رواية الإرهابي وذات النقاب الجزء الثاني الفصل السادس عشر بقلم ام غايب
كتله موافق جنت كل الي اريده اطلع .. اطلع وبس اعتبرتهه معجزه جية اسامه كتله شوكت تطلعوني
كلي هسه ماعندك غير هاي الفرصه معجزه ثانيه بالنسبه الي بدون تفكير ولا تدقيق كل المهم عندي هو اروح ال تقى الموت جان ارحم الي من هذا اليوم الي كلي بيه فواز عليهه يمكن الاول مره بحياتي افكر ب كما تدين تدان ولا خاطره ببالي بيوم من الايام بس تقى ورزان خلني اعرف رب العالمين بالمرصاد وميضيع حق احد ويمكن هالمثل مو بس الي يمكن الابويه هم والام تقى نفسهه بس اني السبب هالشي المدمر الي مااكدر استوعبه ولا اعيشه اذا صار الي صار
طلعت مناك واني ممصدك كاعد مااعترض على شي اخاف يرجعوني للسجن اهم شي اطلع من هنا السجن دخلوني ببيت مااعرفه صغير وتعبان كلش والمنطقه تجاوز بيوتهه
اول مراحو من يمي اني كبل طلعت لثمت روحي بوصله مدري دشداشه مشموره جانت
نكتهه ولفيتهه على وجهي باوعت المنطقه قريبه علينا شفت السيطره مال دخلة من بعيد .. بعد احس اليوم جان كله ايجابي وياي وصلت للبيت بس مااكدر ادخل بقيت خاتل لان بيتنا ببستان طفرت وختلت بين الاشجار بقيت اباوع عل بيت غرفتي معزودله بس بدون المفتاح مااكدر ادخللهه مفتاحي النسخه اليمي من قبضوا عليه اخذوهه بقت الي بالبيت ومااضمن من ادخل شيصير بقيت جوه الشجره واكف وكتلني البرد كتل والتفكير والقلق فوكاهه
..................
خضر-تريدين تعرفين شنو بيه تلحين على هالمسأله هواي
ميمونه .. اي شنو طبعا الح اريد اعرف الي بيك وضعك مو طبيعي
خضر .. مطلوب و اريد شغل هو هذا الي بيه
ميمونه .. لا تعليق
خضر .. انتِ شبيج
ميمونه .. ما احجي بعد براحتك بس والله يا خضر
خضر .. لتكملين حتى ما اضوجج و تكبر المشكلة لان كمتي تجفصين
ميمونه .. خضر انتَ ليش متفكر بيه
خضر .. ما افكر لج انتِ شنو كل هالتفكير وهالحب الي احبه الج و تكولين ما افكر بيج ركضتي هاي المن و تفكيري كله المن مو علمودنه و بعدين ما احجيلج تعرفين ليش لان مو امينه على سر ي
نسيتي
ميمونه .. اني وفوكهه نسيت
خضر .. اي انتِ ،منو خابرت خالد ركض
ميمونه .. شرحتلك ليش وجان سر سريتني بي اني كشفتك
خضر .. لا اي شي يخصني سرررررر وخلص لتسأليني بعد لان مره ثانيه ما اسامحج وها قبل لتكوليهه مو عبالج اعوفج لا والله ابقيج يمي و اخليج تكرهين عيشتج
ميمونه .. انت والله والله ما ادري شحجي كلبتهه عليه كلي خضر الي عندك لو معناهه انت انسان مو زين و تخطط الشغلات ساعات احسك ارهابي
خضر .. صدك ،انتِ وابتسم باستهزاء بلله يعني شلون ارهابي
ميمونه .. ما اعرف بس تحجون بالكتل كله احس هواي شغلات مو طبيعيه
خضر .. اي ارهابي اني والله يا ربي ....استغفر الله
