رواية كان اخي الفصل الخامس عشر بقلم مجهول
حسيت مثل الضربه جت على راسي
طلعت من الغرفه ورحت بأتجاه غرفتو باوعت علي لابس ملابس جديدة ومتزين و مخلي عطر وديمشط شعرو
ملك:صدك دتروح تخطب؟
هيثم:اي
ملك:.........
هيثم:شبيج
ملك:مابيه شي
بقيت اباوع علي وهو يباوعلي ساكتين بس عيونه مليانه حجي..عيونه مليانه حسسرة وملامه كأنما ديلومني.واني عيوني يكوللو لاتروح لاتستعجل.....بس بعديش فات الاواان!!
اجه خالو محمود
محمود:سميييه سميييه
سميه:ها اجيت خوش...انطيت خبر للجماعه انه راح نجيهم
محمود:اي يدرون
سميه:يله بنتي هبه خلصتي
محمود:هبه هم تروح؟
سميه:اي تجي
محمود:لعد خما بس ملك تضل بالبيت
سميه:اي والله صدك ..امشي ملك ويانا
ملك:هاا لاماكدر اجي عندي درس
سميه:لعد خما تضلين وحدج...لو هبه تضل هين لو تجين معانا
هبه:والله شعليه اني اجي
سميه:لعد يله ملك بدلي عالسريع وامشي ويانا ساعه ونرجع قابل يطير الدرس
انجبرت اروح وياهم ...رحت بدلت عالسريع وبدون اي واهس فاتت عمه سميه للغرفه باوعتلي جان تكول
سميه: جان هس نخطبج انتي...رادج انتي ماراد غيرج...بس يله كلشي قسمه ونصيب
اندهشت بكلامها وانحرجت ودمعت عيوني .طلعنه بالسيارة هيثم جان يسوق وخالو محمود من كدام واحنه من ورى .دقيت هبه كتلها منو البيت الي راح نخطب منهم ومني هي الخطيبه
هبه:اني ماعرفهم بس هيثم كايل لامي عالبيت هويعرفهم بيت ابو فلاح
ملك:اهاا
هبه:اي
وصلنه البيت وفتنه طلعو زلم وسلمو على هيثم وخالو محمود راحو ويه الزلم واحنه فتنه جوة تلكنه 3نسوان سلمن علينه ماعرفهن اول مرة اشوفهن كعدنه وياهن بالغرفه
كامت تحجي عمه سميه وياهن مواضيع عاديه عرفت انو وحدة منهن ام الخطيبه والاثنين الخ عماتها بعدين فتحت الموضوع وياهن عمه سميه
سميه: والله الصراحه اني ابني جه عليه وكالي اريدج تخطبيلي فرحت من كالي لان هو الجبير واريدو بس يزوج اخو الخ يدرس بالداخل..ماصدكت من كالي
ام الخطيبه:اي صحيح...والله اني ابو فلاح كالي جايين خطابه ناس على شروق وحيل مدح منكم ومن ابنج وكال خوش ناس
سميه: اسم بنتج شروق
ام الخطيبه:اي شروق...عندي ايمان وشروق ايمان متزوجه وشروق بعدها عزبه
سميه:شكد عمرها
ام الخطيبه:عمرها21
سميه:ابني عمرة31
ام الخطيبه:اي بعد احسن اني دايما اكول التتزوح جبير احسن من الجاهل ومايفتهم
سميه:لا ماشالله ابني فاهم وعاقل ومخلص دراسه وعندو راتب كلشي ماناقصه
ام الخطيبه:ماشالله الله يحفضو الج
سميه: تسلمين .زين وينها اريد انشوفها
عمتها: هس تجي
بقن يحجن ورى شوي فاتت الخطيبه وشايله صينيه بيها كهوة وقدمتلنا
البنت حلوة ومرتبه ومبينه ملعبه يعني موفقيرة هيج حسيتها
سميه:ماشالله اللهم صلي على محمد الله يحفضج تخبلين
كامت تدق بيه هبه
هبه:زينه حلووة
ملك:اي...زين هيثم شايفها قبل لو لا
هبه: لا موشايفها هوبس سأل عالبيت شاف خوش ناس وراد يخطب منهم
بعد شوي فات رجال يصير ابو الخطيبه صاح ام فلاح يقصد على مرتو .وهي طلعت بعدين رجعت وكالت
ام الخطيبه: ابو فلاح وعمامها موافقين ويكولون مايحتاج نسأل عليكم لان يعرفونكم
