رواية اسود توب الفرح الفصل السادس عشر بقلم خالد أسامه
طلعت الدنيا سوده بعيوني واعصابي صارت نار
شلون بان تكون الغيري هاي عشك كلبي
لا والف لا
بان لو الي لو متصير لحد
نطلقت بالسياره بكل سرعتي حتى شحطت وكبت العجه وراها بس اريد اوصل البيت عمي حتى اشوفها وخليها تفصخ هالخطوبه التافهه
اني اعلمج بان ترفضيني علمود هذا الوسخ راح اشوفج لو اني لو هو
واني احجي ويه حالي وامشي بالسياره واني متعصب وفي لحظه هداءت اشويه وفكرت عدل 🤔
لا ما استعجل هسه بشي هاي بان حقيره من اجبرها ع شي راح اسوي بالعناد خلي احجي وياه ابلطف واشوف ردها احسن قبل لا استعجل
وصلت البيتهم نزلت ودخلت جوه بالاستقبال جان عمي كاعد
شلونك عمي رحت بست راسه
هله بوليدي خالد الحمدلله ع سلامتك يمته جيت
صار ساعه تقريبا رحت سلمت عالاهل ومريت عليكم مشتاق للولد
كل الهلا بيك ابني هذا بيتك
بابا .بان انتهاء سونه جاي
بان .اسمعت بابا يريد جاي استغربت الوكت متاخر المن هالجاي
ما ادري اكو واحد يم ابويه كبل دهلت للاستقبال بدون ما ادك الباب وصار خالد بوجهي نصدمت
هذا شجابه مو مسافر جان
تعاي بنت عمي
هله خالد الحمدلله ع سلامتك
ربي يسلمج
مبروك الخطوبه
اشكرك
واشرلي بعينه فد اشاره مفهمت منها شي عفته وطلعت اسوي جاي
انتهاء .بان متو يمنه
خالد
هاي شنو شوكت رجع
بان ..يكول اليوم
انتهاء..وهاي كبل يجي علينه
انتهاء وديلهم جاي عفيه
والله اريد اروح اغير لطفله بس جيت اخذ ترمز المي
يله اوك راح اودي اني
عذريني بان
معذوره حبي
صبيت جاي ودخلت عليهم خليت اكبال والدي وكبال خالد
من نزلت الستكان حجي خالد همس
خالد ..بداعت ابوج طلعي للحديقه محتاج احجي وياج
اني باوعت عليه وبساع طلعت رحت للمطبخ
هذا صدك يحجي يريد يشوفني شنو مخبله اطلع الك وبهيج وقت
والله اله انت تخبلت لو تطلع نخله براسك هم ما اخليك تشوفني
اخذت بطل مي ورحت الغرفتي مهتميت الطلبه هذا بطران يريد يشوفني
خالد .ظليت اسولف ويه عمي اشويه اجه منتصر وهم سولفنه عالمعمل وشلون انصبه ونشغله اخذتنه السوالف
باوعت عالساعه ١٢ ونص
لا يا الله الوكت تاخر وهاي اكيد ما بقت بالحديقه
استأذنت منهم وطلعت طلع وراي منتصر
لا ابقه انه اطلع
منتصر .ما يصير شلون اخليك تطلع وحدك
خالد .ابلعت ريكي كوه ما اكدر اكله روح خليت وسكتت
طلعنه امشي وباوع بالحديقه
منتصر .يااهلا وسهلا بخالد
بالمهلي حبيبي
مشيت وصعدت سيارتي انتظر منتصر يفوت
بس ظل واكف لازم احرك السياره
شغلتها ومشيت اباوعله بالمرايه فات اركنت السياره عالسريع ورجعت اباوع من ورا الباب ماكو احد
شفت منتصر قافله
اعبرت السياج ع كيفي افتريت الحديقه بهدوء ماكو احد ضجت حيل هينه يبان اني الج
ارجعت طلعت بهدوء وصعدت سيارتي ورجعت البيتي وانه الف حسبه ابالي والف تفكير في بالي
