رواية حرم الاسود الفصل الخامس عشر بقلم بتول ابو الليل
مرات احس روحي انطفت
من تشتغل حنيتي
واشتاگ ودموعي مطر
ومناشغ ودخان تارس ريتي
.➛ ✿✿ ✿✿ ✿✿ ✿✿ ➛.
_شنوو؟ شبييييه بابا الووووو
عيوني انملت دموع وكلبي احسه طاار مني انقطع الخط بقيت اتنفس بقوه واني مادري ماتت رجليه حرت وين اروح منوو اخابر
طلعت اركض للسياره سقتها وخابرت علئ اخوي ساهر يتصل بس ميجاوبني رجعت اتصلت علئ قصي وهم ميجاوبني
اخرر شيء اتصلت علئ اخوي تيمور اتصل عنده ورا شويه جاوبني
_الوو الوو تيمور بابا بابا مسوي حااادث فهمنييي وينه هسسسسه زين موو زين مابي شيء
تيمور : تعاي للمستشفئ ** حالته خطره كلش لوو تلحكين عليه لوو لٱ
_انتَ شتحجييييي شتكووووول بابا مراح يصيرله شيء خلي يسااااعدونه امووووت بدونه والله اموووووت بابااا
بقيت اصرخ وابجي تخبلت ماضل عقل براسي مادري شلوون سيطرت علئ السياره ومانكلبت بيه
رحت للمستشفئ الي دلني عليه تيمور نزلت اركض مثل المتخبله جانو خواني كلهم بالممر واكفين ولد عمي
_وييييين بابا ويييينه
رحت اريد ادخل مخلاني ساهر سحبني علئ حضنه يهدي بيه وهوه يبجي
ساهر : اهدي حبيبتي اهدي ميقبلون ندخل خلي ننتظر الدكتوره
_ساهر ساهر بابا مابي شيء موو ميعوفني ميخليني هيج احنه متزاعلين لازم نتراضه مستحيل يعوفني وعدني يبقه وياي كلي يبقه سند الي
يهز براسه وهوه يبجي كلهاا بجت علئ حالتي كعدت علئ ركبي واني ابجي.
_ياربي دخيلك احمي الي مالي غيره لاتحرمني منه.
طلع الدكتور من الغرفه كمت من مكاني بسرعه رحنه عليه كلنه جان وجهه مكلوب
تيمور ; بشررر دكتور شلوونه
الدكتور : البقيه بحياتكم ماكدرنه نساعده بشي
هل كلمه احسها مثل الصاعقه اجتني رجعت خطوات ليورا واني اهز براسي ممصدكه ممستوعبه شيء
بابا يموت بكل هل بساطه عافني وراح زعلان مني حته ماتراضينه حته ماخليته رضه عنييي
ساهر : لااااا دكتور لاا الله يخليك سووووي شيء ساااعده انتَ مسووول عنه حاااول تساعده الله يخليك سوووي شيء
قصي : يااااايابه يااابويه
صار الكل يصرخ ويبجي اني بس جامده ممستوعبه احس كلشي حجو جذبه
ركضت بسررعه دخلت للغرفه جان بابا متمدد علئ السرير وجهه كله مشخط ومضمدين راسه الضربه القويه براسه
صاير وجهه ازررررك وشفته يابسه صارت شفتي ترررجف عيوني تمطر دموووع رجليه ماتن والله اريد اخطي خطوه واوصل يمه ماكدر
_يتشاقون وياي؟ موو انتَ وعدتني متعوفني كتلي اعوضج مكان امج اصيرلج سند همه يتشاقون وياي يخوفوني اني وياك متزاعلين خلينه نتصالح اول مره نزعل هيج موو طولنه بالزعل
يلا كوم حبيبي باباتي كووم حاجيني باباااااا حاجييينيييييييي
رحت عليه واني اصرررخ وابجي بقيت اضرب علئ صدره واصرخ
_لاتعوووووفني لاترووووووح لاتخليييني وحددددي كوووووم حبيبي بابا امووووت بدووونك والله امووووت كوووم حاجيني
دخل الكل للغرفه اخواني يبجون ويصيحون يحاولون يبعدوني عنه ماعفته حضنته واني اصرخ بصوت عالي
_ماااعوفه بابا عااايش مابي شيء عووووفو وخرو عنه باااابا حاجييييني كووووم وياي كوووم
