رواية كان اخي الجزء الثاني الفصل الأول بقلم مجهول
راح ابدي بالقصه بعد زواجنه بسنه تقريبا يعني بعد ماهيثم جاب فجر للبيت
جانت هاي اخر سنه الي بالعداديه بصف سادس والضغوطات تكون اكثر واصعب...حسين جان مخلص موجود بالبيت
هيثم جان بالدوام رجع العصر وفات يسبح كبل
الساعه5عصرا
هيثم:-مللللك ملللللك
:-اييي ايي جايه
رحت على هيثم جان يسبح بالحمام
هيثم:-جيبيلي منشفه
ملك:-هس
جبتها ونطيته اياه..رحت للغرفه باوعت فجر نايم كلت خوش خل ادرس لعد
طلعت الكتب وكمت ادرس فات هيثم للغرفه باسني من ركبتي
:- مشتاكلج موت
اني بالي بس بالدراسه اريد بس اخلص
:-واني هم مشتاكتلك
:-يله لعد خلي نام
:-هااا لا موهس خل اكمل دراسه بعدين
:-شعليه بدراستج داكلج مشتاكلج
:-اووف والله الموضوع دوخني خليني ادرس هس ماريد تفكيري يتخربط خليني مركزة
:-اوووك بسيطه
ماهتميت كملت دراسه الى اليل ضليت ادرس ورى شوي كعد فجر سويتله حليب وخليته بالعربانه يم عمتي ورجعت ادرس لان مابقه شي عالامتحانات وحاليا معطلين العطله مال40يوم قبل الامتحانات
باوعت الساعه صارت7
:-اوووو خلي اكوم اسوي عشه
رحت للمطبخ طلعت بطاطا وطماطا صيحت هبه تجي تعاوني ...جت هبه
:-اكلج هبه بس كشري البطاطا واني اكلي
:-تمام
كمنه نسوي عالسريع اني وهبه فات هيثم:-هااا وين العشه
ملك:-بس شوي ويصير
:-يله ترى جوعان
:-يخسى الجوع حياتي بس شوي ويصير
هيثم:-بس اني هم جوعان..وتعرفين شنو جوعان
عرفت شيقصد
:-هااا اي عوود
:-يله استعجلن
:- هس
خلصنه العشه وصبينه وكعدنه نتعشه
هبه:-اووف شكد ضوجه
ملك:-ليش
هبه:-مادري احس كأبه فوول واريد اطلع شوي اغير جو
ملك:-اي والله يرادلنه طلعه ضوجه...هيثم امشي طلعنه ورى العشه
هيثم:-وين تريدن تروحن
ملك:-خلي نروح للمدينه مال العاب هم فجر يتونس
هبه:-اي والله خوش فكره
هيثم:-طريقها طويل لازم هس نطلع يادوب نصل
هبه:-عاادي عادي هس عالسريع نبدل ونطلع
هيثم:-يله خلصن عالسريع
سميه:-اني مااجي
هيثم:-ليش
سميه:- ابوك هس يجي خما يضل وحدو روحو انتو
هيثم:- هذا الصوج اهاا ابوي تايجي..يريدون يضلون وحدهم
سميه:- اي ليش بيها شي
هيثم:-لايوم مابيها شي اخذو راحتكم
كمنه ركض بدلنه عالسريع ولبست فجر ملابس جديدة وطلعنه ..حيل تونسنه بالطريق وصلنه المدينه وفتنه داخلها بعد مااخذنا بطاقات للدخول..بقينه نفتر بيها باوعت للالعاب شفت لعبه كلش خطرة وحماسيه ردت اصعد بيها
ملك:-هيثم خلي فجر يمك اروح اصعد بهاي اللعبه
هيثم:-وين تصعدين بيها ترى تخوف وادري بيج موكدها
ملك:-لعد امشي اصعد وياي.
هيثم:-خما جاهل تااصعد بيها
ملك:-واذا شو كل الرياجيل صاعدين عادي يله عفيه حبيبي امشي اصعد وياي وخلي فجر يم هبه
اقتنع وخله فجر يم هبه ورحنه صعدنه بيها...طبعا اول ماتحركت كامت تصعد لي فوك اني جلبت بهيثم وغمضت عيوني قووي
هيثم:-عيني بعد ماشتغلت وهيح معد تكدرين
كامت تصعد لي فوك وتفتر قوي متت وكمت اصيح بعلو صوتي وهيثم يضحك عليه..ماصدكت على الله خلصت اللعبه نزلت دايخه واسي يوجعني
هيثم:-هااا ارتحتي
ملك:-عذذة دوختني
هيثم:-موكتلج ماتحملين اعرفج..
