رواية هو لا يشبههم الفصل الرابع عشر بقلم تبارك الوائلي
{{ لا هنه انعمن حتى العذر عميات
ولا هنه الغفن بالليل وارتاحن }}
جمانه : بسام تصرفاته كلها تغيرت وصار من سيء إلى اسوء وصلت بي مرحله يضرب نور وياذيها واني مابيدي غير اخذها وطببها بالغرفه واكعد ابجي وهو
من يشوفني انقهر يعاند ويايه ويجي ياخذه ويعاقبها اكثر .
_ بسام فدوه عوفها كافي والله ما تفتهم .
صاح بصوت .
_ ارجعيييي بنتي واني اربيها لتدخلين .
جمانه: كل ما اتقرب يصيح عليه وياذيها اكثر اخذها وكعدها بصف الحايط ودار وجها على الحايط وهيه مدام مكعدها هيج تبقه تبجي تخاف واني ابجي وياها ومابيدي شي كل ما احجي يزيد .
_ بسام الله يخليك خليني اخذها كلبها راح يوكف من البجي .
_ طبجن مرض انتِ وياها لا تخليني اشعل عشيرتج بنت الق... انعل .....
_ زاد عليه بالغلط وصار يصيح شفت نور خافت واني ماعندي كلب اتحمل منضرها رحت بالمطبخ
كعدت بجيت بصوت وحركه ياربي طفله والله نور
طفله بعدها بعمر 4سنوات هيه تعرف عقاب بس شسوي من ضيمي اسكت شويه ورحت شفته شويه
هادء اخذتها منه وطلعت وصرت اتجب اصير كباله وحتى نور أخاف من تروح يمه حاولت ابعد نور عليه حتى ليأذيها .
مرت الايام _
ندك الباب راح بسام فتحه اجه علينه حمودي يزورني ويعتب سوده عليه اشون ماحاضره عرسه .
محمد : جمانه زعلان منج اني معقولة اختي متجي العرسي .
بسام : هيه ماجتي ماقبلت تجي عود اني كلتلها
باوعت عليه عيني عينك يجذب اني من خجلي
شكله كتله .
_ لا يعيني جانو جهالي مرضه وماكدرت احضر عرسك ممعقوله حمودي يتزوج وما اجي بس بعد ضروف .
محمد : والله تمنيتج موجوده العرس حلو جان .
جمانه: بالعافيه عليك والله تستاهل كل خير حمودي .
محمد : تسلمين جمانه .
_ ان شاء الله تشوف جهالك شلونها عروستك حلوه .
محمد : اي حلوه بس مو احلى منج .
جمانه : حبيبي عيونك الحلوه ، بس اكيد انت احلى منها بس جمال عيونك كافي .
ضحك وكال
محمد : اي والله اني واسامه معروفين بالعيونه بس اسامه اشكر وابيض مني .
جمانه : اي صح اشكر وابيض منك ، صدك اشلونه
ويا هاجر .
محمد : الحمدلله زين .
جمانه : ضحكت وكتله ، يعني عقل .
محمد : مو عيب مال يكعد اسامه ويعقل لا ابد نفس طبعه متغير .
جمانه : الله يهدي منكول غير شي .
سكت شويه شاف بسام دكو الباب عليه وطلع كال .
محمد : جمانه اريد اسالج سؤال بس والله مستحي وماريد احرجج .
_ كول حمودي حبيبي خير .
محمد : اكلج بسام هم رجع يشرب ؟؟؟
_ لا اسم الله يمعود لا ابد من طلع من السجن لسه
هو بطل الف الحمد لله والشكر من بطل .
اباوع محمد شكله مو طبيعي كتله اكو شي.
محمد : هااا... لا ... ماكو .
رجعت كملت كلامي وكتله .
جمانه : أي والله خلفله على ولد خالتي بقو وره ويححون عليه وهو هم الله هدا هاي السنه االثالثه راح تخلص هو عايف الشرب ، بعدين ليش هيج سالت شكو سامع شي انت شايف ؟
_ لا بس ؟
_ بس شنو حمودي لتضم عليه عليك الله كول
والله مازعل بس احجيلي .
