رواية احببته فخذلني الفصل الثاني عشر بقلم ساره العبيدي
" لم نكن سيئين ، لكن ساءت بنا الأيام "🥺💔
سمعت امي تصيح. لحكوني ولج ليلى لحكيني
لكت امي واكعه يم بالحمام ركضت عليها
بقيت اصيح اجه بابا وفهد عليها
اخذوها للمستشفى هيه تصيح و تؤن من الوجع رحت اني وياهم
بقت اسماء وفيصل بالبيت
وصلنا للمستشفى شافها دكتور كال لازم عمليه لان العمود الفقري بظهرها متاذئ كلش ولازم بغداد وتكلف هواي
حجز بابا سياره ودكتور بالحارثيه بغداد طلع بيها لبغداد وصه فهد.يبيع ذهب ماما ويحاول يدبر الفلوس
اني وفهد. رجعنا للبيت
رجعت واني ابجي. اوف خطيه ماما راحت بعد خايفه لا ماترجع بعد وابجي ربي كلشي اسوي بس رجعها سلامات لي
فهد: ليلى طبي لغرفة امي شوفي كنتور شنو بي ذهب وفلوس طلعيهم حتى لحك ابويه خطيه وحده
رحت للكنتور طلعت ذهب ولكت مبلغ مليون ونص فلوس
ليلى: فهد هاي لكتهم بلكنتور
فهد؛ ماتكفي هاي ذهب قليل اسماء انطيني ذهبج بس ترجع امي سلامات اعوضج وارده الج اعتبري دين عليه أحسن ماروح للغربه
اسماء: اني شعليه هذا ذهبي بعدني عروس ما اتهنيت بي أخذ من ليلى
ليلى: اني ماعندي بس هاي تراجي وهاي هيه اخذها فهد هم صحيح
نزعتها ونطيتها لفهد
فهد: شسوي بتراجي ماتوصل 200الف كتلج دين عليه اعتبري هاي امي اسماء صدك تحجين لعد وين كلامج امك مثل امي احطها بعيوني هسه اكثر وكت محتاجج بي
اسماء:: فهد المفروض أنت ماتطلب هيج مني وانت تعرف بعدني ما لبسته تكدر دبر مبلغ من عمك خالك يعني الا اسماء وذهبها
فهد: ولج بنت النعال هذوله غرب بس انتي من البيت ليش تخلين الغرب ينطوني ويكولون محتاج يشفقون عليه وانتي زوجتي
ليلى: فهد راح تظل تتناقش خابر خالي وشوف شنو يكولك
فهد: ماشي حسابج بعدين يا اسماء خلي اخابر خالي
خابر خالي كاله هسه دقايق واجيك
ورا ربع ساعه اجه خالي وزوجته
ندك الباب فتحه فيصل
خالي: السلام عليكم شبيها اختي شصاير شلون وكعت
زوجة خالي: ماتستاهل غير الخير خطيه عزه بعيني شلون صار هيج بيها
فهد: والله خالي معرف كعدنا الصبح على صايح لكناها واكعه متاذيه العمود الفقري لازم عمليه ضروري قبل ماتخسر ظهرها تصير بالفراش واني هسه هاي ذهبها مايجيب سعر لنريده فمالي غيرك والله وخابرتك
زوجة خالي: تدلل ابني ماكو فرق هاي سواراتي كدامك شوكت ماتردها ردها احنا اهل ماكو فرق اهم شي سلامتها
خالي: شكد محتاج فلوس بيع هاي واذا ماكفت خابرني
فهد: لا خالي ذهب زوجتك مابيعه عندك فلوس دايني اخذ ماعندك اشوف عمي
خالي: تاخذ ذهب تبيعه هسه يلا وتنجب وتسكت أهم شي ترجع بالسلامة لو فقدناها شنو يفيدنا ذهب يلا حجي نسوان مايفيد كوم للصايغ بيعه بين ماشوف سياره تؤدينا لبغداد اني هم اروح وياك
راح فهد للسوك وخالي خابر معارفه بغداد لان الكل. يعرفه حتى يرحون يم بابا خاف يحتاج شئ بين مايوصل خالي وفهد له
