رواية أحببت من لايبالي الفصل التاسع عشر بقلم مجهول
براء : دخلت جان انصدم بالي شفته شنو هاي الناس البيت مكلوب كلاب ... كرايب زين وبيت خوالي ونسوانهم ... هذوله شبيهم واحد هستوه طالع من المستشفى غير يرتاح وبعدين يجون الناس يشوفو ... دخلت سلمت
ابتهال : شلونج حبيبتي
براء : الحمدلله خاله انتي شلونج
ناديه : الحمدلله
براء : تفاجأت اجتي حنان بوستني
حنان : شلونج براء شخبارج مشتاقتلج هواي
براء : بتفاجأ ... الحمدلله ... باوعت على سجاد
سجاد : هاا عرفتي ليش زين ضايج ... اجه تعبان يريد بس يرتاح ... هو شاف هالفيلق كدامه كام طلع من الدين الاسلامي
براء : وينه هسه شو ماهو
سجاد : بالاستقبال متمدد هناك لان ميكدر يصعد فوك
براء : بكلبها .... اففف اريد ادخل اشوفه ... بس اخاف يضل يحجي عليه لان ميقبل ادخل والولد هناك ... اجيت اصعد ابدل وانزل
احلام : صدك وين جنتي براء
براء : بالدوام
احلام : اكو وحده رجلها ستوه طالع من المستشفى تروح اداوم كولي ابقه اداري اشوف شيريد شيحتاج ... مو تداومين .... ولا كان صاير شي
براء : بهدوء ... هو ماقبل اغيب
احلام : يعني حجه حجايه التنكال انتي رسن صدكتي وماعولتي تعوفي
نجمه : خاله تره براء صارلها يومين بالمستشفى ويه زين يعني ماعايفته البنيه
مريم : اي والله البنيه ماقصرت
براء : صعدت ... دخلت نزعت عباتي ... استغفر الله يعني هي شعليها اداوم لو اغيب شنو ميته على زين مثلا ... كمت غسلت وجهي وبدلت ملابسي لبست فستان بيتي اسود وابيض لفيت شالي ونزلت للمطبخ لكيت البنات ديصبن جاي ... تغديتو
جميله : اي من 12:30 صبينه غده ... تعاي اصبلج غده
براء : لا روحي انتي اني اصب لروحي ... رحت صبيت اكل وكعدت اتغده بالمطبخ ... كملت غسلت الاكلت بيهن وطلعت كعدت يمهم ... شوكت يرحون اريد اشوف زين
مريم : يمه اذا تعبانه كومي ارتاحي
براء : لا خاله متعبانه
نور : تدرين خاله انتي حمايه تجنن صدك هنيال البنات عليج وين اكو حمايه تعامل جناينها هالمعامله الحلوه
مريم : ابتسمت ... حبيبتي مثل ما اني اريد حمايه زينه وحبابه ويه بنتي كون اني هم اصير حمايه زينه ويه جنايني ... وبعدين اني هم جنت جنه وهسه صرت حمايه ولازم اعامل جنايني مثل ماجنت احب واحد يعاملني ... يا خاله الدنيا خلصانه اذا اكعد اسوي عداوات وحزازايات ماراح اكون عائله متماسكه وسعيده ... واني الله شاهد البنات عندي معزتهن من معزه نجمه وشتمنه لنجمه اتمنالهن
نور : وبراء هم تحبيها مثلهن
مريم : اي طبعا احبها بنيتي هاي ... بس لو تجيبلنه نونو بعد يمه احطها بنص كلبي
احلام : صدك براء صارلج شهر متزوجه ولسه ماصار عندج حمل روحي راجعي عد الدكتوره شوفي ليش ميصير حمل
منى ( مرت هشام عمهم) : شسالفه تره ماصارلها سنين من متزوجه هو شهر شنو نسيتي اني سنه كامله بقيت بدون حمل بعدين ياله حبلت برواء
خوله : حبوبه بنات هالوكت فاهيات ميعرفن شلون يدبرن رواحهن مثل ماجنه احنه قبل وفهمج كفايه
براء : حاطه ايدي على خدي واباوعلهم شلون يتناقشون على حملي وحده تكلي روحي لدكتوره وحده تكلي ما عليج وحده يصير ... ميدرن اني وزين عايشين مثل الاخوان
دارين : اكول براء شو مشفتج رحتي لزين ... شنو متشتاقيله
براء : بهدوء ... يمه الزلم ما اكدر ادخل
نور : يا زلم همه ولدنه .... والخطار الي اجو يتحمدوله بالسلامه راحو
براء : حتى اذا ميقبل
خوله : يغار عليها يبعد كلبي
دارين : اني سامعه الحلوات يغارون عليهن ... هسه بله براء عليمن يغار عليج زين من جمالج
نجمه : ل...
