رواية الإرهابي وذات النقاب الجزء الثاني الفصل الثامن عشر بقلم ام غايب
فلك .. لبست عباتي ونقابي وطلعت جواريب مره هو جابهن من ردت اروح للمكافحه هم علق بوقتهه على الحجل وطلعت بسرعه بدون ماافكر بكلام احد رحت مثل موصفلي احمد جنت ابجي وتعبانه حيل واني امشي وصلت للساحه مشيت مشيت مااحس اله انفتح باب وكبل احد سحبني من ايدي جفلت بمكاني باوعت احمد زادت بجيتي صارت بصوت عالي
حمصه .. فززتج حيل شسوي مااريد احد يكشفني
فلك .. باوعت علي وابجي
حمصه .. اسف والله ممتقصد
فلك .. تعبت حيل تعبت والله من يوم المات ابويه لليوم تعبت من راحت امي جنت مرتاحه بس افكر شلون اجيب علاج الامي وبجيت حيل ابد مسلمت نفسي الاحد والله
ولا عليت صوتي ولا مديت ايدي على شي مو الي جنت بس افكر شلون اجيب علاج ال امي وبس ومسحت دمعتي بيدي زادت دموعي وخليت ايدي على عيني
باعني عمي كلي لو ابوج يموت لان مااتحمله لو تتزوجين وتبيعين ابنج ، بعته، بعته ،بعت ابني علمود ابويه والله علمود ابويه وبعدين وشهكت راد يلزم ايدي ويوخرهه من عيني سحبتهه وبعدت نفسي
بعدين صار كل همي ابني مااريد اعوفه بعدهه حبيته
وحسيت بالامان ويا صرت اخاف مو بس اخسر ابني اخاف اخسره
فجأه كلشي تغير صرت موزينه
حمصه .. من كال هذا الحجي فواز انعل ابو وامه اموته والله
فلك .. حتى انتَ كلتهه
حمصه .. جنت مااعرفج
فلك .. وهسه شلون عرفتني
حمصه .. من عيونج الي ميروحن من بالي
فلك .. ياعيون هاي ياعيون
حمصه ..احلى عيون والله وانقى كلب والله لتبجين ميلوك لعيونج بس الضحك وحق الله ليثبت للكل انتي شنو توثقين بيه
فلك .. طلعت الموبايل حتى اذا جان خضر هو الي كاعد يسوي هيج
حمصه .. شنو هذا
فلك .. فتحته وطلعت الفيديو بس شويه شوفته منه
هذا المقطع واصل ال خالد ويكله حاوي بيتك وحده موزينه
انتهك شرفي وهاني خالد واني مااكدر اثبت هذا المقطع
بتلفوني جان خالد يكلي سجلهه والله جانت حفله مال بنات وحنه جيراني
حمصه .. انطيني
فلك .. لا
حمصه .. انطيني خل اواجه خضر
فلك .. هذا دليل برأتي
حمصه .. متوثقين بيه
فلك .. اخاف
حمصه .. وروح امي حتى اذا خضر اطلع برائتج بس انطيني وين عنوان بيتكم جان بهاي المناسبه والله لخليج توكفين كبال خالد وتخجلي
فلك .. انطيته الموبايل مااعرف اوثق بي وماافكر ولا اشك يغدرني
احساس من الله مااعرف سببه هو وشاهين رغم مااعرفهم بس اوثق بيهم
فلك .. شكراً لان راح تساعدني
حمصه .. وين وين انتي لوتيه سمعتج وردت ابجي هم من وراج غير تسمعيني انتي هم
فلك .. لازم اروح تره
حمصه .. الحجل
فلك .. باوعت عليه وابتسمت
حمصه .. الله هو هذا الي اريده هيج اريد عيونج
