رواية كان اخي الفصل التاسع عشر بقلم مجهول
دفعتو قوي جان يضربني راشدي اله وكعت بالكاع
هيثم بحياتو مامد ايدو عليه اوضربني حتى بالشقه ميسويها هاي اول مرة يسوي هيج وياي لعد شكد تعبان هو من جوة حتى تصل المواصيل انو يضريني....
ماكلت كلشي ولارديت علي عالسريع طلعت من الغرفه ورحت للغرفه
هديل:شبيج ملك
ملك:......
هديل:شبيج تنفتين ووجهج احمر
ملك:مابيه شي
تمددت بفراشي وكمت ابجي ضليت ابجي اله ماحست عليه هديل اجت تقربت يمي
هديل:شبيج ملوكه ليش تبجين
ملك:تعبت حييل
هديل:شصاير...اووف حسيت صاير شي من فتي للغرفه موطبيعي وجهج
ملك:اخوج موناوي يرحمني...يحسبني مرتاحه وفرحانه ويجي برد غضبو بيه ترى اني هم تعبانه بس شسوي متكليلي شسوي
هديل:ليش شسوة
حجيتلها كلشي ردت انفه شوي عن نفسي
هديل:كل عقلج تحجين
ملك:اي والله
ملك:اعتقد جان شارب...زاد متأكدة
هديل:يمه ياستار هيثم مايشرب
ملك:سألته كتله انت شارب كال اي
هديل:يويلي على اخويه شصاير بي
ملك:دافكر بس اخلص امتحانات تص السنه اروح لاهلي ماضل هين بعد
هديل:شنو هالسالفه كولي غيرها يمعودة
ملك:ماكو غير حل....احسن من مايضل يشوفني واشوفه ونتعذب هيج احسن لاثنينه
هديل:حتى يمووت بالزايد....اصلا مايخليج تروحين
ملك:شعلي هو ...ماسمحلو يدخل بهيج قرار اني تعبت وكافي اريد ارتاح شوي
هديل:عوفي هاي الفكرة هس الله كريم بلكي ترجعون مثل قبل
ملك: ماعتقد نرجع مستحيل..الشغله كبرت حيل
هديل:اوووف عين وصابتكم
ملك:لاعين ولاشي...الحجي هواي مايخلص خلي انام احسن
نمت كعدت الصبح رحت للمدرسه بس كلش ضايجه رجعت شفته واكف ويه حسين يم الباب.دنكت راسي كبل وفتت جوة ماباوعت علي
كالعادة بدلت وتغديت رحت لغرفتي كمت ادرس جان يفوت هوة ماهتميتلو ضليت ادرس
هيثم:اسف ملك ....مادري شون سويت هيج البارحه ماكنت بوعيي ..
مارديت علي بقيت ساكته
هيثم:اعتذر حيل لان ضربتج..تعرفين انتي شنو بالنسبه ليه .فلاتقاطعيني على مود الصار البارحه ...وضعي جان صعب حيل الله يلعن الشيطان
نقهرت علي من كام يعتذر صح مرات اتعصب واكول بعد مالي شغله بي ولاحجي معاه بس من يعتذرلي اويكلي كلام حلوو كبل انسى كلشي
ملك: اوك خلي ننسه الصار
هيثم:هااا رضيتي لولا....خما بعدج زعلانه
ملك:لا موزعلانه...بس لاتعيدها عفيه
هيثم:اووك.. ماعيدها بعد
طلع من الغرفه ورجعت كملت دراستي
فاتت هديل كامت تحضر نفسها تاتروح
ملك:هااا وين
هديل:بلال بالطريق تاياخذني
ملك:ابقي اليوم هم
هديل:لا كافي ماكدر...
