رواية قيود العوف الفصل السادس عشر 16 بقلم ريتا

-لحظَة صَمت بس صوت انفاسي الي ينسمع غمضَت عيَوني بَقوة وعصَرتهم رفَعت ايدية لراسِي واهَز بيَه رافضه شنو سمعت شنو سمعت .

ضَربت علىٰ راسَي بكُل قوتِي وصَرخت حيل گعدت بالگاع گـلبي يريد يطلع اجَت رغد تركُض الِي وفَاتحَة عيَونها علىٰ وسعهن مصدومة..

- لاااااا لتگلولي امج ماتت لا لا مستحييل

- شَددت قبضَة أيَدي علىٰ ذانَاتي رافضَة يتسَرب صوت احد منهم

-رغد: جُمان بسسسسس اسمعييييينييييي عفيييييية 

قاطَعتها بصَوت 

- اششششش لتحچيين شيء عفي.... عفيييييه اشش

شَفتَها داتأشر بيَدها وتَريد بَس تحچي ويَاية بس اني رافضَة

اني ماا اريَد اسمَع صَوتهم 

- لاا ماا اريد يگلولي أمج مااتتت والله مااريَد اتيَتم للمَرة الثانيَة

- ماا اريد انكسَر فوگ كسَري واتعذب بَعد 

اضغط علىٰ راسي ماريد افكر ماريد مستحيل الي سمعتة مستحيل والله امووت حسَيت علىٰ أيَدين سَحبَوا أيَدية بسُرعة وتقيدن بأيديه..

- عوفنيييييييييييي لتلزمنييي وخر وخررر .

-رغد: جُمان بس اهدييي جُماان سمعيني 

هزيَت راسي بالرفض ووگعت بالگاع حچيت واني وابچِي واشهگ 

- سمَعتج انيييي سَمعتج تگوليَن امييي ماتتتتت سَمعتتتت 

ردَت عليَه من بيَن دموعها وهي تگول

- لااا جُمان والله اليييي سمَعتي مو صحييييح

انتفَضت بّقوة وگلت الهَا 

- لتچذبيييييَن عليَه دتچذبَون عليَه حتىٰ تسكتوني توني سمعت توني .

- لطمَت علىٰ وجهيييي وحچيييت بصَوووت عاااالييي ويرجف احس فقدت .

-اذا امي ميتة گلولي لا تچذبون عليه ليش يگلج لتحچين ليش چذبتوا عليه بحجة يخلص الشغل وترجعوني . 

 اجانِي صَوتة وهو يحچِي ببَرود وهَدوء تَام وگال

-عَوف: كل كلمة سمعتيها مني صح 

                                            

              

                    

شهگت اريد اللگط النفس خليت عيني بعين رغد..

-جُمان: حاچيني بردي گـلبي گليلي الي سمعتة چذب احجيلي الصدك رغد ليش هيج حجيتي ويه قاسم امي شبيهاا . 

دنگ عليَه وگعد بصَفي عّقد حاجبَة وحچة بأستغراب

-عَوف: شَبيج جُمان ماشفتي وضعج من اخذتج شلون چان و ويَن چنتي ؟

يعني تردينِي اخليج ترجعين لنفِس المكان الي انخطفتي منه .

ضربت علىٰ رجلي بقوة وگلتت من بين دموعي

-جُمان: وشالفايدة لو عايفني اموت يم امي علىٰ الاقل يم امي . 

فرك وجَهة بأيدة وگال

- شبيَهااا امج شنو سامَعة أنتتتِ !

رفعت عيوني ركزت بوجَهة بَاوعلي وگال 

-عَوف: امچ عايًشة جُمااان وموجَودة شنو السمعتي ترى مو صحيح .

رديت بصوت واهن. 

-جُمان: حرام تچذب .

جاوبَني بنبَرة هادئَة ومركز عيَونة علىٰ عيَوني 

-عَوف: والله امج عايشَة 

حچيَت بصَعوبة واني أجر النفَس جر

-بس اني سمَعت رغد تگول لقاسم امهااا ماتت والله توني سمعتها .

وجه نظراتة عليهم اشر الهم بعيونة ماراضي هزوا اله راسَهم ..