سميه:الله يبشرج بالخير..زين البنت شنو رأيها
ام الخطيه:هياهي كدامج سأليها هههه
سميه:ها بنتي انتي شنو رأيج اذا تريدين تفكرين من حقج اخذي راحتج اهمشي تكونين راضيه
شروق:مادام ابوي موافق اني موافقه
ام الخطيبه:هذا هو بعد صارت الكم
سميه:الحمدلله والشكر انشالله نخليها بعينه ومانقصر وياها
كل الكعدة واني اباوع عليها واكول ويه نفسي اخذتو مني لالا اني انطيتها اياه اني سلمتو الها ....مرة اكول شسوي اذا مااتقبل يكون زوجي ومرة اكول يجوز لومنتضرني شوي جان تغير تفكيري شعور غريب ندم على حسرة مادري شنو بس الي اعرفو انو شعور مكروه ويخنك واتمنى محد يتخلى بهيج موقف
بعد شوي ام الخطيبه كالت ابو فلاح يكول تايجي الخطيب يشوف البنت مادام وافقنه خلي يشوفها وهي هم تشوفو
باوعت عالبنت ابتسمت وارتبكت
سميه:اي طبعا من حقهم يشوفون بعض
فات هيثم للغرفه وسلم عالكاعدين وكعد مقابيل البنت
ضليت اباوع علي مدنك راسو ماباوع عالبنت.بعدين رفع راسو واجت عينو بعيني كبل دنكت راسي
سميه:هاي البنت كدامك اسمها شروق
هز راسو بمعنى اي
عمت الخطيبه:انشالله عجبتك
هيثم:وليش ماتعجبني ماشالله عليها ماناقصها شي
كعد شويه وطلع
هبه:ها انشالله عجبج اخوي
شروق:بصراحه كلش عجبني ماشالله علي
سميه:يعني نكول بيها الخير انشالله..حددو المهر .ورجعنه للبيت
كل الطريق عمه سميه وهبه يحجن عالبنت واهلها
سميه:ماشالله حيل خوش ناس ووافقو كبل والبنيه مثل الورد حلوة ومحبوبه
هيثم ساكت كلشي ماحجه
وصلنه البيت ورحت غيرت هدومي ردت ادرس ماكدرت موضوع الخطوبه حيل شاغل بالي بس افكر فرشت فراش ردت انام بس افكر مقهورة ومخنوكه وفوك كل هذا ماكو احد اشكيلو ولااحد اسولفلو رحت على عمه سميه اخذت الموبايل وخابرت فرح
فرح:الو
ملك:هلا فرح شونج
فرح:هلا ملك الحمدلله بخير انتي شونج
ملك:موزينه
فرح:ليش شكو
ملك:اليوم رحنه خطبنه لهيثم
فرح: صدك...شبسساع
ملك:مادري فجاة يمكن
لان رفضتو هيج سوة
فرح:صوجج انتي مانطيتي كلبج فرصه رفضتي كبل ...والله انقهرت حيل على هذا الخبر
ملك:متكوليلي شسوي...وهو كبل راح خطب مانطاني فرصه اتقبل
فرح:الرجال هم كبر ويريد يزوج ويستقر يعني شكد يضل ينتضرج
ملك:هذا مو عذر....الحجي هس مايفيد هو خطب بعد
فرح:من وين خطب
ملك:بيت ابو فلاح ماعرفهم
.رحت وياهم قبل شوي رجعنه
فرح:اهاا شفتي البنت
ملك:اي شفتها زينه حلوة اسمها شروق
فرح:والله متفاجئه حيل شبسرعه هيج راح خطب..اكلج عمار يصيحني هس باجر عود اخابرج
ملك:انشالله باي
رحت لفراشي ونمت كعدت الصبح رحت للمدرسه ورجعت بس هبه موجودة
ملك:لعد وين عمه سميه
هبه:راحو ينطون المهر
ملك:اهاا
هبه:اي....صدك هديل هس راح تجي وتبات يمنه لان سمعت بخطوبه هيثم
ملك: صدك ..خوش لعد
هبه:كلششش متحمسه للخطوبه والزواج وانو يكون عدنه جنه بالبيت
ملك: ايي
هبه:شو احسج موفرحانه
ملك:لا ليش مافرح عادي
رحت سبحت وطلعت كمت ادرس وريه شويه جت هديل رحت سلمت عليها وبوستها
هديل:ها ملك شونج
ملك:الحمدلله انتي شونج...
