رواية كان اخي الفصل الثاني عشر بقلم مجهول
ملك:كتلك ماجي خما كووة
هيثم: عييب هالحجي شنو ماجي يعني تريدين اسحلج واخذج للبيت.ترى عادي ماعندي مشكله
ملك:لاوالله..شوكت مااريد اني اجي بس مارجع وياك
هيثم:اللهم طولج ياروح.انتي شنو بس عناد يله عاد امشي كدامي وكلمه لاتحجين شنو اضل واكف انتضرج
ملك:ماكايلتلك انتضر داكلك روح واني ارجع وحدي
هيثم: ماريد نتعارك عند الناس وهاي مال ارجع وحدي سوالف الافلام عوفيها ومثل خوش ادميه تمشين كدامي وهاي اخر مرة اكلج ملك ترى وصلت حدها وياج
شفتو حيل مصر وماراح يروح كلت خلي اروح وياه احسن بس ماعديها لوة
رحت وياه وكل الطريق واحد يكبس الثاني يرفع
هيثم:هالمرة اعديها الج هاي السالفه مال تروحين يم صديقتج وبدون ماتنطين خبر
ملك: موضروري انطيك خبر
هيثم:بعد بعد طولي السانج بعد انطيتج وجه زايد يمكن
بس يصير خير
ملك:بعد الي سويتو انت ماعتقد راح يصير خير
هيثم:موعساس كتلت الخلفج..
وصلنه البيت كبل فتت للغرفه وسديت الباب.رجع دك الباب عليه
هيثم:ملك افتحي الباب
ملك:مافتح الباب
هيثم:افتحي داكلج
ملك:شتريد
هيثم:افتحي لا اكسرو
رحت فتحت الباب
هيثم:شوفي ملك الصار البارحه ماريد احد يعرف بي ابد
بعد شوي راح تجي امي وهبه ماريد يعرفن بالصار فهمتي
ملك:لعد احبج واحبج وانت اهلك ماترديهم يعرفون
هيثم:لاياثوله اني اقصد لان بستج.وصدكيني مومهتم ابد اذا يعرفون اخر همي.المهم ماريد احد يدري فهمتي
ملك:تمام
رجعت سديت الباب ونمت كعدت العصر على صوت عمه سميه وهبه اجن.طلعت من الغرفه وسلمت عليهن
سميه:ها ملوكه شونج
ملك:الحمدلله بخير
فتنه للغرفه اني وهبه
ملك:ها هباوي شخبار العرس طيبه مو
هبه:اي كلشش طيبه حرامات ماجيتي ويانه
ملك:اي والله لوجايه احسلي بميت مرررة من ضلتي هيين
رحت سويت عشه وكعدنه نتعشه
هبه:يووم اريد تخت ابو النفر انام علي بالغرفه والله ضهري كاعد يوجعني من نومه الكاع.وهديل تزوجت هوبس اني وملك
سميه:ميخالف عود هيثم يروح للسوك يشتريلجن انتي وملك
هيثم:لازم ابتليت بيهن .نومه الكاع هوايه عليهن
سميه:شدعوووة عااد هو بس هنه بالبيت شعدنه غيرهن
هبه:والله شعليه تروح تجيبلنه وباجر هم
هيثم:اروح على مزاجي فهمتي؟
خلصنه عشه ورحت اغسل المواعين وهبه راحت سوت جاي بعد شوي اجه هيثم للمطبخ
هيثم:وين الجاي
ملك:بعد ماصار
هيثم:هو جاي قابل شنو يعني ثواني اريد الجاي يمي
كال هيج وطلع مارديت علي...بس حيل ضايجه ومخنوكه احس اريد نرجع مثل كبل ماريد هاالسوالف تخرب الي بينه
صبيتلو جاي ورحت وديتلو اخذو شرب منو وردت اطلع صاحني
هيثم:هذا جااي اله مصيص شيلي من هيين ماينشرب مره ثانيه سوي جاي بي خير
ملك:مواني سويتو هبه سوتو
هيثم:اي ماشالله وحدة تغطي عالاخرة
رجعت للمطبخ واحس مدي اكسر المواعين بوجهو
خلصت شغل ورحت بغرفتي ادرس .خلصت دراسه والساعه صارت11ونص كلت كافي خلي انام عندي مدرسه .فرشت فراش ليه وتمددت.هس غفيت وندك باب الغرفه
ملك:منوو فووت. باوعت هيثم
هيثم:كومي اكوي قميصي باجر عندي طلعه
ملك:يعني متشوفني نايمه هبه كاعدة روح كوللها خلي تكوي
هيثم: ماتعرف تكوي هبه كومي انتي
ملك:يعني شنو يرادلها هاا اريد انام عندي دوام غطيت راسي وماكمت
هيثم:خير انشالله بسيطه
كعدت الصبح ورحت للمدرسه كملت دروسي ورجعت شفت كيه واكفه يم الباب وهيثم ورجال كاعد يتسولفون فتت للبيت تلكتني هبه
هبه:همزين جيتي تعاي شوفي التخت الي جابو هييثم
فتت للغرفه باوعت جايب تخت لهبه حيل حلووو يخبل وبي تاج ومرايا.بس باوعت بس واحد لهبه موجاييبلي
ملك:شو بس الج
هبه:والله مدري هو جاب هذا بس ..سألتو ماما بس مارد مدري..
