رواية سيرة القدر الفصل الخامس عشر بقلم فجر المساري
بارت مفاجاه احبكم…
رجع طلع كال عنده شغل ميتاخر…
وبقيت وحدي اووووف هسه لو يمي البنات جان
مضجت ساعه واجه وجايب وياه عشا…
تعشينه .. ومرت هاليومين وبعدهه جوي البنات
وفهودي… 😘
وجانت تجي امه علينه عايشه ويه ابنها الضابط
اسمه حسن ممتزوج ..
تجي كل يوم الصبح ولليل يجي ياخذها…
وثاني يوم الصبح… اجوي امه واخواته وجانوا
فرحانين ولبسوني ذهب وابو لمياء طلع من جيبه
كلاده ذهب مكتوب بيها اسم الله… وانطانياها
حسيت الحمد لله ربي عوضني عن الايام الي عشتها
بقهر ومرت الايام وكل شغل البيت عليه متحملته
وفهودي لان البنات ملتهين بالدراسة ومرات
تجينا الحجية ام ابو لمياء وتبقى اسبوع او اسبوعين…
والحمد لله كلش تحبني وزينه ويايه لان تشوفني
شلون اتعامل وياهم ومشفت منها شي ع كد
مااكدر احاول ارضيهم وحتى علاقتي زينة بالبنات
يحبوني لان ولا مره اشتكيت بسبب اخوهم او
شغل البيت والحمد لله … يحترموني ويقدروني
ومشفت منهم شي مو زين… والحجية امينة كل
متجي،يجي وياها ابنها حسن الضابظ بالجيش
بعده ممتزوج وبيني وبينه سلام…
ومرات اسمعه يتعارك ويه اخو وامه يريدون يزوجوا
وهو ميقبل وجان رافض فكرة زواج…
حجي… نعم مشتاقه لخالتي واريد اروح اشوفها
كلي باجر اوديج حجي ميخالف اخذ فهودي ويايه
كلي اي… اخذي انتي صرتي امه…😍
كومي حضري نفسج كتله شكرا حجي…
كمت حضرت جنطتي ملابس الي والفهودي
وطلعنا من الصبح سلمت ع البنات وكتلهم ماتاخر
يومين وارجع…
اني اصيحه حجي لان هو حاج بيت الله وهو وصلني
للبيت وفات سلم ع خالتي وطلع كال يروج ع بيت
اخته وداد يشوفها هيه متزوجه بغداد ومن لصبح
يطلع… الله وياك ولليل خابرني وسالني ع فهودي
كتله زين ..
خالتي من شافتني خطيه كلش فرحت وكعدنا
نسولف وتسالني عنهم كتلها كلهم زينين ويايه
كالت الحمد لله ..
لصبح كعدت سويت ريوك وتريكنه وكعد فهودي
ريكته وبعدهه سبحته وانطيته لخالتي وبديت بتنظيف البيت وسويت غدا …
والعصر سويت جاي وكعدنا اني وخالتي بالحديقه
نشرب وفهودي بحظني وذكرنه ايامه من جنه نكعد
بالحديقة وعمي قاسم شكد يحبها ويهتم بالورود
خالتي كالت مسمعتي اخر الاخبار… كتلها شكووو
خالة كالت بيت عمج ابو ياسر كعدوا الصبح وملكوا
زوجه ياسر… اني فكيت حلكي شنوووو… 😱
يكولون مهزومه طالعة من البيت وحدها ومحد
يدري بيها حتى زوجها ياسر… سراب سترك ياربي
وعايفه البنات على ياسر وطالعة الاردن راجعه لاهلها
ومناك مسافره ويه اهلها لتركيا ورافعة عليه قضية
طلاق بالمحكمة…
سراب وهسه… والله مادري بعد ..