ميمونه .. فتح الباب راد يطلع وين خضر
خضر .. اروح انفذلي كم جريمة قتل و اجيج حبيبتي
ميمونه .. يجوز الله اعلم والله كمت ما اعرفك ساعات الي يشوفك يكول انسان متنوصف وساعات
خضر .. شبيج ميمونه تره روحي طافره وحق الله زهكت خرب هيج حياة
ميمونه .. عافني و راح كمت ابجي راح اتخبل ميحجي شبي شد يصير بقيت افكر وكلت من يجي اخذ موبايله وافتشه واكشف العنده شنو لان متاكده خضر ورا شي اني منزلت بعد لان توترت اعصابي كلش ونمت فزيت ماكو خضر باوعت الساعه بالوحده كلت يجوز راح للدوام ومكعدني لزمت موبايلي اخر اتصال بالوحده اله ربع يعني مصارله هواي بقيت على نفس نومتي مقهوره ساعه اتذكر كلام فلك واكول معقوله شايفه شي عنه ومتكلي وساعه اكول تصرفاته
انفتحت الباب فزيت باوعت هو يعني مجان بالدوام كبل غمضت فتح الكلوب وكعد على الجربايه تجه راسه ويدخن كل شويه افتح بعيوني واغمضهم لحد ما خلص جكارته وكام طلع اني رأساً مديت جسمي للميز سحبت جهازه فتحت الرمز مبدله كمت اكتب كل شويه رمز ماكو عفته بسرعه لان خفت يرجع ويشوفني وغمضت عيني شويه وهو رجع للغرفه مبدل الظاهر راح يسبح طفه الكلوب واجه نام اني مغمضه كام يتلمس بوجهي ويوخر بشعري الي نازل
خضر .. اعرف بيج منايمه
ميمونه .. سكتت مجاوبته وبقيت مغمضه
خضر .. وروح اهلي كلهم الي ماتو مظلومين لا عندي علاقه بوحده ولا عندي شي يخص الي تفكرين بي كل همي حالياً اسويلكم حياة حلوه
ميمونه .. وخرت ايده من خدي .. لتلزمني ابد كاعد استصعب اعيش ويه انسان مااعرفه ولا اعرف تفكيره
خضر .. انباك مبلغ من الشركه الي اني بيهه ومتهميني مكتلج لان مااريد اذيج
ميمونه .. شلون انباك خضر
خضر .. مااعرف وتعبان لهذا الشي ودير بالج تجبين طاري ال خالد
ميمونه .. اشكد المبلغ خضر
خضر .. مجاوبتي متجبين سيره لاحد اني احلهه ولا تفكرين ابد بيهه انحلت تقريباً ماشي حبيبتي
ميمونه .. شكد
خضر .. عشر ملايين
ميمونه .. الكمرات متثبت
خضر .. ملثم الي داخل
ميمونه انت وين جنت خضر
خضر .. موجود
ميمونه .. مشفته من دخل لو شنو
خضر .. صارت بعد
ميمونه .. خضر انت اخذتهن مو بس لا خضر علمود خالد توكف بوجهه
خضر .. والله بعيون حديه وخزره ميمونه والله هيج تكولين انتِ
ميمونه .. كعدت رأساً مااعرف شلون حجيتهه ردت ابررله موقفي واكله لان انت حدي ويه خالد عاط بيه ااااش لتحجين ابد ، ابد لاتحجين وكام كتله وين راح تروح خضر ...
مرد عليه وطلع رأساً من الغرفه حسيت نفسي اختنكت يالله شسويت اني يالله كبل اخذت شالي وانزلت حتى عثرت يبو يبو حسيت اني خليته ينهظم طلعت شفته يفتح القفل مال باب الخارجي فتحت اول مفتحت باب المطبخ خضر وين بس خلي افهمك ورحت علي فتح الباب راد يطلع بدون ميباوع عليه كال ادخلي جوه لا هسه .............
