رواية اسود توب الفرح الفصل الثامن عشر بقلم خالد أسامه
لا لا لا لحد يسحبنننننننننني خلوني
رغد ..عفيه بس سوه مجال خل نسحبهم
منتصر .جنت بالكراج انتظر طلعه العرسان
وما سمعنه اله عيطه قويه
طلعت شفت الناس ملتمه وبان واسامه متكومين بالكاع
دفعت الناس الواكفه حواليهم بس اريد اوصل الهم
وعطت بيهم فكووو مجال
لك مهيمن حضرلي سياره
مهيمن .من الدهشه والفاجعه الكل نصدم بس نريد نعرف شنو صار هاي طلقات متعمده لو طلقات عرس لان ضاعت علينه
صار في لحظه هوسه وخبصه
اركضت عالبيت صحت منتصر جان موجود
طلعنه نتراكض
بس عوفوني لحد يلزمني شفته غركان بدمه لزمته وحضنته لتعوفني اسامه
فدوه رحتلك اسامه اصحه
اعيط بس اريده يحس بيه
اسااااااااااامه افتح عيونك فدوه رحتلك لك اسامه اني حبيبتك بس رد عليه
ماعرف تهسترت اعيط وملخ روحي
حسيت واحد سحبني من حبيبي
ماشفته منو بس اعيط
عوفوني لحد ياخذه مني
مهيمن .عيوني بان بس خل نسعفه ونلحك ننقله للمستشفى
لا لا مهيمن بس تاخذو يكولولكم ميت يكذبون عليكم
منتصر .كومي يمعوده مو لميتي الناس علينه
كومتها بالشافعات
منتصر ابوس يدك ابوس رجلك خليني اروح وياكم
ابوس يدك منتصر
بان مو وكت توسل هسه خل نلحك نسعفه
مهيمن رحتلك خلي اجي وياكم فدوه
رغد .صعدي بان احنه رايحين
اخذت الطريق بس ابجي اريد بس اوصل للمستشفى صار الطريق شطوله والسيارات شكثر
وصلنه نزلت مثل المخبله حتى ما منتبها ع حالي
اباوع الناس كلها تباوع عليه وتكول خطيه ..خطيه
جابوا سديه وصعدوا عليها اسامه واني لازمه يده واحجي وياه
اسامه حبيبي تسمعني بس جاوبني
اسامه لتعوفني
اسامه اني احبك
اخذوه جوه اباوع من الجامه عالدكتور وادعي من الله يرجعه الي
شفت الدكتور هز راسه
افتحت عيوني وعطت اسااااااااامه بس اريد ادخل وحضنه
طلع مهيمن عليه لزمني
بان هدئي بان راح تتخبلين
مهيمن عوفني ..داكلك عوفني اريد ادخله اريد احضنه
عفتها لان بعد شسويلها شي مقدر ومكتوب
بان فتت عليه وخرت الغطه عن وجهه وعيط ملخت وجهي بظافري
بس اصحه اسامه رد عليه
زين اخذني وياك اسامه لتعوفني اهنا وحدي
ما اشبعت منك اسامه
رغد بعد اقل نص ساعه المستشفى نكلبت باهل الولد عمامه وخواله ملت المكان ملي
والكل تعيط وتبجي لان عريس وبعز شبابه يروح ابسبب طلقه طايشه
ابواسامه .عمي بس فهموني الطلقه وين صارت
منتصر .عمي الدكتور كال الطلقه بنص كلبه ابلحظتها مات
والمستشفى انملت بالعياط
رغد .شفت بان حيل انهاري ونامت ع صدر اسامه
وتكعد بي
اركضت ع الدكتور عفيه بس اختي انهارت تعال شوفها
طلع الدكتور شاف بان حالتها يرثا لها
طلب من السستر ينطيها ابره مهدء
جتي السستر ع بان
وظلت بان تعيط ودفع بيها
جوي اثنين بعد لزمو بان ونطتها ابره بالوريد
اشويه وبان خربت بالكاع
شالوها خلوها ع السديه الي بصف زوجها
خطيه كالتلي
انطيني يده فدوه رغد
طلعت يد اسامه ولزمتها بان وظلت تبجي بسكوت
وبعد الاجراءات طلعنه من المستشفى
ابو اسامه .. كال راح نطلع لنجف
بان جابت اطلع وياكم والله ما ارجع للبيت اني وياكم
الزمت يد عمي ابوس يدك عمو خلي اروح وياكم
ابو اسامه ..بنتي شتجين وانتي لابسه هاي البدله
باوعت ع بدلتي كلها دم
عمو اغيرها بس اخذوني فدوه رحتلكم
يله صعدي بنتي وغيري يم البنات رحت وياهم
اطلبت من بتهم اتغيرلي البدله نزعتها ولبست دشداشه سوده من ام اسامه وبعدها اصعدت وياهم اجه ويايه منتصر وبس
اخذت الطريق كله بس ابجي
فكدتك يا اعز الناس
فكدتك يا ابوالطيبه
فكدتك وضاع مني الاحساس
ريت ترد وكلبي من الكاع تشيله
