رواية حرم الاسود الفصل الرابع عشر بقلم بتول ابو الليل
.
اياد عبدالله الاسدي يكول:
لياحد ضال ساكت واكتم بصدري وحط ميتَ عذر لمما عرف گدري أصعب مرحلة يمر بيها أنسان من يحب بشر والبشر مايدري ..؟
.➛ ✿✿ ✿✿ ✿✿ ✿✿ ➛.
اليان ; انصدمت كلش بالمنظر الشفته عمري كله متخيلت اريانا وتيمور يكونون علئ علاقه.
لأنو اريانا تكرهه تيمور وتنزعج ڪلش من تصرفاته
شاكه بوضعهم احسها خايفه ومتردده ماعرف شنوو عارض عليها تيمور وبشنوو مخليها مقتنعه
باتت يمي حجيت وياها وفهمتها انو تتركه لأن ميناسبها أبد اخوي واعرفه واعرف شلون يفكر.
كلشي عنده يمشي بالفلوس وياخذ الي يريده من البنات والمشكله البنات راضيات بيه مادري شايفات منه.
المهم راحت اريانا لبيتهم بقيت اني وحدي كاعده بالصاله جنان طالعه تسوي اظافرها بالصالون.
شويه ودخل بابا للبيت شايل بيده ملفاات باوعلي بهدواء كمت من مكاني واني متوتره ومنتظره كلمه منه محجه شيء دار وجهه عني وراح للمكتب مالته.
انقهرت كلش طول عمره بابا يحبني وميضوجني أبد لازم احجي وياه ونتصالح ماتحمل زعله مني
رحت وراه للمكتب دكيت الباب ودخلت جان كاعد ويكتب علئ الابتوب باوعلي بطرف عين وكال
جاسر ; ماگلت تفضل. !
_بابا خلينه نحجي شويه
جاسر : عندي شغل اطلعي برا لاتلهيني.
_فدوة بس اسمعني الي صار
جاسر : گتلج اطلعييي
انهضمت من طريقته واسلوبه وياي يحجي بصوت عالي ونظرات غضب هزيت راسي بأي وطلعت من المكتب.
رجعت للصاله ضايجه وعيوني مدمعه اول مره بابا يعاملني بهل أسلوب فجأه واني ڪاعده دخل تيمور شافني ابتسم بكل هدوء واجه نحوي
تيمور ; هاا يااختي الحلوة اشوفج ڪاعده
_شسوي لعد اركص؟
تيمور : هل يومين راح اخليج تركصين بخطوبتي
_خطوبتك
تيمور : ليش ماحجتلج اريانا؟ اوف منهاا عاد أني وصيتها أنو تحچيلج
_تيمور انتَ ع شنوو ناوي
تيمور : هههههه بشرفج هذا سؤال شنوو ع شنوو ناوي غير علئ زواج
_تعرف قصدي ڪلش زين اني أڪثر وحده اعرفك واعرف شلوون تفكر تريدد تقنعني انو تحب اريانا مستحيل انتَ ڪل يوم ويه وحده شكل
تيمور : ايي وشنوو يعني؟
_مراح اسمحلك تلعب علئ صديقتي وبنت خالتي الكل عادي ألا اريانا خط احمرر خليك بعيد عنهاا لأ والله احجي كلشي لبابا عنك وعن تصرفاتك
ضحك بصوت عالي وكعد يمي ع قنفه خله رجل علئ رجل وكال
تيمور : روحي يلا سوي الي يعجبج احجي الابوج عني خلي يعرف ابنه شيسوي لج لوو ما اني انتم تضيعون الشركات والشغل والفلوس كلهاا مشيها انيي انتِ شنوو نفعج بالحياة شمسويتلنه لاشي عاد اكرمينه بسكوتج وخليج بعيده ڪلش عن حياتي الخاصه مثل ما اني هسه مخليج براحتج وممدخل وألا اذا خليتج براسي وادخلت بحياتج صدكيني تتندمين تڪولين ياريتني مادخلت بيه ولا سويت شيء
_هههه والله ضحكتني عبالك اخاف من تهديداتك غلطان ماخاف ولا راح اسمح لهل زواج يصير حجيت ويه اريانا وقنعتها انو تعوفك وراح تشوف مراح توافق عليك واني وياك برهن
تيمور : تمام نشوف منوو الي راح يخسر بينه يلا وراي شغل بيباي يحلوة
عافني وطلع كلامه حيل حيل مستفز خايفه من اريانا توافق علئ الزواج هذا واحد مجنون ونسونجي راح يدمر مستقبلها.
صعدت لغرفتي واني افكر بكلامه وخايفه من جواب اريانا اتصلت عليها جهازها مغلق بقيت حايره شسوي.
