رواية انت البارود وانا النار الفصل الخامس عشر بقلم شمس
﴿وَلَسَوْفَ يُعْطِيكَ رَبُّكَ فَتَرْضَىٰ﴾
الـدنيـا عشـره عمـر
عـاشـرنه بيها احبـاب
احبـاب جانـو امـس
واليـوم ماكـو احباب
غـربه وصفـت دنيتـي
ومـحد يدك البـاب
مـدري المحـبه انتهـت
مـدري الـزمـن جـذاب؛!
نزل اسعد رنـا وهيه كلها دم شغل ألسياره سالم وانا بسرعه لبست عبايتي وحجابي وركضت وراهم
صعدنا بسياره واسعد يسوق وسالم بصفه
انـا مخليه رنـا بحضني ورنـا تبجي وتصرخ بعلو صوتهاا. اول مره أشوف رنـا هيج وبهذا الضعف وماكو گلام اكدر اڪوله الها بهذيچ لان ماكو شي يوصف وجعها اسعد متخبل مايعرف حته يسوق بعد ورنا تصرخ وتبجي.
رنـا: آآخخخخ أسعد والله مااكدرتعبت ولچ يماااا انـا بنيتج يمااا ياعليييي ياعليي ساعدني ياعلييي
أسعد يحجي بعصبيه وخايف ومتلوه
اسعد: وصلنه شويه بس شويه رنـا تحملي فدوه أروحلچ
رنـا: مااكدررر والله ماكدررر أحس راح أموت
حاولت احجي وياها اهديها وهيه لازمه ايدي حيل وتعصر بيها
يمـامه: لا تكولين هيج حبيبتي تنفسي يلا كولي ياعًلي سباعيه انتي الله وياج مو وحدچ
رنـا: يمامهه اخخخخخ ولچ راح اموت ابني امانه بركبتج يمـامه
رد عليها اسعد من سمعها هيچ تكول
اسـعد: لا تعيدينهاااا لا تعيدينهاااا أبد مايصيرلج شي لاتخبلني رنـا.
رديت عليها وانا ابجي وياها وماعرف شسوي
يمـامه: رنـا اسمعيني لا تخافين كلها ساعات وتشيلين ابنچ بحضنج
وصلنا لمستشفى ونزلوها بسرعه اخذوها دكاتره
طلعت دكتوره ڪالت لازم عمليه صح عدها ولاده طبيعيه بس الحبل السري داير ع الولد وخانكه يعني اذا صار عدها ولاده طبيعيه يموت ألطفل
اتفقو ويانا ع عمليات والفلوس اسعد كلهم سو أي شي اريد بس مرتي بخير اخذو رنـا لصاله العمليات ودخلوها اجت خديجه وسعاد بس وابوي بالجذب ماجه وكف وي ابنه وماكال راح يجي حفيدي.
طول مـا رنـا بالعمليات اسعد مارتاح يروح ويجي وانـا كاعده ع كراسي وادعيلها تطلع بخير وسلامه هيه وابنها تعبت بي نشالله تلمه بحضنها.
دقايق واجه ضـرغام يم سالم واسعد وضل واكف يممنا بره لان جوه ممنوع يخلونه نبقة لان صاله ولاده وعمليات ضـرغام صدك صاحب زين وگت شدتنا هوه اول شخص يوگف ويانا ويعتبرنا عائلته ثانيه ضلينا كل احنه كاعدين ننتظر ونتظر انـا من الرعبه والخوف وصريخ الي شفته جوه لسه ماعرف شسوي وخايفه وارجف باوعت نفسي جايه بجامتي مال البيت ولابسه صايه فوكاها وحجاب شادته شلون ماجان كمت كلت ل امي
يمامه: انـا رايحه اغسل للحمام
خديجه: تمام روحي كلج تراب وعبايتج هم
عفتهم ورحت ضـرغام واسعد وسالم بعاد عنه ماكاعدين بس احنه كاعدين كمت بس انـا ماندل أي شي رحت للممر الثاني ماندليت لكيت كراسي كعدت عليهن وحدي واهز برجلي وامسح عبايتي من تراب واذكر حال رنـا ينهد حيلي كله وخايفه ع ابن اخوي حسيت بصدري أذني من صارت بيه ذبحه صدريه لليوم انـا بسرعه أتاذه ضليت كاعده وثواني ولمحت ضـرغام جاي بتجاهي بسرعه كمت من كرسي ضليت واكفه
يمامه: صار شي بـ رنـا طلعت رنـا
ضـرغام: لا
يمامـه: چا شسوي جاي وراي
ضـرغام: انـا تعمدت اجي وراج اشوفج وين رحتي بهذا لبسج وشعرج طالع شنو هذاا ويننن كاعدين شهل انفتاح عندچ هذااا
هوه حجه هيج وانـا بعد ماعرف شرد عليه وشجاوبه دنكت عيوني ونقهرت صدك لان حجه بعصبيه رجع حجه من جديد
ضـرغام: انتي بمستشفى ونـاس متروسهههه تـرس مو بالبيت وهيج طالعه مامجبوره تجين
رديت عليه لان حسسني انـا ردت هيچ اطلع حجيت بس تارسني الخوف منه
يمـامه: رنـا صارت بساع بساع متاذيه مالحكت ابدل بسرعه اجيت وياها
قاطعني بعصبيه وانـا احچي
ضـرغام: حتلووو القيامه صـارت تبقين تنتبهين لنفسچ وملابسـچججج