جميله : لزمت ايدها ... بهمس سكتي لتجاوبيها عدنه خطار لتسوين مشكله
براء : بهدوء مو مسئله يغار وانما هي هاي طبيعته ميقبل
نور : يعني انتي صدك محظوظه والله هنايلج زين كامل من كلها اوييلي وانوب طلع يغار
بشرى : كولي ما شاء الله راح تحسديهم تره
نور : لتخافين عيني منحسد احنه
حنان : بنات كافي
براء : صارت الدنيا مغرب وهم بعدهم موجودين
تقى : بروئه اطلب منج طلب ولا ترديني
براء : تفضلي
تقى : خلي نصعد نشوف غرفتج اني والبنات حبابه
براء : اكيد تفضلن ... صعدنه
نور : هاي شنو ليش غرفتج باخر البيت
براء : ما اعرف ... فتحت الغرفه دخلن
بشرى : واو غرفتكم تخبل
براء : بابتسامه شكرا ... تفضلو كعدو
نور : خلي ندخل لغرفتكم مال النوم
حنان : شعدنه داخلين هاي غرفه خاصه بيهم خلينه كاعدين بالصاله
نور : بس نشوفها قابل شراح نسوي
براء : بهدوء تعالي شوفيها
نور : الله تجنن ... راحت كعدت على الجربايه ... جربايتج كلش واسعه وناعمه ... هيج مال واحد بس يضل نايم عليها
تقى : اي كلش حلوه
نور : براء على يا جهه ينام زين
براء : بكلبها ... شنو الاسئله السخيفه هاي ... على اليسره
نور : كامت وكفت على ميز التواليت ... هاي العطور كلها لزين
حنان : بهمس تره لحيتي هواي عيب من البنيه خلي نطلع مو انطوج مجال تخبلتي
نور : اوي شبيج ... براء صدك ضجتي مني لان دخلت لغرفتج
براء : لا عادي براحتج
نور : هااا شفتي عوفيني بحالي
حنان : بنات خلي نطلع نكعد بالصاله احسن
البنات : اي يله
براء : كعدن بالصاله ... رحت طلعتلهن ضيافه ... وكعدت .... ذبيت حجابي
بشرى : براء اسألج سؤال بس تجاوبيني عليه بصراحه
براء : اوك
بشرى : الزواج صدك حلو مثل ما يكولون لو لا
براء : فكرت بسؤالها .. الزواج حلو لو لا ... ما اعرف
تقى : شنو متعرفين كليلنه حلو لو لا هي كلمه وحده
براء : بكلبها اذا اريد اعتمد على معامله زين الي هالفتره فاكدر اكول حلو ... اي حلو
نور : اكلج ليش متصبغين شعرج
براء : ما احب اصبغه احب لونه
نور : هسه الي يسمعج يكول اشكر وحابه لونه هو اسود شعاجبج بي ... شعجب زين ميكلج صبغي
براء : بنفاذ صبر زين يحب لون شعري وميقبل اغيره
نور : هاا كولي هيج
براء : ندكت الباب دخلت جميله
جميله : بنات يله تعالن اهلكم راح يروحون
البنات : اي جايين
براء : طلعن كل البنات بقت بس حنان
حنان : براء عادي اكلج شي قبل لا اروح
براء : اي طبعا تفضلي
حنان : بخجل اني اسفه على كلشي صدر مني بذيج الفتره اعرف هواي ضوجتج وسمعتج كلام جارح بس والله جنت متاثره بحجي نور وهسه متندمه على كل مره اذيتج بيها واتمنى تسامحيني
براء : بابتسامه ... لا عادي لتهتمين اصلا اني مضايجه منج بالعكس
حنان : يعني سامحتيني
براء : اكيد
