رواية من الذي احبه الفصل التاسع عشر 19 بقلم لولو وائل

=سوزان هربت يا مراد

صدم مراد وهما واقفا =انت بتقول ايه

=زي اللي انت سامعه سوزان هربت وحد ساعدها في ده

=وانت كنت فين يا وليد ازاي تسيبها تهرب مين اللي هيهربها يعنى

=اكيد انا مش قاعد جنبها في السجن جوه يعني وبعدين انا كنت في الشغل ضروري فروحت وسبت حد مكاني فجاه كلموني وقالولي انها هربت ولما سالتهم ايه اخر حاجه حصلت قال ان كان في حد جالها زياره بيقول ان هو من عيلتها واسمه اسر

=انت بتقول ايه أسر مستحيل يعمل كده مستحيل يهربها

=ما هو ده اللي صدمني زياده ان اسر مبيعملش كده فعلا كلم اسر واساله اعرف منه يمكن يكون عارف معلومه كده او كده تفيدنا بحاجه ونعرف منها مين اللي هربها

=ماشي يا وليد اقفل انت انا هشوف اسر

=ماشي وانا هحاول اعمل كل التحقيقات وكل اللي اقدر عليها عشان اقدر ارجعها تاني

=على خير

اغلق مرد الهاتف وقام بمهاتفه اسر الى ان تلقى الرد منه

=انت فين يا اسر

=انا روحت يا ابني في حاجه ولا ايه

=فى أن سوزان هربت يا اسر وليد بيقولى اللي هربها شخص اسمه اسر فسرهالى

=افسرلك ايه اكيد مش انا اللي ههربها ما انا كنت عندك ولسه ماشي ماكملتش ورحت البيت هلحق اروح القسم واهربها انت عارفه انت بتقول ايه يا مراد ولا مش فاهم

=طب مين اللي هربها وايه الغرض منه يهربها

=انت قولت اللي هربها قال ان هو اسمه اسر صح كده

=ايوه

=هو مفيش غيره اكتر واحد رايح جاي في مصيبه بيستخدمش غير اسم ابنه ابويا

=وانت ابوك عرفها ازاى و هيخرجها ليه

=دي بقى اللي انا محتاج لها اجابه فعلا يعني لو حاجه مثلا تضايقني يبقى اذيت سلمى أو اذيت حد من اللي حواليا ماشي لكن يهرب خالتك مفكرتش فيها دي الصراحه ومش شايف لها الصراحه اي سبب غير بقى انه بيكمل القبيله بتاعته عشان يدمرنا بس

=طب والعمل هنرجع سوزان السجن ازاي

=الفكره ان ابويا انا متخانق معاه بقالي كتير ومعرفلوش مكان ثابت يعني حتى لو قولتك ممكن يكون موجود في الفيلا القديمه هروح مش هلاقيه لان هو مش بيقعد فيها على طول مش عارف اذا كان جاب فيلا جديده ولا لا

=اعرف يا اسر وقولي احنا لازم نلاقيها ضروري والا البنات هتبقى في خطر

=البنات صح ودي هتبقى الحاجه اللي هيقدروا يكسرونا بيها احنا لازم نتصرف بص انا هعمل اللي عليا وهبدا ادور واتاكد من كل الاماكن اللي اعرفها وهديك خبر

=ماشي وانا هكلم وليد واقوله اللي احنا عرفناه يمكن هو كمان لما يدور يساعدنا انه يلاقيها بسرعه

=تمام

واغلق مراد مع اسر وهاتف وليد مره اخرى واخبره بكل ما اخبره به اسر في فيلا البنات كانوا يجلسون خائفين وغير مطمئنين على علمهم ان سوزان ليست بالخرج وأنها بالسجن  ولكن انهم يخافون كثيرا منها خاصه مرام

=انا خايفه امي تقدر تهرب ساعتها مش هتسيبني وهتقتلني 

=اهدي يا مرام كل حاجه هتتحل اكيد ان شاء الله يبقى في حل

=حل اى الي بتتكلمي عنه انا مبقتش عارفه افكر في اي حاجه وقلبي مقبوض من الصبح

=خليها على الله ان شاء الله تتحل

في مكان اخر في فيلا جد اسر كان يجلس سليم ولد اسر وينظر الى سوزان التي تنظر له بقلق وكان يبتسم على ذلك