تنهد وكال .
محمد : جمانه اترجاج مو تكولين اني كتلج .
جمانه : لا والله مااحجي محمد لتسكت .
محمد : جمانه بسام من اجه بعرسي مو طبيعي جان ابد بكل تصرفاته وشكيت بي شارب جان .
ضربت صدري وكلت
_ عززز العزاني صدك تحجي .
_ اسمعي على كيفج خلي نحجي .
_ اي اي احجي مو اعرف حضي اني مصخم وملطم .
_ اسمعي يا عيني اني حجيت الحسان كال .
لا اني وكفت بصفه مابي ريحه شرب ابد بس جان
مو طبيعي ويتصرف بغرابه ماكعد ابد عاد اجه اسامه وحجيناله عافنه شويه راح يم بسام شويه واجه كال هذا شارب حبوب كبسله علمود محد يشتم بي ريحه الشرب تعرفين بااسامه متفوته هيج سوالف يعرف كلشي .
_ عزااا بعينج جمانه انوب هاي شنو هم سكر يعني .
_ أي جمانه بس الفرق هاي حبوب بلع وهم محد يشتم بي ريحه شرب .
_ ياااا يمه لحكيلي هذا ميتوب ابد .
اجت طيبه كعدت يمنه وكالت .
طيبه : على الخير الف مبروك .
_ الله يبارك بيج ليش ما جيتي لعرسي لعد .
طيبه : شنسوي بسام ماخلانه خوب جمانه كتلت روحه وبجت وماقبل ياخذها ويا .
رد متفاجأء .
_ جمانه صدك بسام مقبل يجيبج .
_ هااااا ، اي .
يبووو عليج طيبه مفضوحه واني تعذرت بجهالي شكول بعد وهو هم حس سلم ومشه اجيت الطيبه ا كلتلها .
_ ولج اني تحججت بالجهال مرضه وانتِ كتيتيهن .
طيبه : يااا وشمدريني اني يله واذا قابل غريب محمد علينه وميعرف بسوالف بسام .
جمانه : اي والله بهاي صدكتي اخوج لا ينحزر ولا ينعرف ابد .
كمت اكمل واني كل فكري اشلون بلي سمعته ياربي ولازم ماحجي ابد خفت مثل قبل من كال ايهم وراح بسام تعارك ويا لازم اسكت وراقب من بعيد واشوف تاليها ويا بسام شنو
مرت الايام __
ورجعت تعبت وهم شكيت بنفسي و حللت وطلعت حامل والكل فرحان بحملي ومرت الأشهر وطلع بيه بنوته واول مره يقبل بسام اسمي الطفل اني نور امي سمتها من جنت زعلانه يمهم وطارق هو سما على اسم خالي وهذا كتله اني اتمنى اسميه كال .
_ بكيفج سميها انتِ .
هلكد ما حبيت مسلسل نور ، بسنه 2010 مسلسل نور ومهند وبتهم ملاك سميتها على اسم بنتهم
ومرت الايام .
كاعده بقلق منتضره بسام اتأخر ياله اجه ومن اجه نصدمت بي شارب شرب بحيث مابي حيل يوكف اني شفته انجنيت عمتي وطيبه جانو نايمين والجهال نايمه واني خفت من شكله كوه يحجي
بكلام ممفهوم كال .
بسام : جمانه وعيونج اول واخر مره توبه.
جمانه : فدوه فرشت الك تعال نام ورتاح وبعدين نحجي .
وصدك راح بوجه نام كعدت الصبح لكيت كل معتاد عمتي رايحه للمحل وهو وطيبه والجهال كعدو سويت الهم ريوك هو ساكت محجه شي راحت طيبه يم جيرانه وراحو نور وطارق يلعبون كال .
بسام : والله جمانه غلطه وصارت مادري اشلون انضحك عليه وشربت فدوه بعد ماتنعاد ولتحجين حتى الامي ولا طيبه ابد .
جمانه : ليش بسام منو ضحك عليك انت مو صغير اكيد هذا صديقك الي وعدت نفسك اتخلي يبطل ومثل ماكتلك صار العكس .
