رواية قيود العوف الفصل السابع عشر بقلم ريتا
مِن وعيت وآنه ضايَع
ماكَو عنوان أعتنيلَه
و لا أكَو واحِد دَكلي صَدره
و كَلي ذَب حَملَك وأشيلَه
بيهَ حَزن الناس كُله
و عينَي بالدَمعة بَخيلة
و هَمي ما سولفتَه لأحد
خاف يَحسَبنَي أشتكيلَه .
لتنسون التصويت + التعليقات بين الفقرات + متابعة حسابي قلبي ❤️🔥
شبابات صوتوا دوسوا علىٰ النجمَة لتنسون مُهم🤏🏻
<________________________>
لَزم مكان الجرح بأيَدة عقَد حاجبَة وگال
- استغفرالله ، مو وكتك
حچيَت برعُب وخَوف حسَيت گلبِي حيوگع
-خليَنة نروح للمُستشفىٰ بسرعة جاي تنزف هواي !!
رد عليَه من َبين وجَعة وگال
- لا گومِي صعَدي بالسيَارة جايج
فتحت عيونِي علىٰ وسَعهم وانِي ارد بأستنكار وغضب
- وين اصعد وين جااي تنزف متشووف خلي نروح للمستشفىٰ
غمض عيونَة بألم وگام يمِشي بتَعب ركضَت بسُرعة فتحت اله البَاب ولزمَتة من أيدة باوعلِي وگال
- بيَه حيل اگدر
هزيَت راسِي بتررد وانِي خااايفة
- لا والله تمووووووتتتتت اصعد خليَنا نروح
صعَد وبيَن علىٰ ملامَحه الوجَع زفر ولزم الستيَرن وساق السيارة يفتح بعيَونة ويسَد بيهم بألم .
اباوعلة وجسَمِي كُلة ديرجف الحيرة اخذتني نسَيت الحادثة ونسَيت الصار كُلة بقيَت اباوعلة وللدم الجاي يكثر متحمل الوجع وديسَوق وكتفة من فوگ ينزف بشكل فضيع اباوعلة وگـلبي معصور .
نظَراتِي چان واضَح عليَها باوعلِي وابتسَم وگال
- لا تخافيِن يابة زين تره
رديت والكلَمة دتطَلع بالگوة
- شلون زين جاي تنزف بشكل فضيع وجهَك صار اصفر
باوعت للطريَق الجَو بَدة يكشَف صار ضوة ، فترة ودخلنَة بمزرعة چانت الاشجار مغطيَتها كُلش عالية ومليانة باوعت بأستغراب مدهوشة .
- شدنسَوي هناااا شنو هلمكان مو گلتلك خلييي نروح للمستشفىٰ !!!!
- ماكو داعِي للمستشفىٰ
وگف السيَارة گدام بيت الاشجار مغطيَتة وصَاير بنصَهم باوعلِي وگال
-انزلي
-ليش ماا رحنة للمستشفىٰ !!
غمض عيونَة وگال
-بعدين اسولفلج نزلي هسَة
ردت اعانَدة وماا أنزل هنا وين جايبني غير يعالج نفسة رفعت عيني علىٰ الدم الي ترس ملابسة متت خوف ،
نزل وهو يمِشي بخطَوات ثقيَلة ركضت اله وگلت اله
- اذا متگدر تمِشي حَط أيدك علىٰ كتفِي واستند عليَه
غيَر ملامَح وجَهة لواحِد متَعوب وگال بهدوء
- اي والله ياريت ماا اگدر امِشي ابد
لزمت إيَده وخليتَهة علىٰ كتفِي ذب حيَلة كُله عليَه
- مووو هيچ راح اوووگع ترىٰ
جاوبنِي ببراءة وگال
- چا مو انتِ گلتِي أستند عليَه ؟
- گلتلك أستنَد عليَه مو تذب حيَلك كُله عبَالك تريلة فوگاي متنِي راح ينملخ ترة تحتار تعالجني لو تعالج روحك .