حجاها بعصبيه وانـا خايفه منه وخايفه احد يجي رديت عليه وانـا دمعه بطرف عيني من ألخوف
ضـرغام: مايصـيررر احد يشوف شعره من شعرج تفهمين لو لا
يمـامه: فهمـت
ردت اروح ارجع يم اهلي وحجه ألي قبل لااروح
ضـرغام: وهاي آخر مره اشوفج هيج
عفته ومشيت وانـا ابجي وخايفه شلون صيح علية واجه وراي ينبهني عدلت حجابي وسديت عباية عدل ورجعت يم أهلي شكد قبل تمنيت اشوف ضـرغام بس من صارت صدك ويعصب علية ياكلني الخوف والخچل ضلينه كاعدين ونتتضر لحد ماطلعو الطفل من العمليات وخلو بحضن أسعـد
ماعرف شلوت أوصفهم بهذيج لحظه اسـعد الي صارلي دائما اب اليوم هوه صار اب وانـا متاكده احسن أب راح يصير باركوله
سالم: الف مبروك خويه يتبره بعزكم
ضـرغام: مبروك خويـة شايف كل الخير بي واخيرا صرت عـم
اسعد: واخيرا نـور الدنيا أدم
اخذو الطفل لخدج شويه بعده تعبـان ورنـا بعدهي تحت تاثير البنج كملو الاوراق وسمو الطفل وصار أسمه ادم رنـا تعبانه طلعوها للغرفه الثانيـة ترتاح بس هيه كلشي تعبانه ومتاذيه بس فك البنج منها ضلت تبجي وتصرخ ماقبلو اي شخص يبقه وياها ويدخل الها بس شخص واحد يبات وياها
خديـجه: لازم شخص واحـد يبقة يمها يبات راح اضل انـا بعد انتو شسون هنا رجعو
اسعد: شلون يمـا نرجع يعني اعوف مرتي وابني هنا
خديـجه: تتعب يما ترا ممنوع حته تبقة بصاله هسه يطلعون الكل بـره جا شعدنا هيه بس باجر وتجي انت من ألصبح نطلعها يلا اخذ اختك ورجعـو
رحنه انـا وسالم وسعاد بسياره واسعد صعد وي ضـرغام بسيارته وصلنا للبيت صعدت فوك طلعت كاروك وحضرت الغرفه الجوه رنـا لان شي اكيد ماتكدر تصعد وباجر تجي من ألصبح اجه اسعد ورانـا
و مسـره ماتهمت ولاعبالك احنه بالمستشفى لازمه تلفونها وكاعده بالغرفة ابوي ماشفته سعاد راحت يمه للغرفه شفت سالم يريد ينام كتله
يمـامه: اصعد نام بغرفتك حبيبي انـا راح ارجع وي مسره ومنا رنـا هم راح تنام جوه ابقة يمها
سالم: لاخوية شسالفه خليها الغرفه الچ
يمـامه: نام ارتاح اذا جوعان تريد اسويلك شي
ماحجه اي شي اجة تقدم ع راسي وباسني وكلي
سالم: مشكوره خوية ماتعبج راح انامن انـا
سالم كلش تغير من مرضي اليوم اختلف سبحانك ربي شكد تغير وحته اسعد فرحان بتغير سالم
فتحت تلفون لكيت اية هم متصله عليه ومراسلتني اتصلت عليها قبل لا اروح يم مسره واجاني صوتها بخوف
ايـه: ولج كتلني ألخوف عليكم والله همزين اجه ضـرغام هسه ريحني مبروك صرتي عمه
يمـامه: بعد روحي الله يبارك بيج اي يبشرج طبعاً ضـرغام بعد ماعصب عليه ماكلج جا
ايـه: ياا شبي صيح عليج شني ولج زعلتي هسه انتي
يمـامه: اكلها صيح علية والله حته بچيت شني هاي ايـه فجاه نسد الخط وانـا احاجيها وادزتلي رساله
ايـه: ولج اخوي سمعني جان واكف ومن درت سوه نفسه هسه دخل وسديت الخط حته لايحجي شي
عفت تلفون ورحت يم مسره حاولت انام ماكدرت افكر بـ رنـا فتحت تلفوني لكيت رساله من ضرغام
ضـرغام: انـا اسف هواي لان زعلتچ وعصبت عليج
ماجاوبته قريتها وضليت ساكته ومصدومه والله كمت من الجربايه ضليت واكفه كتبلي بعد
كعدت وتلفون ب ايدي رجع كتبلي مره اخيره
ضـرغام: واذا انعـادت وعصبت عليچ وبجيتج بـعد
ازين شاربي وما اسمي رجـال
ضليت ساكته ماعرف شحجي ضليت اطلع الرسالة وماصدكه إن ضـرغام فعلًا اعتذر
هو مو من النوع اللي يلين بسهولة، ولا من الناس اللي تراضي بسرعة ولهذا مجرد ماكلي أسف تتوترت وحسيت أهتم الي ضليت لازمه تلفون واعيد برساله واعتذاره الي بس مهما حاولت ماكدرت امنع الشعور الحلو اللي صَار بصدري
الشعور اللي يخلي البنية تضعف لشخص بس لأن اعتذر إلها بطريقة صادقة.