بسام : شنو قصدج ؟
جمانه : قصدي رجعك للشرب والدربك القديم انت ماكدرت اتخلي يبطل بس هو خلاك ترجع تشرب .
سكت وصفن بحيره مثل واحد تايه كتله بحركه كلب .
:- ليش بسام ليش والله حرام عليك متفكر عندك اطفال اشوكت تتعدل حالتنه ليش منعيش مثل الناس ونخلص من كابوس اسمه الشرب .
كملت كلامي واني ويه كل كلمه احجيها اشهك وابجي حسيته نقهر عليه وكال .
_ كافي بجي ياعيني والله متنعاد ابد والله جمانه اني اريدج تساعديني وتوكفين ويايه لان صفيت ماعندي اي اصدقاء جنت ساد وقتي ويه ولد خالتي ، اني ليش ردت نروح يمهم لان جنت اعرف نفسي ضعيف من هل ناحيه بس اخ اخ من امي دوم معارضه اي شي اريده.
جمانه : صار يبجي مكسور مثل الجهال نقهرت عليه ولا عبالك هذا بسام الخابص البيت هسه هيج مكسور وضعيف ويتوسل بيه اساعده كتله .
_ كافي بسام والله مردت كلبي اني اساعدك فدوه باوع على جهالك وتوب وعوف اصحاب السوء .
_ ولج جمانه اشلون كليلي وين اروح وماعندي اصدقاء غيرهم .
_ تكدر اصادق غيرهم والله حتى اذا ماعندك ابقه بالبيت لا تطلع اني اكعد يمك ونباوع مسلسلات سوه ونروح على اهلي و على خوالك لهي نفسك باي شي .
_ ان شاء لله باجر اروح على حسان واسامه اشوفهم
واكعد يمهم .
_ اي روح لهي نفسك المهم عوف اصدقائك .
وصدك ثاني يوم راح واجه باليل متونس يم حسان و فرحت من لكه مكان يروح يلتهي بس سمعت هدى حامل بعد ما خطيه سقطت طفل قبل فتره وهسه حامل ويايه .
ومرت الايام __
رحت ازور اهلي وسمعت ابويه يريد يزوج اخويه صالح من بت خالتي كواكب اني حيل فرحت
لان كواكب حيل حنينه وابويه هم كال .
أبو صالح: ازوجك كواكب لان مالكه احسن منها تلمك وتلم اطفالك .
صالح : التشوفه مناسب سوي يابه.
وافق اخويه صالح هذا الحجي مر على وفاه زوجته 6 اشهر و الجهال تعبوهم حيل ويحتاجون ام الهم وبعدهم ازغار ، راحو صالح و كواكب وعقدو محكمه حيل حيل فرحت لزواجها من اخويه ورحنه اشترينه ملابس العرس وحضرنه وماقبل صالح يسوي عرس
وسوينه العرس بيناتنه رحنه اني وعمتي وطيبه وجارتنه ام سيف بسياره بسام وصالح وابويه وعمي بسيارت ابويه وسياره صالح صعد بسها حسان ابن عمي واخذ امي ويا ، كلنه فرحنه الهم زفيناهم ابيت اهلي واني بتت يم اهلي وحتى وسرور بقت وبقينه نتعلل لليل والصبح باركنه الهم وراحن البنات واني هم اجه بسام اخذني ورجعت للبيت فرحت حيل الصالح وكواكب لان اعرفها بنت خالتي ماكو بحنيتها ان شاء لله ربي يسعدهم .
ومرت الايام وكمت أشارك بسام بكلشي بحيث اطبخ واني مكابله بسام واكعد يمه واباوع ويا افلام اكشن واسويله واهس وكلساع اكله شوف هذا وذاك كله هذا علمود يلتهي وميطلع ويا اصدقائه كل الي سويته والي جاي احاول اسوي علمود اغير بسام
بلا فايده بسام رجع اسوء من قبل وتغير بتصرفاته ويه البيت كله وصار يتأخر لنص الليل ياله يطب للبيت وكام يطب بوجها ينام علمود ماشوفه بس
الي صدمني اكثر كمت اشتم بي ريحه الشرب يعني كل مايجي متأخر يجي شارب متحملت و رحت حجيت العمتي .
