رواية عشكني ابن شيوخ الفصل الثاني عشر بقلم مجهول
هلووو حبابيبي اسفه عل تاخير يلا نبدا.....
مر يومين على سالفه ابن خاله رغد عاد ليوم دزتلي الضهر
.. هلو سلوو سمعي ليوم حيجون امي وخالتي يفاتحون امج بلموضوع
.. عزه خرب اوك
.. تمام حبيبي
.. متجين وياهم
.. لا يمعوده ماريد اتفشل وكتلها لامي سلار مقبلت كالت نروح ونشوف عبالك دجذب عليها
.. ههههه خطيه خاله ماريد احطها بموقف محرج كلش احبها واعزها
.. حياتي الله شاهد هيه هم تحبج ودائماً تمدح بيج حتى اكثر مني عابتلج
.. ههههههه اويلي يابه
.. ههههه يلا حب اروح اني همه العصر يجوكم كولي لامج
.. اوك حب الله معاكي
.. مححح
سديت الخط منها
حرت شسوي رحت لمرام وسولفتلها
.. شون شنكوللها لعمه؟
.. والله ماعرف بس باعي حكللها ام رغد حتجينا ليوم
.. ي كليلها هيج
.. اوك
نزلت دكيت باب غرفتها طبيت
.. ماما اريدج
.. ها سلور كولي
.. ماما رغد كلتلي ليوم امها جايتنه هيه وخالتها
.. اي هلا بيهم ، كالتها بشبه استغراب
.. حبيت اطيج خبر
.. تمام اكوم احضر كم شغله
.. اوك
راحت امي للمطبخ حضرت حلويات وسوالف ضيافه
تقريبا. بحدود ال٦ اندك الباب كتلها لمرام فتحي انتي ماريد اني افتح
.. اوك
راحت فتحت الباب ودخلتهم بل خطار كعدو ماما راحت سلمت عليهم اجتي مرام
.. روحي سلمي عيب
.. ماريد اهوو
.. نجبي علمود صديقتج عيب
.. اي اي صح خلروح
دخلت
.. سلام هلو خاله ، وبست ام رغد وبست ام فرات
رحت للمطبخ حتى ننطي الضيافه اني ومرام
صبينا كلاصات مي ورحت قدمته ام فرات منزلت عينها عليه يوهه شون مصيبه
جنت لابسه بجامه فانيله وشعري شايلته كعكه
بعدين جبت عصاير وكعدنه اني ومرام وحده بصف الثانيه سولفو وتعرفو جان يفتحون موضوع هنا شويه واموت
.. ام سلار جاييج بموضوع ونشالله متردينه
.. تفضلي ام رغد حياج شنو موضوع؟!
.. والله يا ام سلار جايين نطلب ايد بنتج لابنه
كلنا اول شي نفاتحج بل موضوع كبل لا نحجي للزلم
.. والله يا ام فرات ويا ام رغد جيتكم هاي على راسي ونتشرف احنا ناس طيبين انتو وهاي رغد ورده مال الله من تربيه واخلاق بس والله اولاً دتدرس ثانياً هيج قرار وهيج موضوع بيد ابوها وابوها مينطيها من هسه اخبركم بهيج موضوع ليش نتفاشل ولو نشالله ماكو اس فشل بينا
.. كلامج على عيني وراسي بس هم سئلي الوالد بلكت يوافق والله ابني شاريها لبنتج سلار اول ما شافها جاني يكلي يمه اريدها خطبيلي ياها قصص وروايات عراقية كرار صلاح
واختي ام رغد تعرفكم حق المعرفه وسلار مثل رغد اخلاقها وتربيتها الله يستر عليها
.. الله يسلمج حبيبتي ويحفظ اولادكم بكق الحبيب محمد والله انشوف رأي ابوها لان هوه بس هل وحيده عنده وياخذ رايها قبل كلشي فلهذا ماعرف شكلج نشالله يجي وافاتحه بلموضوع
.. نشالله خيه ، ام رغد وام فرات
.. نشالله
.. احنا نترخص حبيبه ام سلار
.. وين وين مضيفناكم بعدنه
.. لا حبيبتي جاي نجربكم كافي ملكاكم الطيب ، ام فرات
.. تدللون عيوني تشرفنا بيكم
.. النا الشرف ، ام رغد باوسناهم وراحو
طبت امي للبيت
.. وين شافج يمه هذا ابنها؟
.. بعيد ميلاد رغد يمكن
.. مو كلتي بس بنات ،
.. اي والله بنات بس هوه دخل دياخذ اهله
.. اها همه خوش ناس وصديقتج رغد طيبه وورده مال الله بس لا اني ولا ابوج نقبل رح اكله لابوج حتى يصير بعلمه بس هوه ميقبل
.. اي احسن لان اني هم ماريد
.. تمام
.. لج همزين موافقتو
.. اي اوه
لميت الخطار مرام صعدت تصلي
رحت لميت المطبخ
.......
