رواية البيت المشبوه الفصل الاول 1 بقلم هويدا زغلول

كارم راجل بسيط واقف قدام مراته وبيقولها 

كارم

بقولك ايه يا وليه انتي هتفضلي قاعده كده ولا ايه قومي يلا صاحبي برا عايزك تروقي عليهم وغيري الهدوم اللي انتي لابساها دي امال والبسي الجلاليب اللي انا جايبها ليكي

وساعتها كانت سناء بتعيط ومكسوره وقالت ليه 

سناء 

هو انت ما عندكش نخوه قوي كده حرام عليك يا اخي ازاي عايز مراتك تبقى خارجه داخله قدام صحابك كده انا مش قليله الادب ولا عايزه اكسف نفسي قدام حد

كارم

مش عايز كلام كثير يا بنتي والكلمه اللي بقولها تتنفذ انتي سامعه ولا لا اللي انتي بتعمليه ده هو اللي بيجيب لنا فلوس وبيكفينا ويأكلنا ويشربنا قومي يلا والبسي الجلابيه اللي انا جايبها لك وخلاص بقى من الكلام ده

سناء وهي بتمسح دموعها

حاضر يا كارم بس انت كده بتكسرني ومش حاسه اني مراتك حاسه اني غريبه في بيتك

كارم

مفيش كلام يتقال دلوقتي نفذي وبس

وبعدها كارم يخرج يقعد مع اصحابه قدام البيت

ادم  بصوت عادي وهو بيبص لسناء اللي داخله المطبخ

ادم 

هي المدام بتاعتك مش محجبه ولا ايه انا شايفك يعني ساكن في منطقه شعبيه وعارف انك مسلم

كارم يبص له بحده

كل واحد حر في بيته خلي لسانك جوه بقك يا حضرت

ادم يرد وهو مستغرب

طيب يا عم سيبك من العصبيه انا بس بسأل عادي

كارم يلف له ويقول له

ما تشوف صاحبك يا عم سيد  هو جاي يعمل علينا راجل هنا ولا ايه

ادم يقف مره واحده

يا سيدي انا غلطان انا ماشي

وفي اللحظه دي سيد يمسكه من دراعه ويقرب منه

ويقول بصوت واطي

سيد 

الله يخرب بيتك انت عارف ده مين ده صاحب اكبر شركه مقاولات وهو اللي هيجيب لنا شغل بطل بقى اللي انت بتعمله ده

وبعدها كارم قام وقف.وقال 

كارم

انا ما كانش قصدي ازعلك مني اقعد بس يا باشا حقك عليا انا غلطان بس غريبه يعني انك جاي بنفسك تشوف العمال في منطقه شعبيه بدل ما تبعت حد عنك وانت تقدر توفر وقتك ومجهودك

ادم

مش شغلك المهم انا عايزكم بكره تكونوا جاهزين والرجاله اللي قلت عليهم ب سيد  يكونوا موجودين الشغل هيبدأ والاعتماد كله على سيد ولو حصل اي تقصير هبقى في وشه هو مش حد تاني سلام عليكم

ويخرج ادم من المكان بهدوء وكان في شباك مفتوح من المطبخ علي السلم وادم سمع سناء وهي بتتكلم في التلفون وبتقول 

وسناء واقفه جواه ماسكه التليفون وبتتكلم بصوت مخنوق

سناء

حرام عليك يا بابا انا مش عارفه اكمل كده انا عايشه مع راجل بيخليني اعمل حاجات انا مش راضيه عنها وبيجبرني اخرج قدام صحابه بشكل مش لايق وبيقلل مني كل يوم

الأب

يا بنتي انا اعمل ايه يعني انتي شايفه الظروف اللي احنا فيها العيشه صعبه عليا ومش قادر اصرف على اخواتك ولو على جوازك انا ما صدقت حد خدك وارتحت شويه من الهم

سناء

يعني انا اتحطيت في النص كده بين راجل بيكسرني وبين اب مش قادر يحميني انا كده بتدمر كل يوم

