رواية كبرياء انثى الفصل الخامس عشر
بسم الله ولا حول ولا قوه إلا بالله العلي العظيم الملك القدوس
مصطفي .. طمني يا دكتور
الدكتور .. اطمن الحمد لله مفيش اي كسور شوية كدمات واحنا عملنا الازم
محمد .. الحمد لله ممكن نطمن عليها
الدكتور .. طبعآ اتفضلوا
مصطفي .. بيدخل بيلاقي سمر بتحاول تقوم في ايه يا سمر علي الاقل ارتاحى شويه
سمر .. ارتاح ازاي وريهام مخطوفه
مصطفي .. انا هقلب الدنيا لحد ما القيها ما تقلقيش
سمر .. وانا مش هقعد هنا لحظه تانيه
ناهد .. بتدخل سمر الحمد لله اني شوفتك بخير
سمر .. تسلمي يا طنط
ناهد .. مالك وقفه ليه ارتاحي يا بنتي
سمر .. انا مش هرتاح غير لما اوصل لريهام يا طنط.
ناهد .. للاسف لحد دلوقت مفيش اخبار بس انا متاكده انها هترجع ان شاء الله
احمد .. هو عادل عرف ولا لسا
سمر .. اكيد لا الشارع كان فاضي يعني ما حدش شافهم غيري انا
مصطفي .. ما شوفتيش حد منهم
سمر .. واحد بس كان لابس قناع
ناهد .. واضح انهم كانوا مخططين لكل حاجه
سمر .. بس دول مين
ناهد .. خايفه تكون زينب و اخوها
احمد .. ما ظنيش عشان هما عارفين اننا هنشك فيهم هما
ناهد .. امال البنت البريئه دي هيكون مين اللي خطفها
محمد .. ان شاء الله كل حاجه هتتكشف وهترجع بالسلامه
مصطفي .. محمد .. خد سمر وروحها
سمر .. مستحيل اروح قبل ما طمن عليها
مصطفي .. اطمني انا مش هرجع الفيلآ غير وهي معايا
محمد .. خلاص انا هاجي معاك وبابا وماما هياخده سمر ويرجعه علي الفيلآ
احمد .. ماشي يا ولاد بس خالي بالكم من نفسكم
مصطفي .. السلام عليكم
الكل .. وعليكم السلام ورحمة الله وبركاته
احمد .. يلا يا بنتي
سمر .. حاضر يا عمي
احمد .. هاتي رقم عادل
سمر .. اتفضل يا عمي ده رقم عمي عادل
احمد .. بيرن عليه وبيطلب منه يجي علي الفيلا وعادل بيوافق وبيسيب الشغل وبيروح علي الفيلآ
محمد .. هنعمل ايه
مصطفي .. انا متاكد ان الحكايه دي زينب هي الي عملتها واكيد رمزي طرف في الموضوع
محمد .. وهنعمل ايه
مصطفي .. هنراقب رمزي واكيد هو الي هيوصلنا لريهام
محمد .. يارب تخمينك يكون صحيح
مصطفي .. يلا وبلاش نضيع وقت
محمد .. انت عارف بيته
مصطفي .. ايوه
محمد .. يلا توكلنا علي الله
زينب .. بتدخل الفيلآ
سالي .. هو خالي الي كان واقف معاكي بره يا ماما
زينب .. ايوه
سالي .. وليه مشي بسرعه
زينب .. ما انتي عارفه خالك علي طول مستعجل
رافت .. بيقرب منها وبيمسك ايدها امال فين الغوايش بتوعك
زينب .. شيلاهم يعني هيكونوا فين
رافت .. اكيد ادتيهم لي اخوكي الفاشل ده يا زينب
زينب .. انت كده علي طول حاطط نقرك من نقر اخويا
رافت .. انا بسالك الدهب فين
زينب .. الدهب دهبي وانا حره فيه
رافت .. بيضربها بالقلم
زينب .. انت بتمد ايدك عليا
رافت .. انا مديون لطوب الارض ولما طلبته منك رفضتى اما عند اخوكي بتدهوله عشان يشرب الزفت الي بيشربه
زينب .. بتطلع جري علي اوضتها
سالي .. ليه كده يا بابا
رافت .. انا تعبت منها طول عمري بمشي المركب عشانك لكن انا جبت اخري من تصرفاتها
سالي .. يمكن بتقول الحقيقه والدهب موجود
رافت .. انا متاكد يا سالي فاكره لما راحت النادي كانت لابسه غوشتين و الخاتم ورجعت من غير الغوشتين ودلوقت قابلت خالك ورجعت من غير الخاتم وانا جوزها وابو بنتها رفضت تديني اي حاجه منهم
سالي .. انا هطلع لها
رافت .. برحتك
سالي .. بتطلع وراء زينب
زينب .. انا هخليك تندم علي القلم ده يا رافت وبتدخل الاوضه وبتنسا تقفل الباب وبتفتح الخزنه عشان تحط السلسله
سالي .. بتشوفها والسلسله بتعجبها اووي وبترجع وبتدخل اوضتها وهي بتقول لنفسها ايه السلسله دي انا اول مره اشوف سلسله بالجمال ده انا لازم اخدها هستنا ماما تطلع من الاوضه وخدها اتمنظر بيها قدام اصحابي وبقا ارجعها تاني
زينب .. تليفونها بيرن بترد وبتنزل تحت