# سلطان:
ليوم رجعت من الديوان راسي ها كبره صار من لغاوي سلمت على امي وحبوبتي
.. هلا يابو طول لحلو هلا بنظر عيني، حبوبتي
.. هلا يمه الله يساعدك،
.. هلا بيكم ويساعدج يمه
حبيت راس حبوبتي وراس امي
.. يمه حضريلي الغده عل ما اصعدن ابدل
.. حاضر يمه وهم اريدك بموضوع
.. نشالله خير
.. خير يمه خير
صعدت لغرفتي دخلت سبحت خلصت بدلت لبست دشداشتي ومشطت شعري تعطرت ونزلت
كعدت على السفره سميت واكلت
.. ايه يمه شنهي السالفه ؟!
.. يمه خلص اكلك اشربلك جاي يعدل مخك واكلك شنهو السالفه
.. براحتج حجيه
كملت اكلي شربت جاي
.. اي يمه يمه سلطان لمتى انته تضل هيج لا مره دارينك لا اولاد يشيلون اسمك يمه ليش ما راضي تزوج اريدنك مرتاح عائله تكونلك ومره تلم حاجتك يمه اريدن افرح بيك مره ثانيه واريدن اشوف اولادك
.. يمه كلامج عين العقل بس منهو كالج انه ما مفكر بلزواج او ما راضي بلعكس انه اريدن ازوج واكو وحده براسي اريدن اخذها لو اسوي المستحيل انه اخذها
.. صدك يمه الله وايدك دفرحنه يا عيوني ولو انه جانت اكو وحده بالي عاجبتني كلش اريدها الك
.. منهيه؟
.. سلار اخت سيف يمه بنيه حسب ونسب وجمالها ياخذ التايهه بس بيها شغله شوي ضوجتني بس تتغير اكيد بعدها صغيره
.. شنيه هيه الشغله ؟
.. يمه ما لابسه حجاب يعني لبسها ما مستر كلش بس عليها ادب واخلاق الله يحفظها
.. يمه اذا صدكين انو هيه الي انه رايدها وخاشه بعلقي ماكو هيج
.. صدككك يمهههه ، لزمت بدايه دشداشتها ودعت، ربيي كون تصير من نصيب هل وليد وتفرحه وتفرحني نخيتك يا ربي اريدها منك
.. ههههه يمه هيج انتي حبيتيها ؟!
