رواية الطالبة والعصبي الفصل الثالث عشر بقلم مجهول
سيف بصوت عالي وعصبي : فهمتي
هست راسهة نارين بخوف وكالت : فهمت
سيف وهوة يوخر منهة بعد ما جان حاصرهة علة الباب وعدل سترتة وكال بتهديد وهوة يرجع الكرسية : هسة اتفضلي المحاضرتج واياني وياج تضربين المحاضرة مرة ثانية ترة اتعامل وياج بغير اسلوب
نارين والدمعة ابطرف عينهة : حاضر
وطلعت من مكنبة وراحت كبل الحديقة معزولة ورة الكيلة وكعدت عل مصطبة وبدت اتوعهة تنزل وهية ادكول : انتة مو زوجي ما ريد ازوج وظلت تبجي الى ان قاطعهة صوت دكت تليفونهة شافت التليفون وطلعت سرى رفضت الأتصال ومسحت ادموعهة وكامت راحت القاعتهة كعدت ابمقعدهة ورادت سرى تسئلهة وين جانت بس قاطعهة جيت الدكتور محمد وكامو كل الطالب وسلم عليهة وبدت المحاضرة يلي جانت نارين بالهة بغير وكملت المحاضرة الى ان خلص الدوام بين صفنات نارين وقلق سرى والبنات عليهة وراحت نارين الأيه وكالتلهة بصوت مبحوح : ايه ما تتصلين بابة وشوفي ليش اتأخر
ايه بفرحة مخفية : بلي اتصلت وكال انو اليوم جاييهم مشرفين بل المدرسة فما يكدر يجينة فاكال كولي السيف ايجيبجن
نارين بخوف : لا لا عادي احنة اروح ابتكسي وية بنات الخط
ايه : لا ليش اروح بتكسي بهل ظهرية ودنية مو امان حتة لو بنات الخط ويانة
نارين : بكيفج بعد
ايه : يلا انتظريني هناية بين ما اكولة
نارين : براحتج بس لا تتأخرين لأن الشمس ابوجهي
ايه بفرح لأن راح تروح السيف : ماشي
وراحت ابسرعة المكتب سيف ......
______________________
سيف
بعد ما طلعت نارين انبت روحي لأن حجيت وياهة ابتسرع وراهة بديت شفت جدولي جان مليان محاضرات وبديت احضر وحدة ورة الوخ الحد ما خلصت واني ميت تعب فرحت المكتبي وحطيت الأب بجنطة وخذت السويج والتليفون واني جاي اخذ السجل مال طلبة اندك الباب فكلت : ادخل
دخلت ايه وهية تدعي الخجل : احم دكتور بس اذا ممكن توصلنة للبيت بطريقك لأن ابو الخط مريض وبابة عندة شغل فما يكدر يجينة وتصل بية وكلي علة مود اسئلك اذا تكدر اتوصلنة لو نروح اني واختي بتكسي
سيف : لا عادي ما عندي شي واخذ جنطتة وكال يلة بس وين نارين
ايه ضاجت لمن سئل علة نارين بس ما بينت وكالت: دا تنتظرني يم القاعة لأن رفضت تجي وياي لمن كلتلهة اني جايتك
سيف بعصبية مكتوة : ها لعد تفضلي صيحيهة بين ما اطلع السيارة من الكراج
ايه فرحت لمن شافت اشون صار عصبي وبينت شرايين ايدة من العصبية فكالت بدلع : تأمر دكتورنة
وراحت اصيح نارين بينما سيف غلة من العصبية لمن عرف هية رافضة تجي المكتبة وسد المكتب وراح طلع السيارة من الكراج وكف السيارة ورة شوية اجت ايه التبين عليهة البتسامة ونارين يلي اخدودهة صايرات حمر من الشمس بتسم سيف لمن شاف شكلهة وهدة اشوية وصعدت ايه يم سيف يلي اتفاجئ من جرئتهة او بين قوسين (وقاحتهة ) بينما نارين الي جان امبين عليهة التعب صعدت ورة سيف يلي وجه المراية علة نارين وساق السيارة وهوة عين علة الطريق وعين علة نارين يلي ضلت صافنة علة الجامة وايه يلي اتباوع علة نارين بحقد وحسد من شافت نظرات سيف عليهة فكالت وهية اتبين الحنية : نارين حبيبتي بيج شي شو وجهج اصفر