-گومي وياي 

نهضت مشيت وراه فتح الباب واشرلي . 

- گعدي ارتاحِي جُمان ارتاحِي

شديت علىٰ وجهي بقَهر وحسَرة وروحِي داحَسها دتَطلع منِي غمَضت عَيوني وحچيت

- امي صدُگ عاايشَة لتچذب عليَه .. 

- عايشَة 

- أحلف ألي 

- والحسين

نزلت دموعِي وحجيَت بَحسرة

- لشوكِت حتبقىٰ حارمنِي منَها 

بَاوعت لعيَونة وحچيَت بتَعب ودموعِي تسَيل 

- اخذنيي ويَاك لأمي

- بعد ماا اگدر اتحمل والله راح يوگف گلبِيييي

رفَع عيونَة ليفوگ ونَزلهم واتنَهد 

-عَوف: بس ارجع من بغداد اخذج 

-جُمان: هههه جذاب دتقشمررر عليه مو شغلكم يطول اصلاً . 

-عَوف: ماا اگدر اخذج ويَاي هسَة من ارجع اخذج .

-جُمان: شمعنىٰ من ترجع تاخذني ليش 

            

              

                    

جاوبَنِي وهَو يزم يَعقد بوَجهة بأستغراب من نبرتِي 

-عَوف: اخاف عليج حتىٰ بالمرة الجاية امان

غمضت عيوني جليت صوتي واردفت..

-جُمان: خلصَتها اخاف عليج واخاف عليج لتخاف عليه مااا اريد تخاااف عليَه كااافي والله بس خليني ارجع . 

زفر بقَوة وحَد وجَهة وبَاوعلِي وهو يَزم بشَفتة 

دمعت عيونِي وگلت اله 

- حَس بيَه والله راح امووت مداگدر اصبر بعد لشوكت لشوووكتتت 

كااافيييي ملييييت روحِي زهگت 

سكتت ورجعت كملَت وانِي داشهگ 

- والله احَس گلبي ديطلع من مكاااانة روحِي دتنمرد اخذنِي وياك

باوعتلَة يبَاوعلِي اتنهَد بقلة حيَلة وگال بهدوء

-عَوف: ميخاالف الي ترديَنة يصيَر ألج 

فتحَت عيونِي بصَدمَة ممصَدكة

- هااااا شلون يعنِي 

أتقرب الي وگال 

- ميخالف راح ترحِين ويَاي لبغداد

رمَشت وممسَتوعبة الكلمَة الي گالها انِي بحلم لو بعَلم 

معقَولة بَاوعت اله وگلَت وانِي مركزة ويَاه 

- شنو گلت تَوة ارجع عيَد 

غمَض عيونَة وعصَرهن بأيَدة وحچَة بنبَرة هادئة 

-عَوف: راح ترحيَن وياي لبغداد امري لله غير

بچيت وضحكت بنفس اللحظة گـلبي يرجف غطيَت وجهَي بأيَدية وحتىٰ صَوت مَطلع منِي مجُرد جسَمي يصَعد وينَزل أثر الشهگة فرحااانة .

سَمعتة زفَر بَصوت عالي بعدها گال

-عَوف: ام دميَعة مسَحيها مو هذا الترديَنة !

وخَرت أيديَة عن وجَهي اتنفست مرتاحة..

- ومَرة الثانيَة من تسَمعين شَيء استفسري منَه افتهميَه وراها انوب گعدي ابچي ولطمِي 

سكتت نزلت راسي خجلانة ..

-عَوف: ماا اقصَد شيء بس علمَودج أنتِ 

هَزيت راسِي وگمَت بَاوعلي وَفر ايدة بمعنىٰ شكو ؟

جعصت اصابيعي متوترة خجلانة...

- اريَد اعتَذر منهَم علىٰ الي صار 

- ماكو شيء تعتذَرين منَه اگعدي 

- لا اكو 

طلعَت وانِي متفشلة من الموقف الي صار بس والله انِي مالي ذنب 

يَاوعت الهِم وچانُوا واگفيَن كُلهم سَوىٰ ووجَوهم بايَنة عليَها الحيَرة والكلام الي سمعتة اخذ گـلبي شنو المفروض تكون ردة فعلي . 

