رواية هو لا يشبههم الفصل السابع عشر بقلم تبارك الوائلي
لكنها مختلفةٌ تمامًا
لو رأيتَ ما بداخلها لاندَهشت،
لا تدري كم خريفٍ مرّ على قلبها، ومع ذلك ما زالت تُزهِر.❤
جمانه : وصلت البيت خالتي وصحت الحكوووو عفيه راح يموتووو .
خطيه الولد فزو على صوتي وركضو وياي للبيت
طبينه ولكنا كاعد سالو الولد خايفين عليه كال .
بسام : ماكو شي مجرد سالوني نازل جديد هنا
كتلهم اي جدد احنه ، وراحو اضاهر غلطانين بينه ور
كعدو الولد شويه وراحو وهو بقه يومين مطلع بس خلص الشرب مالته راح ورجع بالبيت القديم وبقه هناك وعافنه ودكينه عليه كال .
" مااجي بعد وماكدر اعوف البيت ومتعلم هنا "
عمتي كالت عوفو خلو بلكي يمل ويرجع هسه من ذاته وصدك عفنا وهو وما اجه وبقيه اسبوع هناك اجتي كواكب وصالح زياره الاهلها ومرو عليه ورحت وياهم لان مشتاقه لاهلي ورحت سلمت على بيت خالتي ورجعت ويا صالح لاهلي وبتت يومين ودكت طيبه عليه وكالت .
_ جمانه تدرين بسام شمسوي .
_ خير شمسوي .
_ متعارك بالمنطقة هناك لان كايم يجيب اصدقائه ويا للبيت يباتون يمه وشايفته جارتنه ام سيف ماخذ قناني الغاز اثنين بايعهن هذا اذا بقه يبيع كل غراض البيت وامي كالت راح نرجع للبيت القديم لان ميقبل يجي هنا .
جمانه : تخبلت من سمعت صحت.
_ هذا صدك يحجي اخوج يعني معقوله مصار شهر خلانه اناجر البيت وهسه يرجعنه .
طيبه : اي خيه امي كالت كليلها خلي تبقه يم اهلها لان احنه هسه راح نرجع وننطي مفتاح البيت .
جمانه : بالله الي يسمع بينه مو يضحك علينه يعني هيج فككنه كل غراض البيت وتبهذلنه واخر شي رجعنه قبل لا يخلص الشهر ههههه صدك شر البليه ما يضحك ، عبالك سفره رحنه ورجعنه .
طيبه : اي والله صدك يا جمانه شنسوي شنو بدينه هذا بسام يلعب لعب بينه ومانكدرله يله خيه امي تلم بالفراش والملابس راح نرجع باي .
جمانه : الله وياج عيني.
صفنت مدري اضحك مدري ابجي مااعرف شكول عليك بسام تضحك على نفسك علينه وين توصل بينه بعد دخليك ربي حلها من يمك ، اجتي امي شافتني صافنه كالت .
ام صالح: ها يمه صافنه .
_ صافنه على ضيمي يمه .
حجيتله الصار عصبت وصار تصيح و كالت .
ام صالح: والله بهذلكم هل بسام الغضب شلون
يعني محد يرده محد يحجي ويا إلى متى يبقى
هيج .
سكتت مجاوبتها خفت احجي واجرحها شكللها يمه انتِ الردتي انتِ الكتب نفسج عليه ورطتيني بي .
سمع ابويه بكل السالفه وهم عصب وكال .
أبو صالح: جمانه هم راح ترجعين ويا اذا اجه .
جمانه : لعد شسويه يابه.
أبو صالح: تبقين ومتروحين ويا بعد خلي يولي هل دايح .
جمانه : صرت اضحك بكلبي على هيبتي هسه تريدني ابقه يمكم بعد ايش كتله .
_ يابه جهالي ماكدر اعوفهم .
أبو صالح : لا متروحين بعد وكافي حجي ماريد
اعتراض .
وره يومين كاعدين العصر واني صارلي 4ايام
يم اهلي وهو ولا دك عليه ولا ساله ولا كال ،
كاعدين كل احنه وندكت الباب فتحو الباب الجهال طلع بسام سلم وكعد شويه و طب ابويه ماسلم على بسام وكعد باوع بسام خجل كال .
بسام : يله جمانه دنروح للبيت .
ابويه رد و كله .
أبو صالح: اي روح انت جمانه متروح .
بسام : ها ليش متروح ؟
أبو صالح: هذا كله وتسال ليش متروح والله والك عين تحجي روح متروح جمانه وياك واذا تريد جهالك اخذهم وروح .
عصب ابوية وصار يحجي باعصاب بسام تخبل وكال .
بسام : اي هذا هو مصار شي صيحو الجهال .
وصدك اخذ جهاله وراح واني الوب وراهم اخذ نور وطارق واخذ كلبي وياهم متحملت لحكته للباب كتله .
جمانه: ليش تاخذهم عوفهم يمي بسام .
بسام : وليش اعوفهم هناك محد يتصخر اليه .
جمانه : عوفهم الله يخليك .
تجاهل كلامي طلع وركع الباب وره واني كعدت انهاريت بالبجي وتهسترت على جهالي وامي وابويه وكواكب يسكتون بيه واني فقدت مااحس على روحي ابد .
_ ليششششش هيج اسوون بيه اااااني ماكدر اعوف جهالى ليششش تخلوني محتاره بيناتكم المن ارضي بس علمود ابقه قريبه على جهالي محد يفكر بينه .
ام صالح : عوفي يمه هذا ماينحمل ابد .
نهاريت وصحت .
جمانه : هسسسه عرفتي مينحمل من شلتي خطيتي وزوجتيني اله وردت اطلك من على نور وكتلكم هذا ميتوب وميتغير طبعه كلكم وكفتو ضدي واخر شي رحتن اتفقتن انتي وعمتي وسويتلي سحر ورجعتني بالكوه ، وخليتو هل الجهال بركبتي مالهم ذنب ولا اني شنو مصير جهالي كليلي اعوفهم يم اب مثل بسام شرب وكبسله وسوالف عوج كلهن حاويهن ابن اخوج على راسه واخر شي ختمها كام شيلنه بغير منطقه وبهذلنه بالغربه ورجعنه عبالك سفره طلعنه من العامريه للغزاليه وبعدين كام يبيع غراض البيت ويشتري شرب وجاب اصدقائه يباتون يمه لان ميتخله عنهم ابد ولا يكدر يفاركهم واني لعبه بين الكل روحي بكيفكم ورجعي بكيفكم محد رحمني بيكم ابد .
كعدت بجيت بحركه وهم عود نقهرو عليه ويحاولون
يسكتوني صحت .
_ زين كليلي اشلون اعوف جهالي يمه اشلون اكدر يمه .
ام صالح : ولج كافي يمه موتي روحج شبدينه احنه غير علمودج .
جمانه : يمه لتكولين علمودج لان انتِ اول الناس شلتي هم الناس وخجلتي اطلكيني منه مو انتِ لو غيرج ها كولي مو انتِ صحتي يشمتون بيه وما اكدر .