شويه واندك باب غرفتي كلت تفضل دخلت المساعده
اسينا : الغده جاهز وخليته علئ الطاوله تفضلي
_شكراً حبيبتي هسه اجي
هزت راسها بأي طلعت وسدت الباب وراها كمت علئ حيلي اباوع علئ نفسي بالمرايه مشطت شعري وربطته ونزلت جوه
جانو جايين اخواني قصي وساهر وتيمور والكل متجمع علئ الطاوله رحت كعدت مكاني بدينه نتغده سويه اثناء مجاي ناكل كال تيمور
تيمور : خابرت عمي يابه
جاسر : أي راح ينتظرنه يم بيتهم
تيمور : ماشي
ساهر : شكو
تيمور : اريد اخطب بنيه
جنان : شنوو منوو ليش اني أخر من يعلم
تيمور : هاي عرفتي مو ضروري اطش الخبر واني بعدني محاجي ويه اهلها
قصي : منو نعرفها لو غريبه
جاسر : اريانا بنت ابو خالد
جنان : يااااا شنو اريانا انتَ موو تريد شذر؟
تيمور : منو وصلج هل حجي التافهه من شوكت اني رايد شذر
_ههه تيمور يبدل بالنسوان مثل مايبدل ملابسه
تيمور : اني اكول لو تكرمونه بسكوتكم انتم احسن ماريد أي بشر يدخل بزواجي مفهوم غير ابوي محد يجي وياي احنه نخطب
ساهر : الله ومحمد وعلي
جاسر : يلا كمل وتعال وراي اني رايح علئ عمك
تيمور : ماشي
عافنه بابا وكام من الاكل ضجت كلش احس بابا واكف ويه تيمور ع غلط ابتسم تيمور بكل حقاره وشرب مي وكام راح لغرفته بقينه احنه واحد يصفن بوجهه الثاني
قصي : هههههه والله غير سالفه هاي يحسسنه احنه اعدائه موو خوانه شبيه هذا
ساهر : يمعود عوفه شعلينه بيه ماتعرفه انتَ هوه من زمان هيج ميحب أي بشر يدخل بحياته
جنان : بس اني امه شون مياخذ رأيي ولا حته يسألني اذا موافقه علئ اريانا او لأ
قصي : يمه انتِ الي راح تزوجينها لوو هوه شنوو توافقين عليها بعدين البنيه مؤدبه وحلوه مابيها نقص
ساهر : ولك ليكون مخلي عينك عليها
قصي : لا والله تدريني ماحب هل امور بس صارلها سنين ويانه مامره طلع منها شيء موزين
_اني ماريدهم يتزوجون تيمور ميناسبها أبد
جنان : ياا فدوة ع اساس راح تاخذ احسن منه اصلاً خلي تحمد ربها راح يتزوجها.
_ع شنوو تحمد ربها ليش شنوو ناقصها هيه متخرجه وحلوه والف رجال يتمناها اصلاً هوه خلي يحمد ربه اذا توافق عليه
عفتهم وكمت من الطاوله صعدت لغرفتي تحسسني تيمور فد شخصيه معروفه والله يالله.
...
حازم : هاا بابا شنوو قررتي
بقيت حايره وخايفه ڪلش ڪلش من هل قرار لأن بيه راح يتحدد مستقبلي وحياتي وشريك حياتي
اصعب قرار ممكن اخذه بقيت ساكته ماعرفت شنوو احجي
مسلم : متحجين أي او لٱ موو كل يوم احنه كايلين أي للعالم وتالي تطيكنه بوري
_بكيفكم وراكم اني
حازم : اني راضي عن هل زواج تيمور خوش ولد ونعرفه زين ونعرف عائلته ويه بنت خالتج.
مسلم : اني هم ماعندي مشكله خلي يتزوجون
شلت راسي مصدومه شلوون وافق مسلم هوه موو قبل شويه يحجي بعصبيه ومعاجبه الوضع شتغير
تذكرت كلام تيمور معقوله يطلع صدك لازم عليه شيء وخلاه يوافق بكل هل بساطه جان مسلم أملي الوحيد انو يرفض واني اخذها حجه
عفاف : واخيراً راح نفرح بيج الف مبرووك
جميله : قررتو شوكت الخطبه
حازم : شنهي السالفه سالمين بعدهم بس فتحو الموضوع كالو ردولنه خبرر حته نجيكم ونخصم المهر ونحدد يوم للخطوبه.
جميله : ي اني هم نسيت
مسلم : اممم يلا اني طالع
عفاف : وين رايح دنيا المغرب
مسلم : عندي شغل
عافنه وطلع مسلم ضايج ومبين من وجهه مراضي بهل زواج بس مجبور امي فرحت كلش لأن راح اتزوج والشخص الي اني ختاريته
متعرف انوو راح ادمر حياتي ومستقبلي بيدي اختنكت ڪلش وطلعت روحي عفاف تسوالف عليه شنوو نلبس وشنوو نجيب واني عيوني مدمعه واريد بس ابجي
عفتهم وصعدت لغرفتي مختنڪه حيييل دخلت بالغرفه وقفلتها عليه ڪعدت علئ السرير واني صافنه
شسويت هسه اني شلوون راح اتزوج من تيمور شلوون اوافق علئ انسان هددني وستغلني وحاول يعتدي عليه
نزلت دموعي بصمت خليت ايدي علئ راسي واني دايخه فزيت علئ صوت الجهاز يرن شفته اليان مسحت دموعي وفتحت خط
_الو
اليان : اريانا تخببببلتي شلووون توافقين علئ تيمور احنه شحجينه ولج
_اهلي ڪلهم موافقين ومكدرت ارفض
اليان : لج شنوو اهلج هاي حياتج لازم انتِ تقررين شلوون تعيشينها ويه الانسان الصح صدڪيني مراح ترتاحين ويه تيمور ابدد.
