رواية أحببت من لايبالي الفصل السادس عشر بقلم مجهول
براء : كاعده اقره قران واندكت الباب ... كمت بالجادر فتحته ... شفت دارين
دارين : هلوو ممكن اكعد يمج
براء : بهدوء ... تفضلي .... دخلت تباوع للغرفه
دارين : واوو سويتكم يجنن احلى سويت بالبيت
براء : راحت كعدت... كمت نزعت الجادر .... وطلعتلها ضيافه
دارين : ماكو داعي اني اذا اريد اكوم اخذ اليعجبني بيتي هذا
براء : جاوبت مستنكره كلامها ... شي اكيد
دارين : تباوع للغرفه .... لعد زين وين
براء : نايم ... ليش تردين منه شي
دارين : لا اصلا همزين نايم .... اريد احجي وياج على انفراد ... شوفي براء تره الي سمعتي بالمرسم مو صحيح ... اني جنت طالعه من غرفتي اريد اشرب مي ولكيت زين بالمطبخ فكلي اجي اشوف رسماته واني ما حبيت اكوله لا وهو كام يشاقه ويايه كام ضربني بالشقه واني متحملت صحت وشردت منه لان شقاه ثكيل... ما ردت تاخذين موقف مني وتضوجين ... بس هو الي صاحلي صدكيني واني طلعت ما ردت اسمع حجايه تدرين الحجايه تصير على البنيه اكثر من الولد
براء : بكلبها ... ياجذابه همزين اني جنت جوه ومحد نزل وهمزين طلعتي وجهج مورم من الراشدي الاكلتي ... بهدوء... لا عادي حبيبتي ما بيها شي انتي بت خاله وبمقام اخته اكيد ميتقيد بمعاملتج
دارين : يعني ما ضايجه
براء : لا ليش اضوج
دارين : بضوجه ... يله اني طالعه ... اجتي تريد تطلع شافت زين رجعت كعدت ... لو اكولج ... بطلت خليني كاعده هنا
براء : باوعت على اتجاه نظرها شفت زين طلع من الغرفه شعره مبعثر وبدون تشيرت ... دخل للصاله ... اجه كعد يمي وسند راسه على متني ... باوع لدارين بعدم مبالاه
زين : بنعاس بيش الساعه هسه
براء : بخجل ... بالاربعه
دارين : هلوو زين
زين : هله
دارين : كولش حلوه غرفتك
زين : ببرود اعرف
دارين : باحراج ... يله اني رايحه
زين : الله وياج ... وياريت تسدين الباب وراج .... من طلعت ... باوعت لبراء بحده ... هاي شعدها هنا اني مو كتلج لتختلطين بيها
براء : هي اجت ... قابل اطردها
زين : بعد اذا اجت طرديها
براء : ياا زين صدوك تحجي عيب شلون تريدني اطردها
زين : علساس هاي تعرف العيب .... على العموم اني نازل جوه
براء : راح بدل ونزل ... واني رحت عزلت الغرفه ولبست دشداشه سمائيه وشال سمائي ... ونزلت ورى لكيتهم كاعدين طبطب زين يمه بمعنى كعدي هنا ... رحت كعدت يمه ... اباوعلهم ديتناقشون
نجمه : شباب خلي نطلع اليوم والله ضايجين وباجر عدكم عطله يعني ماكو دوام فدوه كولو اي
جميله : اي والله
قصي : اني ماعندي مانع
سجاد : اذا تعشونه بره اني هم ماعندي مانع
لؤي : اني موافق
جميله : حتى احنه موافقين
حسن : شو حضرتج تقررين بكيفج
جميله : بس لا متقبل
حسن : لا شلون اكسر حجايتج غير انتي رجلي
الكل : ههههه
نجمه : وانت زين حباب كول موافق
زين : باوعت لبراء ... تردين تطلعين
براء : اشرتله بكيفك
زين : موافق ... بس بيش ساعه نطلع
لؤي : خلي نصلي ونطلع حتى نرجع براحتنه
براء : لعد وخاله مريم وخالو ميروحون
قصي : براء من تحجين رجاءا علي صوتج ادري تهمسين لروحج
