رواية من الذي احبه الفصل الخامس عشر 15 بقلم لولو وائل

=الخطوبه دي مش هتم

صدم مراد عندما رأها=ميار

=كده يا مراد كده تعمل خطوبتك من غير وجودي طب حتى استنى أنا كنت راجعه وعملالكو مفاجأة مش اتفاجئ في التليفون ان النهارده خطوبتك

=والله يا بنتي ما اعرف انك نازله اساسا ولا حد قالى ولا حتى اختك اتكلمت

=هو انا اختي فالحه في حاجه غير في التخطيط والتنفيذ وبس

ردت مرام بغضب=في ايه يا ميار نسيت اقولو مش هتعمليلى حوار كبير يعني وتطلعيني غلطانه في الاخر كالعاده

=ولا غلطانه ولا مش غلطانه يلا لبسو الدبل بقى مكنتش هخليك تلبسها من غير وجودى 

=ده اكيد طبعا

وبداوا بتلبيس الدبل واخيرا تم خطبه روح ومراد و اسر وسلمى ويوسف ومي

=الف مبروك يا قمرات عرايسكم زي القمر

ردت عليها روح=الله يبارك فيك يا قمر

وردت عليها سلمى =الله يبارك فيكى يا قمرايه

وردت مى= بعد الخطوبه ليا كلام تانى معاكى 

=ماشى يا قلبى 

ونظرت اليها اميرة =انا لحد دلوقتي معرفتش انتى تبع مين

ابتسمت إليها ميار واجابت=انا يا ستي تبع العريس انا تبع مراد وابقى بنت خالته واخت البنت اللي واقفه هناك دي مرام

=مم طب ومتجوزه ولا سنجل

=لا متجوزه وعندي عيلين صغيرين بس هم بره مع باباهم وانا جيت هنا زياره واقعد معاهم يومين 

=ااه اهلا بيكى وانا اميره اخت روح خطيبه مراد

=اهلا بيكى يا قمرايه عقبال ما نفرح بيكى يارب

= ان شاء الله

واتت سوزان واخذت ميار وذهبت بها في مكان بعيدا عن الصوت العالي والموسيقى وذهبت ورائهم مرام

نظرت سوزان لميار بغضب=انت اي اللي جابك انا مش منعتك انك تيجي هنا

=واى سبب انك تمنعيني اصلا أنى اجي خطوبة ابن خالتي

=انت ناسيه ان هو كان هيخطب مرام يعني انت جايه وانتى عارفه ان اختك زعلانه بسبب الخطوبه دي

=ده على اساس انك زعلانه عليها ده بدل ما تعقليها وتقوليلها كفايه شغل الاطفال ده وتسيبه في حاله وتسيبه يتجوز هو الحب والجواز بالعافيه

اجاباتها مرام بغضب=اه بالعافيه انا مش هخليه يروحلها ولا يكمل معاها ولا حتى يتجوزها اه سبتهم يتخطبوا بس هخربها على دماغهم

= بدل ما انتى جايه تعاتبيني يا سوزان هانم عالجي بنتك بنتك اتجننت على الاخر

=بدل ما تواسى اختك وتساعديها

=اوسي ايه واساعد ايه انت بتقولي ايه انت عارفه ان هو مبيحبهاش وانا مش هجبره انه يبحبها بالعافيه

=مانت اتجوزتى إلى بتحبيه اشمعنى انا بقى ماخدش اللي انا بحبه

=لان انا لما اخذت واحد هو كان بيحبني زي ما انا بحبه لكن انت هتاخدي واحد مبيحبكيش بيحب بنت ثانيه استوعبى بقى اللي انت بتعمليه ده هو مش عايزك

=انتى اللي جابك يا ميار

=هرد على سؤالك تاني يا سوزان هانم انا جايه هنا عشان خطوبه مراد مش جايه هنا عشان اعمل مشاكل ولا جايه اخطط مع بنتك المريضه ولا جايه اطمع في الفلوس زيك

اجاباتها والدتها= فلوس ايه

=لا بالله عليكى متعمليش فيها دور الغلبانه واللي مش عارفه حاجه انا عارفه اللي فيها عارفه انتى عملتى ايه عشان خاطر الفلوس وقتلتى مين عارفه كل القصص دي مش معنى ان بنتك التانيه عارفه ابقى انا مش عارفه ومش هسكت على الغلط ده على فكره وهيجي وقت وهتكلم فيه ولازم الكل فيه يعرف الحقيقه لان انا مش عاجبني تمثيلك خالص على الناس تمثيل الطيبه وحب الخاله لاولاد اختها وحب الخاله لاختها وحب الخاله لاولاد اختها إلى قتلت امهم كفايه تمثيل لحد كده واظهرى وشك الحقيقي وش الطمع والجشع كفايه لحد كده

