رواية كبرياء انثى الفصل التاسع عشر
بسم الله ولا حول ولا قوه إلا بالله العلي العظيم وسبحان رب العرش الكريم
محمد .. بيحضن ريهام وهو بيبكي
ريهام .. بتحضنه هي كمان والدموع نازله من عنيها
محمد .. بيمسح دموعه وبيمسح دموع ريهام خلاص من دلوقت مش عايز اشوف دموعك تاني
ريهام .. ولا انا عايزه اشوف دموعك يا محمد انا فضلت طول عمري من غير اخ ولا اخت ودلوقت ربنا كرمني بيكم
مصطفي .. بيطلع وراء عادل وبينده عليه عم عادل
عادل .. بيمسح دموعه وبيلف ايوه يا مصطفي بيه
مصطفي .. من دلوقت مصطفي بس انت بقيت واحد مننا يا عم عادل ومكانك معانا تعالي
عادل .. خليني بعيد احسن يا مصطفي وانا كفايه عليا اني اشوف ريهام سعيده
مصطفي .. وريهام عمرها ما هتكون سعيده وانت بعيد
عادل .. دلوقت اهلها كلهم حواليها واكيد مش هتفتكرني
مصطفي .. لا تعالى معايا وبيمسك ايده
سمر .. يلا بقا قومي بسرعه عشان تنوري الفيلا
ريهام .. بتبص حواليها امال بابا عادل فين
الكل بيبص حواليه ومش عارفين عادل راح فين
مصطفي .. عم عادل اهو كان عايز يهرب
ريهام .. هتسيبني تعبانه وتمشي يا بابا
عادل .. واقف بعيد خلاص يا ريهام كل اهلك حواليك والحمد لله انا اطمنت عليكي
ريهام .. تحاول تقوم
عادل .. يجري ناحيتها خليكي مرتاحه ما تقوميش
ريهام .. بتمسك ايده وبتبوسها ربنا ما يحرمني منك وانا طول ما انا عايشه مستحيل استغنى عنك
عادل .. والدموع نازله من عينه رينا يسعدك يا بنتي
ريهام .. وانا سعادتي مش هتكمل غير بوجودك
عادل .. انا هبقا اكلمك وطمن عليكي علي طول
ريهام .. مين قال اني هسيبك اصلآ
احمد .. بيقرب منه وبيحط ايده علي كتفه انت هتعيش في الفيلآ معانا يا عادل
عادل .. معلش انا اتعودت علي شقتي
ريهام .. يا هتيجي انت تعيش معانا يا انا هعيش معاك
عادل .. بس
ريهام .. مفيش بس
محمد .. خلاص يا عم عادل انت بقيت واحد من العيله
عادل .. حاضر بس ليا شرط
احمد .. شروطك كلها مجابه
عادل .. الاستراحه اللي من بره في الفيلآ هقعد فيها
سمر .. ليه يا عم عادل الفيلآ كبيره
عادل .. معلش يا بنتي انا هكون مرتاح كده
ريهام .. زي ما تحب يا بابا
ناهد .. الحمد لله اخيرا ربنا جمعنا سوا انا اسعد وحده في الدنيا
رافت .. بيخبط
احمد .. ادخل
رافت .. بيدخل الف حمدالله بسلامتك يا بنتي
ريهام .. الله يسلمك
احمد .. عملت ايه
رافت .. الشرطه جات وخدتها وهتتحاسب عن كل حاجه عملتها الي بيزرع شر بيحصد شر
احمد .. سالي فين
رافت .. مارضيتش تسيبها ما هي برده امها
احمد .. ربنا يصبرها
ريهام .. بابا
احمد وعادل مع بعض ايوه يا بنتي الكل ضحك
ريهام .. ابتسمت خلاص انا بعد كده هنادي كل واحد باسمه
سمر .. معاكي حق بدل ما تلخبطينا كلنا كده ههههههه
ريهام .. بابا احمد مش ممكن تسامحوها عشان عمي وسالي
جاحمد .. مستحيل يا بنتي دي تستاهل الموت دي حاولت تقتلك بدل المره تلاته