خوله : عود رقيقه وصوتها ناصي يبعد كلبي
جميله : باوعتلها صفح ... تكول خاله وعمو يروحون ويانه
حسن : لا خويه وين يرحون ميحبون هيج مكانات
زين : ليش وين تردون ترحون انتو
نجمه : للمول وبعدين نطلع نتعشه بره
زين : شعدجن بالمول متشبعن مسواك
لؤي : عوفوهن براحتهن ... احنه طالعين نغير جو
نجمه :يااااااي راح نطلع اروح اشوف شلبس
سجاد : اكلكم خلي اروح لمدينه الالعاب والله تونس اكثر من المول
قصي : طاحظ كبرتك ... زعطوط انت
لؤي : خوش فكره خلي اروح حتى ايفان ومريومه يتونسون ... خطيه صار هواي ما طالعين
قصي : بكيفكم بعد
براء : صعدت لغرفه نجمه لكيت البنات يمها وكالبات الدنيا ... شكو شبيجن
نجمه : ولج ماعندي شي البسه
براء : ليش كنتورج متروس ملابس
نجمه : هنا المشكله ما اعرف شلبس
براء : شو وخري ... طلعتلها تنوره كلوشه سوده ووياها قميص ابيض واسود ... هذني حلوات بس نسقي وياهن شال
نجمه : حضنتها وبستها يمه اروح فدوه لمرت اخويه الحبابه شكرا متتصورين شكد ساعدتي
براء : عفوا ... يله اني رايحه ابدل ... دخلت للغرفه لكيت زين واكف كبال كنتوره ديدور بالملابس
زين : براء لبسي بنطرون
براء : باستغراب شمعنه بنطرون
زين : لان راح اروح لمدينه الالعاب كلشي يصير ... اجه هوى عالي طير عباتج .. وطلعن رجليج فلبسي بنطرون استر حتى ميطلع منج شي
براء : بكلبها ... هذا صدوك يحجي شهالتفكير هذا يا إلهي ... وكفت يمه طلعت بنطرون اسود وقميص سماكي طلعت جنطه سوده وشال سماكي واسود ... اخذتهن وطلعت بدلت ورجعت لكيت زين لابس بنطرون اسود وقميص اسود
زين : عود ليش تلبسين هالالوان
براء : ليش شبيها
زين : ببرود ... ما بيها شي بس احسج تلبسين هالالوان حتى تبينين للناس عود شوفوني اني بيضه كطن
براء : بدون ما اجاوبه ... رحت اريد انزعهن
زين : جريتها عليه ... وين رايحه
براء : بهدوء ... ابدلهن وانت تعال اختار الي يعجبك واني البسه
زين : دنيتها عليه ... ونزلت لمستواها ... ببرود اشوف شو كلامي ما عاجبج
براء : بارتباك من قربه ... لا لا عاجبني
زين : خوش يله لبسي عباتج وتعالي وهاا ... مكياج ماكو
براء : اوك
زين : باوعلها
براء : اقصد صار ... لبست عباتي وطلعت وياا ... نزلنه لكينه الكل مكملين
زين : هاا يله نطلع
لؤي : اي يله ماعدنه شي
دارين : نزلت تركض ... اوكفو اوكفو وين رايحين غير تنتظروني
نجمه : ليش ترحين ويانه
دارين : اي اكيد
براء : باوعت لزين كلب وجهه
دارين : يله شمتانين خلي روح
زين : امشونه ... طلعنه سيارتين اني وبراء وبيت حسن ودارين بسيارتي .... ولؤي وعائلته وسجاد وقصي ونجمه بسياره لؤي
براء : طبعا طول الطريق هاي دارين ما سكتت بس تحجي اباوع لزين روحه صارت بخشمه وكوه ساكت اني حاطه مريومه بحضني ونباوع من الجامه ونسولف
مريومه : بلاء ثوفي
براء : تاشر على محلات الالعاب ... الله شلون حلوات شوفي هذاك الدبدوب
مريومه : بابي اشليلي واهد
حسن : صار حبيبتي هسه بس نوصل شتردين اشتريلج
مريومه : حبك بابي
حسن : صار حبيبتي هسه بس نوصل شتردين اشتريلج