زوجة خالي بقت يمنا ماقبلت تروح كالت انتم بنات وكلشي يصير
راحوا خالي وفهد. وكل شويه نخابر بابا نشوف شصار
كال بس يصل فهد. نسوي العمليه فعلاً سوا دكتور لها عمليه اذكر. طولت اكثر من 3ساعات احنا قلبنا نار نوب هيه عدها ضغط
بقيت نهار كله اصلي واقرا قران وادعي تصير زينه ياربي دخيلك اوكف ويانا
لل9 بالليل يلا خابرنا بابا كال العمليه نجحت الحمدلله ماصدكت من الفرحه كعدت ابجي وزوجة خالي خطيه ماقصرت بقت يمنا باتت وتصبر بينا
بقت اكثر من اسبوع بلمستشفى على حسابنا لان بابا خاف عليها ماراد تتاذه وهو بقه يمها يداري بيها حتى هو كان يسبحها ويمشط شعرها صدك ماكو مثل قلبه طيب ولا مل منها
بعد اسبوعين واكثر رجعت ماما للبيت اجوي خالاتي نظفن البيت من فوك لجوه سوينا حملة تنظيف وبخور وعطور صار يخبل ورتبنا غرفتها وجاب خالي مسواك سوينا غده اجوي كلهم عدنا وعمي جاب ذبيحه ذبحناها لها من وصلت
الكل كان فرحان بسلامتها كلشي امام صحة الانسان لا شئ كل بيت من يتمرض بي شخص تحس البيت كله مريض بقوا كلهم عدنا لليل راحوا
ماما وبابا بغرفتهم
حتى من رجعت للبيت بابا بقى هو يسبحها ويعتني بيها
اني بس انظف واطبخ وهو مسؤؤل عنها اسماء زعلت بسبب صار بينها وبين فهد
ليث بعده باربيل خابرني يعتذر ويطمئن وكال كملت تجهيزات حتى نسوي حفلة المهر بعدين الزواج
راح يرجع الاسبوع الجاي
فيصل حبيبي اني مهتمه بي وبدراسته
اسمهان وياي ماعافتني رجع ليث
بدوام اني واسمهان كاعدين بنادي
رحنا نطلب كيك وعصير ماقبل يأخذ الحساب كال ندفع حسابكم باوعت لكت ليث كاعد يم أبو النادي
بنفسي احضنه من كد ما مشتاقه له رغم كل جروحه لي بس انسى كل شي بس أشوفه
عفت اسمهان ورحنا اني ويا
اسمهان اي عيني روحي من لكه احبابه نسئ أصحابه
ليلى: انتي الكبد عمري هسه ارجع اموواح باي
طلعنا نتمشى بالحديقه
ليث: كافي مشي تعبت امشينا نكعد
ليلى:: لا حبيبي خلي نمشي
ليث: امشينا نشرب شيء بارد
ليلى: لا قلبي
ليث: ولج شنو تعاقبيني امشينا نكعد اهنا كافي ولج
ليلى:: ماشي يلا امشي يا شايبي ههههههه
ليث: ههههههه اذا انتي صدك امشي وياي للبيت حتى اعلمج شايب شنو
ليلى: موافقه بس بشرط نروح قبلها نأجر بدلة عرس وصالون ونروح لأهلي بعدين بيتكم شكلت حبيبي
ليث:: لا قلبي نأجل السالفه من نزوج عود اعلمج شايب شنو
خله ايده على كتفي ويتغزل
ليلى: حبيبي بعد ايدك عني عيب
ليث:: ترا خطيبتي انتي شكو بعد
حقير نزل ايده على س....... ن فتحه جمدت بمكاني مكدر اتحرك بعد
ليلى:: ليث الله ياخذك شسويت نفتح ست... ن شلون عزه بعينك انطيني كتب وامشي وياي كوم
خليت الكتب على صدري من كدام رحت للحمامات سويته ورجعنا نكعد بالنادي
دك جهازه انطه رفض اخذته ركض من ايده طبيت للمسجات لكت مسجات قديمه كلش قبل 4سنوات
ارجعيلي حبيبتي ليش عفتيني
ليلى: هاي منو لبنيه تتوسل بيها
