رواية عشكني ابن شيوخ الفصل الثامن عشر بقلم مجهول
اتمنى تصوتون منا وجاي واحبكم واتمنى متزعلون بس ضوجوني بعضكم 🥺❤️ ويلا نبدي البارت ...
...
مرت ايام حلوه ومتخلى طبعاً من عصبيه سلطان المتنحملل ابسط شي عيط صيح عصب سددا وراها حبيبي حياتي ههههه ليوم مر على رجوعي من البصره ٦ ايام سلطان دزلي انو باجر من صبح يجون هوه وامه حتى نروح نشتري ذهب حتى سبوع لاخ اسوي النيشان ويلبسني ذهب باجر رح البس بس حلقه وذهب من يجون حتى يلبسني يا هوه بلنيشان ونريد نستعجل كبل دوام لان نص عاشر حيبدي لازم اجهز للكليه وهل امور وهسنه منتزوح اجلنها من انجح لل٣ كليه لان ماكدر اتحمل مسؤوليه بيت وزوج ودراسه واكيد ميه بل ميه سلطان مراح يخليني ما احمل لان اكيد حيكولي اريد اطفال واني مانتضر هم حقه يعني هوه تجربته السابقه صبر سنيين واكيدد يريد يشم ريحه الضنه حلم كل اب فلهذا كلت حتى علقل تبقالي مرحلتين وادبرها شون مجان ايام تركض ...
كمت صبح جهزنه اني وامي صارت ب١١ دك جرص طلع سيف فتح باب تسالمو وطببهم اني خجلت من شفته كبل طبيت للمطبخ عود بحجه اطلعلهم مي وهمه كعدو بل استقبال مرام واحت تبوس امها واخوها مشتاقتلهم جانت عاد جتي ورايه تضحك
.. ها ها ليوم لحب هناا
.. نجبي مرام بدينا
.. ذسكتي لج دمشي يم حب ناطط البو عليكي
.. ياه شبيج كلبتي سوري شو وخري خل اقدملهم مي
.. امشي عيني انجلينا ، وضحكت
سلمت وطبيت بوست ام سلطان وقدمتلهم مي وسلطان مبتسم وماكلني بنضراته رتبكت ورحت كعدت يم امي سولفو شويه سيف وسلطان وابويه ويوسف بشغل جانو عاد نص ساعه وسلطان ترخص من سيف وكال هم يلا نشتري ذهب ورانا طريق
.. بس هاا الغدا عيني ابو أسد هنا ماريد عذر ، سلطان معروف باسم ابو اسد
.. ههههه ما يكون خاطرك الا طيب
جنت مبدله سويتر بهاري شويه طويل لون بنفسجي فاتح وبي كتابه Queen بل ابيض وجينز اسود وشيله لون حليبي ومكياج خفيف وطبعاً لازم شعزي شويه يطلع من شيله ماعرف اضبطها لهسه واخذت جنطه صغيره وعطرت ونزلت لكيتهم بلكراج ىاكفيين يسولفون عاد سلمت ع مرام وضحكنا وطلعت هوه باوع عليه من فوك ليجوه وعكد حواجبه عود ما مقتنع بلبسي غلست وصعدت بسياره سلم على سيف وصعد هوه هم
امه لكدام واني وماما لوره باوعلي بل مرايه وبعده عاكد حاجبه وجان يدنك راسه على موبايله ودزلي رساله
.. ول تردين احرك عشرتج وتالي سلار بلبسج
.. سلطان بعدين نحجي تاخرنا
قفل فونه ونفخ بستغفار وعصبيه وحرك سياره رحنا لمحل المجوهرات طبينا سلم على سلطان بحراره وكانو يعرفه عاد سلن علينا الولد كال تفضلو شتحتاجون بلخدمه محل محلكم ..
