رواية اسود توب الفرح الفصل الثاني عشر بقلم خالد أسامه
تعالي بان
اي جيت
انتهاء شكو ليش منتصر معصب
ماعرف والله شو هو جاي متعصب من بره
والله صدك رحت بيها اني اليوم
دخلت والف ايه قريت قبل لا ادخل
بسم الله
ها منتصر محتاج شي
تعالي .اوكفي اكبالي
واكفه اهنا
كتلج تعالي اوكفي اكبالي
مو انت اعصاب منتصر
يعني تعرفين نفسج مسويه غلط وخايفه تواجهيني
لا والله مسويت شي
لتحلفين .كليلي ساعه بيش هسه وحضرت جنابج رجعتي من المدرسه اني بطريق رجعتي شفت الشارع فارغ والبنات رجعن لبيوتهم
وانتي تفترين عاجبج تنكتلين بس متعرفين شلون
كام جرني من شعري
ااااخ منتصر والله مسويت شي شبيك
ويامن رجعتي
ويه خالد
واني شكايل ع خالد
والله هو جبرني اصعد
شنو جبرج كليله اخويه ميقبل
كتله والنبي اني اصلا ما احب التقي بي ولا احجي وياه
بس هو جلب وكلي اذا مصعدين انزل اسحلج وصعدج كوه
ليش شيريد منج
ماعرف والله روح اسئله شرايد مني وليش لازك روحه بيه
شنو هالحجي
اي منتصر .انت افتحت الموضوع تره خالد مجلبلي انتي الي
وتكونين زوجتي
هيج يكلج
اي والله هيج يكلي ودائما
لوما شايف وجي منج مجان كلج هالكلام
بيش احلفك مامنطيته وجي
ماحس اله راشدي طير وجهي .لج حيوانه حتى لو يكطعج بالحزام ما تصعدين وياه وحدج بالسياره
وظل يضرب بيه طلع الدم من حلكي وكلي
زين بعد مدرسه ماكو
لا لا منتصر فدوه اروحلك بس اكمل الامتحانات
كلت مدرسه ماكو انعل ابو المدرسه
نزلت ع يده بستها منتصر اروحلك فدوه خليني اكمل ابجي وعيط
ماريد يبطلني هسه ويه الامتحانات
انتهاء ورغد .اسمعنه بان تعيط وتبجي
جان امي تفتح الباب عليهم ودخلنه كلنه عليها
يمه خليها تكمل امتحانها واني اخذها وجيبها انتهاء ورغد اي منتصر خليها ع كد الامتحانات كلنه حجينه
فدوه يمه لا تكسر فرحتي
منتصر ظل ساكت ويباوع ع امي
شوفي محد فسد البنات غيرج ماطول مترديها تتربه وتتعلم صح انتي مسؤله عنها تاخذيها وجيبيها يوميا
اي يمه اني اخذها وجيبها صار من عيوني
يله امشي ولي
طلعت غسلت وجهي والدموع تجري ع خدودي
رغد .شبيك بان سكتي عاد
والله يارغد مو ذنبي بدل ما يحجي ويه خالد يرجع عليه شنو حايط نصيص اني
كافي حبيبتي هو احنه ماعدنه حظ كوه هي
شفتي بسالفه عقيل شلون ضربوني وهانوني نسيتي
لا والله شنسه يمعوده همه اخوتج بس علينه كادرين هذاك عقيل يسرح ويمرح محد كسر راسه
اووووف يابان احنه حيل مضلومات بس ادعي من الله تجينه قسم تريحنه يله حبي درسي وراج امتحان
اي رغود
غلقت الفون لان خفت لا منتصر يفوت علينه للغرفه او واحد من الولد بحجه يريد يعرف السالفه
طلعت كتبي وبديت ادرس
انتهاء ..عمه منتصر يريدج
ها يمه
تعاي يوم فوتي
خير حبيبي
يمه اكو موضوع وبي خير لطرفين
رغد ..يبوووووووووو الحكونه منتصر
ام منتصر .يمه شكو
بان .هاي شكو
طلعنه نتراكض
شفنه ابويه يم عتبه الباب ممدود
ركض عليه منتصر
يابه شبيك جاوبني يابه
ولج انتهاء السويج
اي حاضر
يمه ابساع فتحيلي الباب
شال منتصر بابا وطلعوا يركضون هو وامي