سحبني من ايدي تيمور لحضنه اول مره بحياته يسويها
تيمور : خلص خلص كافي راح تموتين مات ابونه مات اليان
_ماااايمووووت مايعوووفني وخررر عنييي اريد بابا اررريده بعده زعلان علييييه بسس خلوووني اراضي بابا حاجيييني بااااباااااا
احس حنجرتي تجرحت من الصراخ صرت ماشوف بعيوني التمت علينه اعمامي وعماتي
دخلن للغرفه ملخن رواحتهن بالصراخ والطم جنان ملخت شعرها وتلطم علئ عيونها اني تيمور لازمني بقوه ميخليني اوصله
_ولكممم عووووفني باباااااا بابااااااا
شالو يريدون ياخذو للتغسيل شلت روحي ودكيتها بالارض اريد بس اوصله بصعوبه فلتت من ايد تيمور رحت اركض ادفع بعماتي واعمامي لزكت روحي علئ صدر بابا ابوس بيه وابجي
_بابا حاجيني فدوة لاتروح وتعوفني يتيمه قبلك ماما راحت انتَ مووو وعدتني تبقه وياي زعلان مني ادررري تسوي هيج لأن زعلان منييي والله اسوي الي تريده بس اكعددددد لاتروح وتعوفني امووووت بدونك والله اموووت.
ابو زيد : قصي بويه اخذ اختك لازم نشيل الجنازه
_لاتكووووول جناااازه هذاااا بابا ابوووووووي اسمه جااااسر لاتكووول عليه جنااازه ماميت عوووفو وخرووو عنننننه وخروووو اني اريده عووووفو
صرت ادفع بعمي تخبلت ماضل عقل بيه والله اجاني بسرعه تيمور سحبني عليه قيد اديه ثنينهم حته ماتحرك
شالو بابا احس شالو روحي وياه صرخت ملخت روحي مافاد ماخلوني شبعت منه
اخذو منه الاطباء علمود التقارير بقه الكل مخبوص داخل المستشفه
اني احاول افك نفسي من ادين تيمور ابجي واعض باديه اريده بس يخليني اتحرك ولاكانو اسويله شيء صافن وعيووونه مثل الدم
تيمور : اششش كافي كافي
_خليني اشووفه بس شويه والله اموت اذا راح تيمور تدري بيه زعلان عليه شلوون يموت وهوه زعلان مني اني خليته يضوج انييي الضوجته
تيمور : يحبج مايزعل عليج مدللتهه انتِ
_خلوني اشوفه خلوني
احس كلبي انقبض ونفسي انكطع مني غمضت عيوني واني احاول اجر نفس ماكدر اجت عمتي تركض عليه
صفاء : يمه اليااان يمه بنيتي كووومي صيحو دكتووور
صارت ترش علئ وجهي مي ماكدر افتح حته عيوني گلبي احسه وكف دخت كلش
فقدت وماحسيت بأي شيء بعدد ..
....
اريانا : بقيت هواي بغرفتي نزلت جوه لگيت اليان راجعه لبيتهم
بيرلين : وينج يمعوده صارلج ساعه فوك
اريانا : بدلت وسبحت لأن تعبانه
بيرلين : خطيه اليان انتظرتج وراحت
اريانا : ياا راحت هسه
بيرلين : أي والله راحت
اريانا : عبالي تبات يمنه
بيرلين : حته اني بس يمكن اخوانها ميقبلون
هزيت راسي بأي وسكتت بقيت كاعده ويه اخواتي اليل كله نسوالف وهنه حيل فرحانات الي لأن راح اخذ انسان حالته الماديه كلش زينه ومثقف
عبالهم السعاده والفرح بس بالفلوس ميدرون بيه مجبوره جبر بهل زواج
تاخر الوقت كلش اخواتي نامو بالصاله لأن عدهم جهال اني صعدت لغرفتي فوك
تمددت علئ السرير اجتي رساله من رقم غريب ع واتساب ساعه بـ 2 بليل
تيمور : افتحي الحضر لانعل والديج
غمضت عيوني بقهر هذا ماغيره تيمور دخلت علئ رقمه هذا وانطيته حضر وشمرت الجهاز