.. اكثر ما تصور بس يمه اني خايفه من شغله
.. شنيه
.. خافن ابوها ما ينطيها لانك متزوج وهم فرق العمر
.. ينطي ماعتقد انو يرفض لان رح يصير مفاشل وبعدين احنا منطينه بتنا اشلون ماينطي
.. اي صح الله يسهلك وتكون من نصيبك يبعد كلبي
.. اوفف ياريحتج يا يمه ، بستها من راسها وحضنتها
.. الله ينور طريقك وتكون من نصيبك يبعد عيني
.. امين يمه امين
بستها من خدها وكمت ارتاح فوك صعدت نجطلت على الجربايه لزمت التلفون ضليت اكلب بي عاد دزتلي رساله مرام
.. شونك سلطان متسأل متكول اخيتي اشوف شونها ما شونها
.. هلا حبيبتي يبعد كلبي شونج مرو والله المشيخه متعبتني خيتي
.. حبيبي مالك غير سلامه
.. الله يسلمج شونج اخبارج شونه سيف زين وياج خو ما مضوجج
.. لا والله شايلني بعيونه
.. عيالج شونهم مرتاحه
.. ناس طيبين مشفت منهم بس الضحكه الله يخليهم الحمدالله مرتاحه انته نشالله مرتاح
.. والله يا مرام اريدن مره
.. صلواتتت كليلللش فكت الچبسه
.. ههههه تعرفين انه المن اريد؟
.. اذا اني ماعرف منو اليعرف
.. هاه شون عرفتي
.. انته تريد سلار
.. اي بس شدراج؟!
.. والله ياخويه مبين منك
.. هههههه ملعونه
.. بس سلطان اسمع حكلك شي
.. كولي
.. تره سلار جوي ناس الها
سمعت هل جلمه جفلت من مكاني وكعدت على حيلي
.. شنووووو شكلتيييييييي ، بلعت التلفون بحلكي بلصياح
.. عزههه اذانييي شبيكك سلطان بس خل اكمل لا تعيط
.. شسمععع صدك تحجين انتي
.. بس اسمع الله يخليك
.. احجييييي
.. همه اجوها بس رفضوو
.. متاكده مرام لا تخبليني
.. والله وداعتك ونبي محمد رفضو لا سلا وافقت ولا اهلها
.. اوهههه ريحتي كلبي اقسم بالله لو موافقه جان جنزتهاااا
.. سلطانن لا تستعمل صيغه الامر وصيغه القسوه خليها تحبك تقرب منها تعامل وياها بلطف لا تخليها تكرهك
.. شون تردني بهاي سوالفها ولبسها اضربلها تحيه مثلاً
.. سلطان انته مالك سلطه عليها فلهذا ضوج من تضل تحاسبها احجي وياها بتفاهم حتى لا تكرهك بل ازيد
.. خل تكرهه بكيفها اخذها اخذها والله
.. اصلاً اتمنى تصير الك ماكو مثلها بس مو كلشي بل اعصاب وبل غصب دردش وياها تناقشو ليش تعصب
.. الله كريم همزين كلتيلي بموضوع الخطبه حتى هلفتره اجي اخطبها
.. صدكككك تحجييي؟؟؟؟
.. اي والله
.. الله يسهلك بس تفاهم وياها اول
.. نشالله يلا اني اريدن انام الله وياج دربالج على نفسج
.. نشالله الله وياك حبيبي مع سلامه
.. باي
سديت الخط صفنت والف فكره براسي شون مشكله هاي طفله هيج تخبلني اوفف ربيي
كلت لازم هلفتره اخطبها حتى لو نطول بلخطبه المهم تصير باسمي فكرت فكرت الا ان نمت
..
كعدت بحدود ال٦ اووو هواي نمت نزلت جوه شفت امي وحبوبتي كاعدين بلصاله يسولفون ومعللين الجاي وكعك
.. سلام عليكم
.. هلا يبعد هلي، حبوبتي
.. هلا يمه صح نوم
.. هلا بيج حبوبتي ، بستها من راسها
صح بدنج يمه يمه فد جاي من ايدج الحلوه
.. مو تدلل ، صبتلي الجاي بديت اشرب
.. يمه چا الحجي وينه
.. صارت عنده شغله وطلع
.. نشالله خير وفراس وينه ، الميتذكر فراس اخو سلطان تك التؤام مال مرام ،
.. طلع ويه ربعه
.. ولك انته شوكت ناوي تتزوج ، حبوبتي
.. حبوبه نشالله قريب
.. صدك تحجي ساعه لمباركه حبيبي
.. الله يبارك بيج ادعيلي يصير لاريده حبوبه
.. اذا الك ما ادعي چا المن ادعي
.. الله يخليج النا حبوبتي
.. ويحفضلي ياكم يبعد هليي ، دك موبايلي فتحت الخط صارتلي شغله سلمت وطلعت ...
