رواية في ذمة الغريب الفصل السادس عشر 16 بقلم كنوز

والله اشعل الروح شموع لو اجيت

تدري انتَ شكُثر تكتل الفركَه ؟

احركَ عُمري الك لو يوم رديت

واليابس والاخضر ، هم احركَه .

━━━━━━━━━ ⚖ ━━━━━━━━━

أصالة :: امشي بين لوفات المگبرة و من بعيد احس گبر اختي اله ذراع و يلوح الي

وصلت گبرها وبعد كل هاي السنين لليوم عگلي ما مستوعب هي صارت حدر التراب گعدت حذاها 

:: شلونج يا ضي عيناي شلونه تراب النجف وياج خو ما خرب ملامحج الحلوة... ما جوى خدج الترف... انا وصيت ابو الحسنين عليج يوگفلج بكلهن

غصيت بدموعي من يوم راحت و انكسر بيه شي بداخلي.. مشيت أيدي ع حروف اسمها 

:: صوتج ، ضحكتج، سوالفج والمحاجي كلهن أبالي إلا أنتِ اختفيتي كل مسية غروب أكعد وأتخيلج جدامي وافز الگه بس الفراغ.. مجانج ظل فراغ بگلبي لا ينملي ولا يتعوّض.

مسحت دموعي وترجع تصب تجوي خدي عيوني صرت احس بيهن رمل يتحرك كد ما بجيت.. جليت صوتي احجي وياها عبالك تسمعني 

:: لكيت بنيتج لكيت الأمانة ما ظل شي و اجيبنها الج لهنا 

تذكرت السبب الخلاني اعوف كلشي وراي واجي الها بس حتى ابشرها 

:: رحاب ماتت بنفس الطريقة.. راح دمها هدر حتى گتالها ما معروف ياهو.. وبعده الحبل جرار جبران و سليمة.. كزار وكل واحد شارك بموتج يوصلهم السرة و دمج مثل لعنة راح يبقى يلحگ وراهم 

كمت انفض ملابسي من التراب فتحت دبة ماي الورد غسلت مرمر الگبر امشي اصابعي ع حفر اسمها.. ع سنين عمرها من... إلى... 

:: گليلة كلشي جانت ايامج يا روح اخيتج بساع بساع خذاج الموت مني خذتج ايد الغدر غفل مني 

قريت الها الفاتحة مرة لخ و كمت اريدن امشي ما ينطيني گلبي اديرن ظهري الها وامشي مشيت و التفت عليها

رجعت راسي يوجعني من البجي 

من بعيد اشوفن العجاجة كابة و صوت صياح واصل لراس الشارع 

و اشوفن كزار بيده سجينة يروح و يرد ويصيح اليوم اذبحها 

هوسة متمالخين و عمار واگف ورا ابوه يهد و ينفلت.. انتبهت لوجود سليمة ماخذة دور رحاب وصايرة الشيطان اللي يوسوس و يجمل الخطيئة بعين راعيها.. وهي من شافتني عوجت حلگها 

سليمة :: والله وگت النسوان كامت تطلع و تدخل بكيفها چن ماكو زلم ردادة الها 

إصالة :: اطلع و اطب عبن ابوي واثق بيه ما تجي مني الردية موش مثل جبران مخلي ناطور وراج 

سليمة :: شنهي قصدج ولج عود انا موش زينة وابوي يخاف لا اجيبن اله العار 

إصالة :: همزين طلعت من لسانج بعد ما يحتاج احجي 

اجه ابوي سكتوا كلهم وغفار مدري شهمس لـ ابوي نفض طارف خاجيته مغتاظ چن حجه اله سبب هل عركة 

هاشم :: اي كزار ياهو عينك أمر وناهي ع سلف لو شفتني موش هنا كلت خل اخذ راحتي 

كزار :: بوية البت بنتي و اريدن اربيها شلكم دخل انتوا 

هاشم ::صووووتك كزار جم مرة صار حذرتك لا ترفعه بوجودي 

مسح كزار وجه بجفيته يتكرضم و سليمة تهمس بـ اذنه تنحش بيه وهو مثل المغيب يردد وراها 

كزار ::تعرف اللي تدافع الها وين هسه مشت للمركز لوحدها وانا وانت وكلنا ناهينها من هل سالفة 

اهتزت العوجية بيد ابوي من الغضب بس ما انطى بيها جدام كزار عبن يعرف لو حجه كلمة وحدة ضدها حتى جانت عتب و نصيحة كزار راح يعتبرها الضوء الأخضر بگتلها 

هاشم :: تجي وانا احاسبها لا تجيسها انت 

كزار :: شلون تريد مني اسكت وهي اليوم طلعت من شوري باجر تجيبلي العار مثل عمتها و تصخم وجهي

نار وجت بگلبي من جاب طاري اختي و بفعل محد متوقعة رفع ايده ابوي و طگه راشدي طبع اصابعة ع خده 

هاشم :: نوبة الاخر توضى گبل لا تجيب طاري المرحومة واذا سمعتك تحجي بشرفها يشهد عليَّه ابو فاضل اخليك تحفر كبرك بيدك 

نكسرت عين كزار وجه احتقن احمر و اتجه لشخص الوحيد اللي يفرغ بيه غضبه بيه 

كزار :: خلها ترد اليوم وعلي ع قبلة اذبحها 

هز غفار ايده بسخرية و كال بستهزاء لاذع 

كزار :: السايگة عليه النسوان صايرلي زلمة و يهدد اكصن أيدي من عرجها اذا طلعت تعرف اتجاه القبلة منين 

عض كزار اصابعه حيل يهدد اللي ما يخاف غير من الله 

كزار ::غفار خلي النفس طيبة لا اسلمنك لـ جبران وانت تعرف شلون حادين سنونهم عليك 

ضحك غفار يتگرب اله يمد ايده اله بمعنى يله اخذني 

غفار :: يله سلمني و ما اريدن اكلفك واخسرك بانزين بسيارتي اخليك تاخذني الهم 

كض كزار دشداشة و طرها بالنص 

كزار :: عمي انتم طالبيني بفد طلابة البت بنتي انا شعدكم يمي واكفلي سجين خاصرة حجاية ما تخلوني احجي وياها 

جانت اكو سجينة مشمورة بالتراب دنگ غفار شالها ومدها لكزار بمعنى أخذها وگاله 

غفار :: هاك يله روح جيبها و ذبحها يله اذا بيكم زلمة و بوجه شارب و يگول انا حجايتي وحدة خل يسويها لايظل يهزبز و ينعثل براسي بدون تنفيذ لان ساعتها ازين شاربه بالنعال 

اخذ كزار السجينة منه يهز راس اي

كزار :: اصلاً كله منك ادافع الها و تحامي عليها لحد ما طلعت عينها و صارت تفوف مركز بنص الزلم

سليمة من شافت كزار تراجع صار يذب الوم ع غفار بدون ما يتوعد بگتلها صاحت تشمر بـ اديها 

سليمة :: والله عمي طلعتوا عين البت و گويتوا عينها عابوها و اخوتها هسه ما نحس اله وهي داكة دكة عمتها 

انا منا دمي فاير واريدن واحد افوخ نار گلبي بيه وجان اجرنها من شيلتها نيمتها بالكاع عمار راد يكضني عنها عنها گبل لا ايده تجيس ثوبي كضاه غفار ركعه كله خلى ممطول بالكاع 

وكبت بينهم اجت عنبر تركض ماتدري شنهي السالفة كضت سليمة وياي و ملختها 

ابوي تكتر خلاني اخذ حيف أخيتي حتى وهي ميتة مخلينا علج بـحلوگهم اجه عون حاجوز يريد يفاكك بين غفار و كزار وعمار 

عون :: اواشك عمي انت زلمة جبير عيب تتعارك هيج شتكول الاوادم عليك 

كزار :: ميلي عني ما باقي بس ابن ام الرجولة يعلمني العيب 

وكف مثل الجماد و كرر كلام كزار بملامح ما تتفسر ونشد غفار يريده يأكدله 

عون :: حجه ع امي سمعت صح انا مو 

هز غفار راسه اله اي و عون كض كزار خنكة بعكالة عمار يجره من جهة وهو يجر من جهة النوبة خنكوا بالزايد و سليمة كوه طلعت روحها من جوه أديّه ا ركضت لـ كزار 

سليمة :: يمه مات الزلمة يمه خنكوا يبووووو ولكم عيب عمكم 

غفار من شاف كزار صار ازرك وعيونه نطت حمرة و ادمع مخنوگ كض عون يبعده 

غفار :: عوفه كافي لا يموت ويحسبونه عليك زلمة كامل

عمار صار الابن البار عود وما يقبل حجاية الشينة ع ابوه اجه نافخ صدره ع غفار 

عمار :: شنهي يحسبونه زلمة شو ماتعرف تحجي ولك 

غفار :: تعال علمني شلون احجي تعال 

رجعوا تمالخوا نوبة لخ شوية و عم الهدوء عمار و سليمة جروا كزار للبيت وكف عون ينفض ملابسه كلهن تراب و رجع لهدوءه 

عون :: استغفر الله خلوني اتعارك و استخدم العنف وانا دكتور 

و غفار كض السبحة يستغفر هم... رحمة رفعت حاحبها متعجبة بعدها ما تعرفهم يخربونها و يوكفون ع تلها يستغفرون 

ابوي بقى يعاين أثر كزار بغضب دگ عوجيته ع گاع و گال 

هاشم ::غفار تمشي تجيبها سكتاوي وتجي وعود حسابها يمي 

راح غفار متعصب اعرفنه راح يطكها من هاي سوايتها صح دافع الها جدام كزار بس مراح يفوتها الها دفعت اون بخفة أيدي ورا 

إصالة :: روح وياه لا تخلي يطكها جيبوها و عود بالحجي نفهمها غلطها بعدها عگل جهل ومن حرگة گلبها مشت لـ اخوها 

رجعت للبيت گلبي يمها كل شوية أمد راس اعاين الهم شفت سيارة غفار اجت وهي نزلت تركض 

مبوشة ولابسه عباية و جفوف سود كلشي ما مبين منها 

إصالة :: ترفة 

صاح غفار عليها توگف وهي من خوفها انجبحت ع وجهه ع تراب و ردت گامت اجتني تركض 

ترفة :: عمه عليج الله 

إصالة :: اشش ولج شسويتي احنه بالكوة بالمروة كاضين كزار عنج تمشين للمركز و تطبين بنص الزلم لوحدج صايرة فرد دور انتِ 

بعدها ما فتحت حلگها تدافع عن نفسها او تبرر تصرفها طب غفار كسر عودة من الرمانة 

كضيتها انا والبنات نريد نختلها وهو جراها من بين ادينه دفعها ع حجرة و غفل الباب اسمع صوت صريخها و الطگ اجه عون ورا كاض خاصرته بوجه 

عون :: وينه هذا راح يوكفها لكليتي ياله يرتاح ادري بيه انطانيها وعينه وراها 

إصالة :: ولك الحك اكسر الباب راح يموتها للبت 

صدك ضرب الغفل كسره و فتح الباب .. كوه طلعناها من جوه ايده و عون حاجزه عنها وهو يعض بـ إصبعه حيل 

غفار :: انا تكسرين حجايتي و تخلين كزار يطلع لسانه عليَّه اليوم اكسر شكو عظمة بيج ترررفة 