_اليان فدوة تفهمي وضعي كتلج ماڪدر ارفض خلص
اليان : براحتج سوي الي يعجبج بس صدڪيني راح تتندمين علئ هذا القرار واذكرج بهل حجي يلا باي
سدت الخط بوجهي عضيت شفتي بقهر متعرف بيه مجبوره علئ هذا الزواج اذا مانفذت كلامه راح يدمر سمعتي ڪدام الكل
سحبت نفس قوي وڪمت علئ حيلي اباوع علئ نفسي بالمرايه
تيمور شيطان وتفڪيره صعب ڪلش ينعرف لازم اڪون اشطر منه واڪشف لعبته وعلئ شنوو ناوي هوه الي ختارني اڪون مرته بس راح اندمه علئ هذا القرار.
تمددت علئ فراشي واني دايخه وخايفه من الي راح يصير
غمضت عيوني هستوني اريد اغفه اتصل جهازي فتحت عيوني رفعته جان رقم غريب عرفته لتيمور رفضته رجع اتصل فتحت خط بدون ماحجي حرف
تيمور : قسم بالله أذا تصلت مرت الخ ورفضتيني اخليج تتندمين ع ساعه الي صرتي بيها بنت الاوام ليش تخليني اتخببببل شبييييج انتِ
_شتريد ؟
تيمور : اوووف ربي اوووف شوف البرود
_راح اسد الخط احجي شتريد متصل
تيمور : شگال اخوج مسلم وافق موو
_اي وافق
تيمور : هههه عرفته
_انتَ واحد شيطان وصخ تفكيرك حيل وصخ الله ينتقم منك علئ كل تصرف تسوي
تيمور : ميخالف ست اريانا نتحمل كلامج الجارح ونسڪت حالياً بس تصيرين بين اديه اخليج تعرفين الحجي شلوون يصير ع مضبوط حلكج هذا الي ينطق الكلام اخليج تستغربينه.
_كلشي عندك تهديد وأوامر عبالك ناس تشتغل عندك خلي عندك شويه احترام وضمير فهمني انتَ موو بشر متحس.
تيمور : حاس بيج يابعد روحي حاس والله ادري ضايجه لأن بعيد عنج عادي أذا تحبين اجيج هسه
_انتَ واحد تافهه تدري
تيمور : هههه لا مادري هل كلمه هسه عرفتها ولاسامعها من قبل.
_تعود تسمعها مني لعد تافهه ومنحرف ومريض وقذر كل الصفات بيك
تيمور : اوف كل هذني بيه اني؟
_المشكله ماعندك كرامه ولا احساس عندك عادي الشخص يهينك
تيمور ; أذا مرتي تموون عليه بس اذا غيرها اكسر ظهره
بقيت ساكته هل انسان احلف عليه مريض ابد ولايهمه كلامي ولاينزعج ماخذ كلشي برياحيه وهدوء
تيمور : ريونه حبيبي نمتي شنوو
_تيمور
تيمور : ياروَح تيمور يانفس تيمور احجي يابعد ناسي وهلي
_عوفني بحالي الله يخليك اذا تحبني صدك لاتسوي هيج فدوة لادمر حياتي اني ماريدك ماكدر اتزوج منك عوفني فدووة.
تيمور : شنوو مسمعت شيء من الي حجيتي حضري نفسج باجر نجي عليكم نحدد موعد الخطبه وهاا اني ختاريتلج الفستان الي راح تلبسي بعقد قرآنه
غمضت عيوني بقهر بجيت علئ وضعي وضعفي اسمعه سحب نفس قوي وكال
تيمور : ليششش تبچيييين شبيييج اريانا شبييييج ولج
_انيي شبيه لوو انتَ فهمني بشنوو مأذيتك ليش مصر دمرني
تيمور : ادمرج ليش طالب ايدج كدام العالم كلها ماخذج زوجه الي شتردين اكثرر
_بس اني ماريدك
تيمور : تتقبليني هسه بعدج ضايجه تصيرين تحبيني وتغارين عليه
_تحلم حلم احبك بيوم
تيمور : ماشي خليني باحلامي يلا كافي بجي اسكتي شلعتي مصاريني شكدد تتنعوصين
مسحت دموعي سحبت نفس بقوه سديت الخط بدون ماحجي شي
رجع اتصل رفضته رجع اتصل مره ثانيه غلقت الجهاز وشمرته علئ الميز.
مالي خلك كلامه ماريد اسمع شيء كارهته حيل مطايقته ابدد احسه يلعب بحياتي بكيفه.
نمت رغم الساعه بـ 7 بليل لفيت نفسي بطانيه ونمت اني من نوع اذا اضوج او ازعل التجأ للنوم.
ڪعدت ثاني يوم الصبح من وڪت شبعانه نوم
نزلت سويت ريوك للكل ونظفت المطبخ والصاله شويه وكعدت ماما وعفاف
عفاف : هاي شنوو ليوم عروستنه كاعده من وكت وتنظف شنوو تودعين بالبيت
_لأ بس معندي شيء اسوي گلت انظف
جميله : شو لبارحه نمتي من وكت حته عشه ماتعشيتي.
_جنت نعسانه ونمت
جميله : امم يلا تعالو نتريك
عفاف : رايحه اكعد مسلم وراه دوام
عافتنه وراحت لزمتني امي من ايدي وباوعتلي بستغراب
جميله : شبيج احجي موو هذا الي تردينه ليش احسج ممرتاحه
_لاا مرتاحه ليش هيج تحجين
جميله : ممبين عليج
_شترديني يعني اركص
جميله : اريدج تكونين فرحانه ومرتاحه بحياتج هذا الي اريده
_انشالله راح اكون مرتاحه
جميله : انشالله.