ظليت انعي بكلبي وتوسله يرجع الي
ما اشبعت منك اووووف اسامه
ابتهال .عمه اسامه خطيه زوجته حيل تهسترت كل اشويه تعيط
اي والله منضرها يكطع الكلب
لعد منو اجه وياها من اهلها
اخوها الجبير وبس
الله يكون بعونها عرسها انكلب اجنازه
الله يصبرها ويصبر اهله
ولج عيني اني خايفه ع اخويه ابو علي حيل منهار
ما شفتي شلون دك وبجه ع ابنه
اي اكيد يا ابتهال غير ابنه
والله هاي مرته وجها فكر كبل موتت الولد
الله يستر لو داخله للبيت جان كلهم كتلتهم رجلها ابد مو حضره عالبيت وعالعائله
كافي ابتهال خطيه الولد يوم اول يوم اله
والله ياسعاد جنت اتمناه البنتي
بس الله هم حاب بنتي جان اسجلت عليه اسم مرته وتصير ارمله
بس الحمدلله مصارت القسمه
يله عيني وصلنه
ماما بان نزلي وصلنه
هسه خاله اكوم
اشبيج بنتي
ماعرف شو رجلي متساعدني عالوكفه خاله
كولي يا الله
ما اكدر خاله ..عفيه صيحي ع اخويه
منتصر .ها بان شبيج
منتصر رجليه ما احس بيها ما اكدر احركها احسها ثكيله
الله يخليك نزلني
ليش ما تبقين بالسياره
ماريد وبعياط نزلني منتصر نزلني بس اعيط
تعلي جيبي يدج
شالني وصلت كعدني بالكاع
لا منتصر خليني يمه ابوس يدك
خلاني يم التابوت
حضنته وظليت اعيط وابجي
لتعوفني اسامه اخذني وياك اكلع حاجيني
ولكم فكوا تابوته خل اشوفه اسامه
وينك تسمعني اريدك اطلعلي
ابو علي .الله يخليكم شيلو زوجته منا
كومي ماما
ماكوووووم عوفوني ملخت شعري واضرب ع وجهي
ولك اسامه اليوم عرسنه اسامه اليوم البست البدله اليوم اني ابغرفتك
وينك اطلعلي حاجيني
كومي بان يردون ينزلوه
لللللللللللا نزلوني وياه اريده اشيل بالتراب وخلي ع راسي
نزلوه وشمرت نفسي عليه كوه شالوني منه
اخذني منتصر كعدني بعيد عن الكبر اشويه
وبس اعيط وابجي
ولك ثوبي الابيض صار اسود ياحبيبي
ثوب الحزن انكلب عليه
ماريد البدله بس ارجعلي
كملوا الدفن والكل اترحمله وبعده رجعنه لسيارات مدري وين راحو
وبطريق الرجعه حسيت غبت عن الدنيا افتحت عيوني شفت حالي بغرفه كلها اضويه واجهزه كهربائيه
ردت اكوم ماكدرت
كمت افر بعيوني بكل ارجاء الغرفه اعرفت حالي اني بالمستشفى
وبعد قليل فاتت رغد وامي عليه
شفت رغد كبل بجت وجتي حضنتني
بنو شلونج ياعمري ليش سويتي هيج بحالج
امي هم كامت تبجي وتحضني بس اني حاسه روحي مربطه
ما اكدر احجي صوتي اختفه ما اسمعه بعد
حتى اليحجي ويايه ما اكدر اردله صرت بس اسمع
رغد .اركضت عالدكتور وكتله شو بان متحجي ولا تكدر تحرك رجلها
الدكتور اجالي سوالي فحص كلي تسمعيني اشرت ابراسي اي
كلي احجي
جنت احرك شفايفي بس صوت ما يطلع
زين حركي رجلج
هم مكدرت
تفضلي ويايه ست
نعم دكتور اشبيها اختي
الصراحه اختج من الصدمه القويه ادت الى شلل مؤقت بالساق والصدمه ايضا اثرت عالنطق مالتها
رغد .عزه بغيني اختي انتهت .زين دكتور الها علاج
اي اكيد تتعالج علاج فيزيائي تمارين
والنطق لازم انتوا اظلون تحجون وياها الحد ما يرجع النطق
والاكثر بهيج حاله اله اتمر بصدمه ثانيه يله يرجع النطق هاي حالتها حاله نادره كل ٥٠ يصيبه واحد
رغد .سوده عليه عليج يا اختي
زين دكتور هاي الحاله دائميه لو مؤقته
لا حالتها مؤقته لان ع اثر صدمه
شكرا دكتور ما قصرت
اهلا وسهلا
خالد .يوم الخميس خابرني حيدر الصانع مالتي
ها حيدر شكو ليش مخابر اكو شي
اي استادي
بيت عمك نسيبهم مات
خالد 😳😳😳 شنو شتكول انت يانسيب
هذا الولد الاسمه اسامه اليوم بعرسه جتله طلقه تايهه
خالد .من الصدمه معرفت شكله اني ماردته يموت
هاي الجلاب كتلوه واني كتلهم بس صوبوه حتى يخاف