ترفة ;: والله ما اسويها بعد والله ما تنعاد بعد التوبة 

وكفت جدامها و فاتحة اديني احميها و عون كاض غفار يهد و ينفلت عليها 

غفار :: هو انا اليوم اتوبنج اخليج تحرمين تتحركين خطوة وحدة بدون ما ترجعين اللي 

رحمة جابت ماي تغسل وجهه من شافت خوفها و لونها اللي نخطف و صاحت ادافع الها هم 

رحمة :: گالتلك ما اعيدها بعد كافي لا تصير مثل اخوك ذاك الهمجي 

رفع حاجبه الها و عون ضحك شماتة بقسيم وانا هم تدخلت اهديي

إصالة : كافي غفار موش گتلك انا راح اكعد وياها و افهمها غلطها 

غفار :: مايفيد الحجي وياها راسها يابس مال حديدة واطحنه الها 

إصالة :: ع كيفك وياها عمة امس كاضها عمار امسگطها گتل هل مشت لـ اخوها تشكيلة 

احتدت ملامحه دار وجه عليها يوجه كلامه الها 

غفار :: وانا خرنگعي هنا موش گلتلج ياهو يغثج حتى لو بكلمة تجين تكوليلي وانا اتصرف كلت لو ما كلت ترفة عاينلي من احجي وياج لا افكسهن ليعونج هذن 

گال اخر كلامه من شافها دنگت راسها بندم وهو يموت من يحجي ويا شخص ويصد وجه عنه.. انتفضت بساع رافعة راسها تعاين اله وهمست بصوت خافت 

ترفة :: گلت 

غفار :: جاااا لويش تمشين للإسلام وانا محذرج الف مرة 

سكتت خانسة احس برجفتها وراي وكلما يتگرب من يمنا تكض ثوبي حيل حتى لا يجرها و رحمة عدلت استقامة ظهرها و واكفة بوجه عود انا گوية.. 

غفار :: بله وين لكاج عمار و طكج انا موش گتلج باب الحوش ما تخطينها يعني طب لهنا للبيت وانا موش موجود؟ 

گبل لا احجي گمزت هي تنفي بثنين اديها 

:: لا ما اجه والله ولا طگاني من اهد ما هددته انت

ادغ بيها اريدنها تسكت ماكو كتت كلشي اله دار عيونه اللي وانا ابتسمت اله 

غفار :: تجذبين عليه عمة

إصالة :: غير اريدن اهدي النفوس اكعد وخل نفهم منها لويش عرت للمركز 

عون :: د كافي موش كالت بعد ما اعيدنها شلزكت انت 

غفار :: ولك الإسلام واكفة بنص المركز والقاصي والداني يعاين لطولها وتكلي كافي اليوم اطلعلها گلب بصف گلبها واخليها تفكر الف مرة گبل لا تصرف 

عون :: هي راحت بعد قابل اذا طگيتها يرجع الزمن 

ندار النوبة ع عون رافع العودة متحضر يريد يطگه بس يسمع جوابه 

غفار :: تعرف بيها ماشية للمركز و ساكت مو 

:: لا والله شنهي ماكو غيرة براسي و اخليها تروح للمركز 

دك نقاله ما يرضه يرد بس يخزر بينه سكوت بس صوت أنفاس ترفة بالحجرة رجع دگ نقالة مرة لخ طلع يرد اجه صوت فطرس مغتاظ 

فطرس :: هي هاي الأمانة غفار تخليها تطب مراكز و وين السگط والعار يعاين الها 

:: انجب فطرس تعرف تنجب لو اوصي عليك مناك 

سكت فطرس موش خوف بس اكو صوت حجي يمه و صوت لاسلكي شوية وصار هدوء رجع گال بقلق 

فطرس :: خو ما سوالها شي ابوي 

غفار :: كاض السجينة ويفتر عليها هسه راح اطلعها اشمرها عليه واخلص منها 

فطرس :: حتى باجر اطلع اموتنك وراها وارد السجن 

غفار :: خايب انجب وارث النعثلة من ابوك 

فطرس :: ع ما اذكر ابوك رباني 

گالها فطرس بلهجة ساخرة يستفزه سد النقال غفار بوجه و اشر لترفة بيده بمعنى تقربي و هي كضتني خاتلة وراي زمخ بيها 

غفار :: موش احجي وياج تعاي هنا اوكفي جدامي 

كضت أيدي حيل تتوسل بصوت ناصي حتى لا يسمعها 

ترفة :: عمة عليج الله احجي وياه 

زمخ هو بيها 

غفار :: منين تخافين منيي ! لو تخافين مني جا ما رحتي للمركز بس انا الج منا وغاد اذا ما خليتج تخافين من ظلج ااااخ 

نهى كلامه يعض إصبعه حيل وصاح بصوت حتى انا فززني 

غفار :: موووووش احجي انا تعاي انثبري جدامي 

طلعت تتخاضف وكفت جدامه وبكل حركة تصدر منه جسمها ينتفض دنگ لطولها 

غفار :: ليش رحتي ست گليلي برري شنهي خلاج تروحين للمركز 

مدت ايدها من ورا ظهرها تأشرلي اتكرب اوكف بصفها تدنيت وگفت يمها 

ترفة :: ردت اشوفنه گلبي طك عليه وانتم ياهو انخاه ياخذني اله وما يقبل 

غفار :: ما تصبرين بعد ماكو صبر مو...انا شگتلج امس 

:: گلتلي بالاحد يطلع

:: وباجر شنهي

:: احد

:: جا شعندج نحرتي للمركز تررررررفة 

:: ما عبالي هذا الأحد والله عبن هو حكمه تلث سنين توه راح يكضي سنة 

:: و لنفرض ما يطلع بعد لعشرين سنة موش بس المركز بشارع المركز ما تفوتين فهمتي لو اعيد 

هزت راسها اي وهو صاح يعاتبها و يلومها 

:: ولج السجن بيه المجرم بيه المغتصب بيه الحرامي و الزاني و اليبلع تعرفين شلون يعاينون للحرمة انتِ لو ما تعرفين 

رحمة بساع تگربت يمها عبالها راح يطگها و ترفة تحاول تهدي تحجي و تتلعثم بالكلام 

ترفة :: لبست حتى جفوف والله و بوشية واخذت عباية عمتي حتى جبيرة و عريضة عليَّه 

:: لو لابسة حديد تبقى عيونهم نجسة ويعاينون لا يعرفون شريفة و لا يعرفون مستورة 

بجت تناشغ و الندم ظاهر بملامحها مسح وجه بضيج اول مرة يرفع ايده عليها تگرب منها مدنك لمسواتها يفهمها 

غفار :: ديربالج تفكرين مديت ايدي عليج حتى اطلع قوتي عليج لو استغل غياب اخوج و اصيرن والي أمرج كلشي سويته هسه موش نادم عبن من حرصي عليج طگيتج جي انتِ بنيت عمي و حسبة أخيتي و أمانة من فطرس برگبتي هم فاهمة 

رفع ايده جدام وجهة وهي رفعت ايدها عبالها راح يطكها وهو بلهجة تحذير صارمة گال الها 

:: وخلها ابالج حتى لو جنتِ غريبة عليه هم ما اخليج تفوتين للمركز و تصيرين فرجة لليسوى و المايسوى 

هزت راسها اي و هدأت رجفتها بعد ما تطمنت اله و فهمت همست بنبرة ترتجف حروفها بخوف تستنجد بيه من ابوها عبن تعرف تصرفه نابع من خوفه عليها موش مثل ابوها منتظر الزلة حتى يأذيها 

ترفة :: ابوي و عمار عرفوا رحت للمركز شلون 

غفار :: انتِ اركدي هنا وهمه فنهم يعبرون هاي الباب و يلوحونج وانا موجود 

عنبر :: من شفت غفار جاب ترفة وهي نزلت گبلة تركض طبيت وراهم جراها من بين أدين عمتي إصالة وخذها ركضت للبيت دورت جراح لكيته گاعد ورا المكتبة يشتغل ع حاسبة 

عنبر :: ولك جراح الحك غفار راح يموت ترفة صوت الطك وصل الشارع 

:: ما يطك غفار هسه يحجي وياها بس 

:: شوف هذا اگله شعل روطة من الرمانة صوت الورير مال الروطة الواكف ع دجلة يسمعه 

:: عنبر تروحين من جدام وجهي لو اكومن اطبگ حزامي الج و اسمعنج الورير ع أصوله 

:: اذا انت زلمه سويها ا.. 

بعدني ما مكملة كلامي نهض من مجانه ينزع بحزامه وانا سويت البيت شبختين طلعت اركض واتلفلت وراي 

طبيت بيت عمي حاكم و سرگيت الباب وراي هدوء عرفت فضت العركة غفار بالحوش يحجي وياه عون وجدي 

و ترفة گاعدة بنص البنات تعوي و يسكتن بيها... 

حطيت أيدي ع خدي هسه لو جاي جراح وياي و لاگي كلشي ماكو جا ما طلعت صدك انا جذابة بنظره يله عسى ان تكرهوا شي وهو خير لكم

طلعوا و الولد و البنات كلمن كامت لشغلها اخذت سلة و رحت لگن الدجاج لميت البيض كله گبل فضيلة 

سمعت صوت كزار يرعد بره توي طلعت من الكن والباب ناصي جلب شالي بالسيم نجبحت ع وجهي وطاحن البيضات كلهن 

عرفت نفس فضيلة وراهن النوب اذا عرفت شيفكتي من لسانها گمت وجبت المسحاة كلبت عليهن التراب طميتهن و شمرت السلة 

سمعت صوت كزار يرعد بره انتبهت ع ترفة بس تسمع صوته تنتفض من مجانها بهلع و يتملكها الرعب مثل عصفور يسمع صوت الجيلة وهو مخلوع الجناح لا يعرف يطير ولا يدري وين يضم نفسه 

دارت وجهة صوب سجدة 

ترفة :: هذا ابوي يمكن اجه عليَّه هو يريد حجة عليَّه وانا بنفسي انطيتها اله شسويت بروحي انا 

رجفت شفتي قهر عليها و سجدة وهي تعبانة گامت الها جرتها گعدتها يمها تمسح وين طابعة طگة غفار بخفة ايدها و عدلت شعرها حدر الشال منا ومنا بحنان 

شكد ما سجدة فگدت حنان امها جاي تنطي النه كلنا.. فاگد الشي يعطي و بكثرة 

سجدة :: انا اعرفنج گوية ترفة لا تخيبين ظني بيج و تضعفين حتى فطرس من جابوا للمحكمة و كزار هدده بيج بقى رافع راسه گاله انا مربيها ما تطخ ولا ترصخ الكم 

هملت دموع ترفة بين الفرح و الوجع تفرح من تسمع حجاية من فطرس الها 

::هو هيج گال عليَّه 

:: اي هو و موش مرة وحدة دوم يكولها لا تفشلي ترفة وهو رافع راسه بيج 

ترفة :: انا لو العالم كله ضدي ما اهتم بس هذول اهلي يعني واحد وين يروح من اهله ضده 

:: موش اهلج هذول .. فطرس اهلج واحنه اهلج لا تخافين منهم حتى لو الولد موش اهنا انا احميج والله ما اخلي احد يگرب منج 

