رواية حرم الاسود الفصل العشرون بقلم بتول ابو الليل
لازم يصير العكس ويضيع تعبي علمتني الدنيا من أرتاح أحط ايدي على گلبي .
لـ حيدر حطاب "
.➛ ✿✿ ✿✿ ✿✿ ✿✿ ➛.
مانحس غير صاار اطلاق نااار قوي علينه تفلش الجام صرخت بصوت عالي وخليت ايدي علئ وجهي
_تيموووووور
بسرعه تيمور داس دكمه للكرسي خلاه نزل مثل الي تمددت وشغل سياره وفرها وساق
اني بس اصرخ الطلق مستمر علينه من ڪل مڪان ساق تيمور بأقسئ سرعه مد ايده علئ جيب الباب مال السياره طلع منه مسدس
فتحت عيوني مصدومه هذا منين طلع مسدس وشديصير يااربي راح اتخبل منو هل ناس
_شتسوووي شنوو هذاااا منوو ديرمي علينه فهمنييي تيموور منوو هذووول شديصيررر
تيمور : لاتشيلين راااسج ابددد مفهووم خليج مدنكه ابد لاتتحركين اني وياج ماخلي بشر يوصلج اذبحهم واحد واحد وعيونج
رجف كل جسمي من الخوف ماعرفت شنوو يقصد ومنين يريد يحميني وليش يقتلوني شمسويه اني؟
طلع راسه من الجام وصاار يرمي عليهم سيارتين متابعاتنه وترمي علينه طلق اباوع علئ المرايه الي تعكس يطلعون روسهم من الجام ويرمون علئ تيمور وهوه هم يرمي الي يشوفنه يكول فلم اكشن قربو علينه حيل
وصارو يعكسون علئ السياره ويطخون بيها خليت ايدي علئ اذاني واني اصرخ بصوت عالي ..
_ياالله دخيييلك خلصني ياااربي دخيييلك
رجع دخل راسه وهوه يتنفس بغضب ضرب الستيرن بقوه مسح وجهه عركان
تيمور : والله لحرڪهم حررك اعلمكم.
باوعلي بنظرات تخوف اني بس ابجي ماعرف شسوي بروحي شنوو هل ورطه الوڪعت بيها سحب نفس قوي و فر السياره ماعرف شلوون ماسوينه حادث السياره تمشي علئ اقسئ سرعتها ويفر بيها يمين ويسار
فر السياره عكسهم وضرب وحده من السيارات حييل ونركعت بالتيل خليت ايدي علئ حلكي واني ابجي.
_شسوووويت يااربي احنه مجرمين دخيلك ياربي.
حجيت هل كلام واحس روحي راحت مني من الخوف والرعب هبطت كلش غمضت عيوني وفقدت.
مادري شصاار ماصار بعد الوضع الي صرت بيه حبل صعب ويخوف بشكل موو طبيعي عمري كله ماوصلت لهل مرحله.
شهكت من حسيت مي ينرش علئ وجهي بارد ثلج
فتحت عيووني بتعب شفت نفسي بغرفة تيمور وهوه كاعد يمي يحاول يصحيني
كمزت خايفه وارجف جسمي احسه مثل السعفه اباوع حواليه بغرفة تيمور شلون وصلت للبيت ؟
شديصير يالله راح اتخبل والله شصاار منوو جان لاحكنه ومنوو ضرب سيارته ونكلب دخيلك ربي فجأه كال تيمور
تيمور : شلون صرتي خوفتيني عليج عبالي صوبوج
درت وجهي اباوعله بغضب ايده جانت كلهاا دم وجهه مشخط ومبين متعارك وياهم
_شصاار وين اني منوو مات ليش صاار هيج احجيلي تيمووور راااح اتخبل راااح امووت من وراااك فهمنيي،منوو هذوول ليشش لحكونه وليش هيج سوو بينه عندك اعداء احجيلي احجييييي منوو يريد يموتني انيي شمسووويه
تيمور : لاتخافين منهم ميسوون شيء بعد ولاراح اسمح لبشر يوصل لشعره من راسج
_منوو همه وشنوو يردون من عندي ليش يريدون يقتلونه
تيمور ; اعداء الي ويعرفونج مرتي يحاولون يأذونج حته يضروني ليش گتلج ابقي وياي لأن اعرف راح هيج يصير من ليوم لاطلعين اذا مو ويايه لأن حياتج بخطر
_يالله دخيلك راح اتخبل انتَ شنوو شغلك فهمني مستحيل اصدكك انتَ خالي اكوو سر خطير ضامه عنييي لازم تحجي الي هسه وألا والله انتحر كدااام عيوونك والله انتحر مليييت منك تعبببت يالله تعبببت شورطني انيي شورطني وياااك
بقيت اصرخ وابجي انهاريت بكل معنه الكلمه اريد افهم شي من حياتي كلشي غامض ومجاي استوعب شي من الي ديصير وياي
سحبني علئ حضنه يحاول يهديني دفعته بقوه وكمت علئ حيلي واني اشهك
_لاتلمسنيييي وخررر عنييي انتَ مجرررم مجررررم شفتك بعيني شلوون خليت السياره انكلبت انتَ قاااتل وحششش الله ياااخذك انيي شمسووويه بحياااتي وابتلي بهيج زووواج.