=هو انت بتضحك على ايه مش عايز تقولي انت مين وهربتنى ليه

=يا ستي اعتبريني شغال في نفس مهنتك بس انا مهنتي مختلفه شويه يعني انت زي ما تقولي كده بقتل الستات بس

=انت بتكره البنات امال هربتني ليه

=ذكيه وشاطره في خطتك وهتنفعيني عشان اقدر 

 اكسر قلب اسر

=وانا مطلوب مني ايه

=لا استني شويه لحد ما الامور تهدى وبعد كده هقولك انتى دورك ايه

=ماشي

ابتعدت روح عن الفتيات وذهبت للاتصال بمراد واجابها

=روح في حاجه حصلت لكم ولا ايه انتم كويسين

=احنا كويسين متقلقش مالك يا مراد صوتك متغير في ايه

=مفيش حاجه يا روحي

=مراد متكدبش صوتك باين حاجه حصلت جديده في قضيه خالتك

=سوزان هربت يروح وانا خايف عليكم خايف تاذي حد فيكم مش عارف اعمل ايه

=هربت ازاي

=ابو اسر هربها وكلو بدا يتحرك عشان يعرف مكانها خلى بالكم على نفسكم كويس وخلي بالك كويس اوى ان محدش فيكو يخرج بره انتم فاهمين لحد ما نشوف هنحلها ازاي

=ان شاء الله خير

=ان شاء الله

اغلق مراد الهاتف وتجهز للخروج 

في الخارج البلاد كان قد وصل يوسف وفريد وطلب يوسف من فريد ان يذهب هو الى المنزل يبحث في منزل وانه سوف يذهب الى الشركه وافقه فريد الراي واتجه الى المنزل واتجه يوسف ايضا الى الشركه

في منزل روح ذهبت الى الفتيات واخبرتهم بما قاله مراد وبدات معالم الخوف تظهر على وجههم وذهبوا اغلقوا النوافذ والابواب وجلسوا جميعا بجانب بعضهم بخوف

=مرام انتة متعرفيش مكان اي دليل اي دليل حاولي تفتكري يا مرام أو هنعيش في الرعب ده كده كتير

=انا لو اعرف كنت ساعدتكم انا قولتلكم كل اللي انا اعرفه معرفش اي ادله تانيه عليها

=هنعمل ايه دلوقتي يا بنات احنا هنفضل محبوسين كده هو الموضوع طب هيطول ولا ايه

=ربنا يستر

ذهب مراد الى اسر لكي يعرف ماتوصل اليه في البحث

=وصلت لايه برده ملقيتهوش

=ما انا قولتلك بيغير اماكن باستمرار وانا روحت كل الاماكن المتوقع ان يكون فيها

=يا عم ممكن يكون مثلا راح بيت حد من قرايبك بيت خالك او بيت عمك او جدك افتكر يا اسر الله يكرمك

=تصدق صح مجتش فى بالى بيت جدي بس معتقدش ان هيروح بيت جدي بيت جدي مقفول من سنين

=ويمكن رجع في كلامه وحاول ان هو يرجع او شايف مثلا انا محدش ممكن يشك في المكان ده بالذات في يبقى هناك احنا لازم نلاقي سوزان باي شكل ونرجعها السجن تاني

=ماشي تعالي نروح لبيت جدي

=هو قريب من هنا ولا بعيد

=لا ده بعيد بعيد اوي كمان

=يارب بس نلاقيه هناك

كانت سوزان تشعر بالملل وحاولت ان تخرج الى الخارج ولكن منعها رجال سليم وذهبوا واخبروه وذهب اليهاوقال=حضرتك مش قاعده في لوكانده هنا ما فيش خروج من هنا

=ما فيش اخرج لي انا زهقت

=زهقت ليه ده الجو لطيف جدا

=انت بتسمي الخرابه اللي احنا قاعدين فيها دي جو لطيف

يعني انت واحد عندك رجاله دى كلها اكيد معاك فلوس ملقتش مكان انضف من ده

=والله الشخص لما بيجي يعمل مصايب اكيد مش هيفكر هيقعد في فيلا او هيقعد في قصر احنا بنفكر في مكان محدش تفكيره يجيى فيه وميبقاش محل شك لكن لو روحت قعدت في قصر او فيلا هتقفش