:: هو باجر يطلع فطرس احجيله كلشي سووا بيه 

هزت سجدة راسها الها اي تحثها تحجي لاخوها حتى يرد حگها حتى تصير الهم حدود ما يتعدوها بعد 

صوت كزار يعلى أكثر فتحت الباب اعاين الصوت من صوب ورشة غفار طلعت امشي ع كيف حتى لا يشوفني جراح و يشحتني 

وگفت اعاين الهم من شباج الورشة غفار بيده حديد ابيض حاطه ع سندان و يدك عليه بالجاكوج حتى يشكل النصل 

صوت عالي و مزعج عمي كزار يحجي وياه وهو مسوي نفسه ما يسمعه ولا منتبه لوجودة اصلا رفع النصل يعاين اله وگال 

غفار :: شگلت عمي عيد ما سمعتك 

كزار :: شنهي عود جاي تهيني بهاي تصرفاتك 

:: ليش هي باقية كرامة الك حتى اهينها انت سحكت نفسك برجليك و تريد من الوادم تحترمك 

كزار :: شنهي هذا السمعته صدك فطرس راح يطلع 

عون جان گاعد بيده ورقة و قلم يرسم...... يريد من غفار يسويها اله وهو جاوب عمي 

عون :: اي باجر يطلع حضر الذبايح وانصب الجادر

عاين صوب بيت عمي كزار وكال بضحك

عون :: اظن جادر الفاتحة بعدك ما مرجعة يله ارجع نصبه هلبت الله يگتلك وتصير اول بشر ينصب جادر فاتحته بأيده 

كزار :: وانا اكولن عليك مثقف اثاري من رافگت هذا صرت مثله 

أشر ع غفار قاصده بكلامه وكال 

كزار :: سمعت دافع فلوس اله حتى يطلع انت تبغضه ما اظن تسويها 

غفار :: عناد بيك سويتها كل سنة خمسة 

كزار :: هاا هاي عود انت المتدين شلون تقبلها ع نفسك تنطي رشوة حتى يطلع 

غفار :: ع اساس دخلته السجن حگ حتى طلعته منه باطل 

كزار :: جا خله يطلع من السلف انا متبري منه ما اريدنه ابن اللي 

وياه كلامه اجه جدي وهو رد عليه خلى يبلع بريگه ما بعرف شيحجي بعد 

هاشم :: وانت هم اطلع انا هم متبري منك

گام عود انطه الكرسي لجدي يكعد و كزار ورا شوية ياله رد 

كزار :: تره هاي كاعي گاعد بيها انا بوية موش من حگك تطلعني منها 

هاشم :: مالك شبر واحد هنا وهاي الكاع كلها تعرف المن وانتِ اخذتها زور و غصب ومصيرة الحگ يرد لرعيانه 

كزار :: وانت بوية تصدك حجي النسوان و تصدك بعلياء أهلها حفاية منين الهم كل هاي الأرض 

هاشم :: ابوها اجاني بنفسه و عاتبني كزار وگالي شلون اخذت كاعه و بنته و الزلمة عزيز نفسه حتى من عرضت عليه كاعي ما قبل ياخذها يريد كاعه 

كزار :: خله يولي كاعي هاي و الأوراق كلها بـ اسمي 

طال جدي النظر بوجه عمي كزار اللي ارتبك من نظراته و تهرب منه يتجه لغفار

كزار :: بله يستاهل تذب عليه عشر ملايين واحد هتلي زايتعه الكاع 

:: لا ما يستهل سويتها بس حتى اغثك بطلعته تخافن فد يوم انا ما موجد هو يقوم بالواجب ويتك 

:: وتامن ع اهلك وياه 

:ى هو صح سريري و هكطي و لسانه زفر و عنده كومه مكسرات بس شريف و براسه غيرة واذا ماكو زلمة بالسلف ما أمن ع اهلي الا عنده 

:: ولكم عمي سحار مدري ممسوس انتم ما تخافون ع أهلكم منه بهاي عيني شفته بليل يكلب بعيونه يصيرن حمر 

:: لا ما نخاف واذا ممسوس بس يطلع انا اكضه واطلع الجن منه بس انت استجن بمجانك 

طلع عمي كزار يتكرضم جي فطرس راح يطلع 

براءة :: اجه أبالي قسيم خطية من امس راح لشغله وهو مهموم دعيت الله يوگف اله.. شفت الشمس گوية اليوم گلت اشيل فراش البيت وانظف طلعت جدة من حجرتها 

العلوية :: حبوبة ما تفرشين حصيرة نكعد عليها بالمشراگة 

:: اي جدة تدللين

اجت عدلة صدك طلعت حصيرة فرشت التمن يمها البنات تفلي شعرهن و ظفرت الهن گصايب وهنه فرحانت بيها خاصة رحمة تحب جدة كلش 

شلت الزوالي طلعت بره نفضتهن و رجعت كنست و مسحت و رجعتهن شعلت المبخرة هم صارت البيت راحة نفسية 

سمعت صوت ترفة تصيح طلعت مالهن أثر بالحوش اخذت عباتي و اشوفن عمار صاعد بالشغل يريد يفلش بيت فطرس 

و ترفة واكفة جدامه 

عمار :: ميلي عن دربي ترفة لا والله اسحكنج وافوتن فوگ عظامج 

ترفة :: اسحكني يله حتى فطرس من يطلع يحط راسك حدر التاير و يسحكه 

شغل الشفل يتكرب و البنات و رحمة تجرها تريد تبعدها خايفة عليها.. وصاحت ع عمار 

رحمة :: والله انت واحد ما تستحي و جبان تشوف الرياجيل تطلع تكوم تطلع عضلاتك ع بنات من عابت هل شكول وخفت شوف شكلك بالمرايا حتى وجهك ما متساوي مثل البشر 

تصيح مفرفحة و عنبر فشخته بالحجار خلته دمه يخر من گصته 

عنبر :: انزل جنك قرد معرت بشجرة من كون كبر يطم عارك ونخلص منك 

زاد غيضه و زاد سرعته متقدم ع بيت طلعت نقالي 

براءة :: هسه راح اخابر ع غفار وانت زلمة ابقى بمجانك عود 

و صدك طلعت رقم غفار اخابر عليه فزيت من مجاني ع صوت جيلة استقرت بتاير الشفل نداريت اشوفن سجدة واكفة ليغاد عنه و مصوبه التفكة عليه 

سجدة :: اذا ما تنزل الآخرة براسك احطنها 

:: سجدة انا احترمج لا تخليتي انزل و أمدن أيدي عليج 

رمت سجدة جيلات خلته يتراجف و وجه نخطف 

سجدة :: صايرلي زلمة الما يعرف يسولفله حجايتين سوه و يريد يفلش بيوت هم 

نزل من الشفل راح صوبها عاقج وجه عود هو متعصب والله طفل ما يخاف منه هسه دفعها 

عمار :: انا و اخواني لا تصيرين مثل اخوج حاط روحه بكلشي 

عنبر :: ولجن جاسها و دفعها لو يشوفونه الولد هسه يعلگون مشنقته بالنخلة 

عاينت سجدة وين حط ايده بصدرها و دفعها و رجعت انظارها عليه هو تبسم بنشوة انتصار ما دامت ثواني من رفعت ايدها سجدة و طگته راشدي والله اصابعها طبعن ع وجنته احمر 

شال روحه و دكها بالكاع وكل شوية رافع ايده عليها و يرجع ينزل بدون ما يقدم ع فعل يندم عليه كل عمره 

عمار :: والله لو ما حرمة جا عرفت شلون تصرفت وياج 

:: قصدك لو ما تعرف وراي زلم يدفنونك انت عايش بس يدرون بيك طاخ طرف عباتي 

عنبر :: اي وعلي صدك انت واحد هگطي شجابك ع الأصول عود شوفوني زلمة ما ارفع أيدي ع حرمة 

رحمة :: لو تعرف الله و تعرف البنية عيب و عار ع الرجال يمد عليها جا ما مديت ايدك ع اخيتك يا جبان 

اكلنه بالحجي خلنه يتلكئ بالحجي حاير المن يرد وكل كلامهن صحصح اخذ مفتاح الشفل وراح يدردم تدنت عنبر ع سجدة توز بيها 

عنبر :: ولج طگي وحدة برجله خلي يزحف واذا گالولج گلهم دفعني 

عاينت الها سجدة بطرف عينها و عنبر اغتاظت جي ما نفذت كلامها.. و تدردم عليها 

صار العصر و الشمس بهت لونها بعد ما چان من شدته ما تگدر تواجهه العين مثل لون ينمسح بهد من الوحة و يبقى اثره ناعم بالعين.... عنبر واگفة تعاين من الباب للگاع و ترجع انظارها علينه عرفت براسها موال 

عنبر :: والله انتن ما بيجن خير و فاهيات هسه لو كل وحدة تسويلها شغلة شهر زمان و ترد هل گاع كلها خضرة 

صفگت ترفة و الابتسامة ما فارگت وجهه من الصبح لسه رغم الگتلة الاخذتها بس فرحانة متحمسة لطعلت اخوها وگالت 

ترفة :: فطرس باجر يطلع و يساعد الولد و يكلمونها 

عنبر :: و شمالجن ناقصات ايد رجل تردن كلشي من الزلم وانتِ ساجدة موش تحجين بالمساواة بين الزلمة والحرمة ما تكومين تساعدينهم 

براءة :: وين تردين بيها بعدها مريضة لا يروح يصير بيها شي من وراج 

عنبر :: تره هنه جم زرار و براسها موش برجلها لا تسوينها قصة عنتر العام انا رجلي بيها كسرين مجبرة وامشي عليها الگط تمر وياكم بالگصاص 

براءة :: جا انتِ ياهو يكدر يوگف بوجهج و يكلج لا خيال وبيدج رمح انتِ

عنبر :: سجدة ماعليج بهاي الرقيقة انتِ غفار يكول عليج ثالث اخواني لا تفشلينيه وتصيرين فاهية 

سجدة :: عادي هسه اتحزم و اطلع اشتغل بس لو اجوا وكاموا يحجون انتِ تحجين وياهم 

دكت صدرها سمعت صوت قوي عبالك القفص الصدري نخسف 

عنبر :: والله انا احجي ماعليجن بس كومن وياي يله لا تصيرين فاهيات و اديجن خرگ 

إصالة :: تره هاي معذربة هي تريد تطلع وحتى ما يحجون عليها تريد تاخذجن كلجن وياها حتى الرزالة تطيح ع روس 

عنبر :: هاي عود انتِ عمتي وهيج تحجين عليّه عليمن بعد اعتب ع الغريبة 

فجأة جدة أيدت كلام عنبر اللي رفعت راسها فوگ من سمعت جدة تتفق وياها 

العلوية :: كومن حبوبة الويلاد هلكوا الهم يومين يشتغلون و حرثوا الگاع بس طشن البذور و فتحن الماي عليها حتى من تردن اعلمجن تسون روبة 

فرحة عنبر... عبالك فرحة طفل بليلة العيد تحزمت بساع والبنات كلهن وياها حتى رحمة حزمنها

الگاع مسوينها الولد الواح و زارعين تالات هم و كل وحدة من عدنه خذت بذور بطرف عبايتها و راحت لـ لوح تمشي و اطش 

سجدة فتحت العبرة يفوت الماي عكس ضوه الشمس برتقال الماي و تراب الأرض صار منظر يرد الروح

