اول مجاوبت صاح بيه وينج انتي ابوج وضعه تعبان ويصيح يريدج
رزان.. بارتباك شبي بابا... توني عفته طبيعي خوفني عليه
وسد الخط... جان صوته مو طبيعي... سألني احمد
حمصه.. شكو شيگول ابن عمج
رزان.. شعليك
حمصه-رزان فهميني
رزان -لازم اروح لبابا توني عفته طبيعي اذا صار علي شي والله اني بيدي اموتك والله والله
حمصه.. لتروحين ديري بالج وطلعي هسة من المستشفى راح اخابر ياخذوج
رزان.. بحديه... منو ياخذني
حمصه-تتأذين
انت شگاعد تحجي انت منو يأذيني وليش مااروح الابويه... يجوز تعب فجأه
حمصه.. ديربالج السالفه مو يم وضع ابوج الصحي
رزان.. والله مدري شگاعد تحجي انت مو طبيعي
حمصه.. راح يأذوج
رزان.. انت الي تأذيني مو هما... ذولي اهلي فهمت الله اعلم... انت شسويت من درب بعد حسبي الله عليك وحسبي الله عليه لان صدگتك وانطيتك اهم شغلة الابويه وألي
طلعت وعفته ابجي شسويت اني شسويتي يا رزان
حمصه.. اول ماطلعت من يمي اتصلت بخضر... وينك خضر انت وين
خضر.. جايك بالطريق
حمصه.. منو من الولد بالمستشفى
خضر.. غير انت تعرف منو يمك
حمصه.. خابر خالد بربك اي واحد من الي يعرفهم يمنع رزان تروح لابوها راح يكتلوهه
خضر.. ليش
حمصه.. خابر خضر شبيك بعدين افهمك
خضر.. والله انت مااعرف شگاعد تصخم
حمصه.. استعجل خضر
_____________________
ميمونه-بقيت متوتره اتصلت على خالد كلت لازم اكله على خضر ليروح يسوي مصيبه واتندم لان محجيت
جنت خايفه متردده وممرتاحه اخاف منه وخايفه علي هم مكاعد افهمه شغله كلامه كانما عصابه اتصلت بخالد واني متردده جاوبني
خالد-الوو
ميمونه-هلو ابو محمد بس ردت احجي وياك
خالد-منو انتي
ميمونه-ميمونه اني
خالد-اكول هاي منو التتنعوص عليه طلعتي انتي
ميمونه-ابتسمت وكتبه ردتك بموضوع
خالد-احجي
ميمونه-لا من تجي بس ردت اكلك اريد اكلك شغله
خالد-يا ستار يا ربي خيرج ميمونه
ميمونه-لا والله ماكو شي
خالد-احجي هسه ماعندي شي
ميمونه-لا من تجي
خالد-مااجي اليوم وهيه ماعندي شي
ميمونه-خفت واتندمت ومكدرت اتراجع تورطت بعد
اني كتله وهو صار نار بحيث كبل سده مني
شويه ودك خضر بقيت كعاده واباوع عل جهاز وواحد وخايفه
——————————————-
رزان.. دخلت لبابا للغرفه اول مفتحت صارت عينه بعيني گأنما يريد ياكلني
مصطفى.. وينج انتي وين رحتي
رزان.. واني عيني على بابا... جاوبته بالحمام
مصطفى.. الي ضرب ابوج المجرم هنا وانتي تختفين
فواز.. مصطفى روح جيب عمتك لتتأخر وسد الباب وراك
رزان.. من گال هيج يباوع علية كل شويا احس گلبي راد يوگف من الخوف راح مصطفى واني واگفه على نفس الوگفه وهو على نفس الخزره گتله بابا بارتباك احاول اظمه حتى ميبين
فواز.. ليش هيج رزان ليش لج ليش...لج مفكرتي بيااااااا
رزان-حسيت روحي راحت وغمضت عيني وتيجي
فواز -لج بشنوا مقصر وياج حتى تخليني بيد واحد عار
رزان.. بابا والله... مجنت اعرف
شديحجي وشيعرف بالضبط بس شاكه معقوله عرف لو شديقصد اريد افهم حتى ادفع عن روحي ولو ماكو اي دفاع
