رواية الإرهابي وذات النقاب الجزء الثاني الفصل الرابع عشر 14 بقلم ام غايب

شيليني من گلبج واذا...

شيليني لكن سمّي!

وبـ غيري... ابقي اهتمي

ومن ايدي سبحه اطشري..

وبخيط غربه التمي..

صدگيني مو ذاك الفرق,

كل عمري محد يمي.

__________________________

ميمونه.. شگد جنت تعبانه وفرحت من سويت اختبار الحمل بحيث حتى الضغط والوجع نسيته جنت منتظره جيته بفارغ الصبر لان ال اثنين حامل طلعت بيهن واصلاً جنت حاسه نزلت سبحت ومكيجت انتظر خضر لان اليوم دوامه عكسي بسبب الولد وفرحانه الهذا الشي لان افتقد حضنه بليل 

جنت كاعده امشط شعري جنه فلك من فتحت الباب فزيت وفوكاهه كبل يخزر بيه اني هم كبل كمت كتله اكو شي 

خضر .. ميمونه ويخزر 

ميمونه .. شكو 

خضر .. شوكت طالعه انت

ميمونه .. اني ....مو اني فلك طلعت قبل شويه 

خضر .. مو على طلعة فلك ودك ايده على الكنتور لان جان بجهة الباب لان صغير 

ميمونه .. لعد ... اني مطالعه 

خضر-طاااااااااااالعه لتجذبين وطالعه بدون بوشيه هم 

.. لج اني واحد ساقط يتغزل بجمالج كدامي انتي اصلاً منو سمح الج تطلعين 

ميمونه .. هاي ......وصفنت انت جاي تهجم عليه

خضر .. لج واكسر راسج هم ليش عملتج سهله 

ميمونه .. يا عمله هاي تذكرت تذكرت هسه الطلعه من جبتو علي جان يبجي ومحد موجود رجع دك ايده على الكنتور 

خضر .. وتطلعين ... متطلعين مفروض 

ميمونه .. اعوف علي يبجي 

خضر .. وفوكهه تطلعين بدون بوشيه

ميمونه .. اني اصلاً نزعتهه من زمان 

خضر .. مو بكيفج ترجعين تلبسيهه ومو بس هيج طلعه بعد مو بس عتبه البيت لا الحوش هم ممنوع تطلعي بدون بوشيه 

ميمونه .. ماالبس بوشيه وما احس اله اجه عليه هجم بعدت روحي وغمضت عبالي يضربني بس هو لزم ايدي سحبني وخزرني 

خضر .. شوكت ماد ايدي عليج حتى تبتعدين كأنما جاي اضربج 

ميمونه .. اسلوبك مو طبيعي 

خضر .. اسلوبي ،اسلوبي لو تصرفاتج الي تلعب النفس الي بعد ما اتحملهن ابد طفرت روحي كدما اعلم بيج ومتتعلمين انتِ شنو تحبين اهينج 

ميمونه .. احس روحي اختنكت كلش من كلي هيج شلون كدر يكولهه ويعتبر حبي وتحملي احب الاهانه كتله احب تهيني جاوبته بس صدك متحملت هالكلمه بجيت من كلتهه بينت الخنكه الي بصوتي لان اتحملك وكت ضوجتك اصير احب انهان 

خضر .. يا يوم متحمله عصبيتي ويا يوم صرت عصبي بدون ماانتِ مسويه عمله اكبر من راسج متحسبين حساب الي لج اني مو كايل ممنوع تطلعين ومااقبل تسوين شغله اني مااعرفلهه لج اول يوم رجعت من السفر على شنو كانت مشكلتنا غبيه ،غبيه لو تسوين روحج غبيه 

ميمونه ..باوعت علي وهو مستمر يحجي ويغلط بحقي بالكلام بقيت ساكته الحد ماهو سكت وعافني وراح للكنتور نزع تيشرته وكال جهزيلي الحمام وطلعيلي ملابس 