            

              

                    

صارت گبالي رغد لازمة راسها بحيرة دمَعت عيَوني وردت ابچي مَرة لخ بَاوعتلة چان ورَاي واگف مقلص عيَونة ويَباوع علىٰ عيوني ويأشر براسَة بقلة صبر رفعت عيوني مانعة دموعي لا تصخمينها كاافي كاافي..

مسَحت عيني بطرف اصبعي تقدمت الحجيَة فاتحة أيديها الي..

-جميَلة: اسم الله عليچ طيحتي گلوبَنا يـَ يمه . 

اتقَدمت الها وحضَنتها طبَطبت علىٰ ظهري وباستنِي 

-جميلة: شلون صرتِي يحبَوبة

هزيت راسي مبتسمة..

- اني زينَة لتخافيَن فدوة الج 

باوعت الهم جليت صوتي واردفت.

- انييي كُلش اعتذر منكم اسفة علىٰ الجو الي خلقَتة وعيشَتكم بيَه ماا اعر..

قاطعنِي قاسَم رفَع أيدة وگال 

-قاسم: عادي خَوية احنة الي نعتذر من الي سمعتي والله خفنَة عليَچ 

سكتت مبتسمة باوع لرغد ماعاجبة كش وجهة وگال..

-بعدين ياخويَة انتِ تاخذين بحچي رغد هاي تلگف السَالفة من ذيَلها 

-رغد: اي والله ايي ماا اعرف شلون فهمت الموضوع وحچيت هيچ 

والله مااا اعرف شلون ربطت . 

التفتت علىٰ صوتة من گال..

-عَوف: روحِي ارتاحَي جُمان واذا عندج شيء حضري .

أومأت راسي بقبول درت وجهي ومشيت للغرفة فتت گعدت ولزمَت راسِي.

- اني شَلون انفجرت هيچ شلون مگدرت اتحكم بشعوري وافتَهم 

واستفسَر شبَيه هيچ مثَل المسَودنة صَرت غمضَت عيَوني بألم .. 

:- ياربي دخيييلك كُل شيء ديأثر عليَه أقل شيء داسَمعة ديأذيَني

 مداعرف اتحكم بأعصابي ولا بنفسِي لتخليِني هيچ أضَيع

كُل شيء ديتراكم عليَه وبالاخيَر أنفجر علىٰ اي شيء وانحَط بهيچي موقف يفشل گدام الناس اوف يااربي احس گلبِي ديطلع من مكانة

ميلت راسي بقلة صبر صارت عينِي علىٰ ألباب الي انفَتح ودخلت رغد وهَي تمشِي بخطَوات ثقيله..

بَدون سَابق إنذار اتقدمَت عليَه لمتني وحضنتني وشددت عليه.

-رغد: انه اسفة جُمان 

            

              

                    

-هههه كافي شكد اعتذرنا . 

نَزلت عيَونهَا وگالت..

- صدگ راح ترجعيَن 

- اي صدگ 

- تعودنَا عليچ صرتِي من عندنا 

- اساسًا بحيَاتِي ما راح انسىٰ موقفكم ومعروفكم ويَاي 

احتويتَونِي وعيشَتونِي يمكم وأحلىٰ الكلام سمَعتة منكم 

هزيَت راسِي بحزن وگلت

- احلىٰ ايام عشَتها ويَاكم رغم الوَضع الي انِي بيَه

بس انتوا ناس تخبلون لتگطعون بيَه 

ضحكت وگالت 

- ابد والله انه اصلا جاي افكر شلون اگعد باچر الصبح ؟

منو يگابلَنا انه وحبوبتِي ويامن نتريگ وبيَا وجه حلو نصَبح 

ضحكت بتَعب وشديت علىٰ شفتي وحچيت بقَهر

- اني هم اتعودت عليَكم هَواية أنتِ والحجيَة وعلىٰ الكلام الحلو 

والنصائح الي نسمعها منَها 

- إن شاء الله ترتاحِين بعد وتديَرين بالج علىٰ نفسَج 

جُمان لتمشَين وحدچ لتثقَين بأحد ديري بالج علىٰ نفسج هَواي

لزمت أذنِي وگلت الها

- التووووووووبة يبووووي

- تعالي يمَنا گعدي لتبقين بهلغرفة خلينا نشبع منج شوية . 