- انه راح اموت وأنتِ تفكرين بمتنج
باوعتلة بخوف وحچيت
- نسَييت نسييتت
- أستند عليَه ومشىٰ وصلَنة لباب البيَت انطانِي مفتاح وگال
-فتحِي الباب
اخذتَة وفتَحت البَاب ودخلنَة سَديت البَاب برجِلي
مشىٰ وذَب حيَلة بالگاع گعد وتچىٰ ظهرة علىٰ المخدة
نزع بَدلتَة وانِي دَرت وجهِي بسسُرعة من الخجل
صَاح عليَه وهَو يگول
-جُمان جيَبي قطَعة قماااش حتىٰ اشد أيدي
تحَركت بسُررعة وانِي اگول اله
-منيَن اجَيب گُلي
-افتحِي هذا المجر بيَه ملابَس هواي جيبي اي قطعة تطلع گدامَج
-اخذت قطعة قماش وركضَت اله بسُرعة وگال
-جُمان شديها حييييل علىٰ زندي من فوگ
شَديتها وعقَدت حاجِبي وگلت أله بأستغراب
- مراح تروح للمستشفىٰ !
جاوبنِي وعيونَة تتنقَل بوجهِي وكُل شوي يسَدهن ويفتحهن
- لا
فتحت عيونِي علىٰ وسعهم وگلت اله بخوف
- لعد والجرح انت متصاوب بداخلك رصاصة فايتة مو قلم جاف شلون متروح شلون منو يعالجك لعدد !!
- أنتِ راح تعالجيَني
باوعتلَة بأستغراب ومفاهَمة شنو ديگول
- شنو
-ادري بيج انتِ گدها يله دكتورة .
بلعت ريگ ساكتة ، ماعندي ماعندي هاي القوة وبهيج ظروف وبهيج وضع الرجفة ماخذتني والخوفة لهسة بگـلبي .
مسَح وجَهة بتعَب وگال
- جُمان فتحِي الكنتور هذا تلگيَن بيه علبَة چبيرة بيضة جيبيَها وتعالي
گمت متنهدة منَه الدم ترس المكان هيج اصابتة قوية لدرجة يعصر بعيونة عصر من الالم ساكت .
فتَحت الكنتور واخَذت العلبة شكبرها وثگيلة متنشال
عزااااااا شحاط بيَها صواريخ
اخذتَها يمَة واشر الي افتحهَا فتحَتها وباوعت بذهووول وأستغراب عبارة عن ابر ومعقمات ومقص وقطن وعلاجات كل شيء متوفر .
حطيت عينِي بعينة وگال
- تگدرين مو ؟
سكتت متوترة لثواني وأردفت بنبرة هادئة .
- اني اطلع الرصاصة .
- اي أنتِ
سكت ورجع گال
- حالياً ماا الي غيَرج تعالجينِي لوتعوفيني هيج
هزيت راسي بالقبول
- كل شيء متوفر يمچ حتىٰ مغذي أكو
مديت أيدي وطلعتَهم عقدت حاجبِي من دورت عليها مالگيتها باوعتلَة بأستغراب وگلت اله
- بس أبرة مخدر ماكو !
جاوبنِي وگال
-ميخالف اشتغلي بدون مخدر
فتحت عيونيييي علىٰ وسعهم شجاي يحجي شلون هيج..
-بدون مخدر تتأذىٰ راح افتح جرح اطلع الرصاصة وارجع اخيط
رد بدون إهتمام للموضوع وگال
- اي ميخالف المهم تطلعيَنها للرصاصة اتحمل
بقيَت اباوع أله بقلة حيَلة هزيت راسِي وگال
-يلا جُمانة
غمضَت عيونِي بتعَب واستسَلمت ولبست الكفوف وطلعت المُعقم والقنطَة ترسَتها ومشَيتها علىٰ المكان كُله بشكل دائري رجعت ترست القطنة مُعقم ورجعت مشَيتها لحد ما اتأكدت
انوا عقمت المنطقة تماماً ولزمت المشرط بأيدي باوعتلة وهز الِي راسَة وگال
- متعود لا تخافين وتتوتريين اشتغلي بدون خوف وتوتر لا ترتبكين
زفرت وموتت گـلبي بهاي اللحظَة ورفعت المشرط تلمسَت مكان الرصاصَة واتحسستها بأيدي سمَيت بأسم الله ودخلت المشرط وبَديت اشگ المكان
اجت عينِي عليَه مغمض عيَونة بألم ويعصر بيَهم
شحيت نظري عنَة ماالازم اباوعلة لأن راح ارتبك
وماراح أشتغل عدل ...