شلون اخلي بان تفصخ وهذا منو الي يتعده حدودي ويجي ياخذ شي ملكي بسيطه اني اله بس خل اعرفه
ماكدرت انام وبس ادخن جكاره ورا الثانيه
بان متكون الغيري لو للموت
دك تلفوني شفته وسن باوعت عالوكت ساعه ثنتين بله هاي شتريد بهالوكت
ما شلته ورجعت دكت مره مرتين
ماتكليلي شبيج انفجعتي ع الاتصال ماتكولين الزلمه تعبان
وانت ليش متعصب شدعوه عيوني غير ظل بالي عليك شو ما جيت البيت اهلك انت وليش عفتني اني يمهم غير ترجعني للبيت مالتي وين هسه
وانتي شنو تسئليني كم مره كايلج لا تسئلين وين ما وين اني
اي مو الوكت متاخر ياخالد وانت اليوم ارجعت من سفريتك
روحي نامي وسن ومالج دخل بيه
بس كول انت وين
وغلقت التلفون ابوجها
مالي خلك حتى اسمع صوتها
ظليت للصبح صاحي والافكار دمرت راسي دمار
لا لازم اروح البان وكللها تفصخ
طلعت من البيت وتوجهت الهم وصلت ويه الريوك ساعه ١٠ الصبح سلمت وبحجه جاي ع عمي علمود المعمل
اشرت البان تطلع
بان .هذا الزكه هم اجه وكعد اكل ويانه ودخل حجه ويه بابا وطلع اشرلي براسه عالحديقه
هذا صدك ميستحي وطفر روحي
كمت اطلعت اريد اعرف شكو شرايد البارحه واليوم يأشر
ها خالد شرايد متستحي كل اشويه مأشر
لتحجين حجي زايد
لج هذا منو الخطبج وع يا اساس توافقين اني كم مره كتلج انتي الي ومتصيرين الغيري
دروح انت هم مصدك بروحك اصير الك لو تموت ماكون الك
بان لتعصبيني وتعرفين خالد شنو من يتعصب
اكلك روح منا احسن اني بعد ما التقي بيك لان صرت مسؤله من رجال عندك شي تروح الرجلي تحجي وياه
لج الصمي حلكج لتكولين رجلي صدكي ادفنه بمكانه بس يتقربلج
دفعته من صدره اطلع خالد ماريد اشوفك بعد
لزم يدي اثنينهن وعاط بيه وحق الخلقج اذا ما طلبتي الطلاك هاليومين من هذا الحيوانه احسبي مات
خالد والله بس ترشه بالمي ارشك بالدم زوجي وما اتخله عنه للموت
بان كتلج انتي الي مصيرين الغيري وحق العباس
كتلج يومين مهله وطلبي منه الطلاك واذا ما صار الكتلج عليه اكتله كدام عينج
خليت وطلعت من بيتهم
بان .رجف كلبي ع اسامه وظل فكري يودي ويجيب هذا حقير وخاف يسويها ويروح يأذي حبيبي
شلون ياربي ساعدني
دخلت للمطبخ
انتهاء .شبيج بان شو شكلج مخطوف
لا مابيه هسه اجي
رحت الغرفتي وتصلت ع رغد وحجيتلها ع خالد وطلبه
رغد .ماعليج بي هو شنو بكيفه يحجي قابل ماعدنه اخوه او اب يوكفه عند حده والله يموتوه لتسوين شي ولا تحجين الاسامه
رغد بس خاف خالد صدك يأذي والله اذا صار شي ع اسامه اني اموت
مايصير شي عليه صدكي شنو قابل الدنيا سايبه هم عنده اهل وعمام ومحد يسكت الخالد
صدك رغد ..؟ يعني ارتاح وما افكر بكلام خالد
لا لتفكرين ميستاهل تهتمين الكلامه خلي يولي
اوك حبي اني هسه اروح لان احس نفسيتي تعبانه الحقير مدري اسوه بيه عبالك رمه كلبي برصاصه