تيمور : جانو ناوين يقتلونج ترديني اتفرج واسلمج الهم بكل بساطه ؟؟
_لوو ما انتَ دخلت بحياتي مجان احد ضرني بشي انتَ السبب بكلشي عوووفني بحااالي حررام عليك حررام ليش هييج تسوي بيه اني بشنوو مأذيتك راح اموت من وراك
تيمور ; حته لوو ماداخل حياتج جانو راح يأذونج لأن اخوج واحد منه وبينه
_شنوو اخوي انتَ بس احجيلي شنوو الموضوع شنوو الشغل البينكم وليشش اني يأذوني شنوو ذنبي فهمني تيموور انتَ موو ع اساس تخاف عليه وتحبني ليش ماتحجيلي خليني استوعب شيء والله راح اتخبل عقل ماضل براسي.
كام من مكانه واجه نحوي لزم وجهي بين اديه باس راسي ودنك راسه يباوع داخل عيوني
تيمور : ماريد اخسرج اريانا هذا الشي الي مخليني اضم عليج اخاف عليج واحبج وماريد اعوفج كلشي مخربط ادري واني خليت الامور تتعقد اكثرر بس شسوي بعد گلبي حيييل رادج وماكدر روحي ماكدر اسيطر علئ هاي المشاعر اول مره احس بحساس غريب وياج رغم رفضج الي هوواي احبج اكثرر مما تصورين والله اذا فهمتج الموضوع راح تركيني ماتبقين وياي.
نزلت دموعي بصمت احس روحي راح تطلع مني يالله دخيلك شديصير بحياتي ضمني لصدره يبوس براسي
تيمور : احبج ياروح تيمور انتِ لاتبچين اني وياج والله ماعوفج ولا اسمح لأي شخص يأذيج ثقي بيه
_اكرهك الله ياخذك الله لايوفقك انشالله تموت ورتاح منك شكد حقيرر انتَ
تيمور : هههه ميخالف انشالله اموت ولاشوفج تتأذين بيوم
_مسوي روحك ميت عليه واحد مخادع وجذااب اكبر سرسري هوه انتَ عبالك اني غبيه وتخدعني بهذا اسلوبك غلطان اعرفك واعرف خبثك وانانيتك
تيمور : اشش لسانج هيي ترا ابتره الج الزمي حدج واحجي عدل وياي شنوو هل اسلوب الطايح حضه.
ابتعدت عنه واني اباوعله بغضب ابتسم وهوه يباوعلي فجأه غمض عيونه وباوع الايده صارت تنزف دم بلعت ريكي بخوف واني اباوعلها.
_لـ ءء ليـ ش ايدك تنزف شصار بيها
تيمور : تأذيت من الجام شلتج وجان اكوو كزاز وتأذيت
_خليني اشوفها بلا
تيمور : تمام
نزع قميصه طلعت عضلاته بارزه وجسمه رياضي داك وشم علئ معصم ايده علئ طول الايد وشم كتابه ممفهومه وخطوط بالتاتو.
_وين مخلي المعقم والعلاجات
تيمور : اكو بهذيج الجراره علاجات ومعقم وشاش جيبيهن
رحت للجراره طلعت منهاا علبة الادويه كعدت يمه علئ السرير فتحت قنينه المعقم خليت مسحت الدم بالقطن وبعدين عقمته بديت الف بالشاش علئ ايده
هوه عيونه مركزه بوجهي مبتسم مكيف بالوضعيه.
مشيت ايدي علئ ايده اتلمس الوشم واني صافنه وين شايفه هيج وشم اني احس نفسي شايفه هل شيء بانسان ثاني بس منوو مجاي اتذكر
سحبني من خصري عليه خليت ايدي علئ صدره رفعت راسي اباوع لعيونه صافنه والف سؤال براسي.
