رواية قيود العوف الفصل التاسع عشر بقلم ريتا
خَل نگُعد الليّلة سَوة
أحچَيلك وتحچِيلي
ونتِسامر وخَلي الگُمر يّنزل
يجي يغنَيلي
وإنتَ بمُكانة تَصير وتضويّلي ..
نطط عيييوونة وطلع تلفونة وطلع بَرا يخابر بيَه
ويعيطط وهو يخااابر سد تلفونة وشَوي ودخل اخذ سَلاحة وطلع بسُرعة
خفَت ورحت ركضَت وراه شفتَة راح لبيَت چان
يم البيَوت الي بقرب المزرَعة بس بيناتهَن مسافَة شوي
راح يمِشي بسُرعة بس قلل سَرعتة لمن وصَل يم البيت ودگ البَاب دگة خفيفة حيل كررها اكثر من مرة ما انفتح الباب اخر شيء عاط ودفر الباب برجلة وصاح بصوت يخلس يخلس .
:- لك مهيدي النذل وين تروح اليووووم اسحلك من ذاناااااتك اليوووم انووووومك بنص المزرعة ادفنك بيها ابن الكلب .
رجع ضرب الباب برجلة وصاح بيه
:- يعنِي وين تروح تطلع لو افوت بنص بيتكم واسحلك سحل ،
لك تطلع من ذااااتك لو افوت بنص نسوانكم بهلفجرية واسحلك من ياختك زماال .
:- بسُرررررعة ااانفتح الباب وطلع فتحت عيونِي من شفتة نفَسة الشخص الي اجَانة ذاااك اليَوم الي رغد سولفتليِي عننة عزززا هذا هنا عايش شجابة يم العوف
باوعَلة وهو يفرك بعيونة مثَل التوة گاعد من النوم ويگول
:- ها اسف سييدي چنة نايمين اتفضل امر خدمة
:- ههه حبيبي خاف صارت زحمَة نايم وگعدتك ؟
بقىٰ يبلَعم واگف ويرمَش من نبرَة صوت العوف وهو يَرد عليَه بأستهزاء رد وگال بأرتبَاك
:- لا بخدمتك انه
اتقدم بسُرعة زنگة من فانيلتة فرة فر وهو بمكانة .
:- ولك مهيدي يمتىٰ أتوب انتَ كل مرة اگول خطيَة واستخطيك لخاطر امك واگولها مالها زمال غيررك
:- شنو ش .. شمسوووي !
رگعة راشددددي فر اله وجَهة فر انطبع اصبعة بوجهة
:- ااااادفنك بيهااااا الييييييوم انه مو گتلك بعد ماااا ارييييد اشوف عليك شوفة لأن نهااااايتك تصييييرر سوودة .
-شمسوي شمسوي
ضربة وزمخ بيه
-ليش تحرگ المزرعة زنديق
فتح عيونَة وهَو يگول بأرتبَاك مَبين عليَه التصنع
:- انا شعليه ماا حارك شيء
رجع سفَطة براشَدي بس هلَمرة يَرن رن وصَل صوتِي لمسَامعِي لزمة گطعة تگطع وهذاك يروح بأيدة يمين يسار عتة عت .
:- هذا الزرع الي حرگتة كُل سنة ابوو علييي يزرعة ويحصَدة ويوزرعَة علىٰ الفقرة يانذل
غطة وجهَة بأيده كـ دفَاع عن نفَسة مِن عوف ليَرجع يسَطرة بَراشدي لخ مغطِي وجهَة ومدنگ سطرة بأيدة علىٰ رگبتة من وَرة بقوووة وهذاك صاااح ااااااااخ
-وسسم صوتك ما اسمعة .
خذاه يسَحل بيَه هذا ناعَم وضعيف والعَوف يحط اثنيَن جواه من خشَونتَة وضخامَتة اخذَه يعت بيَه بأصابعَة وذبَه بنص الطيَن ومِي الاطفاء والحرق وهَو وگع بَنصهن
مسَح وجَهة وهَو يحاچيَه بعصبيَة
:- خنيث خبيث ماتصير الك چااارة تبقىٰ دثوو ونذل انا اعلمك اسويك زلمَة والله لأخليك تتربى من جديد واخيسك بالسجن ياخايس .
