رواية الإرهابي وذات النقاب الجزء الثاني الفصل العشرون بقلم ام غايب
شاهين .. اول مره اشوفك تنطي بيهه
خضر .. باوعت علي لان متتخيل شلون انجرحت منهه وانصدمت ممنطي بيهه ولا انطي حتى اذا تطلكنه
شاهين .. ناوي تطلكهه
خضر .. باوعت علي ، شتتوقع نكدر نعيش بعد سوه ميمونه محبتني شاهين انت الوحيد التعرف تزوجت حذيفه وانت الوحيد التعرف شكالتلي بيومهه كالتلي احبه صار كم مره تجرحني ميمونه مختنك ،مختنك شاهين
شاهين .. والطفل الي ببطنهه خضر
خضر .. غمضت عيني جنت متمدد على القنفه ومجتف ايدي ومغطي جتفي بالقمصله لزمت موبايلي بعد ما طلع شاهين رحت الدردشتنا ردت اشوفهه متصل او لا ملكيت عدهه اتصال بالانترنت اتصلت عليه زهراء مجاوبتهه دزتلي رساله
زهراء .. باجر راح ارجع البيتنا واني كلشي ممفتهمه منك
شفتهه من البرده ومدخلتلهه طفيت الشبكه ورجعت غمضت عيني
شاهين .. نمت ولك
خضر .. وين يمعود جروحي شينومهن
شاهين .. الحب يذل البشر هنيال الي ميعد بي
خضر .. باوعتله لزم موبايله وطلع اغنيه بس موسيقى جانت بدايتهه احس سامعهه خل الموبايل على الطبله وطلع من الاستقبال جاب نركيله واجه باوعت علي كتله دامك صاير تسمع اغاني دوره على ياس خضر لو سعد الكعده يردلهه اغانيهم
شاهين .. محمد عبد الجبار مناقص اسمع اسمع بروح ابوك هاي خوب على الجرح
خضر .. على الجرح والله ماكو شي يوصف جرحي
تانيتكم
تانيتكم
شمعه اشتعل والريح عالي وجيتكم ،تانيتكم
شجره وكتلهه العطش وين وين ابيتكم
ع الباب اتاني شكثر ،عالباب اتاني شكثر
عودوا علي عودوا ياغياب
خضر .. رحت كعدت بصفه واخذت منه النركيله اشرب واردد ويه الاغنيه هيجت مواجع كلبي الي هنه بالاصل هيجات
خلصت هاي الاغنيه طلعت وراهه اغنيه ثانيه ل محمد عبد مسامعهه اول مره ساعتهه اسمعهه
مو مهم تكولي احبك ،المهم تثبتلي حبك !!
المشاعر مو كلام ، الفعل اصل الغرام
خضر .. اي والله الفعل اصل الغرام خوش خوش ميمونه ثبتيلي
شاهين .. اندمج ولتدوخنه
خضر .. موجوع شاهين
اثبتلي ماتتخلى عني
خضر .. اي خوش اثبات ثبتتلي
شاهين .. نعلت ام الاغنيه ادري اسمعك اسمعهه للاغنيه
مو مهم تكلي احبك
شاهين .. اتسمع منهه اكيد اكو اسباب ميمونه تحبك شفت الخوف عليك بعيونهه اكثر من مره
خضر .. وين حبهه ياشاهين وينه فهمني بالاوقات الي احتاجهه ماكو
اليحب لتكول ينسى لا تتعبني واتعبك !!