نزلت عيوني ساكتة.

- جُمان ترىٰ مااااااالج علااااقة بالموضوع الي سمعتِي لو انِي سامعتة چان كسرت وعيَطت وصرخت وحتىٰ قاسم اگوم اعضَة والله شبيج لتاكلين بنفسَج حتى نسيَناه للموضوع 

گلتلَها بتوتر 

- شو استحييي طَلعتة چذاب 

ضحكت وهي تگول

- ها من عَوف هههههههه ترزلنا رزالة ناشفة بس ميخالف محد يلومَج دتعااالييي كافي عاد . 

جرتنِي وطَلعتنِي يَمهم شَفت الحجيَة حاطة شَيلتها علىٰ حلگها تضحك ويه العَوف رفعت عيَنها وشافتني وگالت بلهفَة 

- يماااا هلا ومية هلا 

طبطبت علىٰ المكان وگالت 

- هنا حبيبة هنا تعاااالي يبعد حبَوبتج وگلبَها

ابتسَمت الهة بحُب ورحَت گعدت يمَها لزمت أيدي وگالت

- مكانج راح يبقىٰ خالي وحسَج ماسمَعة بعد 

دمعت عيَونِي وطبگت شفتِي واتنهَدت

- تعاليلي انتِ ورغد لتگطعون بيَه 

ضحكت وگالت 

- انتِ صرتي بنيَتي شلون چا 

            

              

                    

اجة قاسم چان دينزل من الدرج شاف رغد ابتسَم وگال

-قاسم: الىٰ متىٰ يبقىٰ البعيرُ علىٰ التلِ 

- شني ماناوي ينزل 

-رغد: نزل البعير نزل

-قاسم: هاي انتِ گاعدة بعد 

عقچت وجهة وگالت

-رغد: ان شاء الله تزلگ بهلباااااييييية

نزلها وضحك وعقچ وجهة الها وگال

-قاسم: دعاء الكلاب مو مستجاب رغووودة

-رغد: عَوف سمعتة يكول عليه چلب ؟ 

رفع راسَة وجاوبَها بجمود

-عَوف: انتم اثنينكم شبهتوا الثاني بالحيوانات اتحملوا 

اجة گعد ودحس روحة يم رغد ويتحارش بيهااا ويضحك

-رغد: خاب وخرررر شثگلك وخررر 

-قاسم: افاااا شبيج رغودة اخر ليلة الي وياچ اشبعي من عندي 

عقدت حاجبها وگالت بأستنكار 

-رغد: وتعوفوني وحدي اذا رجع اجة وانه وحدي والله اطلع اكتلة . 

ردت الحجية وهي معاجبَها الكلام

-جميلة: شني وحدج وانه ويَن رحت

-قاسم: يعني انتِ تطلعين تعاركينة وتكتليَنة ؟ 

-جميلة: ولك قويسم لا تشوفنِي ماخذني الكبر اذا احطك

اكسر العوچية عليَك ولك انه من نسَوان گبل شما كبرنا الحيل بيَنة

-رغد: حبوبة انتِ أبقي مرتاحة فدوة 

ضحكنا وجاوبَها وهو لازم القلم وديكتب علىٰ الورق الي بأيدة وگال

‏-‎عَوف: خليت حماية شحدة يوصل يكسرونة . 

-قاسم: سواه الج البيت الابيض يا ميلانيَا ترامب حتىٰ البزونة ماتفوت بعد 

أومأت بقبول ساكتة باوعلها قاسَم وگال 

-قاسم: رغد وعلي مايوصل الج بعد علىٰ كتلة ذاك اليوم مايوصل خَواف هذا شبيچ

            

              

                    

-عَوف: اذا حاول يوصل بعد ما اشوفة گدامي وحق الله ارتكب بيه جريمة والعن والديه . 

باوعتلي وشدت علىٰ شفتها وگالت 

-رغد: حتىٰ لو وصل بعد مايهمني كافي طولتَها انه لازم اطويَها للصفَحة هاي طااالت

ابتسَمت الها هزيت راسِي بالرضا..