رد عليَه وهو مَرعوب :- لا عَوووووووف
ضرَبة بأيدة علىٰ حلگة حيل صاح متوجع:- حلگك لا تفكة .
:- ما .. ماحركت المَزرعة
باوعَلة عَوف وضَحك بهدوء گعد اله وطَلع تلفَونة شَوفة الكاميَرات الي حاطَهن بالمزرَعة فتحتت عيونِي وبَاوعت علىٰ كُل مكان مااكو اي كاميَرا حتىٰ بالنهار انِي مركزة بيَها
شاف روحَة بالكاميَرات رمَش بتوتر باوعَلة ورد بسُرعة وگال:- اي انااا حرگتتتهااا
:- ايباه شلوون شيء جديد
ضربة براسة وگال مستهزئ :- ايباااه يعني انه ماشفتك بعينِي وجاي تحچي ؟
:- انتَ ماتخلينِي اشوووفهااااا ولا تخلينِي احچي ويَاها شلون نحل مشكلتنااا بس گلي واگف الي مثل العظم بالبلعوم ردت احرگ گـلبك مثل ماجاي تحرگ گـلبي
نط عيونة بغضب وعتَة من فانيَلة انشگت الفانيلة من جهة رگبتة ومستمر يعت بيه .
:- لو تطلع نخلَة براسَك بعد ماتشَوفها واسَم رغد مااا تجيَبة علىٰ لسااانَك بعد الك عيَن صلفة سااافل خنيث ولك تحلم توصل لطرف اصبعها تحلم .
:- الواحد مايغلط انااا مو معصَوم وغلطت اريد اصلح غلطتِي وارجعَها انااا احبببهاااا
مسَح وجهَة بقَلة صبَر ورد عليَه وهو ينفَخ
:- صم حلگك لا اترسَة تراب ابن الخرة صابر بالگوة حتى ما ادممك زيادة وراك سحل وكتل ونتل وراك .
شَوي وسَمعنا صَوت سيَارة شَرطة وصَلت فتحت عيونِي وانِي اشَوف نزلوا منَها ثلاثَة تقدموا وراح الهم عَوف ضربوا اله تحَية وسلمَوا عليَه بقىٰ يحچِي ويَاهم وهَمة يهزون بَراسَهم وهَذا اباوعَلة يرجف رجيف صار
باوعتَلة وعقچت وجهِي بعدم رضَا شموازيَك هم خااين وهم ميَنطي بروحَة يريد يصلح غلطة اوووع عااابت زلم متصير الهم چااارة
اتقدموا لزمَوه وحطَو الكلبچات بأيَدة وهو يلاوَي بيَهم بعدَه مينطِي بروحَة عزاا بعييينَة باوعت لعَوف مرجَع أيديَة ليَوره وشابَكهم بيَن بعض ويبَاوع اله بجمود
گال اله بصوووووت عااالي وهَو يتوووسل
:- عووووف لا تسوووويها والله بعد ما تنعاااد
رد عليَه بجمود وهَو يگلة
:- روح راح تتربى عدل يحتاجلَك تربيَة انتَ تايه
سلمَوا علىٰ عَوف واخَذوه صَعدوه بالسَيارة وبَعده يرافَس بيَهم عبَالك طلي ديذبحَوون بيَه راحَوا وهَو باوعلِي عقد حاجبَة وگال
:- المَن واگفَة هنا ؟
:- لعد ويَن اروح داشَوف شديصَيِر انِي هم
دار وجَهة وگال :- فوتِي جَوة بَاردة عليَچ هَنا
تغاضَيت عن كلَامَة ورحَت ورَاه اندار باوعلِي بدهشَة وگال
:- وچ يَابه ويَن رايَحة أنتِ !