مو مهم تكلي احبك
خضر .. صوته حلو اول مره اندمج هيج باغنيه الغير سعد وياس خضر
شاهين .. احسهن من اسمعلهن بيدي بطل بيره حتى اذا ملازم بطل احس اكو بطل بالموضوع الله يبعدنه
خضر .. فلك الي تحبهه مو
باوعلي شاهين ، لا طبعاً شنو فلك
خضر .. ليش ارتبكت وروح ابوك مو فلك دير بالك هيه واختهه بس يجرحن بالكلوب انانيات
شاهين .. هيج الهاي الدرجه قافل على ميمونه
خضر .. ماعندي حظ بالحب واني اريده ومحتاجه
شاهين .. ماكو احد ممحتاج الحب ،
خضر .. هو شنو الحب غير بس وجع من حببتهه البت عمك سوت روحهه تموت عليه وتموت علمودي تالي موتتني والثانيه ميمونه مو مره وحده موتتني الف مره
شاهين .. بعدك تحب ابتهال
خضر .. تصدك اذا كتك ماحبيت احد بحياتي بكد ماحبيت ام تك وتك تعرف شحس هسه
شاهين .. شتحس
اشرت على كلبي ميوصله نفس ويحن اللهه تعرف شتمنه اتمنى هسه تدك الباب تجي تصدك اذا اكلك كبل احضنهه
شاهين .. روحلهه
خضر .. لا شروحلهه شسوي اروحلهه واعرف متحبني كرامتي
شاهين .. شلون تجيك
خضر .. تكدر تتصل تدز رساله
..................................
ميمونه .. كاعده على نفس كعدتي الدنيا بارده ارجف من البرد بس مقهوره ومخنوكه ومكاعد استوعب وافكر ب خضر هسه شكاعد يسوي وكل شويه ادخل الفايبر الكا متصل وكلبي يوجعني بالزايد كل شويه فلك وخاله يجوني يكلولي والكلهم عوفوني اتردد ارسل اله رساله اريد اكله وافهمه هو السبب بغموضه توني فتحت دردشتنا كعد بصفي قاسم
قاسم .. انتَ مخبله مو حامل اكو وحده تكعد هاي الكعده وهيه حامل صار اكثر من ساعه
ميمونه .. محد يفهمني وفلك كاعد تشتت عقلي
قاسم .. فلك حقهه بس رغم مااعرفه ال خضر بس احسه زلمه معدل هو وولد عمه ميسويهه وبعدين فلك حلوه توني جنت اكلهه لا امي بسببج راحت للانبار وخلتني كدام الامر الواقع عبالهه بهيج انسه توته خلت فلك يم الغرب وهيه ارمله والله حتى استحيت من روحي
ميمونه .. خاله تخاف عليك قاسم انتَ وحيدهه حقهه
قاسم .. شتخاف عليه لو تخاف عليه جان حاولت ويه عمتي قنعتهه ميمونه .. عمتك متريد
قاسم .. ناقصني شي
ميمونه .. عمتك تريد فلوس
قاسم .. توته الي مو الغيري لو اعرف اسويهه كاتل ومكتول
ميمونه .. لو تحبك توته جان وكفت بوجه امهه
قاسم .. تخاف
ميمونه .. متحبك لعد
قاسم .. مااعوفهه سنين واني اتخايل تصير بحضني يعني طفل يكبر على حب وحده دخلت كلبه وكبرت ويا تاليهه تروح لحضن غيري لتقنعوني توته متحبني تحبني وراح اخذهه
تدخلت فلك فجأه من باب الهول سمعتنهه
فلك .. وامك ماتفكر بيهه صار ساعه تبجي وخايفه عليك بطل خبال قاسم حب حب ياحب هذا اكو شغلات اهم من الحب اكو امك الي كعدت تضحي علمود تكبرك الي خايفه عليك توهه تحجي وتبجي عمامك هناك شسوو بيهه
قاسم .. هيه امي راحت الهم احنه كاعدين هنا
فلك .. ليش راحت ليش غير انتَ يوميه هداد البيت عمتك افهم متحبك البنيه اصلاً امك تكول فرحانه ووجهه شعرضه صاير هاي مال وحده تحب واحد بابا استسلمو وافهمو الفقير ينداس كون روحك سوي روحك واخذ الي تفديك بروحك