شلت الاكل وطلعت من المطبخ امي شاكه بوضعي خليت الاكل ع طاوله شويه وڪعد اخوي وبابا
غسلو واجو كعدو تريكنه كلنه سويه خلصنه كل واحد راح لشغله احنه التهينه بالبيت ومر اليووم عادي
للظهر رجع بابا هوه واخوي الجبير للبيت وكلتلي ماما ابخز الاستقبال وانظفه زين راح يجون اعمام تيمور كلهم يطلبون ايدي رسمي.
رحت نظفت الاستقبال وخليتله بخور وطلعت لغرفتي سبحت وغيرت ملابسي شويه واجو اعمام تيمور واهله شيء 5 سيارات اجت
دخل الكل الاستقبال سوت عفاف الضايفه اني كاعده بالصاله واعصر بصابعي خايفه وبطني تلويني.
شويه ودخل مسلم اخذ الصينيه من ايد مرته وراح يضيفهم.
بقينه كاعدين احنه ننظر الاخبار تجينه بقو شيء ساعه وطلعو من البيت اباوع عليهم يصافحون ابوي ويضحكون سويه ضاهر تم كلشي وحددو الموعد.
شفت تيمور طلع لابس اسود باسود ولازم بيده جكارته يسوالف ويضحك.
مراح اخلي دوملك هل فرحه بسببك راح تدمر حياتي .
طلع الكل اجه بابا واخوي رجعنه اني وعفاف لمكانه دخلوو للبيت
جميله : هاا حجي شصار؟
حازم : تحددت الخطبه بعد 3 ايام والمهر الحاضر 20 والغايب 30.
عفاف : اااع هوااي شو اني من اخذتوني
5ب 5
جميله : صلي علئ محمد شبيج
عفاف : الهم صلي علئ محمد بالعافيه عليج اريانا اشتري كلشي بنفسج لاتخلين شيء
خالد : والله راح تتونس عدهم ناس خلوقين بشكل وتيمور مثقف واعي كلامه مال شخص حييل فاهم وجبير.
جميله : الله يتمم علئ خير انشالله
بقيت ساكته محجيت شيء شدعوه هل كد مستعجل يريد بس يربطني بيه حته ياخذ راحته ومحد يحاسبه علئ تقربه مني.
بقه الكل يتناقش موضوع الخطبه. واني ساكته
مرت الايام بسرعه كل مايتصل تيمور مارد عليه ولا اجاوبه منا ليوم الخطوبه.
دزلي الفستان من الصبح بيد اليان جنت لابسه اريد اروح للصالون فجااه دخلت اليان علينه شايله بيدها جنطه الفستان
اليان : صباح الخير ياعروس
_صباح النور
اليان : رغم اني زعلانه عليج بس ماكدر مافرحلج الف مبررك يروحي انتِ انشالله تكون حياتج كلها فرح وسعاده
_فدوة لكلبج
اليان : هذا الفستان الي راح تلبسي للخطوبه دزه تيمور افندي بيدي لأن يعرفني راح اكون وياج بالصالون
_امم شكراً
عفاف : هاي اليان عدنه اهلاً وسهلا
اليان : هلو بيج عمري يلا جاهزين نروح للصالون
عفاف : اني ماكدر اروح وياكم راح يجون اخواتي والمعازيم ولازم اضيفهم تعرفين عمه راح تجي وياكم.
اليان : تمام وينها هيه
عفاف : هسه تجي
طلعنه اني واليان للسياره شويه واجت امي ورانه صعدنه كلنه سويه اخذتنه اليان ارقى صالون بغداد.
جانو هواي جايين من طرفهم بنات خالت تيمور وامه وبنات عماته متروس الصالون ترس ماشالله
كل وحده تلبخ شكل وتلبس شكل استلموني اني تصفيف بشعري وميكاب واظافر
ملبست بدله لبست فستان يجنن ابيض سوولي التسريحه نازله بس من ڪدام رفعوها شويه
اني الي ختاريت مكياجي شون راح يكون ماحب تسوي الي حيل اوفر احب الشي النازك والمرتب.
طلع مكياجي ڪلش نظيف وحلوو لأن قبل بيوم نظفت بشرتي.
كملت كلشي كعدت اليان مكاني هم سوولها تسريحه ومكياج وجايبه وياها البدله مالتها لبست بدله قصيره حد الركبه لونها رمال
وشعرها كله من جوه برمته طلعت تجنن هيه وجهه ناعم وطفولي.
اليان ; يلا خاله صاار دورج
جميله : خلصن انتن اول واني سهله شوكت مايصير مجال اخليها تلبخني
اليان : هههههه خاله شنوو لبخ
جميله : دشوفي صار ساعه يلبخون بالبنات ومملحكين
آيلا : لعد شون نبقه هيج غير نريد نطلع حلوين.