:- ويَاك
:- وين ويَاي
جاوبَتة ببرَود وانِي اللزَم بالكمَاشَة اليَدويَة
:- مو تريد تنظَفها انِي هم ويَاك
تخوصَر وقلص عيونة وبقىٰ يباوعلِي بَدون ميحچِي شيء
باوعتلَة انِي وگلت :- ها شنو ليش وگفت !!
:- تحچين صدگ أنتِ من الفجر ترديَن تنظَفين المَزرعة اندار باوعلِها وگال
:- جاي تشَوفينها شكبَرها وترديَن ننظفها انه وياچ !
باوعتَلها وزميَت شفتِي ورديَت:- لعد شلون !!
:- وچ فوتِي لخاطر ربچ
:- لعد والمزرَعة والحرگ !!
:- ابو علِي يجَيب عمال ينظَفونهَا
رديت بأسَىٰ وانِي مقهور گلبِي عليَه
:- خطيَة ابو علِي كُل ما داتذكر شَكلة انقهررر مچااان مصدگ وحاط أيديَه علىٰ راسَة ومصدووم
اتنفَس بعمق وگال :- ميخالف تتعَوض الحمد لله
باوعَت الها شَلون الزرع كُله محترگ اتنَهدت وگلت اله
:- شلون چانت امَس وشَلون صارت هسَة
:- راح احرگة مثل ماحرگها ابن الكلب .
:- چانت هَنا اكو طمَاطة صغيرونَة راحتتتت الطماطَة
باوعلِي ومسح علىٰ وجهة قلص عيَونة واشر بحواجَبة وگال
:- جُمان فوتِي جوة روحي روحي
بقيت واگفتة وشَفتة ديأشر بحواجبَة بعَده
عقچت وجهِي وگلت
:- اوكيي
اتنهدت ودخلت توضَيت وصليَت وخلصَت
سمعت اكو هَوسة وصَوت برة
باوعَت من الشباك الضَوة كاشَف چان گاعد علىٰ الكُرسي وابو علِي واگف يمَة ويسَولفون وشَفت اكو عُمال دينظَفون بيَها
چان واضَح علىٰ وجَوهم الضَوجة خَصوصاً ابو علِي كُلش چااان ضايييج دااااتخيل تعبَ ااايام كُله راح برمَشة عيَن شگد چانت حَلوة وچبيرة كُلش
مليانَة خضروات وخضَرة زارع بيَها ونظيفة ومرتبَة معتنِي بيَها بشكل من شكَلها واضح شگد چان يحَب الزرع الي زارعة وشگد چان داير بالَة عليَه
درت وجهِي سَويت الهم ريوگ واخذَتة لفيَت وشَاح عليَه وطلعت الهَم خليَت الصينَية يمَهم علىٰ الطاولَة باوعلِي ابو علِي وگال
:- بوية منو يشتهِي
رد عَوف وگال
:- انه هم ماا اشتهِي كلش
عقچت وجهِي ورديت بعدم رضَا
:- عمو ليش دتحرم نفسَك الاكل شعليَه
رد عليَه بنبَرة مخنوگة
:- ما اشتهِي بوية روحِي ممرودة علىٰ الزرعات
ابتسَمت اله بهدوء ورديت
:- ميَخالف عمو الله الي يعَوض وتزرعَها وتسَويها احلىٰ من قبل لتاكل بنفسَك
رد عليَه بهَضم
:- فرحت بالزرعات كل سنَة ازرع هيچ واوزعهن علىٰ الناس المحتاجة يطلع منها خير بويَة زرعِي بأيدي واگطف واحط بعلاليگ واوزعَة
باوع لعَوف وگال
:- من اول مَا اشتَراها العَوف وخلانِي بيَها گال هَي وزرعها للمحتاجيَن بوية والله رزقني بيَها خير أيدي شما تزرع تحصَد بيَها انترسَت خير وبَركة عبَنها منذورة للخير
اتنهد ورجع گال
:- شبعت بَطون هَواي وادم جوعانَة چنت فرحان ومتانيَها مثل كل سَنة يبَويَة ما حسَبت حَساب هيچ يصير ويروح كل تعبي وابقىٰ حاير
ربت العَوف علىٰ كتفَة وگال
:- وداعتك ابو علِي ولا تهتَم ولا يضيَق خلگك ارجعَها الك احسن من الاول وتَرجع تزرع بيَها الي يعجبَك مزرعتَك هيَه بعد
ابتسَمت اله وگلت :- يلا عمو خل اصَب الك چاي
:- بوية والله ما اشتهِي
:- فدوة عمو لخاطري
هز راسَة بقلَة حيَلة وگام صَبيت اله چاي اخذه منِي وروَحة بعدهِي مقهورة ويبَاوع بحسَرة عليَها والعَوف صَافن ويدخن بالة مو يمنا اتنهدت ودخلت جوة وبقوا يرتبون بيها .