هديل:صدك راحو تاينطون المهر
ملك:اي
هديل:اووف منج
ملك:ليش
هديل:تعرفين ليش
رحت وياها للغرفه
هديل:ليش هيج سويتي.. ليش ماقبلتي بي ارتاحي هس
ملك:اني ماسويت شي هو استعجل وكبل راح خطب مانتضرني
عيوني دمعن وكمت ابجي. اخوج مانطاني فرصه ضغط عليه حيل فجاة كالي احبج ورة كم يوم يريد نتزوج واني جنت حاسبته اخوي يعني الموضوع جدا صعب جان عليه الشغله جان يرادلها وقت بالنسبه ليه...انتو ماكاعد تحسون بيه بس همكم نفسكم وتلوموني ليش ماوفقت
هديل:كافي ولج كسرتي كلبي..اني مقهورة لان من عرفت انو يريدج ماجنت اريده ياخذ غيرج ولا وحدة تجي للبيت غيرج
ملك:الراح مايرجع بعد
فاتت هبه
هبه:اجو تعالن
طلعنه من الغرفه.باوعت عمه سميه وهيثم .سلمت هديل عليهم
هديل: مبروك هيثم بيها الخير انشالله
هيثم: الله يباركلج
هديل:اي شتفقتو وياهم
سميه: اتفقنه اول شي يمسكون عقد بعدين يروحون سوة يشترون الذهب وراها الخطوبه
هديل:اي زين..وشوكت يمسكون عقد
سميه:باجر راح يروح هيثم ويه البنت يسوون فحص دم
هديل:الله كريم قصص وروايات عراقية
رحت للمطبخ اسوي جاي بس احس نفسي ضايعه او مضيعه شي مادري..كل مااسمع بشي جديد تايصير بلخطوبه احس بغصه وحسرة والغصات كثرررن هووااي عليه
علاقتي بهيثم من يوم رفضت الزواج منو شبه مقطوعه لاكلام لاسوالف لاشقه اي شي ماكو بس اهااات وندم ونضرات مليانه عتاب ودموع كلبي ورم واني موكد هذا الورم
اجه ثاني يوم وراحو سوو فحص دم ورى اسبوع طلع الفحص مابي شي
كعدنه الصبح جان يوم جمعه كعدنه نتريك اني وعمه سميه وهبه
سميه:اليوم عازمين الخطيبه واهلها عالعشه
هبه:صدك
سميه:اي هيثم وابوج كال عزمناهم..لازم يجون ويشوفون البيت حتى تقوة العلاقه بينه وبينهم
هبه:اي صحيح ...خوش لعد اني من هس افكر شنو البس واحضر نفسي
سميه:الله كريم للعشه هس فكري شنو نسوي عشه وتعاونينه
هبه:اهوو عاد اني اريد اتونس خما نكضيها شغل
خلصنه رويك ورحت شلت الفرش مال البيت وشطفناه اني وهبه وسويت غدة خفيف عالسريع تغدينه ورحت رجعت الفراش .طبعا هيثم ماجان موجود جان عندو شغل..