وطبك الباب غمضت عيني واخذت نفس يارب تعبت والله من كلشي اخلص من شي يصير شي صعدت واني مقهورة ضايجه لان هيج حجيت ومقهوره لان مفهمني ابد بسبب هيج ردي لان اعرفه يسوي اي شي بس حتى يرجع ال خالد
بقيت كاعده ابد مكدرت انام واراقب الفايبر بلكي يتصل ماكو لاحس ولاخبر اخر شي نزلت لان صار وقت انزل كلهم كاعدين سالني علي على خضر كتله طالع
شنو باجيه
لا
يمعوده متسوه الدنيا اكلج بشي شكلج احلى من تبجين اني لو من خضر يوميه ابجيج
ابتسمت والله عليك سوالف علي
علي .. دصعدي جبيلي هذا الحقير
ميمونه .. علي
علي ..اي اخاف من اختج اكلج متاكده انتن خوات شو ذيج مخبله الي يحجي وياهه تاكله والله لو ما احب غدورتي لتزوجهه واركعهه مية نعال يوميه وادبهه هذا اللسانهه اكسه
ميمونه .. باوعت علي
علي .. ها ها ها اتشقى والله احبهه احسهه مخبله
ميمونه .. عزا بعينك علي هسه تمدحهه تحجي عليهه
علي ..اني اكول تجبين علي اريد اخذه وياي للاسواق
ميمونه .. ابتسمت ال علي وكتله والله عليك سوالف بهاللحظه دخل خضر كبل باوع عليه وضايج شكله كبل سكتت من علي
خضر .. السلام عليكم
علي .. شنو توك رجعت من الدوام شو متاخر اكلك هو دوامك شنو هذا الصبح بليل شو ممفتهم
خضر .. احسن لتفهم
ميمونه .. احس كلبي وجعني من شفته مبين علي كلش ضايج وحقه اخ شكد غبيه اني عافنه ودخل علي باوعلي وهذا هم من قائمة المجانين انصحج غير اذا انتِ مضوجته تلاحكي روحج قبل ليقفل
ميمونه .. تعلمني قفلاته عفته ال علي ورحت ورا خضر صعد هو كبل للغرفه صعدت ورا لكيته كاعد على الجربايه ويدخن رحت علي باوع عليه وسحب نفس
ميمونه .. اني اسفه والله
خضر .. لاتحجين ولا حرف واحد ابد تكولين مااكدر اعيش ويه واحد مااعرفه طلعت اني مااعرفج ميمونه
ميمونه .. اني لان اشوفك تحاول كلشي تسوي في سبيل ترجع فلوس خالد
خضر .. روحي ميمونه ومشكوره لان اني هيج بعينج
ميمونه .. خضر والله اني اعرفك بس كتلك
خضر .. بكتهن حرامي برأيج اني
ميمونه .. خضر
خضر .. اااحجي خضر خضر خضر شكو حتى ماعندج جواب
ميمونه .. اعتذرت
خضر .. وفائدة الاعتذار اذا اني بعينج ابوك
ميونه .. لا طبعاً مو ببالي هيج انت ليش تفهمني غلط
خضر .. ضحك باستهزاء وكام صار كبالي اي صح جذبي جذبه ثانيه كلامج كلش متناقض ، افهمهه غلط والله ضحكتيني
ميمونه .. راد يطلع خضر وين راح تروح توك رجعت
خضر .. نازل جوه
ميمونه .. دمعت عيني شلون ياربي شلون شيحلهه هسه شلون طلعت مني هالكلمه مااعرف نزلت جوه رحت للغرفه لكيته يم حبوبه متمدد بحضنهه وزهراء كاعده على صفحه لابسه حجبهه وعينهه على الموبايل كلت صباح الخير
حبوبه .. ام تك وتك ليش حفيدي راسه يوجعه
ميمونه .. باوعت علي وزهراء كالت ها ميمونه همزين نزلتي درت عليهه كالتي تعالي هاي شوفيهه الي اكلج تشبهج
رحت عليهه طلعت هاي الممثله الي تشبه قصر الحب كتلهه لا وين
زهراء .. والله بس انتي ضعيفه حيل
حبوبه .. شو راووني منهي هاي
اخذت الموبايل وديته الهه وهو مغمض عينه شافته حبوبه
حبوبه .. يا يمه ميمونه مصلخه يمكصوعه شجرالج كبل فتح عينه خضر
زهراء .. ههه بيبي هاي تشبهه مو هي هاي ممثله
باوعت خضر كبل غمض عينه
حبوبه .. وين اهلهه عنهه هاي لا يمه شي تشبهه هالمصلخه لا لا
خضر .. جاي اريد