قاسم .. والله وروح ابويه اكتلهم اثنينهم ولا اخليهه تنام بحضنه
فلك .. مخبل امداك اي والله هسه ياريت تستاهل
قاسم .. لاتغلطين
فلك .. اغلط امنعك ماعندنه بالدنيا غير خاله وانت تريد تموتهه علمود الست توته
قاسم .. يووو دروحي حتى كرهت البيت كافي عليه امي يوميه تنكنك
ميمونه .. طلع قاسم عصبي باوعت على فلك كتلهه خضر مستحيل يتلاعب بعرضج
فلك .. منو باعج وطلكج علمود يدلو على كتال اهله مو انتي بوقتهه كتيلي
ميمونه .. كافي فدوه كافي كل ما وغمضت حيل وخليت ايدي على بطني
فلك .. كلما اقتنع انتِ تثبتيلي اقتناعي غلط مو هذا الي ردتي تكولي كافي ميمونه خلينه نصير ايد بايد شرفي شرفج شرف ابونا الرجال الطيب الي ميستاهل طول عمرنا ايد وحده انسي خضر وخلينا نرجع من جديد نسند نفسنا ونصير وحده ظهر للثانيه الدنيا غايه والبقاء للاقوى شرفنا هسه كاعدين يركصون علي لان ماعدنا احد ميهابون احد لا عدنا عم ولا خال ولا اي احد حتى فجر بنتنه نست ابونا وامنا الربوهه صار سنين حتى ماحاولت تسال علينه
ميمونه .. فجر اصلاً حتى نسيتهه بعدج تتذكريهه
فلك .. مااعرف ليش اليوم هيه على بالي
ميمونه .. ولا تجي حتى على بالي ولا يحن كلبي عليهه حرامات ابويه ربهه ماتو امي وابويه وهيه ولا الهه اثر
فلك .. غير سافرت
ميمونه .. هو كل واحد يسافر ينسه اهله
فلك .. هسه لو اعرف بيا دوله اخذج واروحلهه
ميمونه .. لو يبقه اخر يوم بعمري ما اسافر
فلك .. علمود خضر
ميمونه .. اي علموده ارتاحي علموده احبه ومااكدر بدونه وهسه لو مااخاف منه لو بس مبادر بشغله تحسنني يتقبلني ارجع تندمت لان طلعت عفته تندمت لان خذلته جان مفروض اتاكد يالله احجي وياه واخذ موقف ام خالد هسه صفكتلهه وراح تقنعه الي بباله صحيح
فلك .. واني الهاي الدرجه مو مهمه رجلج هو الموبايل يمه خالد ابن عمه خضر باعج الج مره مايبيع اختج
ميمونه .. كافي مااريد اسمع هاي هسه اني وين مو بعيده عنه شكو بعد لا تخافين خضر كلي انتهيت بالنسبه اله واني اكلج انتهيت لان لو ممنتهيه من حياة خضر جان هسه هو بالباب يهجمه فوك راسي ويرجعني بس اني خذلته هواي موكفت ويا بأهم وقت اثبات للحب اني خذلته وهو ثبت حبه الي باع كلشي علمودي حتى
تبرعلي بجزء من صحته فلك اذا اني هنا واذا خذلت خضر علمودج انتي ماشي فخلص فدوه عوفيني لان راح اموت مگاعد اتحمل كل هذا الضغط افهموني وفكروا بيه فكروا اني بأصعب اختيار انتي وخضر الاثنين روحي من الدنيا تعرفين يعني شنو روحي من الدنيا
فلك.. مجنت اعرف اني وخضر بنفس الكفه
ميمونه.. لو زوجج عايش راح تتخلين عنه علمودي
فلك.. اي
ميمونه.. مسحت دمعتي وگتلهه جذابه تتذكرين لو ناسيه
اذا تنسين فأني ماانسه تعرفون شنو مشكلتج انتي وخضر خاليني بوجهه المدفع انتي تلومين بيه وهو يلوم بيه انتو يحقلكم تاخذون موقف وتزعلون واطلع اني الغلطانه بس اني لا ميحقلي