تيمور : ذايب بيج اريانا اريد اخليج باطن عيوني صدكي لوو اخسر حياتي مايهمني المهم احميج
_الوشم شايفته؟
تيمور : هههه اي اخوج مسوي مثله مو
فتحت حلكي واني اتذكر صدك اخويه مسوي مثله بلعت ريكي بتوتر ورجعت اباوعله بعدم فهم
_شنوو معنات هل وشم انتو عصبات شنوو احجيلي الله عليك شنوو معناه؟
تيمور : معناه احبج
_تيمور اذا تحبني احجيلي فدوة احجيلي شنو معناه بس هل شيء خليني اعرفه انتم شنوو شغلكم وشنوو هل وشوم فهمني
دنك راسه باس شفتي غمضت عيوني حيل كلبي صار يدك بسرعه ورجف لف اديه ثنينهم علئ خصري يسحبني عليه اكثر يطبك جسمي علئ جسمه.
اختنكت منه حيل مادري ليش مادفعته استسلمت اله كلشي جان بالي اسحب الاجوابه منه بهل طريقه.
ابتعد عني بأراته نزل راسه علئ راسي يباوعلي مستغرب
تيمور : ليش مادفعتيني؟
مشيت ايدي علئ لحيته اباوع لعيونه برائه اتلمس الجروح الي بوجهه هوه مركز بعيوني عيونه تلمع مبتسم
تيمور : اريانا لاتلعبين بعصابي كوه لازم روحي منج
_تحبني تيمور ؟
تيمور :عايش لخاطر عيونج روحي من الدنيا انتِ
_ليش تأذيني اذا تحبني هيج ليش متحجيلي الحقيقه
تيمور : جاي احاول بكل طريقه ماخليج تحسين بتعب وتتأذين انتِ متساعديني حاولي تفهميني اريانا بس كوني وياي كلشي تتمنينه وتردينه يصيرلج.
لزمت وجهه بثنين اديه ركزت بعيونه همست بهدوء
_تيمور اذا الي مكانه بحياتك احجيلي والله خايفه حيل اني ماعوفك بعد صرت مرتك ابقه وياك طول عمري حته لوو جان الموضوع خطير اني راح اتقبله واساعدك بس احجيلي
لزمني من خصري سحبني عليه باس ركبتي بهدوء وبقه يشم بيها غمضت عيوني بقهر لزمت شعره بقوه ابعده عني
تيمور : تروحين مني تعوفيني والله دقيقه ماتبقين وياي بس خليني اشبع منج وبهذيج الساعه اخليج تروحين وتبدين حياتج بدوني اختفي من حياتج كلياً
بجيت بصمت حاولت بكل طريقه مجاي اكدر عليه ليش هيج ضعيفه اني ليش غبيه وماكدر اعرف شيء
مددني علئ الجربايه وتمدد يمي سحبني علئ حضنه يبوس بايدي واني مستمره ابجي
تيمور : ماسويلج شيء لاتبجين خلص كافي
_تعبت ياريت اموت واخلص منك ليش هيج ليشش
تيمور : باوعي انتِ اوكفي وياي واني فترا قصيره واشرحلج كلشي تمام
_وتخليني عايشه بهل خوف والرعب طول هل فترا؟
تيمور : محد يلمس شعره من راسج بعد والله
_رجعني الاهلي مليت منك راح يجي يوم واني اموت نفسي واخلي كل خطيتي تكون برگبتك.
كلب نفسه فوكي رفع اديه فوك راسي ركز بعيوني يتمايز وجهي دنك يبوس بخدودي وعيوني
تيمور : تعايي اضمج بروحي مالج بيت ولا اهل غيري.
_وخرر عني ترا روحي تريد تطلع قسم بالله اكوم هسه انتحر بيك وخررر
تيمور : ماعوفج ليوم صرتي مرتي يعني ليله عرسنه تعتبر ولازم تنطيني كل حقوقي واذا ماتخليني الله يشمرج بالنار.
_يشمرك انتَ لأن واحد شيطان وحقير اني انسانه بريئه شمسوويه
تيمور : لعد ابقي برائتج وخليني
_انتَ موو صاحي ابدد وخرر عنيي تيمور ترا اصرخ والله
تيمور : هههه بس شوفي الساعه شكد
درت وجهي اباوع للساعه الي معلكها بغرفته بـ 7 بليل بقيت فاتحه عيوني مصدومه شكد عيب من ابوي كال ترجعين وبقيت ويه تيمور شراح يكولون عني.
_ياربي دخيلك شووكت صارت الساعه هيج وخرر عنيي رجعني بسررعه للبيت فدووة تيمور رجعني انتَ موو كلت لبابا ارجعها الكم ليش جبتني لبيتكم.