باشگ بالمكان وامسَح بالقطنة الدم الدينزل اشگ وأيدي تتلمَس مكان الرصاصة ..
استمريت اشگ لحد ما صارت فتَحة ذبيَت المشرط واخذت المقص كُل هذا وانِي عيني ماا خليتها بعينة ولا باوعت اله ولا سَمعت منَه صوت ..
لزمت اللحَمة بالمشبَك وصرت اگص بالمكان
وسَعت الفتَحة وانِي گلبِي دگ هناا ردت اذب كُل شيء من ايدية واتراجع بس هيهات ماگدرت اعوفة واني بديت ولازم اكمل
وسعت المكان كلش وهنا روحِي رجفت الدم صار يجرييي جرييي مااا قاومت وباوعت اله العرگ صار ينزل من گُصتة ومغمض عيَونة بقووووة وكاززز علىٰ اسنااانَة انعصرت عصر شلون جاي يقاوم الالم ياربي .
مافتح عيونَة عرفنِي داباع اله تونون واشر الي بحواجَبة حتىٰ اكمل رجفت شفتي ونزلت دموعييي أثر المنظر
دخلت المُگص ثبَتة علىٰ المكان ولزمتَها طلعتها وشمرتها بالماعون وانِي روحي انشمَرت ويَاها حسَيتها
اخذت قطَنة ومسَحت الدم الي دينزل ورجعت عقمت المُكان ومسحَتة بالقطن نظفت المكان وطلعت قطع اللحم الصغار الموجَودة بيَه
خيطَت المُكان وعيونِي صارت تغمض من التعب والنعس والمنظر قدرة إللهيَة وداقادوم بيَها
خلصَت خيَاط ومسَحت جسَمة ولفيَتة بباندَج اجت عينِي عليه باوعتلة وفتح عيَونة وچانن حمرر رخة ملامَح وجهَة اخذت قطَعة قماش ومسَحت گصتة بيَها
اتنهدت بَتعب وانِي داحس الوجَع بيَه والله
باوعلِي ابتسم بتَعب وعيَونة ذبلانَة
- سبَاعية أنتِ
همست بوجهة
- شلون اتحملت الوجع شصار بيك
انرسمت علىٰ وجهة شبَة ابتسَامة وگال بعدم اهتمام
- مو اول مرة
عقدت حاجبِي بأستغراب وگلت
- شنو يعني مافهمت
- هواي متصاوب متعود
باوعتلَة بذهول ومنصَدمة
- شلون تتصاوب وين عزززا
-غير رايحين نحارب چا نلعب دعبل
رديَت عليه بأسىٰ
- وكُل مرة تتصاوب تعيش نفس هلوجَع ؟
ضحك وگال
- گلبِي وروحي اثنيَنهن ميَتات ماعنِدي احسَاس حتىٰ احَس بالوجع
باوعت للجوانب وگلت اله
- تجي لهذا البيَت ليش هيچي نظيف وكُل شيء موجود ؟
- هذا ابو علِي الحارس
- حارس المزرعة ؟
- اي
- لعد وينة مموجود
- يگعد ويطلع مـن الفجر يفتر بيَها
باوعتلَة وانِي عيوني تتنقل بحزن وحسَرة بيَن وجهة
- خلي اشكل الك مُغذي ونَام ريَح جسمك
باوعلِي وعيَونة ذبَلانة ووجهَة تعبان وگال
- جُمان
- ها
- انه اسف
- عقدت حاجِبي بأستغراب
- علىٰ شنو ؟
فرك وجَهة بأيدة الثانية مسح گصتة وگال بتَعب
- چنتي فرحانة وماكملت فرحتج
وهسَة وين صرتِي حيل اسف
باوعتلَة بعتَب وبأستنكار
- لتگول هيچ اني الي داتوجع لو أنت بهالضيم وتعتذر الي
خليَت عينِي بعيَنة وگلت اله بصَوت خافت
- تاخذني من تصير زين مو .