حبوبه .. روحي يمكصوعه جيبي الرجلج جاي
ميمونه .. رحت احس انهيار عصبي بيه يريد يصير سويتله جاي سمعت حبوبه راحت للحمام وديته واني كاعد ادخل سمعتهه تكله طبعاً لا انت ولا اصدك تسويهه
خضر .. ملثم زهراء ممبين هاج شوفي
زهراء .. يعني اني مااصدك والله لو حتى اذا اشوفك بعيني اني حجيت ويه رسول كلي دزيلي المقطع ووين تحديداً بهذا الوقت بالضبط بلكت اكو كامرات
ميمونه تعقدت عليه اكثر رجعت الجاي كلت اذا ادخل هسه حيكلي شوفي زهراء اول مرة اعرف زهراء هو وياهه كلام بينهم هو اني شعرف حجيت ويه روحي ورجعت الجاي
——————————————
حمصه .. طلع الصبح عليه واني خاتل الحد ما شفت باب الحوش انفتح طلع اخويه فؤاد الاصغر مني مبدل سيارته وصاير حلو عبالك مو يومين مشايفه الحقير ، احبهم اخوتي الصغار هو وتقى بس يتحسس مني من احاسبه دائماً
بس طلع دخلت للبيت لان اكيد بقه الباب مفتوح دومه ميسده بس امشي واكول هسه على حظي المطي يقفل الباب الكل واحد مفتاح لان يخافون وكامرات موجوده بس اني اعرف اماكنهم بس الي عندي اهم شي ادخل التقى والباقي سهل
صدك تسحبت على الحايط داريد ادخل طلعت تقى بملابس المدرسه فزت رادت تصرخ كبل سديت حلكهه
حمصه .. اش ووجع اني
تقى .. حمصه
حمصه .. ضربتهه على راسهه كم مرة كتلج كولي احمد
تقى .. احمد ،حمصه انت طلعت سوده عليه اشبكني
حمصه .. تعاي حقيره الحضن اخوج بس كليلي قبلهه تبعدي شويه كمت اباوع عليهه ، ابتعدي ودخلي للغرفه بسرعه الغرفتي بس جيبي المفتاح
تقى .. ها
حمصه .. بسرعه انتظرج هناك بسرعه اريد اكلج بشغله ضروريه
تقى .. طياره راجعتلك
حمصه .. غرفتي خارج البيت اني بنيتهه سندويش وزينهه من الخارج بالخشب مال نخل مااحب البيت وردت احجي وياهه ولو وجهه طمني مابيهه شي بس لازم اتاكد ومااكدر بوسط البيت راحت هيه بسرعه جابت المفتاح اخذته وهي واكفه
تقى .. شلون طلعت كلبي احترك عليك
حمصه .. ابويه شكال
تقى .. مالك علاقه بي خل يولون كلهم بس فؤاد والله كام يبجي عليك وكال اني راح اروحله بس سالم منعه تعرف ليش بابا وسالم والباقين ماخذين موقف منك
دخلت وهيه ورايه
تقى .. لان متقبل تشتغل وياهم
حمصه .. لو يبقه اخر يوم بعمري مااشتغل بالحرام عوفج منهم
تقى .. ليش تكول بالحرام بابا مياكل حرام حمصه كافي افهم
حمصه .. انجبي واحجي هسه وطبكت الباب احجي
تقى .. شكو
حمصه .. عندج علاقه باحد هاي الايام
تقى .. عزه شتحجي طبعاً لا
حمصه .. البارحة وين جنتي احجي
تقى .. بالبيت
حمصه .. جاوبي الصدك اني اعرف وين كليلي تره يذبحوح
تقى .. والله بالبيت حتى المدرسه مرحت
حمصه .. احجي الصدك وين موبايلج
تقى .. بالغرفه
حمصه .. احجيلي لتشلعين كلبي تقى كليلي الحقيقه والله ما اسويلج شي
تقى .. احمد والله ماطالعه ولا عندي شي
حمصه .. ااااحجي لج مطيه راح تموتين ميخلوج عايشه احجي كليلي اني ما اسويلج شي
تقى .. بجيت والله ماعندي شي اصعد قبل لا اصعد وشوف موبايلي والله ماعندي شي
جريتهه وشبكتهه ارتاحيت وردت ابجي وهي تبجي بحضني وتحلف ما عدها شي
حمصه .. ادري بيج والله بس اخاف عليج شي يصير وياج كليلي تقى لاتخافين وعوفي دوامج هاي اليومين اذا تحبين اخوج عوفي المدرسه هاي الايام راح اكلج بشغله حتى اذا تكوليهه ال ابوج واخوانج مو مهم اهم شي عندي انتي اني ناس مهدديني وبيج