مريومه : حبك بابي
حسن : واني هم احبج يروحي
دارين : والله هاي الطفله كارثه شكد مصلحجيه
جميله : ماكو واحد ميدور مصلحته بهاي الدنيا اكو ناس تبيع حتى اخلاقها على مود تحصل الي تريده
زين : اتفق وياج
دارين : اعصابج هسه اني شكلت تره داشاقه
جميله : واحنه هم دنشاقه
براء : وصلنا للمول ركن زين سيارته ونزلنه ... كلمن راح يفتر وحده واتفقو يلتقون بالمطعم ونجمه اجت ويانه اني وزين
نجمه : تعالي ندخل لقسم الاحذيه اريد اشتري حذاء
براء : زين اروح
زين : يله امشن ... دخلنه
العامله : اهلا وسهلا تفضلو
نجمه : تعاي خنشوف الاحذيه
براء : اخذت نجمه اربع احذيه بموديلات مختلفه ...همستلها لج لتاخذين بدون متشوفين السعر هسه تركعج بسعر مرتب
نجمه : واذا يعني اصلا اني جايه اصرف
براء : بكيفج بعد ... شفت حذاء سوده كعبها كولش عالي ... رحت اشوف شكد سعرها اذا رخيصه اشتريها ... باوعت السعر 50الف عزززه رجعتها ورحت يم نجمه
زين : اباوعلها راحت اخذت حذاء اعتقد شافتها غاليه رجعتها ... عفوا انطيني هذي الحذاء
العامله : السوده
زين : اي ... جابتها ... تعالي براء
براء : شفته لازم الحذاء الي عجبتني ... شكد عيب يمكن شافني اخذتها ورجعتها ... هاا
زين : شكد قياسج
براء : 37
زين : كلبتها شفت القياس ... تعالي كدريها
براء : رحت يمه ... بهدوء زين الحذاء كولش غاليه لبسه وحده واعوفها مالها داعي ... شسوي بيها
زين : ببرود ... ميخالف اني عجبتني يله كعدي كدريها ولتحجين زايد
براء : اووف كعدت كدامه لبستها ... ووكفت ... يااي صرت اوصل لحنج زين ... زين شوف صرت شطولني
زين : ابتسمت على تعابير وجها ... لو تلبسين احذيه الدنيا كلها هم تبقين برغي ... نقرت على خشمها ... يله تعالي نحاسب ونطلع
براء : وكف يحاسب يمه دفع كل هالفلوس على حذاء واحد بدون وجع كلب ... اجتي نجمه جابت احذيتها ... ما خلاها تدفع ... هو هم دفعهن بدون حتى ميكولها ليش هالكد مشتريه ... فدوه اخوتهم تخبل الله يحفظهم ... طلعنه شفنه الشباب مجمعين يم قاعه التزلج يردون يدخلون
نجمه : اني رايحه ادخل يله تعالو
زين : يله براء
براء : بهدوء زين اني ما اعرف اتزلج وهم اخاف اوكع .. وهم لابسه عبايه
زين : اطيني ايدج ولا تخافين اني وياج وبالنسبه لعباتج انتي لابسه جواها بنطرون تكدرين تتحركين يله امشي
براء : لزمت ايده ومشيت لبسنه احذيه التزلج ودخلنا ... زين يمشي على كيفه وهو لازمني
زين : لاتثنين جسمج خليج واكفه عدل وامشي يله ... مشيت اسرع
براء : زين زين راح اوكع حباب لتمشي بسرعه
زين : لاتخافين اني لازمج
براء : لا اخاف
زين : اجيت لزمتها من خصرها ومشيت سريع
براء : غمضت عيوني ... عااااااااا لا زين راح اوكع
زين : لصيرين جبانه فتحي عيونج هسه تتعلمين
براء : فتحت عيوني واشوف زين يمشي بسلاسه ولازمني ... ضل فتره يتزلج واني وياا حسيت الخوفه شويه راحت .... ههه الله زين شكد حلو
زين : مو كتلج هسه تتعودين ... يله راح اعوفج وانتي امشي وحدج
براء : عافني تحركت اجيت اوكع ... رسن جلبت بقميصه ...