# سلار:
.. ماما
.. ها
.. كلتي لبابا على ام فرات
.. اي ليش؟
.. شكال ؟
.. رفض
.. اي همزينن
.. بس بتي هسه لو بعدين هم رح تزوجين اذا مو هسه بعدين
.. اعرف ماما بس ماريد هسه
.. الله كريم
.. شنسوي عشى؟
.. سيف كال حجيب عشى من بره لا نسوي، مرام
.. تمام
اجه سيف جاب العشى تعشينا
.. باجر نشالله التحق
.. يمه تروح وترجعلنا بسلامه
.. امين نبع الحنان
.. تروح وترجع بسلامه، كلنا
،
مشى هذا الاسبوع عادي مابي احداث ورجع سيف من التحاقه باجر ياخذ مرام ويرحون للبصره علمود الكليه لان دخلنا شهر التاسع ولدوام قرب مرام كلتلي تعاي بس مكدرت امي وحدها ، راحو من صبح ولبيت ملل كلش حرت شنو اسوي نفس الروتين يوميههه مليت بس شنسوي نكول الحمدالله
،،
#سلطان:
ليوم جتي مرام وسيف كعدنا سوالف تغدينا كلت اليوم افاتح سيف اخذ رأيه بموضوع سلار لان بعد ماتحمل اشوفها تجيها خطابه وانه منا عقل مباقي براسي خلصنا غده على جاي على ماي وراها كل واحد راح لغرفته بقه سيف
.. رايدك بموضوع خليك
.. تمام
اشر لمرام تروح
بقينا انه ويا كاعدين
.. الله بلخير عليك
.. الله بلخير كول
.. سيف اسمعني عدل شوف يا طويل البال انه اريد افاتحك بموضوع اختك سلار انه رايدها على سنه الله ورسوله حبيت افاتحك بلموضوع اخذ رأيك
.. والله يا شيخ الي شرف اتشرف بيك وعلى راسي مالكه احسن منك لاختي واحنا هم صرنا اهل بس والله اخبر الوالد نشاور بهل موضوع ولازم ناخذ رأيها لسلار
.. الي شرف حبيبي اكيد نشالله
.. ارجع لبغداد ويصير خير
.. سيف انه رايدها منك
.. تدلل حبيبي
خلصنا حجي راح للغرفه ارتاح كلبي ولو شويه
...
# سلار:
مر يومين ورجعو سيف ومرام
تغدينا وخلصنا شو سيف وراها كال
.. يابه رايدك انته وامي بموضوع
.. كول ابني
.. يابه على انفراد ، كامو طبو لغرفه امي وابويه
بقينا اني ويوسف ومرام واحد يباوع للاخ ههههههه
.. شبينا احنا نجكك متحجون كدامنا، يوسف كال😂
.. متعرفين شي مرام؟!
