رواية سيرة القدر الفصل السابع عشر بقلم فجر المساري
بهذا البارت راح نتعرف على حسن…
عمري 33 سنة خريج كلية عـسكرية وتخرجت ضابظ
ابويه متوفي الله يرحمه وعندي 3 اخوات متزوجات
واخ واحد حامد الجبير واني اصغر واحد
شكلي… طولي 180 اسمر عيوني جوزي وشعري
اسود عندي لحية محافظ على لياقتي البدنية
لان عسكري جانوا امي واخويه يلحون عليه بالزواج
واني ارفض اول مره التهيت بدراستي وتخرجت
وبعدين شغلي عندي علاقات بالبنات بس ولا وحده
بيهم عجبتني ودخلت قلبي…
ومرت السنين بعد وفاه اخويه حامد مردت اولاد
اخويه يفترقون ويتبهذلون خصوصا من شفت
شلون معامله سراب وياهم وتحبهم ويحبوها
ومردتهم يبتعدون عني امي كالتلي اتزوج مرت
اخوك سراب…
اني موافقت بالبدايه وعارضت بس من رحنه عليهم
وشفت معامله ابن عمها ياسر وياها وشلون يحجي
عليها ويكللها انتي خدامه مدي اهجم عليه واضربه
بس لزمت نفسي ومن امي كالت نخطبها لحسن
انصدمت مجنت متصور يجي يوم واخذ زوجه
اخويه بس وافقت علمود امي واولاد اخويه وهي هم يتيمه… وين تروح
وفقيره وحبابه من اجتي لليوم مشفت الا كل الخير
منها ودائما اسمع الحجية تحمد بيها وبتعاملها
وياه البنات…
بس هي رفضت وكالت اخويه وجانت تصيح
وصايره اعصاب كلت يومين تهدأ واتصل احجي
وياها بموصوعنا وفعلا اتصلت واقنعتها واستخدمت
الاولاد وسيله اقناع ههههه 😎 ضابظ بعد
المهم وافقت… .
سراب اذا ماسكتوا تـرا والله اخذ ابـني واهج منكم ..
ومن مشاكلكم ..وانت ياسر كتلك مااريدك ماريدك
انتظرتك 6 سنوات وكسـرتني ولا اعترفت بيه
ورحت حبيت وتزوجت وصارت عندك بنات…
وجاي هسه تكلي اريدج شنووو… اني لعبـة
بايدك وجاي هسه تكلي اريدج لا انت متريدني
علمود اخدم بناتك بعد ماست ندى عافتك وراحت
وحسن انت اعزك واعتبرك اخوية وبعدك بعز
شبابك والف وحده تتمناك لاتاخذك عواطفك
بعيد وتتزوجني علمود ابن اخوك هذا هم ابنكم
واني راح اربي وحدي وباي وقت تعالوا وشوفوا
هذا حـقكم ماامنعكم مـنه بس فكرة الزواج
انسـوها مـسستحيل اتـزوج… فهمتوا…
طلعوا واني طكيت بجـي ليش هيج ياربي اضـل
بالقهر والتعب والمشاكل شوكت ارتاح حضنتني
خالتي … واني ابجي وهي تبجي ع حظي وقسمتي
كلما اكول الدنيا ضحكتلي ترجع تبجيني…
بعدها كمت غسلت وصعدت اشوف فهد وبكر حبايبي
نايمين كعدت افكر بيهم وبوضعي وشلون راح
اعيش وشنووو منتظرني بالايام الجاية…
وجانوا البنات يوميا تقريبا يتصلون عليه ويكولون
رجعي بس خالتي كالت ميصير ترجعين زوجج
وتوفى وبكر وفهد يمج كتلها البنات خطية كالت
كبار ويعتمدون ع نفسهم،…
ومشت الايام واني بعدني بيت خالتي واني نايمة
بنص الليل سمعت تلفوني يدك كلت ياستار منوو
يدك بهالوقت عليه شفت الساعه 12 ونص شلته
شفت رقم حـسن مجاوبته…
هذا شعنده داك عليه بنص الله… ميستحي ..
وضـل يدك دك اكثر من خمس مرات مجاوبت ودزلي
مسج كاتبلي بي افتحي خط بس خلي احجي وياج
وبعدين شتريدين تسوين سووي دك جاوبته
الووو… سراب نعم شتريد… سلم شلونج
كتله الحمد لله وسالني على فهد وبكر كتله نايمين
هسه كلي شلون صرتي … .