شكد ضجت يعني ليش هيج بس لهبه ماجابلي يعني معقوله لان بس البارحه ماكويت قميصو هيج سوة .لعد صار سنين كل الصخرات براسي حتى خواتو مايصخرهن بكدي..نقهرت حيل ورحت للمطبخ تااحمي الغدة الي فااتت عمه سميه
سميه:ها بنتي رجعتي من المدرسه
ملك:اي....ليش موجايبلي تخت هيثم شو بس لهبه
سميه:والله يابنتي ماعرف يجوز مالكه بس واحد اوشوف شنو السبب
ملك:لاعمه لاتبررين يعن سوك شكبرة بس واحد يلكي مبينه مايريد يجيبلي عادي براحتو
بصراحه دمعت عيوني وحسيت ماالي قيمه .يعني لو اقبل على كلشي يكولو حتى اذا يكلي احبج اكلو اني هم لو هيج يسوي.ضميته بكلبي وكلت ميخالف.حميت الغدة وتغديت.رحت للغرفه تاانام وهبه مومصدكه كل شوي تكوم وتكعد عالتخت ثولتني
ملك:اهووو خبصتيني كافي عاد خلي انام
هبه: هههههه حقج حقج معذورة.لان ماحصلتي مثلي
ملك:وعلى شنو تضحكين هااا فد شي يعني .ترى موكاتله حالي علي مثلج
هبه:واضح واضح .كملي نومتج بالكاع حبيبتي احسلج
نغثيت من كلامها واستهزائها بيه.هبه صح مرات زينه وياي بس عدها خباثه هم بشغلات وتحب تضوجني.
نمت وكعدت العصر على صوت خطار يمنه وهوسه
باوعت اخت عمه سميه(منتهى) اجت هيه وعيلتها طبعا عمه منتهى كل فترة طويله هيج تجي تبقى كم يوم وتروح بيتها داخل المدينه عدها بنت وحدة اسمها صفا عمرها 20 سنه كلش نازوكه وتحب تلبس وتترتب .وولدين اصغار
منتهى:هلا
ملوكه شونج شخبارج
ملك:الحمدلله بخير انتو شونكم
صفا::هلاوووو مللك شونج حبي
ملك:هلا حبيبتي صفا تمام بخير انتي شونج
صفا:والله من وصلتكم صرت احسن ههه
سميه: هبه جيبي مي الخالتج
هبه:اي يوم
صفا:اوكفي هباوي خلي اجي وياج
كعدنه نسولف ورحت للمطبخ اسوي جاي وصبيت للكل
وفتت للغرفه ورى شوي فاتن هبه وصفا
صفا:الله شنو هالتخت الحلو يخبل هذا المن
هبه: الي.اليوم جابو هيثم
صفا:لعد وملك ليش ماجاب؟
هبه:شعرفني شعليه اهم شي اني هههه
صفا:هههههه اي والله كلمن يكول يانفسي
اجت عمه سميه
سميه:ملك تعاي
رحت عليها
سميه:هيثم جاب مسواك للعشه روحي شوفي شنو جاب وسوي عشه وكثرن لاتقللن لان تعرفين عيله منتهى هين ماريد الاكل قليل وخلي هبه تعاونج لان ضهري يوجعني مكدر اضل واكفه
ملك:اي هس
رحت للمطبخ باوعت هيثم واكف
هيثم:هاي جبت لحم ودجاج شوفي شسوين
مارديت علي اخذت المسواك وكمت اكطع باللحم والدجاج باوعت الوكت تأخر كمت اشتغل عالسريع صحت هبه تجي تعاوني بس ماجت .مادام صفا هين هس تلطش وياها اعرفها
خليت الدجاج بالفرن وسويت برياني وحمست اللحم.احس تعبت معد اكدر.فاتت هبه وصفا للمطبخ يضحكن
ملك:هبه بس تعاي سوي السلطه
هبه:اهوووو عاد انتي سويها
ملك: هيه سلطه قابل شنو .ماكاعد الحك وحدي
هبه:والله مشكلتج ماعليه امشي صفا امشي خل نطلع للحديقه الجو حيل حلو برة