زين : تدرين لو واكعه جا تفلشتي ... يله امشي نطلع الشباب طلعو بقينه بس احنه
براء : طلعنه ... وصعدنا للطابق البي المطعم ... لكيناهم مجمعين يم طاوله ... رحنه كعدنه
لؤي : اكلكم احنه كلنا طلبنه بقيتو بس انتو
زين : كمت ... براء شتريدن اجيبلج
براء : بكيفك شتاخذ اخذلي وياك
زين : ماشي
براء : راح زين واني كعدت اسولف ويه جميله ... وره عشر دقايق اجه زين جايب لفات صاج وببسي ومقبلات ... بابتسامه ... شكرا
زين : عفوا ... كعدت اكل واباوعلها تاكل على كيفها ... ما اعرف ليش صاير اركز على ابسط تفاصيلها ... انتبهتلها ثكيله من تمشي وهادئه بالكلام ببدايه زواجنه جانت تحجي هواي بس بعدين كامت متحجي نهائيا غير على كد السؤال ... تحترم اهلي ... ماشفتها ابد تعاركت ويه اي واحد بالبيت يمكن لهسبب كمت احاول اغير تصرفاتي وياها واحاول اكون الطف من قبل ما اريد اضغط عليها حتى متسوي شي غلط لان مرات الشخص من كد الضغط ينحرف عن المسار الصحيح
براء : كملنا اكل ودفعنا الحساب وطلعنا حتى نروح لمدينه الالعاب ... وكفنه بره وزين ولؤي راحو يجيبون السيارات ويجون ... واكفه ولازمه ايد مريومه الي خبصتني تريد تمشي يم محلات الالعاب ... كلت لجميله حمشيها شويه ... اخذتها ومشيت .. شوفي مريومه هذا ... ههه ولج وين رايحه تعاي ...... شفت مجموعه شباب اجوي ... اجر بمريم متقبل تمشي ولج امشي
واحد : اويلي دباعو خرب يومج على هالجمال
صديقه : دباوع الوجهه يضوي .. يكلك بس تعال باوعلي
واحد : لك عوف الوجهه دباوع الشفايف تصيح تعالو مص... بعده ما مكمل حجايته تكوم بالكاع
براء : واكفه وهذوله يتحارشون واني اجر مريم اريد نرجع يم الشباب مالي خلك المشاكل ... واحد منهم تجاوز بالكلام ما اشوف غير زين مدري منين طلع ضربه ونام فوكه طاحله بوكسات ... التمت الناس واجوي الشباب يركضون يردون يجرون زين من على الولد ميكدرون هو ضخم حيل ... الولد صار جنه عصفور جوى
زين : رحت جبت السياره ونزلت اصيحلهم لكيت براء واكفه يم محل هي ومريم واكو شباب واكفين قريب عليها ومدري شيحجون تقربت منهم طبعا هي مدنكه ماشالت راسها وتجر بمريم وصلت يمها وجان اسمع حجي هالسافل لزمته كومته بالكاع .... طحتله دك بوكسات ... ما خليت مكان بوجهه صاحي ... عوفوني دفرته ببطنه ... لك سافل حيوان عديم الشرف تقبل واحد يتحارش بعرضك كوا.......