وكعدا عمتي حجت ويا وطيبه واني وماخلينه كلام ماحجينا ويا اخر شي ختمها ويانه .
بسام : كافيييي اشرب على مزاجي من اشتهي اشربه واني ما مأذي احد والعنده شي يجي كبالي يحجي .
جمانه : ايسنه منه وعفنا و بده بسام اشويه اشويه يزيد بتصرفات ومن اروح الاهلي واشكيلهم نفس الجمله اسمعها منهم .
_ عوفي يكبر ويعقل واصبري وتحملي علمود جهالج .
بديت ابزع واكره حتى روحي لان بسام رجع مثل قبل يتصرف ويايه واسوء ، اصفن بيني وبين نفسي يعني بسام بقه بس 3سنوات ميشرب وصار زين ورتاحينه بس بهل 3سنوات احترمني وحتى مرات اذا طيبه تحجي عليه ميقبل ويكللهم .
_ جمانه محد يحجي وياها .
طبعاً على حق يصف ويايه ويكعد يلعب ويا نور وطارق بس اخخخخ يا اصحاب السوء ماخلو بحاله رجع على صداقتهم وهم هذا دربهم الاعوج ودخل بسرعه وياهم ، ومرات اكول هو ضعيف الشخصيه
بحيث بسرعه خضع للحرام ومحاول يتعرف على اصدقاء غيرهم ، وهم اكول لو عمتي قابله نشيل يجوز جان بسام مصار هيج حاله كل واحد فكر بنفسه ومحد فكر بيه وباطفالي وحتى اهلي هم جانو سبب حكمو عليه اعيش ويا انسان عمري ماحسيت بالامان ويا ، لو هيه المراهء مسلوبه كل حقوقها ولازم تستسلم الكلشي
مرت الايام _
وكمت اشوف بسام حتى بالنهار يشرب و بوجها يتغده وينام واني وجهالي صرنه نخاف منه انشوفه هيج شكله ، اخذهم بالغرفه يكعدون
اطور بسام اكثر وصار يجيب الشرب بالبيت ويشرب بليل يوميه قبل لا ينام وكام من يوديني الاهلي الصبح وكالي .
بسام : جمانه باتي واجيج باجر .
جمانه : فرحت بداخلي وكتله ، براحتك
بقيت يمهم وبالليل دك عليه صوته سكران وكوه يحجي كال .
_ جمانه تعالي للبيت .
_ بسام الجهال نايمه ودنيا لليل .
_ انعل ابو....ج لابو الجهال كل....ه .. كتلج تعالي .
_ شلون اجي فهمني وصالح مو بالبيت .
سمعته يصيح ويغلط غلط ماينلبس عليه ثوب
مبين مو صاحي سد الخط واني هم رحت لزمت مخدتي حطيت راسي وشكيت همي النفسي .
مرت الايام _
وهم وداني الاهلي الصبح وصار الليل ورجع خابر بصوته السكران.
_ ارجعي للبيت بسااااع .
_ هااا ، أي خلي يجي صالح مموجود.
صاح بصوت طرش أذني .
_ وين مولي صالح متكليليييي .
_ شبيك بسام الولد طالع على باب الله .
بسام : والله من حتركت عشيرتج وعشيرت بسام يا ساف..ل..ه ...يا ك.....هيج منج ومن اهلج ..
جمانه : سديته منه مقهوره ونوب هو اجاني سكران بالكوه يمشي صاح .
بسام : يله فضيها عادددد سحلتيني بهل لليل
سويتيلج حجه علمود مترجعين للبيت قن....ه
جمانه : هو يحجي واني ساكته ماحجيت ولاحرف اخاف منه من اشوفه سكران الطريق كله يغلط ويسب بيه وباهلي ويسب صالح لان موداني
مشينه مسافه وكف بالطريق طلع سجينه و
باوعلي بعيونه الحمر وشكله الي مسحوب منه
كل نور الله وكال .