كواكب : كافي جمانه حبيبتي كافي شوفي اشصار بيج هسه انتِ شتكدرين اسوين كافي ارحمي نفسج حبيبتي .
جمانه : ولج كواكب اشلون ارحم نفسي واهلي مارحموني اشلون اكدر افارك نور وطارق اني يمهم ويضربهم على اتفه الاسباب كواكب اشلون بيهم هسه منو يحميهم منه من يعصب لو من يسكر كليلي منو يحميهم منه ولج اني دست على كرامتي وتقبلت كلشي بس علمودهم وعتبرت نفسي ماعندي اي احساس. ومشاعر على اسلوب بسام سكتت علمود جهالي والله علمود هم .
ام صالح :كافي يا عيني بيبيتهم يمهم وعمتهم يمهم.
جمانه : لا لا لا يمه والله يضربهم اني يوميه اشربهم الرمين بس علمود ينامون قبل لا يجي سكران وهذا طارق ميعرف يبقه يفتر ادري بي .
كواكب : كافي كافي اكلج كافي تعالي اغسلي
وجهج واكعدي صلي ودعي ربج ارحم بحالج
وحالهم حبيبتي .
جمانه: ان شاءلله يارب يحفظهم اليه .
او مرت الايام واني يم اهلي ومر سبوع عله كعتي يم اهلي اجتي طيبه وجايبه وياها نور وطارق ديشوفوني وكعدو يمي ساعه واني شفتهم وكعدت ابجي حضنتهم وبوستهم وكعدت نور تحجيلي شلون تحميلهم الاكل وجيبلهم وحجتلي عله طارق شلون يبجي عليه وهم شلون ايسكتونه وراحات طيبه وخذتهم واخذت كلبي وياهم وكعدت ابجي ورهاهم جتي وكالت .
كواكب : ليش تبجين يا جمانه مو شفتيهم وكعدتي وياهم .
جمانه : والله يا كواكب اخذو كلبي وراحو لشوكت ابقى هيجي اني وجهالي متبهذله .
كواكب : الله كريم حبيبتي ربج يفرجها دكومي خطيه شيلي بتج نامت خليه بفراشها .
جمانه : اي كايمه همزين عاد مليكه يمي ملتهيه وياها .
رحت نمت واني كل الافكار اجتي ابالي شلون راح تمشي حياتي ويا بسام ماعرف اشوكت يحس على نفسه ويصحح اخطائه كعدت الصبح واني مادري شلون كوه نمت الليل من تفكير
عدت الايام يم اهلي اجتي طيبه العصر وجابت طارق وكالت .
طيبه : طارق يبجي عليج خلي يومين واجي اخذه .
طارق اول ماجه فرح من شافني وفرح بجيته عليه بس من عمته رادت تروح ضاج وكال .
_ اريد نور او ابويه .
رحت اني سكته وبالكوه ياله سكت وبطل يبجي اخخخخ صدك ذوله الجهال اتبهذلو مالهم ذنب بيني وبين ابوهم رايحين وجاين ورى شويه سكت طارق والتها يلعب ويا ولد صالح ومرن يومين وجتي اخذته طيبه اكعدت ابجي وراهم لان بسام قافل عله طارق ونور وميخليهم يجون عليه .
ومرت الايام _
واني بعدني يم اهلي زعلانه وبيوم من الايام خابر حميد ابن خالتي عله اخته كواكب كلله راح اجي واجيب بسام اخلي يتراضه ويا جمانه اجتي كواكب وكلتلي اول مرى افرح برجعتي البسام كواكب كالت
_ راح يجي حميد يتفق ويا بسام ويجون ايراضوج.
صدك يومين واجا علينه حميد ابن خالتي الصبح وكعد يحجي ويايا واني ماخليت شي ماحجيته
على بسام اخر شي حميد كال .
حميد : ميخالف انتِ عدج جهال ومجبوره
تتحملينه .
:- انجبرت اقبل ارجع لان همي الوحيد جهالي مهمني اي شي غيرهم وكل شي اتحمله علمود جهالي
راح حميد وره اذان العصر اجه وجايب بسام ويا وكعدو يحجون نفس الموضوع مالت بسام واخر شي بسام ماحافض غير كلمتين وهيه .
:- اي ودللو واتغير .
واني بكلبي اكله لو تضحك على كل الدنيا عليه متضحك ورجعت ويا للبيت وحميد سلم وراح البيتهم وفرحت نور وطارق متنوصف من شافوني
ومرت الايام _
حياتي عاديه ونفس الروتين بحياتنه مايتغير سمعنه بعرس داوود وعادل سوه لان همه خاطبين قبل فتره ورحنه اني وبسام والجهال على بيت خالتي وباركنه الهم ورجعنه بالليل من يمهم ومره بسام كالي .
_ امشي ضايج اروح كم يوم البيت عمتي ام حميد وكلنه العمتي ورحنه وبقينه 3 ايام ورجعنه ولكيت عمتي ضايجه حيل وعصبيه وكالت .
ام بسام: خلي يجيب مسواك وحده الكم ومالي دخل بيكم بعد اني تعبت وما اكدر على المصاريف وحدي .
جمانه : اني سكتت مارديت عليها اجه بسام وكلتله وراح جاب يوم يومين اكل النه وحدنه بعدين بطل يجيب وهيه هم سكتت عنه و اني رجعت هم اكل وياهم اني هنا شكول على نفسي واحجي قليل انسانه ماعدها كرامه ماعدها احساس ماعدها كلمه هواي مسميات لكيت النفسي بس مرات اصفن واكول قابل شريد اسوي واني مرءه لا حوله ولا قوه احس نكسر ضهري بجهالي وبعد ماكو مهرب من بسام واقعي المر ولازم اصبر على حكم ربي لان مالكيت واحد يصف ويايه ويسندني ويكلي هله بيج انتِ وجهالج ابد قبل لا اخلف يكلولي ازوجتي وعيب الطلاك وهسه عندج جهال وتحملي كل يوم عذر واخر شي اني ختمتها ماكدر افارك جهالي او اعوفهم ونجبرت اتحمل بسام الي محد يتحمله بكل الدنيا
صرت من اصلي اكول ربي احمدك واشكرك على نعمه جهالي بس ما رايده غير شي بس اشوفهم كدامي .