فلتطلعين ابد ها تقاوي
تقى .. شلون يعني
حمصه .. مثل مااكلج تتاذين انتِ ومحد يرحمج فتركي هاي اليومين وعديني متطلعين ابد ومتبقين بالبيت وحدج
تقى .. خفت
حمصه .. لاتخافين بس سمعي كلامي هالمرة اموت اذا يصيرلج شي انتي روحي واختي والصغيرة ماعندي غيرج
ريحتني تقى وانشال اهم حمل على كلبي حمدت رب العالمين سمعت صوت بره مثل المكافحه او هيج شي لان انخبصوا جوه
تقى .. لا تسمع ماما شتكول
حمصه .. مثل موصيتج
تقى .. حيلزموك
حمصه .. اركضت على الكنتور مالتي اخذت فلوس وموبايل وبستهه من كصتهه
تقى .. شلون هسه حيلزموك
حمصه .. طلعي قبلي فتحي الباب شوفيهم دخلو لو لا فتحت الباب الهه
تقى .. بعد هي ماما كاعد تفتح بالباب
طلعت بسرعه ركضت من وره الغرفه مالتي وطفرت بسرعه بحيث رجلي انلوت كبل شفت ميثم كرايبي
حماده ها ولك شو طافر من السجن هي مطي اكو هارب يجي البيتهم
ركضت علي افتحلي الصندوك بسرعه مطي شو منتظر
ميثم .. عندي جهال ولك مااريد اصير مشترك
حمصه .. مطي افتح الصندوك لا هسه اوديك للكبور بتهمة المساعده في ادخال السجن
فتحلي الصندوك اختنكت فتحت جهازي اعرف بي ميغدرني صح جبان بس ميسويهه همزين الموبايل بي شحن اول مدكيت على خضر ماكو
رجعت تذكرت رقم فلك مستحيل انسى حفظته يومهه مثل اسمي دكيت وجاوبت
حمصه .. تجاوبين على ارقام غريبه ام حجل
فلك .. حسيت الصوت مو غريب عليه صفنت ام حجل حسيت اعرف واميز صوته بين الف صوت
حمصه .. معرفتني ، اكيد متعرفيني ، اصلاً استغرب اذا احد عرفني واهتملي
فلك .. احمد
حمصه .. حسيت كلبي دك ابتسمت
فلك .. احمد والله صح انت مو بالسجن
حمصه .. فلك لتكولي لاحد اتصلت خالد يعرف بس لازم اوصل ال خضر شلون ومااريده يعرف اني اتصلت عليج
فلك .. انهزمت ، بسببي دخلت للسجن
حمصه .. صوتج حلو تعرفين لو لا
فلك .. انت هارب لو تصجم لو شنو بالضبط
حمصه .. شمدريني اعرف تاليتي للكبور على الاقل خل اسمع احد مشاعري واصلاً راح افطس هسه مبقه شي
فلك .. حمصه ليش وين انت
حمصه .. اخ يابويه فتح الباب ميثم خمس دقايق وتنزلني جثه وتدخل اعدام مطي
ميثم .. انجب ودك علي اذا عدتهه بعد لسلمك بيدي
حمصه .. اوكف تعال انطيني رقم اي واحد من الولد
ميثم .. عندي اخوك سالم
حمصه .. الله لا سلمك من جماعتي اقصد
ميثم .. ها قصدك علي راشد
حمصه .. اي
ميثم .. ماعندي بس شاهين ولو اكو لو ماكو
حمصه .. اي اي يمعود دنطيني
رفعت الموبايل لان جنت شاتلهه كتلهه لحظه هسه بس اسجل الرقم واتصل
فلك .. سديته ممستوعيه شو هذا ماخذ راحته
حمصه .. سجلت الرقم بعدني ممتصل على شاهين رجع اتصل خضر
_ ها ولك حمصه مو
حمصه .. خضر _ شمدريك وانت متعرف بهذا الخط
خضر .. شلون تنهزم والي كاعد تسويه حتى تطلع انت الوارهه
حمصه .. خالد طلعك
خضر .. شو اصلاً خالد هسه خابر يصيح يسب بيك
حمصه .. لا بربك راساً درت وجهي اباوع منو طلعني ومنو الي لعب عليه صفنت اكيد فواز منتهي منهه بس شنو الفايده
دخلت بالافرع ردت اشوف اكو احد ورايه مشيت طبيعي و مبينت اني عرفت باللعبه الي عقلي استصعبهه معقوله طلعني هو زين ليش
فلك .. رجعت اتصلت عليه اني لان هو مهزوم وراد رقم خضر او يوصل الخضر ردت اطمئن علي دكيت ماكو شغلني صفنت هذا شبيه شو شغلني.