فلك .. باوعت علي ودنكت نزعت الجواريب شويه ونزعت الحجل وكمت وهو يباوع عليه ويبتسم مديت ايدي وانطيته الحجل راد يلزم ايدي سحبتهه هيه والحجل وخزرته
حمصه ..بالغلط والله بالغلط نيتي شريفه بس اخذ الحجل
فلك .. جذاب
حمصه ..وروح امي متقصد الزم ايدج ومااعيدها بعد حقج عليه طايح حظ ممتربي بس وروح امي نيتي شريفه
فلك انطيني موبايل وخزرته
حمصه ..لتسويهه هيج يعني لو اجذب عليج واحلفلج جذب لو هيج تسوين
فلك ..ردت اطلع جر ايدي عطت بي هاااااا وخر ايدك لا اكسرهه
حمصه .. بأبتسامه والله انتي رجال
فلك .. خزرته يعني ... قاطعني
حمصه .. اقصد مره بمية رجال ابوس تراب الرباج فلك اسف والله بس اريد اكلج يوم بعد يوم تكبرين بعيني لتزعلين مني بروح ابوج
فلك .. لتتوقع انساهه الك
حمصه ..من ارجع حقج اخليج تنسيهه وتسامحيني
فلك .. باوعتله بحديه ، راح اطلع لتعيدهه اكثر شخص اوثق بي حالياً لتخذلني
حمصه ..مااخذلج بس انطيني الحجل
فلك ..ماانطي
حمصه .. وروح امج وابوج لتشعلين كلبي راح انسجن لو اموت
فلك ..اسم الله ليش هيج تحجي باوعلي وابتسم اول مره انتبه
بكلبي كتله انت هم ابتسامتك احلى تلوكلك اكثر من الحزن وجهه دائري ولحيه خفيفه بس عنده كرش شويه بس مو نشاز ويه جسمه انطيته الحجل حاولت ماابتسم بس مكدرت وهو يعرفني من عيوني دنكت وطلعت واني اطلع كال ديربالج على نفسج وعلى علي حبوب بس شلع كلبي بس يبجي درت علي باوعت علي ورجعت درت وجهي اكمل طريقي شكد جنت منهاره وابجي شكد ماكلامه ووكفته وياي والامان الي انطا الي خلاني ارتاح
حمصه .. بعدني توني طلعت وراهه والابتسامه بحلكي وكلبي يدك سريع مااحس اله سيارة المكافحه طبكت وانفتحت البوب بسرعه درت وجهي على البيت بسرعه حاولت اركض ملحكت كبل قبضوا عليه اثناء ما دنكت طلعت السجينه جنت ضامهه بجيب بنطروني بس جانوا اكثر مني مكدرت وارتباكي مخلاني اسيطر خاصه اغراض فلك بأيدي ،بقيت متمسك بيهن بيدي وضاغط عليهن حاولوا ياخذون الاغراض الموبايل
اني انهريت خاصه من تذكرت وثقت بيه ضرب ايدي بالرشاشه من الخلف وراد يطك ايدي تأذيت بس بقيت احاول امنعه الي ان حسيت شي على راسي والدنيا افترت بيه
صحيت مااكدر افتح عيني من وجع راسي
حمصه .. اخ خ يابويه راسي وفتحت عيني شويه لكيت نفسي كاعد على كرسي وايدي ورجلي مكلبشه
حمصه .. والله ولاجنت اعرف تحترم مساجينك وتكعدهم بكرسي فواز اقصد عمي فواز وينك اعرف دربك واجهني من الاخير شتريد مني باوع اني راح انطيهه الك من الاخير لتلعب وياي بنتك تخسر بقيت احجي وحدي وماكو احد كل تفكيري يم موبايل فلك
...............................