حنان : حضنتها ... شكرا ... فدوه انتي شكد حبابه
براء : ابتسمت .. عفوا ... طلعت نزلت وراها شفتهم راح يطلعون اكيد
حنان : حضنتها ... شكرا ... فدوه انتي شكد حبابه
براء : ابتسمت .. عفوا ... طلعت نزلت وراها شفتهم راح يطلعون اكيد هسه الكه زين صاير عصبي
قصي : تمددت على القنفه يمه متت خرب يومكم من الصبح لسه باقين حمضتو هنا ولد ال....
جهاد : ولد الشنو ولك
قصي : ولد العز والاودام اكيد
جهاد : عبالي واحترم نفسك ما جايين ببيتك هذا بيت اخوهم يجون يباتون بكيفهم
قصي : اكيد يابه هله بيهم بأي وقت
سجاد : تصدكون هلكت من التعب اني رايح انام وعود بعدين اتعشه
لؤي : مو ستوك تسممت ماعون فواكهه
سجاد : ليش الفواكهه هم تشبع ... يله أني رايح
قصي وحسن : حتى احنه منريد عشه رايحين انام
براء : زين نايم لو كاعد
جهاد : روحي بنتي كاعد بالاستقبال ... مريم لكحيني
براء : الولد كلهم صعدو ينامون خطيه من البارحه همه متعلعلين ..... رحت دكيت باب الاستقبال ودخلت ... شفت زين كاعد على جربايه حاطيلهيا بالاستقبال ... سلام
زين : شفتها دخلت كالعاده بكل هدوء حتى متحس بوجودها .. وعليكم
براء : كعدت شلونك اليوم
زين : لا الحمدلله احسن من البارحه ... انتي شلونج ماشفتج اليوم
براء : مو انت متقبل ادخل اذا اكو شباب فبقيت بره لحد ما طلعو اجيت اشوفك
زين : بأبتسامه ... عفيه ببنيتي التسمع الكلام
براء : باستغراب ليش تكول بنيتي
زين : لان احسج بنتي
براء : بهدوء ... قصدك يعني اني طفله
زين : باوعتلها ... كجسم لا ... بس كوجهه اي ... المهم اليوم داومتي شلونها المدرسه
براء : كولش حلوه
زين : والطالبات خو محد ضوجتج اليوم
براء : لا بلعكس حبابات
زين : خوش
براء : سكتو والهدوء صار سيد المكان .... ليش لسه منمت
زين : ما اعرف انام على جه وحده اختنك ... انتي روحي ارتاحي اقري سوي الي تردي ... ما عليج بيه
براء : لا ماعندي شي مو تعبانه
زين : عندج دروس
براء : اي كم تحضير
زين : كومي جيبي كتبج وكعدي اقري هنا
براء : ما اريد اسببلك ازعاج
زين : ماكو ازعاج كومي
براء : رحت جبت كتبي ورجعت
زين : نزعي حجابج وجبتج ... الولد راحو ينامون مينزلون بعد
براء : كمت نزعتهن وبقيت بالتراك ... تربعت بالكاع وكعدت اقره
زين : لزمت موبايلي اكلب بي واباوعلها شلون تقره
براء : زين
زين : هممم
براء : سؤال
زين : جواب
براء : شكد طلعت معدل بالسادس
زين : ماكو سادس بالخارج يصيحوله ثالث ثانوي وطلعت بي 99
براء : شلون كدرت تطلع هيج معدل
زين : اقره غير
براء : زين شمعنه طب
زين : احب هالقسم مو انو بالخارج عدهم اداره الاعمال احسن كليه وارقى من الطب هم بس اني دخلت طب لان احبه