_ ومرت الايام
تخربطت اوضاعي و مادري بنفسي حللت طلعت حامل بطفلي الرابع بسام وعمتي وطيبه كلها فرحت وكالو
_ ان شاء لله يجيج اخ الطارق اني صافنه اشلون
بيه ماعرفاتصرف عقل زعطوطه مااعرف اي شي اسوي امنع الحمل بس اشلون يصير الطفل عندي مادري من اصفن ويه نفسي واكول شو هو بسام
كل شهر او شهرين ومرات اكثر يطب غرفتي ويصيحني وتصير علاقه بدون اي احساس لا هو
ولا اني الي نفس بي بس مجبوره اسكت خوفي من الله سبحانه هو الي مسكتني ، مادري الله سبحانه اله بيها حكمه ورزقني بجهالي الي هم احلى شي صار بحياتي
وبعد فتره رحت سويت سونار وطلع بيه ولد والكل فرح واهلي هم فرحو ، بسام زاد اكثر من قبل وصلت بي المرحله يكعد بالليل ميدري بروحه
يكوم العفو على صفحه بلاستقبال يدرر ويرجع ينام ميدري بروحه لو مره من المرات فتح الثلاجه وهم فتح باب الثلاجه ودرر بيها وهمزين جان بوقتها فارغه الثلاجه مابيها مسواك ومن غير مرت الي
الكا مبلل فراشه ومدمر كل الفراش مالتنه ويكعد الصبح من 6 عادي عنده يكوم يسبح ويكلي
_سويلي ريوك
ولا عبالك مسوي هيج تصرف ولا يخجل من هل تصرف ابد ومن يكعد الصبح يتريك ويبقه يشرب الحد مايسمع اذان الضهر ينزل من السطح يريد
غده اني من شوفه هيج ارجف منه اصبله ونطي
واطلع من كدامه وهو ياكل وكبل ينام يكعد قبل المغرب يشرب الحد اليل وره 1يسكر ميكدر يحجي يتعشه وينام كبل واحنه هيج حياتنه ماله اي معنى والانكس اهلي يعرفون بوضع بسام ولا مهتمين ابد وعادي عدهم يتاملون يتغير وهو واصل مرحله بعد ماله اي جاره
فارشين كل احنه ونايمين وفزيت على الم برجلي شاطت روحي باوعت بسام نايم وميدري بروحه وسكران وعضني من رجلي بس شنو مو عضه احسها
نزرفت زرف رجلي جنت بوقتها لابسه بجامه ونزرفت البجامه بسنونه بليلتها خفت خوف مو طبيعي
بعدته مني وادفع بي وبالكوه بعد مني وراح رجع نام واني بعدني ارجف وابجي من موقفه كعدت حجيت الهم وكل معتاد عمتي وطيبه ينطو الف عذر
قررت بس اولد لازم اطلك من بسام والكه حل النفسي لان كرهت الدنيا كلها شنو ذنبي اعيش ويه انسان مريض دمرني وخلاني كبرت قبل عمري
اقاربنه من عرفو بسام يبيع شرب الكل كطعو رجلهم من عدنه حتى جيه علينه محد يجي ابد
كام يجمع افلوس ويضم ويسويهن ورق ويضمهن بس يجمع ويضم وماعرف شيسوي بيهن
طبيت بشهر السابع وطيبه راحت تسوي عمليه جيوب انفيه عدها وراحت عمتي وياها وباتو بالمستشفى واني اخاف من بسام من وحدنه الي
اعرفه المرءه تامن بوجود زوجها وهو يصير الها
سند اله اني عكس العالم ، شايفين مره تخاف وما اتامن بزوجها هيه اني صعدت اخبز بالتنور الطين بالسطح كعدت اخبز ونور وطارق وملاك يمي يلعبون ملاك عمرها 3 سنوات صعد هو كال .
بسام : جمانه راح اصعد صديقي فوك يم الطيور
جمانه : اشلون اصعده مو اني كاعد اخبز ؟
بسام : اي وانتِ شعليج بيه سدي حلكج احسن ماطفي الج واشمرج انتِ والتنور من فوك .
سكتت قابل شريد احجي ويه انسان مريض وميعرف الصح من الخطأ صحت .
جمانه : نور يمه نزلي جيبي شال بسرعه البسه امري الله راحت نور وجابت الشال لبسته وبقيت اخبز وصعد صديقه فوك بالقاط الثاني كملت الخبز ونزلت جوه اني والجهال ومن نزلنه سمعته قفل باب السطح وقفله من بره بزنجيل عرفت بسام شديسوي وعرفت ليش صعد صديقه علمود شهوته الي بس ويا شباب تطلع روحي كشت منه وكرهت حتى روحي ياربي اشوكت ارتاح منه واخلص معقوله اكو هيج
دموعي تصب واني اباوع الجهالي وطلع صوت من داخلي وصحت الغوث يالله اريدك انت تشوفلي حل تعبت من هل انسان الوصخ نفسيا وجسديا وصلت
مرحله بي يطب للحمام يسبح كل شهر مره ولا يهتم بملابسه اله اني الح عليه واكله نزع ملابسك اغسلهن ياله ينزعهن ، من اباوع عليه اكول بضحكه جنت صغيره اكول احلم ازوج واحد نضيف ويتعطر وملابسه نضيفه ومرتبة بس سبحان الله نجمعت بسام ولا وحده منهن مطبقهن بحياته ابد
ثاني يوم هم صعدت اخبز وعمتي خابرت كالت راح نبقه اليوم هم نبات لان طيبه عده فقر دم ولازم تبقه بالمستشفى وصعدت اني والجهال اخبز وبسام اخذ طارق ويا وراح على عمتي يشوفهن وصاحت نور.
:- يمه اجه خالي صالح راح انزل افتح الباب اله .
راحت تركض ولحكتها ملاك تركض واني هبطت على ملاك خفت عليها توكع من البيتونه لان جان المحجر كاسره بسام وخفت توكع رحت اركض عليها وزلكت رجلي وكعت على بطني ومن قوه الوكعه انكلبت ليوره شافتني ملاك رجعت عليه تركض خايفه عليه واني الوب من الوجع لزمتها من ايدها والتنور دخن بالخبز اجتني نور تركض هيه وصالح كوموني .
جمانه : ليش ولج نور عفتي الباب وراج وجان اختج وكعت .
نور : والله مادري يمه .
صالح : تعورتي يوجعج شي جمانه .
_ لا صالح زينه بس طفي التنور ونزل ملاك .
راح صالح طفه التنور وشال ملاك بحضنه ونور لمت الخبز وكادتني ونزلت جوه بقه يمنه شويه وراح وره شويه وزاد عليه الوجع اجه بسام كال .
:- اشبيج جمانه .
حجيتله الموقف كله كال .
:- جمانه خاف يصير شي بالولد روحي لدكتوره .
همه بس الطفل يحب الجهال حيل بس حبه بس يكثرهم وبس بدون اي اهتمام فاهم الموضوع غلط وفاهم الابوه غلط انطاني افلوس ورحت لدكتوره
:- دكتوره ينزل ماي عليه والم قوي عندي .
_ احتمال بسبب الوكعه تجيبي سبيعي والمشكلة كاعد الطفل و احتمال تجيبين عمليه .
خفت من كلامها انطتني علاج وكالت .
_ الج 3 ايام اذا مانقطع الماي روحي للمستشفى تولدين بس هسه نامي على ضهرج ورتاحي .
رجعت ونمت على ضهري وهو مدري شعجب سوه عشه اتعشينه و نور فرشت لخوتها ونامو وراح
هو يشرب الحد ما كمل ونام ، ثاني يوم رجعت عمتي وطيبه للبيت وسمعت كواكب اجتي تشوفني
كالت .
كواكب : تعالي يمنه نامي على ضهرج الحد ماتتحسنين جمانه هنا متكدرين ترتاحين .