الاب 

اصبري يا بنتي وربنا يفرجها مفيش في ايدي حاجه اعملها

وفي اللحظه دي سناء تقفل المكالمة وهي منهارة

وتسند على الحيطة ودموعها بتنزل وهي سامعه صوت الضحك بره 

وعند ادم يدخل البيت وهو باين عليه التعب

يشوف امه قاعده زهقانه وهي بتاكل ابنه وبعدها يقول ليها 

ادم 

في ايه يا امي مالك عامله كده ليه ومازن ماله شكله متضايق ليه كده

الأم بصوت مرهق وهي ماسكه الطبق

الام 

الولد رافض الاكل ومش راضي يسمع كلامي كل شويه يسأل علي امه ويعيط وانا خلاص مش قادره عليه انا ست كبيره ومش قد المسؤوليه دي لوحدي

ادم 

معلش يا امي انا عارف ان انا متقل عليكي الفتره دي 

الام 

ايه رايك يا حبيبي انك ترجع نانسي تاني علشان خاطر الولد بس على الاقل انت شايف عامل ازاي

ادم

يا امي مفيش حاجه اسمها يرجعوا تاني الموضوع خلص والقرار اتاخد ومش هينفع نفتح القديم

الأم 

انا مش بفتح القديم انا بتكلم عن طفل مالوش ذنب الطفل بيتكسر قدام عينيه كل يوم وانت لازم تفكر فيه

ادم 

والله يا امي انا مش ضد ابني لكن في حاجه اتكسرت جوايا ومش قادر ارجع زي الاول

الأم

طيب والولد ذنبه ايه هو كل يوم يصحى يسأل هي ماما فين ومش لاقي رد

في اللحظه دي مازن يقرب من ابو ويقول ليه

 

مازن

انا عايز ماما هي فين ليه مش بتيجي

ادم 

ماما مش موجوده دلوقتي بس انت لازم تاكل الاول

مازن

لا انا مش عايز اكل انا عايز ماما انا مش عارف انت خليت ماما تمشي من هنا ليه 

ويجري على السلم وهو بيعيط

الأم تطلع وراه وهي بتنده

الام 

يا مازن تعال يا حبيبي كمل اكل بس

ادم يقف مكانه وهو حاسس بثقل ويبدأ يفتكر اللي حصل 

فلاش باك 

ادم واقف قدام شنطة السفر وهو بيحط هدومه بسرعة ونانسي مراته كانت قاعده قدامه وبعدها قال 

ادم 

انا لازم اسافر يا نانسي الشغل واقف والدنيا بايظة والصفقة دي لو راحت من ايدينا هنخسر كتير اوي ومبقاش عندي حل غير اني اسافر بنفسي علشان احسم كل حاجة هناك

نانسي

هو لازم انت اللي تروح يا ادم يعني ما عاصم شريكك في الشركة ومن المفروض يشيل معاك المسؤولية بدل ما انت شايل كل حاجة فوق دماغك بالشكل ده انت بقالك فترة مضغوط ومش واخد بالك من نفسك خليه هو يسافر المره دي

ادم

بصراحة انا بقيت حاسس ان الشراكة دي ملهاش لازمة عاصم بقى بعيد عن الشغل ومبقاش فارق معاه اي حاجة وكل الحمل واقع عليا لوحدي وانا خلاص لازم اخد قرار نهائي في الموضوع ده

نانسي

لا يا حبيبي ما ينفعش تفكر بالطريقة دي دلوقتي عاصم عنده علاقات مهمة جدا والناس هناك بتثق فيه وممكن يساعدكم تكبروا الشركة اكتر بلاش تاخد قرار وانت متعصب علشان ما تندمش بعدين

ادم

خلاص يا نانسي انا هسافر وهخلص اللي ورايا وهرجع بسرعة يومين تلاته بالكتير وبعدها نقعد سوا ونفكر بهدوء في كل حاجة بعيد عن الضغط والعصبية

نانسي

ماشي يا حبيبي بس خليك حريص على نفسك وطمني عليك اول باول علشان قلبي مش بيستحمل القلق ده

وبعدها مشي ادم 

العربية ماشية بسرعة وسط طريق فاضي وفجأة سمع صوت 

ادم يمسك الدركسيون بالعافية وينزل متوتر يبص على الكاوتش

ادم 

يا نهار ابيض هو ناقصني مصايب كمان دلوقتي الطيارة فاضل عليها وقت قليل ولو اتأخرت اكتر من كده كل حاجة هتبوظ

يطلع موبايله ويحاول يتصل لكن الشبكة ضعيفة

ادم واقف وسط الطريق الفاضي وملامحه كلها غضب

ادم 

حتى الشبكة مش راضية تساعدني انا حاسس ان الدنيا كلها واقفة ضدي النهارده واحده في عربيه جات وهو شاور ليها وركب معاها لحد المطار