صار ألصبح وكعدت ام رنـا وصلت النه وانـا من البارحة جهزت كل الغراض الغرفه رنـا بس مالحك وحدي لازم انضف البيت هم وسعاد كاعده يم ام رنـا.
مسره ألي ماتسوي شي كالعاده بس هسه رنا ع اي ساعه تجي راح سالم واسعد يجيبوها
رحت لمسره تكوم وياي شوي تساعدني نخلص بسرعه
يمامه: مسره كومي ساعديني شويه. بدل ما تبقين صافنة بالتلفون ترا ماجاي الحك
مسـره: بعدني ما مخلصه فيديو خلي اكمل اباوع
يمامه: والله العظيم انتي تستفزين جاي اكلچ ساعديني
مسره: وإنتِ من الصبح نفسيه وصريخ شبيج يعني رنا مو راجعة من حرب
يمامه: شنـو يعني مسره
مسره: جابت يعني مو أول وحده تچيب بالدنيا
يمامه: إي بس تعبانه وتحتاج ترتاح
مسره: خلي ترتاح شنهي نكعد نخدمها احنه امها موجوده انتي شلچ علاقه؟
يمامه: لأنها أختي وأحبها أكو مشكلة اذا خدمتها وهيه جابت ابن اخونه مو عدوتنـا وماطلعت من عدها العيبه مسـره
مسره: وآخر شي رجعت بولد والكل متعجب عبالك سوت إنجاز تاريخي وهسه يـ.... علينا الخطار
يمامه: لا تحجين عليها هيج ولچ طفل هذااا ابن اخوچ ولج انتي عمتتتته
مسره: ليش؟ الحقيقة تضوجج احنه مامجبورين نخدمها
يمامه: الحقيقة إنج ماعندج ذرة إحساس ولاحب للبشـر متروسه حقد
عافتني وقبل لاطلعت كالت الي
مسره: سوي كلشي وحدج مثل كل مره دام عاجبج دور المظلومة
يـمامه: على الأقل أني أتعب مو أعيش اعتمد على غيري وصخه
عافتني وطلعت كملت كلشي وحدي ورتبت وكعدتنا تنتضر رنـا وره شويه رنا دخلت وتعب واضح عليها نزلوها بعربانه وجهها شاحب وعينها ذابلات من السهر، وأسعد يمها حاط ايده بظهرها يساعدها تمشي ووتدخل دخلت رنـا شافتي كلشي محضره لطفل والغراض ماناقص أي شي جانت امي شايله ادم سلمو عليها امها وسعاد وانـا ركضت الها حضنتها ع كيف حتى لا اضغط عليها، وعيني راحت لـ ادم
يمامه: يمّهةةة الحمدلله عالسلامه رنـا الف مبروك
الله شكد صغير يمه فدوه أدومي حبيبي هوه بچه بساع حجت رنـا
رنـا: شوفي شلون معذبني من هسه
أسعد اجه أخذ الطفل وخلاه بحضن عمته حتى ترتاح رنا شوي وتنام ع الچربايه
اسعد: يلا اكعدي لا تظلين واكفه لازم ترتاحين
كعدت رنـا وكل احنه ضلينه يمها امي راحت تسبح وسعاد ضلت تشوف ل الطفل وسـالم اجة باسه وخله بـ كماطه فلوس
سالم: يتربه بعزكم نشالله حبيب عمك انت ادومي
اسعد: شسالفه خوية رجعهن
سالم: انـا وابني مالك علاقه من هسه هذا محجوز ل بتي
كل احنه ضحكنا يالله شكدمتغير سالم رجع الطفل ل امه نخاف نشيله بعد صغيرون طلع سالم حته رنـا تاخذ راحتها كالت رنـا ارضعه جوعان
يمامه: ارتاحي انتي، أني أجيب لج كلشي شنو نقصج بعد
رنـا: والله تعبناج ويانه ياعمته
يمامه: فدوة إلكم، أهم شي رجعتوا بخير
كملنا كلشي نام أدم ورنا هم نامت حته كلت لان تعبانه وادم هم بجه ونام اسعد يدخل يشيل الطفل يخاف حته يلزمه وام رنـا ضلت يمها يسهرون ع الطفل لان رنـا مسويه عمليه ماتكدر
خابرتني ايـة كالت العصر نجيكم انـا وضرغام وامي نتبارك ألكم
كمت غسلت مواعين الغده واريد أسبحت كملت وبدلت اسعد يم رنـا وامي خديجه يمها ابوي وسعاد بالغرفه.