براء : حلوو ... رجعت اقره ... ضليت فتره على هالكعده احس ظهري انكسر ... اباوع لزين بيده موبايله بس كل شويه يغمض عيونه متوجع ... كمت زين شبيك
زين : مابيه شي رجعي كملي دراستج
براء : شلون اعوفك كلي شنو يوجعك
زين : ماكو شي هاي الخياطات تاذيني لان بعدها جديده وهم لان الجو بده يبرد تضل تصل عليه ... لا تخافين شويه ويروح الالم ماعليج انتي روحي
براء : وين ادويتك كولي خلي انطيك دواك بلكي يخف الالم على المسكنات
زين : هذاك روحي جيبي
براء : جبتله الدوه اخذه وتمدد رجعت كعدت ... اباوعله ميكدر ينام ... رجعت اريد اكمل بس ما اكدر بالي يمه كمت .. كعدت يم راسه هااا لسه متكدر تنام
زين : بألم اي
براء : خليت ايدي على راسه دخلت اصابعي العب بشعره بلكي ينام ... غمض عيونك هسه تنام
زين : كومي كملي دراستج ماعليج بيه
براء : ما عندي شي كملت دراسه ... مشيت ايدي على شعره ... دنيت شلت البطانيه غطيته
زين : مغمض عيونه ... لزمت ايدها ... لاتغطيني حران
براء : ميخالف ... خلي جسمك يدفه حتى تكدر تنام ... غطيته عدل ... رجع لزم ايدي ... شابكتها ويه ايده وبايدي الثانيه العب بشعره ... شعره اسوود وكثيف بحيث حتى فراغات مابي ماشاءالله ... بقيت العب بشعره فتره ... متونسه اباوعله جسمه هدئ شويه يمكن نام ... سوده عليه كد ما تعبان بسرعه نام ... اباوعله حلوو وهو نايم ولو هي حقيقه هو حلو بكل الحالات ... وخرت ايدي ... اجيت اريد اكوم لكيته مشابك ايدي وايده حيل مااريد اجرها خاف يكعد ... رجعت كعدت يم راسه ... بقالي فيزياء ما قريتها يله باجر عندي اخر درس عود اكعد اقره بالفرصه
_____________
مريم : نزلت بالليل اترس دولكه الماي واشوف زين ... دخلت لكيت براء كاعده يم راسه ونايمه ... رحت اكعدها حتى تعدل نومتها ... براء يمه براء
زين : كعدت على صوت شفت امي ... هاا يمه محتاجه شي
مريم : لا حبيبي بس اريد براء تنام عدل خطيه انكسر ظهرها من الكعده
زين : اباوعلها ... هاي ليش نايمه هيج ... روحي يمه اني هسه اكعدها
مريم : تكدر تتحرك
زين : اي يمه ... طلعت امي ... جريت براء بايدي السليمه حتى تكعد .... براء كعدي
براء : هممم
زين : تعاي نامي عدل ... كامت مبينه مطفيه من النعاس ادنيت عنها سويتها مجال ... اجت نامت على ايدي حضنتها الي ... جريت الغطه غطيتها وغطيت روحي ورجعت نمت
__________
براء : نايمه وكعدت على صوت المنبه ... باوعت الساعه بالسبعه ... اجيت اكوم ... شفت زين حاضني ونايم ... عززه هاي شنيمني هنا مو جنت كاعده ... افف شجايله صايره انام بمكان اكعد الكه روحي بغير مكان .. وخرت ايد زين من خصري على كيفي ما اريد اكعده كمت على اطراف اصابعي ... لبست صايتي وشالي طبكت الباب ... وصعدت لغرفتي بدلت بسرعه ونزلت شفت خالو والولد كاعدين يتريكون ... صباح الخير