هبه:-ملك اخذي فجر دروح اصعد اني هم
اخذت فجر ورحنه نتمشى اني وهيثم اشترينه عصير وموطه وكعدنه على مقاعد..بقينه اكثر من نص ساعه ماعدين
هيثم:-لعد وين هبه
ملك:-مادري .يجوز صاعدة بالالعاب
هيثم:-الوكت تأخر والطريق طويل لازم نروح...اروح اشوف وينها
راح هيثم يدور الها ورجع كال ماشفتها
رحت اني هم ادور ماكو بقينه نباوع بكل مكان ناشفناها ..ورى مدري شكد اجت تمشي
هيثم:- هااي وين جنتي صار ساعه ندورلج
هبه:هاا رحت للتواليت
هيثم:- تواليت اله شنو هذا يله امشن دنروح ماضل وكت
رجعنه بس جنه حيل تعبانين واني ميته من النعاس حتى غفيت بالسيارة وفجر نايم بحضني بس اريد اصل فراشي..وصلنه كبل فتت للغرفه بدلت لبست برمودة وتيشرت وطفيت الضو وتدمددت..فات هيثم وهو هم بدل وتمدد خله ايده على كتفي
هيثم:-هاا تنامين
احجي بالكوة اني:-ايي نايمه
هيثم:-هاا بس اني مااريد انام يله اكعدي مشتاكلج
ملك:-والقران فاقدة خليني نايمه
هيثم:-وتالي وياج انتي شون يعني كل مااكلج مشتلكلج تطلعيلي حجه لو ادرس لو تعبانه
بقيت ساكته مارديت اخذتني النومه...كعدت الصبح باوعت هيثم ديلاعب فجر اثنينهم كاعدين فديتهم يخبلون
ملك:-صباح الخير
هيثم:- صباحوو....ولو ماعليج صباح
ملك:-هههه ليش
هيثم:-تعرفين ليش...بسيطه اخذها منج مربع همين
ملك:-ههههههه
هيثم:-يله كومي سوي ريوك جوعان
ملك:-شكد الساعه
هيثم:-8ونص
كمت من فراشي ولبست تراك ورحت للمطبخ سويت ريوك..تريكنه وخلصنه كمت اعزل البيت وانضفه جان تجي هبه عليه
هبه:-وين موبايلج
ملك:-بالجرار
راحت اخذته واني ضليت اشتغل للضهر لكيت عمتي مسويه الغدة..صبيت الغدة وتغدينه..ركمت شلت الغدة ووديته للمطبخ .طبعا الحمام صاير يم المطبخ..سمعت صوت هبه دتحجي بالحمام بس صوتها ناصي استغربت شوي بس ماهتميت.رحت سويت جاي وصبيت للكل
رحت بغرفتي كلت انام شويه والعصر اكعد ادرس باوعا موبايلي ماكو تذكرت خليته يم هبه رحت عليها
اخذت الموبايل وكمت اكلب بي.جان تجي رساله من رقم مجهول مكتوب بيها(اوك بعدين اخابرج)
تفاجئت حيل من شفت الرساله وكبل عرفت الشغله تخص هبه لان الموبايل جان يمها رحت عليها شوفتها الرساله
ملك:-هذا منوو
حسيت وجها نكلب وصار اصفر
هبه:-هااا ماعرف
ملك: لتجذبين داكلج هذا منووو وهاي الرساله اجت من عندة بعد مااخذت الموبايل منج...احجي لاتخافين
هبه:-.......راح احجيلج
ملك:-يله احجي.اسمعج
هبه:-هذا تعرفت علي البارحه وكت جنه بالمدينه ..ضل كل الوقت يباوعلي.حاول يحجي وياي بالبدايه بس مقبلت بعدين ضل يتوسل بيه وكالي اني افكر ازوج وارتبط مادور غير سوالف حسيته صادق بكلامه ذب الرقم يمي وراح بعدين اخذت الرقم اني
ملك:-ولج شكد غشيمه انتي كبل صدكتي موو ..هم هيج يكولون حتى يصدكنهم البنات ديري بالج تخابري بعد
هبه:-لا والله هو يختلف
ملك:-شون عرفتي يختلف بله
هبه:-لام من حجيت اليوم وياه كالي اريد اجي اخطبج وراد العنوان هم
ملك:- والله ماعرف شكلج...لاتخابري بعد وديري بالج لاهيثم يعرف
هبه:-لا يماا كلشي ولاهيثم يعرف عفيه لتكوليله
ملك:-لامستحيل اكله...بس مثل ماكتلج لاتخابري ابد
هبه:-بس هو يريد يخطبني ومبين خوش ولد
ملك:-ماعرف اني بهيج ناس مادري ماعندي ثقه يبقى شخص غريب ..باوعتله عيونها مدمعات
:-ولج شبسااع انعجبتي بي وعيونج مدمعات
هبه:-مدري كلبي ارتاحلو حيل وحسيت خوش ولد...
سمعت هيثم يصيحني
ملك:- عوفي الموضوع هس ....اروح اني
رحت للغرفه
هيثم:-ها حياتي وينج وين رحتي
ملك:-هيج جنت ويه هبه
هيثم:-يله عاد تعاي يمي
ملك:-اي جيت .رحت تمددت يمو ونمنا
كعدنه العصر اني كمت ادرس وهيثم طلع برة وفجر عند هبه...مثل كل يوم صارت دنيا مغرب ورحت اسوي عشه
جان يفوت هيثم للمطبخ
هيثم:-هذا رقم دك عليج من جاوبته فصل
ملك:-هااا والله ماعرفه مدري....عرفت هذا رقم الولد الي تحجي وياه هبه لان نهايته50
ماهتم هيثم للموضوع....واني رحت على هبه كتلها لاتخابري الولد من موبايلي لان هييثم شاف اتصال من الولد ومااريد تجيني مشكله ..كالت هذا هو بعد ماخابره
مرر كم يوم وجانت هبه مرات تاخذ الموبايل مني بس ماجنت اعرف اذا هي دتتواصل وياه لو لا ..جانت الدنيا ليل والساعه 11.اني وهيثم وعمتي كاعدين بالغرفه مال الخطارر
هيثم:-هبه وينها شو ماموجودة
ملك:-مادري....باوعت موبايلي مو عالشحن كبل رحت عالسريع للغرفه مالكيته..دورتله ماكو صعدت عالسطح جان اسمعها تخابر
ملك:-سدي ولج سدي هيثم يدورلج
ارتبكت حيل وسدتو
باوعنه هيثم ورانا...جان يدك الموبايل وهو بيد هبه......