=طب ما تقولي اعمل ايه انجز انا تعبت من القعده هنا

=لا طولي بالك ده لسه مشوار طويل

=الناهيه

=كل خير تتجوزيني

=نعم انت بتقول ايه

=انا مبحبش اعيد كلامي مرتين كلامي واضح تتجوزيني

=وانا هتجوزك بقى باماره ايه ان شاء الله

=مش مهم اديك اماره انا حاسس ان انتى الست اللي انا كنت عايزها من زمان وملقتهاش ولا في مراتي ولا في اي ست تانيه

=وانا في ايه بقى مميز عن الباقيين

=هتعرفي بعدين هبعت الرجاله  يجيبو الماذون وهنكتب النهارده

=ماذون ايه هو انا وافقت

=انا مش مستني موافقتك

ذهب سليم دون سماع ما تقوله سوزان وطلب من احد رجاله ان ياتي بماذون كان وليد يتابع عمله ويبحث حتى يجد اي شيء وكانت الفتيات خائفين بشده وذهب فريد الى المنزل وظل يبحث كثيرا في الفيلا

=طب ايه يا دنيا مش هلاقي حاجه طيب ولا ايه انتى ازاي كنت ست بالذكاء ده

وظل يبحث كثيرا وذهب في كل اتجاه مكان ما قتل فيه اباه وامه ولكن لم يجد شيئا وفقد الامل وقام بالاتصال بيوسف فقال له انه لم يجد اي شيء على عكس يوسف الذي وجد مقطع فيديو كان محذوف ولكن تم ارجاعه كان يظهر فيه سوزان وهي بالشركه وهي تصرخ بغضب على الموظفين وتهدد من بالشركه وتقول ان هذه الشركه تكون ملكها وفرح كثيرا فريد بذلك وذهب الى اخيه على الفور

عندما وصل فريد دخل الى شركه وذهب الى مكتب يوسف

=لقيته ازاي ده يا ابن اللعيبه

=المحذوفات كان عمر بيشوف الكاميرات ويظبطها وقالى ان في محذوفات في الكاميرا دي كثير جدا وقدر ان هو يرجعها كويس انه قادر يرجعها لحد ما لقينا الفيديوهات دي

=طب ما احنا ليه ماقدرناش نرجع فيديوهات ساعات لما عرفنا وفاه بابا وماما

=ما انت شفت حاولنا قد ايه عشان نقدر ان احنا نرجع الفيديوهات دي ومحدش قدر ان هو يعرف يرجعها بس عمر ذكى جدا بصراحه وساعدنا فى ده انا اول مره اشوفو النهارده

=قصدك ان عمر شاطر يعني زياده عن الناس اللي قبليه

=من ذكائه ومهاراته طبعا

=المهم دلوقتي ان الدليل ده ممكن ينفع أنه يخلى سوزان تاخد اعدام

=الفيديو ده بيظهر انها جت الشركه بس مش بيظهر جريمه القتل اللي حصلت وكده بس قولت الظابط يشوفو هيبقى مفيد ولا لا وبكلم مراد تليفونه مقفول

=طب استنى شويه وكلمه تاني

كان مراد واسر في الطريق وبقى قليل من الوقت حتى يوصلوا الى المكان وبعد قليل من الوقت وصلوا الى المكان المنشود نزل مراد مسرعا ولكن اوقفه اسر

=انت رايح فين انت بتجري كده ليه

=هخش اشوفهم موجودين جوه ولا لا

=مراد انت متسرع جدا افرض طلع جوه وكمان ابويا بيشغل ناس معاه مسلحين يعني ممكن حد يعملك اي حاجه تاذيك انت اتجننت

=يعني هنعمل ايه انت شايف الحل ايه

=شايف انك تهدى شويه واحنا هنروح بس لازم نفكر الاول ونشوف المداخل وكل حته بهدوء قبل ما ندخل نتاكد فعلا اذا كان في حد جوه ولا لا

=ماشي

وبداوا بالنظر حولهم في كل مكان واتجه اسر من ناحيه الباب الامامي واشار لمراد ان يتجه الى الباب الخلفي وكانوا ينظرون حول المكان الى ان راى اسر احد رجال والده وهو يعرفه جيدا وعلم ان والده يوجد بهذا المكان ورجع مره اخرى ليبحث عن مراد واخبره انه وجده

=هندخل من باب الخلفي ولا الباب الامامي

=خليها الامامى

وذهبوا مسرعين ودخلوا ولكن صدموا مما راوه وعندما استمعوا الى ما قاله الشيخ

=بارك الله لكما وبارك عليكما وجمع بينكما في خير

=باركلي يا اسر انا اتجوزت

الفصل العشرون من هنا