رحت بكل هدوء طلعت ملابس والخاولي وكال 

خضر .. فلك شنو قصتهه اول مااجيت كلتي شي 

ميمونه .. باوعت علي كتله طلعت تجيب حليب 

خضر .. ليش مكلتيلي مكمل حليب 

ميمونه .. ماادري بس شنو من اباوع علي احس كلبي يوجعني حيل وانفاسي صعب تشتهم الهوى 

خضر .. الباجر الظهر نروح للدكتورة حجزت قبل لااجي 

ميمونه .. ماكو داعي 

خضر .. بس لا لان حجيت زعلتي وحتسويهه قصه انتِ غلط ....وكتلج غلطج لازم تسويهه قصه مليون مره كايلج مااحب ولا اتحمل احد يباوع عليج اتخبل فهمتي ، اتخبل تقرب عليه وكال تغزل بعينج الحيوان صار شكم يوم ويتذكرهن انتِ ليش طلعتي فهميني مو احجي وياج جاوبي 

ميمونه .. تعرف شنو المشكله ... كم مره صحتلي الفرصه اعوفك وابلش بعيد عنك واتقشمر منك امدايه واليوم اتمنى بهاللحظه لو مو خطين 

خضر .. انت تستهزئين لو شنو بالضبط تصنفين شدتحجين 

ميمونه .. اصنف تافهه واحب الاهانه واصنف واني احجي بكل جديه 

خضر .. الجديه تحجين بالخطين يا خطين ذني 

.............................

فلك .. ردت ادك الباب تنرفزت من سكوتهه هاي عود لحكت علاخير طلعهه وحده غبيه وهو طلع متحملهه فوكاهه ردت ادك الباب مااحس اله صوته خلاني كبل ادور 

خالد .. عيب الواحد يتسمع 

فلك .. اني مااقبل ننهان بعد ومااسمحله هيج يحجي ويه اختي طلع هو كوه متحملهه  

خالد .. انتي ليش تدخلين نفسج هاي مو اول مره اسمعج 

فلك .. ها لعد انت مو عيب هم تتسنط 

خالد .. ممتسنط 

فلك .. ابتسمت باستهزاء اي خطيه الحاسه السادسه عندك

خالد .. السانج طويل ويرادله كص ولله لو انتي عندي لكسر ظهرج 

فلك .. وانت شايف روحك وتتدخل بأشياء متعنيلك شعليك بيه

خالد .. شلون شعليه وبعدين صار الليل مو كلتي اليوم اروح 

فلك .. اي اروح اصلاً راح اروح بس صار ليل على باجر 

خالد .. ابتسم ،بس من العصر كلتي واكو ضوه جان 

فلك .. باوعت علي وسكتت مدري اللساني اللصم كتله انت شتريد مني 

خالد .. تسمعين كلام 

فلك .. شلون بلله اسمع كلام 

خالد .. اولاً 

فلك .. مااسمع لتكمل وتعب نفسك 

خالد ..لج انتي اللسانج هذا وسحبني من ايدي جريتهه بس بقى لازمهه 

فلك .. هاي شنو انت ليش تلزمني يا ربي عزه دخلني الغرفة علي

فلك .. انت شيطان والله لو تموت الم عليك الناس هسه ،كلكم قذرين والله  

...........................

..........................