ليث: اقري تاريخ اول قبل ما اتعرف عليج بهواي هاي حبيبتي زوجت وراحت خلص سدي الموضوع
ليلى: شكو محتفظ برسايل ورقم
لو متعود تتوسل لو لان زوجة ماعبرتك هيج سحلت روحك عليها
ليث:: ليلى شنو هلحجي خلص كسري جهاز وخلصي من موضوع
كسرت جهاز وعفته وطلعت من النادى بقى يمشي وراي ويصيح مارد
اريد افهم هو شنو يريد مني احد. دازه عليه ينتقم مني من جهه مهتم وسحل روحه عليه وهسه هيج يسوي ليش شنو ذنبي ياربي
زعلت وعفته وهو ما اتصل ولا سال ولا مهتم اصلا
بعد شهر خابرني ليلى عمري بس تجي اختي من السفر نسوي حفلة المهر ونزوج
وظل يوعد مابعوفني ماعنده غيري ماكو مريه تصير له مريه غيري واحبج بكد رحمة الله حبيبي قلبي شعندي غيرج حبيبتي ام جهالي
كل عقلي مصدكه بلكلام كمت اشتري واجهز واحظر بروحي وطاير من الفرح
كملنا امتحانات ومرت السنه على خير رحت اجيب نتيجه مالتي اني واسمهان
اجه ولد مرحله اولئ
السلام عليكم
ليلى:: وعليكم السلام تفضل خويه
الولد: خاله انتي مو حبيبة خالي ليث وخطيبته
ليلى: اي منو انت
الولد:: اني يوسف ابن اخته........ شكد حاولت اوصل الج بس خالي جان يمنعني الحمدلله هسه لكتج ليش هيج ضعفانه
ليلى:: امتحانات وشغل بيت وهم كلت اضعف علمود البدله ههههههه
يوسف:: يابدله ليش نخطبتي
ليلى:: شنو بيك شيء شنو انخطبت غير خالك وزواجنا مابقه شي له
يوسف:: نصيحة اخ لاخته عوفي خالي مايفيدج انتي انسانه خلوقه وطيبه وبنت اصوال يشهد الله عليه ماكنت راضي على صار لكن ماكدرت اوصلج
ليلى:: صار شي ليش هيج تحجي وياي ترا ماحب الالغاز احجي شكو فض سالفه عليش تلف ودور
اسمهان: اخي احجي شصار وليلي ماتعرف عليش تلمح
يوسف: خالي زوج قبل اسبوع ليش ليلى ماتعرف ماكال لها
ليلى:: أنت شنو جاي تحجي منو ازوج شنو ناصب عليه لو شنو بيك شي أبني
يوسف:: حوبتج ماتروح ان شاءلله تبين بي لانج ما تستاهلين
ليلى:: أنت شنو جاي تخرط مستحيل هذا الشي
اسمهان: هدئ اعصابج خاف هذا لحاله يحجي هو مو خابرج كالج جاي اجهز وكمل كل شي ينتظر أخته تجي هذا شعرفج ابن أخته يجوز يجذب
يوسف:: هو ليحجي الصحيح محد يحبه ولا أحد يصدكه دقيقه عندج فيس
ليلى:: لا ماعندي
يوسف:: تمام هسه دقيقه
طلع صفحته بالفيس تعرفين هذا رجال مو هذا ليث
تعرفين تقرين اقري وشوفي شنو هذا
وكعت بلكاع هو هذا ليش هيج تسوي بيه شنو ذنبي ليش هيج شنو استفاد من كسر قلبي حسبي الله ونعم الوكيل بيك ان شاءلله حوبتي ما تتعداك اخ قلبي
اخ قلبي ولج اسمهان أحبه ليش هيج سوه بيه ليش خلاني أحبه واتعلق بي هو مو حلف مايعوفني شكول لأهلي والبنات شكول للناس هسه مايكولون ليش هيج سوه شكول شحجي
كعد ابن اخته واسمهان يسكتون بيه اني نار بيه كل واحد تعرض لهيج موقف وخذلان راح يحس بيه ويحس بنار داخل صدري
احس عركت كلش رجلي ترجف بعد مابيه حيل خلص ضاقت الدنيا بيه اسودت بوجهي
