رواية الطالبة والعصبي الفصل الثامن عشر بقلم مجهول
ابتسمت سارة بمكر لمن سمعت صوت الباب وكالت : ادخول
دخلت نارين وسدت الباب وكالت : نعم استاذة طلبتيني
سارة بتكبر : انتي نارين
نارين : نعم استاذة
سارة بحقد : حلو سمعت انج خطيبة الدكتور سيف فحبيت اباركلج
نارين بستغراب : الله يبارك بيج
سارة بحقد : بس تدرين مستغربة من شغلة اشون دكتور مثل دكتور سيف يخطب وحدة مثلج
نارين بعصبية مكتومة : ليش اشبيهة المثلي
سارة : لا مبيهة شي بس تعرف تضحك علة الولد وتلعب عليهم احب اهنيج جان اختيارج للدكتور سيف موفق هل مرة اف اشكد اكره النماذج المثلج بس اطر اتعامل اوياهن
نارين بعصبية : والمطلوب
سارة : المطلوب يحلوة انج اتعوفين سيوفي وترجعيلي يا
نارين : اني ما اخذتة منج حتة ارجعلج يا
سارة بمكر : لا اخذتي هوة جان ايحبني لا بل يعشقني وتقدملي للزواج بس فجئة انتي دخلتي ابحياتنة ولعبتي بعقل سيف واخذتي
نارين بثقة : هذة الشي بينج وبين استاذ سيف اني ملي علاقة بس انج تجي ادكولي اني العب علة الولد وضحك عليهم هذة الشي ما اقبلة وهل مرة راح اعديهة لنج متعرفيني بس صدكيني اذا تستيلي علة طرف صدك راح اراويج النماذج المثلي شي سون وعافتهة وطلعت
سارة بحقد : سيف الي وراح يبقة الي وهسة راح اعلمج اشون ايصير اللعب ........
_________________
نارين
اول ما طلعت من المكتب شفت الاستاذ محمد بوجهي باوعلي بستغراب وكال : شسوين بمكتب الدكتورة سارة
نارين : هية طلبتني وباركتلي علة الخطوبة
محمد بشك : بس
نارين : اي بس يلة دكتور اني اترخص عندي محاضرة ورحت بسرعة للقاعة ....
______________
سيف
جنت كاعد ابمكتبي اشتغل علة السجلات مال اسماء وفجئة دخل محمد وكال : لو تعرف اشصار ما راح اصدك
سيف بلا مباله : خير اشصار
محمد : لك ستوني شفت نارين طلعت من مكتب سارة
سيف بتفاجئ : وشسوي نارين بمكتب سارة
محمد : ما ادري بس كالتلي نارين انو طلبتهة سارة علة مود اتباركلهة
سيف : ماشي فهمت
محمد : شنو فهمت
سيف وهوة ياخذ جنطتهة ويكوم : فهمت الي لازم افهمة وطلعت من المكتب ورحت القاعة واحد ودخلت وسلمت علة الطلاب وبديت الشرح بس شو نارين ما موجودة بل قاعة بس صديقتهة سرى وايه موجودات كملت شرح ابسرعة وطلعت وكملت كل المحاضرات ورجعت المكتبي اخذت السويج والتليفون وسديت المكتب وطلعت للكراج شفت ايه ونارين واكفات يم السيارة فتحت الهن السيارة وجت ايه تصعد اليكدام بس كلتلهة : خلي نارين تصعد ليكدام
نارين : لا ما
قاطعهة سيف بعصبية وكال : شكلت اصعدي
صعدت نارين ليكدام وايه ليورة وركب سيف السيارة وساقهة بسرعة ..........
_____________________
نارين
وصلت للقاعة وكلت السرى
نارين : اشعدنة هل محاضرة
سرى : عدنة محاضرة كيمية بس ما كلتيلي اشرادت الدكتورة سارة منج
نارين : ما رادت شي بس باركتلي علة الخطربة يلة هسة راح اطلع بل حديقة لأن ما بية حيل احضر المحاضرة
سرى : ابراحتج تردين اجي وياج
نارين : لا حياتي مشكورة يلة رايحة
ورحت لحديقة معزولة عن الكلية هادئة كعتت علة المسطبة وضليت افكر بل كلام الكالتة الأستاذة سارة وانو معقول اني خربت بيناتهم وسيف ايحب سارة ضليت افكر الحد ما دخت فكمت ورجعت للقاعة لكيت مخلصة المحاضرة وبادية محاضرة لوخ دكيت الباب وعتذرت من الأستاذ علة التأخير وفتت وبدة يشرح الأستاذ وينطي امثلة الحد ماخلصت المحاضرة وبهيج كملت كل محاضراتي ورحت اشوية كعدت وية صديقاتي وسولفت الحد ما دكت علية ايه وكالتلي علة مود الحكهة للكراج علة مود اروح سلمت علة البنات ورحت الأيه شفتهة واكفة كدام السيارة وكفت يمهة ورة تلث دقايق اجة سيف فتحلنة السيارة وردت اركب بس مقبل وكال انو اني اصعد كدام وايه ورة ردت اعترض بس قاطعني بعصبية لمن شفتة عصبي محبيت اجادلة فصعدت ليكدام وصعدت ايه الي بان علة ملامحهة النزعاج ورة وركب هوة السيارة وساقهة بسرعة للصراحة خفت حيل بس ما بينت وضليت ساكتة الحد ما وصلنة البيتنة وايه اشكرت منة وسلمت علي ردت انزل بس ما خلاني وكال .........