ابتسَم بتَعب وگال
- وعدتج بأيدي ادخلج لبيَتكم
رمشَت بثگل ونزلت عيونِي طلعت المُغذي شديتة
وضَربتة بالكانيولا ... باوعت اكو فراشَات رحت اخذت
وفرشت اله
- يلا اتدنة شَوي علىٰ الفراش حتىٰ تنام
اخذ موبايلاتة واتدنىٰ رحت اله وگلت
- اساعدك ؟
ابتسَم ناكر
- لا مايحتاج
هزيت اله راسِي ولميت الاشياء ونظفتها وعقمتها
مشَيت ودخلت للمطبخ باوعت ماكو شيء بس
مطبخ وهلغَرفة الي بيها گعدنَة وحمامات هايهيَة
باوعت للمطبخ نظيف ومرتب والاماعين مغسولة على جهة
ابتسَمت بداخلِي والله ابو علِي معدل
فتحت الثلاجة چان مابيَها هَواية مسواگ قليل اخذت اله خضروات قطَعتهة وگعدت ادور علىٰ شعرية اسويلة شوربة دافية
فتحت كُل الكاونتر وماكو شعرية غمضت عيونِي بضجر
- كُل شيء موجود الا الشعرية هسة شلون اسَوي شوربة بدونها مترهم
اتنهدت بملل اوف والله بطرانة اني بهلزلگ وداتگلب
سَويت شوربة بدون شعرية باوعت الهة وضحكت والله هَو هذا الموجود لعد شلون شسوي اله بهالوضع شيء سريع .
بالخضروات يكفي هسسسة الا شعرييية يلا تكمللل اووي لزمت راسِي وگعدت اوووف ياجُمان گرطة انتِ ولج ططوة وين متروحين الضيم لاحگج وماكو شيء يكمل ويايَة لازم يصير فد قدر ويخربة..
اوف اوف .. عيوني بدت تغمُض وحدها مانايمة ابد علىٰ وگفة وحَدة من البارحة طلعت من المطبخ رحَت للغرفة باوعَت اله جااان نايم رمشت بثقل تثبتت نظراتي عليه.
منو الي تهَجم عليَيييينة وتسَبب بأصاابتَة اتنهدت واخذت مُخدة اتچيَت عليَها عيونِي صارت تغمَض وحدها وبعد مااا دريَت بالدنَيا
*****
منَار
فاتَحة الكتَاب ومحتاارة بضيمِي واللطامِي
دااااقرة وكُل شوي وصاحوا عليَه منَار تعالي جيبي هاي الشغلة منَار تعالي انطينَي هايييي
من بَلوكة وطاااحت فووووگ راس منَار حتى تفتك وتخلص من هالضيم والله بعددد ماا اكوم اذا صاحولي ابد
رجعتتت داقرة وسَمعت عليي صاااح عليَه غمضَت عيونِي بعصبيَة وعططططططتتتت بصووووووووتتت عاااالييي
- وحقققق الله مااااااا اگوووووم بعد
- منووو الي يفيدنِي انتوا اذا رسببببتتتت من وراكم كُل شووووية وعيطتوا عليييييَه
صفنت اقرة واتذكَرت هذا البغل
شو چذب عليَه مخابرنِي ولا دز رسالة ولا خلانِي احچي ويَة جُمان عززا بعينة الچذاب لعد ليش اخذ رقمِي وگال اخليج تحچيَن وياها وتخابرييييينهااا
عزا بعيَييينك يالبغل اني اعلمك بسيطَة اخذت تلفونِي فتحتَة ودخلت علىٰ رقمة بالواتس وكتبَت اله
- مرحبَا اخِي ممكن اعرف ليش چذبت عليَه ومخليت جُمان تخابرني لعد انتَ هيچ عندك بنااات العالم لعبة وتقشمر بيَه ؟
لويَت شفتِي اكتبَلة چذبت لو كذبت ؟ علمود ابيَن ذوق وأتكيَتي عالِي
اوووع ديلا اوووي شفهمَة بالذوق والاتكيت هلبغل ويَنة ويَنهن ميفرق بيَناتهن اصلاً
دزيَتها راحَت خط واحَد سديت التلفون ورجعت اقرة
شَوية واجتنِي رسَالة علىٰ الواتس من رقم غريب
عقدت حاجبِي بفضول منو هذا ؟
دخلت علىٰ المحادثة وصَارت تمطُر صور فتحتهن كُلهن الي وانِي بالكافتريَا گاعدة وانِي بالقاعة وانِي امشي بكل مكان ولكل حركاتي حتى واني ممنتبها لنفسي لزمت گـلبي..