نارين ابتسمت علة خوف اختهة عليهة وكالت بصوت مبحوح: لا بس الشمس صكعت (ضربت ) راسي فأ دخت
ايه بحنية مزيفة: لعد بس نوصل للبيت اسويلج عصير علة مود ترتاحين
نارين ببتسامة : انشأ الله
ورجعت اتباوع علة الطريق بينما سيف الي جان يستمع الكلامهن بهتمام وعرف من صوت نارين المبحوح انهة جانت تبجي فضاج من نفسة وساق بسرعة
ويلي اول ما زيد السرعة نارين كالت بخوف : فدوة خفف السرعة
سيف بعد ما انتبه علة نفسة وخوف نارين خفف السرعة ومد النارين بطل مي اخذت نارين البطل وكالت : شكراً
سيف وعينة علة الطريق : عفون
وشربت نارين المي وعم السكوت بل سيارة الحد ما وكف السيارة اباب بيتهن
وكالت ايه بدلع : اسف تعبناك ووشكراً علة التوصيلة
سيف وهوة يباوع علة نارين : لا عادي
نارين : يلا مع السلامة ونزلت من السيارة ودخلت للبيت
ايه وهية تنزل وسد الباب كالت : يلة بيباي ونتبه علة نفسك
سيف بتسم ابمجاملة وكال : باي وحرك السيارة وساق ابسرعة من العصبية وصل للبيت ودخل السيارة للكراج وفات سلم علة امه وابو يلي انتبهو علة عصبيتة وكال لا تصيحوني علة الغدة لأن ماشتهي وصعد الغرفتة سبح علة مود يهدة وصلة وراح كعد علة المكتب الي بغرفتة وضل ايفكر ابنارين وان معقول اتحب ذاك زميلهة يلي جان ايباوع الهة ( يقصد مهند ) والحد ما داخ من التفكير فكام لبس قاط رسمي لون اسود وقميصة هم اسود ولبس ساعتة وخاتمة وخذ اسويجة ونزل طلع السيارة من الكراج وسد الباب وركب السيارة وساق للشريكة وصل للشركة ودخل الهة بسرعة وعصبية الموظفين لمن شافو خافو لأن يعرفون لمن ايصير عصبي راح ايذب عصبيتة بشكو واحد ايمر كدامة وصعد المكتبة وسد الباب وراة بقوة وبدة يشتغل حتة يحاول يطلع نارين من بالة ........
___________________
نارين
بعد ما نزلت من سيارة الأستاذ سيف دخلت للبيت وسلمت علة مامة وعلاوي وطلع بابة بعدة ما جاي فصعدت غسلت وصليت ولبست تراك بيتي ونزلت صبيت غدة وية مامة وجة بابة وسلمت علي وكعدنة نتغدة بس استغربت علة ايو كل ساعة تتبسم غريبة انوب كلت الله يديم بسمتهة وكملت غدة وايو غسلت المواعين واني صبيت جاي وراهة كلت العلاوي علة مود ايوصلني البيت عمو ابو صباح الخط مالتنة علة مود ازورة (لأن علاقتنة كولش قوية بي حتة بناتة صديقاتي وام صباح صديقت مامة فعادي اروحلهك ويجونة ) فكل بل اربع اوديج فصعدت لعبت بل مبايل الحد ما صارت بتلاثة ونص فكمت سبحت ولبست
هذة البس وحطيت مسكارة وحمرة بناتية وردية خفيفة ونزلت جوة شفت علاوي
فكتلة : اشوني
علي : جنج قردة
نارين : لا والله
علي : وعبدالله يلا تعالي خل انروح
نارين : ماشي