.. لا والله حالي حالج، مرام متعرف سيف محجالها
" بلغرفه"
.. يابه شيخ سلطان اخو مرام
.. اي ابني شبي؟
.. رايد سلار
.. صدك تحجي ، الام
.. اي والله يمه
.. والله ابني مادري شكلك همه ناس ذهب وبتهم صارت بتنا وبكته من ردناها مترددو وطونه ياها بس اختك خاف تفشلنا ما مفكره بلزواج هيه
.. يابه شكو بيها رجال شيخ وينشد بي الضهر
.. بس يا ابني هوه مو مزوج
.. يابه هوه انته هم حاسبه متزوج ذيجيه مرته تسمع حسك بينهم برود من سنين متخلف وهيه طالبه منه انو ما ينجمعون بس بل اسم مرته
.. والله مادري شكلك
.. يمه سيف هوه مال خوش رجال صدك خوش رجال بس اختك شايله فكره الزواج اصلاً شون توافق؟
.. يمه معليج اني عليه خلينا اني اعرف شون اقنعها
.. يمه دخيلك مو تتعاركون انته وياها تره هاي عقلها يابس ومخبله
.. يمه شبيج خايفه كتلج عليه بس اول اخذ موافقه الوالد شتكول يابه!
.. والله اني موافق بس اذا سلار ما قنعتها وما وافقت انيهم ما اوافق اني بس هلوحيده عندي ما اجبرها على شي
.. نشالله يابه يلا من رخصتكم
، طلع سيف من الغرفه ووجهه يضحك عكدنه حاجبنه احنا ال٣
.. خير يا طير، يوسف كال
..خيرر خير ، سيف، كالها وباوع عليه وحجه ، سلار تعاي اريدج بموضوع
اني هنا حيلل ستغربت باوعت علي شويه وكمت
.. ها ! اي جيتت
صعد لغرفتي طب طبيت ورا
.. تعاي كعدي يمي ، كالها وهوه كاعد على جربايتي وياشر بيده عل جربايه
.. اوك
كعدت بصفه وجان يحمحم وكال
.. سمعي سلار حبيبي الي رح احجي ماريد تقاطعيني بي سمعيني للاخير تمام مو كبل تكمزين وتتخبلين عليه تره ايدي والضرب، كالها بشقه🙂
.. ههههههه احجي حموت خوف
.. ماكو داعي للخوف نشالله خير سمعي حبيبتي انتي كبرتي وعقلج جبير وتدركين الامور وتعرفين شون تصرفين معلينه من جانبج الطفولي بس عقلج جبير وكت الجد واني اريد منج هسه بما انو احنا هسه بموضوع جدي اريد منج تكبرين عقلج وتركزين بكلامي زين وبتفاهم بدون لغوه او احجي زايد ' شوفي سلور اني من خطبت مرام اهلها وافقو بسرعه لو لا؟ معلينه بمرام جانت تحبني واحبها لا داحجي على اهلها ؟ انطو لو لا قصص وروايات عراقية كرار صلاح
.. هاا ا اي انطو بسرعه ماطولو
.. زين ، واذا سلطان طلبج يصير احنا نرفض ؟ وهوه خوش انسان ورجال يعتمد علي وشاريج وعاجبته
هوه كال هيج واني احس طابوكه ووكعت على راسي كتلهه
.. شنووووووووو
.. صوتججج ولج خربب هاا شكلنه سلار مو كلنا نريد تفاهم ! ليش تعيطين
.. سيف شتحجي عفيه
..سمعيي سلاررر دنحجي بهدوء ردكي وركزي وياي
.. اوك ، غمضت وعيني وفتحتها وهديت نفسي خنشوف وين يوصل
.. سلطان رايدج على سنه الله ورسوله فكري زين و لا تستعجلين لان بنهايه هاي حياتج يا كلبي لا تسرعين ولا تخافين اي قرار تختاري احنا وياج بس يا سلار ثقي بالله اني لو ما هوه خوش انسان وما يعتمد علي ثقي مجان حتى فتحت موضوع وياج ولا جان كتلج نهائياً بس هوه خوش رجال ويحبج ليش ترفضي
.. سيف حجيك على عيني وراسي بس اني عندي اسبابي
.. شنيه اسبابج كليلي فتحيلي كلبج ولا تخافين ابدد اني سندج واخوج لو شما تكليلي مستحيل اتهجم عليج او أئذيج انتي اكو اجد بحياتج؟ احد مفكره بي كليلي لا تخافين مستحيل أئذيج كليلي شنو اسبابج كلهن!