خضر متألم لان خذلته ونسه هو كم مره خذلني وانتي نسيتي الي بيوم اجيتج حافيه وقذره هاي بالوقت الي حتى خضر خذلني... مسحت دموعي
تتذكرين من گلتيلي روحي مااريد اخرب حياتي
فلك.. جنتي مهزومه وجايبه النا العار
ميمونه.. وانتي هسة هم موضوع شرف واني طلعت وراج لان مگدرت اعوفج تعرفين خفت خفت ابقه وخضر يخذلني واخسرج وخفت اطلع وهم اطلع ضالمه خضر واخسره وبالنهايه فضلت اختي رغم انتي هم عندج كومه اغلاط فعوفيني عوفيني ابجي واحزن على روحي الخسرتها
روحي تعرفين منو خضر، خضر هو روحي مختنگه اني هسة عوفيني ابجي مااكل عوفيني بحالي
فلك.. امداج مو صوجج صوجي اني الخايفه عليج گتلج من البدايه هو غلط ليش برائيج لان مااريج تتأذين مااريد الدنيا تلطش بيج رجلج عنده ثأر الي هو اهله مريض نفسي بين قوسين مراح يرتاح اذا مياخذ ثاره دتشوفين حياتهم كلهه اسلحه ومشاكل شتتوقعين الي مثله ومتربي بهيج حياة راح يعوف ثاره
ميمونه.. من يشوف طفله من يحس بالأبوه راح ينسى ويعيش علمودهم
فلك.. متوهمه الي مثل خضر الي ضربج طلقتين مستعد كلشي يسوي وميأثر عليه طفل ولا حبيبه راح تخسرين ميمونه طلعي من گلبج مو مناسب الج اني قررت ادور على خاله فجر هيا هم مسؤوله علينه إجباري رباية امي وابويه وتعبهم واجب عليهه تلمنه هيا اني متأكده هسة هيا عدهه امكانيه
ام قاسم.. مبردتن انتن وهذا المخبل وين
فلك.. درت عليهه عيونهه حمر و وجهه منفوخ خاله شبي وجهج باوعت شفتهه شويه معووجه
ميمونه.. خاله شتحسين
ام قاسم.. شحس شبيجن يمه خوفتني
فلك.. دخلي خالة ميمونه خلي اروح اجيبلهه عصير برتقال واجي... خاله يمكن ضغطج
ام قاسم.. تعالي يمه الدنيا ليل والمنطقة تخوف مو مال تطلعين كلشي... هاي لان قاسم ضوجني راسي يوجعني
ميمونه.. اتصلي قاسم خلي يجيب وياه لتطلعين يمعوده الدنيا تخوف
فلك.. ماعولتهم يدخلون مجنت اريد اطلع ماجنت اريد اطلع بس اريدهم يدخلون واخابر قاسم وضع خالة ميطمن اتصلت عليه بسرعه اجه جان قريب بالمنطقة أول مدخل
قاسم.. شبيها امي وينها
فلك.. مااعرف ضغطها مرتفع هيا مابيها شي بس اني ماارتاحيت لوضعها
دخل قاسم جانت گاعده وماده رجليهه هيا قصيره وسمينه دخل عليها قاسم
قاسم..يمه شتحسن
ام قاسم.. محروگ گلبي من يمك ولي ولي
گوم مااريد اشوفك
ميمونه.. ابتسمت من جر ايدهه وهيا تگله وخر قاسم موتتني
قاسم.. يمه احبها اكلج احبهه ليش متفهميني
ام قاسم.. حبتك حيه ان شاء الله ولي من يمي
فلك.. جبتك تشوفلنه ضغطها تنزله مو ترفعه
ام قاسم.. هو موتي على ايده هذا
فلك.. اخذناهه للمضمد كال ودوهه للمستشفى وهمزين رحنه لو متأخرين جان صارت بيها جلطه
___________________________
رزان..اجاني بابا گلي جهزي روحج لبسي شي اليوم عقد قران انتي والسافل
من يومهه ميحجي وياي ولا يباوع عليه ساعات احس عليه باليل من يجي للغرفه يفتح الباب شويه ويروح وامي هم زعلت مني احس انهار يوميه لان همه بعيدين عني
والصدمه جانت احمد راح يعقد عليه شگد كارهته وكارهه اليوم الي حبيته بي شلون گدرت انطي روحي اله