جميله : يمه انتن حلوات بدون مكياج
آيلا : ههههه قنعتيني بهذا كلامج
اليان : كومي اريانا خليني اصورج
كمت علئ حيلي بقت اليان تاخذلي صور بعدين دخلت المصوره اخذنه لقطات داخل الصالون
اليان : اكلج تيمور راح يجي للصالون
_شنوو ليش؟
اليان : يكول جايب مصور وياه ياخذلكم صور
_عادي بالبيت ناخذ سويه
اليان : احجي وياه انتِ صارر ساعه يتصل اكل راسي
انطتني الجهاز اخذته منهاا واتصلت عليه من اول اتصال فتح خط
تيمور : ليوم واحد افرحي الاخوج ولاتضوجينه بنت ال** كتلج تحجيلي وياها ليش ماتجااوبين
_شبيك
تيمور : واخيراً ست اريانا سمعنه صوتج
_لاتجي للصالون تيمور ميصير بعدنه ماعاقدين
تيمور : حبيبي اريد اسويلنه جلست تصوير خارج الصالون
_من نعقد نسويها هسه لأ وحرام
تيمور : اهووو شكد قديمه انتِ شنوو الفرق بين هسه او ورا منعقد منا لحد متخلص الخطوبه وطش العالم يصير ليل
_ميخالف
تيمور : بعد 5 دقايق واطلع من الكوافير اكمل حلاقه اجيب المصور واجيج حضري نفسج
_تيمور
سد الخط بوجهي يالله هل انسان ميسمع من شخص كلشي يمشي علئ كيفه اجت يمي اليان
اليان : هاا
_راح يجي ميقبل
اليان : يلا عادي صورو اصلاً بعد هواي وقت للخطوبه اخذو صور تبقه ذكره حلووه بينكم.
هزيت راسي بأي رحت علئ امي انطيها خبر خاف ميقبلون.
_ماما
جميله : هاا حبيبتي
_راح يجي تيمور ياخذني نصور
جميله : وين
_مادري
جميله : دخطبو اول وكت صور هسه
_ميقبل حاولت وياه كال مانلحك ناخذ صور يصير ليل
جميله : خليني اخابر ابوج واكله خاف مايقبل
هزيت راسي بأي عافتني وراحت بقيت كاعده علئ القنفه خابرت امي علئ ابوي وكلتله عن الموضوع شويه واجت يمي
_هاا
جميله : وافق بس اني اروح وياج وماتتاخرون ساعه وحده وتجون لأن المعازيم وصلت كلها و بـ 3 تجي الزفه.
هزيت راسي بأي اجت كعدت يمي اليان بقينه ناخذ صور اريد افرح ماكدر گلبي مقبوض وحيل مختنكه ابتسم مجامله.
ربع ساعه وصل تيمور كامت اليان طلعت الاخوها شويه ورجعت عليه حجت ويه صاحبة الصالون مقبلت يدخل لأن الصالون بيه هواي نساء
اليان : يلا حبيبتي كومي منتظرنه بالباب
هزيت راسي بأي كمت وياها خلت علئ كتافي فروه ناعمه والبرنص شالته بيدها امي ناخذه ويانه
طلعنه اني وامي واليان ام تيمور ماراحت ويانه بقت تسرح بشعرها
جان واكف باب الصالون شايل بيده باقة ورد احمر لابس قاط اسود باسود ابتسم اول ماشافني اجه كبل مد ايده الي
لزمت ايده واني متوتره باس راسي بهدوء كدام امي واليان وقدملي الورد
تيمور : وردات لوردتي "
ابتسمت مجامله اخذتهن منه عكسلي ايده حته الزمها لفيت ايدي عليها ونزلنه سويه اليان وماما اجو بسياره واني وتيمور بسياره.
شغل جوبي بالسياره وصارر يفر بالسبحه بيده ويهز ركبه دخل السياره احسه حيل فرحان بهل زواج معقوله صدك يحبني بس حته لوو جان حب ميهددني هيج ولا يستغلني ياربي دخليك خليني افهم شلوون يفكر وشنوو الي يدور براسه
اخذنه يفر بالسياره من مكان لمكان ومستمر بالاغاني اني ماخذه الوضع الصامت بس اباوعله بستغراب
وكف السياره قرب منتزه نزل واجه لصفحتي فتح الباب ومدلي ايده لزمت ايده ونزلت وصلت سيارة اليان نزلت هيه وماما
جانو 2 مصورين بنيه ولد منتظرينه رحنه عليهم شرحلهم تيمور شلوون يريد التصوير يكون
مدلي ايده لزمتها سحبني من خصري حيل اردمت بصدره حيل بقيت بس ارمش بعيوني شال اديه خلاهن علئ ركبته وهوه لف اديه علئ خصري دنك راسه علئ خشمي غمض عيونه واني هم غمضت واخذولنه صوره بهل وضعيه ورانه شجره عباره عن ورد ومنظر يجنن
كعد علئ قنفه مخليها مخصصه النه كعدني علئ طرف رجله
تيمور : باوعيلي
درت وجهي اباوعه ركز بعيوني هوه مبتسم مشه ايده علئ شعري وهوه يدقق بتفاصيل وجهي.
المصوره : الزم ايديها وخلو بس الحلقات تبين
تيمور : اليان الحلقات
اليان : ياا نسيت
تيمور : احتركو اهلج موو كتلج جيبيهن
اليان : نفسهم اهلك
تيمور : هسه شلون
المصوره : ماعدكم غيرهن
تيمور : لٱ
المصوره : يلا ناخذ غير وضعيات
لبسني البرنص بهل اثناء اخذولنه صور لزم ايدي ومشينه سوولنه فيديو.
اخذنه كومه صور اخر شيء اتصل بابا وكال يلا ارجعو.
رجعنه سويه للسيارات كال تيمور ترجعين ويه اليان لأن ميكدر يوصلني بعد
صعدت ويه اليان رجعنه للبيت جان الكل جاي اخواتي جايين
بيرلين و سيرين وجناينه نسوان اخوتي العازلين وخالاتي وعماتي وصديقاتي بالجامعه جيرانه الكل مجتمع
جانو مزينين كل البيت والكوشه كلش نازكه وحلوه عبالك بقاعه موو بيت وطبعاً هل شيء كله من اختيار تيمور.
