رواية اسود توب الفرح الفصل السابع عشر بقلم خالد أسامه
مر ع خطوبتنه شهر خابرني اسامه وكلي ٩/٩ اريد يكون موعد زواجنه
شعجب هذا التاريخ حبيبي
لان يصادف عيد ميلادي واريد احتفل بعيد ميلادي ويه زواجنه
الله اجمل خبر سمعته اي صار شكو بيها نزوج بهذا الموعد اصلا حلو نحتفل بعيدين في يوم واحد
ودوم نذكر زواجنه ويه ميلادك
راح اكول الامي حتى يكون عدها علم وتبلغ الجميع ابموعد عرسنه
بلغت امي ابموعد زواجنه وخابرت رغد وشهلاء وكتلهم يجون قبل عرسي بكم يوم حتى يشجعوني ويساعدوني
صح كلبي متلهف ع حضن اسامه بس ماعرف شي عن الزواج
وكعدت اسئل رغد
وهي كالتلي من تجي علينه راح تعلمني وتفهمني شسوي
هاي الفتره احس روحي متوتره حيل ماعرف شريد
خالد .كاعد بالمحل وراسي دايخ هاي بنت الذينه صار اقل من شهر ما شفتها ولا حجيت وياها
وكلامي ما نفذته اني الج يابان والله لكلب عرس انجازه
طلعت مريت ع جماعه الي بالسوك اخذت منهم كم شغله محتاجها وبطريق رجعتي
شفت لمه مال شباب وكابه الهوسه
نزلت شفت هذا الارعن خطيب بان جاي يتعارك ويه واحد هم هتلي مثله
اسئلت الشباب كالوا عداوه قديمه والولد شاخط سياره اسامه
وصاير ابينهم مضارب وغلط وناس مدميه ناس
اني ارتاحت نفسيتي لو بيدي ادخل ع اسامه اموته بيدي وشرب من دمه هالكلب
شفت شباب راجعين للولد المعتدي ع اسامه
وكفت يمهم شحنتهم اشويه ع اسامه بشكم كلمه وما اشوف اله صار وليه عليه من كل صفحه تجيله لكمه
عفتهم ومشيت
وصلت محلي
حيدر وينك
اي استادي .أأمر
ولك اريد منك اجيبلي اثنين معدلين عندي طلابه وي واحد واريد اعلمه منو اني
صار استادي تدلل هسه اجيبهم واجي
منو راح اجيب
ولد جعفر حرامي .عنده ولد يخوفون الوحش
ليش ولده كبرو هذا الحرامي
اي استادي وهم مثل ابوهم مايخافون ولا يستحون من احد
زين ابساع جيبهم وتعال
ورا نص ساعه جابهم وجوي ولد اثنين اضخام صدك شكولهم تخوف
اكعدو
اي تفضل
حيدر جيب جاي
اي استادي
اطلب شرايد
منو بيكم شاطر حيل وعليه العتماد
اثنينه
زين اني اريد منكم شغله بس ماريد اسمي ينذكر لو للموت
واني بس اصير هالشغله وتاكد منها انتهت
كبل اسفركم
تدلل طلبك سهل
خلوا وطلعوا
ظليت احسبها ومخمخها براسي عدل هاي فرصتي اليوم هو اتعارك وي واحد يعني عداوه صايره ابينهم
يعني شيصير راح يلبسوها براس هذا الشاب
والله لعلمك يا اسامه الكلب وارجع حبيبتي الي وماخليك اطول اضفرها
منتصر .ماتكلي هاي وينك الخاطر الله
خيرك منتصر شكو
يمعود المعمل شو تركته كله عليه واني تره اغركت بالدين ابسببه
لا تهتم بس يشتغل المعمل انسدد المحلات الاخذت منهم بالدين
خالد ولك صدك راح انضيع اني بس ابو غاز الشمال يطلبني اربع ملايين متكلي امنين راح اسدده
لتشيل هم منتصر اني موجود
اعرف ياعيني موجود بس محتاجين سيوله
راس مالنه قليل منكدر نشتري بي جلكانين دهن محترك
انت غير من تنصب المعمل اتحسب احساب لدخل مالنه ومال المعمل
جاشلون تريده يشتغل بالدين ياخالد
منو يبيعلك دهن بالدين وهم اصلا ما يعرفوك
بسيطه منتصر اشتغل بالعندك هسه والله كريم
منتصر اطلعت من خالد واعصابي نار لان خالد ميعرف يصرف ولا يخلي واحد يعلمه الصنعه وشبجها علينه وخلاني اغرك بالدين