فواز.. اني واحد يدزلي لو بنتك لو تسوي الي أريده
بنتي رزان ولج رزز ززززززززززان شلون سويتي هيج
لج شرفج شرفج سلمتي لج مفكرتي اسمي. وضعي لج نفسج شلوووووووووون مكاعد استوعب انتي رزان
لج شنوا الي قصرت بي وياج شنوا الي ردتي وماجبته الج خليتج اميره حتى بوكت الي ماعندي وتطلبين حاجه اجيبهه الج افتر على واحد واحد اتداين هيج تجازيني... شلون لج رزان شلون جتفتيني اموتج شلون اموتج وانتي بنتي وقطعة من روحي گولي شي بنتي رزان مو هيج گولي جبرني وقبلت لان جبرني لذلك مبينه گأنما بأرادتي گوليييي
رزان.. انهيار بابا دموعه حرگني جتفتني لدرجه اريد أدير على روحي نفط واحرگهه ليش...ليش يارزان دمرتي ابوج هالكلام جان كلامه بس بنبرة انكسار... ابويه الهيبة طول عمره شامخ الي من يمشي واثق من نفسه... شكله طوله بدلته القوة الي مبينه عليه من مشفتهه اختفت اني خليته ينحني وينكسر اريد اهرب من عيونه مااگدر ادنگ وارجع ارفعهن ومااگدر اتقرب منه مو خوف خجل بس ال ليش ٣ حروف انكسرن وهنا قليلات لي (وانبح صوته) ش خلتني اتقرب وادنگ على ايده ابوسها واطلب منه هالطلب
رزان.. اذبحني... اذبحني بابا وارفع راسك والله ماانقهر منك بالعكس استاهل اذبحني وارجع ارفع راسك بابا والله اسفه والله بابا اني احبك مااستاهلك والله... والله مااستاهلك
فواز.. تعرفين لو مو اني سبب جان ذبحتج بس مجنت اعرف اخذ الدين هم رد دين
رزان شكلج بعد مااريد المحه هنا ولا اي مكان واذا تخطين خطوه برا بابا غرفتج مو الشارع اذبحج هسة راح يجي ابن عمج ياخذج للبيت حرف واحد حتى الامج متحجين گومي ولي بعيد عني اوگفي ومو گبالي مااريد اشوفج ابد گوووومي ولييي
رزان.. صوته عله بأخر كلمتين فزيت وگمت رأساً وكل شويه يگلي حييجي ابن عمج مااريد يحس
مو علمودج لان مااريد فضايح واسئله
رزان.. جنت اتمنى بهاي اللحظه اروح ال احمد واخنگه بيدي لا والحلو يگلي ثقي بيه مجنت أگدر ماابجي او اتحكم بدمعه تنزل مني خاصه من اباوع الوجه بابا شگد اكره روحي واتمنى اطلعها لروحي بيدي.
اجى مصطفى شافني ابجي جان كل ظنه علمود بابا ويضحك وياي ويگلي لتخافين مابي شي
اول ماوصلت صعدت لغرفتي شمرت روحي على الجربايه وگمت املخ بروحي ساعه اگعد ساعه اتمدد ساعه ادگ على وجهي
اتصلت عليه مغلق حقير والله حقير
__________________
حمصه.. ماتحملت ابقى بس مااگدر اتحرك مقيديني اعرف ارتكبت شي ابشع بس هذا الشي هم الصالحها لان مراح يخليني اتزوجها اله بهاي الحاله وبنفس الوقت اضرب عصفورين بحجر
خضر.. انت مو صاحي والله گاعد تلعب بروحك والبنيه بالله ابوهه سوالها شي... اتذكر كلامك وياي على ميمونه ترى نفس الحاله بس انت ابشع يامطي اعتديت عليهه
حمصه.. لتخليني اصير ابشع واحجي اشياء صعب احجيها على وحده راح تصير مرتي اسكت صار الي صار لازم اسوي هيج وفواز رزان ألهوى الي يتنفسه... هو الي يربي او يخطف طفل ويحتظنه ببيته وهو ميصير اله شي شتتوقع منه