ماقبل بسام وكللها .
:- لا امي يمها واحنه نهتم بيها .
سلمت وراحت كواكب واني بقيت 4 ايام نايمه
على ضهري اتحسنت الحمدلله ونقطع الماء مني
ومرت الايام واليالي
نايمه بالليل فزيت بلـ 1بالليل صار عندي وجع ولاده ولكيت عمتي كاعده كالت .
ام بسام: اشبيج عمه جمانه .
جمانه : يمكن عندي ولاده .
ام بسام: اي كعدي بسام .
:- لا مو هسه فد ساعه و نروح اعرف نفسي بعدني هسه .
ورحت شلت افراش ملاك وكلتلها .
:- عمه شيليها نيميها يمج عمه.
شالتها عمتي ونيمتها بصفها رحت رتبت غرفتي وطلعت ملابس اليه ولطفل ورحت اصلي وسبحت وكعدت اقره قران وزاد الوجع عندي ودعيت ربي يسهل ولاتي ورحت كعدته البسام فز كتله عندي ولاده كال ، اي لبس ودك على صالح كله .
_ راح امر عليكم انت وكواكب ويانه ناخذ جمانه
تجيب .
وصدك لبست وشلت الجنطه وطلعنه وعمتي كالت
_ الله يسهل عليج ان شاءلله يمه لتخافين اني يم الجهال روحو .
قفلت الباب ورانه وركبنه بالسياره ورحنه وكف براس الفرع مال اهلي ودك على صالح كله .
_ تعال وصلنه.
طلعو وراحنه للمستشفى فحصتني الدكتوره وكالت
_ بعد لصبح ياله تولدين روحي تمشي بالممرات كال
بسام .
_ لعد راح اروح رجع للبيت اني وصالح والصبح نجيكم .
وراحو للبيت وبقيت اني وكواكب نفتر بالممر وهم جانت بوقته كواكب ضايجه حيل لان متعاركه هيه وصالح علمود الجهال وتحجيلي تفاصيل عركتهم خطيه كواكب هم محتاره بااهلي ابد ماتعلمت عليهم ولا همه تعلمو عليها ومينطوه مجال تعلم الجهال وتربيهم كلمن يربي شكل وهيه حايره بيهم وصابره
صارت بل 7ونص زاد الوجع عندي طبيت للصاله وضربوني ابره وصارت ولادتي بس حيل تعبت ياله جبت امير حبيبي ونور حياتي اخو الطارق حمدت ربي على هل نعمه فدوه حيل ناعم اجه بسام وصالح فرحان بسام جايه ولد راح جاب عصاير و وزع
للممرضات وافلوس منطيهن ورجعنه للبيت وبقت يمي كواكب ودز عمتي جابت كباب النه وتريكنه اني وكواكب وهو راح جاب طلي ذبحه الوجه الله وانطه الذراع مالت الطلي الكواكب وراحت البيتهم وراح قسمه وزعه للعالم كله والمغرب موزع شرب الاصدقاء بفرحته بالطفل اول مره اشوف هيج توزيعه حتى بهاي يختلف عن العالم بسام هههههه
مدري اضحك مدري انقهر
مرت الايام
كاعدين وهم طبو الشرطه اخذو وكالو انت متبطل مو قبل هم اجيناك وتوقفت ليش متبطل واخذو وهم انسجن اسبوعين رجعت زارته نوبه الصرع ومغمه عليه وماخذي للمستشفى وطالع بي سكر هنا كملت عليه بسام هم تشمع بلكبد ونوبه صرع وسكر
كل هذا وميتوب ابد صار ضعيف الدرجه متنوصف
طلع من السجن ونفس اليوم قرر يروح يجيب شرب ويبيع لان ميقبل يبطل عمتي تهسترت و رادت تمنعه وماقبل ابد واني حجيت وماكو فايده ابد اخر شي كلتله .
ام بسام : وروح ابوية اذا رحت ، ترجع متلكه احد بالبيت اني وطيبه راح نروح ونعوف البيت الك
وجمانه راح تاخذ جهالهل وتروح الاهلها محد يبقه يمك بعد دمرتنه تعبتنه .
بسام : اي شكو بيها من حقكم روحو الباب يفوت جمل ياريت تخففون عليه و اخلص منكم .
اني عبالي يغير رائيه بعد ماطلع من السجن
بس طلع تفكيري مو صحيح عافنه وماهتملنه
وركب بسيارته و راح يجيب شرب بقينه اني
وعمتي وطيبه وحده تباوع بوجه الثانيه محتارين شنسوي صفنت عمتي وكالت .
ام بسام : كومي جُمانه لمي ملابس مليكه وامير بس يجي ويجيب شرب صدك تروحين الاهلج متبقين يمه بعد بلكت نلكه حل اله .
جُمانه : والله ياا عمه ابنج ماله حل وحيرني يعني اني يومه اضل متبهذله اني و جهالي وتعرفين ابنج كلش زين ميخلي نور وطارق يروحون وياي كليلي شسوي ذوله جهال شنو ذنبهم متبهذلين بسبب ابنج.
طيبه : يمه انتِ تحجين صدك ترى ابنج ميتغير عليمن دازه جُمانه ومبهذله هل مكروده دعوفيها لامه جهالها وكاعده شتسويله ال ابنج هوى ابنج ميرتاح اله يموت نفسه بيده اشو المرض ماخله شي بشسمه هسه لو استغفر الله يمه لا تضوجين بس لو الله ياخذ امانته ويخلصنه من عنده احسن من هل مصايب .
ام بسام : ياااا ... ان شاءلله كص يكص السانج طيبه اشلون تدعين على اخوج متخافين من الله
جمانه : لا طيبه مو الهل درجه تدعين علي الخاطر شبابه وجهاله يمعوده .
طيبه : مو كافي بزعنه وطلعها من طورها .
بقينه وحده تلوم بالثانيه وعمتي اصرت عليه اكوم اجمع ملابسي وملابس الجهال وكمت صدك جمعت ملابسي وملابس الجهال وكترتهن عله صفحه عمتي جانت كاعده بالباب وطبت كالت .
ام بسام: شوفي جُمانه اول ميطب بسام اذا جايب شرب تاخذين جهالج وملابسج وتروحين الاهلج
جمانه : سكتت ورحت اصلي كملت صلاتي و طب بسام وجايب وياا بالعشر كراتين وشويه والباب اندك وكامو يحون اصدقاء ياخذون منه تخبلت عمتي وعصبت حيل وكامت الصيح تغلط علي وكلتله .
ام بسام: انتتتتت شلللللون بيك مجوز متخاف الله بس كلللللللي اليوم طلعت من السجن يعني يوميه اااااااااطب للسجن .
هو هم كام يصيح وصار عصبي عليها وصاح .
:- كاااااافي عاددددددد لتدخلين بيه اني بكيفي اتصرف اني ما اعرف اشتغل غير شي ولا اكدر اشتغل و ماكدر ابطل من هاي الشغلة اريح شي اليه .
ام بسام: والسجن هم اريح الك يوميه طابه وطالعه .