لفيت راسي هستوني اريد انام اتصل جهازي شلته جان نفس الرقم اني حضرته بس من الواتساب يعني يكدر يحصلني ع خط
رفضته رجع اتصل هم رفضته عاد اكثرر من 3 مرات يلا فتحت خط
_شتريددد
تيمور : بنت الـ *** من اتصل عليج تجاااوبين تصرفاتج هذني تمشينهن علئ واحد غيري قسم بالله اجي لبيتكم هسه اكسر البيت علئ راسج وراس اهلج انطيتج وجهه اني صوج بيه
غمضت عيوني بضوجه سحبت نفس بقوه وكلت
_خلصت هو هذا كلامك تعرف ليش ماجاوبك لأن اعرف اسلوبك هذا انتَ حته كلام حلوو متعرف تحجي كلشي عندك تهديد سلطه تحكم مليت منك انييي شتريد منيي بعدد زواج وافقت عليك شتريد بعد
تيمور ; بسيطه اني اعرف شلوون اطلع هل حجي من خشمج اذا ماشكيت حلكج اني موو تيمور اذا ماخليتج دنكين تبوسين قندرتي اعلمج
سديت الخط بوجهه واني احس گلبي صااار جمرر غلقت الجهاز وشمرته واني منزعجه
ياربي شهل بليه الصرت بيها اني منين اجاني تيمور شلوون راح اتحمله بحياتي.
بقيت كاعده ماجاني نوم ابد من وراه للفجر يلا نمت
كعدت ثاني يوم متاخره بالنومه ساعه بـ 1 الظهر علئ صوت صراخ امي فزيت خايفه
_ياستار ياربي شكوو
كمت من فراشي بسررعه ونزلت اركض اشوف شكوو جانت امي لازمه الجهاز وتصرخ وتبجي
_شكووو ماما شكووو
عفاف : ولجججج ابووو الياااان ميييت
_شنووو ؟؟
احس انضربت علئ راسي خبر موته اجاني مثل الصدمه
_شتكوووولين شنووو مااات شلووون منووو حجالكم هل خبررر
جميله : ولج خااااله اليان سوووده بوجهي خاااله عمت عييني عليج يييمه
_يمه حاجيني فدووة شلوون مااات منوو گالكم هل شي يمكن جذب لبارحه هوه بالخطوبه وباركلنه شنوو ماات مجاي افهم
جميله : ولج ميت ميييت هسه خابرني اخوج كال ميت مسوي حادث ليوم الصبح والضربه براسه قويه ماملحكين عليه
خليت ايدي علئ حلكي واني ابجي يالله دخيلك
لبارحه ويانه وليوم مات ؟ شكد صغيره هل حياة منوو جان مخلي ع باله هل شيء الكل فرحان جان بينه
جميله : راح يجي اخوج ياخدنه بسررعه البسي اسود وتعاي وياي
_اي اي ايي
صعدت لغرفتي اركض واني ابجي شصايرر باليان هسه هيه تمووت علئ ابوها
وهوه يحبها ومدللها موفر الهاا شنوو تريد ومعتبرها موو بنته لٱ صديقته
هل خساره الجبيره اليان ضحيتها لأن مستحيل شخص مثلها ينكسر عليه صارت يتيمة الابوين.
لبست اسود وجبه وشال ورحت ويه امي اجانه اخووي مسلم للبيت
جميله : اليان خاااله سوده بوجهي
_رجعو لبيتهم لووو بعده بالمستشفى
مسلم : لأ بعده بالمستشفئ ممنطينه الهم
_واليان؟
مسلم : ماشفتها بس سمعت متخربطه
دنكت راسي واني ابجي اخذنه مسلم للمستشفئ نزلنه بسرعه دخلنه اني وامي جان المكان مترووس ترس عالم
ماكوو مكان حته نوكف بيه اول مادخلنه امي صرخت بصوت عالي وصارت تبجي وتعيط راحت علئ عمات اليان
اني افتر ادور وين اليان وينها افتر هيج وهيج المكان عباره عن ناس تمشي علئ ناس
شفت تيمور كاعد علئ الكرسي مدنك راسه وعيونه كلها دموع واكفين وياه مجموعه من الزلم كلهاا تبجي.