فتحت تلفون وهم لكيت رساله من ضرغام
ضـرغام: السلام عليكم بعشوي اچيب اية ويـاي وامي ماكـو ازعاچ؟
يمامه: اهلا وسهلا بيكم بيت بيتكم باي وقت
ضـرغام: هاي رساله شفتيها بس رساله مال البارحه ماشفتيها مثلا
يمامه: لان صيحت عليـة
ضـرغام: وكتلج حقچ علية
يمامه: بس خرعتني بعصبيتك
ضـرغام: خفت عليج لو ماخفت چان ما ضجت من شفت شعرچ
يمـامه: هلابيكم
صار العصر واجو اهل ضـرغام
ضـرغام كعد بدوانيه احنه البنات يم رنـا.
وايه هم اجت وكل مشتاقتلها انـا ضلينه هواي نسولف صاحني سالم من بعيد تعاي سويلي چاي
كمت اسوي جاي واجاني سالم يحاجيني من الباب الهول
سالم: يـلا ولج جاي جاي جاي جاي ولج تاخررر يلااا
عصبني خلاني ماعرف شلون اسوي الجاي ركضت وره طلعت بره حته نسيت ضـرغام وصحت
يمامه: طرررككككااااعه سالم اشبيكك
ضحك واجاني طكني ع راسي
سالم: ولج صوتججج ضـرغام بدوانيه اش
يمامه: ولككك اااوي لاطكنييي شبيكككك والله
منا لليل امي وام رنـا يسهرن ع الطفل سعاد لا تطبخ وانـا عليه شغل البيت صعدت فوك نضفت غرفه سالم واسعد ونزلت جوه بعد يوم متعب ادم بس يبجي مايسكت وانـا اخاف اشيله وماسهر ماعرف اي شي
رحت لغرفه رنـا نامت.
أليوم صار الهم10 ايام ع ادم شالت رنـا خيوط الي بطنها بس ماتكدر تصعد فوك هواي اله باليوم صعده وحده بعدهي تتعب ام رنـا ضلت يمنه هم صعدت رنـا فوك كالت اشوف اسعد وانزل خلي ادم يمكم
صعدتها انـا ع كيف ونزلت
رنـا.
صعدت فوك يم اسعد صارله اليوم5 مايجي يشوفني ولايشوف ابـنة صعدت يمه لكيته نايم ع جرباية ومخلي ايده ع عيونه فتح عيونه من شافني دخلت ورجع نام عبالك ماشافني ضليت ساكته طلعت ألي ملابس حته أسبح وانزل بس انـا مشتاقه اسعد هواي طبيت سبحت بغرفتي وطلعت اسعد ع حطته ماهتم وهوه يدري بيه بالغرفه حاجيته
رنـا: أسعد شبيك حبيبي من مساع وأنت ساكت وما تحچي وياي
هو ما رد بالبداية، بس بعدين رفع صوته بشكل قوي
اسعد: لاتحجـييييينننن
رنـا: شبيك صيح أسعد شسويت
كام ممن الجرباية واجانـي يخنزر ويخوف احس بس افتح حلكي يكطعني اجه وانـا واكفه يم الميز خله ايد منا وايد منا ويباوعلي وصاح
اسعد: شبيـة موووو تعبت تعبت منج ومن وجودچ ومن الطفللل يصرخ بالبيت كسااااااععععع
نصدمت شلون هيج يحجي وانـا شفت الويل والعذاب علمود ابننا وراد يموت هسه تعب منه رديت عليه وماهتميت لخوفي ولاعصبيته اله ابني خط احمر صار بحياتي لان.