والله ياربي مو صوجه صوجي اني هسه عباله اتحارش بي
...........
ميمونه-جنت واكفه يم الطباخ محتاره منين مااجيبهه قافله صاحني علي
علي -ها ميمونه
ميمونه-درت وجهي ها علي
علي-وين علي مو كتلج جيبي سبحت وبدلت وهو ماكو بعده فوك بدلت راح اخذه السوك الغزل اعلمه عل حيوانات
ميمونه-ابتسمت ...ذكرتني ببزونتنا
علي-اسف والله هيه عايشه بس ذيج الجنت مصادقهه جلبت بيهه وخضر كراع راسي بيهه
ميمونه-تدري ولا مره بقت يمنه البزونه فتره طويله
علي-هسه هيه تطلع فاكرتكم والله لان اني رايح اجيبهه الكم بس ردت مفاجئه ابقيهه يمهه شتكولين
ميمونه-جيبهه عليك الله وابتسمت
علي-علي وين
ميمونه-يوووو والله نسيت هسه صاعده هم اشوف فلك حتى اوديلهه ريوك
علي-خل تنزل شنو مستحيه منه غير اختنه هيه
ميمونه-بهاللحظه دخلت ام خالد كبل كالت
ام خالد-اي هيه هاي العايزتهه تنزل الحيه ....هو اني كوه طايقه ميمونه ومجبوره من وراكم انوب هاي الفوك عليه
علي-يمه
ام خالد-وعله انجب انت وامشي اطلع مو كلت راح تطلع شعندك بعدك
علي-يمه
ام خالد-ولي علي مالي خلكك وصاحت على زهراء
يلله زهراء هم يالله
علي-وين
ام خالد-للكاظم تزور بت خالتك ومناك اروح ال رسل
الي انهجم بيتهه من وره هاي الفوك حسبي الله عليهه
علي-نفخ بملل وكال استغفر الله وباوعلي. اني ساكته اباوع عليهه
تعبت حيل وماعندي حل غير اسكت ومن جهه هسه خضر ووضعه وفوكاهه متعاركين عفتهم وطلعت سمعت علي يحجي عليهه صعدت فوك الغرفتي
احس الدنيا ضاگت بيه مسحت دمعتي احس نفسي مضيعه شي خضر يصبرني على كلامهه دوم ووضعه هسه زاد مااكدر اضغط علي
مسحت دموعي وصعدت ال فلك دكيت الباب كبل كالت تعالي
ميمونه-كاعده
فلك-اي كاعده مصار هواي
ميمونه-علي يريد ياخذ علي للاسواق مدري وين
فلك-لا ووين توه نام مصار هواي سنونه هايجات علي بس يبجي وينك خبلني
ميمونه-اجيبلج ريوك
فلك-لا مااريد مااشتهي .....دك موبايلي دنكت علي احمد
كتلهه المنبه هذا اصلا راح ارجع انام على نومة علي
ميمونه-ماشي اني راح انزل اتريك
نزلت وعفتهه بعدني توني انزل صاحلي خضر رحتله وكفت باخر بايه وهو لازم المحجر وواكف
خضر-شنووو قصتج وين الجاي
ميمونه-والله كلبي يوجعني خضر لتسوي بيه هيج
خضر-ليش اني شمسويلج شبيج ميمونه الجاي وين
غطيت عيني بيدي انت تعرف شنو قصدي لتسوي هيج خضر
خضر-راسي راح ينفجر اريد جاي عندي طلعه هسه استعجلي سويتيهه باجه مو جاي
ميمونه-عافني ودخل للغرفه رحت سويتله جاي وانطيته اله جان متجي عل بوفيه مال حبوبه ويكلب بموبايله انطيته الجاي وعفته تعبت شراح يفهمنه حتحمله الحد مااللله يهدي شسوي