صفا: يله امشي
رحت سويت السلطه ورحت عالبيت صاير هوسه عالسريع عزلتو ولملمتو رجعت للمطبخ الدجاج بعد يعوزلو والبرياني هم شوي يعوزلو.صارت الساعه7وربع والدنيا واليل بالشته يختلف.اجت عمه سميه للمطبخ
سميه:ها بنتي ماصار العشه
ملك:لاوالله بعد الدجاج ماصار
سميه:شعجب
ملك:والله خليتو كبل بس جامد جان حيل من جابو هيثك على مود هيج طول
راحت عمه سميه ورى شوي اجه هيثم
هيثم:هااااا عشه لوشنووو مومتنه جووع
مارديت علي
هيثم:يله خلي العشه
ملك:بعد ماصار
هيثم:وليشش ماصاار هااا ليش شنو جنتي تسوين من شوكت جبت المسواك اني هاا
ملك: كااافي عادد تصيح هو من جبت المسواك واني بالمطبخ ماطلعت ..بعدين ماتشوفني وحدي قابل اصير ميت وصله
هيثم:وين هبه
ملك:مادري برة يمكن ويه صفا
طلع ورى اجت هبه للمطبخ وجها مكلوب
هبه:ليش رحتي كلتي لهيثم ما تعاوني هااا
ملك:والله ماكتلو هو سألني عليج لان شافني وحدي وكتلو برة
هبه:اسكتي اعرفج سوسه ورحتي تكوليلو لان ماعلونتج
ملك:والله العضيم ماكتلو هيج
هبه: بس مادام اجه ورزلني اشو من صحيح فلاعاونج وطبج مرض
كالت هيج وطلعت...ياربي هاي شبيها
ماهتميت حيل الها كلت يجوز لان رزلها كدام صفا انحرجت. باوعت الداجاج استوة الحمدلله رحت صبيت العشه وكعدنه كلنه نتعشه وصفا وهيثم بس يشاقون ويضحكون .صفا يعجبها من قبل تضل تشاقي هيثم واحد يقلد عالثاني
صفا:ادري انت مو راح تصير مخضرم شوكت تزوج وتفضنه
هيثم: اليسمعج انتي مزوجه .عالاقل اني شاب بس انتي بنت ولوماعتقد احد يفكر يباوع عليج اويخطبج ههههه
صفا:هههه غير انتضرك ابن خالتي هههههههه
هييثم: ههههههه..اي بس هاي ضلت احرك نفسي وماخذج
صفا:اووووو عساس ميته عليك .اصلا اني يوميه يجوني خطابه بس امي ماتقبل
هيثم:يعني اعترفتي انو امج ماتقبل وله لو عليج تجلبين برجلين اليجيج بس يتزوجج هههههه
بقو يشاقون ويضحكون خلصنه عشه ورحت سويت جااي صبيت وديت الجاي للغرفه باوعت هيثم ماكو رحت وديتلو جاي للغرفه مالتو فتت انطيتو الجاي
هيثم:شون امتحاناتج كاعد تجاوبين زين
ملك:اي
طلعت من الغرفه والجهال كامو يلعبون ويه مصطفى وهوسه البيت رحت اغسل المواعين وكامت تعاوني صفا كل شوي اروح اعزل البيت وارجع اعاون صفا.بعديت فتت للغرفه وخليت كتبي بالجنطه خفت لاالجهال يكشموهن وطلعت.ورى شوي سمعت هبه تعيط وتحجي رحنه عليها
هبه:منو كاااسررر المرايا مال التخت مالي
سميه:خير ليش شبي
هبه: مادري يوم واحد فايت للغرفه ومخبث وكاسرها
ملك:صددك تحجين
هبه:اي عيني صدك بعدين لاتسوين نفسج ماتعرفين ليش منو غيرج فات للغرفه اكييد انتي
ملك:شنو هالحجي هبه عيب شكاعد تحجين
هبه:اي اكيد انتي ماكو غيرج يسويها لان شفتيني عندي تخت وفرحانه معد تكدرين......