فلك-بعد ما سحبني للغرفه انصدمت التصرفه وانقهرت لان ارمله بينهم ويستغلوني بس الصدمه الاكبر جانت الي هو رده ومن سحب الموبايل من جيبه

خالد-اللصمي واللسانج الطويل بطلي 

وهو يكلب بجهازه وبحديه خله الموبايل كبالي بلعت ريجي واحس الدمع مو بعيني صار بگلبي كبل واني اباوع عل فديو كلبي يوجعني كام وهو يحجي 

خالد-شعبالج كاتل روحي عليج هو انتي شنو ومنو حتى اباوعلج و اخسر رسل علمودج نزلت دمعتي واني اباوع على روحي بهالمنظر 

شهالقذاره الي انتي بيهه فهميني ,مسحي هالدموع مو عليه، المن لابسات بوشيه فهميني كتله واني مثل الدايخه 

هاي وسكتت 

خالد-انتي ....انتي لو مو انتي وابتسم 

فلك-والله لا ....هاي وخليت ايدي على عيوني 

خالد-شقة دعاره هاي مووووووو 

فلك-لا بغصه والله لا ااااخ ياربي مااعرف مااعرف شلون 

خالد-تاخذين اختج باجر وتولين مااكدر ابقيجن ببيتي بعد على هاي القذاره ،بالبدايه جنت عبالي الزمن يلطم بيجن لان ماعدجن احد ورغم الشفته قبل مصدكت بس لان ميمونه انخدعت بيهه تعرفين شنو الي مدوخني ميمونه بلله انتي وحده اللسانج وضعج كله مبين تعبان 

شهكت وباوعت علي .....

خالد-ومن شفت ذيج القذاره ويه البنات كلت جابريهه يجوز بس بعد هذا الشي انتي ازبل من الزباله بحد ذاتهه باااجر اكعد ماالكاج لا انتي ولا اختج تختفون من حياتنا فهمتي 

فلك-اني اخذ اختي واروح ومن البدايه اريد اخذهه وهيه متقبل بس حرام عليك تحكم عليهه وعليه بدون متسمع 

خالد-لج انتي شنووووووو اسمع شسمع مثلا شنو بعد الينسمع وهو كلشي واضح 

فلك-وروح ابويه هاي ببيت صديقتي وبس جنه بنات وصديقتي جانت تعلمنه نركص وووو باوعت حسيته يستهزء بكلامي باوعت علي 

ااني مو هيج والله ....والله مو هيج 

بقه يباوعلي واني ابجي 

مو هيج اني مااعرف منو ماعد يشوه سمعتي والله اني مو هيج 

وكمت افرك بكصتي 

خالد-مناقصجن شي او مناقصج مااحس ميمونه مثلج ابد ميمونه تختلف بس اسمج مرتبط بيهه ومراح تعوفج واذا تريد تبقه ببيتي معناهه تنساج لان مااسمح الهه حتى اتصال تتصل بيج وبيتي يتعذرج  

غمضت عيني ....احس راح انهار 

حسين انسان معروف بين التجار من سألنه علي ....انسان راقي ومدحوا شلون تزوجج وشلون بقه وياج مفكر بسمعته معقوله 

فلك-ااانت ليش هيج ليش متصدكني 

خالد-واحد اثنين تلاثه هنه 

فلك-اني موووو هيج والله مو هيج تصدك متصدك براحتك 

ممضطره ابررلك واختي مااجبرهه تبقه واطلع من حياتهه 

اهم شي راحتهه ويجي اليوم الي اواجهك 

خالد-هههه لا تعليق 

فلك .. انسطرت مااعرف شنو ا سوي ايدي انربطت شفتي كلشي كوه مسحت دموعي وطلعت رأساً ماابرر شي شكاعد يصير فجأه صار شرفي على اللالسن شسويت اني .. اني مو هيج منو راح يصدك اني مو هيج مقطع قديم جانت صديقتي بالمنطقه حنتهه باجر وجنت اسويلهه شيره ومن كملت كالتلي تجين كتلهه ماعندي فستان انطتني فستان اللبسه وارجعه وكمنه نركص بدون ماانزع الفستان وهنه هم لبسن هذا كل مالامر وجنت مشتريه موبايل صورنه بي واخذنه صور 

..................................