ادم يجري وسط الزحمة وهو شايل الشنطة وبيتنفس بصعوبة ويبص على شاشة الرحلات وفجأة يقف مكانه مصدوم

ادم 

لا مستحيل الطيارة قامت ازاي دلوقتي انا كنت لسه هالحقها كل التعب ده راح على الفاضي

يقف ساكت للحظات وعينيه مليانة قهر وبعدين بيرجع الفيلا 

ادم يفتح باب الفيلا بهدوء وهو مرهق وتعبان وفجأة يسمع صوت ضحك خافت جاي من فوق 

يطلع بسرعة ويفتح باب الاوضة

 وكانت الصدمه عاصم على السرير ونانسي قريبة منه بشكل صادم

ادم واقف عند الباب وعينيه مليانة وجع وصدمة وصوته خارج بالعافية

ادم 

انا كنت مغفل للدرجة دي وكنت فاكر ان اقرب الناس ليا هما اكتر ناس بيخافوا عليا

نانسي تفزع وتقوم بسرعة وملامحها كلها خوف

نانسي 

ادم والله الموضوع مش زي ما انت فاهم انت لازم تسمعني قبل ما تحكم علينا بالشكل ده

عاصم يقوم مرتبك ويحاول يقرب منه

عاصم 

والله يا ادم انت فاهم غلط ومفيش بينا اللي جه في بالك احنا كنا بنتكلم بس والدنيا اتفهمت بطريقة غلط

ادم يبصلهم بكسرة وغضب مكتوم وصوته يعلى فجأة

ادم 

مفيش ولا كلمة هتتقال بعد اللي شوفته بعيني خلاص كل حاجة انتهت بينا من اللحظة دي

نانسي 

بجد انا ما ليش اي ذنب في اللي حصل ده عاصم هو اللي عمل كده ارجوك تسامحني 

ادم مسكها من شعرها وقال لها 

ادم 

للاسف مش اقدر اعمل معاكي اي حاجه علشان خاطر انا عايزه اربي ابني انت طالق امشي اطلعي بره 

وبعدها خرجوا من الفيلا باللبس اللي هي كانت لابسه 

        باك 

وفي البيت عند كارم كان قاعد علي السرير وسناء كانت قاعده جنبه بعضها طلع فلوس واديها لها وقال ليها 

كارم 

امسكي يا سناء عايزك تجيبي شويه فحم ومعسل وحاجات تظبطي ياها هنا في البيت علشان خاطر الناس لما تيجي تسهر النهارده 

سناء 

انا مش هعمل الكلام الفارغ اللي انت بتعمله ده كل مره خلاص انا مش قادره اعيش كده 

كارم اتعصب وقال ليها 

كارم 

شكلك كده جننتي يا بنت انت لما تقفي قدامي وتقوليلي الكلام ده 

سناء 

لا خلاص انا بقيت عاقله انا ايه اللي يخليني اني استحمل واحد زيك كده بالاسلوب اللي اللي انت فيه ده 

كارم 

اقولك انا ليه يا حلوه علشان الفلوس اللي ابوكي واخدها مني وكل شهر بياخد مني فلوس قد كده 

وماضي ليا علي وصل امانه 

في اللحظه دي سناء اتصدمت من اللي سمعته وقالت لي 

سناء 

انت اكيد بتهزر ابويا انا خد منك انت فلوس انت كذاب 

كارم 

لا مش كداب ومش هستحمل طريقه كلامك دي كتير انتي سامعه ولا لا يا بت انتي فوقي لنفسك لاحسن افوقك انتي سامعه ولا لا 

وبعدها خرج برا وهي فضلت تعيط وفي الوقت ده ابوها خبط علي الباب وهي فتحت 

سناء 

خير يابا ايه اللي جابك 

الاب اتصدم من كلام بنته لانها عمرها ما اتكلمت معاه بالطريقه اللي هي بتتكلم بيها دي وبعدين قال ليها 

الاب 

ايه الكلام الفارغ اللي انت بتقوليه ده معقوله انت بتقولي ليا انا كده ده انت كنت هتفرحي لما بتشوفيني 

سناء 

الكلام ده كان زمان قبل ما تعمل فيا اللي انت عملته ده حرام عليك والله انك تتجوزني جوازه زي دي علشان خاطر الفلوس اللي انت واخدها منه كمبيالات اللي انت ماضي عليها 

