رواية عشقت رجلا متزوج الفصل السادس عشر بقلم نجم اليل
****حنين
ساهر راح وبس من كتلهم ع الزلاطه رجع الدم لوجيهم هههههه اني اعلمكم كلت ههههه
راح ساهر وجت سجى وياي سوي زلاطه ودايرينه ع الفلم نباوع ومريم طلعت راحت ع المطبخ
بقينه نسولف اني وسجى ع الفلم ذاك وع الفنان ذاك
لحد مخلصنه الزلاطه وديناها للمطبخ وبدت مرة خالي
تصب العشه واحنا نساعدها وساهر ينكل
الاكل
خلصو نكل وكعدنه بالغرفه من يخلصون ناكل المهم
خلصو وجابو اكلنه
وخلصنه وغسلنه مواعين الكشر ههههه
وشربنه ببسي ودزينه ع ساهر يودينه لان راح نتأخر
اجه وكال ياله حضرن رواحكن هسا اجي اخذجن لبسنه وخلصنه
وطلعنه بطرمه ننتظرة و......
أتخر كلششش وضحنه من الانتظار ورحنه اني ومريم علي
لكينه يتناقشون هو ومحمد
ساهر...يمعود دكعد وين تروح باليل
محمد...لا والله ماكدر غير مره
ساهر...يمعود صدك جذب والله عيب تروح بهليل
محمد...جان رحت من زمان بس اخذتني النومه والله
حنين...ساهر ماتودينه
ساهر...لحضه
محمد...وين
ساهر...اوديهن للبيت
محمد...ها لعد اصعد وياي اوصلكم
ساهر...لاوالله ماريد نعطلك اني اوصلهم
محمد...لا يمعود صدك جذب هو بطرقي ماشي
حنين...جنت صافنه ع تحركات محمد هيج يفرك بلحيته ومره بشعره ومره يعدل بملابسه
ركزت ع ادق التفاصيل وع نبرة صوته ع نظراتة
اخر شي اتفقو وطلعنه صعدنه ومشه بينه
جان جو بي نسمى هوا بارده وشوارع شبه الظلام
وبيها هيج خفايف من الضو الصفر او البرتقلي
وجان الدنيا تنكط جنت صافنه ع الجام ومخليه راسي علي
وعيوني تتنقل برجاء الشارع باوعت ع المرأة الي تصير من عند الباب شفت ساهر يباوع ع مريم
باوعت ع مريم جانت هم صافنه علي
تأففت ورفعت راسي اريد اعدل حجابي
شفت محمد من المرايه المامية يباوع علي
دنكت راسي سويت حالي اعدل بحذائي
بقت علامات الاستفاهم تدور حولي ليش يباوع علي
رفعت راسي وجت عينه بعيني رجعت ع مكاني وهم يباوع
واني باوعت علي ورجعت اتهرب من نظراتة
عاد هو ركز ع الطريق وشغل اغنيه حاتم العراقي شعلومه
شعلومه...وين الحلو ...
من يومه ...تعبني الي
حارمني...نومت عيني وهو بسابع نومه
مشتااك اله وموداري مشتعله بي حبي ناري
سهران انا وخليني حاير وعد نجومة
.....
جانت حلوه الاغنيه وجنت صافنه ع الجام وادندن وياها
وكل شويه ابوع ع محمد مره اشوفه يباوعلي ومره لا
بقينه هيج لحد ماوصلنه ع البيت نزلنه ودكينه الباب
ابويه فتح الباب ومريم وساهر طبو اني بقيت وي ابويه
واكفه جان يسلم ع محمد عاد ابويه كرصني من خدي وكال
ابو حنين...اليوم ماكو جلبه
ضحكت ع تصرفه وكلامه بمرح وجاوبته
حنين...ههههه غير انت الصبح طالع
كتله هيج وحضنته بوسته وابوي بعدني
كالي فوتي بقيت امشي ع كيف
لحد ماجه ساهر ومحد كاله اوصلك ساهر مقبل كله يمعود هو هسا اوصل ماطول 10 دقائق
وراح ساهر ومحمد صعد ويباوع علينه ومشى
بقيت ابوع علي وع السياره الى ان اختفى عن الانظار
وابويه شافني وكال
ابو حنين...بابا عيب هاي الحركات
حنين...استغربت وعفست وجهي وكتله
حنين...ليشش شسويت
ابو حنين...مايصير هيج تصرف احنه بشارع والزلمه واكف عيب هاي
حنين...يعني باله هسا سويت لان حظنتك وحبيتك
هاي هيه بعد ماريد
مشيت وعفت ابويه طبيت والله شلون تفكير
يعني شبيها احب ابويه واحضنه