بعد فتره شتريت العجبني واكثرهن ناعمات لان ماحب ذهب الضخم بس هوه وعمتي مقبلو شترو من ضخم هم كالو شيوخ وامكانيه ناخذ ذهب ناعم هذا خلي الج لبسي بعدين وره نيشان وهذا ذهب المراسيم للنيشان عادي مكلت شي وشتريت حلقه نازكه وهوه حلقه الذهب الاعتياديه بدون اي زغرفه لان ميحب هسوالف .. خلصنا اخذنا كال شتشربون كالوله بكيفك واني كتله فروله
عاد نزل جاب عصاير شربنا ورجعنا لبيتنا طبينا جانت ب٢ ضهر وسيف خبصنا الاكل بردد تعالو ما تعالو عاد نزلنا جانت مرام مجهزه بس بقى تفتح الاكل من سليفون لان وصو كباب لحم ودجاج وسمج مسكوف ومسويه تمن احمر وزلاطه " الله جعتت🥺😭😂"
طبينا غسلنا وابويه ويوسف سلمو وكعدو يسولفون عل ما فتحتا اكل صحناهم لتمينا عل اكل وسمينا بدينا ناكل ونحجي مرام بصفي جانت كاعده ف نتبهت عل حلقه
.. اشوف
مديت ايدي الها وبتسمت
.. مشالله الف عافيه جنن سلوره بل هنى نشالله انتي واخويه
.. حياتي الله يعافيج لج عاشت ايدج ع تمن يموتت
.. ههههه الف عافيه حبب
خلصنا اكل وكمنا لمينا اني ومرام وهمه راحو للاسقبال سوينا جاي وكتلها لمرام تروح يمهم لان خطيه مشتاقه لامها وهم تريد تسولف ف كتلها روحي اني الم مطبخ مقبلت عاد كتلها
.. بابا باجر عكبه ازوج وعود شبعي جلف
.. ههههه تفف
ودتلهم جاي وراحت يمهم عاد امي ترخصت منهم وراحت تصلي ومرام جتي كالت
.. سلور حبيبي حصعد اني وماما لغرفتي محتاجه شي ؟
.. لا حب اخذو راحتكم كتلها وبتسمتلها وبتسمت ام سلطان عاد صعدو بقو سيف ويوسف وبابا يسولفون بابا ترخص يرتاح يوسف هم ترخص كال عنده طلعه ويا جماعته سلم وراح اني بقيت بلمطبخ لميت كلشي خليته يلمع ف طلعت ماعون بلم حتى احط فواكه وارتبها جان حسيت بحركه بلمطبخ عبالي واحد من اخواني ديشرب مي ف مندمجه عل كاونتر اشيف الفواكه واجان احس عضه بلحمه اذني داريد اعيط وجان يلزم حلكي ردت اموت هبطه ندارين شفته سلطان عاكد حاجبه
.. اي شخبارج يبعد عيني سلار ؟
.. خرعتني سلطان عفيع شبيككك
.. اي مو شفتي طنطل ستغفرالله
.. ي يعني طلع صوت انو انته اني عبالي اخواني
حط راسه بركبتي قشعر جسمي شتم ركبتي وطبع بوسه خفيفه بحيث حس برجفتي جان يبعد على كيف ومبتسم حسيت عيني قفلت حسيت على روحي نتفضت وحمحمت ودردت وجهي عل كاونتر جان يقرب شفايفه من اذني ويهمس بنفسه الحار الا شويه واوكع جان يكول
.. هيج انه مأثر عليج ؟
.. احممم اا شويه سلطان داحضر الفواكه
.. شو تعالي
دارني علي وتقرب من اذني
.. ليوم لبسج حلو بس ماريده يتكرر وينطلع بي ماشي يا بعد سلطان ، ابتعد وباسني من خدي وقريب شفتي وبعدين بوسه سطحيه بشفتي واخذ تفاحه مشيفه من ورايه وعضها وراح يبتسم
اني كلهاي ساكته وخجلانه لابيه ابعده ولابيه اتجاوب ويا حتى ملحكت شنو هل بشر سحره غريب والله ! ماكو هيج اله تأثير عليه
نداريت واني منتفضه ومقشعره من حركته عاد كملت ووديته للاستقبال جانو كاعدين وصحت مرام هيه وعمتي نزلو قدمتلهم الفواكه ىكعدنا سوالف وضحك وسلطان كلشويه عيونه عليه ويضحك عاد ورا ساعه بحدود ال٤ ونص
.. ول نرفع الزحمه هم يلا حجيه ورانا طريق
.. يمعود زحمتيش ليش ما تنامون عدنا ليله ، سيف كله