جمانه : بسام اني ماكو داعي احجي بعد لان عمتي حجت البكلبي اني راح اخذ جاهلي وروح الاهلي وكل واحد يروح بطريقه وهل مرى طريقنا ماله رجعه راح اشتكي عليك بل محكمه واطلب الطلاك منك وخليها ابالك طلاكي على مود نور وطارق ولان ادري بيك متخليهم يجون ويايه بس اني بلقانون اعرف اشلون اخذهم منك .
تخبل من رده فعلي وكال .
بسام : خلي انشوف القانون اشلون ينطيجياهم
خلي ابالج جمانه محد يكدر ياخذ الجهال مني
لو اعرف اسويها مذابح ومكاتل عود دزيلي اخوج وابوج عليهم علمود اعرف اشلون احرك كلبج عليهم.
جمانهة : شلت امير بحضني وخليت الجنطه بجتفي وكدت مليكه بادي وكلته هذا هو اني هذا حدي وياكم هاي صارلي عشر سنين وياك
تعبت منك صار اسنين اني مضحيه بنفسي علمود كم وما فديوم قصرت ويه واحد بيكم .
ام بسام: لا والله عمي ماقصرتي هو مينعدل حملتي
ما يكفي من بسام .
طلعت اني ودمعتي بخدي عبالك جنت طابه
بحرب حاربت صار عشر سنين وطلعت منها خسرانه رحت واني الطريق كله ابجي ولا كلف نفسه ويجي يرجعني ولا كلي تعالي يا بنت الناس ابطل واكد
الخاطرج انتِ والجهال شويه وسمعت طيبه تبجي ورايا لان طيبه متعوده عليه ومتكدر على فراكي
كلتلها
_ طيبه عوفيني عليج الله خليني بحالي
خطيه هيه سكتت بعد محجت شي
رحت لهلي ولكيتهم كاعدين سلمت عليهم ورحت طبيت بغرفت امي ابجي كلهم اتفاجو بجيتي اشلون اني جايه وحدي اجا عليه ابويه وكلي .
أبو صالح : ليش تبجين شبيج .
جتي عليه كواكب وامي وكتلهم .
جمانه : بجيت وكلت ، بسام بعد مارجع اله و اريد اطلك من عنده واخذ جهالي من عنده .
ابويه صفن عليه حسيته نقهر وكلي .
أبو صالح : لتبجين يابه محد يستاهل ادموعج عوفي وابقي هنا هذا بيت ابوج ابقي معززه مكرمه ترى مو بس انتِ تعبتي من عنده حتى احنه تعبنه منا وجينه
ويا بكل الطرق .
بجيت بصوت وكتله
جمانه : أي يابه عفيه لترجعني اله والله اموت .
أبو صالح: بس بنتي اني هم ، والله صرت اخجل كدام العالم من بسام بس شنسوي المشكله احنى ماعدنه وحده من العشيره ملطلكه وهاي السالفه طلاك نستعيبه وثكيله عليه .
جمانه : فتحت عيني مصدومه كل هذا وابويه بعد مصر كتله .
_ يابه صدك تحجي انت مو كافي عاد مابزعتو من هاي السالفه هوه هذا همكم الوحيد محد فكر بيه كافي مو صار عشر سنين سويت عليكم الدرب سجه شوكت تقتنعون وتفكوني منه .
صرت احجي واناشغ
كواكب : كافي عيني جُمانه هاي شسويتي بروحج كافي ارتاحي وبعد محد يكلج ارجعيله .
جمانه : كواكب انتِ شبيج مافكرتي بنور وطارق
مو تعرفين بسام لأوي ايدي بيهم وميقبل ينطيهم اليه .
كواكب : ماعليهم شي مهما كان ابوهم وعمتهم وبيبيتهم يمهم ومحد ياذيهم .
_ ولج يامحد ياذيهم تدرين اني حتى الرمين اشربهم بالليل حتى ميجي ويشوفهم وياذيهم .
_ أي قابل شتسوين مو بديج ، كافي عاد راح تموتين روحج انطيني اموري حتى اغير ملابسه وانتِ اكليلج لكمه .
هزيت راسي و كمت صليت صلاه العشاء وستغفرت ربي لان ماعندي ملجأ غيره ومحد راح يفرجها عليه غيره كملت صلاتي وتعشيت اباوع مليكه تغار من امير خليتها بحضني وامير على جتفي اهز بيهم حتى ينامون وكل اشويه مليكه سالتني .
_ اشوكت يجي نور وطارق
ليش ماجبتيهم ويايه
واني اكلله .
_ همه يجون ورانه نامي هسه انتِ
نيمت الجهال بفراشهم ونمت بصفهم ماعرف اشلون غفيت .
مرت عليه الايام
واني يم اهلي وكلشي ماتغير وامير كام ميشبع من صدري الحليب من القهر عبالك نكطع امير عمره 23 يوم جانت عندي قوطيه حليب خلصت واستحي اكول الاهلي صح يرضع على صدري بس ميشبع
امي انتبهت على امير بس يبجي وكلتلي .
ام صالح: ليش يبجي ابنج سويله مميه خاف جوعان.
جمانه : كوه طلعت مني الحجايه وكلتلها.
_ يمه الحليب خلصان .
_ ليش ماحجيتي يمه شنو ذنبه الطفل يبجي .
صاحت على صالح امي كلتله
ام صالح: جيب وياك قوطيه حليب الامير .
صالح : ميخالف من ارجع بليل اجيبله وياي .
وصدك اجه صالح بالليل وجاب حليب ويا شربته شبع ونام ثاني يوم اجتي فرح وشهد علمودي وبقن يمي نهار كامل وراحن واني بقيت يم اهلي وكل اليجي يم كرايبنه يدري اني زعلانه وكامت طيبه تجي كل اسبوع تجيب نور وطارق اشوفهم ويروحون ومن تاخذهم يبجون عليه وكلبي ينمرد عليهم بس ما بيدي شي صار روتين حياتي
صارلي 4 اشهر زعلانه يم اهلي واجتي عمتي عليه كالت عمه .
ام بسام : جمانه اكو مشتمل بفرع اهلج للبيع وبسام تدرين بي مجمع فلوس من الشرب الي باعه وراح اخلي يشتري هذا المشتمل الي الفرع اهلج وذاك بيتنه الجبير ناجره ونجي نكعد بهذا المشتمل
و بسام راح يبطل ميبيع شرب ويعوف كل اصدقاء شدكولين انتِ بهذا الحجي ترجعين ويانه اذا اشترين المشتمل .
جمانه : صفنت على عمتي ماكو جديد نفس طريقه الاقناع بس الكلمات تتغير كلتلها.
_ عمه انتِ كل عقلج تحجين ليش مصدكون بسام ميتغير ولا يتغير طبعا لان هوه مقتنع بحياته صح
واحنى الغلط .
_ ميخالف يمه هذا اخر امل ويا بلكت الله يتوب ويبطل ويلم جهاله .
_ والله عمه تعبت تعبت .
_ الخاطري اني منعدي خاطر يمج جمانه .