الاب 

هو فيه ايه بالظبط انا مش فاهم حاجه يا سناء 

سناء 

هو انت فاكر ان كارم هيسكت كثير ده انسان حيوان وقالي على كل حاجه قال لي ان انت بعتني علشان خاطر الفلوس 

الاب 

والله يا بنتي انا ما عملتش كده عشان خاطر الفلوس انت ما تعرفيش اي حاجه ولا المصيبه اللي انا متورط فيها وبدأ بعدها يقول ليها اللي حصل 

                فلاش باك

محروس كان واقف قدام ياسين وعينيه مليانه غضب وبيقول له 

محروس 

انا تعبت منك يا ياسين انت كل مره تاكل حقي وتديني الفتافيت وعايزني افضل ساكت طول عمري مع ان الورشه  دي بتاعة ابونا واحنا الاتنين لينا فيها زي بعض وانت من يوم ما ابونا مات وانت واخد كل حاجه ليك وانا بقيت زي الخدام عندك

ياسين ضحك بسخريه وبص له من فوق لتحت وقال له

ياسين 

 بقولك ايه يا محروس بلاش تعيش دور المظلوم ده انت لو كنت راجل كنت عرفت تحافظ على بيتك الاول بدل ما مراتك تسيبك وتهرب وتسيب لك العيال وانت عمال تلف على الناس تشتكي وتعيط

محروس وشه قلب احمر من القهر وقال له اوعى 

محروس 

تجيب سيرة مراتي على لسانك تاني انت سامع ولا لا انا ساكت لك كثير لكن لو فضلت تدوس عليا بالطريقه دي والله ما هرحمك

ياسين قرب منه وقال له وهو بيضحك بسخريه

ياسين 

 امال هتعمل ايه يعني هتقتلني يا محروس انت اصلا ما تعرفش تعمل حاجه غير انت انسان جبان وملكش في اي حاجه

محروس بص حواليه وهو بيترعش من الغضب وفجأه لقى الفازه على الترابيزه فمسكها بسرعه وقال له

محروس 

 انت اللي جبت ده لنفسك يا ياسين 

وبعدها ضربه على دماغه

و جري من المكان وهو مرعوب وفضل يلف في الشوارع لحد ما وصل البيت وكان جسمه كله بيترعش وخايف حد يكون شافه

وفي اللحظه دي سمع خبط على الباب فقام بسرعه وفتح لقى كارم واقف قدامه وبيبص له بنظره غريبه

كارم دخل وقفل الباب وراه وقال له بهدوء مخيف هو

كارم 

 انت فاكر ان اللي حصل ده هيعدي بالساهل يا محروس

محروس اتوتر وقال له 

كارم 

انت بتقول ايه انا مش فاهم حاجه

كارم قرب منه وقال له لا فاهم كويس اوي انت قتلت ياسين وانا عندي الدليل الكامل على كده

محروس رجع لورا بخوف وقال له دليل ايه 

محروس 

انت بتخرف بتقول ايه انا هقتل اخويا انت شكلك كده اتجننت

كارم طلع موبايله وفتح فيديو وقال له

كارم 

 بص كويس اهو انت صوت وصوره وانت بتضربه بالباظه فوق دماغه

محروس اترعب وقعد على الكرسي وهو حاطط ايده على قلبه وقال له

محروس 

 بالله عليك يا كارم امسح الفيديو ده محدش يشوفه انا ضعت لو حد عرف والله العظيم انا ما كان قصدي اعمل فيه كده

كارم ابتسم بخبث وقال له 

كارم متخفش يا حمايا انا مش هبلغ عنك بس كل حاجه وليها تمن

محروس بص له بقلق وقال له

محروس 

 يعني ايه

كارم قعد قدامه وقال له 

كارم 

يعني هتسمع الكلام اللي هقوله بالحرف الواحد وهتجوزني بنتك سناء ومن غير اي اعتراض وكمان

هتمضي ليه على وصل امانه 

وانا همسح الفيديو ده تماما

محروس دموعه نزلت وقال له 

محروس 

حرام عليك سناء بنت غلبانه مالهاش ذنب في اللي احنا فيه

كارم ضحك وقال له

كارم 

 وانا مالي انا عايز مصلحتي يا محروس وانت قدامك حل من اتنين يا بنتك يا السجن والمؤبده

محروس سكت وهو حاسس ان الدنيا ضاقت عليه ومش عارف ينقذ بنته ولا ينقذ نفسه