سبحانك ربي بعد ما حركوها و صارت رماد كلت هم ترد هل كاع وهاي بدت أول ملامح الحياة ترجع بيها 

اعاين رحمة واكفة بنص الوح و تعاين ع الطين شلون واحد مضيعله شي 

:: هاا رحمة شمالج واكفة ما تجين 

:: النعال ركس بالطين وما دا اندله وين بعد 

:: تعاي طلعي هو باجر من تنشف الگاع يبين 

:: مو هو مو نعالي نعال سجدة 

:: واذا نعال سجدة شنهي من غلاته يكتل روحه بالفين دينار طلعي 

ما سمعت كلامي دنكت تتكمشكش باديها الطين و تدور أطراف عبايتها صارن بالماي شالن كومة طين رحت الها 

:: شبيج رحمة صدك تحجين الجو برد طلعي لا تتمرضين 

عاينت اللي بتوتر عيونها تنظر صوب سجدة وين واكفة تسد العبرة وتفتح العبرة الآخرة ع الوح الثاني ووهمست 

:: مو شسمه سجدة عصبية 

:: تخافين من سجدة 

:: مو خوف هي كلش حبابة وياي بس هي عصبية 

:: ولج سجدة تعاي شوفي رحمة تخاف منج 

ضحكت سجدة اجت صوبنه شايلة المسحاة ع جتفها نفس حركة غفار هي وياه بكلشي يتشابهون 

براءة :: نعالج ضاع منها بالطين وما ترضه تطلع الا تلگاه تگول لا سجدة تتعصب مني 

سجدة :: شوف هذا هم حظي شوكت متعصبة منج انا 

خدود رحمة وردن خجل و ضوه شمس عاكس عيونها بين الون الجوزي اللي محاوط النقطة السودة و بعده الخضار مثل بستان و داير مدايرة الماي ... فرگت اديها بمستحه

رحمة :: لا والله ما شفت منج الا المعاملة الحلوة بس اشوفج دوم متعصبة من عنبر من تاخذ منج شي 

سجدة :: جا عنبر ياهو ما بتعصب منها يراد واحد عنده گلبي ياله يحملها 

وصدك اذا گالوا ابن الحلال بذكره ويا لفظ اسمها صارت جدامنه تشتغل بحماس من كل گلبها ابتسمت سجدة 

سجدة :: دايسة ابطني و احبنها هل سمرة 

براءة :: حتى غفار اللي الكل تخاف منه ما سلم منها هذاك اليوم فايته للورشة مالته و مخربة شغله 

رحمة :: تذكرت الخشب الجان يريد يسوي منه غمد لسيف وخربته خطية عبالهم عنبر مخربته مبين شابعة رزايل منه طلعت من الطين غسلت رجليّه 

و البنات لمن الغراض و ردن للبيت لمحت عمي ابو طالب يعدل بالباب ملتهم يريد يزرع گدامها تذكرت هو سيد معمم فركت ايد بالثانية بتوتر و رحت اله 

:: السلام عليكم شلونك عمو 

ندار عليَّه و رسم ابتسامة ع وجه بساع،، من دققت النظر اله ملامحه هادئة بيها نور غريب مريحة لنظر لدرجة من انظر اله احس براحة 

ابو طالب :: هلا عمي هلا بيج انتِ شلونج خو ما معتازة شي 

:: لا عمو تسلم ما تقصر بس ردت اسئلك سؤال 

ترك الكرك من ايده و طلع جفية من جيبة مسح جبينة 

:: تفضلي للبيت خل اضيفنج شي و سولفي براحتج 

اشرلي بمعنى تفضلي دخلت وياه جانت عنبر موجودة اسمع صوتها بالحمام تغسل و تقرا بصوت عالي قصيدة سكتت من سمعت اصواتنه وگالت 

عنبر :: اسمع صوت هذا ياهو اجانه بوية 

:: صاحبتج رحمة بوية يله استعجلي طلعي 

كعدت جابلي مي واني استعجلت قبل لا تطلع عنبر وتصير الحجاية بحلگها و تفضحني 

:: عمي هو اذا سويت شغلة غلط.. يعني خربت شغلة مو اللي و ما گلت لصاحبها عادي لو حرام 

:: اذا تنشدين ع الشرع و الدين لزوم تگليله و تستسمحي واذا تخافين بطشه حتى لو بطريقة غير مباشرة توصليله خير 

:: لا هو مو ظالم حتى اخاف منه بس هاي الشغلة اللي خربتها تهموا شخص غيري خربها واني ضمير گام يأنبني 

:: جا هيج صار لزوم تحجين خاصة إذا هل شخص تضرر من هاي التهمة 

قطعت كلامنه عنبر من طلعت لافة شعرها بالخاولي 

عنبر :: هاي رحمة يمنه والله بعد ما انطيج الهم تبقين يمنه اليوم 

صدك ما خلتني اطلع اجن البنات كل وحدة شايلة جدر واللي جايبة الخبز و سلة الخضروات بعد الصلاة كعدنه نتعشة اجت علياء 

علياء :: هاي انتن هنا وانا الي ساعة ادك بالباب هناك تالي طلعت لي فضيلة وجهه ما يگصه السيف 

من باوعن الها البنات ابتسمت بخجل تريد ترگعها بعد ما تنرگع

علياء :: مو ع امجن تره اقصد حرمة ثانية هم اسمها فضيلة 

اول ما كعدت گالت لسجدة 

علياء :: اكلج سجدة اريدن ارفع دعوة نفقة ع كزار يصير بدون طلاك اخذ منه فلوس 

صفنت عليها سجدة بعدم تصديق الا حلفت الها علياء و التمست الصدق بطلبها ياله گالت 

سجدة :: اي يصير بس هاي جدام البنات موش من اوصل لنهاية و الحكم يضحك عليج بجم كلمة و تروحين تسقطين الدعوة 

:: اذا سقطتتها حطيني و دكيني عبن اطلع جلبة لو تنازلت عنه

سؤال واحد يدور براسي من يوم شفت فارق العمر بينها وبين كزار و معاملته و طبعه وهي باقية وياه 

:: علياء بعدج صغيرة شعحب ماخذة كزار وهو جبير ولا هو زين ونكول قبلت بيه 

دگت ع فخدها بقهر 

علياء :: اااخ لو ما يورط اخوي انا اخذه لو يصوغونه ذهب ما اعاين اله وحگ هو علي 

بجت علياء بعجز و أزل گاعدة گبالها تمسح دموعها وتبجي ع بجي امها... و براءة گالت توضح الي 

براءة ::  خطية كيعانهم هنا ورانا صايرة اخوها من اهل الله موش معذرب ما يعرف سوالف المكر كوم عمي كزار و عمار ضحكوا عليه و خلوا جاب الهم سندات الكيعان و خذوهن   و تالي گال لابوها انطيني بنتك و ارجعلك الگاع و ضحك عليهم مرة ثانية

علياء :: ابوي ما قبل ينطيني اله گال اخسر الگيعان ولا اخسرنج بس شفته تمرض سودة عليه يحب كاعه يرزع يبيع منها وياكل من خيرها هل گمت انا وافقت عليه وخسرت كلشي 

بقيت شافنة معقولة أكو هيج بشر ما فكر ورا حساب ورا موت ترفة كعدت ع جهة انعزلت و عنبر ابد ما عافتها بحالها 

عنبر :: ولج ترفة اشوفنج تكتري ع صفحة شنهي زعلتي ع أبوج جي نحجي عليه 

ترفة :: لا والله خجلانة منه و متفشلة من أعماله حتى مرات اخاف لا حوبة هل الوادم الاذاها ترجع عليه لو ع فطرس 

براءة :: لا انتم شعليكم حاشى الله ياذي عباده بذنب موش ذنبهم 

عنبر :: اي والله كل لشة تتعلك من كراعها هسه رحاب يمكن لسه معلگينها و يحمون بالسيخ و يجون بيها 

براءة :: انت شنهي قصتج وياه رحاب الحرمة ماتت فوتي حالها 

عنبر :: اموتن منها ااااخ حتى الموت متحسفته عليها تمنيت تتعذب و تتدولب بزمانها ياله تموت 

صبتلي سجدة جاي خلته گدامي وسئلتني 

سجدة :: صدك رحمة ما شفتي وجه الحرمة الگتلت رحاب 

رحمة : عفية لا تذكرني والله اخاف الرعب لسه بگلبي 

سجدة :: اخافن زلمة  ولابس عباية حتى يبعد الشبه عنه 

:: لا قامتها قامة مره و تفاصيل جسمها بس جانت حتى وجهه مغطيتي وجفوف كلشي ما مبين منها 

هزت راسها اي و غيرن الموضوع من شافني ضجت 

ابتسمت عنبر تعدل خصلات شعرها منا ومنا حطت وجهه بين قوسين وگالت 

عنبر :: اكولن انا عندي أسرار واحس روحي راح اتمرض لو ما حجيتهن بس ابوي كضاني من اذني حذرني ما احجي اخافن احجيلجن و يغتاظ مني 

ترفة :: هسه يطلعن الأسرار تافهات مثل كل نوبة 

عنبر :: لا والله واحد منهن يخص عمتي خميلة 

انتبهت الها إصالة و فزت كل حواسها تقربت منها بساع بحذر تسئل 

إصالة :: شني السر و شني علاقة خميلة بيه 

تقرين كلهن حاوطنها وهي كيفت تسولف الهن 

عنبر :: مرمر بنت جبران بفاتحة رحاب باكت روحها واجت ع ابوي 

البنات ع نفس الكلمة گالن :: اي 

سكتت تباوع الهم وحدة وحدة وهنه يترقبن منها الخبر رفعت كذلتها بغرور 

عنبر :: توسلن بيه 

ما اشوف اله عمة إصالة نفضت السجينة من بواقي الكيك خلت عنبر طفرت بساع 

عنبر :: راح احجي والله راح احجي 

جرتها إصالة كعدتها يمها وتاشر الها بالسجينة بتهديد واضح 

عنبر :: گالت ع اساس عقد زواج عمتي خميلة موجود عد اختها سليمة و كالت لأبوي راح تجيبه اله بس 

إصالة :: بس شني احجي 

زمت شفايفها مبتسمة و خدودها يصيرن حمر من تخجل 

عنبر :: گالت لأبوي اتزوجني حتى تحمي بناتها من جبران 

إصالة تخربط وضعها من سمعت شي عم اختها بوسط دموعها لاحت ابتسامة ع ثغرها و لمعت عيونها بـ امل 

إصالة :: شوف شلون دمها الطاهر عثرهن سنين و بقت سليمة محتفطة بالعقد حتى يجي يوم و يطلع و يتبرء شرفها 

العلوية بجت خطية هي متعوبة منا و تسمع هيج اخبار.. واصالة گالت تحذر البنات 

إصالة :: ديربالجن هالحجي يطلع من عدجن خاصة فضيلة تره هي صاحبة سليمة تروح تگلها هم بتلفون العقد وهم يأذونها لمرمر 

العلوية :: اي جده حذرن بالكلام حتى بيناتجن لا تسولفن لحد ما مرمر هي تصرف وتجيبه لابو طالب 

بعد سوالف رجعنه للبيت بيبي تمشي و البنات مثل سرب طيور وراها صرت آخر وحدة عيني ع ورشة اشوف بيها ضوه و صوت 