————————————
سيف
وصلت البيت نارين وكفت السيارة وايه اشكرت مني ورادت نارين تنزل بس كلتلهة : ابقي اشوية اريد احجي اوياج ابموضوع ودار علة ايه وكللهة : تكدرين اتنزلين
ايه بحراج : ماشي باي ونزلت من السيارة
سيف : هسة احجيلي
نارين : شحجيلك
سيف : اشكالتلج الدكتورة سارة من رحتي المكتبهة
نارين : مكالتلي شي بس باركتلي
سيف : اكيد
نارين : اكيد
سيف : زين ليش ما حضرتي المحاضرة
نارين : جنت تعبانة فما حضرت
سيف : ليش اشبيج
نارين : اشوية راسي يوجعني
سيف : ها سلامتج
نارين : الله يسلمك انوب سكتت اشوية وراهة كالت : اشرئيكغ نفسخ الخطوبة
سيف بصدمة : شنو عيدي بلة ما سمعت
نارين : اعتقد سمعت كولش زين بس راح اعيدلك ياهة وكلك خل نفس ما كدرت اتكمل لن سيف لزم شفتهة وكال بحدة : لا فهمتي وهاي الفكرة شيليهة من بالج وعاف شفتهة وكلهة بعصبية : انزليي
نزلت نارين بسرعة ودخلت للبيت وساق سيف السيارة بسرعة جبيرة البيتة وصل ودخل السيارة وسلم علة ابو وامة واختة وسئلو علة الجرح البراسة وكلهم حادث بسيط وصعد الغرفتة غسل وصلة وضل يفكر بكلام نارين وكال : اكيد هاي سارة لاعبة بعقلهة ومدري اشحاجيتلهة حتة طلبت نفسخ الخطوبة وراهة صاحوني اهلي علة الغدة نزلت جوة وتغديت وشربت جاي وصعدت ابغرفتي ونمت ..........
—————————-
نارين
بعد ما تحاجينة اني وسيف نزلت من السيارة ودخلت للبيت سلمت علة مامة وصعدت بدلت وغسلت وصليت ودعيت الله يسرلي امري ويريح بالي وراهة نزلت سلمت علة بابة وعلي وكعدت اتغدة الى ان مامة كالتلي
ام نارين : مامة شنو الموضوع الحاجاج بي سيف حتة اتأخرتي ودخلتي اعيونج امدمعة
نارين : مراد شي بس قاطعتهة ايه وكالت
ايه بخبث : اكيد عصب عليهة لأن محضرت محاضرتة ومرادت تكعود يمة بل سيارة
ام نارين : ليش عيني محضرتي محاضرتة ومكعتي يمة شنو يبزز هوة لو شنو ها ما تحجين
نارين : لا مامة مو هيج بس جنت دايخة فمكدريت احضر محاضرتة
ام نارين : ها وحضرتج مدوخين غير بمحاضرتة
نارين : لا بس قاطعتهة ام نارين وكالت : لا بس ولا هاي شوفي اني منتبهة عليج من بدايت الخطوبة انتي ما رايدة الولد وتردين اتخربين الخطوبهة فمن هسة اكلج تنعدلين وتمشين عدل ولا كل يوم امسويتلج مشكلة يا امة اراويج غير وجه واخلي عرسج نهاية الشهر وبعد بكيفج
نارين متحملت كلام امهة فرئستن صعدت فوك ضلت تبجي وتفكر بكلام امهة الحد ما هدئت ونزلت سوتلهة كهوة وصعدت فوك وبقت اتكلب بتليفونهة وخابرت سرى وسولفت اوياهة وكلتلهة انو باجر متروح للكليهة لأن تعبانة وسدتة من سرى وبقت اتكلب بل انستة علة صفحات التحشيش والنكات الحد ما صار المغرب وسدت التليفون وكامت اتوضت وصلت نوب نزلت جوة اتعشت وية اهلهة وكملت وكامت سوت جاي وصبتة وكعدت يمهم وراهة اندك الباب طلع ابو نارين يشوف منو وطلع جاي ابو سيف وام سيف راحت نارين وايه لبست شالات ونزلن سلمن علة ام سيف وابو سيف وكعدت نارين يم ام سيف وضلو يسولفون ويشاقون الحد ما صارت بل عشرة وترخصو وراحو وصعدت نارين فوك وسبحت ولبست دشداشة قصيرة واول ما حطت راسهة علة المخدة نامت ..........