_ عمه فدوه رحتلح والله خاطرج على عيني وعلى راسي يعني انتِ تبهذليني وتعوفين ذاك بيتج قاطين 150متر وتجين اهنا بمشتمل 50 متر .
_ ميخالف جمانه اقبل المهم ابني .
_ متكليلي شيكفيكم تدرين بي غرفه فوك وفرفه جوه ومطبغ اشلون يكفينا بس كليلي .
_ يمه كافي علينه شعدنه واني وطيبه غرفه جوه كعدتنه وكلنه والغرفه الفوك انتِ وجهالج كافي
علينه ترى تحملي بالكي الله صدك يكعد ويتوب .
_ والله ميتوب وكولي كالت جمانه .
_ هاي اخر مرى اطلب من عدج بعد محد ايلومج .
_ والله يا عمه صدك ضحكتيني عشر سنين اني اركض ورى ابنج وهسه تكليلي ايلومونج كليلي
هذا منو الي يلومني بس واجهيني بي .
ام صالح : محد يلومج يمه ميخالف هل مرى الخاطر عمتج والخاطر جهالج قبلي .
جمانه : سكتت هو اني شعندي غير اقبل بضيم بسام قبلت ارجع الخاطر الجهال تبهذلو بيني وبين ابوهم كلتلهم .
_ خوش ان شاء الله خير .
ام بسام : خوش لعد اني اكله يجي ويتكاتب هوه وصالح يشتري هاذا المشتمل وتبقى بس غراض البيت تعاي انتِ وساعديني بيهن الملمهن .
ام صالح : شيجيبه ويجيب جهالها وياها عيني ام بسام .
ام بسام: تجي شعدها هذا الطفل تعوفه يمكم وتجي علينه وخلي تجيب بس مليكه وياها وتساعدني اني ماكدر وحدي ها جمانه شتكولين .
جمانه : ضحكت على ضيمي .
_ عمه شكول عمه الي تردي اسوي ..
_ الله يرضه عليج بنيتي من يومج عاقله .
راحت عمتي وكواكب كالت .
كواكب : ها جمانه راح ترجعين وياهم بالمشتمل .
:- أي هذا اخر امل اله علمود مالوم روحي واكول ماوكفت ويا وساعته يعوف هل سم كواكب شبيدي وسمعتي عمتي انتِ .
:- براحتج حبيبتي ولو كلنه نعرف بسام بس براحتج انتِ بعد .
وصدك اجه بسام وتكاتب على المشتمل وبقه عليه دين مليون ونص وسوو ورقه عليهم وكالت عمتي اني اسد الدين وكعدت الصبح رضعت اموري وبدلته ونيمته وتريكت واخذت مليكه بايدي ورحت لكيته
كاعد بالسطح يشرب رحت يم طيبه لملمت الغراض
وردت اطلع هو نزل شافني وسلم واخذ مليكه مني بوسها ورجعها اليه وكال .
بسام : وين رايحه ابقي اتغدي ويانه .
_ لا تسلم انترست اتراب اريد اروح خطيه اموري عفته يم امي .
_ شلونه زين .
_ أي الحمدلله يله مع السلامه .
جاي اطلع وصاح .
_ جمانه ؟
_ ها بسام كول .
_ اني قررت اشيل علمودج انتِ والله ادري ضلمتج هواي وبهذلتج هواي انتِ والجهال بس ان شاءلله اتغير علمودج .
اااخخخ يا بسام بعد ايش بعد ما موتت كلبي وخليتني شبه امرءه والله حتى ملامح وجهي
نسيتها ونسيت اني بعدني شابه والمثلي المفروض بعدها بعز شبابها كله عمري ممتجازي ال ال 24 سنه ذبيت حسره وكتله .
_ اي ان شاء لله تتغير وتعالج نفسك الخاطر جهالك لان همه محتاجيك اكثر مني .
طلعت ودمعتي بعيوني كل الطريق ماعرف ليش انقهر عليه من اشوفه هيج حاله ونقهر على شبابه الي دمره ماكول غير الله يهديك بسام رجعت تعبانه حيل لان عمتي هواي عدها غراض سبحت ونمت ورجعت العصر اعزل هنا بالمشتمل صدك تعبت بس جان عندي امل يجي يوم ارتاح بي وربي ينصفني مثل اخواتي وغيرهم بقيت اسبوع اروح كل يوم عليهم الحد ما كملن الغراض واجوي نزلو بالبيت
واجتي عمتي حجت ويا ابويه وكل عاده ماكو اعتراض برجعتي واخذتني يمهم بالبيت وبقينه يومين بي بسام نفس نضامه يكعد الصبح يشرب وينام الضهر ويرجع يكعد المغرب يشرب لليل وينام عمتي كالت .
ام بسام : يمه ليش متصعدين فوك تنامين بغرفتج صار يومين من رجعتي ونايمين يمنه بالصاله .
_ عمه ابنج ميقبل يكول ماصعد فوك هنا اريح .
ام بسام : زين اشلون كليلي صار 4 اشهر يم اهلج مامشتاقلج هوه .
جمانه : عمه اني شنو هو ابنج اشوكت صاحي من الشرب علمود يتذكرني ويشتاقلي .
_ ميخالف عمه فدوه رحتلج اتحملي .
_ متحمله وساكته اني شكايله .
_ هسه عوفي فدوه براحته .
هزيت راسي الي يسمعها يكول اني كاتله نفسي على ابنها كالت .
_ اني باجر اروح على زينه ولدتاخذ طيبه ويايه انبارك الهم وابقو وحدكم براحتكم .
ضحكت على تفكيرها وكلتلها.
_ الله كريم عمه .
وصدك راحت عمتي وطيبه الحماتي زينه بكربلاء وبقينه اني وبسام والجهال بالبيت تعشينه ونامو الجهال وهوه بقه يشرب الحد مانام وكعد الصبح من 6 يكعد سويتله ريوك وطلع مادري وين وصارت
بـ 11 الصبح اجتي عمتي وطيبه وسلمت وسالتها على زينه وهيه لزمتني تحقيق كالت .
ام بسام: احجيلي صار ماصار بينكم البارحه .
_ ليش شاغله نفسج عمه والله اني قابله علمود جهالي وكاعده تره ماعندي اي احساس ويا ابنج عوفي براحته لو ابقى سنه بدونه ميهمني والله اني ماريد اي شي منه .
ام بسام: يااااااا وليش ما يتقربلج .
جمانه : والله ماريد قربه مني عمه فدوه اروحلج اني نفسي جزت منه وتعرفين السبب .
جاي نحجي وطب بسام وشايل ويا 6 كراتين شرب ياا عزه كلنه نصدمنه .
ام بسام: والك شجايب يلي متخاف ربك. .
بسام: اشبيج انعل شيب اهلج كافي تلحين ويايه فكي مني ياخه بنت ال.....
ام بسام: يااا والك مو كلت بس اشيل شوفوني بعد مارجع ابيع .
بسام : لا ماكدر حاولت وماكدر .
جمانه : تهسترت وكتله ، بسام رحمه الدينك شحاولت صار 6 ايام شلحكت تتحمل .