ملك:اوكي.... اجه بلال وطلعت وياها وصلتها للباب
اجه حسين عليه
حسين: هاا شفتي نور اليوم
ملك:لا ماشفتها
حسين:يمعودة استعجلي اريد احجي وياها.قبل ماارجع للاقسام ماضل شي الامتحانات
ملك:بلكي باجر اشوفها واطلع وياها
حسين:اوك لعد باجر راح اطلع وانتضرجن بالطريق
ملك:انشالله
فتت جوه غسلت الهدوم وصعدت عالسطح
الدنيا جانت عصر والشمس طالعه مال الشته والجو صح بارد بس موهواي ...شريت الهدوم وضليت افتر بالسطح
كمت اباوع عالحارة والبيوت بقيت اتأمل باوعت عالحوش من السطح شفت هيثم كاعد يخابر ويفتر
ضليت اباوع علي ..جان يرفع راسو وشافني اشرلي بيدو بمعنى انزلي
هزيت اكتوفي يعني لامانزل..وخر الموبايل من اذنو جان يكلي:انزلي جوووة
اهووو هذا شبي هم هين ملاحكني..نزلت جوة رحت علي تخصرتلو وهو كاعد يخابر
ملك: شبيك انت عليش تكلي انزلي واذا صاعدة عالسطح قابل وين صاعدة
كام يأشرلي بحواجبو يكلي اسكتي كاعد اخابر
ضليت متخوصرة انتضرو يخلص مكالمتو ..خلص مخابرة اخر شي كال:اوك عيني بعدين اخابرج
عرفت هاي شروق
ملك: وعليش تكلي اسكتي خل اخلص مخابرة قابل منو يعني..ونوب انزلي عليش انزل
هيثم:اي تنزلين لان عيب الناس تشوفج عالسطح
ملك:اهووو عااد يعني من اروح للمدرسه والناس تشوفني عادي وكت عالسطح موعادي شون سالفه..
هيثم:ملك انتي تعرفين شي واني اعرف شي ثاني
ملك:وشنو الي تعرفه واني ماعرفه كلي اياه
ملك:هسس شوون يعني تورطت كتلج انزلي اله تعاركين يعني روحي اصعدي وتفرفري روحي بعد ماكلج على شي
ملك: بعد احسن
درت ضهري وفتت جووة
صح هو خطب بعد ومسك عقد واني تقبلت هالشي بس من اشوف شي يصير كدامي مثلا يخابر شروق او اشوف شي بينهم ماتحملت اغاار هوااي وانحمس شعور صعب حيل الغيرة وبالاخص ماكدر اسوي شي....بهاي الفترة بعد ماخطب هيثم احس صارت عندي جرئه اكثر اني احاول الفت انتباهو مثلا او اخلي يغارر او اضوجو بكلامي ماعرف ليش بس هيج صار وياي بهاي الفترة
..صارت الدنيا مغرب لكيت هبه كاعد تسوي عشه
كلت الحمدلله تحركت شوي
طفت الكهرب وطلعت للطارمه اباوع عالسمه والنجوم .اجه حسين
حسين: اكلج باجر بالساعه شكد تطلعن من المدرسه
ملك:بال12ونص اكثر شي
حسين:لعد اني راح اطلع من ال12 انتضرجن
ملك:اي .بس دير بالك لااحد يشوف
حسين:لامحد يشوف
اجه هيثم
كامو يحجون هو وحسين بعدين فات حسين جوة
هيثم:شعندج انتي وحسين
ملك:ماعدنه شي هيج سوالف
هيثم:مو كأنو سوالفكم كثرانه هالايام
ملك:اي صحيح .