تيمور : اشش اهدي هسه انتَ مرتي وعادي تبقين بيتنه يعني محد راح يضوج منج او يحجي عليج وشغله ثانيه خابرت ابوج وعتذرت منه گتله انتِ مريضه واخذتج للدڪتور ورتبت الموضوع يعني محد راح يضوج وراح تبقين بيتنه وباجرر الصبح امج تجهز كل اغراضج وتجيبهم الج لهنا وأي شيء محتاجته تروحين للمول تشترينه وتجهزين نفسج والغرفه راح اغير اثاثها باجر الصبح
_لاتجذب شووكت خابرت بس تريد تبقيني هناا وخرر عووفني الياااان سااعدونيي
خله ايده علئ حلڪي يسده نزل جسمه علئ جسمي غمضت عيوني مختنكه شثكله شم شعريي غمض عيونه برياحيه صرت اضرب بيه بايدي علئ صدره
فزينه علئ صوت صراخ اليان ابتعد عني بسرعه تيمور وراح لقميصه يلبسه
طلعت اني اركض رحت لغرفة اليان جانت كاعده بزاويه من الغرفه مكسره كلشي مخليه اديها علئ اذاناتها وتهز براسها وتبجي بصوت مسموع
اليان : اريده اريده وين العلاج جيبوووو اريددده ليشش ضميتووو عنييي وييينه وييينه جيبوو الي
مافتهمت عن ياعلاج تحجي رحت اركض الزم بيها وابجي اريد اهديها وضعها يخليني انهار.
_اليان حبيبتي اهدي شويه كومي وياي يروحي رتاحي ع علئ جربايتج كافي لاتسوين بنفسج هيج كومي حبيبتي انتِ
اليان : وخررري عنيييي وخررري كلكم تكرهوني كلكم ماريدكم اطلعوو منييي روحوو جيبوو الحبوب جيبوووو رااااسي راح ينفجر وييينه وييينه جيبوووو
_ياحبوب اليان شبييج.
صارت تملخ بشعرها هلست تهلس احاول الزمها متخليني مثل الصاير بعقلها شويه ودخل تيمور للغرفه
تيمور : خير شبيها ليش تصرخ
_تريد حبوب تڪول راسها يأذيها
تيمور : هايي تخبلت كومي لاتضربج اني اتصرف
_شتصرف تيمور متشوف حالتها خلينه ناخذها للمستشفئ ينطوها مهدئات شيء اذا تبقه هيج راح تمووت شوف شسوت بنفسها واديها جروحهن بعدهن خضر.
تيمور : عوفيني وياها شويه خليني اهديها واخليها تنام .
_ماطلع ابقه وياڪم
اليان : اطلعوووو عوووفوني وخرو عنييي اطلعوو باباااا باباا تعااال اخذني بابا
بقت تبجي وترجف گلبي احسه انعصر عليها ياربي ليش هيج يصير بينه.
تيمور : اريانا رجاء عوفينه وحدنه اذا ممكن بس خليني وياها شويه ماتشوفين وضعها
هزيت راسي بأي عفتهم وطلعت من الغرفه ابجي ودايخه مافاهمه أي شيء
ياربي دخيلك شديصير كلشي مخربط مافاهمه أي شيء من حياتي نزلت جوه واني دموعي تشكي حالتي
تحس البيت فارغ محد بيه كلها طالعه وجنان بغرفتها كاعده كل الوقت ابد متلتقي لأي بشر
بقيت ڪاعده وحدي خليت ايدي علئ حلكي ابجي ومقهوره علئ اليان وعلئ نفسي وعلئ حياتي
كلشي مخربط ماكوو شيء مفهوم من حياتي احس نفسي بحلم واتمنئ يخلص واكعد منه شلوون جانت حياتي وشلوون صارت كل هل احداث صارت ورا رجعت اليان تعبنه ثنينه ولا وحده بينه رتاحت بحياتها ابد
كاعده والف سؤال براسي وخوف وقهر بداخلي لايوصف شفت تيمور نزل من فوك و
راح ڪبل علئ المطبخ مادرري ليش گلبي كالي كومي روحي وراه شوفي شيسوي
رحت وراه للمطبخ وكفت ورا الباب اباوعله طلع بطل مي وفتح الكاونتر الفوك طلع منه حبوب اخذ 2 وشمرهن بالبطل.
خليت ايدي علئ حلكي مصدومه هذا شديسوي وشنوو هذا الحبوب الي خلاه بالمي عمري كله ماتصورت أخ يضر اخته بهل طريقه ليش وشنوو السبب
لزم البطل وصار يميل بيه يمين يسار علمود يموع الحبوب.