بسام : شوفي هاي جمانه بيج بخت مالكيت صالح والله لو مجذبه عليه ولاكي بالبيت جان ضربت السجينه بكلبه كدام عيونج بس مالكيته امشي يله
بسااااع .
جمانه : فتحت عيني متفاجأة بكلامه وبعد مااعرف اشلون وصلت للبيت وصار ضهري وبطني تمغصني
من الخوف طبيت لكيت عمتي وطيبه كاعدت والخوف باين بعيونهن مثلي ، رحت الغرفتي من الوجع تمددت شويه و اجاني وصاح بعلو خيه صاح .
بسام : جمااااااانه كومي لج سويلي سم اريد عشه وينجججج ولجججج .
جمانه : كمت ركض وبعده الوجع بطني من الخوف تقلصت رحت اسويله ونور وطارق خافو من صوت ابوهم و راحو كبل نامو يم بيبيتهم
كملت العشه جبته عفته كباله اكل وكمل و كبل نام شلت المواعين و رحت ابجي الحد مانمت كعدت
ثاني يوم نفس الروتين اجه الليل كمت اكره جيته لان وره صلاه المغرب يبلش بسام يشرب الحد متصير الساعه 12بالليل ياله يبطل وينام بالصاله
لان غرفتنه بعدها صح جبنه مبرده بغرفتي بس ماسحبت عماي مولد زياده تكلي متتحمل لتشغليها تفصل المولد ههه يعني نفس الشي خلص الشتاء و رجعت بالصيف انام بالصاله يمهم يعني غرفتي
اشوفها بس بالشتاء .
مرت الايام _
ورح اكمل شهر الثامن مابقه شي الولادتي واجه موعد روحتي الاهلي كمت اخاف اروح لاهلي من وره بسام يكلي باتي وبالليل يسكر ويتذكرني اني والجهال ويكول تعالي رجعي وبقيت محتاره بروحتي وداني وكل معتاد كال .
_ اجيج الصبح باجر .
_ بسام هم مثل الجيتين القبلهن وسويت مشكله .
_ لا عيني مادك عليج ابد ابقي ، شسوي والله مادري بنفسي من اخابر .
جمانه : لا عفيه تعال انت اخذني وره صلاه المغرب
وفضها احسن بسام ماريد مشاكل اني .
بسام : لا يابه ابقي براحتج هل مره ما ادك عليج .
وبقه مصر على رائيه و راح وبالليل صارت
بـ 10 هم تذكرني ودك عليه وكال .
بسام : دقيقه و انتِ بالبيت اني كاعد اشرب ماكدر اطلع واجي عليج سمعتي .
جمانه : اي خوش بس يجي صالح اخلي يجيبني .
بسام : واني اكعد انتضرج بنت القن.....ه ..انعل......يابو ......لابو حتى صالح وياج .
بقى يسب بيه وبصالح وكال .
_ بعد ممنوع تجين ابدددددد .
طبكه الخط بوجهي واني بقيت صافنه على
حياتي الي مالها معنى ويا وكعدت ابجي الحد مانشفت دموعي وامي وكواكب يكليلي كافي خلي يولي هسه اشوفين الصبح يجيج هذه ميدري برروحه واني اباع واسمع واسكت نمت واني دموعي على خدي كعدت الصبح سوت كواكب ريوك وكل احنه كاعدين نتريك كملنه وندكت الباب طب سلم وكأنما ماكو اي شي ابد ومبين من شكله ضايج كال .
بسام : يله نور طارق بابا كومو نروح للبيت .
جمانه : اني سمعته هيج كال كلت فوكاها زعلان
و هو ابو الراهي خلي اكوم اجمع ملابسهم كمت اني وهو كال .
_ يله بابا اشبيكم .
جمانه : باوعت عليه وكتله ، انتضر دقيقه الم ملابسهم ونجي .
باوع عليه وبكل صلافه كال .
_ لا اني مجاي عليج انتِ اني جاي اخذ جهالي انتِ ابقي براحتج يم اهلج .
_ نصدمت من كلامه كعدت بمكاني ومنطيت أي رده فعل هو كمل كلام وكال .