انخرطت خرط من الخوف شكو شكو وشنو هالتصوير منو الي صورني وشيريد مني بقيت اگلب بيهن مصدومة فاااتحة عيونِي علىٰ وسعهم عاجزة عن اي ردة فعل مداعرف اگول شيء حتىٰ اجتِي رسالة مكتوب بيَها..
- حلوات صورج خو ماكو يوم مامصورج بيه اذا ناسي ذكريني .
رجفت ايدية وكتبت سريع..
-اا.. انتَ منوووو ؟
- ههههههه اذا متردين الصور تنتشر بكروبات جامعتكم وتصير يم زملائج تعاليلي باچر لهذا المكُان ****
خليَت ايدية علىٰ راسِي مصدومة مداسيطرر علىٰ نفسي ابوية اذا يشووفني مصوريني بالجامعة ويشوف هلصور يمووووتني ويبطلني والله يحرمني من مستقبلي هو يريد حجة عليه دخيلك ياربي كتبت اله بخوف ايدي ترجف..
- أنتَ منوووووو وليش تريد اجي لهلمكان !!!!!
جاوبنِي بسرعة وكتب
- لتسألين هَواي ماراح تحصلين جواب اذا متردين صورج الحلوة تترس كُل مكاان تعالي باچر للعنوان الي انطيَتة الج ونسَولف شَوية
- بقيت صااافنة وعيونِي شلال وايدية ترجف مداسيطر اللزم التلفون حتىٰ جتي رسالة لخ وكاتب بيَها
- عندي حتىٰ رقم ابوج واخوانج لتفكرين تلعبيَن عليه اندمج ترىٰ وربج
بلعت ريگ وگمت صرت افتر بالغرفة رايحة جاية لازمة راسِييييي عاجزززة عن التفسير شنو هلبشرييية دخيييلك ياربييي لتكسرنييي هيچ
ابوية اذا شافهن يذبحنييييي والله ميهتم محترمات مو محترمااات يموتني وميرف اله جفن اعرفة اعرف طبع ابوية
حتىٰ من انتَ كاف خيَرك شَرك ميخلوك العالم
ماكو رحَمة بگلوبَهم يجيبَون النة الوجع والألم !!
شمسَوية انِي بس لأن ماا الي علاقة بأحد ولا انطي أحد عيَن
هيج يسوون بيَه يصوروني بدون علمِي ويبتزونِي !