روحي عمري شربي عصير ليمون يريح الاعصاب وابد لتفكرين بكلام خالد
اي رغوده راح اشرب العصير وانام احسن
يله باي
رحت اشربت ليمون
انتهاء .اكلج شراد خالد منج شفتج تحجين وياه بالطرمه
هااااا لا ماكو شي بس باركلي عالخطبه
هااا عبالي هم ضوجج بالكلام
لا لا باركلي
اكلج انتهاء راح امدد اشويه لان حاسه ضغطي متخربط
اوك حبي روحي بس فدوه خلي بالج ع صوت جود خاف تصحه وما اسمعها
اي ميخالف
ارجعت وتمددت عالجربايه
اسمعت تلفوني نهز
كمت شفته اسامه دازلي مسج
قريته ونهلت دموعي مثل المطر
كاتبلي جان بالمسج
انه ورده شحيحت ماي
وبس جيتك ترويني
ماعرف حسيت احساس غريب قلقني حيل
حسيت راح افقده
وتعوذت من الشيطان لا خالد ميسوي شي شحده والله اني الي اكتله بس يفكر يسوي شي الاسامه
مر النهار واني فكري يودي ويجيب خايفه حيل ع حبيبي وعمري
كمت صليك ودعيت ربي يحمي الي ويبعد عنه خالد بعد السمه عن الارض
بس اكو بداخلي احساس الشعور بالخوف حاسه اكو شي ينتظرني
مكدرت انام ولا غمض جفن عيني
راسلني اسامه بالليل
🗨هلو حبيبتي شبيج اشو احسج مو ع بعضج
🗨هلو عمري لا ماكو شي
اسومي حبيبي اريد منك طلب
اطلبي عيوني الج
حبيبي هاي الفتره اخذ بالك ع حالك زين فدوه
🗨ليش اكو شي
🗨لا لا بس اني احب تاخذ بالك ع نفسك اكثر لان تعرف شغلك هم خطر اشويه غار ونار وسوالف
🗨حبيبتي لتخافين عليه اني كدها وكدود
🗨اعرف ياعمري انت اسد بس للطمأنان لا اكثر
🗨من عيوني والخاطر حبيبه كلبي راح انتبه ع نفسي
🗨اي فدوه حيل انتبه
🗨لا اليوم بيش شي بان
🗨لا وعيونك مابيه شي بس غير احبك وخايفه عليك
🗨واني اموت عليج وربي ودا اعد الساعات حتى تكونين بكربي وينقفل علينه باب غرفتنه
🗨ان شالله حبيبي
عمري الباجر اروح استلم النتيجه ويمكن امر عليك
🗨شنو يمكن .مري اريد اشوفج
🗨مو اخاف ما اكدر امر
🗨مري بان انتظرج محتاج اشم عطرج وسحر بنظر عيونج ونام ع كلبج حبيبتي
🗨اوك حبيبي امر
وظلينه نتسامر للفجر احلى كلام حب سمعني وسمعته
وبعدها غفينه
كعدت ساعه ١٠ الصبح اكلت وبدلت حتى اروح للمدرسه
همزين ماكو ولا واحد من اخوتي جان جلبولي اله اخذ امي ويايه واني اريد امر ع اسامه
ربي سهلها عليه وطلعت وصلت المدرسه والحمدلله طلعت ناجحه فرحت حيل
ورجعت وصلت المحل دخلت شفت ابو اسامه موجود استحيت حيل منه
هسه شيكول عليه هاي بس تفتر شكد عيب
شلونك عمو
هلو باباتي انتي شلونج .ها محتاجه شي من السوك بنتي شلون اطلعين وحدج وين امج
لا عمو اجيت عالمدرسه حتى اخذ النتيجه
ليش انتي مماخذتها
عمو جنت اكمال بالرياضيات وهسه نجحت
عفيه بابا شدي حيلج اكثر
اي عمو
بابا اسامه تره ماكو دزيته ع مكان
هااا لاعمو جيت اشتري كيكه للبيت مو جايه ع اسامه
اريد هاي
هاج بنتي
تفضل عمو
هاي شنو
عمو حق الكيكه
بابا عيب اخذيها وروحي
بس ميصير عمو
بنتي لضوجيني هاي هديتي الج مال نجاح