الكل : صباح النور
مريم : يله يمه تعاي تريكي
براء : لا خاله مااريد ... تريكو اني ما اشتهي ... رحت كعدت اراجع دروسي لبين ميخلص سجاد وياخذني للدوام
سجاد : يله براء امشينه
براء : طلعنه
سجاد : موعد حلتكم ثابت لو اكو دروس اضافيه عندج
براء : لا هو كل يوم بالوحده اله ثلث احنا طالعين
سجاد : خوش ... وصلتها ... يله نزلي ودير بالج على نفسج وانشالله اني ب 12:30 اني هنا
براء : اوك يله باي
سجاد : باي
براء : دخلت للمدرسه توحهت لشعبتي ... سلمت .. ونزعت عبايتي وكعدت .. اول درس عندي كيمياء ... طلعتها حتى اراجعها
رقيه : مرحبا ياحلوه
براء : اهلا
رقيه : شلونج
براء : الحمدلله وانتي
رقيه : تمام اكلج انتي مخطوبه لان شفتج لابسه حلقه
براء : مزوجه
رقيه : صدك
براء : اي
رقيه : شو المزوجات الي عدنه بالشعبه كلهن وكحات بس انتي حبابه
براء : هزيتلها راسي
رقيه : هاي شجاي تقرين
براء : كيمياء
رقيه : يبوو هسه تجي مدرسه الكيمياء وتشوفيها فد وحده حقيره وصعبه
براء : بكلبها ... ياربي مو كلت عليهن زينات ليش يطلع العكس ... بهدوء عادي معليه بيها اني العليه احضر وبس
رقيه : وهذا الي يسونه كل البنات يله اعوفج تقرين
براء : دك الجرس ودخلت المدرسه ... كمنه
المدرسه : يله سدو الكتب خلي نشرح
براء : خليت كتابي بالجنطه
المدرسه : انتي الي هناك
براء : اني
المدرسه : كومي اوكفي
براء : كمت
المدرسه : ليش مخالفه
براء : باوعت على روحي صدريه سوده وقميص ابيض مابي بي اي فيكات وحتى مكياج مخاله ... ست بشنو مخالفه
المدرسه : يعني المحبس الي بايدج ميعتبر مخالفه احنه مو كلنه اي اكسسوارات ممنوعه لو اله تتحاسبن
رقيه : ست هاي مو محبس هاي حلقه البنيه مزوجه
المدرسه : وانتي اذا متزوجه شعندج مداومه
براء : باوعتلها متفاجأءه .. بهدوء يعني اذا مزوجه ميصير ادرس
المدرسه : لا يصير كعدي وتذكري دير بالج تخالفين تره تتحاسبين حالج حال الطالبات
براء : اي ... بدت تشرح واني وياها ... ومرت الحصص
___________
زين : كاعد بالاستقبال روحي طلعت من الكعده ... يمه
مريم : هاا يمه محتاج شي
زين : اي اطيني العكازه اريد اكوم
مريم : خو خلي اجيبلك كرسي متحرك احسلك من التعب والمشي
زين : لا شنو مكرم واكعد على كرسي خليني اتحرك
مريم : اااخ من عنادك ... جبتله العكازه ولزمته امشي وياا ... كعد بالصاله
خوله : شلونك بيبي
زين : الحمدلله
. كعد بالصاله
خوله : شلونك بيبي
زين : الحمدلله
خوله : جاا شجاها مرتك متوزايه على الدوام وعايفتك
زين : ببرود اني كتلها اداوم لا تروح عليها الدروس
خوله : زين ليش متاخذها للدكتوره
زين : ليش شبيها حتى اخذها للدكتوره
خوله : لسه ماصار عدها حمل