.. لا لا ونبي ماعندي لا مفكره باحد ولا اكو احد بحياتي نهائياً
.. لعد ؟
.. سيف اني طوري غير عن طوره اني مو محجبه لبسي يختلف تفكيري يختلف حياتي تختلف هوه مبين متعصب ومشدد اني وين اكدر لحياته وبعدين متزوج شناقصني اني حتى اخذ واحد متزوج واوكع على ضره ؟
.. حجيج مو مبرر يا حبيبتي اما عل زواج من حقج صحيح حجيج شوفي سلار هوه وزوجته من زمان بينهم برود يعني ميتوددلها وهيه متخلف يعني بس عل اسم مزوجين ماحو اي فعل اما على لبس والحياة سلار هسه او بعدين حتزوجين واحد حيحجبج وحتتغيرين باطباعج يعني مو اول ولا اخر وحده تتغير علمود شخص
.. سيف حظي واعرفه رجعلها شون ؟ توددتله وغارت شون ماتحمل اني هيج شي
.. سلار هيه اصلاً جانت تتوسل بي حتى يزوج من يزوج تتوددله فكري زين يا كلبي
.. سيف اني عندي طموح واريد اكمل كليتي واطور من نفسي وين يمشي عدهم هيج شي
.. ليش مرام مبطله؟ حابسيها جانو؟
.. لا بلعكس كانو عايشه هنا بس محجبه
.. اي خلص بعد شكو اما عل حجاب سلار من حيكلج تحجبي غير من خوفه وغيرته عليج مو صح؟ اذا جبرج عل حجاب او فتح موضوع وياج غير ميريد احد يشوف شي ملكه سلار سلطان مو امدح بي بس رجال من رجال اتمنى تفكرين زين يا كلبي واي قرار تختاري كتلج اني وياج بس فكريي زيننن تمام ؟
.. تمام حبيبي ،
باس راسي وطلع
صفنت ودمعه بعيني ياربي شسوي
صفنت على طريقه سيف وهدوئه وشون يحجي والله لو غير أخ جان ضل يعيط واصلاً مجان اخذ رأيي نهائياً جان هوه انطى موافقه من كيفه الحمدالله الله انطاني هيج اخوان ربي اهديني علطريق الصحيح تفكير تبع دماغي ماعرف شنو اسوي ضليت بغرفتي افكر
بعدين وره ساعتين دخلت مرام
.. مرام عرفت شنو الموضوع
.. مرام تعالي كعدي راسي حينفجر من تفكير
.. ليش حبيبتي المن كل هلتفكير صدكي اخويه رايدج ويحبج فكري زين ورتاحي
.. تمام حبي رح انام شويه
.. اوك
طلعت مرام غفيت شويه كعدت
حجيت ويه البنات وكتلهم على كلشي كلولي وافقي ومتخسرين ورغد هواي شجعتني انو اوافق وخاصتاً من دزيت صورته ماتووو كالولي مخبله اذا موافقتي ، صورته اخذتها من الواتس لان لبنات لحو يشوفو ف هوه مو جان يدزلي بل واتس عاد دزيتلهم الصوره خلصنا حجي طبيت على صورته صفنت بي بملامح صدك كلش جذاب وحلو وشخصيه شبيه جان معمي على عيوني ما مفكره بي ضليت صافنه اوافق ما اوافق ياربي شسوي كلت خل اروح اتوضى واستخار توضيت ولبست المحرم فتحت القران سميت بالله ونويت
غمضت عيني وفتحت القران لا تعيين وجان كبل يطلعلي
" وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ (216) ..." ، صدق الله العلي العظيم،
صفنت بل ايه سبحانك ربي نشالله خير سديت القران وبسته ورجعته بمكانه وكعدت عل جربايه دقايق من تفكير وصفنه قررت القرار الي حسيته اصعب قرار بحياتييي ..........