ميمونه -سكتت ومحجيت ولا كلمه بقيت صافنه علي وهو لطش بشغلة الخطين كانما واكف على حجاياتي ويسوي بيهن خلل 

خضر-انتي ليش متحجين كتلج تستهزئين لو شنو احجي ولا يمج 

ميمونه-لان كاعد تتحجج ومااعرف شنو مشكلتك كل الي اعرفه انت 

خضر-اني شنو هااااا 

خضر-مو طبيعي والله وردت اطلع واعوفه لان ماكو، احجي ينفعل اسكت ينفعل حيرني مشيت وعفته لان من جاوبته زاد بالتهجم عليه 

جردني من فتحت الباب وطبكه  

خضر .. ليش تلبسيني 

ميمونه .. ملبستك ولا اللبسك لان انت تعنيلي فما اقلل من احترامك بس ردت اطلع الحد ما تهدأ افضل لان هجومك عليه مكاعد الكاله اي مبرر 

خضر .. ماكو مبرر يعني انتي سوالفج عدله واني احجي تردين الكلمه عشره وتلبسيني ماعندج اي اخلاق ولا ذرة تربيه اني مااقبل هيج تصرفات فهمتي ميمونه اخر انذار الج للسانج واخر انذار الج اذا طلعتي بعد بدون ماادري وها من اكلج تتبوشين اكو مره بت اصول تجاوب وتكول لا وتعاند وتعلي صوتهه

ميمونه ..اني وسكتت كم اتهام موجودله صحه ابسط دليل انت تكلي لابستك لان مجاوبتك 

خضر .. انتي شنو بلله 

ميمونه .. خضر صاير شي فهمني عفيه مكاعد افهم والله وضعك 

خضر .. هم كالت صاير شي يعني كل سوالفج متشوفيهن روحي ميمونه نزلي احسن شي لان تعبتيني 

ميمونه .. عفته مدري شبي طلعت من الغرفه سمعت صوت غرفه فلك انطبك الباب حيل وبهاللحظه طلع خالد من الغرفه مال علي وركز عينه على خضر الي جان ورايه 

خالد .. اهلاً استاذ عاش مين شافك والله 

خضر .. شلونك خالد موجود والله بس ملتهي 

خالد .. مادامك موجود واني فوك النخل 

خضر .. دومك لعد 

خالد .. انت شوكت تكبر 

خضر .. هو محد جبير غير الله 

خالد .. اخلاق ماعندك ومو مال احترام 

خضر .. شنو مشكلتك 

خالد .. مشكلتي عقلك ال *** اني اخوك الجبير واذا يعني حجيت كلمه والكلمه حقيقيه كتلك مطي بشنو غلطت ردت اعينك بالجيش وشويه اخليك ضابط تصير شهادتك ترهم وذا مرهمت اشوف بذاك الوكت احسن ما هسه انت حارس ليللي واحسن من الي تورطت بي جان هسه انت ماعندك شي 

ميمونه .. انصدمت باوعت علي ارتبك خضر وكال ال خالد شمدريك 

خالد .. لعد منو وفه الفلوس الي حمصه ساحبهن علمودك وهو بالسجن رادو يرفعوهه دعوه هم علي

خضر .. ها قصدك على هاي مال حمصه سلفه راح استلمهه الشهر الجاي وانطيهن 

خالد .. شو هاقصدك هاي بس لا مورطن بمصيبه ثانيه 

خضر .. لا مورطك ولا كلشي بعد اسبوع للسلفه تطلع انطيك الي دفعته اخذ الخاولي مني ونزل اني بقيت واكفه كبال خالد كتله 

ميمونه .. ديون خضر شكد 

خالد .. تريدين تدفعيهن 

ميمونه .. بسببي صح ، لا ماادفع لان ماعندي بس اسأل 

عافني ودخل بدون ميجاوب بقيت اباوع على الباب بس عقلي بغير شي افكر معقوله خضر كرهني لان اني السبب وانوب هسه حامل من يعرف شيكول بلله انقهرت نزلت لكيت حبوبه كايمه تمشي وعوجيتهه داخله بالحذاء ومتشكلتهه