صارت الساعه2ونص كلت خلي انام ساعه لان اعرف وراي شغل كومه للعزيمه طبخ ومدري شنو وشي اكيد كلها براسي فوك قهري هم اشتغل اوووف
نمت ساعه وكعدت غسلت وجهي.باوعت السيارة دخلت للحوش نزل هيثم منها ونزل هواي مسواك من السيارة
وصاح عمه سميه
سميه:ها هيثم جيت خوش جنت انتضرك
هيثم:هذا المسواك سوو عشه زين ومضبوط ماريد نقص
هزيت ايدي وكلت بكلبي اي ماشالله فوكاها مايريد نقصص
سميه:تعااي ملك فوتي المسواك للمطبخ
هيثم:اني اروح انام شوي ارتاح
سميه:اي ابني روح نام عود اني اكعدك المغرب كبل مايجون
رحت اخذت المسواك من كدامو وفوتو للمطبخ
باوعت جايب لحم ودجاج وكل انواع الخضرة والفواكه وبقلاوة وشربت ماكو شي موجايبووو...اي ماشالله حيل مهتم
صحت عمه سميه وكتلها شنو راح نسوي
سميه: نسوي دولمه وكبه وبرياني
ملك:مو هوااي
سميه: لابنتي موهواي ناس اول مرة يجون عيب..اروح اصيح هبه تعاونج
جت هبه عساس تعاوني بس كطعت اللحم وياي وراحت
سويت الدولمه والكبه اني وعمه سميه والبرياني وحدي سويتو خليت الدولمه عالنار والكبه كمت افورها بالمي والتمن مال البرياني طبختو.تقريبا سيطرت على كلشي صارت الدنيا مغرب وعمه سميه كعدت هيثم. اذن ورحت تاصلي ..وصيت هبه تدير بالها عالكبه كتلها شوي وشيليهاعلى ما اخلص صلاة.. رحت تمسحت كاعد اصلي بعد ماخلصت سمعت هيثم يعيط ويحجي.خلصت وطلعت من الغرفه رحت للمطبخ باوعت هيثم وعمه سميه
هيثم: ووين جنتي عايفه الاكل عالناررر ماتدرررين بنفسج
باوووعت شفت الكبه مفلشه .
ملك: وصيت هبه عليها شجاها نستها
هيثم:شنوو وصيت هبه هاا.انتي جنتي تطبخين غيير تضلين اله ماتخلصين شغلجج عذر اقبح من فعل
ملك:رحت اصلي وكتلها ديري بالج عليها
هيثم:لاتساحناا كدااام الناس
سميه:يله عادي ماصار شي الخير جثير
هيثم:اني اروح اجيب ابوي بيت عمو صالح
سميه:اي روح جيبه بس لاتتأخرون خاف يجون الجماعه
هيثم:لاماتأخر
طلع هو
سميه:لاتزعلين منو متعصب لان تايجون اهل خطيبته واول مرة
ضليت ساكته ومارديت بس الله اليعلم بكلبي شنو
كملت الطبخ وتحضير السلطات والخضرة.رحت للغرفه شفت هبه لابسه كلابيه حلوة ومخليه مكياج
ملك:ولج ليش نسيتي الاكل مووصيتج
هبه:اووو نسيت والله
ملك:انتي تنسين والرزايل براسي
هبه:وانتي خما تضلين هيج ماتروحين تبديلن
ملك:وعليش ابدل ماريد.خليني هيج
اجو هيثم وخالو محمود.ورى شوي اجو الخطار فاتو الزلم ويه هيثم وخالو محمود للاستقبال والنسوان فاتن للهول.اول وحدة فاتت ام الخطيبه سلمت عليها بعدين فاتت شروق كلش مرتبه ونازكه طالعه حيل حلوة بصراحه غرت بداخلي باوعت على نفسي مبهدله وهي شون مرتبه ماتحملت ابقه هيج رحت عالسريع غيرت هدومي وخليت مكياج خفيف..كعدن بالغرفه ويه عمه سميه ورى شوي اجت عمه سميه للمطبخ وكالت صبي العشه.كمت اصبو اني وهبه فات هيثم
هيثم:كاعد تصبون
سميه:اي
هيثم: يوووم رتبن اكل النسوان اكثر
هبه:هههههه اي طبعا لان شروق موجودة
هيثم:اي طبعا
شكد ضجت واحس خنكتني العبرة
ودينه الاكل للزلم والنسوان
اني رحت خليت القوري مال الجاي عالنار وكمت احضر بالاستكانات
خلصو الاكل ورحت اني وهبه لمينه الاكل من الغرفه .اجه هيثم:ها وين جاي