وطلعنة اني ة وعلي يلي وكف تكسي وركبنة بيهة وصلنة البيت ابو صباح فنزلت وعلي كال : بس تردين تجين دكي علية واني اجيج
نارين : ماشي وراح علي ودكيت الباب وفتحتلي الباب ام صباح سلمت عليهة ودخلت للستقبال وشف ابو صباح يلي جان مبين علي التعب سلمت علي وعلة بناتة الصغار وضلنة انسولف ونشاقة الحد ما كلت الأمصباح
نارين بتسئل : خالة لعد وين صباح
ام صباح : والله يا خالة مو اشتغلت ابشركة جديدة وهاي الشركة تتأخر بل دوام
نارين : يا خطية الله يساعدهة
وراهة دك تليفون ام صباح وراحت اجاوب بل مطبخ وظلت نارين اسولف وية ابو صباح والبنات الحد ما شافت ام صباح اتشرلهة من المطبخ انوتجي فكامت وكالت : بس راح اغسل واجي
ابو صباح ببتسامة : ابراحتج البيت بيتج انتي مو غريبة بحسبت بناتي
نارين ابتسمتلة وباست راسة وكالت : وانتة ابحسبت ابوية وترخصت منة وراحت للمطبخ فتخلت وكالتلهة
ام صباح : خالة اريد اطلب منج خدمة وكون ما ترديني
نارين : من عيوني اذا اكدر عليهة كولي خالة شنو
ام صباح : خابرتني صباح وكلتلي انو هية ناسية ملف مهم بل بيت ومديرهة بل شركة طالبة ومديرهة عصبي وما يتفاهم وخاف يطردهة واحنة اتعرفينة عايشين علة خط عمج ابو صباح وراتب صباح
فأ ا
قبل لتكم كلامهة قاطعتهة نارين وهية ادكول : ما كو داعي اتكملين كليلي اسم الشركة وانطيني الملف واني اودي
ام صباح بفرح : اسم الشركة ....... اصير اكبال العيادة وهذة الملف ومعروفج هذة ما انسا ابد والله يوفقج ويسرحج الشبابج
نارين وهية تاخذ الملف وكالت : لا شهل حجي صباح بمعزت ايه وانتم مثل اهلي يلة هسة رايحة اسلم علة عمو كبل لا اروح
ام صباح ببتسامة : روحي
ورحت سلمت علة عمو ابو صباح وترخصت منة ودعت البنات وطلعت
وركبت كيات لأن خفت اركب تكسي واني ابوحدي وبعد ربع ساعة وصلت للشركة يلي اول ما شفتهة فتحت حلكي وكلت بذهول : واووو اشكبرهة وشكد حلوة وراهة دخلت الهة شفت البنات انواع وشكال ورحت الوحدة كاعدة علة كرسي امبينة مديرة الستعلامات فكلتلهة : عفون بس وين الاكي قسم الفنوف
السكرتيرة : الطابق الخامس
نارين ببتسامة : شكراً وراحت للمصعد وتاست دكمت الطابق الخامس وصلت
وخلت للطابقة وسئلت علة مكتب صباح ودلوهة علي وراحت دخلتلهة وكالت : عندج وكت اتقابليني انسة صباح
صباح بفرحة لمن شافت نارين وراحت حظنتهة بقوة وكالت : تأخرتي عبالي ما تجين
نارين : مو عيب اختي طليتني ابخدمة وما اجي
صباح بفرح : والله انتي احسن اخت بل كون
نارين بشقة : اعرف بس غير اني ما احجي
صباح ضربتهة علة راسهة وكالت : دخلتي للجامعة وما بطلتي اخبالاتج
اجت تحجي نارين بس قاطعهة فتح الباب وصوت واحد عصبي وهوة ايكول
سيف بعصبية : وين الملف ست صباح
نارين وهية ادورلة وتدعي ابكلبهة انو ايكون غير شخص بس خابت امالهة وهية اشوف سيف يلي انصدم لمن شافهة وكال : نارين
نارين بحراج :.........
____________________