فلك .. طلعت من يم احمد ورجعت للبيت مجان احد موجود كابلتني ميمونه
ميمونه .. فلك فهميني ليش دوم تتهمين رجلي
فلك .. اتهم لج ماكو احد دمرج ودمرني غيره ومكاعد تقتنع لج اني اختج اني
ميمونه .. فهميني بدل الالغاز فهميني وكليلي الي تحاولين توصلين اله ليش تعوفيني خايفه
فلك .. ليش من احجي تصدكين
ميمونه .. طبعاً مااصدكج اذا ماكو دليل خضر مو سيء
فلك .. باوعي لعد ولي من كبالي ابني وين
ميمونه .. نايم علي
فلك .. ماشي راح الم اغراضي واخذه راح اروح الخاله البيت شاهين
ميمونه .. بهاي اللحظه دخلت ام خالد وزهراء ووراهم خضر كأنما كانوا سوه لان دخلوا جفته وحده يباوعون عليه ونظراتهم ممفهومه
خضر .. باوعلي وكلي شو بعدج ملابسه مو كتلج استعجلي
ميمونه .. ماعندي شي
خضر .. يلله استعجلي بين ماادخل للحمام
ميمونه .. صعدت بسرعه ال فلك ورحتلهه فلك باوعيلي احجيلي انطي دليل
فلك .. روحي سألي خالد شنو الفيديو اليمه عني كليله شوفني شعندك على اختي
ميمونه .. خالد ،خالد شعلي
فلك .. لج انتي غبيه لج اني شحجي من الصبح الحد هسه اكول هيج تكلي هيج بابا شرفي راح بسبب رجلج بسيطه اني اله بس خل اشوفه شوف شراح احجي
ميمونه .. متواجهي بدون متشوفيني دليل علي
فلك .. مو بكيفج ممضطره اشوفج شي يخصني هذا يخص شرفي
ميمونه ..شوفيني اكلج شوفيني واذا خضر هو هيج سوي روحو بيدي اطلعهه والله مستعده مثل مكتلت عمي
فلك.. راح انطمر عمج بالكبور الله لا يريحه الموته ال ماتهه يستاهلهه ويوم الرجلج هم
ميمونه .. لتدعين على خضر
فلك .. لج انتي شنو ودفعتني امشي ،امشي ولي من كبالي ابقي ابقي لج مخدوعه بهذا الشيطان
ميمونه ..الاول مره اصيح بهيج انفعال شووفيني شوفيني اريد اشوف بعدين شلون هو شيطان
فلك .. ولي ،ولي اختج كاعد تضيع وانتي محتاره بي
ميمونه .. زوجي هذا هم ،ابو الطفل الي هسه هو ببطني
فلك .. لتطلعين هو اني موليه خليت اغراضي اني وعلي بأكثر من علاكه ونزلت واني انزل ميمونه تكلي متطلعين اذا متشوفيني دليل متعوفيني هيج ضايعه مااتحمل كابلنه خضر
خضر .. شكو
فلك .. شكو ،شكو،شكد صلف انت شنو عبالك الله وين
خضر .. شدتلغين بابا لزمي اللسانج لاتصير موزينه
فلك ..شتسوي مثلاً ها تضرب هيه هاي الرجوله بمفهومك تمد ايدك على مره تطعن وتستغل مره بشرفهه لان مموجود الي يكسر راسك
خضر .. هي هي اللسانج لا هسه اكصه الج والله احجي شعندج
فلك .. موبايلي وين
خضر .. شمدريني
فلك .. جذاب
ميمونه .. جنت اباوع على خضر اكتفيت بس بالنظر الهم وحده اختي والثاني زوجي وحب حياتي اخاف اتدخل واخسر واحد منهم ومااعرف منو منهم الصح بس دموعي تنزل عاط بيهه غمضت عيني واختنكت اكثر هي تتجاوز وهو يردلهه التجاوز يتجاوز
خضر .. باعي لج وحق الله لو ما اخت ميمونه جان هسه سحلتج سحل
فلك .. واني اشتكي عليك واكول يشهر بيه
خضر .. بابا ششهر
فلك .. الفيديو وحجيتله بحركه كلب وابجي