.. لا والله عندي شغل لراسي جايات هواي وسبوع لاخ ورانا نيشان نجي نشالله
.. براحتك ابو اسد شوكت ما تحبون هلا بيكم بعد اهل احنا
.. حبيبي متقصرون يلا اودعناكم سلمو وهاي عاد عمتي سلطان شاورها مادري شكلها راحت صعدت بسياره وبقى بلكراج هوه سيف هم طب جوه هوه وامي ومرام يمكن ديخلونه على انفراد عود وهيج تقرب سلطان عليه باس راسي وخدي
.. ول يبعد روح سلطان ما شبعت ليوم منج يمتى الاكيج بحضني ول صبري خلصص
.. ههه نشالله بعد ٩ اشهر
.. ول شيصبرنييي ٩ اشهر عل اكثر اكسر الاتفاق ونزوج قريب
.. سلطاننن مااا والله مانزوج هسهه
.. الله كريم يصير خير بويه نحجي بلموضوع بعدين
.. ماشي
بتسمتله باس خدي وشمه
.. ول بويه افيششش ترافه ما تنوصف
.. هههه شكراً
.. اخخخخ بويه برودج الرومنسي دقنيي
.. هههههه سلطان عفيه بعدني ما متعوده
.. بويه سلطان وراك تعب يابو تعب ول ينرادلج خلك جديد وصبررر اووفف من كلبي لحبج يسلار
.. ههههه من توصل دزلي عود دربالك على روحك
.. اروحن فدوه للتخاف على ابوها
.. ياههه سلطان ابوها شنو اي كلنه فرق عمر بس مو تصير ابويه
.. ول اصيرلج اب وام واخ وزوج وابن وحبيب وليحبه كلبج
.. ههههه الله يحفظك
.. اي جاي تكلليها لاخوج مو الله يحفظك ! اللهم طولج يا روح خل اروحن لان بعد شوي ابقى اتسودن
.. ههههههههه ماشي عيني
سلم وباسني بخدي وباس ايدي يم الحلقه
.. ول مو ايد تكول روبه وين اضمجج ول فهميني بويه شهل ترافه
ههههههه
بتسمت وبسته بخده هوه نذهل وبتسم وراح بتسمت سديت باب ورا وطبيت جوه ارتاح نعسانه حيل .....
مرت ايام وسويت النيشان واجوو كومهه من اهله وجنت طالعه كولش حلوه ونازكه ولبسني الذهب وتمت الحمدالله بخير وسلامه ...
قرب الدوام بقى سبوع ونداوم مرام ويايه بلكليه صارت بس هيه قسم واني قسم بل ريست عود نتشاوف عادي
رحنا اني ومرام وسيف شترينا غراض وحتياجات الكليه ومستلزمات وسجلنا خط سويه عاد خلصنا ملابس ومستلزمات وكلشي بعد يومين عل دوام وطبعاً استاذ سلطان لا يخلو كلامه من اللبس ولا سوين هيج ومتحجين ويا اياً كان خارج عن دراسه ولا ميانه ولا شقه ولا طبع طلعه وياهم ولا وكعده بل كفتريا بس على كد الدراسه لا اكثر اني صح ما عندي اختلاط هواي بس هم چنت اتجاوب بلشقه البسيط الي يدور بين كل مجموعه بلقسم او نكعد بلكفتريا سويه نسولف عن متحان او ندردش شي عادي ك مجموعه مو كل كل نفرين بمكان لا اما هسه هلشي ممنوع طلباً من استاذ سلطانن اففف منه متملك ...
بده دوام وليوم اول يوم لبست جينز وتيشيرت اسود وفوكا جاكيت من نوع العريض وجبير وبي كفه من الايد وبي شكات بسيطه وشيله ومكياج خفيف عاد خلصت نزلت لكيت مرام كاعده وسيف بصفها يتريكون وامي دتصلي صبحت واكلت شي بسيط وسمعت هورن السياره بوست امي وسلمت ومرام هم وطلعنا ... وصلنا للكليه مرام تستحي ومرتبكه اولمره هنا وهيج ومتندل عبالك اول سنه من اجيت اني ههههه عاد اخذتها دليتها على قسمها وسلمت ورحت لقسمي سلمت وجان اشوف الحب مالاتي رغد وريم ورحنا حضن ومباوسس ونضحكك مشتاقتلهم حيل اخر مره شفتهم بنيشاني قبل اقل شهر ضلينا سوالف وضحك دخل اول استاذ سلم ودردش شويه ويانا وبده محاضره ووو...