_ ماكدر جمانه كافي اسكتو عني .
عافنه وراح يركض ضرب باب الثلاجه كسره وراح كلب المرك والتمن كله بالكاع وصار الاكل عبالك افراش بالكاع على صوت الصياح والعياط طب صالح وكواكب علينه .
صالح : شكو يا ستار صوتك واصل يمنه العالم والجيران كلها طلعت على صوتكم .
باوع صالح شاف التمن واصل الباب التواليت كال
بصوت .
_ استغفر الله ليش هيج النعمه منو شمرها .
بسام : منو يعني اني شمرتها كله بسبب عمتك بزعتني .
ام بسام: ليش اشسويت لان كتله هم جبتنه بكن دجاج وكعدنه بي علمودك وتالي هم رجعت لدربك الاعوج .
صالح : كافي عمه راح يرتفع السكر مالتج كافي .
صاح عليه وكال .
_ كومي جمانه جيبي جهالج ورجعي يمنه كافي بعد لهنا وخلص حدنا .
بسام : هووووو متاخذه وتخلصني كل يوم ماخذيها بزعتوني .
كواكب : ها هاي فوكاها بسام فوك غلطك.
صالح : كافي كواكب عوفي .
راح صالح شال بحضنه امير وكاد مليكه وكال
_ يله كواكب لمي ملابسها وجيبيها وتعالو .
رجعت البيت اهلي واني ماعرف شعوري شنو لان مات كل الشعور والحساس من الي مر عليه كعدت صافنه عبالك شريط حياتي كله مر كدامي لا يوم ولا شهر ولا سنه ... 10سنوات شقدمت بيهن بحياتي وشنو الي سويته بهلـ سنين لا ارتاحيت مثل كل بنيه بعمري ولا لبست ولا اكلت ولا طلعت ولا اي شي كدرت اقدمه النفسي غير بس صرت ام ال 4اطفال مالهم اي ذنب غير ابوهم بسام نطيت وعد بيني وبين نفسي بعد ادوس على نفسي وما انزل دمعه على حياتي باجر اروح للمحكمه واقدم بلاغ واشتكي عليه واخذ جهالي واني ربيهم واخليهم
كل الي يشوفهم يكول مانصدك هذوله اولاد بسام
رحت بدون نقشاش ولا كلام نمت وكعدت اكلت ورضعت اموري الكل يباوع عليه بنضره انكسار وندم وكأنما حسو كل الي صارلي بسببهم الكل مستغرب لا بجيت ولا حجيت اي شي ، وهمه هم ساكتين عني ويحاولون بس يلهوني كاعدين بالليل والباب اندكت طلع صالح .
_ يابه جيرانه يريدك على الباب ابو احمد .
أبو صالح: خير ؟
صالح : مادري والله كلي اريد ابوك .
_ اي طالع خير ان شاءلله .....
ها اتفضل ابو احمد .
_ لا تسلم عمي ابو صالح انت جار العمر من زمن ابويه الله يرحمه وصديق الوالد وصار الك 30سنه مجاورنه وجار السرور انت مايوم سمعنه صوتكم بطرف نعمه الجوره من ابنك وبناتك الله يستر عليهن بس هذا ابن اختك ام بسام ماصارله شهر نزل هنا ديبيع شرب والشباب يلتمون بالباب بصف بيتي واني عندي زوجه عيب وكفتهم ابابي .
أبو صالح: والله خجلتني ومااعرف شكلك احنه جبنه النار وجوينه نفسنه بيها ادلل اني احجي ويا .
_ تسلم عمي .
_ الله وياك وليدي .
طب ابويه متخبل وكال .
_ اكيد وره الباب وسمعتن كل الحجي شفتي ابن اخوج وين وصلنه شفتي محد جابه ولفا يمي غيرج انتِ ام صالح .
ام صالح: اني شنو ياعيني شعليه هيه اختك مادري منين عارفه بالمشتمل واشترو اني شنو اذبه براسي .
أبو صالح : ترحين وتحجين وياهم لو يصير ادمي
لو يرجع البيته القديم .
ام صالح : اي عيني ادلل .
:- وكليلهم بعد احنه ويا والمحاكم .
اني كاعده واستمع وبكلبي اكول ها هسه نحرجتو لان وصل يمكم بالمنطقه لعد اني مافكرتو بيه اخ اخ منكم يا اهلنه الضيعونه ... صدك هل غنيه تنطبق عليه ورحت نيمت الجهال وره يومين اجتي طيبه خايفه وترجف وكالت .
طيبه : عفيه جمانه فدوه تعالي يمي بسام كاعد يشرب بالغرفه الجوه هو وصديقه وسكرو واني اخاف اكعد يمه فدوه تعالي يمي جمانه .
جمانه : لبست عباتي ورحت وياها ولكيته حاط الشرب ويشربون ولا يدرون بالدنيا طشت لو رشت
دكيت باب الغرفة وصحت .
_ بسام وينك اشويه تعال .
رجع صاح عليه بصوت .
بسام : مااجي شراااااايده شعندج جايه يله ولي
يم اهلج ولي .
جمانه : اي اولي بس عيب تره اختك بالبيت وانت طبب جماعتك وتسكر وياهم .
بسام : هيه غرفه وحدها شكو عليها وانتِ شنو محامي دفاع ، امشي طلعي انعل ابوج لا ابو اختي
وياج ، انكلعي لهلج بت الكلب .
جمانه : باوعتله بستصغار مكدرت اريده لان شكد ما احجي ميفيد الحجي كلتلها .
:- لطبين طيبه اوكفي بالباب الحد ماتجي عمتي
لو تعالي يمنه .
طيبه : اي جمانه راح ابقه والله اخاف اطب فدوه الكلبج عذريني من ورايه غلط وسبج .
جمانه : وشنو الجديد هو اخوج خلص كل عمره يسب ويغلط .
طيبه : الله يساعدج ويساعدنه عليه .
جريت حسره وكلتلها .
جمانه : يله خلي اشوف امير ، نور و طارق ابقو بالباب لطبون جوه اوكفو يم عمتكم .
:- اي ماما .
جمانه : رجعت للبيت ورحت ارضع باامير شويه
و اجتي تبجي طيبه وتشهك عفت أمير وكمت
_ شكو اشبيج ولج .
طيبه : اجتي امي ولكت بسام هو وصديقه
وحجت عليهم وهو دفعها وعافها بالبيتونه وقفل الباب عليها وحبسها وراح كعد بالغرفه كعد ولا كأنما
مسوي مصيبه وامي ضلت اتصيح فدوه جمانه تعالي
لحكي .
جمانه : امي واكفه تسمع عفتها و لبست عباتي ورحت عليهم لكيته سكران ميكدر يحرك روحه من الشرب صعدت على اطراف اصابيعي حتى ميحس فتحت باب البيتونه العمتي
طلعت تبجي بحركه ونزلت و عمتي ورايه نزلت على كيفي ورحت ركض لبيت اهلي تلكتني امي .
ام صالح: ها ولج جمانه اشبيج تركضين .