ملك:اي بس تايصير
هيثم:يله بسرعه لاتطولن
صبيت الجاي للزلم والنسوان.رحت للمطبخ باوعت المطبخ طايييف مواعيين.رحت على هبه تاتعاوني باوعت كاعدة ويه شروق يسولفن ويضحكن.كلت خلي اروح اغسلهن وحدي شسوي اعرف ماراح تجي .ضليت ساعه ونص اغسل بيهن هلكت.هتو خلصتهن اجه هيثم كال حضري بقلاوة وشربت
رحت احضر طلعت الصحونه .سمعت صوت هيثم بالغرفه ويه النسوان كبل رحت اباوع شفت شروق واكفه يمو مبتسمه سحبها من ايدها واخذها للغرفه مالته
ماكدر اوصف ذيج اللحضه طارت روحي معد اكدر ماجنت اتوقع من نفسي هيج اشتعل وكت الصحيح احس دخنت من جوة .حاولت اهدي نفسي واصبرها حتى الدموع ماتطلع من عيني شعور يحرك حرك
حتى نسيت البقلاوة ماحضرتها ورة ربع ساعه هيج اجه للمطبخ
هيثم:هاي شوكلشي مومحضرة
بقيت ساكته وكمت احضر وهو واكف
كمت اخلي بقلاوة بالصحونه.بكل صحن اخلي كم قطعه
هيثم: هاي شبيج تخلين شوي شوي.كام يشيل بيدو وهو يخلي
خليتهن بالصينه جان يفرغ صحن ويكول
هيثم:شوفي الصحن مونضيف روحي اغسلي
ملك:ليش مونضيف غسلتهن كلهن كلشي مابي
هيثم: شنووو غسلتهن شووفي الوصخ اذا هيج تغسلين لاتغسلين بعد احسن
بهاي اللحضه خلاص وصلت حدها تعصبت حيل جان اشيل الصحون واكسرهن كلهن كدامو.....يتبببع
#بارت قصير مفاجاة
شلت الصحون كلهن جان اكسرهن كدامو .وابجي واعيط
ملك:كاااافي عاااد مووووخدامه عندددك اني وعند اهل خطيبتك من الصبح لليل واكفه وعلى شنووووو هاااا بالاخير اطلع ماعرف اغسل
هيثم:ملللك شبييج تخبلتي لازززم
ملك:اييي تخبلللت انت خبلتنيييي.
فاتت عمه سميه هيه وهبه على صياحي
سميه:خير شاكو يمعودين .
ملك:لاتحجين معاي احجي ويه ابنج ووصلت حدها وياه
هيثم:يوووم خليها تسكت لااسوي بلوة هس
سميه:ولكم عيب نصو صوتكم هس العالم تسمع
ملك:بالالف جهنم مايسمعوون بس هذا همكم
هيثم:كافيج عاااد اسكتييي
ملك:اطلع برة ماريد اشوف وجهك
هيثم:هاي على منو اطلع برة
ملك:اطللللللع بررررررة حقييييير
هيثم:احترمي نفسج اني لي هس ماسك اعصابي وماريد اسوي شي موزين
ملك:شتريد تسووي مثلا هاا اكثر من الكاعد تسوي
هيثم:عود تشوفين
ملك:اعلى مابخيلك اركبووو وموخايفه منك
جررني قووي من ايدي وسحبني ورى البيت
سميه:هيثم على كيفك يمعود عوفها
هييثم:يوووم ماالج ددددخل
ملك:وخرررر ايدددك عنييييي
هيثم:لاتصيحييييين
ملك:وخرررر ايدددك داكلك حيوااان
خله ايدو على حلكي وسدو تاماصيح
جان اعضو من ايدو
هيثم:خرررب يوومج شلعتي ايدي.موكافي شالعه كلبي
ملك:روووح من وجهي روووح ماريد اشوفك اكرررهك
مااطييييقك رووح ولي يم خطيبتك
هيثم:كااافييييج
ملك:شوف اكلك بعد من اليوم ورايح ماتصخرني ابددددد فهمممت ولاتصيحني اصلا اسمي انسااااه.رووح كول لاختك لولامك....وكلشي بعد ماسوي اصلاا
هيثم:ايييي وبعدد
ملك:لاتحجي وياااااي نهائياااا ابددد
هيثم: حلكككج سددددي كاافي
ملك: ماسدووو بكيييفي مو انت تحكمني ولاالك حق تحجي معاي كلمه بعد من اليوم ورايح.
هيثم:ملك
ملك:كلتت اسميي انسااااه
هيثم:اموووت علييييج والله
سحبني لي عندو وكام يبوسس بيه كل قوته
مادري شنو صابني بذيج اللحضه بس الي اعرفو اني استسلمت وتجاوبت وياه ومامنعته.....
