رواية كان اخي الفصل السابع عشر بقلم مجهول
سديت الباب مال الهول ورحت للغرفه مشطت شعري ولفيت نفسي بالبطانيه وكعدت يم الصوبه..فاتت عمه سميه
سميه:ها كعدتي من النوم..شو لافه نفسج شبيج
ملك: هس سبحت وشوي صفاحي يوجعني
سميه:ليش ...هس انطيج حب مفاصل
راحت جابتلي حب ومي بلعتها
سميه:لاتطلعين من الغرفه وكلشي لاتسوين الجو بارد والبيت مليان بنات هنه يكملن الشغل ضلي ارتاحي اي صدك خابرت خواتج وكتلهن يجن باجر عالخطوبه
ملك:اي خوش
طلعت عمه سميه...واني بقيت بالغرفه حسيت نفسي غفيت شوي لان يم الصوبه خدرت ونمت..حسيت واحد مخلي ايدو على كصتي باوعت هييثم
هيثم:شبيج ملك شو وجهج اصفر.من كعدت ماشفتج
ملك:شوي تعبانه
هيثم:ليش شبيج
ملك: يمكن اخذت برد لان سبحت
هيثم:ديري بالج على نفسج يمعودة...اكلتي شي
ملك:من رجعت من المدرسه اكلت
هيثم:هس اخلي هديل تجيبلج عشه
ملك:موجوعانه
هيثم: ميخالف اكلي شوي وجهج اصفر
صاح هديل
هيثم: صبي عشه ليه ولملك جيبي هين
راحت هديل وجابت صينيه بيها مرك ابيض على لحم وتمن
هيثم:يله اكعدي اكلي وياي
كعدت كمت اكل شوي وياه..ماكدرت اكل هواي عفت الاكل
هيثم:بعد ماكلتي شي
ملك:والله موجوعانه
فاتت هبه:ياسين يصيحك
هيثم:ماتشوفين كاعد اتسمم كوليله شوي ويجي
خلص اكل وطلع
شوي حسيت نفسي صرت احسن وراح الوجع .كمت على حيلي عزلت الغرفه جان يفوتن البنوات كلهن للغرفه
كامن ييتمكيجن ويلبسن .
هبه:زين صدك ديجي ماعدنه شون باجر راح نركص
هديل:لاتخافين هاي حليتها كلت لبلال كال اني اجيبو
هبه:اي خووش هاي اهم شغله عندي
طلعت من الغرفه ورحت كعدت بغرفه الخطار ويه عمه سميه وخاله حسنه وولدها وهيثم هم كاعد وخالو محمود.
سميه:هاا شون صرتي
ملك:زينه الحمدلله
باوعت على هيثم حسيتو ضايج من كعدتي وياهم يمكن لان الولد موجودين
سميه:سويلنه جااي ملك
كمت سويت جاي وصبيت رحت وديته للغرفه كمت اوزع انطيت خالو محمود وخاله حسنه وصلت الولد انطيت واحد جان يكوم هيثم ياخذ الصينيه مني
هيثم:هس اني انطي روحي انتي
طلعت اني ورحت للمطبخ جان يلحكني
هيثم: انعلللل يوومج مررة ثانيه ماتفوتين انتي..تكليلي اني قابل طرطور كاعد
ملك:ليش شنو بيها عاادي هم ولد خالتي موغريبين
هيثم:ماشفتي نفسج صدرج نصه يبين
شكد خجلت من كالي هيج حتى عركت
ملك:مانتبهت والله
هيثم:اي عوود انتبهي نووب.....شون صرتي
ملك:زينه
هيثم:خووش.......
ملك:........... اكو شي
هيثم:لا
طلع من المطبخ واني رحت للغرفه ويه البنات حاولت الهي نفسي وياهن شوي واضحك.كمت احجي ويه نفسي واكول لويحبني ماجان كبل راح خطب وعليش ضايجه اني طززز
صحيح الواحد يرتاح من هيج يكوم يحجي ويه نفسه يرفع معنوياته....بس هي مجرد لحضات وراها يرجع لنفس الالم وبشدة اقوة هم
خلص اليوم وكلمن راح لفراشه ..الي نام كبل نام والي بقه سهران من وجعو هذا شي ثاني..اجه الصبح وياريته ماجه
هديل:يله بنااااات اكعدن كافي الساعه8
ابتهال بت خالتي:ولج طفي الضووو عفيه مانمنا للساعه3 خلي نام شويه نوب
هديل:ورانا شغل وناس تجي يله اكعدن كافي
هبه:اهووو لاحكين عالهوسه عفيه طفي الضو
هديل:هااا هبه خانم محد بكدج يموت عالهوسه بس هس النوم صار اهم يله كافي اكعدن
اجت هديل عليه
هديل:انتي ابقي نايمه ادري بيج كل الليل مانمتي
ملك:لا ماريد انام هيان كعدت
رحت غسلت باوعت على وجهي طالع بي حبه بحنجي
فتت للمطبخ شفت عمه سميه مخليه القوري عالنار
رحت طلعت البيض وسويته واجت هديل عاونتني
خلينه الريوك النسوان وحد والزلم وحد
كاعد نتريك جان يندك الباب طلع خالو محمود جان يفوت حسين اخو هيثم جان يدرس جامعه بالاقسام
كلشش فرحنه من شفناه وبالاخص عمه سميه سلمنه علي كلنه وهديل وهبه راحن يبوسن ويحضنن بي
كعدنه شوي سولفنه وياه .