_____________
سيف
كعدت الساعة بتلاثة الظهر كمت غسلت ولبست لبس رسمي ورشيت عطر ولبست ساعتي ونزلت كعدت اشوية وية اختي رانية وسولفت اوياهة وشربت جاي وطلعت ركبت سيارتي ورحت للشريكة وصلت ودخلت سلمت علة الموضفين ورحت المكتبي دخلت وكعدت علة الكرسي ودكيت علة السكرتيرة علة مود اجيبلي شكمم ملف رايدهم ورة خمس دقايق اجت وجابتلي الملفات وطلعت وبديت بل شغل ودققت الملفات وقعت علة قبول شكم موضف جديد الحد ما صارت بل عشرة يلة كملت وكمت اخذت سترتي وتليفوني وطلعت من الشريكة وركبت سيارتي ورحت للبيت وصلت ودخلت السيارة للكراج وسديت الباب ودخلت للبيت وشفت امي وابوي كاعدين استغربت وسلمت عليهم وكتلهم شعجب كاعدين هسة كلولي لأن جانو رايحين البيت نارين وستووهم جايين وكعدت اشوية سولفت اوياهم انوب اترخصت وصعدت سبحت ولبست برمودة ونمت بسرعة من التعب وكعدت بل ستة ونص فكمت غسلت وصليت ولبست قاط رسمي ونزلت صبحت علة امي وابوي وطلعت بلة ريوك لأن ما اشتهي ورحت البيت نارين وكفت ودكيت هورن وطلعتلي ايه وهية لابسة لبس قصير كل عادة وحاطة مكياج كيلو وركبت السيارة وكالت
ايه ببتسامة : صباح الورد
سيف : صباح النور
ايه : تكدر تمشي اليوم نارين متجي
سيف بستغراب: ليش متجي
ايه بنزعاج : مريضة لهيج ما تجي
سيف : ها وحرك السيارة وتوجه للكلية بهدوأ وكل متحاول ايه تفتح موضوع ايصدهة سيف وصلو للكلية وصف السيارة سيف ونزلت ايه من السيارة وراحت القاعتهة وسيف همين نزل من السيارة وراح للدارة وسلم علة الأساتذة وشاف الجدول وراح المحاضرتة ودخل للقاعة وسلم علة الطلاب وبدة يشرح الهم وينطيهم معادلات علة مود ايحلوهة الحد ما كمل المحاضرة وراح شاف محمد وسلم علي وراحو للسنتر علة مود يتريكون وتريكو ورجعو المحاضراتهم وكمل سيف كل محاضراتة وراح اخذ اشكم سجل من مكتبة وقفل المكتب وتوجه للكراج يلي جانت ايه وشلتهة التعبانة واكفات يم السيارة وصل للسيارة وركب بيهة وحط جنطتة ورة واجت ايه وركبت ويا بعد ما سلمت علة صديقاتهة وساق السيارة وصل البيت نارين صف السياة بل باب وكال سيف الأيه : راح انزل وياج اسلم علة نارين وطمن عليهة
ايه : عادي دكتور اتنور البيت ونزلت من السيارة وايه دكت الباب وفتحتلهة ام نارين يلي اول مشافتني فرحت وسلمت علية ودخلتني للستقبال الي جان بي ابو نارين وعلي وكامو اول مشافوني وسلمو علية وصاحت ام نارين النارين يلي نزلت بسرعة ودخلت بل ستقبال وهية ادكول : ها مام ما كملت كلامهة لمن شافتني اما اني شفتهة وياريتني ما شفتهة جانت لابسة برمودة ورجلين ايللن وحدهن وشعرهة الي واصل وية خصرهة فصلت جسمهة تفصال الحد ما انتبهت علة نفسي وتحمحمت وكلت ....
_______________
نارين
كعدت الصبح الساعة بل عشرة ونص واني شابعة نوم نوب كمت سبحت ولبست برمودة سودة ومشطت شعري ولميت الطراف بكماشة والباقي عفتة مفتوح نوب توضيت وصليت ونزلت صبحت علة مامة وكعدت اتريك وكمت غسلت الماعين وصعدت الغرفت علي نضفتهة ونضفت غرفتنة وراهة و كعدت العب بل تليفون الحد ما صاحتني مامة نزلت بسرعة وفتت للستقبال وكتلهة ها مام قبل ما اكمل كلامي شفت سيف الي جان كاعد بصف بابة ويباوعلي بذهول وفصل جسمي تفصال بعيونة حسيت نفسي ما لابسة شي ونزلت راسي من الخجل والحراج الحد ما هوة اتحمحم وكال
سيف : ........