خلص يومنا ورجعنا للبيت جان يوم مو ثكيل لان اول يوم وراها تبدي التعب طبينا سلمنا على ماما وبوستها جانت مسوبه دولمه بويه متت بع ريحهه
.. اوف اوف لج سلارر ح اسيح امشي نبدل دنتغدى عمى شجاي تسوين بينا بع ريحه اخخ
.. ههههه امشي لج يلا
صعدنا بدلنا ونزلنا ابويه اجه واخواني عاد لتمينا دناكل وندردش على يومنا ونضحك خلصنا لمينا كلشي صعدت تمددت راسلت سلطان وحجينا وكلشويه خوما تشاقيتي ويا واحد منهم خوما واحد حاجاج خوما ووووو الى ان خلصنا حجي ونمت كعدت عصر ب ٦ جانت نزلت شفت امي مسويه كيك وجاي شتهيت كعدت مرام جانت دتصب جاي لولد كلهم طالعين بس احنا ف دناكل ونسولف اني وامي ومرام هم ف مرام دتاكل جان مثل العبت نفسها كبل حطت ايدها وكامت للحمام اني وامي جفلنا من حركتها رحنا وراها سمعناها تتقيأ دكيت باب
.. مرو شبيج حبي ؟
.. يمه مرام بيج شي مريضه؟
فتحت باب وحانت تنشف
.. لا عمه والله مابيه شي بس شويه لعبت روحي
امي صفنت بوجهه مرام مرام شكلها ضحكني خافت جان تكول
.. عمى خوفتيني شبيج صافنه هيج عليه
جان اجرها بضحكه على منضرهم
.. لا يمه مبيه شي بس مرام يمه شوكت اخر مره شهريتج ؟
.. ها عمه مادري اخر مره قبل هواي يمكن شهر ونص هيج
.. يا يمه غير تنتبهين يجوز بلكي الله ويفرحنا بحملج خابري سيف خن يجيبلج اختبار الحمل
.. ماشي عمى ، مرام من سمعت هيج ضحكت بفرح مثل كانو تتمنى يكون حجي امي صح اني طرتت من فرحه وجان اكمزز
.. هلااا حصيرر عمه هلا عيني يابه غير اوزع جوكليت لكل لكليه اذا صدككك
.. هههههه سكتي انتي لخ دخل نشوف اول بعدين مو بس انتي اني وياج نوزع صناديك
.. هههههههه خربيج
.. نشالله يمه نشالله ادعي الله يفرحج بذريه ويفرحني بيكم انتي وسيف واشوف اولادكم ماليين البيت
.. ههههههه شكراً عمى نشالله ، خجلت وخدودها حمره صارت
.. اويي عيني خجلت لجلحه ، وعوجت حلكي
.. كبر ولا تخلين واحد براحته ، كالتها وضربتني بجتفي ضحكنا وامي تضحك على سوالفنا عاد خابرته لسيف سيف عبالك مدري شصار بي طلقه لكينا جاي وجايب الاختبار راحت طبت وكلنا على ناررر عاد ورا ربع ساعه انتضرنا وهاي طلع الاختبار ومرام شافته وجتي وعيونها تلمعع وفرحانهه
.. حامللللللل
احنا كلنا عطناا بفرحح وسيف ركض حضنها وباسها ويضحككك
وامي تهلهل فرحانه ههههههه رحت لزمت بطنها
.. اويي يعني حيجي نونو صقنوني 🥺
.. ييي ، مرام
.. الف مبروككك يمه سيف حبيبي احلى فرحه هاي، امي حجت وسيف راح باس راسها الله يخليج النا يمه وتشوفين احفاد احفادنا ومرام باست امي باركت الهم وبوستهم
.. بس يمه سمعوني باجر حجزو على دكتوره نسائيه تسويلها سونار للتاكد حتى نطمأن
.. اي يمه اكيد نشالله ،
اجه ابويه ويوسف وكنالهم وفرحوو باركولهم ومرام خجلانه بس تنهزم منهم هههههه خابرت اهلها وبشرتهم وهم فرحانيين وباركولهم عاد سيف كال على عل فرحه اروح اجيب الحلوان
راح هوه ويوسف خابرني سلطان
.. هلا سلار شنو هل خبريه لحلوه
.. هلا عيني اي والله كمزت من فرحهه حصير عمه سلطانن اوييي 🥺
.. بويه اروحن فدوه لل اوويي يوم لالنا حبيبي
اني نلصمت من خجل معرفت شجاوبه
.. وينج بويه
.. ها احمم وياك وياك اي شونك
.. حمدالله شونج انتي بويه
.. حمدالله زينه
.. دوم بنيتي
ضلينا ندردش وراها سديته صاحوني
اجه سيف جايب كنافه وزنود ست وعشى خير من الله اكلنا ونسولف ونضحك وفرحانيين الله يديم هل لمه ولفرحه 🥺 ......