خضر .. لج بابا انتِ عرفي شلون اسوي هيج مخبله انتي لتبجين مسحي دموعج حقج تشكين بيه بس الله يشهد حتى الرمز مااعرفه تعالي تعالي مااريد فضايح جوه سولفيلي فهميني الي كاعد يصير
فلك .. وخرر ايدك
ميمونه .. دارت عليه واني ابجي جذاب والله جذاب هو هو كاعد يدمر بأختج غبيه وهاي سوالفه حتى متصدكين هو شيطان لج هذا مريض ابني وين
ميمونه .. بهاللحظه صعد علي جان طالع واول مصعد وشافنه واكفين وفلك تبجي واني تدخل كال خيركم خضر جان ساكت ويباوع عليه دنكت عيني شكله يريد مني اصدكه واجذب اختي والموبايل يمه
علي .. شكو يمعودين ليش محد يجاوبني
فلك .. ميمونه اني لو هو
ميمونه .. انتي شكاعد تحجين يمعوده
علي .. غير نفتهم شكو
ميمونه بهاللحظه طلع خالد من غرفته مبين جان نايم صاح شكو شبيكم شصاير
خضر .. ماكو شي
فلك .. لا اكو ،اكو ورحت تقربت علي
خضر سبق فلك بالكلام خالد اريد احجي وياك
خالد .. شكو خيرك
فلك .. ها تريد قاطعني خضر
خضر .. اللصمي لتحجين حرف واحد خالد تعال نسولف ميمونه دخلي اختج للغرفه لا هسه اهجم البيت هجم
خالد .. شكووو غير افتهم
خضر .. ادخل غرفتك وراد يدخل منعه وكله المره شبيك
خالد .. رسل هنا جوه شبيك
دفضهه لعد رحمه الدينك اريد افتهم السالفه
ميمونه-فلك تعالي دخلي
فلك-ايدج لتلزميني تره روحي طافره
ميمونه-فلك ...امشي دخلي فدوه بس خل نفتهم
علي .فلك دخلي جوه رحمة الدينج بس خل نفتهم
فلك-انت متعرف شي
علي-دخلي ام علاوي خل نفتهم السالفه
فلك-مو انت متعرف نار كلبي
خالد-على شنوووو نار كلبج انتِ وحده
فلك-كملهه ....كملهه للكلمه
خضر-شدددديصير خالد شديصير فهمني تعال اطلع من الغرفه وفهمني شنو قصة الفيديو
فلك-خطيه متعرف
خضر-وحق الله راح اركع راسج بالحايط ميموووونه دخلي اختج تره زودتهه مااتحمل بعد كوه مصبر روحي غير افتهم بس تلعلع
علي-خضرررر على كيفك شنووووو السالفه على اي اساس هيج تحجي وياهه
خضر-لك بابا هاي اختي شنو على اي اساس انت شعليك لتدخل روحك اريد اعرف خالد على اي اساس تحجي وياهه بشي اني مااعرفهً شنو الشي الي مااعرفه شنو فيديو شنو صخام فهمووووني
ميمونه-بصعوبه دخلنه فلك اني وعلي اخر شي كعدت على الجربايه ودنكت راسهه للكاع
علي-شنو الموضوع فهميني فلك
فلك-مراح تفهم
علي-شنو غبي كدامج ،فهميني انتِ ميمونه شنو السالفه
ميمونه-احس نفسي ضايعه وخايفه الشي الي تتهم بي خضر مو شي طبيعي ردة فعله انصدم كلامه جان يدل هو ميعرف معقوله يعرف احس دخت وكلبي نار بحيث مااكدر اصدر صوت
سمعت صوت صياح خضر علي ركض مااعرف ومفهمت الي صار بينه وبين خضر صعد يركض جره علي من ايده
خضر-وخررررررررر علي من خلقتي
علي-انجب واسكت
خضر-خل يحجي منين اجه الفديووووووووو منو دزه اله
علي-تعرف راح يعاند خالد وميكلك مادام تجاوزت علي
خضر-متشوووووووووووفه متشوفه لك استفزازي يحجي ببرود
اني مشعول شعل وهو ولا يمه
ميمونه-طلعت بعد ما زهكت من كلام فلك ...وكفت اباوع علي دار وجهه واجاني
خضر-اختج وين
ميمونه-فهمني خضر
خضر-ااااختج وين بالغرفه وفتح الباب وفات من يمي ووكف كبالهه وهيه جانت مدنكه للكاع