-قاسم: عفية بأختي وبس يوصل بعد طلعي كتلي بنعال ورجعي طبي

-عَوف: طاح حظك علىٰ هلتعلوم 

-قاسم: غيَر اقويها يحتاجلهة دورات تقوية هاي 

-عَوف: بالنعال بسيطة كلها كسري راسة . 

-قاسم: بنعال كتلي مثل ماتكتلين الصرصرة. 

-رغد: لا الصرصرة اخاف منها 

-عوف: الصرصرة صگارتچن . 

هز راسة بأستنكار وگال

-قاسم: والله عيب هاي وأنتِ اختنة المفروض تكضين الأسد وتلوين رجلة 

-رغد: اي واتعارك وياه هم 

-قاسم: وتكضينة تمرعدينة تمرعد . 

دحچت روحَها بيَه وميَلت راسَها وگالت اله بصَوت ناصِي وهي تتمسَكن 

-رغد: طلعني اخذني

-قاسم: وين للگبور

-رغد: طلعنِي شربني عصير وكلني شاميَة فرفرني وجيبني ضايجة 

مسح علىٰ وجهة وگال بقلة صبر 

-قاسم: گومِي بس نرجع من وكت لأن اريد انام

گاموا وبَاوعولي وگالت 

-رغد: شو گاعدة يلا ؟

ضحكت وگلت الهم

-جُمان: لا اني ابقىٰ يم الحجية وهمات شويَة وأنام 

-قاسم: علىٰ الموعد ؟ 

بَاوعلة وگال 

-عوف: ان شاء الله اي 

            

              

                    

بلل شَفتة وبقىٰ يبَاوع اله بتوتر فر أيده بَحيرة وگال..

-قاسم: الله كريم . 

طلعوا وصارت عيَني تلقائياً على الاوراق الي يمه شويه ونهض اخذ اوراقة وصعد فوگ بقيَنة انِي والحجية نسولف ونستذكر الموتقف وكُل شوية تطبطب على ايدي بخوف..

-يمة ديري بالج علىٰ نفسج عينج علىٰ روحج 

حضنتها ووودعتها وانِي مقهورة سَلمت عليَها واترخصَت منها وگالت

-جميلة: حتىٰ انه نعست يمة رايحة أنامن

-جُمان: نوم العوافِي علىٰ گلبج اخذج انه ؟

- بيَه حيل يابعد عينِي 

لزمت عكازتَها وضغطت عليَها وگامت ابتسَمت ورحت

دخلت الغرفة وانِي گلبِي مفرفح ودينبَض بسُرعة وحتىٰ سَرت رجفَة بجسمِي من الفرحة مداعرف اوصَف شعوري وفرحتِي متوترة وقلقَانَة وفرحانَة

مچان عنِدي أشياء هَواية اخذَها ويَايَة بس اخَذت فستان اشترتَة اليَة رغد حبَيت يبقىٰ ذكرىٰ منها رتبتة وخليتة بجنطة صغيرة جتِي عيَني علىٰ الدفتر ابتسَمت واخذته فتحتة واخذت الاوراق الي كاتبة بيهن جريتهن اشك بيهن لا يقراهن احد..

اللتفَتت فازة علىٰ دگة الباب وانِي بأيدي الاوراق عدلت حجابي وحجيت..

-تفضل 

انفتح الباب وصَار بوجهِي باوع بأستغراب من صارت عينة علىٰ ايدي..

-عَوف: نطلع الفجر 

هزيَت اله راسِي وابتسَمت 

-جُمان: تمام 

سد الباب وطلع ، احس بيه شيء شكله وحيرتة ما ادري ..اهم شيء عندي راح ارجع اشوف امِي .

اخذت ملابس ونهضت اخذ دوش صارت عيني علىٰ أثر الجروح الي بجسمِي من أثر الضرب كشيت صايرة مثل الحرگ شكلهم علىٰ زنودي علىٰ ظهري دمعت عيونِي وشديت علىٰ شفتي بقهرر شگد صاير شكلُهم مُقرف ومخرب كُل جسمي ..