الحمد لله اسمعه اخذ نفس وكلي ممكن احجي
وياج…
حسن ممكن احجي وياج بموضوع بيناتنه كتله
اييي اتفضل احجي…
كال من جان الحجي الله يرحمه عايش واول مرة
شفتج بيها كلت خطية حلووه وفقيرة شلون راح
تتحمل المسؤلية ومن شفت تعاملج ويه البنات
وفهد وحبوج وتهتمين بابسط الاشياء وتعرفين
الصغيرة والجبيره عن البنات كبرتي بعيني اكثر
جنت اتصور البنات ماراح يحبوج بس بالعكس
حبوج وطلعتي كد المسؤلية ومميزة…
سراب اششكرك سكتت ورجع كلي سراب فكري
بموضوعنا اني مااكدر اذا مااشوف بنات واولاد
اخوية يمي مارتاح هما روحي من الدنيا واولاد
اخويه الغالي الله يرحمه هو جان الي اب واخ
وصدكيني راح اعوضج عن كل شي…
وشتريدين اني مستعد حتى لو نقسم البيت الطابق
الفوك نسكن بي اني وانتي وحدنه والطابق الجوه
لامي والجهال يم امي ولمياء يبقون ..
سراب لا اني مااكدر اعوفهم اني هم تعلمت عليهم
وبقينه نحجي الى ان عرف شلون يقنعني،طبعا
عنده طريقة اقناع رهيبه… ضابظ بعـد ههههه
كتله افكر وباجر اردلك خبر…
سديته وياه وللصبح كلت لخالتي اني موافقه
اتزوج حـسن علمود الاولاد ومراح الكه واحد مثله
يحب ابني…
اتصل حسن وكتله موافقه… .وكلي اووويلي،
موتيني واخيرا وافقتي وراح تصيرين زوجتي،
اني خجلت هههه 🙈وكتله بكر يبجي كلي هااا روحي وبوسلياه هو وفهودي 😘 وسديته وياه
ورا يومين صارت خطوبتي قطعنا مهر سيد
ومحكمه بيوم واحد واني لبست فستان نيلي
وشال نيلي ومكياج خفيف… .وجانت ويايه خالتي
بوستها وسلمت عليها ورجعت لبيتي عبالك اسنين
مفاركته واجوي البنات يحضنون بيه ويبوسوني
ومشت الايام ولمياء خلصت امتحانات السادس
ونجحت وبقت تنتظر القبولات…
وجانت ايامنا اني وحسن مثل العسل ويعاملني
احسن معامله ودوام حسن جان عشرة ايام دووام
بعشرة ايام اجازه يجي للبيت بايام الاجازه
نقضيها اني وحسن احلي ايام ونزل الاولاد يم
الحجية ولمياء لان حسن يريد ياخذ راحته ويايه
ههههه 😊😘
وخلال هالفتره لمياء تنتظر القبولات
وطلعت القبولات بيومها كعدت صليت الفجر ورجعت
نمت واجتي عليه لمياء خاله سراب… كعدتني
كتلها شكووو شبيج… من الصبح يكولون النتائج
اليوم ان شاء الله تنقبلين باحسن كلية مكدرت
ارجع انام كمت غسلت وبكر وفهد نايمين ونزلت
جوه شفت الحجية كاعده فتت للمطبخ سويت
ريوك ولمياء خبصتنا من للصبح وتلوب كتلها
شبيج ياعيني ..
لمياء 😣😣
وسالتها شوكت تطلع كالت مادري يكولون اليوم
ماعرف بيش الساعة خابر حسن وكتلة ليوم
نتائج قبولات كال ادري لمياء خابرتني وكال
ان شاء الله خير…
الساعه 9 بلليل خابر حسن واحنه جنه نتعشه وكال
لمياء مقبوله طب اسنان جامعة الانبار…
اني فرحت كتله شلون عرفت كال وصيت صديق
وانطيته معلومات عن لمياء الاسم والمدرسه
الرقم امتحاني وكتله اول متطلع القبولات اتصل وهسه
سديته وياه… وا تصلت بيكم…
كتله خلي اكول لمياء خطية من لصبح لهسه تلوب
وتنتظر على نار واني داصعد الدرج نزلت تركض
لمياء خاله خاله انقبلت طبيه اتحقق حلمي ..
وحضنتني كتلها واني جايه ابشرج هسه اتصل عمج
حسن وكلي كالت اتصلت بيه صديقتي اسراء
وكلتلي… الف مبروك يادكتوره ونزلت ع الحجية
وثاني يوم جان نزول حسن وطلعنا… وتونسنا
وجانت احلى فرحة الحمد لله وعشنا ايام حلووه
وبعد كم شهر من زواجي حللت وطلعت حامل
وكلت لحسن فرح…
اما خالتي حميدة اتصل بيها وتعرف اخباري واعرف
اخبارها ومرحت من ذاك اليوم التهيت بالاولاد
والحمل بس اتصل بيها مرات بشكل يومي وعايشه
على الراتب التقاعدي مالت عمي قاسم الله يرحمه
وحسن معاملته زين ويايه يحترمني ويحبني واني حبيته بس كلما اتذكر شرطه…
اموووت قهر اول متزوجنه شرط عليه شرط
وطريت اوافق على شرطه وين ارررووووح …
شنووو تتوقعون شرط حسن
شاركوني بارائكم … ....…… .حبايبي