ظلينه بس احنه البنات انلوب منعرف اشبي بابا
ولازم ابلغ اخوتي
رحت اركض البست عباتي
رغد .هاي وين رايحه بان
للمحل لازم يدرون حتى يلحكون منتصر خاف بابا يحتاج شي
اكعدي وسكتي لتروحين ليروحون ينكلبون عليج
معليج رغد اني اتحمل المسؤليه خوما انعوف بابا هيج ومنتصر وحده يركض
طلعت اركض وصلت محل اسامه
هاي شبيك حبيبي ليش تركضين
يمعود بابا نقلوه للمستشفى
لا يمعوده كولي غيرها
اي والله
وهسه انتي وين رايحه
للمحل مال اخوتي ابلغهم
لعد منو اخذ ابوج
اخويه منتصر وامي
هااا
زين رجعي للبيت واني راح ابلغهم
واذا سئلوك شتكول الهم
اكللهم شفت اهلكم مخبوصين واخوكم شايل ابوكم لان جان وضعه تعبان
واكيد راح يجون عليكم للبيت حتى يتأكدون
اوك حبيبي خوش كلام اني راجعه لعد للبيت
باي ياعمري
خليت ورجعت
اسامه رحت اركض اني اعرف اخوته معروفين بالمنطقه مثل ما احنه معروفين
وصلت محلهم شلون الشباب
هله اسامه شلونك شذكرك بينه
والله ياشباب جايبلكم خبر موحلو
طفر عليه حسن
ولك اي خبر هذا
والله ابوكم نقلوا للمستشفى
انت شتحجي منو كلك
اني شفت منتصر وامك شايلين ابوك ويتراكضون بي
اي مستشفى نقلوه
ماعرف
وخر حسين عزل المحل وتعال وراي للبيت
اي اي جايلك
تشكر اسامه حبيبي
اسامه .ماعنده غير العافيه
تسلم حبيبي
رغد .هاي شبساع رحتي ورجعتي
بهمس دزيت اسامه
عزه بعينج
انتهاء .ها شفتي الولد
لا دزيت طفل عليهم لتكولين كدامهم اني اطلعت خاف يرجعون عليه يطيحون حضي
لا لا منحجي
بس كون يصدكون بالطفل
وندك بابنه بقوه
طلعت اركض
ها حسن
ولج صدك ابوي ماخذي للمستشفى
اي صح منتصر وامي اخذوه
اليامستشفى
يمكن مستشفى الكاظميه
يمكن لو متاكده
اي متاكده
ها حسن وينهم
ماخذي للكاظميه
امشينه لعد
راحوا الولد للمستشفى
رغد .يارب الطف بينه
انتهاء .اللهي لا نسئلك رد القضاء ولكن
كتابه قصص:
نسئلك الطف فيه .لتخافن بنات عمي قوي
😭😭😭 مالنه خلك ياانتهاء بابا ابد ميهتم الصحته دوم يعلك عنده لو السكر لو الضغط
ومن نحجي وياه يزعل ويتعصب علينه
دعوله بنات الله يكومه بالسلامه
امين
ظلينه للمغرب كاعدين بحاله توتر وقلق وكل اشويه رغد ترزلني علمود اقرليتي
صارت ساعه ٧ المغرب اجه حسين ومنتصر
هااااا بشرو شلونه بابا ..عمي
زين زين .بس حاطي تحت المراقبه
ليش شبي طلع
ضاربته جلطه
شنو السبب ...مرتفع السكر والضغط عليه
اي ليش .ابسبب العمل ..هاي امور متفهمون بيها
كومي انتهاء سويلي جاي
متريد عشه
لا بس جاي .وانت حسين .اني هم بس جاي فدوه
تدلل
كمنه رحنه ويه انتهاء للمطبخ
اكلج اشو حسيت من خلال كلام منتصر بابا وضعه مو زين
لا لتكولين هيج بس متعرفين منتصر اسلوبه بالكلام ميريح ابد
اي والله خفت من كلامه
ان شالله عمي يتحسن ويطلع بالسلامه .اي فدوه انتهاء ادعيله
يله كومي بان ادرسي مابقالج شي الباجر امتحانج
اي راح اكوم
كمت للغرفه ظليت اقره الحد وقت متاخر من الليل .وبعدها كمت صليت الفجر ونمت
صحيت متاخره وركض ركض البست وطلعت من البيت وحدي اخذتها بس ركض
وصلت للمدرسه لكيتهم بادين بالامتحان
دخلت وسلمت