اريد اروحله اواسي هذا واجب عليه بس ماكدر شلوون احاجي حته ماعرف شكوول احس صعبه حيل
واحد من الزلم مدري شنوو حجه وياه رفع راسه يباوعله عيونه خابطات صايرت دم
اني واكفه واباوعله من بعيد شويه وشافني بقه صافن بوجهي سحب نفس قوي وكام راح يحجي ويه الدكتور.
دنكت راسي واني مقهوره علئ حالته شفت بنت عمة اليان آيلا رحت عليها بسرعه اسالها وين مخلين اليان
_وين اليان
آيلا : بهذيج الغرفه امي كاعده يمها
هزيت راسي بأي رحت بسرعه للغرفه دخلت جانت عمتها كاعده يمهاا وهيه تنعه وتبجي يم راسها.
هيه فاقده ماتدري بشي رحت يمها واني دموعي تارسه وجهي
وجهه اصفرر وشفتها يابسه كعدت لزمت ايدها واني ابجي.
_شكال الدكتور
صفاء : علكولها مغذي هبط ضغطها.
_البقيه بحياتكم
صفاء : حياتج الباقيه
بقيت كاعده ويه اليان واني ابجي لازمه ايدها طلعت عمة اليان بقيت بس اني وياها
شويه ودخل تيمور للغرفه وياه دكتور باوعلي بصمت كمت علئ حيلي واني امسح بدموعي راح الدكتور ضرب ابره بالمغذي وطلع
دار وجهه تيمور يريد يطلع صحت عليه اريده يوكف
_تيمور
دار وجهه عليه رحت عليه حضنته واني ابجي اول مره احسه خطيه ويستاهل اتعاطف وياه لف ايده علئ ظهري دنك راسه علئ متني وهوه يسحب حسرات
_البقيه بحياتكم الله ينطيكم الصبر
تيمور : جنت اريده يفرح بعرسي شكد نحيس من اول يوم خطوبتنه راح مات ابوي متخيله وضعي؟
ابتعدت عنه شويه واني اباوعله عيونه ذبلانه وكلهن دموع لزمت وجهه بين اديه
_شنوو ذنبك انتَ هذا قضاء وقدر وكلنه نموت.
سحب نفس قوي وهز راسه بقهر تحركت اليان وصارت تحجي وهيه نايمه
اليان : بابا باباا مايموت يحبني نتراضه زعلان عليه ميعوفني
تيمور : ابقي وياها لاتعوفينها وحدها بعدها بحالة صدمه
هزيت راسي بأي عافني وطلع من الغرفه رحت وكفت يمها فتحت عيونها بهدوء حمرر ومنفخات من البجي
الياان : بابا بابا
_اليان حبيبتي
اليان : وييينه ويييين بابا وين اخذووو
شلعت المغذي وطفرت بسررعه طلعت من الغرفه حاولت الزمها ماخلتني دفعتني بقوه وراحت تركض وهيه تصرخ
اليان : باباااااا وييينه وين بابااا
شعرها ملخته وتصرخ مثل المخبله اجاها عمها لزمها وضمها علئ صدره يهدي بيها وهيه دفع بيه وتصرخ وتبجي
وضعها حيل حيل صعب خلت الناس كلهاا تبجي علئ شكلها.