رنـا: أسعددد شنو صاير بيك أنا زوجتك وهذا ابنك ادم
بس كتله هيچ جرانييي من شعري وسد حلكي حته ماصيح وابچي وكلييي
اسعد: ابنيييي لااا ماريد اشووووفه اشوف دم سنوني ولا هوه فاهممتيييي
وي كل حجايه يجر شعري كطعه تكطع سكتت ع عصبيته بس وصلت بي يضربني وانـا هسه طالعه من عمليات شي ماينسكت عنه ويكره ابنه معقوله انا نخدعت ب اسعد طول هاي مده وهوه اذا عصب مايشوف شي كدامه شد شعري اقوه وكلي
اسعد: لمي هدمچ وروحي وي امج رنـا بدون حچي والله ادفنج هنا رنـا واذا تخبلت تعرفيني
وخر ايده من شعري كعدت ابجي بالكاع وبطني ضلت توجعني كسر الغراض كلها وانـا بالكاع ابجي كسر الغرفه تكسرر
اسعد: اكسررررر الغرفه على راسچ رنـاااااااا ومحدددد يطلعج مناااا كتلج تلمين ملابسج ترحينننننن وي امچ هسه
ضل يصيح ويكسر بالغراض خفت والله خفت يكتلني وانـا بطني كمت انزل وفتح الباب لزمني من ايدي حيل وبجيتت اكثر
رنـا: اسعد الله يخليك لاطكنييي كافي والله اروح وي امي بطني راح اموت أسعددد
ماهتم كلامي جرني من شعري شمرني ع كنتور وقفل الباب كلها صعدت ع صريخ اسعد ودك بالباب واسعد قافل الباب
اسعد: والله اموتج ع ايدي أليوم حضري ملابسججججج كتلج حضريهن لا اكطعچ والله ماريد أشوف خلقتج لا إنتي ولا ابنچ
رنـا: حرام عليك ليش تسوي بيه هيج شنو سويت إلك خلي احجي بس اسعد تريد تموتنيييي
مجرد كتله هيچ اجاني سطرني راچدي بكل قوته
اسعد: كلمتييييييي تخليني اعيدها مرتين لج رنـا ماعترف بيج مسوية عمليه اكتلج يعني اكتلج
رفع ايده يريد يطكني مره ثانية غطيت وجهي وانـا ابجي واسمعهم يحجون اسعد افتح الباب تخبلت شبيككك وامي تلطم وتكله لاتسوي شي بتي
ضميت وجهي عنه وصم ايده حيل وطكني بـزندي
ماتحملت الطكه ع ايدي وصرختتت بعلو صوتي
وتقدم علية
اسعد: ترحين لو اكرهچ بروحج لو اكتلج هسه كتلة ازوركچ
رنـا: والله والله اروححح بس وخرررر عنييي
كعد ع جربايه يفرك براسة وصاح عليهم
اسعد: بالعباس ابو فاضل يدك الباب بعد ويكلي افتحه تعمون ع رنـا معناها اكطعهااااا تكطععع
يمامه: اسعد خويه شني تخبلتتتتتتت ادم يبچي
اسعد: والله اكتلهاااااااااا بس واحد منكم يدك الباب بعددددد
كلها سكتت وخافت ونزلت واسعد ضل منتضرني احضر ملابسي اخذت ملابس بعد صار ماعندي ضله وي اسعد هاني هواي
اسعد: حضري ع سريع هدومج روحي لفي بيت ابوچ انتي والي وياج
سكتت ماجاوبته كملت غراضي وكتله
رنـا: خلصت افتحلي الباب بس صدكني ماراح ارجعلك بعد لا انـا ولا ابني لو تموت كدامي
اجاني بكل عصبيه من جربايه وخلاني ع حايط
اسعد: ضاهر ماتمشين اله بالكتل انتي انـا ماريدچ ولا اريد ابنچ
رنـا: بس افتح الباب
سمعت صوت ادم يبجي واسعد مايقبل يفتح ألباب صعدت عمه خديجة
خديجة: ولك يمه شبيك استهدي برحمن طفل مات من البجي بريد يرضع ولك اسعد
ضليت ابجي واسعد مايقبل يفتح الباب
رنـا: فدوه اروحلك افتح الباب بس ارضعه واروح وي ام لاتسوي هيج حتلو تكتلني اكتلني بس اخذ ابني لاتخلي يبجي فدوه اسعد
ضليت اتوسل بي واسمع صوت ادم ابني يبجي ومايسكت حسيت كلبي تكطع تكطع هذا مو اسعد كبالي والله مو اسعد
رنـا: ولك اااسعدددددد ابنييييي يريدنيي افدي روحي بَ ابني هاي انـا كدامك اكتلنييي مافك حلكي بس ابني لاتعذبني بييييي
احجي واحجي وهوه مايهتم
اسعد: صوته بجيه وهوه يبجي حلو هسه شياطين تلعب ويا
رنـا: ولكككك بعده صغيررر ياشياطيننن اسعدددد ولچ يمااااا تعاليليييي اسعد مايقبل اطلع يمااا
ضليت اصيح ع امي وهوه مايقبل كرهت اسعد بهذيج لحظه وكرهت كلشي بهذا البيت وحلفت بهذيج ساعة اطلع ومارجع اله اندم الي سو بيه هيچ
واخذ حقي وحق ابني ضليت كاعده بالباب واسعد ع جربايه مايقبل يفتح الباب وانـا اتمنى ماعرفت اسعد ولاشفته ولااتزوجته كل يهمني ابني اخذ ابني واطلع
ضلينا ساعه كامله ادم يبجي واسعد مايقبل يفتح الباب ضليت ابچي يم الباب بالكاع.