=كل واحده هتديني محاضره عن الطمع والجشع على اساس انتو الاتنين يعني ملايكه

=انا عن نفسي سبتلك الدنيا وما فيها وسافرت واتجوزت بره ومقعدتش هنا لكن بنتك الثانيه اللي انت سبتيها معاكي عملتى فيها ايه خليتيها مريضه عايزه تجبر واحد ان يكون معها غصب عنه عشان هي بس بتحبه هل ده صح

=ما انا قعدت اقولها سيبك من مراد وخليكى في فريد هي اللي ماسكه فيه

=فريد قولي كده بقى انت حتى بدل ما تنصحيها وتعقليها انت بتقوليلها على اتجاه الطمع روحي لفريد وخدي كل اللي معاه هو واخوه انتى مكفكيش كل اللي عملتيه في اهله كمان عايزه تاخدي منه فلوس هو واخوه

=ده حقي وانا مش هسيب حقي

=طب خليكي متوهمه بقى ان ده حقك لحد ما يجي حقهم هما فعلا وساعتها هبقى معاهم ضدك لان انا استحاله ابقى مع واحده زيك مش عارفه انت ازاي ام

=لو قولتى حاجه يا ميار هنسى انك بنتي وهعمل فيكى زي ما عملت فيهم

ردت ميار بسخريه=مش مستغربه منك متوقعه جدا إلى هتعمليه انا ماشيه يا امي

كانت اميره تقف واستمعت لما قالته ميار ووالدتها ومرام وصدمت ولكن ذهبت مسرعه قبل ان يراها احد وكانت تبحث عن فريد لكي تخبره بما سمعته

=هيكون راح فين ده انا لازم الاقيه بسرعه لازم احذره من الست دي شكلها شريره اوي

وظلت تبحث عن فريد الى ان وجدته بجانب الدي جي

وذهبت اليه مسرعه واخبرته انها تريد ان تتحدث معه على الفور في موضوع هام وذهب معها الى الخارج في حديقه الفيلا

=في ايه كنت عايزاني فى اى

=في حوار كبير بيحصل عليك او يمكن حصل مش عارفه بس هو انت اهلك ماتوا

=انتى عرفتى منين ان انا أهلى ميتين

=ما هو ده اللي انا عايزه احكيلك عنه انا سمعت حاجه كبيره اوي من ست هنا كده بيقولوا انها خالتك باين انا مكانش قصدي ان انا اسمعهم ولا اتصنت عليهم بس انا لما سمعت الكلام اتصدمت متخيلتش ان في خاله ممكن تعمل كده في اختها واولاد اختها

=قصدك ايه

=كان في ست واقفه هنا مع بنتين سمعت اسمها بيني كان سوزان كانت البنت عماله تقولها سوزان سوزان ما اعرفش بقى المهم ان الست دي باين عليها طماعه اوي بتحب الفلوس وبنتها كانت بتهددها بتقولها انها هتقول كل حاجه ليكوا ان هي قتلت اهلكم وشكلها قتلت ناس تانيين كمان عشان خاطر الفلوس

صدم فريد مما استمع له=انت بتقولي ايه انت عارفه انتى بتقولي ايه انت بتتهمى خالتي بحاجه زي دي

=متهمتش حد انا اللي سمعته قولتهولك الله اعلم اذا كان صح او اذا كان غلط أنت لازم تتاكد انت واخوك لان طالما بنتها كانت بتتكلم بالعصبيه اللي انا شفتها دى حسيتها انها بتقول الحقيقه وانها مش بتكذب ما تجرب تدور ورا الموضوع ده

=انتى عارفه لو الكلام اللي انتى قولتيه ده طلع صح العيله دي هتتفكك

=العيله واللمه العيله مبتبقاش عيله غير لو في محبه بينهم مفيش كره جواهم لبعض او حقد لكن اللي انا شفته من الست دي هي مبتحبكوش اصلا ولا بتحب اي حد في العيله دي هي بتحب الفلوس وبس يمكن تكون على حسب مشفت طنط مامت مراد طيبه جدا مشفتش منها اي حاجه وحشه واسلوبها جميل جدا لكن الست دي غيرها خالص طريقه كلامها حتى مع بناتها وتهديدها لبنتها انها ممكن تموتها بس لو قالت حاجه تظهر ان الست دي مريضه مبتحبش غير نفسها والفلوس الست دي لو خرجت من حياتكم ساعتها هنقول ان في عيله لكن بوجودها مفييش عيله في خراب وطمع بس