سديته من حيدر
وكبل اتصلت ع خنجر
لك جلب ماكتلك كتله كتلك صوبه برجله كتفه حتى يخاف بس
ماكتلكم خلصوا عليه حواوين
استاذ خالد انت كلت خلصوني منه
اي خلصوتي يعني خل يبتعد عن حدودي تخوفوه بس مو ترحون تكتلوه
هسه انتوا وين
احنه بالمطار
ننتظر الطياره حتى تقلع
بعد لا تخابروني لهنا ونتهى شغلي وياكم
اي انت هم لا تخابرنه
خالد .سديته منهم بس ظليت اكل بروحي خطيه شاب بعده صغير ماردته يموت والله عسبالي بس يهددوه او يخوفوه
هاي تالي عمري اسير مخطط القتل شاب بس كله من وراح يا بان انتي السبب رفضج الي وكرهج خلاني اعمه وصرت مجرم
لو حابتني ورايدتني مجان صار الي صار
لازم باجر ارجع
ظليت افكر وضرب اخماس بسداس
الليل صار عليه شطوله هسه بان شدسوي شنو صار بيها
الزمت تلفوني دكيت ع منتصر
وجان ابساع افصله
بله هسه لو ولصل الاتصال مجان سئلني منتصر انت أمين دريت
شكله اني في ساعتها زين لحكت
وباجر هم ما ارجع خلي افوت يومين ثلاث يله ارجع حتى ما اتوتر كدام احد واكيد بان راح اتشك بيه لان اني هددتها
بس لا اني سافرت قبل العرس بيومين
وهو عرس وصار بي رمي
اكيد راح تفكر هاي طلقه تايهه جتله
ههههههههههه صدك ضحكت ع روحي اكذب الكذبه وصدكها
هاي شبيك خالد مو انت تعرف منو كتاله اسامه شنو هالحجي منك
شنو اخرفيت تعالي عمرك
مكدرت انام تفكيري كله يم بان
الله يعينج يانبض كلبي ع مابلاج بس هذا مصير اليوكف بوجهي اني خالد يابان لا تستهزين بيه
اني مايوكف احد بوجهي
بان .فات ع وفاه حبيبي اربع تيام ظليت طريحه فراش ما ارضه اكل ولا اشرب اريد اموت حتى الحكه ونام يمه وشم عطره
صار يتراوالي بكل مكان ويناديلي بان اريدج تعالي
وين انت حتى اجيلك حبيبي
اني يمج بنو
حبيبي ماكو وينك
اطلع يانظر عيني
تعاي بنو تعاي
وينك اسومي تعال انت اخذني من يدي
اسامه وينك اسامه اسامه لا لتروح اسامه جيتلك
رغد .اسمع بان تعيط رحت عليها اركض
اشبيج بان اصحي بان
تأشرلي ع الكنتور ما افتهم شتريد باوعت عالكنتور ماكو شي احجي وياها وما افتهم ع اشارتها
بان حبيبتي انتي جنتي تحلمين مو اكثر خلي اطلعج بالهول
اشرتلي براسها متريد تطلع
صارت حبيسه الغرفه وروحها
خالد .اليوم احد وكلت خل ارجع للعراق
وصلت المغرب
مخابرت ع احد اني اجرت تكسي ورجعت للبيت حتى ع بيت اهلي ما مريت
كبل ع بيتي دخلت ماعرف اول ما اوصلت العراق حسيت صدري اختنك
ماحبيت هالاحساس المريت بي
وسن .الحمدلله ع سلامتك ياعمري
هله وسن شلونج وشلون بان
والله مو زينه ابد حالتها تصعب عالكافر
😳بعصبيه ليش اشبيها
غير زوجها مات
طاح حظج ياثوله اني سئلتج ع الطفله مو بنت عمي
يااا عبالي ع بان الجبيره
دوخري عن وجهي لا ابتلي بيج يالثوله
تره بنتك بان مابيها شي زينه ونايمه لا تصحيها عوفتها توها نامت
دخلت الغرفتي شفت بنتي نايمه مثل الملاك ظليت اباوع عليها واحجي ويه نفسي ياترا انتي شنو مكتوبلج بهالدنيا
وتذكرت بان حبيبتي
اتمنى هسه اروح اشوفها واشوف وضعها
وسن .خالد
جفلت من وسن صاحت اسمي
لج انتي ثوله هو هيج اليصيح
اوووي هاي اشبيك حصره احجي كبل ترزلني
لأنج ثوله تعاي دخلي وبهدوء صيحي عليه بس ما اتعب حالي ظليت عمري كله اعلم ومانفع بيج تعلوم
هسه يمعود سويتها قضيه اني جيتلك تريد احضرلك عشه
لا ماريد زقنبوت امشي طلعي من الغرفه
اي طالعه لظل تعيط
صارت ساعه ١٢ نص الليل خليت وطلعت من غرفتي ورحت للهول ادخن وصفنه تجر صفنه وسالفه تجر سالفه
حتى دماغي تعب من كثر التفكير وماعرف شلون غفيت ماحسيت اله ع دكت تلفوني
شلته قريت منتصر يتصل بك