شكرا الك ربي يحفظك
اخذت الكيكه وطلعت
خرررررب ببليسك اسامه عالاقل راسلني كلي ابوك بالمحل ليش هيج سويت بيه خجلتني والنوب انطاني هاي الكيكه بله شراح اكللهم من يشوفوها
اكللهم مريت ع اسامه والله يذبحوني وين عدنه هالشي هم جيه عليه ما يخلوه يجي ويشوفني اروح اني اكللهم مريت عليه
والله كتلتي اصير عمل شعبي بان فكري شلون اخلص من هالكيكه فكري بان فكري
واني امشي بالطريق وشفت اثنين بنات اصغار
رحت عليهم
شلون الحلوات
هلو عمه
انتوا شنو اسمكم
اني رسل وهاي توحا
الله شكد حلوات انتوا ياصف
رسل اني رابع .توحا اني خامس واحنه صديقات من زمان
حبيباتي هاكم هاي كيكه الكم لان اني نجحت وشتريد كيكه وكلت اذا شفت بنوتات حلوات انطيها الهم وشفتكم
شكرا عمه
بالعافيه حبيباتي
ومشيت عنهم
اوووف الحمدلله خلصت من الكيكه
بعد خطوتين اوصل للبيت وجان يمر خالد من يمي بالسياره فرها عكس عليه ونزل ردت اركض بس مكدرت لزم يدي قوي
اوكفي سويتي الكتلج عليه
ليش انت شكتلي
بان لثولين السالفه
خالد ما اسويها ولا اطلب منه الطلاك اني احبه ورايدته
جان يضربني راشدي اله طير فكي
لك انت
وجان يخلي يده ع حلكي
اذا حجيتي كلمه زايده راسج اكصه
دفعته ومشيت
بان طلبي الطلاك احسلج لااندمج طول عمرج
اني امشي وهز بيدي .والله يا الله يريد اطلب الطلاك من حب حياتي وعمري
كتابه قصص:
اني ما صدكت خطبني انت صدك مخبل وفتت للبيت
الام .هاي شبيج تحجين ويه نفسج
ماكو شي متعصبه وبس
هاااا يالثوله مادامج متعصبه يعني راسبه بالمدرسه
ياااااا صدك نسيت والله ماما اني نجحت
جتلي امي باستني وباركتلي وصلت ثالث متوسط
والله مضيعلي تعب الحمدلله
انتهاء .الف مبروك بنو
الله يبارك بيج حبيبتي
ماما تلفونج يدك
اي جيبي
بان .الوووو هلو رغوده
هلو عمري
ها بشري شطلعتي
نجحت رغد
ااااي الحمدلله ...والله يوميه ادعيلج
اشكرج رغوده
تره اني هم عندي ابشاره الكم
بان .اي شنو ابشارتج
حزري
ماعرف والله انتي كولي
رغد .بعد تسع شهور تكونين خاله
بان ..🤔🤔🤔🤔🤔
لابربج صدك رغد انتي حامل
اي حامل صار شهر
يمه فدوه واخيرا حصير خاله
وجع شدعوه قابل صارلي شكد من ازوجت حتى تكولين واخيرا حصير خاله
ولج مو انتي متدرين شكد جنت انتظر اشوف خلفتج
ليش عود
مو اريد اعرف انتاجنه احنه البات حلو لو لا
هسه منتصر انتاجه حلو
خل نشوف انتي
عيوني اني تطلع ع ابوها تخبل
ووووويع هو مهيمن منيله جمال
انجبي ولج اصلا كيكه
لا عيوني اسامه احلى منه
دطيري مهيمن احلى
امي .ولج العوبه جيبي التلفون خل احجي وي اختج
اي ماما هاج
خالد .صرت اعصاب بس اريد اكل بان بسنوني لج اني خالد الكل ترجف مني وانتي توكفين بوجهي وبكل عرامه
اني اعلمج يابان لشوفج خالد منو
اني ترفضيني انتي بسيطه لشوفج
اذا ما خليتج تلبسين الاسود بدل الابيض ما اسمه بسمي