طالع يعني موجود بيها... حسمت أمري راح اعترف اله اني خربت الخشب 

خفت اجيت ارجع ما احس اله واحد لزمني من ورا وايده ع حلگي اصرخ بس صوتي مكتوم جوه كف ايده الخشن رفعت ايده 

اريد اوخر ماگدر خدشت ايده باظافري حيل وهو جرني وياه لجهة الظلمة كلش 

ثبتت رجليَّه بالگاع اقاومة وهو يسحل بيَّه آخر شي ذبيت كل ثگلي ع گاع حتى لا يگدر يجرني بس قوي كلش ايده ما تحركت عن حلگي وبيده الثانية حاوطني من طخت ايده جسمي 

شاغت روحي گمت ارفس برجليَّه الگاع واصرخ فرفحت دفعني حيل دگ ظهري بالحايط وراي احس عظامي تكسرت ايده بعدها ع حلكي صار وجه كدامي ملثم بالشماغ بس عرفته عمهم كزار ومن حجة تأكدت هو 

كزار :: ااشش ما اسمعلج حس 

هزيت راسي اي رفع راسه يباوع منا ومنا واني دفعته بكل حيل باقي بيَّه وهو عبالك جبل يا يهتز 

:: ما اريدن اذيج بس احجي وياج چم كلمة و امشي 

بلعت ريكي يابس وايده صايرة ع حلكي و خشمي كوة اجر النفس

:: غفار الگتلها مو وانتِ متسترة عليه تگولين حرمة حتى تضعين 

عرفت يقصد بكلامه زوجته رحاب هزيت لا 

العرگ اخذني بعز البرد واحس روحي واكفة بوسط جمر حامي ويلهب عليَّه خرمشت عيونه باديّه صاح بوجع من ارتخت 

ايده عضيته حيل وصرخت بـ اسمه بعلىّ صوتي 

أطرافي بدت تنمل مثل دود ملتم ع جلدي جمعت كل قوتي و تجيت ع كاع اريد انهض ما احس الا ايده ع رجلي جرني حيل سحلني للگاع و خنگني 

كزار :: بأجر تمشين وياي تگولين لضابط غفار الگتلها 

رجليَّه گامت تحفر بالتراب اريدن و عيوني گامت تنسد لوحدها جفلت من حسيت بحرورة الدم ع وجهي و كزار ابتعد عني 

يصرخ بوجع شهگت اجر النفس صارت عيني ع كزار ع ايده جرح عميق كلش العظم طالع منها و قامة بصفه واكعة

#في_ذمة_الغريب 

#بقلمي_الكاتبة_كنوز 

#الجزء١٦......... #القسم٢

براءة :: طبينه البيت نزعت عباتي اريدن اعلگها التفتت وراي البنات كلهن دخلن الا رحمة مالها أثر 

براءة :: جا وين رحمة موش جانت تمشي ورانه 

ترفة :: جانت مبين عليها نعسانة اخافن طبت جدامنه بدون ما نشوفها ونامت 

طبيت جوه ادور حجرة حجرة 

سجدة :: لا انا طبيت أول وحدة ما شفتها طبت 

كلام سجدة زاد قلقلي سمعت صرخة حتى نقالي طاح من ايدي... صوتها صرت اعرفنه و اميزه انا مغمضة ركضت و البنات ع ركضتي وحدة تسبگ الآخرة 

گريب الورشة رحمة گاعدة ع تراب وجهة كله دم و عمي كزار ايده باقية ع شعرة و تنگطم عمار گاعد يمه يلف بيها بالشماغ و غفار كوه كاضينه جراح وعون يريد يگتله 

عفتهم ركضت ع رحمة جريت رداني لجف أيدي امسح الدم عن وجهة و عيوني تدور ع جرح اللي طلع كل هل دم منه 

براءة :: رحمة منين هذا الدم ياهو عورج 

ترجف سنونها يطگن ناس بناس و تمسح بوجهه حيل زلغته زلغ زحفت لساگية تشيل ماي وتغسل بوجهه حيل بحركات هسترية بلا وعي 

غرگت روحها ماي ثوبها تبربع عمة إصالة حضنتها حيل تهدأ بيها ومن عمار راد يشيل ابوه ياخذه للمستشفى تخبل غفار يدفع بيهم حتى يعوفونه ويصيح 

غفار :: ما ياخذه و دم المظلوم ما ياخذه اروحن ورا للمستشفى واگتلنه 

جراح :: كافي شبيك تخبلت 

:: اي تخبلت اگلهم لا تاذونهم من تجيسونها تجيسون گلبي يجي النذل يخنگها 

شهگت من سمعت الصار منه و عمي ابو طالب ساعد عمار يصعد ابوه بالسيارة موش علموده بس لأجل غفار لا لا يلوث ايده بدمه 

البنات خطية كلهن محاوطات رحمة هاي اللي تسندها وهاي تعدل حجابها وتغطي شعرها و هذيج اللي ركضت للبيت جابت الها ماي تشربها 

عباتها كلها ماي و طين صارت حطيت ع راسها غيرهاو اخذناها للبيت 

گاعدة و ترجف برد مدري خوف اجه غفار من داير ظهر النه ويحجي 

:: اريدن احجي وياها براءة 

البت عبالك بغير عالم گاعدة و تنود بس تهتز بحركات رتيبة 

:: موش هسه غفار البت تعبانة خل ترتاح 

:: شمالها اخذنها المستسفى 

:: ما اظن يحتاج انت روح هسه واذا صار شي اصحيلك 

راح و القلق مرسوم ع ملامح وجهة و رجع يسرق نظرات الها من الباب يريد بس يلمحها و يتطمن عنها 

كومتها عمتي إصالة اخذتها للحمام و علكت الها ثوب و حاولي 

إصالة :: هاي كاسرت الج ماي دافي اسبحي عمة هسه ترتاحين 

هزت راسها بلا كلام عيونها ضايعة بس تدور بمحاجرها سدت الباب اسمع صوت الماي وانا بقيت واكفة الها بالباب لايصير الها شي 

براءة :: مو جن تأخرت البت مريضة اخافن طاحت صار الها شي 

سجدة :: شو دكي عليها الباب من يمج 

دكيت الباب ع كيف حتى لا اخوها 

براءة :: رحمة بيج شي تردين ادخل اساعدج 

سمعت صوت حركة و انفتح الباب طلعت تلگيتها كعدتها ع كرسي واخذت الخاولي انشف شعرها اجت جدة 

اشرتلي ابتعدت وكفت وراها عدها مشط خشب كضت شعرها تسرح بيه خصلة خصلة 

رحمة :: لا بيبي خطية انتِ تعبانة وين بيج حيل 

ضحكت الها جدة 

العلوية :: تعبج راحة حبوبة گعدي هو خلصت 

الحمد لله جدة طلعتها من دوامة تفكيرها وخلتها تسولف كملت جدة ظفرت الها كصيبة وحطت ايدها ع راسها تقرا الها آيات قران 

جابت ترفة الصوبة ترستها نفط شعلتها كعدنه كلنا سويت جاي و سجدة طلعت كليجة كوه خليتها تاكل و البنات يسولفن وعمتي إصالة عاينت لنقالها من وصلتها رسالة من غفار و نشدتها 

إصالة :: شراد منج خو ما سوالج شي 

انتبهت رحمة لسؤالها جرت نفس قوي و عافت الكليجة اللي بيدها عيونها حمر و مدمعة 

:: رادني اروح وياه اشهد ان غفار هو قتل رحاب 

طكت عنبر ايد بالآخرة بحرگة گلب 

عنبر :: وعلي موش بحال حرمته كل همه يسجن غفار كره امس كل يوم يكبر 

دزلي غفار رسائل طلعت اشوفنه ماله أثر فتحت باب الحوش جانوا مجتمعين بره وشاعلين نار من سمع صوت الباب اجاني بساع 

:: هاا تريدون شي اسويلكم شي تكلونه 

:: لا ما نريد بس هاي شسمها شلون صارت خو ما اجتها نوبة 

:: لا حبوبة قرت الها قران وهاي كاعدة شحلاتها البنات يمها 

انقشع عنه القلق تنهد مرتاح شوية و تعكرت ملامحه بغضب 

:: ما كالت شراد منها هل سگط خو ما جاسها 

:: عمتي إصالة نشدتها رايدها تشهد انت گتلت رحاب 

صم قبضة ايده بغضب اشرلي ادخل 

:: خوش يله طبي... براءة 

گبل لا اطبگ الباب نده اسمي التفتت اله 

:: عود عينج عليها البت أمانة يمنه 

أشرت اله بعيوني الاثنين تگرب حباني من راسي و رد يم الولد رجعت اسمع صوت رحمة تسولف والله طلعن بنات هاشم موش گليلات هل طلعنها من خوفها 

رحمة :: هو انتوا حياتكم هيج من زمان لو اني مغناطيس مشاكل و جذبتها الكم 

إصالة :: لا حبيبة انتِ شعليج هي بيوتنه هيج وين الهرجة أبيت العرجة من ورا كزار و جبران 

عنبر :: اصلا والله من طبيتي بيتنه صارت بيه روح و الوان زاهية تخبلين وين اكو منج اصلا

ترفة :: والله من شفتج شفت الخير كله حتى اخوي راح يطلع من السجن 

دكدكت سجدة ع رجلها تبتسم الها رغم هي تخاف من عصبية سجدة بس انتبهت تميل الها أكثر شي حتى من تكعد يمها احسها تأمن

والدليل هسه عافت الكل و كعدت حذاها تسولف 

رحمة :: لعد رحاب الها سنين عايش ما لگوا يقتلوها اله گدام عيني صح اني بالمستشفى و يموتون ناس و نشوف أهلهم شلون ينفجعون ... نبجي وياهم و نهون عليهم بس مال شخص ينذبح كدامي صعبة ما يتحملها عقل 

ترفة :: حكج والله 

رحمة :: وهذا كزار حسب كلامكم جبان مالگه يطلع عضلاته الا عليَّه وتعالي قسمي بالقرآن جذب شنو شايفني كافرة زنديقى 

ترفة :: حكج والله 

ندارت ع سجدة تعابتها 

:: وهذا اخوج ما كلف نفسه ياخذه بعيد عني و يضربه لا الا يخلي طفار دمه ع وجهي

:: شوفيها من الجانب الزين عمي كزار بعد السوا غفار اله صارتله جرة اذن بعد للموت يحرم يتكرب الج 

رحمة ::تعبت اني والله جانت حياتي حلوة اتعس شي يصرلي ابو التفال يكتب بيه مطالعة بو لفت نظر 

براءة :: حكج والله بس ياهو هذا ابو التفال اخلي غفار يطكه شلون يكتبلج لفت نظر 

رحمة :: ليش احسجن جاي تضحكن عليّه 

براؤة :: لا والله شلون نضحك عليج بس نريد نهون عليج خو ما نكعد نبجي و نزيدها عليج 

رحمة :: تعبت والله گلبي يوجعني اريد ارتاح كلشي ما اريد بس أمان لهدرجة مل استحق اعيش بأمان 

إصالة :: تره كزار بس صوت عالي لا يهش ولا ينش شافج فقيرة گال خل اسوي زلمة عليها 

بقن يسولفن وياها لحد ما تحسن وضعها صات الساعة فوك الاثنعش وحدة نامت ورا الثانية نعست كلها عيوني كامت تنسد بس 