خليَت أيدي علىٰ وجهِي وبچيت بهضَيمة
ياربِي دخيييلك شسوي هسَة شسوي؟
ماا اگدر احچي لأبوية يحطني ويدفني بدون ميفَهم الموضوع حتىٰ
ومسستحييييل اخذ كلامة واروح اله للمكان الي گال عليَه
ميصير هل شيء لو امووووت ماا اسووويَهاا
من اروحلة يعنِي برضاتِي برجليَة رحت وماا اعرف شنو حيسويلي
وبشنو بعد يبتزنِي وساعتها انِي الي أتحمل الراح يصير
بس هذول الصور ماا ادرييي بيَهم مو بعلمِي
شهگت بألم واكلني التفكيرر تعبببت منه سديت كتابي بهضَيمة
وحسَرة احط روحِي بقوطية واروح أداوم يا ربي ميتركون البنَية بحالها وين متروح بهلمجتمع مصخمة ملطَمة والمشاكل والضيم يركضن وراها
راح الامتحان من بالي راح كُل شيء قريتة حسَيتة بلحظة انمسَح من بالِي ومااكو شيء افكر بيَه وتارس مخي هسَة غير هاي البلوة الي وگعت علىٰ راسيييي
*****
نَص غافيَة ونَص صاحيَة سَمعت صوتَة وهَو ديون
فزيَت بسُرعة مشَيت رحَت يمَة گعدت
شفتَة نايَم بس عرگاان ويون ويهلوس
رفعت أيدي تلمسَت گصتة حرارتة عااالييية مصخنن
باوعتلَة بحرگان گلب وگمت اخذت قطَعة قماش ومشَيت بسُرعة للمطبخ حميَت مي فاتر ورحت گعدت يَمة وصرت اسَوي اله كمادات واخلي علىٰ گصتة
داخليلة الكمادات وصَفنت عليَه جت عينِي علىٰ ملامحَة وشكلة ماعنَدة لحيَة عنَدة شارب ثخيَن ومحدد بترتيَب حواجبَة ثَخان وسَود
ابتسَمت وانِي انزل عينِي لفكة عندَة فَك محدد
عندَة شخطَين صغار بخَدة مينشَافن ألا الواحد يركز بوجهة حيَل يلا يلاحظَهن
هزيت راسِي وشحَيت نظري بسَرعة عنَة واخذت القطعة دانگعها بالمِي سَمعتة ديَهلوس بصَوت ناصِي
بس مدافَتهم شيء سَاعَة يگول : لك قاسم الحيوان لك ارگع راسَه بالگااع ودوسَة بالقندرة
عقدت حاجِبي وضحكت رجع گال : مصطفىٰ الهتلي متونَس الكلب غير عارر نَص جماعتَنة استشهدوا إلا انه ويَاك صدك عارات
سكتت لفتَرة وهَو يحَوس بَراسة گال بصوت متقطع
- لچ جُمان
رديَت علي وانِي داحط الكمادة علىٰ گُصتة: ها ؟
رد بصَوت خافت
- ولچ يـَا لـَذة عيـونِي
رمشَت بسُرعة داحِس گلبِي حيطلع من مكُانة
عزااا شبي ديهلوس بيَه
باوعتلَة وگلت بداخِلي : ديتغزل بيَه ؟ وهَو نايم ؟
عقدت حاجِبي بأنزعاج ميستحِي ادبسز
تلمسَت گُصتة حسَيت الحرارة خفت
گمُت شلت الطاسَة ورحت غسَلتها حميَت الشوربة شوربة ؟ داضحك علىٰ نفسِي هايَة بس شور
حميَتها وخليَتها بماعون ورحَت طلعت لگيَتة گاعد وديحك بمكان الكانيولا
تقدمت اله وگعدت گلتلة : سَويت الك شوربة زينة الك دافيَة ترىٰ ملگيت شيء بالثلاجة لتعيب يعني
ضحك وگال : شتردين موجود بالمزرعة كل شيء زارع ابو علِي
عقدت حاجِبي ورديت: والشعرية هم زارعينها
- ها شوربة بدون شعرية ؟
- اي سَويتها بالخضروات بس ملگيت شعرية سويتَها عليك ياا الله وبعدين ترىٰ اني ماا اعرف اطبخ بس اتذكر امي چانت تسَوي شوربة بالخضروات
حطيت شيء علىٰ شيء وطلعت هاية النتيَجة حتى اذا محلوة أكلها
ضحك وگال: مجبور چا اذا ماا اكلها اگرط خيار علىٰ حالة