ناهد .. دي كانت شيفاني وانا بتعذب ولا كانها عامله حاجه دي مستحيل تكون انسانه زينا يا ريهام
ريهام .. زي ما تحبه
احمد .. احنا هنسيبك ترتاحي شويه يلا يا جماعه والكل بيطلع إلا مصطفي
مصطفي .. الف حمدالله علي سلامتك
ريهام .. الله يسلمك
مصطفي .. انا سعيد انك طلعتي بنت عمي
ريهام .. بس انا مش سعيده ان انت ابن عمي
مصطفي .. فيه ايه مش خلاص سامحتيني
ريهام .. مين قال اللي انت عملته مستحيل انساه او اسامحك عليه انت مش بني ادم انت حيوان
مصطفي .. انا غلطت و بعتذر لك ومستعد اعمل اي حاجه عشان تسامحيني
ريهام .. مستحيل اسامحك الي عملته عمره ما يتنسى وحمد ربنا اني ما قولتش لحد كان الكل هيحتقرك
مصطفي .. انا ما يهمنيش الكل انتي الوحيده الي بتهميني
ريهام .. انا عارفه الي زيك بيتجنن لما وحده ترفضه وبيبقا عايز يوصلها باي طريقه لكن انا غير اي حد عرفته يا مصطفي ومن دلوقت انت في حالك وانا في حالي
مصطفي .. بس
ريهام .. تقاطعه لو سمحت عايزه ارتاح
مصطفي .. طاب ليه اخدتي الرصاصه مكاني كنتي سبتيني اموت
ريهام .. عايز تعرف السبب
مصطفي .. ايوه
ريهام .. عشان سمر ما تخسرش اخوها الي يهمني سمر مش انت اما لو عليا انا كنت اسيبك تموت انا عارفه ان انت م كان نفسك في كده عشان انت انسان ضعيف معدوم الايمان اسهل حاجه انك تهرب من الدنيا ومش مهم تموت كافر او لا المهم مع اول مشكله تهرب علي طول
مصطفي .. فعلا كلامك صحيح وبيطلع من عندها وهو مش طايق نفسه
سمر .. تشوفه طالع وبين علي وشه الغضب بتقرب منه مصطفي مالك
مصطفي .. مفيش يا سمر انا رايح علي الفيلآ وبيمشي علي طول
ناهد .. تقرب من سمر ماله مصطفي يا سمر
سمر .. بتبتسم هو وريهام عاملين زي ناقر ونقير
ناهد .. واضح ان ريهام هطلع عينه
سمر .. مش واضح يا طنط ده اكيد
وبتعدي الايام وبتطلع ريهام من المستشفي وبتروح علي الفيلآ وبعد ما بتخلص الامتحانات احمد بيقرر انها تتعين في مجلس الاداره وفعلآ بتتعين وبتروح ريهام الشركه وبتجمع المواظفين وبتاخد اسبوع من الصبح لاخر النهار وهي بتدرس نشاط الشركه والشركات المنافسه ومصطفي بيحاول يقرب منها لكن هي رغم انها حبته لكن مش قادره تنسي الي عمله
سمر .. ريهام ارحمي نفسك انتي دخلتي في الاسبوع و التاني وانتي شغاله ليل ونهار ليه كل ده
ريهام .. بفكر في المناقصه الجايه لو رسيت علي شركتنا هتكون مكسب كبير اوي لينا يا سمر
سمر .. ما تقلقيش مصطفي مجهز كل حاجه
ريهام .. يعني جهز العرض بتاع شركتنا
سمر .. ايوه و السكرتيره هتاخده عشان تقدمه
ريهام .. وزاي انا معرفش هو مش انا عضوه في مجلس الاداره ازاي ياخد قرار لوحده
سمر .. من سنين و مصطفي بياخد كل قرارات لوحده ومجلس الاداره ده منصب شرفي بنسباله
ريهام .. الكلام ده كان زمان من دلوقت كل حاجه هتتغير انتي معايا
سمر .. اكيد
ريهام .. بتقوم وبتتحرك علي مكتب مصطفي وبتاخد معاها العرض الي هي جهزته
سمر .. بتطلع وراها