قصي : لك كافي عوفه راح يموت بايدك
سجاد : كاافيي زين شجااااك
لؤي : خرب يومك كاااااافي ... كوه جرينا ميلزم ... والولد عفنا مدمه بالكاع
زين : بصياح ... عوفوني خلي اربي لهل كوا.... ابن الكح.... كاعد يتحارش باعراض العالم لا..... وماخذ راحته ... كلب ابن الكلب... كاااااافييييي عوفوني دفعتهم .... لحد يلزمني ... وانتيييييي يلههه امشييييييي كدااااااميييي ... صعدت بالسياره وهمه صعدو ... حيوان سافل .... وانتو اسفل منه لييش تلزموني هااا انتو هم كواو..... مثله وانكس منه
حسن : رحم الله والديك
زين : انت انجبببببب لتسمعني صوتك
براء : الطريق كوله دموعي ما نشفن ياربي ... هسه طلعنا نتونس ليش تتنغصب الطلعه بسببي ... ليش اني مصدر مشاكل لكل الحواليه ... اباوع لزين دمارات ركبته طافرات وعيونه حمر من كد العصبيه انتبهت على ايده مجروحه وكلها دم
جميله : همستلها ... كافي حبيبتي لتبجين قدر وصار شنو يعني شي وصار وانتهى لتهتمين يكلبي
داريد : بخبث ... ادري يا براء شجاج رحتي لهناك لو باقيه واكفه يمنه ... شفتي شصار هسه من وراج
براء : هي كالت هيج واني زدت بالبجي
زين : انتي سديي حلكج مااريد اسمع صوتتتتتج ولا صوت اي احدد فهمتييييي
حسن : زين هااك اشرب ماي باوع وجهك شلون صار لتروح تتخربط يمعود
زين : ما اريد سم ... وصلنا للبيت نزلت وعفت السياره بره ... صعدت كبل لغرفتي حتى براء عفتها ... دخلت بوجهي للحمام بقيت ... جوه الدوش احس نار شاعله بيه كل ما اذكر هالكواد متحارش بيها ... اني صوجي شعندي ماخذها وطالع
براء : صعدت ركض وره زين ... دخلت للغرفه مالكيته سمعت صوت بالحمام عرفته ديسبح ... ذبيت عباتي وكعدت ابجي على حظي المصخم كل من ورايه تعارك زين وصارت مشكله ... فزيت على صوت الباب ... طلع زين دخل كبل للغرفه بدون حتى ميلتفتلي ... دموعي زادت ... بس لا عباله اني انطيتهم مجال بحيث تحارشو بيه مسحت دموعي وكمت ... دكيت باب الغرفه ... ما رد .. فتحتها ودخلت لكيته واكف كدام الكنتور ... زين
دموعي وكمت ... دكيت باب الغرفه ... ما رد .. فتحتها ودخلت لكيته واكف كدام الكنتور ... زين
زين : ااااش براء رجاءا لتجين يمي تره روحي واصله لخشمي وما اريد ااذيج ... عفتها وطلعت كعدت بالصاله
براء : طلعت ورى ... شفت ايده لسه متعوره وكولها دم ... رحت جبت معقم وكطن ... واجيت كعدت يمه جريت ايده ... دفع ايدي
زين : براء مو كتلج عوفيني ما اريد اسمعج حجايه تضوجج
براء : ماجاوبته اخذت ايده خليتها بحضني وكعدت اعقمها ... شفته غمض عيونه متالم ... بدموع اسفه زين و الله والله اني ماعليه هم همه تحا...
زين : لزم شفتها ... اااش لتحجين شي كافي سدي الموضوع ما اريد احجي باي شي ... كمت ما اريد اعصب عليها وهي مالاها علاقه حسيت باديها التفت على جسمي من وره ودموعها تنزل على ظهري
براء : زين والله اني اسفه كل الي صار بسببي بعد ما اطلع وياكم ... حتى اذا تريد بعد ما احجي ويه اي احد ... بس لتاخذ فكره غلط عني ... الله يخليك انت اول شخص امنت بي وفتحتله كلبي ... تره خسرت هواي اشخاص بحياتي ونزلت من عين هواي اشخاص بدون سبب ما اريد اخسر بعد
زين : درت نفسي وحضنتها ... بحيث ارتفعت عن الكاع ... كافي اني اعرف انتي مالج دخل ... بس ماكدرت اتحمل الموقف الصار ... انتي عرضي شلون ترديني اشوف واحد يتحارش بعرضي واسكتله شنو مكرن ... قسمابالله لو ما لازميني اخواني جاا جنزته والله
براء : وخرت وجها عن صدره وباوعتله .... يعني انت ما ماخذ نظره موزينه عني
زين : مسحت دموعها ... تتوقعين لو ماخذ نظره موزينه عليج ممكن اخليج لحضه وحده بيتي ... اصلا لو حاس عليج عندج اي شي ثقي بالله اكرهج بحياتج
براء : متتوقع شكد تصديقك الي يعنيلي
زين : مشيت واني شايلها وحاضن خصرها ... عفوا
براء : انتبهت على الي سوته .... بارتباك ن نزلني زين اسفه كد ما جنت خايفه من الي صار مدري شلون تصرفت بهالطريقه
زين : عادي اعتبريني ابوج اخوج خالج اي شخص ماكو داعي للخجل .. زائد اعتبري هاي توصيله كاعتذار عن الي صدر مني بالفتره الي طافت ... وصلت للغرفه نزلتها على الجربايه وهسه نامي
براء : بابتسامه خجل تصبح على خير
زين : وانتي بخير تغطيت ونمت
_________________
مريم : خير شبيكم وجوهكم مكلبه
قصي : ماكو شي يم....