ما أكدر انامن وهي كاعدة اشرتلي سجدة انامن ز صدك غفيت و فزيت لگيتها نايمة و سجدة مغطيتها رجعت نمت 

رحمة :: احس روحي راح اتخيل باقي بيني و بين الجنون شعرة... طيبة و ذنبها لسه ياكل بروحي.... مشهد قتل رحاب مثل شريط كلنا يخلص يتكرر... و ختمها كزار و دمه لسه احس بحرورته ع وجهي 

نايمة و احس واحد يلزمني من رجلي افز البنات كلهن نايمات زحت البطانية اريد اطلع سجدة نومها كلش خفيف 

:: هاا رحمة شبيج اشوفنج موش ع بعضج 

:: لا مابية شي كايمة اشرب مي واجي 

طلعت شربت مي افتر بالهول اريد اتعب روحي حتى انام طلعت للحديقة گمزت من طلع جهة الحديقة الطلمة 

:: بسم الله الرحمن الرحيم هو هيج تطلع بدون صوت يبستني بدمي 

:: ليش بره فوتي جوه لا يجسج برد 

:: اريد اتمشى 

:: تتمشين بهل وكت 

:: اممم 

:: بيج شي انتِ اكيد 

كعدت ع كرويتة الخشب لامة رجلية بداخلي شعور كئيب و مخربط حجيت اله 

:: ما ادري خايفة احس اكو حفرة بصدري مليانة خوف حتى من اريد اقرا ايات نص الآية و اتيه و يضيع فكري... عقلي مشتت... طيبة و رحاب.. نزار حتى كزار يطاردونيبأحلامي 

كعد بعيد عني شوية يستمع اللي بكل تركيز ما قاطعني ابد أكو فاتية بالكرويتة فتحها طلع ورقة بيضة و بدا يكتب عليها مديت راسي اباوع شوية خلص طبگها و مدها اللي 

:: خليها جوه راسج 

فتحتها قريتها ايات السكينة حسب ما هو كال... خط حلو واضح و مرتب وگلت 

:: واذا ما نمت 

نهض من مكانه يعيد القلم لجيبه باوع لجهة شباك الغرفة يطل ع حديقة وگال 

:: نامي يم الشباج وانا راح اكعد هنا اقرالج قران لحد ما تنامين 

ردت ابقى اتحرك لحد ما اهلك جسمي واتعب ونام بس استحيت منه طبيت شلت فراشي خليته يم الشباك وفتحت فردة منه شفته صدك توضى و بيده قرآن 

خلى كرسي ع حايط بظهر الشباك وگعد يقرا قران  عقلي 

مره يركز وياه مرة اتشتت لحد ما عيوني بدت تنغلق و غفيت وهنا أيقنت 

الا بذكر الله تطمن القلوب 

عنبر :: واگفة جدام المرايا اريدن الف شالي مثل البنات ما يصير كلما الفه يصير مرعبل عين ساعة وين ع مرايا 

الوگت راح التوتر خلاني ما اعرف اسوي بعد لفيته شلون ما جان نداريت ع ابوي جان منزل الكتب من الرفوف و يمسح الخشب 

عنبر :: بوية شلونه حجابي عدل 

ابو طالب :: اي بوية كلش زين 

صديت براسي ع مرايا مبوزة شفايفي ما مقتنعة احسن بيه شي غلط 

:: متأكد بوية شو اشوفنه اعوج 

ترك اللي بيده واجاني وگف جدامي وعدل أطراف الشال منا ومنا و جره من فوگ نزله أكثر 

:: هسه صار عدل عايني بله بالمرايا 

عاينت صدك حتى وجهي أحسنه صار حلو بيه نور يمكن من ايد ابوي جي عنده عمامة... جراح واكفلي بالباب يدك هورن ثبرني لبست عباتي واخذت جنطتي وصلت باب الحوش و رجعت اركض 

:: هاا بوية نسيتي شي 

هزيت راسي لا كضيت جف ايده مسحت بيه وجهي و ع راسي 

:: ايدك عافية هلبت الله و ينفتح دماغي عين اليه يومين شما اقرا يطب منا يطلع منا 

ابتسم اللي ايد ورا راسي گرب وجهي حباني من گصتي و طلع فلوس حط بيدي 

جراح :: لو متأخرة بعد دقيقة اعوفج و امشي 

عنبر :: موش اجازة وين تريد تمشي 

ما رد عليه انتبهت عليه باله موش يمي اصلاً عيونه اتابع عون من دخل بيتهم بوجه ما يتفسر اخذ سلاح و طلع ع دراجة 

و علي ركض لبيتهم هم اخذ سلاح و صعد ورا و راحوا 

:: نزلي بساع خل ابوي يوصلج 

:: شني ابوي يـ... 

:: عنبررررر نززززلي

نتر بيه بصوت عالي و عيونه ع طريق الراحوا منه نزلت بساع وانا ادردم 

:: تهدالي اذا ما گلت لأبوي عليك 

ما سمعني اصلا بساع شخط السيارة وبس العجاجة ورا

رفعت أيدي اعاين الساعة بـ ثمانية وعشرة عود اوصل و احصل رزالة من المديرة 

رجعت كطفت جنطتي من ورا الباب ع حوش.. تذكرت ابوي موجود 

:: بوية الحك عون و علي خذوا تفگ ومدري وين راحوا 

:: اكيد لخواله راح 

گالها وبيده القرآن مسحه غلافه حباه و خلى ع گصته و رجعه بكل تقدير لمجانه ع رف اخذ محفظته و طلع وراهم 

وانا ركضت لبيت عمي حاكم دفعت الباب بكل حيلي و طبيت عليهم فضيلة گاعدة بالحوش تندف گطن تريد تسوي مخدة فزت ذيج الفزة ما درت الها بال 

دورت ع البنات بعيوني لجحت سجدة گاعدة حدر شجرة السدر تطرز جفية بيضة 

عنبر :: ولج سجدة لحكي عون و علي خذوا سلاح و مشوا 

هبت فضيلة من مجانها و سجدة جرت عبايتها و طلعت للبستان 

عنبر :: وين تلحكين بيهم مشوا يمشون مية والف و جراح مشه وراهم حتى ابوي راح 

اتصلت ع غفار تنطي خبر كعدنه وحدة صافنة بوجه الآخرة و فضيلة مثل المحرم بينه ما نگدر نحجي يمها شي 

ربع ساعة واجه غفار حضر توثية جبير و كعد جدام الباب ينتظر علي و يتوعد اله جي محذره ما يكض سلاح 

غفار :: اذا ما كسرتهن لرجلية اليوم و خليتهن كلايد بركبته انا معتب 

بيده نقاله يخابر عليهم يريد واحد يريد حتى يعرف وين راحوا شوية و رد عليه جراح ومثل ما توقع ابوي طلع صدك ماشي لخواله اخذ سلاح وراح وراهم 

طكت فضيلة ايد بالثانية بحسرة 

فضيلة ::عرفته والله و كتلهم ما دام السالفة بيها عون يعني لخواله بسد محد صدگتي 

عون جزعت روحه يتوسل بخواله حتى يدلونه مجان امه وين وما يرضون بحجة زلمتها ما يقبل احد يوصلهم هل مشه الهم بالسلاح هل مرة ،،، فضيلة طلعت بنص البيت وكفت و ذبت شيلتها و رافعة راسها للسما 

فضيلة :: اريدنك يا عون يا ابن كون تحير الأطباء بيك منين تروفك 

موش محبة بـ علي بس هي تبغض عون هل تتصيد الفرص حتى تدعي عليه لو تحرض الوادم عليه 

ويا حاجيتها طلع جدي من الديوانية بيده عباته طاويها و مخليها ع جتفه ،،سمع كلامها شلون تدعي ع عزيز گلبه شال عوجيته و دگ ع ايدها و ظهرها حيل صكت ع سنونها بوجع تكتم آلمها و جدي رفع اصبعه جدام وجهة بتحذير 

هاشم :: هل النوبة تجرأتي و رفعتي ايدج و دعيتي عليه نوبة الآخرة ما اخلي الج لا ايد و لا لسان تدعين بيهن اخذي حذرج مني فضيلة الكون كله بجفة و عون لوحده بجفة 

سكتت فضيلة زامة شفايفها مغتاظة و تمرغ بذراعها بوجع يمه فد ارتاحيت من طكها جدي دوم اشوفنها تطك سجدة و براءة و تذب حجي يسمم الگلب حتى ترفة و رحمة ما سلمن من شرها 

هوسة و ناس تروح و ناس ترد اجه جراح دخل لحجرة علي انشده شكو ما يرضه يحجي يمي سجدة دفعتها حتى تروح ورا 

عنبر :: بروح أبوج گلبي راح يطك اذا ما عرفت شصار امشي بساع گبل لا يمشي فوتي نشدي 

:: ميلي عني عنبر اخوج لو يبقى اخر واحد بالدنيا ما انشدنه 

كوه خليتها تفوت ورا للحجرة و شو هذا اخوي طبگ الباب عليهم عزا شراح يسوي طمغت اذاني ع باب حتى اسمع

ماكو لا حس ولا نفس ركضت درت ورا البيت تصميم بيت عمي حاكم شبابيج الغرف كلها ع ترك و الحديقة ركضت اعاين الهم من الشباج

بيده هوية علي خلاها ع مكتبة ابتسم و مشه خطوات محسوبة صوبها عگدت سجدة جبينها متعصبة 

:: شكو سديت الباب افتحه 

مسح ع شواربة و ع ثغرة ابتسامة خبث وهي عصرت ثوبها بجفوفها حيل من كال 

:: حتى ناخذ راحتنا 

عكدت مابين حواجبها تغير الموضوع وبصوت حاد نشدته 

:: شكو شصاير ليش اخذت هوية علي 

:: اكلج بس بشرط 

دارت وجهة تريد تطلع كضاها من ايدها ومنين ما تريد تطلع يسد الدرب عليها اشر ع طرف إصبعه

:: شرط صغيرون هلكدوته بس 

:: لا 

جان الرفض سابگ كلشي عدها حتى گبل لا تسمع كلامه ترفض 

:: ما تردين تعرفين ابن اخوج اللي مربيته ع ايدج و يسميج يمه شماله و شجراله 

;: لا اول وتالي يردون و اعرف 

:: احتمال ما يرد الليلة 

:: ليش 

:: نفذي شرطي و اكولن الج ليش 

سكتت وهو زاح طرف شالها شوية وبعدها وكع ع جتافها عيوني نزلت ع اديها شلون ترتجف وتعصر بثوبها حيل 

رفع ايده ع شعرها الگصير كلش گرب وجه منها كلش وهي حشرت نفسها بين الحايط و المكتبة 

نزل وجه ع رگبتها جر نفس قوي وهمس بصوت هيمان 

:: ااخ يا عطرج چن مسچ بهدومج مطبگ 

بلعت ريگها بتوتر دفعته رافعة إصبعها بتحذير بوجه

:: احترم نفسك جراح واعرف نفسك انت وين لا تتمادى 

رفع حاحبه الها چن يكول الها ما يهمني رجع تگرب وگبل لا يطخها طگته راشدي.. رفعت ايدي اغطي حلگي شاهگة 