خطيه… خاله لا موخطية لعد انتي مو خطية
الحمد لله خالة الله عوضني بالحجي الله يحفظه
وامه ضربتها جلطة وانشلت ونايمه بالفراش
سراب خطيه متستاهل والله… اوووف ياخاله
ليش هيج… خالتي من ايده الله يزيده … 😡
خطيه تعب ياسر وتعب اهله… بهالاثناء فات ياسر
من ازوجت مشفته صار شهرين اخترعت لحيته طويله جانت ومبهذل وحال الضيم حالة
سلم عليه… شلونج سراب… الحمد لله
مثل متشوف… وكال اهلا وسهلا بالعروسه
ما شاء الله جايه اليوم… شذكرج بخالتج ويضحك
رغم هو الي بي متصيرله جاره ابد…
يضل يقلد على غيرة ابو طبع ميجوز من طبعه ابد
استغفر الله… 😒
وياشر بايده على فهودي ويكول هم صايرة مربية
اطفال فوكاها ..سراب اني صرت اعصاب نار بداخلي
هذا ميستحي شبي تخبل خبلته ندى…
مرديت عليه لان اعرف الحجي وياه ضايع عفته وكمت وكتلها خاله اصعد انيم فهودي نعس حبيبي
واسمعه يكول لخالتي خوش خدامة عدهم صايرة
وشعدها جايبه وياها ابنهم وياهه وسمعت خالتي
حجت عليه ورزلته وطردته من البيت…
واني طكيتها بجيه وصعدت الغرفتي فهودي نام بحظني خليته بفراشي نيمتة واباوع عليه
ملاك ونايم مرات انقهر عليه لان ماتت امه ومشافها
وانحرم منها ومن عطفها وحنانها…
اجتي خالتي فتحت الباب الغرفه وكالت اريد
احجي وياج اشرتلها فهودي نايم مسحت دموعي
وجان انزل وياها جوه وكعدنه بالهول وخالتي
تكلي خلي يولي معليج بي هذا يغار منج وهيج
يحجي عليج لا تهتمين ..وبقينه نسولف وتسالني
عن علاقتي بيهم وشلونهم ويايه ومن هالسوالف
وكتلها الحمد لله كلهم زينين… ويايه ..وللمغرب
بعدهه سويت عشا وتعشينه وكتلها خالة اريد اروح
لسوق محتاجه كم شغله وكالت باجر الصبح نروح
الحجي ممقصر ويايه كل اسبوع ينطيني فلوس
ويكلي هاي مصرف الج…
واني اضمهم ثاني يوم لصبح كعدت وكالعاده ريوك
وطلعنا لسوق واخذنه تكسي وافترينه اني اخالتي
قبلها اني خابرت الحجي واخذت اذنه كلي روحي
واشتريت سيت نوم احمر كلش عجبني خفيف وبي
تول واشتريت كم كلبيه وشالات واخذت قطعة
للحجيه امينه لون نيلي لان متلبس غير هاللون
واخذت للبنات تراكات حلوووه لان يلبسون هيج
بالبيت واخذت كومه ملابس لفهودي…
ومرينه من يم محل مال سبح عجبتني سبحه
اخذتها للحجي كملنه ورجعنه للبيت وصلنه للبيت صعدت نيمت فهودي بفراشي
وبدلت ونزلت سويت غده وتغدينه سمعت فهودي
يبجي كعد خطية جوعان سويتله مميه وشربته
الحليب وكعدت العب وياه الى ان نمت بصفه مكعدت للعصر شفته نايم ماشاء الله عليه هادئ
نزلت عجبني اسوي كيكة سويتها وخليتها بالفرن
وسويت جاي استوت وخليها بالثلاجه
صعدت ولكيت تلفوني يدك شفت الحجي
ابو لمياء متصل 3 مكالمات بيه دك فتحت خط
الووو… الوو. هلا ابو لمياء شلونج الحمد لله
انت شلونك الحمد لله
وينج ادك عليج ليش متردين… مو جنت جوه
وتلفون مخليته على الشخن وهسه صعدت وشفتك
متصل… وسال على فهودي كتله نايم وكلي حضري
نفسج باجر الصبح اجي اخذج… كتله اييي
الحجية والبنات شلونهم كال الكل زينين ويسلمون
عليج… الله يسلمهم ..سلملي عليهم كال يوصل ..
محتاجه شي… سلامتك… الله يسلمج ..
وسديته وياه ..
وفهودي كعد اخذته ونزلت جوه وخالتي كاعده
انطيتها فهودي ورحت قطعت الكيكة وصبيت جاي
وكعدنه ناكل ... وكتلها خالة خابر ابو لمياء وكلي
باجر اجي اخذج ليش مستعجلة ياخالة ابقي كم يوم لا خاله خطية البنات عدهم مدارس،
وامتحانات حضرت ملابسي وللصبح اجه ابو لمياء
فات سلم وبوست خالتي وطلعنه خالتي كلتله ابقوا
على الغده كال لا الطريق طويل هم يالله…
وطلعنه وصلنه للبيت والبنات شافوني واجوي بوسوني وفرحوا…
وكلش فرحوا باشغلات الي جبتها الهم وتشكروني
والحجية انطيتها قطعه لقماش وتشكرت مني
والحجي عجبته السبحه…
والحجية امينه بايته يمهم… وجانت مسويه غدا
وتغدينه وكملنا والبنات غسلوا لمواعين مخلوني
وللمغرب فات الحجي ابو لمياء واخوه حسن
الضابط وشربوا جاي وكليجه سويتها قبل لااروح
لبيت خالتي وكعدنا سوالف وراها طلع الحجي
وجاب عشا من المطعم جاهز لان شافني تعبانه
وضايجه … ومشت الايام ولاشهر
والبنات جانوا يعتبروني مثل اختهم الجبيره
ويحبوني ويشوفوني شلون اتعامل ويه اخوهم
الصغير فهد وصرنه صديقات ...
وابو لمياء علاقتي حلووه وياه ويعاملني احسن
معامله ومجرحني ولا بكلمه…
ومر على زواجي 6 اشهر وكل شهر يمر جنت انقهر
لان اريد طفل صح فهودي مالي علذه حياتي
واحسه ابني بس جنت اريد اطفال…
وفد يوم سميته اليوم الاسود بحياتي بعد مكلت
الدنيا ضحكتلي رجعت بجتني…
بهاليوم الاسود طلع الحجي ابو لمياء وبعدها
مارجع للبيت… .