*****
موتنِي التفكير سَاعة أفكر وأگول مو ذنِبي الي صار
وسَاعة اتذكر ابَوية ويزيد التفكير ويبقىٰ ياكل بيَه
دخلت للقاعَة حتىٰ امتَحن فرغت عقلِي من كُل شيء اني لازم انجح حتىٰ افتَك وأخلص
خلص امتحانِي وتوني داطَلع وصلتنِي رسَالة
:- منتظرج اني
گلبت عيونِي بتعب واتنفَست بعمُق وهمَست بداخِلي
:- مهمَا يصير ترىٰ أنتِ مو ذنبَج منار بس من ترحيَن اله للمكان الي وصَفة سَاعتها يكون ذنبج وياويَلج
گعدت علىٰ الكُرسِي دافكر بحَل يخلصنِي منَ هذا المسَودن زميَت شفتِي وصفنت ابتسَمت ابتسَامة جانبيَة وانِي اهمَس لنفِسي والله ماكو غيَرة يحل الي هلموضوع
فتحت جهازي بسُرعة شَفته مجاوبنِي علىٰ رسائل هذاك اليوم بس انِي مافتحت جهازي ماا الي خلگة بسبب هلبلوة فتحت رسائلة وكاتب بيَهن
:- ام الحدود وعليكم السلام عَود
قلصت عيونِي وهمسَت يا عَود ديبسمَر بعدين وانِي شدعوة عليَه ما گلت السَلام عليكم السلام لله كمَلت بقيَة الرسائل وچان كاتب
:- انشغلت وما خليت جُمان تحچي ويَاچ
وجُمان راح ترجع لبغداد
ابتسَامتِي وصلت لذاناتِي من الفرحة من قريت هلمسَج نسَيت سالفتِي نسَيت كُل شيء وركزت بهالرسالة اريد اسيطر علىٰ فرحتِي وسعادتي بهاي اللحظة ماكو روحـي جُمان الي الدنيَا من بعدهَا مالها طعم عندي.
كتبت بسُرعة وانِي ايديَه دترجَف
:- عليك الله دتحچِي صُدگ !!
فَتح الرسالة وجاوبني ورة ثواني..
:- اي
تلاشَت ابتسامتِي من اتذكرت السالفَة بلعت ريگ بتوتر وكتبَت اله بدون مقدمات .
:- انِي واگعة بمُشكلة محد يگدر يساعدنِي غيرك بيَها
اخذت نفس متوترة بقت عيني علىٰ التلفون ماجاوبني حيل ضجت ردت اطفي التلفون واتصل اتلبَكت واتوترت فتحَت الخط واجانِي صوتة .
:- منَار ؟
همهَمت بصَوت خفَيف رد وگال
:- سولفِي منَار شنو صاير ويَاج ؟
عبالك اجتني من الله اتنهَدت وسَولفت اله كُل شيء بالحَرف الواحد مضمَيت شيء كُل شيء يصير وانِي حچيت اله لازم اگول السالفة كُلهه صح بلكت يگدر يساعدني هو ضابط ويگدر ايي .