_ يله بابا عمتكم ساره بالبيت اجتي الصبح علينه .
صفنت على هل بني ادم وصارت غصه بزردومي
امي وكواكب ساكتات ويباوعن عليه لبس طارق حذائه ونور لبست واخذهم وطلع بسرعه لا سلام
ولا كلام مجرد مطلع اني نفجرت بالبجي وتهسترت
وصحت بكل حسي .
_ ليش يمه ليشششش ساكته ليش ماحجيتي
وياابن اخوج ليش اخذ جهالي اني ماكدر افاركهم
ولكم اني متحملته ومتحمله ضيمه لخاطر جهالي .
كواكب :كافي جمانه اسكتي موزين عليج هيج تسوين لتنسين نفسج انتِ حامل .
جمانه : كطعت نفسي بالبجي وصحت .
_ جهالييي ولكم جهالييي اريدهم .
كواكب : ولج ماعليهم شي لتخافين هسه يتعبو
وغصباً عليه يرجعهم .
ام صالح : يمه اشبيج كتلتي نفسج هسه يرجعهم
همَ متعلمين عليج هسه تجي عمتج وتاخذج
كافي بجي عاد .
جمانه : كلام امي حرك كلبي كلتلها.
_ هذا هو الهامج تاخذني ليش هيج يمه والله حرام عليكم الي سويتو بيه ليش اني مو بتكم اني هم احسب نفسي عايشه مثل البشر ليش هيج حياتي
مو مثل اخواتي مرتاحات ويا زواجهم ليش بس اني هيج من دون عباد الله .
ام صالح : كافي راح يصير شي بيج وبالطفله اسكتي يجي ابوج وهو يتصرف .
جمانه : ضحكت بهستريا وحجيت بحركه
_ شنو يتصرف ابويه باله كليلي يمه مو هو
هذا الي گلتو عليه يكبر ويعقل ويتوب مو راحت عمتي سوتلي سحر ورجعتني اله غصب وانتِ ساعدتيها هيه سوت هيج لان تعرف ابنها محد تاخذه وانتِ وافقتي عليها ورحتي سويتي كل الي طلبته منج ليش يمه ليشششششش
كوكب : حبيبتي جمانه على كيفج .
جمانه: ابجي واحجي بحركه ويه امي .
_ والله حرام الي دسووو بيه دمرتوني عذبتوني ويه انسان مريضضض .
كواكب : كافي جمانه راح تموتين نفسج على واحد ميستاهل عوفي يطبه مرض تركي واكعد ابيت ابوج والجهال يبزع منهم ويرجعهم الج صدكي منو يهتم بيهم هسه يمهم ساره كم يوم وترح ساره ويرجعهم الج غصب عليه .
جمانه : بقيت احجي وابجي بس شيفيد بعد ، بقيت يم اهلي وعيني على الباب انتضر جيت جهالي ومنتضره يرجعهم ومر اسبوع واني كل يوم اكعد ابجي عليهم طب ابويه شافني انقهر عليه وطلع وامي بس تصبر بيه وهسه وهسه يجيبهم اجه ابويه وره صلاه المغرب ضايج حيل وعصبي امي كلتله .
ام صالح : اشبيك عيني ابو صالح .
ذب حسره بقهر وكال .
أبو صالح: نمرد كلبي من شفت جمانه هيج حالها علمود جهالها رحت البيت ام بسام ولكيت اختي الشفيه هيه ونور وطارق كاعدين بالباب قبل لا اوصل الهم طببت نور وطارق جوه ومن وصلت عليها وكلتلها .
" ليش هيج ابنج يسوي ويا جمانه وماخذ جهالها خلي يرجعون "
كالت اني
" مادخل بينهم والجهال ماموجودين طالعين ويا ابوهم " كلتلها
" شنو تجذبين اعيوني اني شفتهم من اول مادخلت الفرع "
" كالت فدوه خويه ابو صالح مابيه حيل بسام ومشاكله ميقبل وراح يكلب الدنيا عليه فدوه رحتلك
عوفهم "
ام صالح : وتالي شسويت .