خضر-تصدكين لو متصدكين حتى مشايفه هذا المقطع
ولا اعرف شي عنه ولا اعرف الرمز
فلك-كمت وكفت كباله ،عيوني حمر ،لتجذب انت هددتني بوقتهه واخذت الرمز كلشي انت سببه
خضر-براحتج ودار عليه
وانتِ ميمونه تصدكين اني ابيع شرف اختج لو لا
فلك-الموبايل وين والمقطع وين بس هنا اكيد مو ااااختي الي باعتني
ميمونه-عاط بيه فززني واني اباوع علي وابجي
خضر-اااااحجي وياج ميمونه تصدكين انطي بشرف اختج
جاوبي ميمونه
ميمونه-جنت اخاف احجي الخوف جان هو الي مسيطر عليه
عقلي يكول هو لان الموبايل يمه وجذب كدامي ميعرف الرمز
وهو كدامي اخذ الرمز بيومهه وكلبي يكول لا مستحيل هو يسويهه
خضر-ميمونه الهاي الدرجه متعرفيني
ميمونه-غمضت عيني مجان عندي حل حتى اخلص من الجواب غير اتخربط من اول مبدو يحجون واني حايره شلون اسوي هذا الشي
كتله راح اتخربط
خضر-جاوووبي
ميمونه-تخربطت كلت هالكلمه ووحاولت اوكع روحي
وكعت الحمدلله وغمضت عيني
خضر ،،ميموووونه جاوبي
ميمونه-متخربطه والله متخربطه اني عوفوني طلعوووو كلكم مااشوف بعيوني تعبتوني تعبببببت بجيت واني مغمضه عيوني
طلعووووووو عوفوني شهكت
علي-امشي خضر خليهه ترتاح ،ام علي انتي هم
فلك-اني اصلا كلي رايحه
علي-خلينه نحجي اول مو هيج الحجي
ميمونه-فتحت عيني شويه شفته الخضر يباوع عليه وهو اشبه بالمنهار يتماسك بروحه كوه ومثل المصدوم هالشي يخلي گلبي يوجعني
سمعت علي وفلك طلعو ،اول منسد الباب كلي
خضر-ادري بيج جذابه متخربطتي
ميمونه-زادت دموعي
خضر-الهاي الدرجه متعرفيني ،ومتحبيني قبل يوم حرامي واليوم ابيع شرف
ميمونه-انت جذبت انت تعرف الرمز خضر كدامي اخذته منهه بوقتهه بعدنه كاعد نحجي دك موبايله وهو عينه تريد تاكلني اكل بالحديه شغله
اندكت الباب رأساً وبيهه قوه گام خضر شكو علي
علي-شاهين مو كاعد يتصل شاهين يكول احمد ملثمين طابكين علي وماخذي اني كلشي ممفتهم هو حمصه غير بالسجن
اتصل بسرعه بشاهين ..،وجاوب ها شاهين شنو حمصه وضعه مفهمت
شاهين-المن شايله الموبايل اذ ذذذا كل مااتصل عليك ماكو
خضر-جايك هسه
شاهين-استعجل انت تعرف مشكلة حمصه ويه بت هذا الحيوان يعني بأي لحظه يكتله اذا مكاتله هسه
ميمونه- اخذ سلاحه من الكنتور غمضت عيني ..كرهت كلشي اقتنعت خضر حاله حال الارهابي مليت احجي وهو ميسمع
كرهت كلشي ،،،،،شكو شي يصير يلزم سلاحه كمت ونمت على الجربايه البزونه اجتني تتغطيت وهيه ختلت يمي غمضت عيني
اتمنى الدنيا توكف بيه تعبت من الوجع والمشاكل ،احس ماكو خلاص منهن اطلع من مشكله ادخل بمشكله
بقيت اللعب بشعر البزونه وابجي
هواي كلام بداخلي اكو شي يمنعني احجي ويه خضر
طلعت من الغرفه ردت اشوف فلك ردت اكلهه خضر مستحيل يسوي هيج شي ،وارجع واكول الموبايل يمه نزلت لكيت حبوبه نايمه جانت مريضه ومشفتهه ولا اطمئنيت عليهه
نزلت كعدت كبالهه والبزونه بيدي ....جانت غافيه كرمشة وجهه والدك الي بحاجبهه بقيت اباوع علي فزت شافتني
حبوبه-ياهووو .