رد عليَه وگال :- گليلَة انشَرهن
فتحت عيونِي بصدمة ورديت بسُرعة :- دتحچي صدُگ لعد انِي ليش اجيت الك اذا خل ينشَرهن
:- ولچ بابا گليلَه انشَرهن عادي چَذبي عليَه بيني اله انتِ ما مهتمَة
:- شلون انِي انرَعبت وبينت اله انِي خايفة وما اريدة ينشَرهن شلون هيچي هسَة اگول اله ؟
:- انتِ شبيج ترجفيَن شنو مصَلخة شو حجابج واصل لرجليَج من ورة
:- انِي مستورة وصوري مُحترمة هذا الشيء انِي مستوعبَتة شلون اخلي ابَوية يستَوعبة بعدين شنو تايَهة اني رايَحة دادرس وبطريقِي شنو اتصور ويبتزونِي بيَهن !!
:- سَهلة يمِي دزيَلي العنَوان الكتبة الج
-اخاف ينشرهن اذا عرف
-دزي الي دزة بابا دزي .
دزيَتة اله وگال:- هسة تبقىٰ يمَج شغلة
عقدت حاجبِي بأستغراب وجاوبتَة :- شنو ؟
:- تراسَليَنة تسَوين روحج گلبج طايح من السگف تردين تموتين من الخوف وعود وتسَوين كل شيء علمَود يمسَحهن هسة يگلج تعالي لهذا العنَوان اترددي بالبدايَة ولا تقبلين بعدين اقبلي
:- لعد ليش اتردد اذا هيچي كُلش خايفة وگـلبي طايح من السگف هو هيج غبي
:- ماراح يصدگ هيچ راح يشَك لازم تخليَنة يثق بيج اذا وافقتي سريع اكيد راح يشك شغليلي عقلج عيني ام الحدود .
:- يعنِي قصدك اچذب عليَه واسايسَة علمَود اجيبَة للمكان بدون ميشَك داسوي شيء من وراه ؟
:- بالضبط
:- زيَن وبعدها شنَو ؟
:- انتِ بالدوام ؟
عقدت حاجبِي وگلت اله :- اي اني بالدوام ليش ؟
:- انِي قَريب على مكانج انتظريني .
سد الخطَ واتنهَدت منيَن اجتنِي هلبلوة انِي
شلت جنطتِي وگمت دخلت للكافتريَا گعدت انتظر
فوتت محااضراتي حتى اشوف النهاية شلون .
تقَريب الـ ربع سَاعة وأتصل عليَه فتحت خط بسُرعة
:- انتِ وين ؟
رديت عليَه :- انِي بالكافتريَا
رد وگال :- طلعي
شلت جنطتِي وطلعت صار گبالي اول مارفعت راسي شفتَة اشر اليَه من مسَافة ردت امشِي واشر براسة عقدت حاجبِي اجتنِي رسالة منه .
:- گعدي بمُكان قريب علية وراسليه لاتجيني خلي شكلج متوترة مرتبكة تباوعين يمين يسار وضعج خليه مشبوه .
مشَيت بقلَة صبر وحيَلة گعدت قريَب عليه بس مباوعتَلة ولا شفتَة دخلت علىٰ رقمَة ماا عرفت شنو ادز اله بالضبط كتبت اله
:- شنو ادز اله ؟
:- گليَلة موجود بالمكان الي گلتلي عليَه ؟
گلبت عيونِي وزفرت دزيت اله هلرسالة اخذ دقايَق ورد عليَه
:- گدامَج اني موجَود
قبضنِي گلبِي باوعت منا منا منو هذا الحيوان منو ردت ابچي بهاي اللحظَة اجتنِي رسالة من قاسم وگال
:- شنو دزلج ؟
دزيت اله الرسالة الي دزَها اليَه وكتبت اله ماا اعرفَة منو موجود ويَاية هَو انِي متأكدة من الطلاب الي بقسمي بس ياادبسز وماعندة غيرة ماعرف .