ميمونه .. ها حبوبه هاي مجلبه بالحذاء 

حبوبه .. ها يمه .... مو اكولن شمالهه عوجيتي 

ميمونه .. خضر بالحمام حبوبه 

حبوبه .. ياه ، بس لا توه ومطول 

ميمونه .. هسه اشوفه دكيت الباب علي صاح منو كتله اني حبوبه تريد تدخل للحمام استعجل مجاوب عفته ورحت احس اعصابي خلصت بعد مااتحمل اريد اصرخ شوف شسوي اكسر شي لان طاقتي خلصت صعدت وكلت بس يفتح الباب ويصعد كبل اهجم علي شنو كل شويه اصلاً شنو سكتت اله اني كمت احجي بصوت عالي تعبت من حياتي وياك بس تضوج من شغله تحجي وتغلط شعبالك شعبالك ها تره زهكتني 

انفتحت الباب فزيت لان جنت مندمجه وفجأه انفتح الباب والخاولي جان على ركبته وبقه يباوع عليه وكال 

ويامن جنتي تحجين 

ميمونه .. مجنت احجي 

خضر .. لا سمعتج ويا من ميمونه 

ميمونه .. باوعت وبعديه يمكن لزمت اللساني عنه قبل شويه كوه بس مااتحمل بعد كتله خضر ماكو موبايل يمي ومجنت احجي ويه احد جنت احجي على نفسي 

لان كل مره تهيني واسامحك تعبت اني والله متريدني عوفني همك وشغلك وطلبك بسببي كتلك بوقتهه عوفني خليني اموت ... بطلت تحبني لو شنو بالضبط ساعات وانت ماكو بالشغل اكول خاف كاعد يخوني انت متغير خضر حتى متتصل عليه 

خضر .. لان ماعندي رصيد وشغل عندي ليش دوم غلطج من احاسبج علي تطلعين عيوب الدنيا بيه حالج حالهم حالج حالهم كلكم اوادم خضر كلب ابن كلب وشراني ولي وعاط كلب ابن كلب ارتاحيتي حسره عليه احجي وياج اطلع كلي عيوب 

ميمونه .. صار وضعه مو طبيعي فجأه راح للميز شكو شي بي بالكاع شمره اني خفت كلش 

تريدين تعوفيني الله وياج روحي كل كلمه والثانيه عوفني 

الي استغربته محد دك الباب صوته جان عالي كلش اني تعبت تعبت من كل شي روحي ميموونه روحي اني واحد فاشل وماافيدج بشي .

حسيت بي شي اول مره هيج وضعه باوعت ايده تجري دم مجروحه مدري شنو لان مثل المخبل هاج كبل كتله خضر ايدك ورحت على الكلنس 

خضر .. رجلج كزاز لتجرحين وخري ....عوفي 

ميمونه .. جبت الكلنس وخليته على ايده ،انت بيك شي اليوم احجي وارتاح 

خضر .. ماارتاح ولا بي فائده الكلام 

ميمونه ..احجيلي حبيبي بلكي يخف عليك الخالك هيج

مسحت الدم وباوعتله وبقيت لازمه ايده وهو يباوعلي 

ميمونه .. روحي ... احجي واباوع علي حسيت اكو شي بي مستحيل مابي شي عيونه واضحه 

متضايق بسببي .....مو ومطلوب لان عمليتي هواي فلوسهه جان 

خضر .. انتِ روحي انطيهه الج وما انقهر ولا اتندم 

ميمونه .. ابتسمت مكدرت اكتمهه شفته يعصر براسه لعد شنو احجيلي احس بيك شي ....يوجعك راسك 

خضر .. شويه ....تدني شويه مفهمت شيريد بس تنحيت على صفحه نام على رجلي وكلي اسويله راسه 