دارين : عمه زين تعارك ويه واحد على مود براء وكتله
مريم : يااا ... وبعدين شصار خو ما تاذه اخوكم
قصي : باوعلها صفح ... يعني متكدرين تسكتين
دارين : هسه اني شكلت هي سالت واني جاوبت
مريم : ليش جنتو ناوين متكلولي
لؤي : لا يمه بس موضوع صار وانتهى ماله داعي نحجي بي
مريم : خو ما تاذه زين
سجاد : يا تاذه يمه ... ماشاءالله ملزم الله وكيلج احنه اربعتنه نجر بي مينجر ولا كدرناله ملخلج الرجال تملخ
قصي : بس تره تصرف زين ماله داعي اخذ مرتي واروح رجال بحلكه حجايه ذبها وراح عليمن اكتله واسويلي هوسه
حسن : لك انت مطي ... واحد يجي يلكه رجال يتحارش بمرته اكيد ماراح يسكت اصلا لو ما الوضع جان متوتر جاا كتله عاشت ايدك على هالكتله المعدله هاي
قصي : كام ... والله انتو من اجيتو للعراق صرتو متخلفين وعاداتكم وتصرفاتكم كلها اختلفت
سجاد : بعصبيه ... هذا مو تخلف هاي غيره ... يل ماعندك غيره على عرضك
قصي : اجه يرجع على سجاد .... لك احترم نفسك واكل تبن من تحجي وياي مو اخوك الصغير اني
مريم : كاافي شبيكم تخبلتو .... يله كل واحد لغرفته ما اريد ينفتح اي نقاش بهالموضوع... يله يمه اني رايحه انام تدرين ورايه كعده من الصبح
خوله : ليش شعدج
مريم : مو كتلج باجر جهاد عازم اهله على غده
خوله : اي شكو بيها ... بس عليمن خابصه روحج .. براء الي راح تطبخ
مريم : يا يمه صدك تحجين ترديني اخليها تطبخ لهالفيلق كله خطيه يمه
خوله : اني كلت باجر هي تطبخ يعني هي تطبخ
_____________________
صباحا الساعه 9:00
براء : كعدت مرتاحه اليوم لان عندي عطله ... باوعت للساعه شفتها بالتسعه كمت على اطراف اصابعي ما اريد اكعد زين ... دخلت للحمام غسلت ... وكعدت قضيت صلاه الفجر وقريت قران لان مكعدت على صلاه الفجر ... كملت .. كمت لبست نفنوف جوزي مال محجبات ولبست شال كريمي ... ونزلت شفت خاله مريم وحجيه خوله كاعدات ... صباح الخير
مريم : صباح النور حبيبتي ... ليش كاعده من وكت
براء : غير عدنه عزيمه ... وحجيه خوله كلتلي انتي اطبخين
مريم : هسه تجي امج وتكول ليش مشغلين بنتي وبعدها عروس
براء : بفرحه ليش امي تجي
مريم : اي زين خابرها البارحه واصر عليها تجي
براء : حسيت الفرحه مسايعتني من سمعت امي حتجي ... الف الحمدلله والشكر .. اشكرك الهي متوقعت حتحققلي امنيتي بهالسرعه ... كمت اشتغل بهمه كد ما فرحانه
مريم : شراح تسوين
براء : تمن وبانيه وسمج ودولمه
خوله : بس هذني
براء : اذا تحبون اطبخ شي ثاني بعد ماعندي مانع
مريم : لا يمه كافي شنو طلابه
براء : بدينه نطبخ الغده و وره ساعتين... الولد كولهم نزلو بقه بس زين بعده نايم
جميله : كافي حبيبتي روحي ارتاحي احنه نكمل الباقي
براء : لا خلي نكمل كولشي حتى كولنه نكعد سوه
جميله : براحتج