اول ماوصلت تلكوني هلاهل وجكليت ورد يشمرون عليه رحت بهدوء ڪعدت علئ القنفه المصوره اجت ويانه
خلت القرآن بيدي فتحته علئ صورة الفتح جابت اختي بيرلين هيل وفرته علئ ڪل اصابعي
خلتلي طاسه مي جوه خليت رجليه بيها ورد جوري .
شالت عفاف القنديل وصارت دك بيه فوك راسي والمصوره تاخذ لكل لحظه صوره
هل اشياء من العمر ولحظات تتمناها ڪل بنيه بفرح ويه الانسان الي تحبه.
شغلو اغاني وصارو يرڪصون ويهلهلون فرحانين هواي اني ليش مڪتوم گلبي واريد انزع كلشي واروح لغرفتي ابجي.
صارت الساعه بـ 3 ونص وصلت الزفه طفو الاغاني واغلب البنات صعدت للطابق الثاني تصور المشيه.
جاييه مشيه ڪلش حلووه سيارات هواي زلم معگله شيوخ.
وڪفو اخواني واعمامي وبابا باب البيت يستقبلون العالم ويدخلوهم الاستقبال شويه ودخلن عمات تيمور وخالاته اجو تبارڪولي بناتهم تهلهل وتشمر عليه جڪليت اليان ضحكتني من كالت
اليان : كلووووش وزفيناه الچان مسربت
باوعتلها عمتها بخزره وام تيمور هم ماقبلت بهل هوسه هيه تركص وتصفك ممهتمه الهم
اخذت ماما ڪرسي خلته قرب باب الاستقبال وڪومتني رحت ڪعدت بيه صار الشيخ يقرا ويرددلي كلام واني احجي وراه وصل لحد كلمة نعم
وافقت وتيمور هم وافق ارتفعت الهلاهل اجو بارڪولي وبوسوني
اليان : اهووو كافي ترا خربتو مكياجها ميصير هيج ڪومي حبيبتي كومي
لزمت ايدي ڪومتني رجعت للكوشه شويه ودخل تيمور للصاله وياه ابوه وبابا واخوي الجبير خالد.
راحت عماته تبارڪوله وامه والكل وهوه مستمر يبتسم ويهزلهم براسه ماخله ولا وحده تبوسه كل وحده تريد تبوسه يكلهم
تيمور : مايصير تبوسوني رجال متزوج صرت مرتي تغار
صفاء : ههههه خلو خلو بعده مامصدك نفسه
اجه ڪعد يمي جابولنه الحلقات والطقم مال الذهب مدلي ايده يريد ايدي رفعت ايدي اله لبسني الحلقه انطوني اني هم الحلقه لبسته لزم الكلاده لبسنياها والسوار والتراجي والمحبس الثاني كلشي.
لزم راسي وباسه بهدوء بنات عماتهه بيهن دوده يصيحن بوسها بوسها بعد خلينه نصوركم اني كوه مسيطره علئ دموعي.
تيمور : نزلو التليفونات كااافي ملحه قسم بالله اذا لگيت صوره طالعه اكسرهن علئ روسجن.
باوعلهن بغضب اباوع عليهن كلهم نزلو التليفونات اجه ابو تيمور علينه كمنه ثنينه تبارك النه وخله بيدي فلوس.
اجه عمه هم انطاني فلوس وتبارك النه شويه وطلعو بقه بس تيمور كاعد يمي دنك راسه يم اذني وهمس بهدوء
تيمور : وهسه صرتي ملكي شرعاً يعني شسويلج موو حرام اوووف
باوعتله واني عيوني مغوركه كلها دموع ماتحملت دنڪت راسي وبچيت حاسه بخنكه حاسه بغلطي بتصرفي الغلط شلوون وافقت ارتبطت ليوم بانسان اناني يفڪر بس بنفسه الكل استغرب من حالتي
تيمور : شبيج ليش البچي
اليان : شڪوو شبيها
تيمور : متأثره مثل المسلسلات
اليان : شڪوو اريانا ليش البچي
_ماڪوو شيء
جنان : يلا ماما تيمور ابوك يكول خلي يجي
هز راسه بأي خله ايده فوك ايدي دنك يم ركبتي شمهاا بقوه وهمسلي يم اذني
تيمور : ليوم حلوو لاتخربينه بدموعج اوك
_الله ياخذك
تيمور : احبج
حجه هل كلمه وكام من يمي وطلع من البيت بقيت امسح بعيوني واني متوتره وكلبي يوجعني حيل اليان بقت تباوعلي مستغربه وحاسه بالوضع.
احس نفسي غلطت غلطت عمري مادري شسوي بروحي.
طلع الكل بقت بس اليان يمي ماراحت اخواتي جبروها تبقه يويدون يشوفوها.
صعدت لغرفتي نزعت الفستان انزع وعيوني تمطر دموع احس نفسي حيل ضعيفه وماكدر اسوي شيء.
وافقت عليه وتقبلته واني ماريده كارهته وكارهه روحي من وراه.
خليت اديه علئ وجهي وبچيت حيل مختنكه كلبي يوجعني حيل خايفه منه ممرتاحه وياه ابد كل ماشوفه اخاف.
بقيت كاعده هوواي وحدي وابجي اخر شيء مليت دخلت للحمام سبحت وبدلت ملابسي ونزلت جوه ويه البنات ...
...