نزلت دموعي بقهر فريت نظري عنهن فركت وجهِي بأيديَة وگعدت بالگااع انقهرت حيل..

بچيت جوة المي لحد ماحسيت كافي تعبت لبسَت وطلعت لگيَت رغد جايَة ومشغلة التلفزيَون وگاعدة يم الهيَتر رحت گعَدت يَمها ابتسَمت وگالت

-رغد: من ترحين كُل فترة راح نجيج انه والحجية

-جُمان: ايي عفية لا تخلوني اشتاقلكم . 

نهضت من يمها حطيت راسِي علىٰ المُخدة غمضَت عيونِي وردَت أنام بس هيَهات النَوم كُلة طار منِي صرت اتگلب منَا ومنَا وروحِي فرحانَة عيوني تدمع لوحدها .

            

              

                    

شلون راح يكون اللقاء ؟ شلون راح احضَنها واشمَها 

شگد راح اطول بحضَنها شلون صاير شَكلها 

يمشي الوقت وانِي بمكاني اتگلب وعينِي رافضة النَوم شَوي وسَمعت أذان الفجر ابتسَمت وطَلعت وگفَت گدام المغسَلة توضيت .

اللتفتَت ونزيَت بمكانِي من شَفتة مكتَف إيديه وميَل جسمة علىٰ الحايَط ويبَاوعلي ومبتسَم وگال

- جُمان ؟ 

حطَيت عينِي بعيَنة وچان مَبين وواضح عليه مانايمة من شكلي...

- مانمتِي ؟

هزيت راسِي بالرفض وگلت 

- ماخَذت عيونِي نوم 

- ليش مانمتي 

ابتسَمت ابتسَامة جانبيَة وحجيت..

- من الفرحَة ماگدرت أنام 

هز الِي راسَة وابتسَم وگال بهدوء وعيَونة مثبَتة عليَه

- نخلص صلاة ونطلع . 

ابتسَمتلة ومشَيت صليِت ورفَعت إيديَه ودعيَت ربِي 

ياجامع الناس يوم لا ريب فيه اجمع بيني وبين مَا اتمنى عاجلاً غير اجلا يا الله .... 

خلصَت ولبسَت باوعت لرغد نايَمة ابتسَمت وبسَتها اجانِي صَوتة وهو يطرق البَاب طرقات خفيفة اخذت جنطتِي وطلعت والفرحة ماسايَعتنيييي محتارة شنو اسِوووووي من الفرحة ارييييييد اطيييرر

 رحت للغرفة بسَت الحجية ورحت اركض اريد بس اصعد بالسيَارة وأوصل

طلعت لگيَتة دايسَولف وي الحمايَة برة رحت وگفت يمَة اندار باوعلي عقد حاجبَة بعدها حچة وهو ديخفِي بضحكتة عقدت حاجبِي بأستغراب وهزيت راسِي بمعنىٰ شكووو ؟

-عَوف: ماحسيتِي ببرودة الگاع

رديت بأستغراب 

-جُمان: ليش ؟

نزل راسَة وهو يضَحك لرجليَة عقچت وجهِي بأستغراب ونزلت راسِي داباع واشوفنِي حااااافييية طالعة بطَرگ رجليَة مالابسَة حتىٰ جواريب بهلبررررد ضربت راسِي بأييييدية وضحكتتت

رجعت لبسَت حذائِي علىٰ السريع وانِي اضحك وطلعت 

لگيَتة واگف مكتف أيديَة ومنتچي علىٰ السيَارة بس شافنِي عدل وگفتة وصعد صعدت وراه والبرد ديگص بيَه گص

چانت الدنيَا ظلمَة ليل علىٰ حالة كُلش ظلمة 

رمشَت بتعَب ونعَس منمَت وهسَة نعسَت ياااربييي مو وكتتها

            

              

                    

مشَينا مسَافة طَويلة وصَرنا علىٰ شارع طَويل بس فارغ كُلشششش چااان بحَيث سيارة ماكو بيَه حسَيت نفسِي بدت تلعب ومعدتِي صارت تگلب عصرت عيونِي بوجَع 

بقيت استنشق التفتت علىٰ صوتة صوتة من لفظ أسمي يسوق ويَباوعلِي وعاقد حاجبَة بتوتَر سألنِي بأستغراب 

-عَوف: يوجعج شيء ؟ 

جاوبَتة بتَعب 

-جُمان: ماا اعرف نفسِي دتلعب كُلش اريد انزل اخذ نفَس شوي وأرتاح 

باوعلِي هز راسة ووگف السيَارة نزلَت بسَرعة وگفَت بالظَلمة بَالشارع وانِي افتر بالبَرد ارفع براسي اجر بالهوىٰ حتىٰ يخف عنِدي لعبان النفِس اجة يمِي وبأيدة بطل مي .