_ ولج يمه كلبي خفت لا يجيني بسام فتحت الباب العمتي وجيت .
_ والله سبعه جمانه اي لعد شسوي قابل اعوفها خطيه .
مرت الايام ...
واني يم اهلي وكل يوم احجي ويا ابويه اروح ارفع دعوه على بسام وابويه يكلي اصبري واني هم صابره وساكته ونور وطارق يمه ميقبل يدزهم يجون عليه بس من يدزوهم الابو الاسواق يمرون عليه ركض من الباب يشوفوني ويرحون واني تعودت كل النهار اوكف بالباب انتضر طلعتهم علمود اشوفهم .
ام صالح : طبي يمه ماتعبن رجليج من الوكفه هسه ميطلعون يجوز العصر يجون .
جمانه : اي يمه بلكي يطلعون يشترون واشوفهم .
احجي واتلفت بالفرع وعيني على بأبنه بالكي يطلعون والمحهم طبت امي واجت كواكب كالت .
كواكب : والله كسرتي خاطري جمانه اشلون بيج تبقين هيج .
جمانه : شسوي كواكب اشبيدي ابويه كل يوم يكلي اصبري خلي اشوف الصبر راح يبزع مني واني بعدني صابره .
كواكب : ماكول غير الله يقويج على ما بلاج .
جمانه : بعدنه نحجي وفاتت نور وطارق ردت
روحي من شفتهم اجوي يركضون بوستهم وين يمه رايحين .
:- ماما ابويه دزنه البيبي للمحل انجيب اله ببسي .
:- يا بهل برد رايحين وشله بالببسي بهل برد .
:- ماما يكول سكري يصعد واحتر اريد ببسي .
طارق : لا ماما جذب يريد يحط بالشرب .
جمانه : شهكت من كلام طارق وكتله ، لا طارق عيب ماما اسكت يله روحو ركض واني راح ابقه انتضركم راحو واني واكفه انتضر رجعتهم مطولو هوايه رجعو ركض راحو للبيت بعدني ماطابه وشفت نور وطارق طلعو يبجون بقيت واكفه انتضر وصلو يمي يشهكون ويبجون .
:- شبيكم ماما .
:- ابويه يريد سفن واني مادري والله جبتله ببسي .
:- ولج اشبيها ملابسج مبلله نوره.
:- ماما ابويه فتح الببسي وفرغ البطل فوك راسي
تحجي وتشهك خلتني الطم وياها .
:- عزه بعينك بسام هذا ماعنده كلب ابوج بهل برد .
نور : يمه كلي روحي البيبي للمحل تنطيج افلوس وجيبي سفن وهيه بيبي بلكوه انطتني بعد متنطيني وكتله بابا متنطيني بيبي يكلي مالي علاقه اني روحي منين ماجيبين جيبي .
جمانه : ميخاف بنتي اوكفي هسه اجيبلج افلوس وجيبي اله لتروحين بعد لبيبي بهل برد وانتِ شعرج مبلل وملابسج .
طبيت واني ابجي على حال جهالي انطيتها افلوس فرحت سوده عليه وراحت تركض وبقه واكف طارق يمي .
:- ليش تبجي حبيبي كافي .
:- ماما ابويه ركع راس نور بالحايط اني اخاف يضربني .
:- لا حبيبي صير سبع ميضربك امسح دموعك اجتي نور وراحو سوه للبيت وعينك على اختك .
بسته وراحو طبو واني طبيت ابجي من كل كلبي عليهم وادعي ربي يخلصني وامي بس تريد تفتهم مني شي ماكو صدك اتهسترت من هل موقف الصارو بس جهالي كلشي اتحملت علمودهم بس ماكدر اشوفهم هيج ماكدر اصيح وابجي بحركه .
كواكب : كافي جمانه شسوين صدكي ربج ينصفج ويعوض صبرج .
جمانه : ولج كواكب هم اصير مسعده اني هم ارتاح بحياتي كليلي هم يجي يوم واكول ربي عوضنيييييي فهموني يا ناسسسسسس شكد اتحمل بعددددد شكدددددد .
كواكب : ربج كريم على كيفج يا جمانه ميصير هيج .
كمت رحت جوه وسمعت ابويه معصب ويغلط على
بسام بس شيفيد الغلط واني اشوف الذل بعيون جهالي واني ماكدر اسوي اي شي الهم وبعد كم يوم اجتي نور جايبه ملابس ابوها وكالت .
:- ماما بابا يكول غسليهن .
سمعها ابويه وهو طالع تعصب وكال .
أبو صالح: جدو حبيبتي اخذيهن رجعيهن الابوج وكليله ماكو بعد خدامه تغسل .
راحت نور وبعدها بـ اسبوع اجتي عمتي .
ام بسام: فدوه جمانه خبزيلي راح اروح افتح المحل اريد افك الدين الي على البيت .
جمانه : اي عمه ادللي .
اخذت العجين وخبزته وكملت اجتي نور اخذته
اجه ابويه شافها .
أبو صالح: ها جدو نور شنو هل خبز .
نور : جدو ماما خبزت البيبي لان متلحك .
أبو صالح : هااااا هيج صارت ...
باوعلي ابويه بعصبيه وكال .
:- اسمعي بنيتي كلي البيبي جدو يكول بعد ممنوع تجون على جمانه وتطلبون منها شغله ، خلي يفكون ياخه منه كافي جلبو بيها .
انقهرت على نور مالها ذنب ابويه يطلع حركته بيها راحت نور وامي كالت .
ام صالح: ها ابو صالح خطيه ليش تحجي تره الاختك خبزت .
:- ممنوع بعد تخلين جمانه اسوي شي الهم .
:- شكو شبيك يا رجال .
:- ممنوع اشوف واحد منهم هنا دمروها لجمانه
خلي يعوفوها بحالها بعد .
سكتت مكدرت احجي واكوللهم صوجكم كل الي اني بي بسببكم .
مرت ايامي ....
واني كل النهار واكفه بالباب انتضر اشوكت يطلعون
طلعت فتحت الباب لكيت طارق واكف اشرت اله اجاني يركض كال .
:- ماما ابويه راح يجيب شرب كال ماتخر وكلي
تكعد بالباب متتحرك ابد وكال احركك اذا لكيتك رايح الامك .
:- يا يمه فدوه رحتلك ابقه شويه يمي .
طارق : لا لا ماما فدوه والله يضربني بابا راح اروح وانتِ باوعي عليه من الباب .
:- واختك وين .
:- نور جوه تقره .
:- ها يله حبيبي روح بقيت اطب واطلع كل شويه اشوفه .
ومثل كل يوم واكفه بالباب واجتني جارتنه تركض عصبيه وتلهث .
_ كالت ولج جمانه العوبه روحي البنتج ركضي
شفت ولد دفعها وطب للبيت جوه وطببها لحكي بنتج ليسويلها شي .
جمانه : متت بدمي ماعرف شلون لبست العبايه وركضت لكيت طارق واكف ونور ترجف صحت
بصوت عالي مرعوبه .
:- هااااااا شكووووو منوووو اجه .