اليان ; وافقت اريانا علئ اخوي انصدمت من عرفت بالموضوع حجيت وياها وفهمتها انو ميناسبها مع هذا وافقت عليه
مادري شصايرر بغيابي وشلوون بهل فترا صارت تحبه وتريده
المهم تقبلت الوضع اني وماسويت شيء بعد ماطول هيه مقتنعه هاهيه
التهينه بتحضيرات الخطوبه نفتر اني وبنات عمتي وجنان نختار ملابس للخطوبه تيمور هوه الي ختار فستان اريانا وللصراحه ذوقه كلش حلوو بالملابس.
خلصت الخطوبه اني بقيت يم بيت خالتي شويه اشوف بنات خالتي بيرلين وسيرين صارلي تقريباً 6 سنوات مشايفتهم
بيرلين : ڪلش متغيره
_شنوو ألي متغير بيه
بيرلين : والله ملامحج متغيره اخرر مره شفتج جنتي صغيره ڪلش هسه ماشالله كبرانه.
_هههه أي خما نبقه صغار كبرنه
سيرين : أي انتِ شوڪت نفرح بيج
_بعدني مالگيه الانسان المناسب واريد اشتغل واعتمد علئ نفسي ممفكره بالزواج نهائياً
بيرلين : وليش تشتغلين أشو ابوج ماشالله عنده خير شتسوين بالتعب والدوخه
_لٱ بالعكس اني احب اشتغل واتعب علئ نفسي ماحب بابا يبقه طول عمره يصرف عليه.
سيرين : والله كلامها كله صح هسه اني موو ڪملت دراسه وماشتغلت هسه اتحسر ع شغل هواي اعتاز وتدرين بـ ڪرم شغله بسيط وراتبه قليل.
_أي شفتي الشغل سلاح للمراه
بيرلين : أي صحيح اكلكم اريانا شو تاخرت صاعده اشوفها
_يلا اني راح اروح بعد تأخرت غير يوم هم اجي واشوفكم راح تبقون هنا موو
بيرلين : لأ والله اني الصبح ارجع لان تدرين جهالي بالمدرسه ماكدر
_هاا لعد اشوفكم بالعرس مال اريانا
سيلين : انشالله حبيبتي
_مع السلامه سلمولي علئ اريانا
عفتهم وطلعت من البيت صعدت سيارتي وسقت صارت تمطر الدنيا شغلت اغنيه الاصاله احسها تحجي عن شعوري بهل لحظه
أشتقت الك تحت المطر حنيت الك غصباً علي ..'
گلبي مع صوت الرعد ڪانو ينادولك ..؟
مريت في بالي مثل وقت الغروب الي تمر گلي وشمعنا العمر لوو مر من دونك '!
اول شخص خطر علئ بالي آرون شصار وياه صارلي 6 ايام تقريباً من رجعت مشايفته واحس نفسي حيل مشتاقتله
خايفه يوصله بابا ويسجنه اريد احجي لبابا الحقيقه بس ميقبل يحجي وياي شكد حاولت اراضي بكل مره يطلعني او يعوفني ويمشي.
غمضت عيوني بحسره صاارت تمطر مطر خفيف وضوئ البرق يشع بالسماء الجو خرافي بمعناً الكلمه
وكفت سيارتي علئ ازدحام بقيت اباوع علئ الاجواء واني مندمجه ويه الغنيه فجأه شخص دك شباك سيارتي نزلت الجام واني مستغربه جان ملثم وشايل بيده ورد جوري
آرون : تشترين انسه اليان
فتحت عيوني بصدمه هذا آرون متاكده هذا صوته اني اعرفه
_آرون ؟؟؟
آرون : هههه شلون عرفتيني ولج
انملت عيوني دموع وكلبي صاار يدك بسرعه نزلت من السياره ورحت عليه اركض مادري شصاار بيه حسيت وجوده موو حقيقه ممصدكه اشوفه كدامي بعد
رحت اركض عليه حضنته بقوه واني اضحك ودموعي تارسه عيوني
_هههه والله ممصدكه اشوفك بعد هل فترا
آرون : تعاي ندخل للسياره انفضحنه هسه العالم شتكول علينه
هزيت راسي بأي رجعت للسياره دخل هوه بالصدر مشه الازدحام سقت السياره ركنتها علئ صفحه نزع الثام من وجهه باوعلي وهوه مبتسم وكال
آرون : شلونج
_ڪلش زينه انتَ شلونك شصار وياك
آرون : مادري شلوون اجازيج علئ و ڪفتج وياي كلش ممنون منج بفضلج ابوي رجع النه وهسه احنه ملتمين بيت واحد
_مسويت شيء بالعكس هذا الشي بسيط انتَ تستاهل اڪـثـر.
آرون : تدرين اجيت ليوم لبغداد خصوصي الج اريد اشكرج وحاولت اوصلج بكل طريقه ماكدرت اخرر شيء شفتج بقيتي بيت اقاربكم وانتظرت طلعتج ولحكتج
_هههه انتَ شاطر بهيج امور ملاحكات وخطف.
آرون : ههههه أي صح تعرفيني بعد
ابتسمت وبقيت اباوعله حيل فرحانه بشوفته هوه هم ركز بوجهي سحب نفس وكال.