 باوعت على شرايين كصته طالعات كلهن غطى عينه بيده 

بقيت اباوع علي مفروض اخذ موقف منه بس ليش مكاعد اكدر جرحني بالكلام هواي ومحتاره معقوله اني باا كرامه لو شنو 

باوعت لحيته مو مخففه اكو شامه بس خفيفه اول مره اشوفهه تلمسته عبالي وصخايه كبل لزم ايدي ومن بطن كف ايدي باسهه وفتح عينه 

خضر .. ميمونه لتتوقعين ضايج علمود الفلوس اني والله روحي انطيهه الج والله احبج ميمونه مااعرف يمكن حجيت هواي بس والله التفكير لان متشتت احس تعبان وفلوس واجبي اوفرلج هسه انتي مريضه ومااكدر اخذج هالشي يقهرني 

وجملهه هذا الساقط اذا ماخذه بعقلج عني ضايج لان مطلوب بسببج دير بالج لان ماكو هيج شي ابد اني احس تعبان خالد مضوجني ويلح هواي و جنت ضايج هم من الشغل وهم اجيت هذا لحيوان يتغزل بيج اقلعهن لعيونج قلع ومااتحمل واحد يباوعلهن 

ميمونه ..عيني شعليهه تقلعهه 

خضر .. لان حلوه

ميمونه .. ابتسمت منيلهن هنه تك وتك على كولتك كبل كعد كبالي وكام يباوع عليه خجلني عيونه منزلت عني 

ميمونه .. ابتسمت ودنكت اتباوع عليه هيج محجه 

رفعت عيني كافي خضر عليك الله 

خضر .. بابتسامه ، شمسويلج اني 

ميمونه .. اتباوع عليه هيج اخجل والله باوعت خضر شبيك 

خصر .. شكد مااظل اباوع على عيونج مااشبع ابد احبهن احبج احب خجلج احب روحج كلشي بيج تعرفين ميمونه اليوم 

ميمونه .. ابتسمت شنو 

خضر ..احبج وبس كلشي ماكو 

ميمونه .. كمت ردت اكوم من يمه كبل سحبني وكال وين ، كتله .. مفروض ازعل بس انت تقشمرني كعدني بمكاني وحضني انتِ روحي انتي نفسي انتي الدنيا كلهه الي انتي امي وابويه وصديقي وحبيبتي 

ميمونه .. خضر .. انتَ تحبني 

خضر .. فتح عينه بت الاوادم لعد توني شكول 

ميمونه .. خاف اني بسببي صار بيك هيج ومطلوب وينضغط عليك وتجذب عليه هسه مااتحمل تجاملني 

خضر .. الا الحب محد يكدر يجامل بي اكلهه انتي الدنيا ،ليش هيج تحجين ميمونتي شنو الي خلاج تشكين بحبي الج 

خضر .. خضر مااتحمل تبطل تحبني ومااتحمل تخوني 

خضر .. هاي فلك وسوالفهه اعرف هاي اختج سمانيه 

ميمونه .. ياااا فلك شعليهه 

خضر .. تعلميني بيهه سالفة الشك عندج من هيه اجتي اني اعملهه اله اوكفهه عد حدهه 

ميمونه .. عزه هاي صدك يا شعلهه انت والله متغير حتى متخابر من تروح 

خضر .. لا بربج مااخابر متعرفين السبب يعني رصيد 

ميمونه .. سوي نت اريد احجي وياك بليل اني 

خضر .. مو فلوس يرادله 

ميمونه .. انتَ مو تنطيني مرات ٢٥ الف مااريدهن سوي انترنت بيهن وقلبه نحجي 

خضر .. ميخالف بس مو هالمره لان باجر اريد اخذج للدكتوره وحسبي حساب ماكو طلعه بعد بدون نقاب فهمتي ميمونه نقاب وبعد احسن اذا عينج هم تضميهن 