شويه وطلعو ابوها اخذو للغسل ملخت روحهاا تملخ تريد بس يخلونها توصله محد خلاها تلزمه
دخلو للتابوت وربطو فوك السياره كلهاا طلعت وراه صعدنه احنه ويه اخوي ورحنه وراهم
اخذو لبيته قبل كلشي طول الطريق اليان تصرخ وتبجي والزمينها عماتها من الصفحتين
وصلو لبيته نزلو التابوت المنطقه انكلبت كلهاا كلاب عليه واعمامه واهله كلها تبجي وتصرخ عليه
جان رجال طيب ويحب الخيرر للناس كلهاا تحبه
نزلو التابوت ودخلو لبيته اني اريد الزم اليان ماكدر دفع بقوه وماتخلي شخص يوصلها جابو التابوت يمها شمرت روحهاا عليه وهيه تصرخ وتبجي
اليان : ادفنووووني وياااااه مااااعووووفه والله ماااااعوفه بابااااا حااااجيني لاتموووت لاتيتمني
تصرخ وتضرب علئ التابوت بثنين اديها انكسر شويه من التابوت ونجرحت ايدها صارت كلهاا دم
رحت اركض عليها لزمتها واجت وياي عمتها واخوها قصي يكوم بيها
قصي : ضمدو ايدها
اليان : وخرووو عنييي مابيه شيء عوووفوني عوووفوني
دفع بينه وتبجي متريد أي بشر يلزمها شالو التابوت راحت تركض وراه حافيه وشعرها مهلس وجهه كله مشخط وايدها تصب دم حالتها يرثئ لـٍهآ بكل معنئ الكلمه
سحبها تيمور عليه قيد اديها ليورا وضمها عليه صارت تشيل روحهاا ودكها تريد تروح الابوها
اليان : خلوووني ويااااه ماعوووفه باباااا بابااا
تيمور : خررررا بيجن تعاااالن الزمنهاااااا راااااح تمووووووت
اجن عماتها عليها يحاولن يهدنها ماحد كدر عليها ابد غير تيمور هوه الوحيد الي كدر يسيطر عليها
سحبها من ايدها واخذها شمرها بالسياره دخلت وياها عمتهاا باوعلي وهوه يتنفس بغضب
تيمور : اريانااا يلاااا وياها
جنت واكفه بالباب ابجي واشهك علئ وضع اليان فززني من صاح عليه هزيت راسي بأي رحت اركض دخلت وياهم بالسياره
صعدنه اني واليان وعمته ويه تيمور وباقي الناس كل واحد صعد سيارته
توجهنه للنجف الاشرف اني وصفاء عمت اليان لازمينها من الجهتين وهيه تبجي بصوت مسموع وتصرخ بس ميطلع صوتهاا اختفه من كد الصراخ الصرخته.
اخذت الطريق كله تبجي لا ملت ولا سكتت دقيقه الي مخليها متخبله وجانه مات ابوها وهوه زعلان منهاا
هذا الشي الي مدمرها كلش هيه تحبه ومتعلقه بيه هوواي وزعل منهاا ومات وهمه ممتراضين.
الله ينطيها الصبر ويقويها الصار وياها كلش صعب فقدت امهاا وهسه ابوها ويه منوو تبقه ويه تيمور؟
راحت هواي عالم ويانه للدفنه تقريباً 15 سياره من غير سيارته الي مخلين عليها تابوت
الزمه اليان وابجي وياها ع طريق رجعت فقدت وصارت كوه تجر نفس.
صفاء ; جيبلنه مي جيب شيء خلي نكعدها راح تموت
صار تيمور يضرب بايده علئ الستيرن خله ايده علئ حلكه وهوه يكتم غضبه وقهره
وكف سياره علئ محل نزل يركض جاب بطاله مي وشمرهن بحضن عمته ورجع كمل سياقه
فتحت بطل مي وبقيت اغسل بوجهه وافرك باديها اريدها بس تفتح عيونهاا
صارت تفتح وتغمض وكووه تتنفس تريد تبجي ماتكدر
اليان : باباا بابا بابا
خلت عمتهاا راسها بحضنها وبقت تمسح بوجهه بالمي وتقرا ايات عليها وهيه عيونها تمطر دموع.
بعدد سايقه طووويله وصلنه للنجف المغرب غايبه الشمس و الاذان يأذن
السيارات ماكدرو يدخلوها دخل المكبره كلهاا قسم دخلن وقسم لاا اجت الناس مشي احنه تيمور فر السياره وصلها لمكان الدفن
اول مره بعمري احضر دفن انسان واشوف كلشي بعيني گلبي احسه يرجف من الخوف
جانو محضرين الكبرر والسيد واكف ولازم بيده قرآن.
نزلو الجنازه من فوك السياره واجابو التابوت اليان كاعده علئ التراب واني لازمتها من ايدها وابجي
هيه صافنه وتباوع علئ كبرر ابوها صارر السيد يكبرر ويقرا علئ الجثه
طلعو من التابوت وانطو للدفان الي داخل الكبر نزلو من راسه لحد رجليه دخلاه بالكبر كلها صارت تبجي بس تيمور واكف يم راسه ومادري شنوو يحجي ويقرا بينه وبين نفسه اعتقد دعاء.
اليان صارت تشهك بقوه وتبجي وهيه تباوع الابوها يدفنونه كدام عيونها.