براء : شفت زين نزل واجه للمطبخ ... وكف يمي ... صباح الخير
زين : بخشونه من اثار النوم .... صباح النور
براء : اسويلك ريوك ؟
زين : لا ما اريد بس كلاص جاي
براء : صار ... رحت خليت الكتلي على النار ... سمعت الجرس يندك ... بنات يمكن الجرس اندك ... راح سجاد فتح الباب دخلت خاله خالده وخاله ابتهال وبناتهن ... طلعنه سلمنه
خالده : ولج هاي شصايره
بشرى : اي فدوه حليانه على العرس
براء : ابتسمتلهن ... ورجعت صبيت جاي لزين طلعت لكيت البقيه كولهم اجوي ... ضجت ... امي لسه ما اجت معقوله بابا ميخليها تجي ... انطيته لزين ... ورجعت للمطبخ ... اشتغل بدون واهس
شمس : شبيج بروئه
براء : بهدوء مبيه شي ... تعالي ضوكي الدولمه شوفيها هيج طيبه لو عايزها شي
شمس : شو انطيني ... اممم عاشت ايدج تجنن كلشي ما عايزه
براء : كملت الطبخ ورحت كعدت بالاستقبال يمهم
زين : شبيج
براء : بضوجه امي ليش لسه ما اجت
زين : حب يلعب باعصابها ... يمكن متجي
براء : انترست عيونها دموع ... ليش انت مو كتلي اني اخليها تجي
زين : تجي والله تجي .. بس لا تبجين تره اكرهه هالطبيعه البيج على كلشي تبجين
براء : اجيت اجاوبه وسمعنه الجرس ... كام قصي .. وره شويه دخلت امي بس شفتها .... احس دموعي غركت وجهي .. ركضت حضنتها ...
. كام قصي .. وره شويه دخلت امي بس شفتها .... احس دموعي غركت وجهي .. ركضت حضنتها ... واشم بيها .... راح يصيرلي شهر ما شايفتها بوست امير وحتى روان سلمت عليها ... رحت كعدت يمها
ناديه : يمه بنيتي بعد كلبي مشتاقتلج
براء : ماما والله اني اكثر ... ليش متسالين عليه
ناديه : اااااخ خليني ساكته يايمه
براء : بابا ميخليج مو
ناديه : هسه عوفينا من ابوج المهم اني اجيت اشوفج ... شلونج انشالله مرتاحه هنا رجلج شلونه وياج
براء : الحمدلله بيت خالو كولش حبابين
ناديه : وزين
براء : باوعتله لزين ... اااه يازين مااعرف اوصفه والله ساعه ابرد واوقح منه ماكو وساعه اطيب واحن منه ماكو ياربي هالانسان خليط معقد مستحيل واحد يكدر يفهمه ... فزيت على صوت ماما
ناديه : وين رحتي يمه
براء : هاا وياج ماما ... زين كولش حباب وزين ويايه
ناديه : عساج دوم مرتاح يايمه
براء : ياروحي انتي
مريم : هاا بروئه من لكه احبابه نسه اصحابه
براء : كمت بستها ... حبيبتي خاله الله شاهد معزتج من معزه امي
مريم : بعد كلبي فدوه لكبلج
حنان : هنيالج براء على هالحمايه
براء : اي والله ... عفتهم وطلعت اساعد البنات ... بالمطبخ صاحلي زين
زين : براء خليج بالمطبخ لتضلين تفترين بالبيت اكو شباب
براء : ليش همه الشباب مو ولد خوالي وخالاتي قابل غربه
زين : همس بحده .... اني شكلت ليش تناقشين .. لتخليني احبسج فوك والله
براء : كلبت عيونها متأفأفه... صار
زين : كرصتها بايدها ... لتكلبين عيونج ... صدك انتي مو مال واحد ينطيج مجال بس اني اعرف دواج.. عفتها ورحت