ميمونه .. يا وشلون اشوف وبعدين مااريد اللبس نقاب 

خضر .. موضوع النقاب مااحجي بعدين منتهي منه وعيونج تره اكو حل هيه بوشيه خفيفه اعتبريهه مناظر شمسيه 

ميمونه .. ما مااريد والله ميصير هيج 

خضر .. يعني متريدين تلبسين بوشيه ميمونه ليش تتعرضين حضرة جنابج والله اذا اشوفج مو بس بره حتى من تطلعين بالطرمه بدونهه يصير موزين مااجبرج او اشوف نفسي خاف ببالج بس اخاف يباوعولج 

ميمونه .. شسويلهم ميباوعون خل يباوعون 

خضر .. يباوعوولج عادي غير الي يباووعلج لتضوجين حبيبتي وباسني بخدي وكال نعسان انام شويه وكعديني 

وباجرررر نقاب ميمونه 

ميمونه-اني حامل خضر 

خضر-شنووووووو وابتسم لا بربج شوكت وشلون 

ميمونه-يااااا شنو شلون 

خضر-رحتي للدكتور ميمونه واني ماادري 

ميمونه-لا فلك جابتلي 

خضر-يعني حامل طلعتي 

ميمونه-اي 

خضر-احلفي وكعد بصفي ....ميمونه ليش مكلتيلي بربج 

تعاي تعاي خل اشبكج 

ميمونه-ههههه يالله جرني الحضنه ويبوس بيه 

اريد تك وتك واريد توم ولد وبنيه 

ميمونه-قابل بيدي 

خضر-المهم اريد تك وتك اذا مأجاني مااقفل العدد تك وتك يعني تك وتك فلك عينهه جوزيه ليش يجوهه تك وتك وانتي مرتي تك وتك ميجي لا هاي متصير 

ميمونه-ضحكت ممممم مو تقلد عليهه 

خضر-ليش تجذبين هو اني شحبيت بيج غير عيونج 

واختلافج 

- يعني متحبني لو عيوني يتشابهن 

-لا انتي تك وتك ومختلفه كلج احسج مميزه 

واحس روحي مميز تره اني هم مميز مو بس انتي لتشوفين روحج عليه وباسني وسحبني تعاي خل انام بحضنج وحضن ابني لو بنوتي باجر والله اخذج ونروح للدكتور 

لا يا دكتور هو اروح غير اعرف وعرفت 

لا اخذج لازم 

والله ماكو داعي من شويه يكبر اروح 

عندي فلوس ميمونه 

والله مو الفلوس بس ماكو داعي سحبني وتمدد وجر الغطه وكام يتلمس بخدي شويه وخله ايده على بطني 

..............................

بعد ما صعدت مختنكه لكيت علي كاعد مطشر الحليب بالكاع الطوز ويلعب بي سديت الباب ووكفت ورا وابجي واباوع على علي واتوسل بي بكلبي لتصدكهم انت بعدين والله مظلومه مكاعد افهم شي 

شلون ياعلي اكتلك واكتل روحي حتى ما اصير عار عليك من تكبر وشلون راح تقتنع اني مظلومه 

.......................

 حمصه ...... ادري بيج انظلمتي والدنيا عكست وياج والتمو عليج يا يمه وجعتج لان هم مثل الظلموج ظلمت 

ماادري ميته عدله بالحالتين ميته كدامهم 

بس اعتب عليج عفتيني جان مفروض تموتيني وياج جان مفروض تفكرين بيه وبضياعي البعيد وحيد والول واحد متهم اصير بكلشي حتى اذا ماكو دليل بس لان امي بلا شرف 

حمصه-ذكريات تحطمنا وتوجعنا نحاول نتناساهه 

بس صعب نسيانهه وصعب نمحيهه غمضت عيني بحزن ونار بالكلب مشتعله 

واخذتني رجعت الذكريات ورجعتني الذاك اليوم الي مستحيل ينسي يوم صعب مينمحي لا من ذاكرتي ولا من الداير مداير 