زين : ببرود تحسسيني صارلي عشرين سنه مزوج هو كله على بعضه شهر
خوله : وانت يعني متكدر تحبلها بشهر صدك طلعت نفخ على الخالي
زين : بعصبيه حجيه شنو الحجي هذا تره كلشي يصير بيني وبين مرتي ما اتقبل احد يدخل بي ... لاتعكرين مزاجي وتخليني اكوم والله
خوله : لا خليك كاعد سكتنه
دارين : هلاووو ... هاي شنو زين كاعد هنا شلونك
زين : بكلبه .... لا هله ولا مرحبا ... الحمدلله
دارين : والله موتتنه من الخوف عليك خو اني كلبي وكف من سمعت بالخبر .... كلت معقوله واحد بعمر الورد يصير بي هيج طمني خو ميوجعك شي
زين : لا
نجمه : زيوني تريد اجيبلك شي جوعان اصبلك غده لو تنتظرهم
زين : لا انتظرهن بس اريد كلاص ماي
دارين : ما كتلي اني اجيبلك
زين : ماكو داعي اختي موجوده .... اباوع للساعه ب12 شوكت تجي براء ... استفكتدها اليوم ... كمت
مريم : وين ؟
زين : راجع للاستقبال ... دخلت فتحت التلفزيون وكعدت اكلب
_____________
براء : دك الجرس ... طلعت لكيت سجاد واكفلي بره .. صعدت هلوو
سجاد : هلوات شلونج
براء : الحمدلله ... طبعا اسفه هواي دازحمك وياي
سجاد : لا ماكو زحمه انتي اخيتي وبعدين اذا حابه تردين الجميل بس طبخيلي واني اخذج للمريخ اذا تردين
براء : ضحكت بهدوء تدلل
سجاد : دك موبايلي ... هاا زين اي اي هاي وياها يمي اي دقايق واحنه بالبيت يله ماشي الله وياك ... هذا زين خابرني يتاكد رحت اجيبج لو لا عباله ناسيج
براء : ابتسمت عاضه شفتي ... يعني هو يفكر بيه
سجاد : اي عيني ضحكي
ضحكي كيفيتي اكيد
براء : اختفت ابتسامتها .... هاا
سجاد : ههه سلامتج ... وصلنه للبيت يله بوجهج للمطبخ جوعان اريد نتغده لا تاخرونه
براء : نزلت فتح سجاد الباب ... دخلت بوجهي للاستقبال لكيت زين وقصي هناك ... هلوو
زين : هله
قصي : هلوو براء شلونج
براء : عينها على زين ... الحمدلله
قصي : يله اني اعوفكم
براء : رحت كعدت يمه ... شلونك
زين : عدلت حجابها من كدام .... ماشي الحال
براء : لعد ليش احسك ضايج
زين : ما ضايج بس اريد اسبح احس نفسي زفر صار يومين مالايح جسمي الماي
براء : بس موزين جرحك يلتهب اذا سبحت
زين : اعرف
براء : بهدوء ... زين عندي فكره من نخلص غده اكولك عليها ماشي
زين : ماشي ... يله كومي بدلي وتغدي وتعاي
براء : اوك ... كمت صعدت ركض بدلت لدشداشه نيليه عليها علامه اديداس ولبست شال ونزلت ... رحت للمطبخ اساعدهن .. هلوو بنات
جميله : ياهلا بيج شلونج
شمس : هله حبي شلونج
براء : الحمدلله ... شمسويات غده
نجمه : لسوء حظج دولمه
مريم : سويت دجاج على جهه اذا متحبين الدولمه اكلي دجاج حبيبتي
براء : خزرت نجمه ... لاخاله احبها عاشت اديكم
مريم : اكلج اني عازله غده زين لان ادري بي ميرت?