أبو صالح: تعاركت وياها وكتلها ساعه السوده من ناسبتكم انتِ وابنج .
ام صالح : الله كريم يا رجال اهدء .
أبو صالح: شهدء ام صالح والله ، ندمان على زواج جمانه من بسام بكد شعر راسي الله لا يرضه عليك
بسام دمر بنتي جانت جنها جوريه بنص بيتي .
ام صالح: على كيفك ياعيني لا يصعد ضغطك فدوه عوفه هسه ينصلح غصبا عليه من تجيب ويشوف الطفل .
أبو صالح : رد بعصبيه ، محد دمر هل بنيه وشال خطيتها غيرج انتِ واني الي طاوعتج .
جمانه : اسمع كلام امي وابويه و مادري شكول بس ابجي حتى عيوني ورمت من البجي سمعن فرح وشهد بيه زعلانه واجني عليه وجايبات وياهن الفواكه والكيك وكعدن يسولفن عود ويغيرن من نفسيتي و اني كاعده بس جسد وياهن من غير روح بالي كله يم جهالي اشلون اكلو واشون نامو ومليون فكره ابالي خاف ضربهم خاف حجه عليهم لو من يسكر سوده عليه يخافون منه وميتقربون عليه ،
خلص الاسبوع _
وندك الباب جتي طيبه وجايبه وياها طارق يمه اني شفته لو مادري شنو صارلي صرت احضنه واشمه وابجي من كل كلبي وطيبه كالت .
طيبه : النهار كله يبجي عليج هو ونور بس تعرفين نور تصخر البوها هناك وتخاف تحجي كدامه بس طارق ميسكت وبسام كال ودي الامه .
جمانه : ها هسه عرف امه هذا اخوج صدك ميخاف الله ليش هيج يسوي بيه الله موجود بلي ديسوي
بيه فوك شينه كوه عينه .
طيبه : حقج خيه شسويله .
جمانه : طيبه بسام طلعها من ماعونها فوك ماسكران يخابرني يسب بيه ويغلط عليه يجي ثاني يوم ياخذهم ويروح بس يحلم بعد ارجع اله والله .
طيبه : على كيفج جمانه انتِ حامل خلي طارق
يمج واني كم يوم واجي اخذه اني مادخل بينكم
مره ورجال .
جمانه : ونور ليش ماجبتيها اشوفها وتاخذيها .
طيبه : ابوها مقبل .
جمانه : صحت ، الله ينتقم من اخوج مثل ميسوي بيه ماكول غير الله ينتقم منه .
ضاجت طيبه من كلامي وكامت طلعت وكالت من وره خشمها .
_ يله عمه بعد سلامه .
طلعت و ركعت الباب ورها ربي لا يسلمكم ولا تشوفون راحه اخذت طارق وطبيت جوه ابجي وحاضنته وهو سوده عليه يشم بيه رحت واني
اليوم الفرحه ماسايعتني ، كعدت وحبيبي طارق جاب المشط ويمشط شعري عفته يخربط بشعري براحته علمود الهي بي علمود ميتعارك ويا جهال صالح لان بسلامتهم حيل وكحين واهلي مدلليهم على ابو ايتام ومن هل حجي عكس كواكب الي اشكد تحاول تعلمهم وتتعب وياهم بكلشي بس اهلى دوم يرفضون وميخلوها تعلمهم مثل متريد رغم كواكب ربت كل ولد اخوها احسن تربيه
مرت يومين _
بقى طارق يمي يومين واجتي طيبه اخذته وراحت واني الوب ورها وكعدت ابجي من كيفي لان صار البجي ميفاركني والوسيله الوحيده الي اعبر بيها عن حزني وضيمي .
مرت الايام _
تركض ركض ودخلت بشهري وصادف يوم رمضان كعدت بل 6 الصبح فزيت عندي وجع كمت صليت وكعدت اقره قران علمود ربي يسهل ولادتي
كملت شلت السجاده ورحت كعدت كواكب .
_ كواكب ، كومي كعدي .
كواكب : كعدت فازه ، خير جمانه بيج شي .