فزيت مخترع على صوت بجيتهه وتحجي بصوت ناصي ولان ظلمه وطافيه الكهرباء يصير واضح 

ام حمصه -كتلي اجي كتلي اني سندج وينك فهمني ذلني هواي تعبت 

لا مختاريته انت تعرف كلش زين ليش تزوجنه 

ايويه هداني انت تعرف هذا الشي ليش كل مره تحجي وتكول اختياري 

مجنت فرحانه او والله ماادري شتريد هسه بطلت تساعدني كول كول لتخليني اتأمل بهاللحظه دخل ابويه 

هيه ارتبكت 

-منيلج هذا الموبايل ......اااااحجي وراح عليهه اني كبل اخترعت وبتعدت خفت حيل وخاصه الدنيا ظلمه 

جان يصيح كالولي وااااااني جذبتهم اني جنت بس اشوف خيال قليل لان ظلمه التمو الكل عليهه موخرو ابويه منهه لا بلعكس شيشو عليهه 

خفت منهم الدرجة سويتهه على روحي من اتذكر هذا الشي اخجل من روحي احسه صعب بس جنت طفل خايف جنت اسمع صوتهه وخايف خاف اني هم يكتلوني صح اهلي بس مشفت بذاك اليوم اهل شفت خوف منهم وجنت محتاج احتمي خليت ايدي على اذني 

فتحت عيني مختنك وصكيت سنوني من يومهه ومااعرف عنهه شي يجيني طيفهه هيه عايشه واني اصدكه عايش وياهه اشوفهه احسهه وياي لذلك اردد جنت هيه عايشه الحد ما فجأه كامو يكولون متزوجه 

وينهه وين امي مااعرف اي اثر الهه من كالو متزوجه زعلت حيل بس مقتنع هيه مظلومه 

_ صفنتك بيهه وجع عينك تشرحه 

حمصه .. باوعت علي طلعني من شرودي من اشر كبال عيني وكلامه هم خلاني اباوعله 

حمصه .. ولا حتى كلبي مو بس عيني هم متشرح وجعي

_ عازل نفسك وابد مختلطت وحجيت شنو تهمتك 

حمصه .. هواي تهم بس الي متدونه بالكافحه وحده 

_هههه يعني اشرد من كبالك 

حمصه .. مااحس اله انفتح الباب بس فتحة الباب جذبت كل الانظار لان جانت مو طبيعيه وكبل صارت عيني بعينه ..

انفتح الباب باوعت فواز ومبين علي عصبي ونار عيونه حمر الكل كام لان ببدلته العسكريه والجندي الويا سيدي واصلا هو محقق ويه الكل تقريباً 

كال جيبووووووو  

اني ابتسمت اجوي همه جروني من ايدي كلت ايددددك بابا وهو يخزر ويباوع عليه واول مطلعت من يمه متحمل دفعني درت علي باوعت علي وفتحت عيني .....سالمين 

سحبوني الجنود اثنين ودخلوني الغرفه اختصاص بالتعذيب علمود الاعتراف 

فواز- اليوم راح اخليك تشتهي الموت 

حمصه-مشتهي من زمان وداعتك نفذ كبل وخلصني وابتسمت 

هجم عليه ضربني جان ثاير الى درجة متنوصف خاصه ايام مرت حسيت دم طلع من بطني لان اصلا جان الخيط شويه مفتوح من شفته هيج خفت رزان صايرلهه شي كتله رزان خوما صار بيهه شي 

فواز-دمرتهه ضيعتهه ضيعت بنتي لك لك وكام يضربني جنت عايفه يضرب ومااتحرك ولا احجي لان اعرف احساسه صعب وحقه بس كلمه خلتني مااكدر ماانهار من كالهه فواز ........