-عَوف: شربي خليَ مُعدتج تَركد 

اخذتة منَة شَربت منَة سَديت البطَل وبقَيت واگفة مغمضة عيوني هسَة وكتَج يااا صخاااام تتگلبَين عليَه شجاااج متگليليي اوووووف .

- ها ما صارت احسَن ؟ 

التفت عليه جاوبتة وروحـي رايحة . 

- بعدهِي دتأذينِي كُلش والله مادري ليش . 

توه جاي يجاوبني فزيت فزة گـلبي وگع منها ماحسيت الا علىٰ صوت الطلق الي ترس المُكان وگفت ارجف مخروعة.. 

حسَيت راح تجينِي طلقة واموووووتتت وانيييي مشايفة امييييي علىٰ صوت الطلق وكثرررر صرختتتتتتت بكُل صووووتِيييي انرعبتتتت بشكل مو طبيعي . 

سَحب سَلاحة اسَمعة يفششششررر بصوووووت ويرمِي سريع . 

-سفلة انذال هاي سوالف المخانيَث .

گعدت بالگاع لميت روحـي اصرخ من الرعب الي اندب بداخِلي صرت ارجف من الخوووف سديت ذاناتِي ونزلتتتتت راسِييييي وعصرت عيونِي بقوة ايدية مداسيطر عليَهم من الرجفَة الخوف سيطر علىٰ كُل جسمِي وين اروح وهو گدامي حاميني ومنطيني ظهرة . 

شَويَة وحسَيَت سيَارة عبَرت من يمنة بسرعة رمت طلقتين علينا وعبرتت بقيت علىٰ وضعيتِي ارجف مصدومة من الموقف دمي نشف . 

اجاني يركض مهلوع يتنفس سريع..

-جُماان اششششش ميخاااااااالف ماكو شيء عدت عدت .  

بچيت برعب من الموقف اريد اسيطر علىٰ رجفتي علىٰ خوفي انتهيت .

اخذنِي لمنِي بحضَنة وشَددد عليَييه صَار راسِي بنِص صَدرة وانِي اشهگ من البچي أيده تطبطب علىٰ ظهري ويهمَس الي

- اااااشششش كااافِي لا تبچيين جُمان 

بس يحچي ويَاية تزيد شهگتي وتزيد دموعِي وخرنِي عن حضَنة ومَد أيدة لحنچِي رفَع وجهِي بأيدة وهمَس بصَوت هادئ وديحاول يهدينِي

-عَوف: اااااااشششش ميخالف هاي انه يَمج لاتخافين

بَاوعتَلة وعيَونِي تصُب دمَع وبعدَهي الرجفَة بيَه 

- خفتت خفتتت ردنااا نموووتتتتتت

باوعلِي وعيَونة ذبلانَة حسَيتة تعبان 

- مِن انه يمچ الشَر يصيبنِي وما يصيبَج جُمان

- حَط عيَونة بعيونِي دموعي تنزل بدون صوت وصدري ينزل ويصعد الرجفة بينت علىٰ شفايفي درت وجهي علىٰ الطريق خايفة..

لزم إيديَه وهمَس بتَعب

- اشششش 

-مسَحِي دموعج مسحيهن . 

رفعت إيديه دامسَح دموعِي فَتحت عيونِي علىٰ وسَعهمم 

من شَفت إيديه كُلهم دمم متروووووساااااتتت دم

رجفَت شفتِي وصرختت بصوووووت مبحَوح 

-اتصاااووووبتتت عَوووووووووف ااااتصاااااوووووبتت !!!!!

الفصل السابع عشر من هنا