كام اسعد كومني من الباب بكل قوته
اسعد: تاخذين هدمج وترحينن اذا بقيتي يمي والله احركچ حرك وهيج احرمج من ابنج فاهمهههه
رنـا: بس افتحلي ألباب ياهي تبقة وياك بعد
اسعد: رنـا رنـا لاتراددين من احجي وياجججحح
نزلت جوا كلها تبجي وخايفه علية
ام رنـا: ولچ يمااا ششبيج شسوه بيج ولج وجهج كله احمر. كتلج
رنـا: يلا يمه امشي نروح مالي ضله بعد هنـا لوع كلبييييي ع ابني وحرمني منـه ماضللل يمه
يمامه: شبيج رنـا مستحيل جاي يصير فهميتي وين ترحين شلون ترحين وانتي بطنچ اسعد مايقبل
ردت عليه رنـا وهيه تبجي
رنـا: ولجججج هوه يكلي طلعييي ماريد اشوفج ولا اشوف ابنج شوفيي كتلنييي حته ماضل بالبيت وكلي اذا بقيتي احرمج من ابنچ اخوچ حرك كلبي يمامه وصدكي بعد مالي ضللللةةةة ويـاااا وحسبي الله ع كل من كان السبب يلا يمه
اجه سالم وعرف الحجي كلة ورنا تنتضر امها تحضر ملابسها ويرحون
رنـا: مشكور خويه انـا مو ماعندي كرامه واضل بعد صار اخوك مايردني ولا يريد ابننه يكره وكلي مالچ ضله بيتنا
سالم: مالج علاقه انتي بت هذا البيت رنـا وين رايحه بهل الظهر هذا
رنـا:انـا بيت ابوي موجود ماحتاج احد خوية سالم مشكور صدكني ماكدر ابقة مو خوف من اسعد لا بس ابني بعده صغير ماطالع من اربعين ماريد انحرم منه وتتعب نفسيتي
سالم: ترحين وترجعين انـا ارجعج بايدي ضلين اسبوع كامل
رنـا: لاخوية مالي رجعه بعد هذا ألبيت اله اندم اسعـد ع الي سوه بية واذا يريد ورقه طلاكي توصلني يم أهلي وانـا بيتي معززه ماجايه انـا من شارع وهيج سوه بيه
اصريت عليها ماتروح ماقبلت كالت مالي ظله هنا وحقها بعد شافته من اسعد ماتبقه وماعرف اسعد شبي ليش هيج صار شي شني ألسبب ضلينه بدون جواب سالم ماقبل يرحن بحدهن كلهن انـا اوديجن عبن الطريق بعيد شلت ادومي وبسته وحضنته
يمامه: ياروح عمتك راح اشتاقلك هواي والله ماشبعت منك
اخذته مني رنـا ودعتها وراحن واسعد ضل فوك مانزل امي تأسفت بمكان اسعد ع الي صار بس اهل رنـا ناس فقره وبسرعه يسامحون بس هيه هم ماقبلت بالي سوه اسعد كالت بتي ماضل هنا واذا يريد خلي يطلكها سلمنه عليها وصيت سالم عليهم وراحو.
طبيت الغرفه ومنا للمغرب يله رجع سالم
سالم: شني وين اخوچ طريق كله تبجي رنـا
يمامه:ميته من ألقهر انا ولسه مانزل اسعد اجه ابوي وسعاد حجتله كلشي هم ماهتم
طلعو من الغرفه كلهم ونزل هم اسعد ساكت بشكل غريب عبالك مامسوي أي شي مو مهتم باحد هم
بسرعه كام سالم وتعلت الاصوات
سالم: شنو هذا الكلام اللي صاررر تطرد مرتك وابنك
اسعد: بكيفي مرتي وابني شعليك كلت ما أريدها
خديجة: ليششش شصايررر ولك يمه شنو السبب تخبلتتت ماكلت مرتي طريق بعيد شلون تروح
اسعد: ماكو سبب
رد عليهةسالم بعصبيه ويصيح
سالم: ماكو سبب تطرد مرتك وولدك وتكول ماكو سبب صاحيييي انتههه
صاح عليهم ابوي
كاظم: كافي تاكلون... إذا هيج، ماكو رجعة لـ رنـا بعد واذا ماتريدها طلكها
خديـجه: ولك أسعد هذا مو أنت لا تخرب بيتك بإيدك ولك وليدككك هذااا
ماجاوبهم وطلع ماعرف شسوي وين اروح ضليت ابجي مقهوره ع الي صار ارسل رنـا اول ايام ماترد عليه وانـا بالي كله يم أدم. واسعد يطلع وكال سالم حته مايجي لديوان ولا يروح ضـرغام ولاياكل ويانه وحسيت راح اخسر اخوي مو اسعد اعرفة وجه اعيونه متغيرات صار العصر فتحت تلفوني راسلت ضـرغام
يمامه: ضرغام ممكن أحچي وياك
ثواني ورد عليه
ضـرغام: ها شصار يمامـه انـا هم أجيت ارسلچ اسعد ماهو هل ايام اتصل ماكو