لان اني من اشتري محروك اشتري بسمي همه يعرفوني ما يعرفون خالد
بان .رحت لصالون حفيت وصبغت شعري ميشته ميش ناعم
تغير شكلي كله صرت احلى من قبل يعني ملامح صدك عروسه
اخذت صور ودزيتها الاسامه تخبل ع شكلي
اجمل ايام جاي اعيشها مع حبي الاسامه وعشقي في قربه
صرت مثله اعد الساعات حتى اكون يمه ونام ع صدره
كمت اتوسل باليوم يخلص ابساع
ومرت الايام ابطئ حيل قوي عبالك سلحفاه جاي تمشي
واليوم واخيرا ٩/٦/وباقي يومين ع عرسي
حضرت وجهزت كلشي حسب الاصول وجتي يمي شهلاء ساعدتني بهواي امور خطيه
وفهمتني رغد شنو اسوي
خالد.. اعرفت من البيت عرس بان يوم الخميس
كتلهم للشباب بنفس اليوم يسافرون
صرت عايش ع اعصابي ما متحمل بشر حتى البيت كمت ماروحله مكضيها بالملاهي
وسن وديتها يم اهلها حتى اخلص من زنها
وبعدين فكرت بالسفر حتى ابعد الشبهه عني ثاني يوم حجزت التركيا بحجه المعمل وتنصيبه
وبعدها سافرت ونطيت خبر المنتصر
بس اني النار مشتعله بكلبي ولو بيدي احطف بان وسافر بيها المكان محد يكدر يوصله
بان .اليوم عرسي كوه شلت نفسي من الفراش لان البارحه بالحنه تعبنه حيل وخلوني اسهر اهواي
هسه بس اريد افتح عيوني ما اكدر من التعب
بنات عمي وخوالي جوي عليه كومني كوه اكلت اشويه واخذني حسن لصالون اني ورغد وشهلاء وعبير واخت اسامه يعني شهله حلوه
كانت بدلتي حيل ناسكه وناعمه مابيها شغل اهواي حتى مكياجي وتسريحتي بسيطات حبيت اكون مميزه بعرسي واكون ناسكه مثل حبيبي
كملنه اني والبنات
خابرنه ع حسن رجعنه للبيت
دخلت
والنسوان كلهن يهلهلا ويطشن جكليت
كعدت ع اريكه والبنات شغلا الدي جي بدن يركصن ويغنن الكل منطلق وفرحان بعرسي
واكو الكال هوسات
واني كاعده ع نار بس اريد اشوف اسامه شلون طالع
اني اليوم حيل فرحانه طايره اصلا من الفرح
اتمنى كل البنات تزوج الي تحبه
شكد كرصت بنات وشكد كتبت اسامي وخليتها بحذائي حتى يمشن ورايه كلهن
عشت ساعات فعلا متتعوض
خنجر اكلك هذا بيت العروسه يجي زوجها من يطلعون عود نطلق النار عليهم
شوف من اطلق الرصاص كبل انت شغل وطلع
اي اكيد
بان كاعده صارت ساعه ٤ العصر لازم يجي هسه اسامه لان ورانه قاعه
انتظرت وشكد يكتل الانتظار
وبعدها دخلوا الجهال
اجوي اجوي
يمه كلبي اسمع دكاته واسمع المزيقه ادك اكبال الباب
ارجف ماعرف ليش
شنو هالاحساس الغريب ليش هاي الرجفه والرهبه
دخل اسامه ماشالله عين البارده عليه كمر
كمر طالع
ماشلت عيني عنه
اسامه .فدوه حبيبي شلون طالعه تخبلين
وانت كيكه ياعمري
بس مو مثلج حبي
هم زفونه وركص كومني منتصر ساند ابويه لزمني من يدي بابا ولزم اسامه
الاب .ابني سلمتك عيني دير بالك عليها اوليدي
اسامه .عمي لا توصي حريص بعيوني اضمها وقفل عليها هاي الغاليه
بست راسه وسلمنت ع منتصر
وهو باس راس اخته وهم وصاها
طلعنه
وصلنه باب الشارع
قريب السياره
بان .اسامه فتحلي باب السياره
رغد .رحت ارفعت البدله اشويه وجان يصير رمي يخوف
وحسيت شخص وكع عليه
اني من الجفله عطت يبوووووووووووووووووووووووو
الحكونه
وصار الكل طشار
مانعرف شكو منو رمه ومنو وكع ع منو
كلها دم صارت
خرب بس لا جتي الطلقه غلط لان اثنينهم طاحوا بالكاع
لا جتي بالمطلوب انه خوك ماضيع هدف