=مش مصدق الى انا بسمعه هتاكد منين

=ايه رايك نخلي السر ده بينا ولازم احنا نتاكد على الاقل يكون في ايدينا دليل على الكلام اللي كانت بتقوله البنت دي على امها وان فعلا تكون الست دي هي السبب في موت اهلكم

=لو انتى بتقولي فعلا بتقتل فممكن تكون خطر علينا وعليكى

=حتى لو خطر انا مش خايفه منها انا عاوزه اساعد شايفه  أن إلى هي عملته ده مش صح فيكم ممكن تديني فرصه ان انا اساعدكم انا مش غرضي حاجه بس انا مبعرفش اشوف حاجه زي دي قدامي وافضل ساكته

=احنا في ايدينا ايه نعمله يا اميره

=لا في ايدينا كتير محتاجين نفكر ونخطط وننفذ

=عندك حق طب اخلي يوسف يكون عارف ولا بلاش

=انا بقول لما يكون في ايدينا دليل الاول

=ماشي الخطوبه تخلص ونبدا نخطط

=انا همشي بعد الخطوبه وممكن منجيش هنا تاني بقى وممكن زيارات بسيطه هنخطط ازاي

=هاخذ رقمك واتواصل معاكي وهنظبط كل حاجه

=ان شاء الله خير

=ان شاء الله

انتهت الخطبه وذهب الجميع الى منازلهم دخلت روح وسلمى الى المنزل وهم متعبين ودخلت اميره الى غرفتها مسرعه

=مالها اختك دي جريت ليه على الاوضه

=مش عارفه بس انا مش قادر اقوم اشوفها بصراحه جسمي كله متكسر

=هنطلع الاوض ازاي ننام المنظر ده

=تعالي نساعد بعض يلا اطلعي وانا هطلع اشوف اميره مالها

=ماشي

في منزل مراد صعد مراد الى غرفته وهو يشعر بالسعاده لان اليوم تم خطبته على البنت الذي يحبها وجد تمن يطرق على الباب وذهب لكي يفتح ووجد امامه ميار

=في ايه يا ميار عايزه حاجه ولا ايه

=عايزه اقول لك خلي بالك يمكن ما اعرفش اقولهالك الكلمه دي تاني بس كل الى انا عايزه اقولهولك خلي بالك من امي 

=ليه بتقولي كده مالك يا ميار في ايه

=اسمع اللي بقولهولك وخلاص خلي بالك كويس اوي يا مراد متسيبش روح ابدا هى كويسه وبتحبك ملكش دعوه باللي بتعمله مرام خد بالك كويس اوي من امي متنساش الكلمه دي ابدا

=حاضر يا ميار بس ايه سبب كل الكلام ده

=هتعرف بعدين انا راجعه دلوقتي اوضتي تصبح على خير

=وانتى من اهل الخير

ذهبت روح الى غرفه اختها ودخلت وجدت اختها جالسه وشارده

=بتفكري في ايه يا اميره اكيد بتفكري في مصيبه جديده

=دايما كده ظلماني انا بفكر في مصايب جديده اخص عليكى

=اومال مالك لما رجعنا طلعتى جرى على فوق وساكته مالك في ايه

=خايف عليكى يا روح خايفه عليكى من من مرام البنت دي باين عليها مش كويسه وخطر حتى مامتها كده محبيتهاش حاسه الاثنين دول جواهم شر او حاجه مش عارفه

=ليه بتقولي كده يمكن مرام عبيطه شويه بس حاسه انها غلبانه يعني ممكن مع الوقت تتغير

=مش حاسه بصراحه خايفه منهم اساسا خايفه يعملولك حاجه

=متخافيش مش هيحصل حاجه وكل اللي في دماغك ده اوهام مفيش اي حاجه من اللي في دماغك دي

=ممكن ممكن يكون عندك حق هروح اغير هدومي وانام

=ماشي تصبحى على خير

=وانتى من اهل الخير

في صباح اليوم التالى في منزل مراد استيقظ الجميع وتجمعوا في الاسفل على المائده للافطار كان يفكر مراد فيما قالته له ميار في الليل وشعر بالخوف وعندما نزل لم يجد ميار على مائده الافطار وشعر بالخوف الشديد وسال عنها

=هي ميار فين

=مش عارفه يا ابني كله صحي بس هي لسه منزلتش

=محدش طلع يخبط عليها

ردت مرام=انا طلعت خبطت عليها وهي مبتردش

ازداد الخوف في قلب مراد وذهب مسرعا الى الاعلى وظل يطرق على الباب بقوه ولكن لم ياتي اي رد الى ان كسر الباب بقوة وصدم مما راه وجدها مذبوحه وغارقه في دمائها

نظر لها بحزن وقال بصراخ=مياااااااار

الفصل السادس عشر من هنا