يوسف:: خاله راح اروح انا محتاجه شي تردين شي
ليلى:: اي اخر طلب عندي هاي حلقه انطيها له وكوله عمري ماسامحه وحوبتي ان شاءلله ماتتعدا
كوله
شايف الف خير خلي جان يحبك للعشك طير
تهنئ ولا تفكر بحالي ودوخ سفينة حبنا غركت واصبحت روج
هذا سبب جفني ليش ذابل وصوت الحزن غرد كلبلابل
كوله ليلى تكولك
روح ب علي تلكاها بأختك
وإذا ماعندك خوات هم حوبتي دور
لو بامك تبين لو بنتك
امانه وصله هذا الحجي وحسبي الله ونعم الوكيل
راح الولد وبقيت ابجي واسمهان حاضنتني
رجعت للبيت مالي خلك الشئ طلعت كل هدايا وعطور جابها لي وكل كلمات جان يكتبها لي وحركتهم كلهم
كعدت ليل ونهار ابجي كل مكان يذكرني بي هنا اجه واهنا تغزل اهنا حلفلي مايعوفني
بقيت ابجي كسرت خطوطي بس بجي بقئ عندي حجيت لبابا وفصخ خطوبه من يمنا وتنازلنا عن شي
كال بس يجي هاي ورقه ياخذها وخلص مانريد شئ منه
كملت العطله بس بجي اسمهان بقت وياي تشجع بيه
تجي يمي بس مايفيد الحجي النار لبداخلي اكبر حبي له اقوه
بقيت اقيم الليل حتى الله يأخذ حوبتي منه
قلبي مات
مابقه عندي لا إحساس تجاه شئ ولا شعور صار مايهمني وجود اي شخص صرت ميته فقط امشي واتحرك واتنفس هيج من لا حوله ولا قوة احس نفسي إنسان الآلي فاقد طعم الحياه
مرت الايام اني على وضعي بلا شعور ولا احساس رغم وجود بابا معي ويشجع بيه حتى ما اتراجع واكمل دراستي واكون قويه
واسمهان حبيبتي وكفت معي بالوقت لي غيرها عافني
مرت العطله واني صديقي الدمع وسهر الليل
وصلت مرحله رابعه كل مكان لازم ابجي بي لان لي ذكرى معه حتى استاذ صديقه كرهته نوب مجذب حتى على استاذ يكوله
زوجة ليلى من شافني وبارك لي
استاذ عقيل: ليلى شلونج شخبارج الف مبروك الزواج كلش فرحت الكم.
ليلى:: اهلا وسهلا استاذ بس اي زواج
استاذ عقيل:: زواجج انتي وليث
ليلى:: ليش استاذ ماتعرف صار لو ما كال الك
استاذ عقيل: شيكول اني بنفسي عازمكم على غده بمناسبة زواجكم كالي اجيب ليلى واجيك بس يصير عندي مجال
ليلى:: ههههههه ههههههه صدك اذا هو رجال خلي يجيبني ويجي عليك استاذ طلع نعال مايسوه خاني شمت بيه ليسوه ولما يسوه عافني وغدرني واني جنت معتبرته اب واخ وصديق وحبيب
عيشني بوهم ماله بدايه ولا نهايه تخيل يكولي جهزي روحج تالي شهر اجي نسوي حفلة المهر حتى نزوج تالي طلع خاطب غيري وزوج غيري اني ماقاهرني هو قاهرني ليش هيج سوه بيه بشنو اذيته حتى ينتقم مني هيج شنو مسويه له
استاذ عقيل: انتي صدك. تحجين متاكده من صار
ليلى؛: ليش هسه اني مو واكفه كدامك مامزوجه وهو زوج وجذب عليه وعلى الكل حسبي الله ونعم الوكيل عمري ماراح اسامحه
كمت ابجي مكدر بس ينذكر اسمه اضعف بعدني أحبه والله العظيم مو بيدي مايرهم لي غيره على ايده علمني أحبه واعرف الحب بس للأسف ظاهر اني ما اناسبه لكه أحسن مني اوف اوف كسرني والله ياستاذ كسرني.