خضر.. مريض، وهذا الشي أخطر
بهاللحظه دخل شاهين رفع حاجبه گبل لان سكتنه
شاهين.. مامرتاحلكم أسقط اثنين بالدنيا، شگاعد تخططون وتلعبون من ورايه
حمصه.. كلشي ماعدنه
شاهين.. انت انجب لتحجي وياي ابد مااعرفك ولا تعرفني
خضر.. ذاك اليوم بچيت من راد يموت
شاهين.. اني؟ شوكت هاي، من شوكت ابچي على العارات
خضر.. بچيت واول مره اشوفك تبجي
شاهين.. مو بساعتهه گلت من تروح العارات منو يستعمل المگص بعد بس المشكله هسة گاعد اشم ريحة عارات اثنين يحتاجلهم مگص واگفين گبالي
خضر.. اني راح اگلك
خزرني حمصه وشاهين تقرب على حمصه جان شايل سبحته التراثيه اقدم من ابو الجيس وميقبل يعوفهه مااحس اله على عينه بالسبحه
شاهين.. اذا غمزت مدري خزرت بيهه اطفيهه احجي انت الثاني شگاعد يصير
خضر.. باوعت على حمصه دار شاهين من حمصه يأشرلي لا هم ضربه شاهين على ايده بالسبحه
حمصه.. انت صدگ تحجي اتوجعت
شاهين.. و وجعتهم، احجوا بابا شكو، انت لك زرافة البيت احجي
خضر.. انت گصير
شاهين.. انجب لك طولي ١٧٥ انت جنك عملاق امداك شمحصلين منك طول بلا عقل
خضر.. شنوا السالفه ترى هواي تهين بيه واني اگدر اجاوب
شاهين.. جاوب بالله
خضر.. أخلاقي متسمح
شاهين.. انت من شوكت عندك اخلاق الي اعرفه انت عار
خضر.. ضحكت...انت حلمان بيه اليوم
شاهين.. احجي بسرعه هذا العار الي ورايه شمسوي من مصيبه
خضر.. ترددت ولعب بينا لعب، وتولانه بسبحته اول مره منگله على شغله وهالشي حمصه مقبل مااعرف السبب الحدما جذبنه وگلنه موضوع يخص امه
شاهين.. وليش متلغون عبالي مسوين مصيبه
حمصه.. لازم نسيت ياشاهين الي اعتبرتك طول عمري اخويه الجبير عيرتني
شاهين.. اني معايرتك ولك لحظة عصبيه، سدو الموضوع الله لا ينطيكم خسرت نص طاقتي عبالي شي جبير يالله اني رايح
خضر.. اول مطلع شاهين درت على حمصه وگتله.... مگتلي على شنو تعاركتوا
حمصه.. موضوع راح، بعدنه نسولف انفتح الباب وشاهين راد يدخل لزمو الجنود البره
شاهين.. شتريد منه
فواز.. اطلع برا انت
خضر.. احجي عدل
فواز.. اطلع برااا لا اخليهم بالقوة يطلعوك
خضر.. گتلك احجي عدل
حمصه.. اطلع خضر حديث عائلي عدنا
فواز.. انلصم لا روحك اطلعهه بيدي هسة
حمصه.. انت التخسر اذا طلعت روحي
خضر.. نضرات وكلام حمصه مستفز وفواز شكله مو مال طبيعي او ناوي على خير شاهين بعد مامنعوا دخوله عاط بيهم طلعت لان صار جدال بينه وبين الجندي
خضر.. عوفه شاهين
شاهين.. شنو اعوفه على اي اساس يلزمني هيج مو لابس بدله عبالك انت فدشي تره
خضر.. جريته، شاهين مو وكتهه تنسجن الوضع مااتوقع يطمن
شاهين.. خضر احجولي من الاخير تره راسي فريتوا فر
خضر.. حچيتله و وصيته ميگول الحمصه لان الوضع بده يصعب ومااعرف شلون بس گتله بالقوة اخذهه مااحس اله تفل بوجهي انصدمت
شاهين.. انت وهو حرامات محسوبين على الزلم
خضر.. شاهين اني...