جمانه : يمكن عندي ولاده اليوم شو عندي وجع
قوي .
كواكب : ها عندج وجع قوي وكاعده ؟؟؟
جمانه : شسوي لعد منتضرتج تكعدين بل 6 تسوين ريوك الابويه و نروح للقابله.
كوكب : اي هسه اكوم اكمل ريوك خالي واسوي
غده هم فد مره اخاف نتأخر .
جمانه : براحتج تره اعرف نفسي اني بعد وكت راح انتضرج شويه .
وصدك راحت كواكب خطيه طبخت الغده وكعدت صالح وحضرت ملابسي وكالت .
كواكب : يله جمانه امشي .
جمانه : جاي نطلع و دكت امي على بسام .
ام صالح: ابني كلت انطيك خبر تره جمانه عدها ولاده وراح انوديها للمستشفى خاف تكول محد كلي .
رد عليه بكل برود كللها .
بسام : اي شريد منها اني بكيفكم شتسون سوو .
سدته امي وكالت .
ام صالح: صدك واحد ميستحي هذا .
_ ها هسه عرفتي ميستحي يمه فدوه اروحلج
كومي كواكب يله امشي تره زاد الوجع .
كمنه طلعنه ورحنه للمستشفى وصارت 8 ونص وجبت ملاكي حبيبتي نورت الدنيا ورجعنه للبيت واجتي امي وابويه يباركولي واخذتني كواكب نيمتني وهتمت بيه شحجي قليل بحقها هل انسانه دارتني وتكمط وتسبح بنتي واجتي عمتي ام بسام العصر جايبه وياها كباب شوي وسالت امي على افلوس الولاده ودفعت الفلوس وتحمدتللي بسلامه وشافت ملاك وراحت وثاني يوم الصبح اندكت الباب اجه بسام وجايب نور وطارق ويا وطب وسلم على امي وكال .
بسام : شلونج عمه .
ام صالح: الحمدلله بخير .
بسام : كواكب بله زحمه عليج جيبي الطفلة اريد اشوفها .
جمانه : اجوي يركضون الجهال متلهفين لشوفه اختهم يبوسون بيها وفرحانين على الطفله اخذته مني كواكب ودتها اله بوسها وكال بفرح .
بسام : هاي تشبهني فدوه عيونها كبار ورموشها طوال عليه .
كمل وصف البنيه و انطاها الامي وكال .
بسام : ياله اني رايح مع السلامه .
جمانه : راح و حتى مافكر يكلف نفسه ويطب عليه يسلم عليه واني متمدده بالغرفه الي بصف الهول
راح وبقه الجهال يمي .
مرن يومين _
و اجتي طيبه اخذتهم وراحت واني بقيت يم اهلي
ومرت الايام و بعد اسبوع وتطلع الاربعين مال الطفله ، ندكت الباب وره الغده وطب صالح كال
صالح : هذا ايهم وبسام جايين علينه .
سلمو وطبو وكعدو يم ابويه وامي وصالح واني وكواكب كاعدين بالغرفه بس نستمع الهم بعد ماسلم ابويه ورحب باايهم طبعاً مو بسام ، كال ابوية .
أبو صالح : تفضل نورتنه ابني .
ايهم: عمي اول مره اجيك ولا تردني اريد
اتوسط بسالفه خير البسام وتعرف اني
اخو الجبير واعرف بسام مقصر وغلطان بحق جمانه ولو ما متربيه وبت ناس ماصبرت عليه بس لتنسه يا عمي هم عدهم اطفال ولازم واحد يتنازل للثاني واريد منك جمانه بت عمتي واختي الصغيره ترجع البيتها وجهالها .
جمانه : انصدمت من اجه أيهم يتكفل بسام وما اعرف شنو ممكن راح تكون رده فعل ابويه معقوله يرجعني زين هم مو يعرفون بسام شنو وهاي صارله كم سنه وما نعدل شلون هيج يتكفلو شويه وسمعت ابويه كال .
هلو بنات شلونكم اخباركم تعالو نتناقش هل تصرفات جمانه وتحملها البسام كل هل سنوات
صح وشنو ممكن راح يصير