المدرسه .هاي ليش متاخره بان
ست والله والدي حالته موزينه وظلينه قلقين عليه ونمت متأخره
الست . سلامته
ربي يسلمج ست
وبديت احل امتحاني المشكله القريته كله اتبخر من راسي .اريد اذكر شي ماكو عبالك مقاريه شي
ظليت اصفن بالورقه
حليت كم فرع ومن شده التعب ركض الوقت والقاعه فرغت بقيت بس اني بيها
الست. يله بان اشبيج ماما لظلين صافنه حلي
والله اسفه ست ما اذكر شي من القريته تبخر كله في لحظه
حقج اذا ابوج تعبان اكيد مركزتي ع امتحانج
اي والله ست
ودك الجرس
ها بان
هاي ست الدفتر
بس انتي محاله شي
اي ست مذكرت شي راح اعيد الامتحان
يله مع السلامه
شهلاء .شو اليوم تاخرتي بان شعجب
اصلا مخليت
ليش شبيج
البارحه بابا تخربط ونقلنا مستشفى ومكدرت اقره زين مركزت حيل
لا خطيه عمو سلامته
والله ضربته جلطه
لا صدك تحجين
اي والله
خطيه ربي يكومه بالسلامه
اشكرج عمري متشوفين شر
يله خلي نرجع
مشينه ومن بعيد شفت اسامه
اشرلي ادخل للمحل
تعاي شهلاء ويايه لان مالي خلك والله انتي عود احجي
مرحبه
هلو بنات
شلونك اسامه
هاي شبيج بنو
شهلاء .ابوها تعبان وهي هم نفسيتها تعبانه ومجاوبت عالامتحان اليوم
ان شالله حبيبي... الله يشفي ليظل بالج اهتمي بامتحاناتج ياعمري
بان ..اي اسامه ميخالف اني اروح مالي خلك
اوك حبيبي الله وياج
باي
طلعت وقبل لا نوصل للفرع شفت سياره خالد
يبوووو عليك وعالجابك صدك لزكه وميمل
تعاي صعدي
خالد روح مني لا اعيط ولم العالم عليك
هاي شنو شهالاسلوب لج حيوانه
خالد ولي من اكبال عيوني
خالد .نزلت ورحت عليها لزمتها من زندها .انتي صدك متستحين اشو صعدي
بان .سحبت يدي منه بقوه وعطت بي .لك ولي مناااااااا
شهلاء ..عفيه عوفها تره نفسيتها تعبانه ابسبب ابوها الله يخليك امشي
ليش شبي عمي
عمك نايم بالنعاش
خيره
البارحه متخربط وناقلي مستشفى الكاظميه
هاي شوكت هالحجي شو محد كال
يله لعد اني اروح الهم ..وانتي اني الج اغلمج شلون اتعيطين ابوجهي بعد بسيطه
بان .درووووح الله لا يردك
امشي شهلاء عفيه
دخلت للبيت تعبانه وكوه متحمله نفسي
رغد .بابا طلعوه وهسه هو نايم ابغرفته
صدك خلي لعد ادخل اشوفه
لا نام توه عوفي الحدما يكعد
لا لا اريد اشوفه
دخلت شفته نايم وخطيه حلكه معوج ويده مقوسه .نكسر كلبي عليه رحت حضنته ع كيف وبسته من راسه .حس بيه فتح عيونه .ميكدر يحجي بس يطلع صوت
لتحجي بابا كافي نفسك ويانه
دمعت عيونه
لا حبيبي بابا لتنزل دمعه والله راح اطيب وترجع احسن من الاول صدك
شويه وشفت انفتح الباب عليه
ها عمي شلونك شلون صرت
من شفته دخل خالد
خليت وطلعت من غرفه بابا
هو ابحجه مشافني .طخ زندي بقوه
خليت وطلعت
هذا شكد حقير يعني صدك ميستحي كدام ابويه ويتحارش
منتصر .بان وينج
ها خويه رايد شي
اي اريد جاي من يدج استكانين الي والخالد
اني استغربت ليش طلب مني مو من انتهاء
كمت سويت جاي وصبيته ورحت قدمته الهم
خالد .تسلم يدج ياورده
بان .باوعت ع منتصر .بس اشرلي براسه يعني اطلع
عفتهم وطلعت .بس ظليت مستغربه ع وضعه .الله اعلم بشنو يفكر خالد