:: گتلك لا تتكرب اللي ليش ما تفهم ليش كلكم تردون تجبروني ع شي ما اريدنه 

:: شنهي سالفتج سجدة كلما اجيسج وجسمج كله يرجف وحتى النفس كوه تجرينه بعد 

:: شتريد يعني اقدملك نفسي قبل العرس لهدرجة رخيصة عندك انا 

:: لا انت رخيصة ولا انا حيوان حتى اسويها وياج بس انتِ ما منتبه ع نفسج ايدج ما تخليني اجيسها حتى من احجي وياج الخوف ماخذج 

:: هاي انا هيج وهذا طبعي ما تريدني طلگ و روح شوف دربك 

تكرب الها نقر ب إصبعه ع صدغها

:: طلاگ ما اطلگ فتل و طلعي من اذنج ما يفرگ بينه غير الموت سجدة فهمتي 

اخذ هوية علي و طلع وهي لطمت ع وجهه حيل و انهارت طايح ع كاع تبجي ركضت درت الها ربعت جدامها حايرة شلون اروفها گمت ابجي وياها 

:: سجدة شمالج لا تبجين عليج الله والله گلبي ينمرد من اشوفنج تبجين 

مسحت دموعها بطارف اردانها 

:: مابيه شي 

:: والله بس يجي ابوي اگله عليه شوفي شيسوي بيه هسه 

:: لا لا تگولين لاحد مشاكل تصير بين كل اثنين 

ما قبلت اگولن لأبوي ظلينه ننتظر و ساعة تجر ساعة للمغرب و صارت هوسة بره و ندكت الباب حيل حتى الحديد ملتها كام يهتز عبالك تريد توكع انخبصت ماعرفت شحط ع راسي ولا انطوني مجال ادخل اجيبن شي نشت هالقاسمة الله من الحبل خليته ع راسي 

و ركضت گبل لا افتح الباب ما اشوفم اله علي فوك راسي طفر الباب ردت افتح الباب جراني من ايدي 

علي :: لااا لاا ديربالج تفتحينها 

عنبر :: ليش 

يلهث بانفاسه وايده ع صدره ينهج يجر النفس كوه ويهز راسه لا،،، بس ما خايف بالعكس يضحك مستمتع فزيت ع الباب من نركعت و صوت غفار صاااح 

غفار :: افتح الباب لا اكسرها ع راسك علي 

علي :: عمي بس اهدا وخل نتفاهم 

غفار :: ولك انا تخليني اتوسل بيهم حتى يتنازلون عنك اليوم اصلخ جلدك عن عظمك 

شفت علي شفته صارت زرگة يضرب بقضبة ايده ع صدره حتى يتنفس طلعت سجدة تركض لابسة جادر الصلاة 

سجدة :: شنهي هذا الدك حتى صلاة ماعرفت اصلي ولا دريت بروحي شحجيت 

طاح علي ع ركبه گلب عيونه و شخطة تطلع من صدره قوية ويا كل جرة نفس و سجدة قطعت كلامها اجته تركض 

سجدة :: علي يمه شمالك انتفس اخذ نفس ولج ركضي جيبي البخاااخ 

انشدهت ماعرفت بعد شسوي و غفار من سمع طفر من فوك الباب ورا جراح و عون محد فتح الباب و دخلوا لا كلهم طفروا 

ركضت لحجرة علي ادور بين غراضة فتحت كل الفاتيات ماكو صوت غفار وهو يصيح زاد ارتباكي 

عنبر :: ولج براءة تعاليلي وين البخاخ حاطي 

اجتني براءة تركض فتحت جنطة سجدة طلعت منها واحد وركضت الهم واني وراها طايرة راس علي بحجر غفار رأيحة روحه 

لكيت عون منطي البخاخ مالته... أكثر من مرة ياله بده الدم يرجع لوجه اعاين لـ غفار وجه مخطوف و يمسح ع صدره 

كلها ع اعصابها متجنشة بس من رجع علي يتنفس طبيعي صار هدوء جريت نفس براحة كلبي يدك من الركض 

كومه غفار سانده بروحه موش بيده يموت ولا يصير لعلي شي... دخلوا جوه جبت الهم ماي و عون گاعد ومخلي راسه بين اديه كأن ثگل الدنيا كلها طايح ع جتافه

علي صار زين بس سوا نفسه بعده تعبان ومريض حتى لا يحصل گتله و غفار يتكرضم وكل شوية صايح 

غفار :: ولك لو مصوبينك لو جاية جيلة بگلبك شكول انا لابوك بيا وجه اوكف جدام گبره وانا ما صاين أمانته 

رفع راسه عون يحجي وياه حتى يهدا بس صار العكس ذب نفط فوگ النار 

عون :: انا جنت واكف جدامه 

ندار عليه غفار و عيونه نطت من الغضب زمخ بيه 

غفار :: و انت يا المثقف يا الما تجيس السلاح صانعينك من حديد ما تفويت بيك الجيلة وانا ما ادري 

جراح :: ثنين هادين ع سلف كامل بس اريدن اعرف شايلن عقل براسكم لو تنك 

علي :: تنك 

خزره غفار سوه نفس يكح و رجع مدد بحضن سجدة ويصيح راح اموتن عمة 

اجه جدي گايد جدة مخلي جف بجفها و يمشي ع ممشاها مدري شهمس يم اذنها ابتسمت من دخل الديوانية تبدلت ملامحة كلها قسوة و رهبة كال بصوت مغتاض يعاتب عون 

هاشم :: انت شعندك مشيت الهم موش گتلك الم كبار السلف و نحول ع شيخهم حتى يجبرهم ينطونك العنوان 

عون : :وينك حاير بين الكاع و بين طلايب كزار 

هاشم :: تصبر لحد ما انا احلها هاي أخر نوبة تصرف من كيفك عون 

انتفض عون يصيح محروك گلبه 

عون :: شوكت اشوفنها ما تكلي مو راح اموت وانا ما شايف امي لك حتى صورة الها ما عندي الها اشوفنها بدرب  ما اعرفها 

نزلت دمعته گام اله غفار بساع لمه لحضنه و جراح أشر نطلع گبل لا اطلع عاين الي مقلص عيونه اجه بساع فاتح عيونه ع وسعهن راجعت كل يومي ما مسوية غلط شبي هذا 

اجيت اشرد كضاني من ايدي احس اصابعة طكت بالعظم كد ما ضاغط 

جراح :: ولج طركاعة هاي شمخلية ع راسج اليوم اجنزج وعلي من الصبح انا متحلف الج 

كضيت طرف الهدمة اللي مخليتها ع راسي قماش احمر لماع دفعني بره الديوانية و طبك الباب بوجهي يهز راسه بتوعد انا الج 

جريت الهدمة طلعت اتك فضيلة عزززا صخام  شمرته بساع ع حبل خليته حدر الدشداشة و خذت شال لبسته حرمة ارملة شعندج تلبسين احمر و النوب لماع 

تذكرت عون شلون بجه نزلت دمعتي عليه ما اتحمل اشوفن زلمة يبجي 

عنبر :: جلاب والله لوعوا گلبه ليش ما ينطونه عنوانها و يفضونها 

براءة : هسه جدي و غفار يضغطون عليهم و يحلونها 

:: تمنيت يوم واحد اصيرن زلمة بيناتنا العباس ابو فاضل اخلي الدم لرجاب و اجيبن اله عنوانها 

:: لصمي حلكج لا يسمعج جراح و يخلي دمج لرجاب 

عبست و كمت خليت اذنب ع باب حتى اسمع ما افرزن الكلام نداريت ع براءة گاعدة تلگط خضرة

عنبر :: كسر صف من ضلوعي من نزلت دمعته ولج هاي امه براءة تعرفين شنهي ما شايف امه ابد من بطنها لايد جدة حتى حليبها ما ضاگة 

:: اعرف والله شبيدي عليه موش جدام عينج جدي ما خلى شي ما سوا وكل مرة يطلعون بحجة اله نوبة زلمتها ما يقبل ابنها يروح الهم نوبة طلعوا للخارج وكله جذب 

قطع كلامنه من طلعوا من الديوانية عون هادئ و غفار محاوط جتفه و يحجي وياه يوعده يساعده حتى خواله ينطونه عنوان امه 

انتبهت ع جراح عيونه بالنقال و ضحك 

جراح :: يگلك مطلعين مالك من الدورة العسكرية بالقندرة 

عون :: اي سمعت فاصلينه خلة بالشرف 

عكد جدي جبينه و تلقائياً راحت عيونه ع غفار لمعت عيونه بفخر 

هاشم :: جا موش گلت ما اتكرب الها هل ايام 

غفار :: صارت رگابهم بيدي لو اسحگ ع راس جبيرهم ما يفكون حلوكهم بحرف 

طلع جراح ورقة من جيبه يشوفها الهم وكال 

جراح :: صدك اجاني بلاغ لازم اروحن انطي إفادة ع جريمة گتل رحاب وانتم اجاكم شي 

عون :: اي انا هم لگيت المبلغ حاط ورقة التبليغ الي بالباب 

طلع جايهم كلهم بلاغ حتى يرحون ينطون إفادة 

رحمة :: الحمد لله من كعدت منتهي كلشي و هدوء وأخيرا يوم طبيعي ريحة الاكل من المطبخ تفوح و العصافير ملتمة بالشجرة من جلجل الليل 

نسمات هوى حلوة تهب احاول اتناسى كلشي ووامحي كل صورة بيها دم من ذاكرتي 

الباب مفتوح لمحته بيده صوندة يسحب نفط من البرميل يملي جليكانات و يردد ع لسانه 

_ تلكيني انا يمج ابوس ايدج و اكلمج 

_ اوفي وياج الوعود اوفي وياج الوعود 

_ ما مات اليكفلج ولا عاش اليزعلج 

_ راسي برمحه موجود راسي برمحه موجود 

ابتعد صار بعيد عن ناظري مشيت اتقرب للباب شفته مگبص يم الساگية غسل اديه و توضه وضوء كامل و رجع بساع ختلت ورا الباب سمعته يخابر 

:: هلا جبران شلونك شفتك ما تتصل كلت اخابر انا انشد ع أحوالك 

سكت يستمع لطرف الثاني واني اباوع اله من شگ الباب ضحك ضحكة ماكرة اول مرة المحها ع ثغرة

غفار :: اگولن جبران موجود انت بالبستان....... سكت شوية ينتظر و گال... جا خوش انا جاي احرك كيعانكم حتى لا باجر تطلع حجي اجه ومامش زلمة موجود لو تگول اخذتني غفل انا حركات الغدر موش بقاموسي 

سد الاتصال وهسه فهمت ع شنو ترس الجلكانات نفط حطهن البدي وشغل السيارة 

:: شجاي تسوين ولج 

كمزت من مكاني من عنبر مدت اديها عود تخوفني بالشقة وهو اني صايرة من ظلي اخاف 

رحمة :: ولج هو اني باقي بين وبين الجنون شعرة و راح تنگطع ع ايدج 

:: لا تخافين اذا تسودنتي اخلي ابوي يقرا ع راسج 

غسلت وجهي و شربت مي وهي باوعت من الباب ع بستان 

:: جا وين غفار ودوني اصيحن الكم ع عشه 

:: سمعته يكول لهذا جبران الجلب راح احرك بستانك 

:: جذاااابة 

:: والله شبيج 

ركضت بساع جابت عباية خلتها ع راسها و الثانية بيدها 

شمرتها عليه تستعجلي 

عنبر :: بساع بساع لبسي هم ياله نلحگ 

:: وين تردين ما اطلع اني بعد التوبة 

:: عليج الله رحمة اريدن سبق صحفي الي 

:: سبق شنوووو

ما انطتني مجال اخذت العباية بيدها خلتها ع راسي و سحولتني وياها بستان جبران مسافة بعيدة عنهم وصلنه لمحت سيارته واكفة وهو صاعد عن نخلة فوك خلى جلگان النفط بالبلة ونزل 