جهزت روحي وامي تبجي وتباوعلي من بعيد متقبل تحجي وياي
الأفضل اتزوجه ولو لو بيدي مااتزوجه بس الاختيار مو الي بعد الي سويته بابا تعبان بسببي حيل مااعرف التفاصيل كلشي مااعرف بقيت كاعده بغرفتي وخايفه شلون راح اعيش ويا هذا الانسان الي دمرني
دخلت عليه امي
ام رزان .. ارتاحيتي هسه عاجبج وضعج راح تتزوجين بطريقه ارخيصه رخصتي روحج ورخصتي فواز الي خارب الدنيا كلهه علمود تبقين بحضنه مااعتبج لان احنا ربيناج بس مقهوره عليج ردت اشوفج ببدلة العرس وافتخر بيج صح انتِ مو بت بطني بس انتِ روحي من الدنيا ليش هيج يمه رزان ليش ولج
بجيت والله ماادري شكلج ماما لو شحجي مااكدر اوفيلكم حقكم والله اتمنى اموت روحي ولا اشوفكم بهذا الوضع بسببي
ام رزان .. ولج وضعنا وتعبنا ليش علمودج انتِ حياتج اندمرت لج ابوج اجه منتهي واحد مثل هذا الحيوان الي منين حبتيه مااعرف لج تحده ابوج وعرف يلزمه من الايد التوجعه يكله تنفذلي الاريده لو انشر بنتك ليش خليتي ابوج ونفسج بهاي الزاويه
رزان .. احمد هيج كال خليت ايدي على كلبي اختنكت
ام رزان .. شعبالج لعد شعبالج من رخصتي روحج اله يركضلج بدون ميزل اوج ويزلج
رزان .. بجيت خنكه كاتمه صوت بجيتي احس توجعت اكثر حقير ،حقير الله لا ينطيك
ام رزان .. صوتج نصي ليسمعج ابوج اجه اعصاب من يمه
رزان .. وينه وينه الحقير هو الله لا ينطي كعدت ابجي على الجربايه بعد ماطلعت امي شكد اتمنى اصرخ بس مااكدر بيدي جانت كانونه لان عايشه على المغذي من ذاك اليوم الهذا اليوم ضايعه ميته منمت الليل كله واني ممصدكه شكد جنت مخدوعه بيه الحد هاي اللحظه ممصدكه شلون البشر يصير حيوان هيج شلون يكدر يعيش بدون ضمير كل مااحس نفسي محتاجه اصرخ اخلي المخده على حلكي وابجي
...........................
خضر .. الليل كله مكدرت انامه ممصدك هاي ميمونه شلون جنت اشوفهه بعيوني تختلف
كعدت شاهين وعزوز الي اجه متاخر كلش ونام كبل كل واحد اخذ قنفه وعزوز بالكاع حاضن الصوبه
خضر .. يلله لازم نروح
عزوز .. وين
خضر/مو كنالك قبل لتنام ال فواز اريد اعرف تاليتهه ويا وشيريد من حمصه
كام شاهين ووخر البطانيه
شاهين-ليش تحجي وكأنما متعرف الي يريده والسبب شنو لو اله تحجيني مو خلي بكلبي المستور
عزوز-واضحه وضوح الشمس الي يريده فلك عاجبته وحمصه موغف على كلبه امدا ضيع روحه علمود وحده
خضر-دنكت علي وخنكته
هيووووو حدك شنو وحده مااسمحلك عزوز
اجه علينه شاهين سحبني من عزوز
شاهين-عفيه عفيه تعاركو وتكاتلوا
عزوز-خضر انت متعرفهه شنو شاهين الكبالك تخارب ويه حمصه
شاهين-هييييييي تنجب وتاكل نعل حرف واحد اذا حجيت اموتك هسه والله
خضر-شاهين شضام عليه احجي لك عزوز لا فلشك هسه احجووولي
لتخبلوني
عزوز-شايف من جان ابنهه ماكو كضتهه محاضن ويه .حمصه ومو بس هيج ذاك اليوم شفتهه دخلت البيت ويا وراهه طلعت وطبكة علي سياره واخذوووو
شاهين -يعني فلك التقت بحمصه ...