جاوبنِي وگال :- اي كمليَها ويَاه وخليَه يروح للمكان الي يريدج بيَه
راسلتة وگلت :- اني موافقة اجِي لهذا المُكان
دقايق ورد عليَه :- هيَج بس ؟
رمشَت بخَوف وكتبت :- انِي بنيَة اخاف وعنِدي عائلة مُحافظة متقبل بهلشيء قابلة اجي بس فدوة احلف مراح تنشر ؟
رد عليَه وگال :- هههههه لا انِي رايح وتعالِي حتىٰ نتفاهم بس ياويلَج اذا جايَبة احد ويَاج لو مسَوية اتفاقية ضغطة ترىٰ ضغطة .
رديت عليَه وكتبَت :- يعنِي لمنو اگول داگُلك موافقة اسوي كُل شيء علمود متنشر الصور لأن اخاف من اهلِي وانِي ماعندي احد هنَا وماا اعرف احد حتىٰ أحچي اله
رد وگال :- اوك طلعت اني
رفعت راسِي باوعت لقاسَم ابتسَم الِي وهز راسَه كتب الي
:- گومِي دخلي للقَاعة او طلعِي بمكان مُكان المهم تغيرين مكانج هذا ابتعدي عن العيون هنا .
هزيت راسِي وگمت وهَو گام مشىٰ احس گلبِي وگع بيَن رجليَة دخلت لقاعتي وچانت هاي اخر مُحاضرة اتنهَدت وبقيت كُل الوقت أفكر فتحت تلفونِي ادز بالرسائل وماكو متت بمكاني والله.
:- گلبِي حيوگع شنو صار ؟
:- منو هَو طلع !!
طفيت تلفونِي وبقيت انتظر مجاوبنِي گعدت افكر منَو اله مصَلحة يصورنِي ويبتزنِي بهيچ طريقة سخيفة ويستغل جهل ابوي اكيد واحد يعرف طبع ابوية
فكرت لحَد ما مليَت بس مدالگة احَد عندِي شيء
ويَاه انِي افرغ من الفارغَة
مسحَت وجهِي بتعَب واجتِي رسَالة منة فتحَتها وچانت صورة فتحتتتتت عييييوووننييي علىٰ وسعهنن من شفتتهااا صخام صخام تجمدت بمكاني اباوع مصدومة من الي شفتة .
محمد !!! هذا طالب ويَاية كُلشش فقيييير وصووتة مينسَمع ومعليه بأحد اصلاً مااا بينِي وبينه حتىٰ سلام !!
انصدمتتت بقيييت اباوع للصورة وانِي ارمَش بصَدمة چان الدم ديصب من خشَمة ووجهة مطبر وشعرة منكوش واضح مكتووول كتلة مو طبيعيييية
ومقيد أيديَه ولازمَة ديضحك دزلي رسالة
:- ام الحدود رجعِي ونامِي مرتاحة جرو صغيرون راد يجرب حظة .
اتنهدت والضحَكة ترسَت وجهِي مي بارد وانذب علىٰ گلبِي ارتاحيت راحة مو طبيعية احسَ اريد اعيط من الفرحة غمضت عيونِي وحمدت الله وشكرته جان اجتني بلوة ياربي بدون سبب .
اتصل عليَه بسُرعة فتحت خط وانِي الابتسَامة علىٰ وجهِي مفارگتنِي غمضت عيونِي وحچيت :- شكراً هَواية هم وچان علىٰ گلبِي
اجانِي صَوتة وهَو يحچِي بهدوء
:- هَو حتىٰ ابتزازة الله گالبَة ومو ابتزاز بس لأن البنات تخاف والاهالِي مشددين مستغل الوضعيَة
عقدت حاجبِي وحچيت :- شلون يعنِي مبتز غيري ؟
رد بجمود :- هَواي لگيَت عنَده هيچ محادثات وصور اكو مهتمات واكو مطيحات حظ حظة ومبلعاتة حضر مامهتمات .
