رواية ضلم ابي الفصل الرابع عشر بقلم جمانه السعيدي
ساره...اليوم الثالث طلعت من المستشفى
سلمان ابد ماعافني حتى مايروح للشغل يخاف ابوي لو اخوي يرجعون عليه
طلعت للبيت بس دخلت الحجيه شافتني
الحجيه....اي رجعت عليه ام المصابب
ساره...رحمه الوالديج حجيه الف شكر
الججيه...اني مجذبه جنا ناس كاعدين وساكتين الله
ساترنا اجيتي انتي حياتنا كلها خربت
لو بلمستشفى لو بلمركز
سلمان...حجيه كولي يالله
الحجيه...كلت يالله يارحمن يارحيم بس ساره بعد مالها مكان بهذا البيت
سلمان....خل تصير زينه طلعت من عمليتين
الحجيه...عسى عشره مااريدها بهذا البيت بيتي
واني حره بي شنو هيه كوه
سلمان....طالبين منج عطوه بس خلي تصير زينه
الحجيه...لا اني كلت مالها مكان يعني مالها مكان
سلمان....اذا تطلع اني اطلع وياها لان اني انطيتها كلمه احميها ومااتخلى عنها
اذا تكولين تطلع نطلع اني وياها
اني مو اخر عمري اطلع زعطوط ماعندي كلمه
البنيه ماااذتج بشي بلعكس خادمتج ودور خاطرج
بس فتحت عيونها بعد العمليه
كالت الحجيه منو بقى وياها
خلينا عايشين وواحد يساعد الثاني ولله كريم
ساره...من سمعت الحجيه سلمان يكول اني اطلع وياها
سكتت بعد ما حجت
بس زعلت علينا ثنيينه
سلمان جاب اكل من برا وتوسل بيها تجي تاكل ما قبلت
زعلانه لان سلمان قارني بيها
برائيها المفروض سلمان مايقارن اي احد بيها
رائ سلمان هذا يعني اني اليه معزه بكلبه وهذا التصرف
بلنسبه الها يعني شي غلط
جمانه السعيدي
بقت لليل زعلانه ما تحجي ويانا
بعدين كالت اني الي راح اطلع من هذا البيت
عايفته الكم
سلمان...وين ما ترحين اروح وياج
اني مااكدر اعيش بدونج
الحجيه...لا تكدر مو تكول اروح ويا ساره اذا طلعت
سلمان....اني كدامج جاهل مااكدر اوفي بوعدي
شلون كعدت كدام اهلها وكدام الشيخ
وكلت مااطلك ساره زوجتي وراح احميها
وهسه هيه توها طالعه من المستشفى بعد عمليتين
واشمرها بلشارع
انتي تعرفين كلش زين مالها احد ووين تروح
اني ااكدر ااجرلها مكان واروح وارجع عليها واكلج
طردتها مااعرف مكانها وين
بس انت عزيزه عليه مااريد اضحك عليج
واريد اني ساره ندير بالنا عليج نهتم بصحتج
كبري عقلج انت حبيبتي انتي الأصل انتي ام البيت
احنا عايشين بحسج هنا
لا تخربين بيتنا بلغيره ساره خوش بنيه وتحبج
خلي حياتنا تمشي
سكتت شافت نفسها بكل الاحوال خسرانه
اذا طلعنا اني وسلمان محد يهتم بيها
بس اذا بقينا بلبيت راح تطمن على نفسها اكثر
بقت زعلانه يومين وسلمان يصالح بيها وماكوووو
عبالك طفله زغيره حتى حلويات جابلها
جابلها ملابس جديده
ماياكل اذا ماتكعد ويانا ويوكلها بيده
شويه هدئت
هيه اصلا تعرف اني زينه الها وسكتت
اربع ايام بعد ما طلعت من المستشفى لزمو ابوي
وبدو التحقيق وياااا
راح سلمان حضر التحقيق
خلو بلسجن مصطفى خلا محامي يترافع عنه
حاول يلعب بلقضيه
خلا شهود مصطفى ونور على اساس اني الي
بديت المشكله رحت للبيت وغلط على ابوي
وهددته وطالبته بحصتي من الورث
وكتله بيع البيت اربد حصتي
صارت دعوتهم ساره بتحريض من زوجها تهدد ابوها بلقتل
سلمان...كاللهم ماكو هيج حجي الشيخ شاهد منو الي هددنا بلقتل هو الي هدد ساره بلقتل
بس لان رفضت تروح بيت اهلها
جمانه السعيدي
بقت القضيه ٣ اشهر بلمحكمه
تبهذل ابوي بهذال مو طببعي شبع اهاين وسحل
منا لمن صدر الحكم علي سجن ٣ سنوات
بتهمة الشرع بلقتل مع سبق الاصرار والترصد
كام مصطفى يتهدد عليه بلمحكمه شلون تخلين ابوج بلسجن
انت شلون بنته ما تخافين من رب العالمين
وبلوالدين إحسانا
ساره...اسكت لا اشتكي عليك انت شريك بهاي الجريمه
انت من البدايه كنت تساعده يضربني ويقلل مني
تشوفه معيشني الحرمان وتساعده حتى يذلني ااكثر اني بعد مااسكت على حقي اابد
سكت مصطفى لان يعرف كلش زين اني مو ساره القديمه هو وابوي طلعو الوحش الي بداخلي
بعد مااسكت الهم ابد
بعد سجن ابوي بست أشهر بلضبط