ريهام .. بتوصل عند مكتبه وقبل ما بتدخل بتبص للسكرتيره العرض بتاع المناقصه لسا معاكي
داليا .. ايوه يا انسه ريهام انا رايحه اقدمه في وزارة الاسكان
ريهام .. لا ما تقدمهوش وبسرعه اجمعي مجلس الاداره في موضوع ضروري لازم نناقشه بخصوص المناقصه وعملي نسخه لكل واحد من العرض الي مصطفي بيه هيقدمه وخدي ده العرض الي انا جهزته صوريه
داليا .. حاضر
ريهام .. بتخبط
مصطفي .. ادخل
ريهام .. انت ازاى تجهز عرض المناقصه بدون اجتماع مجلس الاداره
مصطفي .. ده العادي ايه المشكله في كده
ريهام .. المشكله ان من دلوقت مفيش قرار هتاخده غير بعد موافقة مجلس الاداره
مصطفي .. انتي لسا جايه امبارح وعايزه تمشي الشركه علي دماغك مفيش مشكله العرض لسا موجود ونجمع مجلس الاداره واكيد هيوافقه بس انتي اهدي شويه مالك متعصبه ليه كده
ريهام .. ما تقلقش عليا عشان اللي جاي هيعصبك انت
مصطفي .. بيقرب منها لا ما تقلقيش مفيش حاجه بتيجي منك ممكن تعصبني
سمر .. طاب الحمد لله كده اطمنت عليكم
داليا .. مجلس الادراه اجتمعو مستنينكم
ريهام .. يلا يا سمر
مصطفي .. بيبتسم يلا لما اشوف اخرك ايه
ريهام .. السلام عليكم
الكل .. وعليكم السلام ورحمة الله وبركاته
مصطفي .. الاجتماع ده تم عقده بناء علي طلب الانسه ريهام اتفضلي كلنا سامعينك
ريهام .. اولا مفيش اي قرار هيتاخد في الشركه بدون موافقة مجلس الاداره حد عنده اعتراض
الكل بيبص لبعضه وبيقوله معاها حق هو ده الصح والكل بيقول موافقين طبعآ
ريهام .. قدام حضراتكم عارضين بخصوص مناقصة وزارة الاسكان المناقصه دي لو ضاعت مننا هتبقى خساره كبيره للشركه عشان كده العرض الي الشركه هتقدمه لازم يتوافق عليه من المجلس وانا بتمنى انكم تدرسوا العرضين كويس معاكم ساعه
كل واحد بيبدا يدرس العرضين ومصطفي بيشوف العرض الي ريهام مقدماه
مصطفي .. العرض الي انا مقدمه في مكسب كبير للشركه
ريهام .. كلامك صح بس الشركات المنافسه هتقدم عرض اقل من عرضك
مصطفي .. وحضرتك عرفتي ازاي
ريهام .. زي ما احنا بندرس عروض الشركات المنافسه وبنحاول نتوقع الخطوه الي هيقومه بيها هما كمان بيعمله كده اتفضل
مصطفي .. ايه ده
ريهام .. انا حاولت اتوقع العرض الي انت هتقدمه من دراستى للعروض الي فاتت وعلي فكره انا لسا ما شوفتش عرضك لحد دلوقت
مصطفي .. اتفاجئ اول ما لقي ان ريهام وكانها واخده نسخه من العرض الي هو عامله ازاي مش معقول
ريهام .. لا معقول عشان كده لو عرضك اتقدم تاكد مليون في الميه اننا هنخسر المناقصه والعرض الي انا مقدماه اقل من عرضك بحاجات بسيطه ومكسبه اكيد عشان هنضمن المناقصه باذن الله فهمت
مصطفي .. مش معنا ان استنتجاتك طلعت صح ان كله يفكر زيك
ريهام .. ولو كلامى طلع صح
مصطفي .. هعينك المديره التنفيذيه للشركه
ريهام .. تمام اتفقنا الساده الاعضاء وقت قراركم الموافق علي عرض مصطفي بيه يرفع ايده
..الكل بيبص لبعض ..