شاهين.. انجب انتو مو طبيعيين لاوتگول موضوع يخص امه وضرب ايدي بالسبحه شاهين اكبر مني بهواي مااگدر اردها اله ومن اجادله يتجاوز اكثر بس صدمني من تفل عليه ولا يغلط
خضر.. ترى بعد مااتحملك والله جبير على عيني وراسي بس تتجاوز
شاهين.. واطيح حضك واذا تعترض طلقه براسك واخلص منك
خضر.. وتهدد
شاهين.. لعبت روحي منكم انت وحمصه هذا عرض لك بابا عرض بنيه والبنيه شتملك غير عرضها وانتم عدكم بنات الناس لعبه والله لومن فواز طلقه برأس حمصه صرتوا ينخاف منكم هواي
خضر.. ليش تدمجني ويا اني شعليه
شاهين.. وميمونه الي شوهت سمعتها
خضر.. وروح اهلي مطخيتها بدون زواج
شاهين.. وقنعتها تنهزم وياك لو اختك عايشه وسوت الي سوته ميمونه شتسوي تذبحهه ميمونه انت قشمرتها واني هم سبب ومتندم وكل مااشوفها انقهر لان بسببي تقريباً
خضر.. اني ميمونه مامقصر وياهه واحبها
شاهين.. انجب منو طلگها علمود العنوان
خضر.. باع استغفر الله موضوع راح وانتهى
شاهين.. بس صار گاعد اگلك عار لذلك من احجيهه لتعترض فهمت
خضر.. والله ماادري شگلك بس اني بعد مااقبل تتجاوزون عليه انت او خالد باوعلي صفح ومثل الي قارف
_________________
حمصه.. عليه راد يخنگني واني احاول استفزة بضحكتي بس فاير بالحقيقه لزمت ايده حاولت اوخرهه
فواز.. اموتك واشرب من دمك نگس حيوان انت لا عبالك اسمحلك تعيش
حمصه.. وخرته الإيده گوه خنگني بنتك تبقى بدون زواج
فواز.. اكتلك واكتلها وادفنك ولا ازوجهه الك
حمصه.. مميت عليهه گتلك العندي سلمان واني اكيد تطلعني لان نسيبك منو يتزوج بنتك
حمصه.. انهار الأول مره انقهر على فواز شگد جنت حاقد عليه بس قهرني انهياره
حمصه.. فلك هم ابوهه هيج اكيد من مارحمتهه وبسببك بنتك هم صار بيهه هيج اني اتزوجهه لرزان مااعوفها اذا تطلع سلمان، سلمان لايعرفك ولا يعرف فلك توه اجه من السفر، بس لان عرض بنيه
فواز.. تحجي بالعرض وأخذت عرض بنتي
حمصه.. وانت انهاريت على عرض بنتك مافكرت ابو فلك بگبره يلوب عليهه وانت تساومهه
فواز.. ابوهه الوحيد الي ماانقهر عليه هو سبب كلشي
حمصه.. صدمني بكلامه مافهمت شي گتله انت تعرفه
فواز.. والله ولا اخليك تعيش اعتبر روحك خلصت من هاللحظه احسب الايام البقالك قليل
حمصه.. وبنتك تعوفهه هيج شرفهه ضايع
حمصه.. خله المسدس على راسي
فواز.. لتجيب طاريهه على لسانك يانگس عداد موتك اشتغل والله روحك بيدي تطلع مو بيد غيري
حمصه.. طلعها لروحي ماعندي شي اخسره ولا عندي احد ينتظرني او يضيع بدوني او يخسر كلشي غير بنتك
فواز.. لك كافي تجيب سيرتها بلسانك النگس عافني ودار وجهه ابوهه او بالأحرى فواز الي يشوفه ميگول بنته رزان لان يطلع شكله بگد خالد يطلع
حمصه.. عمي فواز والله سبحان الله جنت مقرر استعمل مگص بس هسة اني احتاج مگص المهم شوكت تزوجه مرة عمي
دار عليه بسرعه حركه سريعه طفى عيني، عمو ابو حبيبتي ميصير هيج لازم ريلاكس... جرني من ملابسي
فواز.. لك كافي گوه گاعد اصبر روحي ماادزك للگبور حيوان تتزوجها راح اسحب الدعوه بس مو عبالك تطولهه
حمصه.. وسلمان
فواز.. نعال اطلعه بس انت لتتوقع اعوفك
حمصه.. مو مهم اني وفلك تعوفهه
فواز.. لتحجي بعد ولا حرف واحد
حمصه.. فلك تعوفهه مگتلي ابوهه شمسوي ابوهه فقير اكيد تتبله علي
فواز.. انت صوتك مااريد اسمعه بعد نفس لتتنفس گدامي
حمصه.. شلون اعيش اذا مااتنفس معناهه اموت وبنتك...
فواز.. لتجيب سيرتها بعد
حمصه.. تدلل عمو حبيبي جان يصبر روحه في سبيل يتحمل استفزازي بس فاجئني او بالأحرى تعلقه ببنته خاصه هما كعائله من سئلت عنهم مثلنه حالهم حالنا بسالفة الشرف يعني گبل ذبح بدون تفاهم او مطلع فواز دخل شاهين و ورى خضر
شاهين..انت صدگ يعني هيج مسوي
حمصه.. شنو
خضر.. اني مو گتلك استغفر الله
شاهين.. تفوووو عليك حرامات انت محسوب رجال... عارات اثنينكم خلقتكم بعد مااشوفها ولا صوتكم عسى ماتموتون فهمتووو
فرحانين بروحكم وقذارتكم ابد مينلام خالد بيكم وعبالك اسكت اله افضحك
حمصه.. مو من حقك تحجي وكلامك ميأذيني حيأذي رزان اكثر راح تظلم البنيه اني غلطان حجيت لخضر
خضر.. عبالي يسويلك شي فواز واتندم و......بعددني .....