سالي .. بتتسحب وبتدخل اوضة امها وبتفتح الخزنه وبتاخد السلسله من غير ما تبص فيها و بتحطها في شنطتها وبتطلع بسرعه من الاوضه و بترن علي صاحبتها عشان يتقابلوا في النادي
زينب .. الو عامل ايه يا احمد
احمد .. الحمد لله يا زينب انتي اخبارك ايه
زينب .. الحمد لله بخير
احمد .. برن علي رافت تليفونه مقفول
زينب .. بتقرب من رافت خد اهو معاك
رافت .. الو
احمد .. تليفونك ليه مقفول
رافت .. فصل شحن مني هحطه علي الشاحن خير في حاجه
احمد .. سمر عملت حادثه
رافت .. امتي وزاي
احمد .. الحمد لله عدت علي خير انا قولت اقولك عشان لو حابب تطمن عليها وفيه خبر تاني انا عارف انه مش هيفرق معاك بس هقولك
رافت .. خير يا احمد اتكلم علي طول
احمد .. ريهام اتخطفت وسمر كانت بتحاول تلاحقها وعملت الحادثه
رافت .. ريهام اتخطفت ازاي وسمر فين دلوقت
احمد .. في الفيلآ
رافت .. انا جاي علي طول وبيقفل السكه وبيبص لي زينب انتي ليكي علاقه بخطف ريهام
زينب .. خطف هي ريهام اتخطفت
رافت .. يعني انتي واخوكي ما لكمش علاقه
زينب .. انت شايفني مجرمه عشان اخطفها
رافت .. طاب يلا هاتي سالي وانا مستنيكم في العربيه بره سمر عملت حادثه وهي بطارد الي خطفو ريهام وبيطلع علي العربيه
زينب .. ماشي يا رمزي وتقولي ما حدش شافك انا عارفه ان اخرتي علي ايدك بغبائك ده
عادل .. وصل الفيلآ وبيضرب الجرس
سمر .. خليكي يا داده ده اكيد عم عادل انا هفتحله وبتقوم وبتفتح الباب
عادل .. اول ما بيشوف سمر ايه ده يا بنتي مال وشك
سمر .. حادثه صغيره يا عم عادل اتفضل عمي مستنيك.
عادل .. هي ريهام مش كانت معاكي هي فين
احمد .. بيوقف ارتاح الاول يا عادل وانا هقولك كل حاجه
عادل .. هو فيه ايه بنتي حصلها ايه
احمد .. بيقرب منه في حد خطف ريهام
عادل .. بتقول ايه احنا طول عمرنا في حالنا مين الي يفكر ياذينا
احمد .. اهدا احنا مش ساكتين وهنقلب الدنيا عليها مصطفي ومحمد بيدوره علي اي خيط عشان يمشوا وراه والعميد قالب الدنيا وان شاء الله كلها ساعات وريهام هتكون بينا
عادل .. مش عارف الدنيا واقفه ضدك ليه يا بنتي من صغرك فقدتي اهلك ودلوفت خطفوكي يارب استرها
ناهد .. قصدك ايه هي مش بنتك
عادل .. اه لا بنتي انا قصدي ما شفتش امها
ناهد .. الله يرحمها بعد اذنكم شويه وهرجع
سمر .. اجي معاكي يا طنط
ناهد . لا يا حبيبتي انا بخير
سمر .. حاسه ان ناهد بتتقطع من جواها بس بتحاول تخبي خوفها وقلقها علي ريهام
ناهد .. بتطلع فوق.وبتدخل اوضتها وبتقعد علي السرير وبتحط ايدها علي قلبها وهي بتاخد نفسها بالعافيه مش عارفه قلبي بيوجعني اووي ليه علي ريهام انا حاسه اني روحي هتروح مني يارب استرها معاها ورجعها بسلامه
سمر .. بتطلع وبتخبط علي غرفة ناهد
ناهد .. بتاخد نفس وبتمسح دموعها ادخل
سمر .. اسفه يا طنط بس انا حاسه بي الي بتحاولي تخبيه عشان عمي احمد
ناهد .. مش بايدي يا بنتي من اول ما شوفت ريهام وفيه حاجه غريبه بتشدني ليها حاجه اقوى مني انا هتجنن من الخوف عليها
سمر .. هي ريهام كده بتدخل القلب علي طول
زينب .. سالي انتي طالعه
سالي .. ايوه يا ماما رايحه النادي هقعد شويه مع اصحابي
زينب .. لا سيبك من اصحابك سمر عملت حادثه ولازم نروح نطمن عليها
سالي .. روحو انته يا ماما
زينب .. مش هتكبري أبدا يلا عشان مصطفي يحس انك مهتمه بيه وباخته
سالي .. حاضر يا ماما بس مش هنطول
زينب .. ان شاء الله يلا وبيطلعه وبيركبه مع رافت وبيتحرك علي الفيلآ
محمد .. وبعدين احنا من ساعات هنا ولحد دلوقت ما طلعش من شقته يمكن مش فوق
مصطفي .. حتي لو مش فوق اكيد هيجي وانا مش هتحرك من هنا
محمد .. يارب نوصل لريهام بسرعه
مصطفي .. اهو طلع يا محمد
رمزي .. ركب العربيه ودخل علي مطعم جاب اكل ورجع تاني علي العربيه وتحرك
محمد .. خالي بالك لحسن ياخد باله اننا مراقبينه
مصطفي .. ما تقلقش انا بعيد عنه خالص عشان ما يحسش باي حاجه
رمزي .. بيوصل البيت المهجور وبياخد الاكل وبينزل من العربيه وبيفتح الباب وبيدخل