براء : كرصني حيل ... اااه ... بتانيب يعني كلج لتطلعين ليش تناقشي ... هسه طنكر من وراج والله يستر منه اذا طنكر ... رجعت للمطبخ
جميله : هااا براء ليش صحتي شسوالج زين
براء : باوعتلها متفاجاءه ... انتي شنو
جميله : بشر من دم ولحم
براء : هزيت راسي مايسه منها ... كملنا وصبينه غده ... الكل كعد سوه لان ماكو احد غريب .. اني كاعده يم زين وبصفي امير
سجاد : عاشت ايدج بروئه كالعاده الاكل يجنن
براء : بالعافيه
غسان : مستهزء ... سجاد لتدلعها زين ميقبل وغمز لزين
زين : لبسته مثل النع.... ولا جاوبته
سجاد : براء اختنه ... مابيها شي اذا اخو دلع اخته
خوله : عاشت ايدج براء
براء : بتفاجأ ... بالعافيه حجيه
كملو غده ... وشربو جاي ... البعض راحو والبعض بقو
براء : كملت المواعين واخيرا ... اووف تعبت .... امي اجه عليها محمد وراحت ... رحت ارتاح شويه ... صعدت بوجهي للحمام سبحت وصليت وبس خليت راسي على المخده نمت ... كون اكعد بالليل اقره باجر عندي دوام
زين : راح الكل الساعه بالخمسه ونص ... صعدت لغرفتي ... دخلت شفت براء نايمه عفتها ... وطلعت كعدت بالصاله اشتغل ... سمعت الاذان اذن ... كمت كعدت براء تصلي ... صلت ورجعت نامت .. مبين عليها هلكانه من التعب
________________
براء : ضليت نايمه لحد ثاني يوم الصبح كعدت بدلت وكعدت زين حتى يبدل .... بدل ونزلنا ... تريكنه وحدنه لان الجماعه معطلين اليوم بس اني وياا عدنه دوام السبت ..... طلعنا ... طبعا هو ميحجي وياي لان ضوجته البارحه ... وصلني وراح بدون ميحجي شي .... دخلت للمدرسه شويه ودك الجرس بدينه نشرح ودرس وره درس لحد ما دك الجرس للفرصه طلعت للساحه ... اراجع دروسي
مها : هلووو براء
براء : هلو
فاطمه : شلونج اليوم
براء : عينها بالكتاب ... الحمدلله
مها : شدتقرين
براء : رياضيات
فاطمه : ااممم مستواج صاير احسن من العام
براء : اعرف
مها : شو تعالي فاطمه وعوفي هالفارغه الغبيه وحدها
براء : هاي شبيهن والله يالله ... دك الجرس دخلت للشعبه دخلت المدرسه وبدينه نشرح الدرس وره فتره دخلت المديره ووياها مجموعه من المدرسات
المديره : الكل يكوم يوكف يم السبوره ... تعالي ست رؤى فتشي الجنط
المدرسه : خير صاير شي
المديره : اكو طالبه هنا اسمها مها اجتي تبجي مبيوكات فلوسها ... اجينه نفتش جنط الطالبات حتى نعرف منو ديبوك البنات هاي مو اول شكوه تجي ... يله مدرساتنا فتشن الجنط
براء : بدن المدرسات يفتشن الجنط ... ياالهي هاي شلون اكو بنات عدهن قابليه يبوكن حاجه غيرهن بدون مستحه ومخافه من الله .. انتبهت على المدرسه
المدرسه : هاي الجنطه المن
براء : باستغراب الي
المدرسه : ست لكينه الفلوس بهاي الجنطه
براء : بصدمه شنوو
******************