يمامه: أسعد صار كم يوم طرد رنا من البيت وگال ما يريدها ولا يريد ابنها وماعرف شبي ضـرغام راح اخسر اخوي
ضـرغام: حلفي كولي يالله شسالفه
يمامه: والله والله حته اهلي حاجو مايفيد اللي مخوفني مو بس عصبية عبالك مو هو
ضـرغام: وين هوه هسة
يمامه: بالغرفه ماينزل حته مسره ألي توديله اكل
بس ضرغام انـا حاسة بشي
ضرغام: شنو هوه
يمـامه: احس اسعد مسحور واحس مسره الها ايد بسالفه مثل ماسوت بية وخلتني اتخبل
ضـرغام: خليج بعيدين عن المشاكل هسه
إذا الوضع يتطور أنـا أتصرف لاتحجين احد بشكج لَ مسره
يمامه: انـا حاجيتك حته تحاجي السيد رحت اله فدوة خلي يساعدنا
ضـرغام: يمـامه انـا رحت هاي جيتي من ألسيد
يمـامه: الله عليك شكال
ضـرغام: اسعد مسحور وسحر مدفون يعني مايتشافه بسرعه
يمـامه: مثل ماتوقعتتتت والله
ضـرغام: السيد عطاني طريقة لازم ترشون البيت كله بماي مقروء عليه، وتقرون قرآن بالبيت باستمرار وترشين بغرفته هم انطاني هواي شغلات تخلينه بملابسه بدون مايحس واكو شي يشربة هم إذا السحر مدفون أو مربوط، يحتاج وقت وعلاج متكرر. مو مرة وحدة وينتهي انتبهي زين
بجيت انـا ماكدر ع هذا حمل وحدي
يمـامه: والله ماكدر شيخ اخوي راح يروح من ايدي شلون انـا اصبر شلون
ضـرغام: بعشوي اوصل ايـه الچ وتوصلج هاي شغلات وانـا اعلمج شسوين خطوه ب خطوه لاتضعفين يراد صـبر وتعب
يمامه: زين احجي رنـا كلشي اكلها مسحور
ضـرغام: خلي نشوف اسعد لاتحجين رنـا وتتامل لازم اسعد يحس ع نفسه
ضليت يمي ايـة ضميت غراض بكنتوري وفقلته حتى احد يشوفهن ضميتهن بين ملابس وگلت بليل من يطلع اسعد ارش ألبيت وغرفتة وهمه نايمين
واحنه كاعدين طب علينه سـالم مايدري بـ اية
سالم: انـا اسف اسف حسبالي وحدها مادري بيچ شي
نزل عيونه سالم وهوه يحجي توترت ايـة وصارت طماطه من الخجل
يمامه: اي اجتني من مسـاع خو مامحتاج شي
سالم: لا راح اسبح بقيج كاعده
طلع سالم استحت ايـة وخابرت ع ضـرغام ترجع
ايـه: يعني شلون ضـرغام امي وحدها ماكدر انتضرك لحد مااترجع
ماعرف شرد عليها بس واضح عصب عليها
ردت عليه
ايـه: وشبيك صيح ماجي هاي هية
يمامه: شبيج ايـه
ايـه: خيه امي وحدها وصار مغرب اريد ارجع مايقبل
يمـامه: سالم راح يطلع خلي يوصلچ
ايـه:لالا يما لو أموت لاا وبعدين حته ضـرغام يموتني
يمـامه: مالج غرض يمي انـا اكله اتصلي علية
اتصلت عليه من تلفونها مسره جانت مو يمنـا ماتحب ايـه هل ايام ساكنه غرفه رنـا تبقه بيها تنام.
ضـرغام: ايـه هوايييي تلحيننننن كتلجججج انتضرينييي ترجعين وحدج شنهي أكسر رجليچجج
رديت عليه وانـا خفت من يمي
يمامه: ضرغام، اسمعني شويه انـا يمامه
ضـرغام: هـا يمـامه
يمـامه: آيه تريد ترجع هسه، بس سالم أخوي هو يوصلها. أحسن من تروح وحدهاخطيه بالها يم امـها
ضـرغام: انـا كلت لا
يمـامه: ليش لا ترا اخوي يوصلها يخليها بيتكم
ضـرغام: كلت تنتضرني انـا ليش تخليني اعيد حجي ڪساع
يمـامه: سالم أخوي وأنا أثق بيه وإذا صار شي أنا أتحمل المسؤولية اسعد مو مره امنه بيدك انـا ورنـا شنو انته ماثق
ضـرغام: مو قصه ثقه بالعكس اخوانج اخواني هم بس ايـه جاي تعاندنييي
يمامه: هسه شـنو
ضـرغام: تمام خليها تروح
سديت تلفون منه يلا كال تروح
ايـه: يمامه والله عيب استحي من اخوچ
يمامه: وانا قنعت اخوج وترفضين اطيح حضج هسه شيخـة امشي يلااا
ايـه: والله استحي
عفتها وكلت سالم يوصل ايـه قبل ودعتها وراحـت.