احجي ويه روحي واصبرهه نزل علي جايب علوكي ابن فلك
وكبل كلي
علي-خوب سويتيهه قصه ها أها جبته وباسه بغده وهو لزم خشمه رحت علي بسته وخر وجهه عني
ميمونه-ولك حقير خالتك اني بعتني علمود الشوارع
تعال مثل الي يخاف ويبعدني عنه يشبك علي ويضحك
ميمونه-اجيتكً...اجيتك
دخل خضر للمطبخ وكال بحديه ملابسي اريد اطلع وطلع
علي-شبي هذا زوج خالتك مخبل مو ....اخخخخ نعله على غيرتك
كام يصيح ده ده ابااا خبصنه ويضرب علي على راسه ضحكت وعفتهم وصعدت وره خضر
لكيته واكف كبال الكنتور كتله شتريد ملابس
خضر-والله فد كلبج يوجعج ومقهوره الدرجة شوكت ماادخل اشوفج تتمضحكين
ميمونه-راح تكلب حياتي جحيم مثل مكلت مااعوفج واكلب حياتج جحيم هيه اصلا جحيم حياتي وكلهه متحملتهه الخاطر عيونك انت
ليش متحمل نفسك مسؤلية كلامي كلته بسببك صرت ماافهمك
صرت لغز كدامي ادور حله واخاف انصدم
اكثر من مره طلبتهه منك تصير واضح انت تعرف اني مستعده اعيش وياك حتى بخيمه ماريد فلوس ولا قصور غرفه وحده تسترنه اني وياك وطفلنا كلش كافيه عليه مستعده اكل اي شي
اهم شي انت سالم عندي وانت غامض ساعه خطف ساعه تهدد بالكتل واهم شي عندك خالد تستفزه والدليل هسه
عفت المحل بس لان خالد حجه
خضر-لو شسووووي تبقين انتي تطلعيني غلط وسد الكنتور حيل
تعرفين ليش مشتغلت بالمحل لان اناب طاري الفلوس الي اخذتهن وعفت المحل
الي بعته تعرفين شنحجه لو متعرفين الي حجاهه واحد مني وبيه
كلي بعت المحل وعافتك وتزوجت ذاك الي يتززوج متعه
كلشي اسووي علمودج
ميمونه-اختي مو زينه اني موو زينه ليش متعوفونه
خضر-لج انتي شنوووووووو شنو فهميني
تريدين تروحين روحي ميمونه مراح اجلب بيج روحيله وتزوجي روحي يلله الي نزعتي النقاب علموده
ميمونه-ابتسمت -صرت ماافهمك ابد شتريد
خضر -لو تباوعين الروحج شويه راح تشوفين منو بينا الي مو واضح
ميمونه-كافي كافي خضر مليت والله اني بعد لهنا وبس وردت اطلع جر ايدي صرت نار ووووررخر عوف ايدي عوفهه زهكتني شتريد كل هذا علمود منو عندك وحده بحياتك يااخي كول مو تتحجج عليه ساعه تصير عصبي وتكول لان اغار ساعه تشككني بيك ومن اكول واحجي اطلع مو خوش شتريد تسوي سوي خلص كلبي
انتي شبيج بابا لج انتي غلط وتحوليهه عليه شككتي بيه
بسببك
وتشككين بيه ماعندج ثقه بيه
اااااي ماعندي نسيت كم مره خذلتني ليش تنسه الي سويته الي
خضر-احنه شلون عايشين سوه
ميمونه-دك موبايله طلعه شغله رجع دك صاح فهممممممت شكو وشال الموبايل
ها شاهين
كبل تبدلت ملامحه وكال لا بربك وشرجعهم شعجب
هااااا فهمت جاي جاي هسه خوما حالته خطره
.............