آرون : اذا اعزمج تجين؟
_وين
آرون : لعرسي
اختفت ابتسامتي من حجه هل كلمه بلعت ريكي بغصه رجعت ابتسمت مجامله
_ءء أ هوه مادري شوكت عرسك انتَ
آرون : بنهاية هذا الشهر تقريباً بعد 10 ايام حالياً داجهز بالبيت وبالغرفه مالتنه يمڪن ماحجيتلج عندي بيت اني بغداد وارتب بيه وابوي واختي مأجر الهم بيت باربيل حالياً ساڪنين بيه
_الف مبروك تتهنه
آرون : هسه تجين لعرسي موو اني عازمج من طرفي تكونين شتكولين
_انشالله اذا صار عرسكم بغداد اجيكم
آرون : راح افرح ڪلش بوجودج
هزيت راسي واني اخفي زعلي وخنكتي دنكت راسي واني اباوع الاظافري
آرون : يلا تأخر الوقت ارجعي لبيتكم وديري بالج علئ نفسج
رفعت راسي باوعله اريد احجي الي بداخلي ماكدر صعب حيل عليه هل انسان موو من نصيبي ابتسمت بوجهه وكلت
_انشالله انتَ هم دير بالك علئ نفسك
آرون : يلا مع السلامه او هذني الوردات اعتبريهن هديه بسيطه مني وشكر علئ الي سويتي الي
اخذتهن منه واني مبتسمه هزيت راسي بأي فتح باب السياره وطلع لوحلي بايده شغلت السياره ورجعت للبيت نزلت دموعي وبجيت
ليش ابجي مادري ليش ضعفت وياه هل انسان ميحبني اوووف شسويت بروحي شلوون احب انسان موو الي.
المشكله هوه ابد محاس بيه ويحجي كلشي بسهوله وفرحان.
اخذت الطريق كله ابجي واهدي بنفسي مره احجي علئ نفسي مره اكول موو بيدي هل شي مره اضوج من آرون
وصلت للبيت دخلت السياره للكراج ودخلت للبيت جانو خواني كلهم كاعدين بالحديقه محتفلين بخطوبة تيمور
ساهر : تعالي حبيبتي
ابتسمت رحت يمهم ڪعدت سحبني ساهر لحضنه خليت راسي علئ صدره واني احس بنفسي محتاجه حيل لهل حضن واجه بوقته.
قصي : شعجب مابقيتي هناك
_مارتاح غير بيتنه
تيمور : وبيت رجلج قريباً
_شقصدك
تيمور : خما تبقين طول عمرج هيج يجي يوم وتزوجين
_اهتم بزواجك ومعليك بيه
تيمور : ههههه شيء اكيد اهتم بزواجي بس واجبي لأن اخوج الجبير افكر بيج وبزواجج
_اوي فدوة شڪد حنين طلعت
تيمور : شعبالج لعد
قصي : ههههه احس عركتكم ڪيوت
تيمور : انجب انجب هم يعرف الكيوت عود
_يلا اني صاعده انام تصبحون علئ خيرر
الكل : وانتِ وبخير
عفتهم وصعدت لغرفتي تعبانه حيل ودايخه من الخطوبه ليوم كله اركض وجيت آرون خلت طير كل الفرحه.
دخلت لغرفتي واني ميته تعب نزعت الكعب لان كسر رجليه شمرت سويج السياره والجنطه علئ الميز اخذت ملابس ودخلت بدلت مابيه حيل اسبح بهيج وقت ساعه بـ 12 بليل
تمددت علئ فراشي واني تعبانه ودايخه بقيت هواي افڪر بكلام آرون اقبل عزيمته واروح لعرسهم او اغلس وماروح اذا رحت راح ادمر نفسيتي بيدي .. دخت من التفڪير ونمت
ڪعدت ثاني يوم الصبح متأخره ساعه بـ 11 الصبح ڪمت غسلت وجهي بدلت ونزلت جوه جان الكل طالع للشغل بس جنان بالبيت
_صباح الخير
جنان : صباح النور
عفتها ورحت للمطبخ حميت الجاي وخليت جبن بالصمونه واكلت اسينا تجهز بالغده مقرره اكمل وروح للشركه
اريد احجي ويه بابا وهم ارجع اشتغل مليت من كعدت البيت كملت اكل رجعت صعدت لغرفتي بدلت ملابسي اثناء مجاي اخلي مكياج اتصلت عليه اريانا
_الوو
اريانا : صباح الخير
_صباح النور عروستنه الحلوة
اريانا : لبارحه ليش رحتي عبالي تبقين يمنه اشو نزلت مالكيتج
_أي والله مڪدرت ابقه تعرفيني اتقيد بالكعده وانتِ تاخرتي فوك اشوفج غير يوم موو بعيده عليه انتِ ولاتنسين راح تصيرين جنتنه يعني تشوفيني 24 ساعه ههههه
اريانا : ايي صح
_يلا حب حالياً رايحه للشركه وداخلي مكياج احاجيج غير وقت
اريانا : تمام
سدت الخط كملت مكياجي لفيت شعري ولبست فوك طاقيه من صوف هيه مخصصه ويه الملابس مالتي.
اخذت جنطنه نسقتها ويه لبسي خليت كل اغراضي بيها وسويجي ونزلت
طلعت من البيت بعدني بالحديقه فكرت اتصل علئ بابا وانطي علم بجيتي ليش اروح ويفشلني طلعت جهازي من جيب الكوت واتصلت عليه يرن بس محد يجاوب اخر شيء فتح خط حجيت بلهفه
_الوو بابا ليش متجاوبني
مجهول :العفو اختي هذا الرجال سوه حادث وحالته كلش خطره