حضنتها واني ابجي وياها بچت بصوت مسموع وصارت تشهك
اليان : لاتروح بابا لاتخليني وحدي لاتروح وتعوفني اني حبيبتك اليان شلون تخليني وحيده بهاي الدنيا منوو بقالي ومنوو يداريني غيرك.
تحجي وتبجي بصوت عالي كملو دفن ابوها كامت تريد تروح للكبر عثرت رجلها وكعت علئ وجهه شهكت ورحت اركض عليها
اجاها عمها كومها ولزم ايدها اخذها يم گبر ابوها كعدت يم الكبر خلت راسها علئ التراب وهيه تبجي وتنشغ
بچيها يگطع الكلب تكطع صارت تبوس بالتراب مالته
اليان : زعلان مني؟ موو اني الحقيره خليتك تضوج مني بس ارجعلي كلشي تريده اسوي ارجعلي بابا والله مالي غيرك بالدنيا فكر شيصير بيه بعدك موو وعدتني تبقه سندي بالحياة ليش تعوفني ليش تعوفني.
دنكت راسها علئ التراب وهيه تبچي راحت عليها عمتها كومتها وهيه تبجي علئ حالتهاا.
كل الناس راحت تزور الامام علي بقينه بس احنه ولد جاسر مرته ماحضرت الدفن تخربطت وبقوها بالبيت.
ابو زيد : يلا عمي يلا خلونه نرجع والله بچيكم مايطلعه من الكبر اقروله الفاتحه ترحموله زوروله.
اليان : ماروح ماعوف بابا وحده شلون عدكم گلب تخلونه هنا هذا ابونه نسيتو شكدد روحه عزيزه
تيمور : مانسينه شيء ولا راح ننسه بس خلص منكدر نسوي شيء.
صفاء : يلا عمه امشي وياي
صبا : يلا حبيبتي امي
اليان : ماروح والله ماروح وخروو عنيي روحو انتم اني ابقه وياه شعندي راجعه؟ شباقلي اصلاً اني ليش عايشه لحد هسه ليش مامتت وياه.
_حبيبتي اليان هذا امر الله ولازم منعترض عليه كلنه نموت يجي يومنه ونموت حرام الي تسوينه بنفسج كومي غسلي ايدج كلها دم وتعاي صلي بالامام وادعي الابوج.
بالكوه كومنها من الكبر وصعدناها بالسياره عماتها صعدت بسيارتهم واني وياها ويه تيمور وقصي.
اخذونه الامام علي نزلنه رحنه للمغاسل غسلنه صبا عمت اليان تجيب مي وتغسل بوجهه اليان وهيه صافنه وعيونها تمطر دموع.
صبا : كافي ياامي كافي فدوة رحتلج كافي بنيتي
صفاء : ايدها يرادلها تضميد ناخذها لصيدليه شي خاف تلتهب
صبا : لا نتاخر خلي نروح نزور ونرجع بسرعه يتصلون علينه صار ساعه
هزت راسها بأي رحت اني غسلت وجهي وتوضيت وطلعنه من الحمامات رحنه لصحن الامام علي(ع)
دخلنه للحضره وكفت اليان باب الامام علئ كعدت علئ ركبها وخلت اديها علئ وجهه وبچت بصوت مسموع
شبعت بجي علئ حالتها احس عيوني طفت عليها وضعها صعب حيل صعب حايره شسوي شلون اشيل من هل حمل عنهاا
كعدت يمها حضنتها من كتافها واني ابجي وياها
_الله ينطيج الصبر
اليان : تعاقبت لأن ضوجت ابوي تعاقبت لأن ماسمعت كلامه.