بقى يصبر بيه ويتأسف على تصرف ليث وياي
عفته ورحت لمحاضراتي صرت حبيست نفسي لان مالي خلك لاي شيء ولا احس بطعم شئ تخرجت
بعد سنه من تخرجي وضعي مستمر على ماهو عليه حتى قسمتي توقفت حسبي الله ونعم الوكيل
برمضان 2019 بعد ماكملت تنظيف وفطور وشغل كنت مسويه فيس باسم البنت لي كنت مقرره اسمها من نزوج
رياحين ليث كنت كاعده احجي ويه امي
اجاني اشعار طلب صداقة دخلت لكته هو ارتبكت جسمي كله صار يرجف بعد مكدر اسيطر
كمت لغرفتي وافقت على الطلب معرف ليش ردت اعرف ليش هيج سوه
ليث: مرحبا
ليلى: مراحب تفضل
ليث: انتي ليلى
ليلى: اي نعم ليث تفضل محتاج شي لو ناسي شئ ماسويته بعد
ليث: ليلى سامحيني حوبتج كسرتني. لحد الان مصار عندي اطفال
ليلى: ههههههه ههههههه ههههههه اسامحك ان شاءلله من اشوفك ونلتقي يم الله اسامحك
ليث:: ليلى انتي قلبج طيب سامحيني الله يسامح ليش انتي لا اريد احجي وياج اسمع صوتج
اتصلت بي وكلي قوه واضحك جذب بس داخاي يبجي ويرجف بس حتى يشوف مامتت ورا
ليلى: هلو ليث احجي اسمعك
ليث: مشتاقلج بكد رحمه الله والله مو بيدي صار معرف ليش هيج صار والله موبيدي.
ليلى: ههههههه ههههههه رحمة الله راحت هسه مشتاقلي بكدها لولا
ليث: سامحيني اني مستعد اجي اخطبج من جديد اصلح صار
ليلى: ههههههه اسف ضحكتني ما اخذ فضلات غيري اصلا حاجزه بعد رمضان لتركيا راح اروح اعيش ويه اهلي اهناك اسفه ماتناسبني بعد
بقى يحجي واني اضحك بلاخر سديت خط قوتي راحت وحضرته وكعدت ابجي والطم على خدي ورجلي وادك على قلبي
هو هذا سلمتك له هو هذا شفت شنو سوه لحد الان جاي يلعب عليك اخ ولك لو بس لموت حلال جان هسه متت وارتاحيت من عذابك
بقيت الفجر ابجي وادعي
نمت حتى بلا سحور
مرت الايام. وشهور لا شئ جديد كملت حياتي بقهر قلبي لبعده يرجف لو يمر اسمه
الحمدلله حصلت شغل بدائره حكوميه بيوم من الايام احد مراجعين يوسف
فاجئي بخبر
يوسف: السلام عليكم اختي عندي معامله يمكم
ليلى: وعليكم السلام اي اخي يوسف
يوسف: ليلى انتي موظفه اهنا
ليلى: اي الحمدلله مصار زمان من توظفت اهنا شخبارك وين صرت
يوسف: الحمدلله زوجت صار شهرين وعايش
ليلى:: الف مبروك الحمدلله
يوسف: تدرين جنت مقرر ازوج بيتكم انتي وخالي جنت اكول لخالي هيج يكولي أنت وليلى تنجاز
ليلى:: ممكن سد موضوعه
يوسف:: تعرفين خالي بي مرض خبيث جاي يتعالج
ليلى:: صدك تحجي من شوكت هاي
يوسف: اي خاله والله جاي يتعالج حالياً
ليلى: الله يشافي ان شاءلله
كملت حياتي شغلي واهلي وان شالله يجي يوم ربي يعوضني بابن الحلال
هو مريض جاي يتعالج ولي سمعته قبل فتره إن الحمدلله صاير احسن متعالج كيمياؤي
لحد الان مصار عنده اطفال
الله يرزقه ويرزق الجميع
مازلت لا اؤد. أن اراه. يتألم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