سميه:كلجن تعاونن وخلصن شغل عالسريع وسون الغدة من وكت.
خلصنه رويك وكمنه نشتغل عالسريع كلنه وصبينه الغدة من وكت مثل ماكالت عمه سميه...ورى الغدة اجت فرح ومرح هم سلمت عليهن والبيت شوي شوي صار هووسه
رحت للغرفه باوعت مليانه كل البنات بيهن والي كاعد تبدل والي تتمكيج
فرح:تعااي ملك
كعدت يم فرح ومرح
فرح:اخبارج
ملك:زينه
فرح:احسج موطبيعيه
ملك: هاا لا عادي مابيه شي
مرح: ضيعتي من ايدج
ملك:سدن الموضوع الي بيه مكفيني ..شي راح وانتهى
فرح:اي والله هم صحيح صارت بعد...اصلا لاتضوجين ولاتهتمين روحي اكشخي وتونسي ولاتهتمين
هديل: ملك حضري نفسج شويه نوب نروح للصالون ويه بلال
ملك:انشالله
بصراحه حتى ماليه واهس لاالبس ولااخلي شي من جووة متحطمه..
ورى ربع ساعه اجت هديل :اجه بلال يله هبه انتي وملك امشن تنروح ترى ماضل وكت
هبه:اي هيان جيت
رحت وياهن للصالون..
هديل:خلي نختار الفساتين بلاول
اختارت هبه فستان احمرو وهديل فستان بنفسجي
ملك:اني ماريد فستان
هديل: ليش
ملك:راح البس بنطرون احسن
ملك:براحتج
الم الصالون مكيجت هبه وهديل وسوتلهن تسريحات.واني هم مكيجتني بس ماخليتها تكثر مكياج شي بسيط خليت وشعري فتحته على طوله وكويته ماسويته تسريحه
رجعنه للبيت ولبست بنطرون عندي وتيشرت هم كلش
حلوات
اجن خالاتي وعمات هيثم حيل هوسه صار البيت
ردت اروح اشوف هيثم احس حيل اشتاكيتله
رحت على غرفته لكيت الباب مقفول دكيت الباب انفتح شوي باوعت حسين
حسين:كاعد يبدل هيثم
ملك:اوك
رجعت للغرفه حسيت بخنكه قويه حييل عيوني مغوركات بس حابسه دموعي ماريد ابجي
هديل:ملك....شبيج
ملك:مابيه شي
هديل:عيونج موطبيعيات
ملك:مقهورة شوي
هديل:لاتنقهرين.....الله كريم
طلعت من الغرفه باوعت هيثم هم طلع صار واحد مقابيل الخ
جان لابس قميص اسود و رباط رصاصي وبنطرون اسود حيل حلووو طالع
ضلييت اباوعلو ويباوعلي ماحجينه شي بس واحد يباوع عالثاني
مدري شلون مسكت نفسي مادمعت عيوني كدامو
رجعت فتت للغرفه بالكوة ماسكه نفسي.كمت اكول ويه نفسي لو موكايلي انو يحبني جان احسن بهواي عالاقل ماجان هذا حالي ..وماجان حبيتو
هديل:بنات تحضرن تانروح حسين يكول يله
كلها كامتت تتحضر تايروحون على بيت اهل شروق
اني رحت ورى البيت كعدت على حجرة وضليت ابجي هس حسيت على نفسي وحسيت اني خسرته ماجنت واعيه للي ديصير بقيت ابجي من كل كلبي وبعبرة
حسيت واحد كعد يمي باوعت هيثم
هيثم:ليش تبجين
مارديت بقيت ساكته وكمت امسح بدموعي
باوعت علي عيونو حمر....طلع جكارة وكام يدخن
هيثم:احجي شبيج ليش تبجين
شهكت وكمت ابجي بالزايد
هيثم:باوعي علي ملك...باوعيلي
باوعت علي جان يكلي
هيثم:بكلمه وحدة منج بس كلمه تكوليها وتريحين كلبي هس مستعد انهي كلشي الخطوبه وكلشي انهي ......