_لا لا عمرج لاتفكرين هيج هذا امر الله حته لوو جنتي ممسويه شيء هوه يموت بهذا اليوم كل شخص ويومه وساعته
اليان : اريانا متت اني انتهت حياتي ليوم والله انتهت
حضنتها واني ابجي وياها صارت تمر النسوان وتمسح علئ روسنه اجت وحده من خدمات الحضره مره جبيره مسحت علئ روسنه وكالت
:: انشالله امير المؤمنين يقضي حوائجكم ادخلو جوه امي نسوان تزور وتدوسكم
هزيت راسي بأي لزمت ايد اليان كومتها دخلنه للشباك زرنه وطلعنه
شويه واجن عمات اليان طلعنه من الحضره جانو منتظرينه برا
رجع الكل للسيارات اني لازمه ايد اليان وامشي بيها تيمور يمشي ويخابر مدري منوو وكف علئ صيدليه اخذ منهاا علاج وجاب بيده شاش ودوه
وصلنه للسياراات رجعت بس اني ويه اليان بالسياره كل واحد مشه وحده
دخلنه كعدنه ورا صعد تيمور بالسياره وساق شمرلي العلاج بحضني وكال
تيمور : بيها تعقيم وشاش ضمدي ايدها
هزيت راسي بأي طلعت التعقيم عقمت الجرح ولفيت علئ ايدها الشاش هيه بس صافنه احسها بغير عالم
سحبت راسها علئ حضني خليتها تتمدد غمضت عيونها ونامت وهيه تشهك بنومها
تيمور يسوق وكل شويه يباوعلنه بالمرايه خله ايده راسه وهوه مقهور
تيمور : ااااخخ راسي
_بيك شيء
تيمور : راسي راسي عيوني مجاي اركز بيهن
_وكف السياره لاتسوي حادث
تيمور : لا ماكدر لازم نوصل العالم كلها كاعده بيتنه وامي حالتها تعبانه كلش ومن رايحين وماخذنها حيل مقهوره.
_ليش ماخليتوها تجي
تيمور : تخربطت وفقدت واخذو ابوي شتردين اسوي اكعد وياها
هزيت راسي بـ أي وسكتت سحب نفس بقوه وكمل سياقه بالطريق وكف علئ محل نزل اشتره بطل مي ورجع للسياره شمرلي بطل
تيمور : كعديها بلا شربيها مي
_لا عوفها نايمه خليها ترتاح اذا كعدت راح ترجع تبجي وتنهار.
هز راسه باي فتحت البطل شربت شويه مي وخليت راسي علئ الجام واليان راسها بحضني.
مشت السياره هووواي اني الي ممسويه شيء دخت واحس راسي انسطر سطر حقه تيمور.
وصلنه لبغداد بعد وقت طويل وصلنه تقريباً بـ 2 بليل اليان اخذت الطريق كله نايمه من وصلنه كعدتها ونزلنه سويه
رغم الوقت متاخر بس البيت ماخالي من الناس متروس ترس
تيمور : صعديها لغرفتها
هزيت راسي بأي لزمتها من ايدها وصعدتها لغرفتها تمددت علئ السرير وهيه عيونها مثل الدم ومنفخات وجهه كله صاير الوان الوان من الطم والتخرمش.
كعدت يمها وبقيت امسح علئ راسها واقرا عليها ايات.
غمضت عيونها بتعب ونامت كمت من يمها طفيت الاضويه ونزلت جوه اريد اساعدهم هذا واجب عليه لگيت بنات اعمامهم كلهن بالمطبخ يسون جاي وينطن مي وياهم شذر تباوعلي بحقد وكرهه
_اساعدكم بشي
شذر : كلشي مانريد منج منحوسه الله ياخذج من اول يوم جسحتي عمي
أيفان : شذر شنوو هل حجي
شذر : ليش حاجيه شيء غلط من اول يوم خلت عمي يموت مادري من يتزوجون شيصير بيهم
آيلا : والله كلامها منطقي
أيفان : انتم صدوك متستحون هيه شعليها بموت عمي هذا يومه وقدره يموت بهل ساعه شنوو محمليهنا ذنب موته عيب عليكم
انقهرت كلش من كلامهن مكدرت احجي شيء لأن احس كلامها صح اني منحوسه من اول يوم مات الرجال
عفتهم وطلعت من المطبخ صعدت لغرفة اليان ابقه يمها احسلي ماريد اسوي شي بعد
دخلت للغرفه وكعدت علئ طرف السرير واني منزعجه
بقيت كاعده ماكدرت انام اباوع للساعه صارت بـ 4 الفجر الاذان صار يأذن استغفرت ربي وكمت دخلت توضيت وكعدت اصلي بغرفة اليان.
سمعت اصوات برا حجي بصوت عالي بست التربه وشلت السجاده نزعت حرم الصلاه وطلعت من الغرفه اشوف شكوو
جان الصوت من غرفة تيمور والباب مفتوح بلعت ركي بتوتر ورحت نحو الغرفه
وصلت للباب متوتره وخايفه ادخل سحبت نفس ودخلت انصدمت بالي شفته كدامي ...