ميمونه-اني
حبوبه-عرفتج ام تك وتك من كعدتج
ميمونه-اول مره اكعد هيج كبالج
حبوبه -اي كعدة الحيره هاي
ميمونه-شلون
حبوبه-مبينه عليج الحيره
مبمونه-بصوت مخنوك ودمعتي نزلت كلش حبوبه كلش مختنكه اني اعرف مراح تنطين ب خضر
حبوبه-يمكصوعه يم تك وتك شوكت صايره باطله
ميمونه-ابد والله مشفتج باطله ابد بس اني تعبانه خليني احضنج اريد ارتاح
حبوبه-تعاي يمكصوعه الحضن حبوبتج
ذبيت البزونه على صفحه وتمددت يمهه وغطيت روحي وياهه وحضنتهه
ميمونه-حبوبه حلو حضنج وريحتج ضحكت
ليش تضحكين
حبوبه-مثل خضوره كل مينام بحضني لو على رجلي يحجيهه
ولج ليش تشلعين گلب حفيدي الكلاوجي
من يتعارك وياج يجي كبل الحضني مصلحجي
ميمونه- حبوبه تغارين على خضر مني
حبوبه-ههههه وج من اكول عليج مخبله ماالام هو اني راحتي من اشوفكم متصافين ييمه
ميمونه-شلون تشوفينه
حبوبه-ههههه صايره مثل عليوي
حضنتهه قوي وغمضت عيني
حبوبه-خضوري گلبه طيب ويحبج وحتى هاي فلك فلكهه ام اللسان گلبهه طيب بس مثل خضره تضيع حقهه بلسانهه
المهبوده كتلهه لتطلعين ماردت عليه
ميمونه-كمت على حيلي فلك راحت وين راحت ياربي
حبوبه-عليوي وصلهه بيت عمج ابو شاهين لتخافين عليهه
ام شاهين مره تخاف الله وشاهين
ميمونه-اعرفهم والله بستهه ودرت وجهي لكيت بزونتي ماكو كمت
حبوبه-ها يخايبه وين
ميمونه-بزونت خضر
حبوبه-ميمونته خايبه ركضي هو وعلي يوميه عراك بينهم عليهه
ميمونه-كمت ادور عليهه لكيتهه يم زهراء جانت هيه ورسل كاعدات
زهراء-تخبل هاي كلش حبيتهه البزونه
ميمونه-اي
رسل-فگر هاي البزونه صدك من كال علي ططوه من دخلت للبيت لليوم بس مشاكل
ميمونه-انطينياهه زهراء
جنت اعرف قصدهه رسل عليه مجانت هيج بس الغيره على خالد
عمتهه دخلت ام خالد للمطبخ كبل كالت
ام خالد-هاااي شنووووو شكلت اني اكلج انتي هم نزل وهم يدبج
مو كلت البزونه مااحبهه بالبيت يلله مبقه شي نخلص هذا خضر اغم هالمره اذا مطلكج وحده اختهه استغفر الله الله يستر على ولايانه
ميمونه-كلشي اتقبله واكول بمقام ام خضر بس تحجين على شرف اختي مااقبل
رسل-اختج تتبله على خضر وتدز الرجلي مقاطع تركص ومن نحجي نطلع ندوس بشرفكم ميمونه اول مدخلتي للبيت عبالنه بنيه فقيره
رغم ما انهزمتي ويه خضر كلنه طفله وغلطت واختج هااااا
احنه مشفنه عنج شي بس انتوووو مو زينين سمعتنا خضر فهم هسه اكيد
ميمونه-انتوووو منو حتى تحكمون علينه هااااا اختي اشرف من الشرف كله الموبايل يم خضر
زهراء-يعني تتهمين خضر
ميمونه-باوعت عليهه لاااا طبعاً اكيد اكو شي
ام خالد-ههههههه هو اصلا عرفج الغبي بس يكابر يعرف تتهمي
امداك يا خضر طول عمره غبي
ميمونه-مكلت خضر رر ابد ومتأكده مو هو
لكيتهه جلبت بكلمتي حسيت راح انهار صعدت بسرعه خلص كلشي خلص كمت ماافهم شي بقيت كاعده بحالة تردد اروح لو ابقه خلص خضر اكو شك بعقلي وام خالد حتكله عل كلمه
وهو هم باخر فتره يتهمني مااعرفه مع العلم يعرف هو بسببه حجيت هالكلمه لان وضعه مريب