عنبر راق الها الوضع طلعت موبايلها تصور وهو رجع لسيارته طلع رشاشة شكلها حلوة رفعها صوب ع جلكان انفجر و النار نزلت ع البستان گام ياخذ شوية شوية 

نزل سلاحه و مشه وين حاطين كاميرات نزع لثامة يشوفهم نفسه واحه ارتجى ع مقدمة السيارة اجوا 

جبران و حفيدة يركضون 

غفار :: هاي حتى تصوير صار عندك وانا احرگ البستان واذا انت زلمة سلمه لشرطة 

راد يهجم عليه حفيده لزمه جبران مانعة مبين لازم عليهم لزمة ولهذا السبب سكتوا 

جرتني عنبر تمشي تهف وياه ما وصلنه طشت الخبر هي فرحانة هذة المرة هي نالت شرف نقل الخبر 

براءة :: ورا العشه غفار گالي ارتب الديوانية واسوي جاي طبيت نظفتها رغم هي نظيفة و شعلت بخور هم النوبة خدرت الجاي و حضرت ضيافة كاملة 

اجوا اهل رحمة وهي ما تدري صاحت الها سجدة اخذتها الديوانية من شافت ابوها خطية فحطت بجي شابگته ما تهده 

واحنه نعاين الهم من الشباج حضنت اخوانها وشالت اخوها الصغير تبوس بيه وتشمه 

رحمة :: لعد رانيا وين ليش ما اجت وياكم 

أخذها ابوها من ايدها گعدها يمه عيونه ما ترمش عنها الاشتياق و اللهفة حتى بكلامه واضح الها 

ابراهيم :: طلعت حاسبه غلط مخلصة شهرها وما تدري و البارحة دخلوها عملية طارئة 

رحمة :: صدك ولدت شلونها و الطفلة زينة 

طلع اخوها اللي بعمر علي نقال يراويها صورة الطفلة تباوع الها و تبجي وانا دموعي نزلت الله لا يحرم بت من ابوها 

رحت للمطبخ صبيت جاي و طلعت اريد انطيها لغفار لگيته گاعد بره هو و اخوها يعاتبه ليش ما گال اله الحقيقة 

عگدت جبيني اي حقيقة يقصد وبعدها نشده 

غفار :: وهسه شصار من رحتوا الهم 

عروة :: رحنه الهم مرتين حتى نگلة شيوخ من غير عشاير اخذنه الهم قافلين و اول البارحة انطونه مهلة لو نسلمها لو يهدرون دمها

غفار :: يخسون يلوحنها و دم المظلوم اليوصل لهنا اطكه صواب اخلي دمه بطوله 

عروة :: اعرفك صاحب نخوة وما تقصر من هيج محد اجه أبالي وگتها غيرك 

غفار :: ان شاء الله تنحل لا تشيل هم وانتم اذا ظلوا يضايقونكم بالتفتيش جيب اهلك وتعال هاي بيوتنه جثيرة واكعدوا 

عروة :: ماعدنه شي احنه اهم شي هي تبقى ب امان 

دكدك غفار ع جتفه بدعم لصاحبه اللي گال محروگ دمه 

عروة :: اني ما غاثني الا اهله لنزار جانوا متبرين منه وحتى هي المرحومة ما رايدها چنة الهم من ماتت صاروا يدرون حقوق الها 

عگدت حبيني بعدم فهم... يسلموها لشرطة... والا يهدرون دمها... نفضت راسي ابعد كل هل تفكيرات عني طبعي ما انشد ع شي مضموم الا صاحبه يحجي بيه ولا ادور ورا احد 

شافني غفار اجه اخذ مني الضيافة 

گعدت الصبح ترفة لهذا الليل بطوله ما غفت الها عين تتگلب و مبتسمة كل نوبة تسهر قهر و عيونها تصب دمع 

هل نوبة سهرانة من گد الفرح تترقب الصبح چن مؤمن تبوأ قصر بالجنة وكل ساعة ينادي ربه... ربي اقم الساعة 

هذا حالها وهي كل شوية تشيل البردة تشوف طر الصبح لو بعده 

وياه ما لاح الخط الأبيض بالسما ركضت للحمام غسلت و طلعت مشطت شعرها وجدة سوت الها گصيبة گعدت يم الكنتور نبشت علاكتها مال ملابس و عبست 

ترفة :: ماعندي ثوب حلو اتلگاه بيه 

براءة :: ليش موش غفار كلما يجيب النه ثياب يحسب حسابج ويانه 

ترفة :: عمار هذاك اليوم لماهن كلهن و حرگهن 

وكفت حايرة هي ناعمة كلش قياسها موش گريب قياسنه شافت سجدة حزنها 

سجدة :: خل شوية يفتح ااسوگ واخلي غفار ياخذنه نشتري الج 

ترفة :: مغتاظ مني غفار من امس ما ياخذني 

سجدة :: خل يسمعج حتى يجي يطكج بعد 

سكتت فرحانة تلوب ما تعرف تركد بمجان حتى ريوكها اكلته هي واكفة وكل شوية تگول لسجدة يله تأخرنا 

و صدم اخذهن غفار ما تأخروا ساعة ونص واجوا بيدها كومة علاليك فردشتهن وتشيل ثوب ثوب ترفعه جدامنه 

ترفة :: هاا ياهو احلى البسه 

اخذت سجدة ثوب ابيض و نقشته ورگ صغار بـ لون كحلي  فتحة الصدر جاية مربع و الحافة دانتيل و الردن هم بـ لون كحلي و ع معصم كشكش 

سجدة :: هذا احلى واحد و شوفي البنات شيكولن 

رحمة :: اني هم اختار هذا حتى لاگ عليج عبالك مصمم الج 

إصالة :: والله عمة انتِ شتلبسين يلوگ الج 

دارت بوجه اللي أشرت الها اي ركضت لبسته و اختارينه الها شال كحلي سادة كملت كل شوية تفتح الباب تعاين 

صار الظهر وماكو گعدت بيأس و الدمعة بطارف عينها 

ترفة :: عرفته غفار يجذب عليَّه حتى ابقى كاعدة هنا وما اروحن لـ اهلي 

سجدة :: لا والله ما يجذب عليج حتى انا اعرف و وصيت محامية وياي تمشي باوراقة جي م كدرت اروحن هل الايام 

رجفت شفتها بقهر ما ترضه تصدك طلعت اعاين وياه ما فتحته البار صار هو بوجهي 

وانا ابتسمت موش اله فرحت لترفة وهي 

مسحت عيونها تعاين اله بدون ما تتگرب كل ظنها صورته تتراوه الها

التفتن منا منا تعاين اللي تريدني أأكد الها الجاي تشوفه عيونها صدك هزيت راسي الها اي وهو مشه الها شبگها 

حاوطته بثنين اديها و تبجي تنشده تريد تسمع صوته تريد الجواب منه 

ترفة :: هذا انت فطرس 

ضماها لصدره أكثر يريد يضمها بين ضلوعه ورفع وجه حباها من راسها 

::  اي انا يا روح فطرس 

نزلت دموعي  عليهم والبنات كلهن يعاينن الهم من الشباج وهي كعدت بعد رجليها ما تشيلها و تعتابه 

ترفة ::شلون انطاك گلبك تعوفني هيج ظليت ضايعة بلايك حسيت روحي يتيمه بنيه وبلا ابوها 

فطرس :: اخر مرة ما تنعاد ولا ابتعد عنج بعد 

::  متت وراك والله و الوگت ما يمشي الثانية تمر بدهر بقيت  عايشة ع طيوفك كلما اغمض عيني تجيلي 

رفع راسه ليفوك يمنع دموعه تنزل يسحب نفس قوي 

ترفة :: يا حنين اهلي شلون انطاگ گلبه تعوفني بينهم هيج اذوني كلهم بغيابك اذوني 

:: اشش محد يگدر ياذيج بعد و داعت عيونج راح ابجيهم دم واخليهم يحبون اديج يدورن رضاج 

اجه غفار من شافهم ابتسم بس من التفت اله فطرس غضب بوجه 

غفار :هاي اختك صاغي سليم استلمتها يله أخذها و روايني عرض جتافك 

ضحك اله فطرس گام يريد يسلم عليه غفار فتح ذرعانه اله شبگة 

فطرس :: تطلبني وحدة 

طگه غفار ع جتفه حيل 

غفار :: انجب ما بينه هل سوالف ترفة أخيتي 

خذها لبيتهم و يا فرحتها ذيج الما تنوصف شوية و رجعت طلعت بره طلع وراها مستغرب وهي تبجي 

فطرس :: ترفة شو عاينلي ليش تبجين اذا ع تراب انا اعاونح انظفه وياج 

:: لا موش ع تراب بالعكس فرحانة 

:: جا ليش طلعتي  

:: احسن البيت بعد ما يلمني من كد فرحتي احس صارلي جناح يطخ بالسما 

جر نفس مرتاح عباله بيها شي نظفوا البيت و علياء و ازل وياهم

 ثاني يوم راحوا الولد للمركز ينطون إفادة وجدي راح لفاتحة صارله يومين يروح لأهل الفاتحة والبنات مشن لدوام حتى سجدة رجعت لشغلها حضرت روحي اريد اروح لجامعة 

انفتح الباب و دخل قسيم بغضب 

براءة :: شكو قسيم شو راجع من وگت هل مرة خير 

ما جاوبني عيونه تفتر بالبيت مدري عليمن يدور وگال

قسيم :: وينها هاي

رحمة :: طلعت ملابسي من الغسالة خليتهن بسلة و طلعت اريد أشرهن 

اجاني قسيم بوجه ما يتفسر وگف كدامي أيدي وحدها ترتجف لزمتها بأيدي الثانية اخفي توتري منه 

قسيم :: بشنو متورطة ولج 

سؤاله بنبرة اتهام وحدي واگفه گدامه بلعت ريكي بغصة ماعرف شحجي وشگول احجي الحقيقة لو اكذب عليه وهو اصلا من سؤاله مبين عرف كلشي 

فزيت من زمخ بيَّ 

قسيم ::  مو احجي وياج ما تردين لو صرتي خرسة هسه 

وكفت براءة بيني وبينه 

براءة :: شكو قسيم شبيك موش عيب تحجي ويا البت هيج 

قسيم :: اش ولا كلمه لا تدخلين انتِ 

دفعها عني و صد عليَّه 

قسيم :: ما تحجين بشني متورطة وجايه لافية هنا

رحمة :: غفار يعرف كلشي 

هز راسه أكثر من مرة بسخرية ضحك تك خد بستهزاء 

قسيم :: و يعرف گاتلة حرمة وعليج القاء قبض و شاردة من القانون 

رحمة :: ما گتلتها والله هي تعبانة واني بس ساعدتها 

لزمني من زندي احس اصابعه طبگت العظم 

قسيم :: ع منو تضحكين ولج اليوم اذا ما خليتج تزوعين شكو عندج انا موش قسيم 

الفصل السابع عشر من هنا