ايـة.
صعدت وي سـالم وانـا ميته من الخجل كل ماارفع عيوني اشوف سالم يباوعلي ويدور وجهه شفت سماره كلش حلوه وعيونه صغار بس صاحب رموش طويلة.
وصلني للبيت
سالم: تفضلـي نزلي وسلميني ع ضـرغام
ماحجيت شي سديت الباب بكل قوتي حسيته سد ع سنونه حيل حقه والله فلشت الباب من الخوف
ورحت لبيتنا.
رنـا: والله خية بس يبجي موتني وحته لليل ماينامه
يمامه: سوده علية وانتي وحدج بس امچ
رنـا: اي شنسوي نحمد الله
يمـامه: رنـا اعرف مو وقته موضوع بس اريد اكلچ شي
رنـا: احجي خية
حجت كلشي صار وضرغام شلون راح للسيد وكالو انو هوه مسحور بس رنـا ماصدكت وكالت
رنـا: يمـامه شي مو مقنع ماقتنع انـا بهيج
يمـامه: رنـا مو انـا كدامج صار بية
رنـا: اي صح مانكر هذا الشي بس انتي ردتي تخبلين مو هيج يمـامه ماتعرفين اسعد شسوه بيه لاتلوميني انـا ماريد احجي واسمع طارية بعد
يمـامه: زين هم يراسلج
رنـا: لا حضرته وحضرني وصدكي أبوي كوه مسككته أمي ابوي يكلي اطلكج منا وانـا واكفه بين ابني اخاف نطلك وياخذ ابني مني يمـامه والله اموت قطعه من روحي هذا
يمـامه: لاتستلمين بسرعه
رنـا: وداعتچ يـ يمامه كل شخص سوه هيج بيه وبـ ابني اخذ حقي منه وداعت ابني
فتحت كامره وي أدم يروحي كبران شوية ماشفنه ولاشبعنه منـة حسبي الله ونعم الوكيل اي والله
بهاي الفتره امي شكد حاجت اسعد يرجع رنـا بس اسعد يكلها ماريدها وابوي موافق يكله بس يصير سنه نطلكها وناخذ ابنـنا بس انا ماحجيت هذا الشي رنـا هيه امه ومن حقها تخاف عليه
كعدت بَ البستان وحدي المغرب ودخل سالم
سالم: يمـامه اريد اكلچ شي عادي.
يمـامه: شنو احچي
سالم: انـا هذيج مره من وديت ايـة لبيت دخلت كلبي وعجبتني بـ خجلها وادبها بس والله اجه بعين ضـرغام وحاولت انزل عيوني عنها بس يـايمه انا ماجاي اطلعها من راسي شسوي
يمامه: خويه سـالم ونعم ماختاريت ايـه بنت مايحتاج احجيلك ب اخلاقها اخت ضـرغام بعد بس المهم شنو نيتك انت
سـالم: ما أريد لعب أريد أتعرف عليها بشكل يرضي الله واطلبها من اخوها بس اريد اعرف توأفق لو لا
يمامه: سـالم تعرف ايـه نفصلت عن خطيبها لان ماقدر اهلها وماحترمها وهيه كلش خافت من العلاقات بعد وتفكر ناس شوفها فاصخه خطوبه شي مو زين وتعرف ناسنا انته
سـالم: انـا مايهمني ناس يهمني هيه اذا قبلت انـا اخطبها من ضرغام
يمـامه: وتكدر تخطبها من ضرغام انته تعرف ضـرغام بنفسك تكول هواي يحقق
سـالم: هذا اللي مخوفني
يمـامه: اذا بنيه رايدتك وانت تتقدم الها الامور تمام لو كلها ضدكم اذا الكم قسمه وي بعض لو كلها ضدكم تصيرون ألبعض
ماحجيت لَ ايـه هسه أي شي لان انـا هسه كل همي اسعد وسالم هم كال خلي نحل مشكلتنا وي اهل رنـا ونوب نشوف هذا الموضوع
ضـرغام بعد ماحجيت ويـا حاولت اسوي كلشي ومافاد ارش واقره تعوذيات اريد بس ابطل السحر بس السيد كال يحتاج صبر خلص صبري انـا ماكدر اصبر تعذبت صار لليل تعشينا وخلصنا صارت ساعه ب9 صعدت فوك لان اسعد ماموجود اعرفه يطلع مايجي منا ل١٢ اخذت الشغلات وماي من كنتوري وضميتهن بحجه انضف غرفة أسعد قصص ماي هوبس
صعدت وفتحت القران بغرفتهم وطلعت ماي بديت أرش الماي ب الاطراف ونهاية الجربايه هم درت وجهي ولكيت اسعد وراي وساد سنونه مو اسعد الي اعرفه كدامي هذا شخص ثـاني قفل الباب علينا وتقدم علي......
ياترى شنو الي صار وشنو الي سواه اسعد بيمامه
شلون حال يمامه من الي سواه اسعد بيها