مسحت وجهِي وگلت اله :- مچنت متوقعَة هيچي شخص يطلع منَه هيچ فقير كُلش وما اله علاقة بأحد
:- هَو خوفج من الخوينَس والمسَوي روحَة فقير
حچيَنة شَوية وسلمت عليَه وسديت الخط غمضت عيونِي براحة خلص دوامِي وطلعت صعدت وي ابَو الخط دخلت للبيَت واول مخليت راسِي علىٰ المُخدة صار الي يوميَن مشايفة النَوم وافكر اريييد اناام وارتاااح حطيت راسِي وبعد مادريت بالدَنيا طشَت رشَت
*******
واگفة ماعرف شنو اسوي وين اروح اشتَهيت اسوي چاي دخلت للمطبَخ طلعت القوري وخليَتة علىٰ النَار وگفت انتظرة يفور ..
كتفت ايدية وصَفنت جريت نفس ودموعِي وحدَها نزلت حطيت أيدي علىٰ گلبِي وشهگت وگعدت بالگاع لميَت روحِي
مخنوگة احَس شيء ثگيل علىٰ صَدري مليَت وتعبت ابَاوع لنفِسي لشوكت انِي هيچ ابقىٰ تعبت من بيَت لبيَت من مُكان لمُكان اريد أستقر وارتاح بحيَاتِي تعبت كُل يوم يصَير شيء كُل يوم اخاف كُل يوم ارجع الف خطوة ليورا أريد ارجع جُمان القديَمة لحياتي ياربي..
حَطيت راسِي بيَن رجليَة وصرت اشهگ بصَوت عانيت وتعبت واتحملت وما اعترضت بس انِي هم بشَر بالأخير ياربي مو صنَم اني انسانة عندي طاقة عندي قوة بدت تخلص .
بچيت بصوت طلعت الي متراكم بگلبي كله سكتت وهودت من سمعت صوته ماجاوبتة بقيت لامة نفسي وگاعدة ماا بيَه حيَل انطَق بكلمَة حَتىٰ اجانِي صَوتة خايف
:- جُمان ؟؟
بس گالها طلعت شهگتي عبَالك چنت منتَظرة أحد يحاچينِي .
:- جُمان شبيج ليش تبچين يوجعج شيء ؟
مارديت عليَه مابيه حيل مالي طاقة رجع صاح بصوت ملهوف ..
:-لا تطيحيِلي گلبِي ردي گليلِي شبيج شنو اليوجعج جُمان !!
رديت بهدوء متنهدة .
:- مابيَه شيء
:- شلون مابيچ شيء چا تبچين هيَج لوجه الله ؟
سكتت وگال بصَوت هادئ مبَين عليَه الخَوف عليَه
:- رفعِي راسَج حاچينِي سولفيَلي شبَيچ بيَج شيء شنو يوجعج اخذج للطبيب ؟
:- رفعت راسِي وانِي احَس وجهِي مطگگ من البچِي مد ايدَه ورفَع حنچِي بأصابعَة وگال :- حطِي عينَج بعيَني
انتبه لنفسة وخر ايدة مني مرتبك وحجة
:- شبيَچ يوجعَج شيء ؟
هزيت اله راسِي بالنكر وسكتت رجع گال
:- خايَفة من شيء ؟
غمضَت عيونِي وهزيت راسي ناكرة .
:- چا شبَيج جُمان ليش ماتحچيَن ليش تبچين ؟
مسحت خدي وحجيت بصوت واهن..
:- تعبَت انِي احَس بعد مابيَه احس گلبِي يوجعنِي وروحِي دتلوب والله
باوعت بعيَونة وجليت صوتي..
:- مليَت عَوف يمتىٰ ارجع لحيَاتِي يمتىٰ ارتَاح وارجع أتنفس براحَة
گعد مثلي ثَبت رجليَة وفَتحهن حط عكسَة علىٰ رجلة وخلة ايدة علىٰ خَدة ووجهة مقابل وجهِي رمَش بثگل وگال
:- احَس بيچ ادري بيَچ تعبَانة والوضَع هذا جاي يتَعبج بالزايد بس وداعَة عيَونج جُمان خلصَت وراح ارجعج بأيدي لحيَاتج ولأمَچ وترجعين بأمان
عيونة تتنقل بيَن عيونِي حچة بهدوء وحنيَة وگال
:- انه اخاف عليچ من ارجعَج يعنِي أريدچ بأمان من تطبيَن ومن تطلعيَن ما تخافَين أريد تناميَن مرتاحة وماخايفَة
:- أريد احَط راسِي علىٰ المخدة وما افكر بيَج اريد انام مرتاح وانَه ادري مأمنچ وما عليَج خيَط يعرضج للخَطر
حجيت متحسرة..