اتصلت ب فلك جانت تبجي من صوتهه وهم منهاره
فلك-هاااااا ميمونه
ميمونه-وين انتِ
فلك-ببيت شاهين وعسه حنروح احنه وبيت خالتج
ميمونه-تعالولي اخذوني
فلك-واخيرررراً فهمتي يا عوبه يلله حنطلع هسه
ميمونه-ماشي حجيتهه وكلبي يوجعني ومحتاره صح لو غلط
سديت الموبايل ولبست عباتي ونقابي حيلي مهدود وضايعه
وخايفه حيل ، اخذتلي كم قطعه واخذت جداحة خضر القديمه الي ايام ماجنت مريضه وانطلنياهه بستهه وضميتهه بالجنطه واخذت تشيرت اله ....ردت اطلع واني متردده وخايفه بالنص ساعه يالله اتصلت فلك كالت يلله حنطلع قاسم يكول بس نرمشلج طلعي
من رمشولي نزلت خلص كلت افضل شي خلي نبعد احسن شي نبعد ابقه واني عندي شك ويا كتبتله
حبيتك من كل كلبي مااشك بيك يس ماافهمك ابد احس نفسي ضايعه
ونزلت طلعت رسل بس الي شافتني وكالتلي
احسن شي الكم والله مراح ترتاحين لا انتي ولا هو ولا اي احد بينه
عذريني ميمونه بس بيتي راح ينهجم
مجاوبتهه لان مااعرف منو صح منو غلط كل الي اعرفه الصح البعد
طلعت صعدت بالسياره جان قاسم متعور بوجهه وخاله وجهه تعبان وفلك عيونهه حمر واني ابجي الكل مكسور والكل واحد بينه عنده هم جنت شايله بزونتي
......————————-
حمصه-فتره طويله بقوني مشتول مااعرف شكو فواز غير فواز شنو القصه ممفتهم غير المكان اظلم
هالظلام ذكرني بأمي ورجعني بذاكرتي
ام حمصه-نام حبيبي نام هسه يجي ابوك يكتلك اذا يشوفك كاعد
جنت اغمض واسوي روحي نايم طفت الكلوب امي جنت ابقه مغمض اخاف ابويه يجي ويكتلني مثل مكالت امي
اندكت الباب حيل غمضت اكثر
ابو احمد -شكوووووو قافله الباب
ام حمصه-جنت ابدل
ابو احمد -لتقفلين البااااب بعد ،مشتاقلج جنت اغمض وافتح واشوف ابويه من يتقرب ال امي امي هم جانت طفله
اخر شي كام ابويه وعاط بيهه كلامهم صح عنج ليش جنتي قافله الباب تخونيني يمكن وين الموبايل فتح الكلوب ويدور وهيه تبجي
والله مااخونك وهو يكلهه ليش من اتقربلج تبجين ويصيح وانفعاله قوي اني بس فتح الكلوب غطيت راسي وارجف بس اسمع ضرب ابويه ال امي جنت ابجي وخايف
هسه وعيت وفهمت امي جانت طفله بين ايد رجال جبير كل همه يرضي غريزته وهيه تخاف منه
انفتح الباب فزيت
فواز-خوما بردت
حمصه-واخيراً اجيت عمي الغالي
فواز-لتكول عمي
حمصه-ابو الشباب
فواز-اللصم .
حمصه-فتح الكلوب وتقرب عليه
فواز-راح يجي السيد هسه تتزوج رزان
حمصه-مااتزوجهه
فواز-وتطلكهه
حمصه-تحلم يصيرن ال اثنين
فواز-مو بكيفك
حمصه-سلماااااان يطلع وكلشي يخص فلك يجيني بعدهه اتزوج بنتك واطلكهه اذا تريد غير هذا الشي مااسوي
اي شي ال فلك ينشر انشرررررررر بنتك
ضربني وخنكني مووووو بكيفك اختك
حمصه-اختي او فلك ينشرررررر فديوووووووو بنتك وهيه وياي
لتلعب وياي فواز
فواز-اذبحك انهيك بلحظه
حمصه-بيوم الي تنهيني تنهي حياة بنتك للابد ليش متفكر بحركة ابوهن عليهن مثل ماانت هسه محترك كلبك
فواز-لان ابوهن هم مفكر بحركة كلب .......