- انطيَتها إله واخذ خاشوكة منها واكلها باوعلِي وحسَيت اللگمة بعدهِي مبالعهَا قلص عيونة وگال
- : ليش تعبتي روحج ابو علي خوش يطبخ ترىٰ
-لويت شفتِي وگلت اله : ها موحلوه ؟
اخذ لگمة ثانيَة وگال : خلي ناكل وهَي المعدة تصفيَها بعد بس أدعي مايصير بيَه تسمم من البهارات الحاطتهن
- اهو لعد شخلي اني شعرفني بالطبببخ مطابخة من قبل بَس اسوي حلويَات
ابتسَم وگال : انه اطبخ يمعودة أنتِ اگعدي
رديت بذهووول وگلت اله : تعرف تطبخ ؟
جاوبنِي بثَقة هاز راسة
-كل شيء اطبخ شنو بالج اطبخة الج
كشورت وجهِي ورديت: ايبَاه يطبخ وايده معوقة شلون تطبخ بلا ؟
- لا اوگفج أنتِ تطبخين وأنه اگلج شنو تحطين
ديسَولف واندگ الباب باوعلِي وگال : هذا ابو علِي
گمت فتَحت الباب وشَفت زلمة كبير بالعمر ولاف حزام علىٰ خصرة باوعلِي ابتسم وگال : بوية سيَادتة جَوة
داجاوبَة واجَانه صوتة : تعال ابوو علِي اتفضل
دخل عليَه وهو يگول: سلامات سلامات سيادتك اجر وعافية عليَك خير ان شاء الله
- تسلم ابو علِي بسيَطة عابرة
- الله يسَلم بدنَك بويَة
باوعلِي وگال : ابو علِي بعَد أنتَ تگدر تروح لعيَالك انه باقي كم يوم هنَا وبلا أمر عليَك اتسوگ النَة شوف المدَام شنو تحتاج
باوعتَلة بدهشَة : عزا اني مدام سواني مدام شكو ليگول اني ام البيَت .
باوعلِي وگال : بوَية شنو محتاجة حتىٰ اجيبَة
ابتسَمت اله وگلت : عمو اي شيء بكيَفك
ضحك وگال: خوش بَوية
طلع وانِي رحت گعدت يمَة خزرتة وگلت: ليش تذبها براسِي اني شكو بعدين شنو معاشَريَن هنا !!
انطانِي صينية الشوربة وگال: كضي عاشت إيدج بس بعد لا أتعبين روحچ وتطبخين
- جيب اوووع يعَيب والله هايَة امكانيَتي معاجبَك خلِي ابو علي يطبخ
- هو انه تاليتِي مخلي ابو علي يحرس ويطبخ
- اي لعد لتعيب والله طيبة بلا خل اضوگها
حطيتَها بحلگِي وفتحت عيونِي باوعتلَة رمشَت بسُرعة بلعت اللگمة بالغصَب وهو يباوعلِي ويضحك
- عزا شنو هاي شمسَوية اني شلون أكلت منها انتَ
- مجبور گوة أكلت العوز يجبر
گمت من يمة وشلت الصينية عزا بعينِي شمصخمة لو مسوية خبز وجاي ولا مسَوية هلضيم هاي تسوي تسمم ول ول صخمتيها يـَ جُمان .
خلَص اليوم وانِي كُل شوي اروح اللزم گُصتة واتحسسها خاف يصخن خاف تصير عندة مُضاعفات انطيتة علاجات مُهدئة للألم
كُل ما أتذكر شَلون طلعت الطلقَة وشگيت كتفَة بدون تخدير جسمِي يكزبر وارجف موقف صعب وماسمعت صوت منة وشلون كتَم ألمَه
احس راسِي يأذينِي يبقىٰ أتحمل ألم فضييَع سَاعة ونُص وانِي أشتغل علىٰ فَتح الكتف واخراج الطلقة والخياط
غمضَت عيونِي بألم داحسَة يعتصر گلبِي غفيَت واسمَع صوت غَريب داسَمعة يمِي
فتحَت عيونِي بخررررعة وانِي اسَمع صوت ترَس الغُرفة كُلهااا صَووووت مثَل صوتت القنُبلة ديَقوة الصَوت ويسَرع
ركضَت مرعوبة احس گـلبي راح يطلع من صدريييي شغلت الضَوة واني اعيط بعالي صوتي مرعوبة وخايفة..
صرت ماشوف كدامي من الخوف ركضت فتحت بَاب البيت خفَت تنفجر علينا اشوفة مصدوم بمكانة صرخت بعالي صوتي..
- قنبلة قنبلة يم راسك عوف قنبلة راح تنفجر .