هيثم:وشنو السبب
ملك:ماكو سبب هيج يعجبنه نسولف
هيثم:ترى كثر
السوالف والكلام موحلوة قللي شوي
ملك:ههههه انشالله
هيثم:عليش تتمضحكين
ملك:هييج يعجبني
ابتسمت ورحت فتت جوة ..اعرف بي هس شكاعد يفكر بس خلي شيفكر يفكر مشكلتو
خلص اليوم ورحت ثاني يوم للمدرسه حجيت ويه البنت وكتلها اليوم نطلع سويه للبيت كالت ليش كتلها بصراحع حسين يريد يحجي وياج..تبلهثت وابتمست المهم
خلص الدوام وطلعنه سويه كاعد نمشي اني وياها وصلنه الدربه جان يجي حسين...ارتبكت حيل البت صار حسين يمنه
حسين:السلام عليكم
ردينا اثنينه:وعليكم السلام
حسين:شونج نور شخبارج
نور:زينه..انت شونك
حسين:بخير اذا انتي بخير
رحت اني بصفحه وهم ضلو يحجون واني اباوع منا منا لااحد يجي
ملك:يله حسين كافي
حسين:اي....يله ديري بالج على نفسج زين
راحت نور بطريقهه واني وحسين رجعنه سوى
ملك: هاا شحجيتو
حسين:شعليج
ملك:هالله هالله يعني صارلك يومين تتوسل بيه حتى تشوفها وهس من شفتها معد تتحاجه فعلا مصلحجي
حسين:هههههههه لاولج بس سوالف خاصه
ملك:عساس شنو يعني الخاص بسيطه بعد كلشي ماوصللها
حسين: لالا يمعودة كلشي ولاهاي..ترى بعد اريد اشوفها نوب وبنفس الطريقه
وصلنه البيت شفنه هيثم واكف يم الباب
هيثم:ها شو سويه رجعتو
حسين:جنت يم صديقي ورجعت شفت ملك بالطريق وجينه سويه
هيثم:خير انشالله
فتت جوة اني رحت للغرفه كاعد ابدل جان يندك الباب
ملك:منوووو
هيثم:انيي
ملك:بس دقيقه...عرفت هو ليش اجه وعلى شنو تايسألني الغيرة تموته ادري بي خلصت عالسريع وكتله فووت
هيثم:شكو بينج وبين حسين
ملك:كلشي ماكو بينه
هيثم:ترى اني موغشيم وهاي سالفه اجه بالطريق وشافج ماتعبر عليه احجي شكو بينج وبين حسين
ملك:داكلك ماكو شي بينه...مثل ماكالك حسين.شافني بالطريق ورجعنه سويه
هيثم:يعني ماتكولين شاكو موو
ملك:ماكو شي اصلا حتى اكلك اكوو
هيثم:بسيطه لاتحجين بس كلشي راح اعرف ترى
طلع وسد الباب...ماانكر اني استغليت هالموقف حتى اشعل نارة وغيرته مع العلم كلشي ماكو غير شغلت نور وبس
رحت تغديت ورجعت لغرفتي نمت وكعدت العصر وصارت الدنيا ليل وتعشينه مثل اي يوم عادي
صارت الساعه10 تقريبا.رحت كعدت بغرفه الخطار جان بيها عمه سميه وهيثم وحسين. هيثم ماسك اللاب توب وحسين ماسك موبايله ومبتسم
اجه كعد يمي
حسين:شوفي ملك
باوعت شفت رساله مكتوب بيها:واني هم عندي مشاعر تجاهك من زمان
ملك: هاااي نووور!!
حسين:اي..
ملك:صدك
حسين: اني جنت اعرف هيه هم تحبني بس ماتكول
ملك:.واني اكول ليش مبتسم والفرحه مبينه على وجهك
حسين:اي والله من شفته اليوم اصلا كل يومي تغير
شفت هيثم يباوعلي بطارف عينه ..كمت اضحك ويه حسين وعليت صوتي
ملك:والله طلعت موقليل ههههه
حسين:اكلج باجر هم اريد اشوفه
ملك:لا خما يوميه اثكل شوي
حسين:هااا هيج تكولين
ملك: اي احسن
حسين:لعد بعد باجر...تعرفين اريد اشوفها قبل ماروح
ملك:انشالله
كمت طلعت رحت للمطبخ.هم لحكني هييثم
هيثم:تصرفاتج ماتعجبني غيريها احسلج
ملك:اوووف يعني تضل ملاحكني ومراقب تصرفاتي
هيثم:اي اراقبج فهمتي
ملك:بيا حق هاا.بياحق تراقبني وتلاحكني انت مو خاطب ورحت بطريق شوون يعني
هيثم:شوفي لاتحسبين اذا خطبت تتملعبين بكيفج ...ولاتنسين انتي رفضتيني لان تعتبريني اخوج موو ترى حسين هم اخوووج فهمتي قصدي مو؟؟
ملك: لعدشكد تفكيرك مونضيف انت
هيثم:اني كتلج بعدد لان اذا صار شي ماعجبني اموتج والله.....