رجع سلمان للبيت
ساره....اليوم ااكو شي شصاير
سلمان...قبل اسبوع ابوج متخربط بلسجن ناقلينه للمستشفى طلع عنده سرطان منتشر بجسمه كله
اليوم اجاني مصطفى يريدج تتنازلين عنه حتى يطلع
ساره...انكسر خاطري علي اول مره اضوج على ابوي بعد العمر هذا كله
سلمان...هااا شكلتي خطيه مريض محتاج يطلع يتعالج
ساره...اي موافقه اتنازل عنه
ثاني يوم رحنا اني وسلمان تنازلت عنه
بقى مصطفى يمشي بلاجراءات الحد ما طلع
رجع البيته بس بلبدايه اهتم بي مصطفى
بعدين سمعت محد اله ومحد يهتم بي
نور كل اربع او خمس ايام تجي تشوفه ساعه
وترجع البيتها ومصطفى يجي كل يوم بليل يكعد شويه
ويروح البيته
زوجت مصطفى ما تقبل ابوي يكعد بيتها تكول اذا مصطفى
جابه بيتي اخذ جهالي واطلع
ماعوزي اخدم وواحد.مريض
اما نور زوجها ازوج عليها ووحده ما تنجرع وكحه
مطلكه مرتين بسبب وكاحتها وصلافتها
ومبهذل احوالها بهذال المشاكل بينهم ما تخلص
راتبها قليل مايكفي تدفع إيجار ومصرف للجهال
باقيه بلبيت حتى تحافظ على بيتها تكول بلكت نزوه
وتعدي يطلكها ويرجع البيته وجهاله
كل هاي المصايب وتكول بعدني احبه مااريد اطلك
جمانه السعيدي
اما ابوي فوك المرض والتعب النوب الوحده والقهر الي عايش بيها مقهور على حاله
محد يهتم بي المرض ياكل بجسمه
حسره علي الي يغسل ملابسه لو ينطي شربة ماي
هو الي وصل نفسه الهذا الوضع
سنه بعد ما طلع من السجن ومات
اني ما وصلت عزاه ولا رحت شفته بعد مايكسر خاطري
بعد كلشي صار وياي
بعد الأربعين بيت اهلي انباع
طلع ابوي مسجله باسم نور ومصطفى
هدد ونفذ تهديده مايهمني مااريد منهم شي
من بعدها انكطعت كل علاقه اليه بااهلي
لا يسئلون عني ولا اسئل عنهم ولا اعرف أخبارهم
بهاي الفتره من زواجنا الي كانت تقريبا سنه وسبع اشهر
ااو اكثر
مشاكلي ويه الحجيه ماتخلص
ولله هيه الي ماتعرفين بحالي بس اني تعودت عليها
وعلى سوالفها
اني وسلمان كنا نبوك اللحظات بوك حتى نكون سوه
وننجمع اني ويااا كزوج وزوجه
شكد جنا حذرين منها لا تكشفنا نخطط ونحدد موعد
ونحاول ما نخليها تحس بينا
شكد صعبه هاي اللحظات بس جانت لحظات سعيده بينا
طبعا هيه شاكه بينا بس ماعدها دليل
شكد حاولت تستدرجني وتعرف اذا اكو بينا شي
بس اني كنت انكر
لان بس تعرف تنفجر علينا
واحتمال اصمم اطلعنا من البيت
الحد ماوصلنا الازمة كورونا بهاي الفتره وكعت الحجيه
بكورونا منا هيه عدها صعوبه بلتنفس وسمينه
سلمان كرس كل شغله بهاي الفتره الخدمتها
واني ابد ماعفتها ولا لحظه وحده حتى بليل انام بغرفتها
اخاف تكعد مختنكه حتى قنينة اوكسجين جبيره
جبنا وحده بلبيت
طبعا اني جنت خادمتها بذمه وضمير
هيه بالمقابل جانت خايفه تموت واني اخذ مكانها
تتعمد اتكح بوجهي لو تنفخ الهوا بوجهي
حتى تعديني من كل عقلها تفكر اذا ماتت اني
اموت وياها لان تنقلي العدوه
ماتعرف الموت والحياة بيد رب العالمين
سنة٢٠٢٠ شهر الخامس ماتت الحجيه
لان جهازها التنفسي جان حيل ملتهب والفايروس
انتشر بي بسرعه
شكد بجيت عليها لان اني بلفتره الاخيره كلش قريبه منها تعودت على وجودها
سلمان تخبل عليها ااول ما ماتت ماقبل تندفن
ويا الناس الي ماتت بهذا الفايروس
دفع شكد فلوس حتى تندفن بلمقبره الجديده
بلنجف بوقتها هاي المقبره ماكان بيها هواي قبور
كل اسبوع يروح يزورها
صار البيت خالي بعد ماعافتنا الحجيه
من بعدها استقرت حياتي ويا سلمان
حاولنا ااكثر من مره حتى يصير عدنا طفل
بس مشيئة الله اكبر من احلامنا
الحمد لله على كل حال
اني راضيه ومقتنعه بحياتي على الاقل عايشه
مستقره وياا انسان يحبني ويخاف عليه
احسن ما باقيه بيت ابوي جان هسه بعد ماانباع البيت
وكلمن اخذ حصته
الله اعلم شصار بحالي ووين عايشه وشلون
الحمد لله الي رحمني ودزلي سلمان ينقذني من وضعي التعبان
الحمد لله على كل حال
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