وذا بشارع والله ناس بكلشي تحجي شلون عابت الهم
كمت بدلت وغسلت ورحت ابوع ع الفلم هذا احسن شي
لان ناس ميفيد شي وياها ميرضون ع احد يردون ع يرضون علي شلون باله
اصلن محد راضي حتى ع شاروخان هههه
كعدنه تمددنا بفراشنه اني ومريم ونباوع لحد مدكت ال
12 ونمنه كعدت الصبح غسلت وصليت وتريكت
وملل كلشش ماعرف وين اروح حتى صديقه ماعندي
وهاي مريم خبله نايمه واليوم مو جاي ع بالي اكعدها
خليها تنام وتتهنى بعدين اطلعه من خشمها اريد احجي وياها
بخصوص علاقتها بساهر وبالي شفته البارحه
ورحت ع امي
حنين...يمة
ام حنين...شكو
حنين...يمه خل نطلع
ام حنين...وين تولين يومه طالعات اول البارحه بيت خالجن والبارحه هم وين اليوك تولين وينن
حنين...ايي خل نطلع ع السوك ملينه
هسا لو مخليني اداوم جان بالمدرسه جان هسا اتمنى العطله بس مخليتوني
ام حنين...ولي من وجهي
حنين...يمه عفيه خل نروح لسوك نفتر نشتري شي شياتين
ام حنين...ولي من يمي
حنين...عفه يمة عفيه ايي صح مو ناقصنه ملابس كلتي
بعدين شوكت اريد اعرف من حدي السابع عشر يطلع من كبره ويتوسل بيكم
ام حنين...لج شهل للسان جايتني من الصبح ش ايده
حنين...اولاً مو من الصبح الساعه ب9 ونص
ثانياً رايده اطلع
ثالثاً واهم شي سلامتج🌚
ام حنين...روحي ع ابوج كليله لدكليلي
حنين...والله ماروح ماريد بس يبقن بنفسي اي اني اكلج والله يحاسبكم
حنين...امي بقت كاعدا واني اعيط لحد مكامت تريد تضربني
وشردت رحت ركض ع الغرفة كعدت مريم من الحركه
وكامت بعد متعركنه بس خليت الها كرصه اذن ياله
حنين...شوفي صخمه ترحين تغسلن وصلين وتتريكين وترجعين عنظي موووضععع كلشش مهم يخصج
مسأله حياة او موت ورب مو ضحك كومي احسلج يلا ركض ياساهر اليالي
******مريم
اجتني حنين مثل الخبله كومتني من الفراش وتعركت وياها شني ماريد اكوم
اله ان كلتلي هيج بس ماخذت بتهديدها لحد مكالت ياساهر اليالي
فتحت عيوني ع وسعن كمت اريد احجي وياها هي تهز راسه برفض
حركت اعصابي ااخ وربي اذا مو الخايفه منه لحرك الجو عليها حرك
كمت بركض ع الحمام وغسلت وصليت الله ينعلها حنى صلاتي صارت بسرعه
رحت ركض ع المطبخ طلعتلي جبنه وجاي بارد خررب
بحظي المجعمر رحت حميته وانتظر ع موت
اااخ وهي اجتني بكل برود وحجت
حنين...شوفي ترحين ع الغرفه تشيلين الفراش فهمتي
مريم....احجيلي شكو مو اعصابي تلفت
حنين...ترحين لو والله شوفين شي مصاير بحياتج السوده الي راح تتسود اكثر من هلو سواد
حتى بوليود ماسوو هيج يلا
مريم...رحت ركض ع الفراش شلته ونظمته وهي اجت اشرفت
انوب طلعتلي الكنس اخر شي طكيت وكتلها
مريم...والله بعد ماسوي موخليتيني اسوي شغلج وتضحكين عليه شتردين سوين سوي
حنين...لوك ياساهر اليالي ههههههه
مريم...ردت كالت هيج وضحكت كلش استفزتني الحقيره
كمت ركض رحت المطبخ نزلت الجاي الي مشتعله عشيرته من ايام لويس السابع
اخذته وشربت سمطت الساني الله لايوفقج ياحنين
اكلت بسرعه ورحت عليه الافنديه حاطه السماعات وحاطه رجل فوك رجل
بكل بردو واني قفلت الباب وخرت منها هي كالت
خلتني صافنه ومصدومه نسيت كلشي من كالت الموضوع حتى الحمام حتجيته من خوفي وهي كالت
حنين...شنو بينج وبين ساهر وشنو هل بوس تحجن لا افضحكم واخلي يوم الاسود عليكم