-جُمان: عَوف انتَ طلعتنِي من أكثر مُكان انِي چنت احَلم اطلع منَه جردتنِي من نَص العذاب الچنت بيَه
عضيت شفتي مقهورة وكملت كلامي..
:- خليتنِي اخذ نفَس براحَة وخليتنِي انام وانِي ما افكر باچر شراح يسوون بيَه وين راح ياخذونِي وبشنو راح يضربونِي نقذتنِي وخليتنِي بنَص بيَتك وبنص عائلتَك
:- أمنتنِي وعالجتنِي وخليَتنِي أرتاح ... اخذت نفس ورجعت كمَلت ... ماشَكيت بيَه ولا حسستنِي بهل شيء وانِي بنص بيَتك ماباوعت الي بنَظرة موحلوة هنَاك وهنَا
ثبتت عيونِي بعيَونة وگلت :- احَس براحَة ويَاك وأمان اگدر ارتاح وماا أفكر ممكن تسَويلِي شيء أنام مرتَاحة من هاي الناحيَة شعور الامان محاوطنِي
:- شنَو الما سويتَة الِي أنتَ أني أخجل اوفيَ حقَك ويَاية بس كافِي لشَوكت تبقىٰ تسَاعدنِي وتحتَار بيَه ؟
ابتسَم ورمَش بثقل حچة بهدوء وحنيَة وگال
:- تدرين ما احسَج غريَبة احَسچ منِي وبيَه
ابتسَمت اله ودموعِي تسري ورجع گال
:- مِن يوم الشفتَج بيَه واخذتَج صرتِي مسؤوليتِي
- چا انه شعنِدي غيرج ؟
نزلت عيونِي للارض اخذت نفَس وحچيت مبتسمة وسارحة..
:- كُل عمري جبَتة لحَد ما كبرت وصرت جامعَة وانِي من ماما تحچِي ويَاية احسنِي طفلَة ودتحاچيَهَا لإن كُل حچاية والثانيَة توصيِني تنبهنِي وتگول الي انتِ مسؤوليتِي
باوعت اله وثبتت عيونِي بعيونه مستذكرة امي وكلامها وگـلبي يلوب..
:- هسَة هم رجعت حسَيت بنفَس هلشعور حسيتنِي طفلة ودتگُلي نفس كلامَها بالضبط هههه
ابتسم ابتسَامة واسَتة ورد وگال بنبَرة حَلوة حيَل :- بس انتِ مو طفلة انتِ بطلة جُمان وصبَورة وقَوية أمج عرفت تربيَج صَح تربيَة ينرفع الَراس بيَها
:- تدري انِي ما اتذكر شَكل بَابا مُجرد اشَوفة بالصور حيل چنت صغيرة من استشهد تربيَت وكبرت علىٰ حنَان امِي وحضَنها هَي امِي وابَوي هَي عائلتِي
باوعتَلة وگلت بدمَوع :- چنت مسَتعدة امَوت وما اجيَب لأمي حچايَة مو زينَة لو فد يَوم تشك بَتربيَتها الي وتلَوم نفسَها امِي النذَرت عمَرها وشبَابها الِي.. كُل ماا افكر شنو حَالها گلبِي ينغزنِي وأتعب أتعب حييل
باوعلِي وگال :- اقَل من يومَين وحگ هلعيَون
رمشَت بخجَل وگال :- من تبچين عيَونج تتوسَع أكثر
ابتسمت بتعب من ابتسم بوجهي رفعت ايديه مسَحت دموعِي وعصَرت اصابعِي بتوتر وخجل وانِي اباوعَلة ثبت نظراتة بوجهي وحچة بهَدوء ..
:- العيَن وسَعة وبالنظر چتالة