شافهن اختفن اجه يريد يطلع ركضت طلعت للحديقه لأن المطبخ قريب من الباب الخارجي.
صرت ورا الحايط خايفه ورجف واحس برعب دخل بحياتي
اني وين ومنوو هذول الناس وشنوو شغلهم حياتهم شلوون عايشينها ليش هيج تصرفاتهم يالله دخيلك احميني منهم وخلصني اني واليان
لازم اعرف شنوو هل حبوب وليش تيمور خله منه بالمي اكيد راح يشربه الاليان مديت راسي اباوع شفته صعد فوك
بلعت ريڪي بتوتر ورجعت للمطبخ خايفه وجسمي كله يرجف فتحت الكاونتر وطلعت الحبوب بقيت اباوعله مخلي بكيس من الايلون يعني موو شريط علاج يفيدها "!
اخذته خليته بصدري لازم اكشف لعبتك ياتيمور لازم ادفعك ثمن اغلاطك وياي واخليك تشوف انسانه ثانيه عبالك غبيه وانغش بتصرفاتك اعلمك العب شلوون يصير .
صعدت ارڪض لغرفة اليان امنعه ميشربها من البطل دخلت للغرفه كبل جانت نايمه متمدده علئ فراشها وهوه كاعد يمها من دخلت دار وجهه يباوعلي
شكدد ڪرهته وستحقرته احس نفسي صرت ماطيقه ابد شسوالها اكيد شربها وخلاها نامت بهل سرعه قبل شويه منهاره.
هذا حرام يڪون ويانه اذا ماخليته يدخل سجن ويتندم علئ كل تصرف سواه بحقي ماطلع اريانا.
_شصار نامت شنوو ؟
تيمور : أي نامت
_شلون نامت بهل سرعه قبل شويه جانت تعيط وخايفه كلش شتغير
تيمور : اخذت علاج و تعبت ونامت
_امممم أي خوش اني راح ابقه نايمه يمها حته اذا حتاجت شي اكون وياها
تيمور : جؤ تجين يمي بغرفتنه خليها نايمه بعد ماتڪعد منا للصبح
_ليش متڪعد للصبح ؟؟؟
تيمور : شبيج انتِ شنوو هل أساله غير نايمه شتردين منهاا تكعد لوو تفز مثل الطفل.
_عادي حته لوو متكعد ابقه وياها هنا اني ليش تزوجتك حته اداريها
تيمور : اني شگلت؟
_واني ماريد انام يمك كووه هيه حل عني ماريدك شهل تصرفات خلي عندك كرامه وعوفني بحالي.
تيمور : وبعدين وياج انتِ ليش هل تصرفات تشوفيني ساكت عنج ومازعلج بس غلطانه اني صبري اله حدود خليني هادئ ولاتضوجيني لأن من اضوج ادمر كلشي واخرب كلشي بفرت اصبع.
_متخوفني سمعت ميهمني شتسووي سوووي مراح اجي وياك ولا راح انام بغرفتك.
تقدم نحوي بقيت واكفه مكاني ثابته ركزت بعيونه بغضب احس اجتني شجاعه وقوه استغلاني بما فِيَھ الكفايه خلص لهنا وكافي مثل ما يلعب عليه راح العب عليه اضعاف واخلي يتندم علئ كلشي سواه بينه اني واليان .
تيمور : تعانديني هسه انتِ لو شنوو بالضبط ؟
_منوو انتَ اصلاً حته اعاندك هم حاسب روحك منه وبينه؟
تيمور : حلوو وتردين باسلوب
_متعلمه احسن من جهلك العايش بيه
تيمور : اريانا صبري كلش قصير لاتخليني انفجر عليج الزمي لسانج
_انفجر ميهمني گتلك ماطلع ولا راح انام بغرفتك ماريدك اختنك منك ومن غرفتك.
تيمور : ماشي نامي بس ثقي بالله راح اخليج تتندمين ع هاي اليله بسيطه.
عافني وطلع من الغرفه وهوه ضايج اول ماطلع ركضت سديت الباب وقفلته بلعت ريكي بخوف اباوع اليان نايمه.
صرت اخاف منهاا حيل اخاف تأذيني لأن هيه موو بوعيها هسه لازم اعرف هل حبوب مال شنو
باجر من الصبح اخذه واروح للدكتوره القريبه علئ بيتنه وهم اروح اجيب اغراضي السالفه حيل خطره موو مال اكعد واسكت
لازم انقذ صديقتي واطلعها من هل مكان الخطير محد يحبها غير ابوها عود اخوانها ع اساس الله لايوفقهم عسه حوبتها تبهذلهم
اخذت مخده وطلعت بطانيه تمددت علئ القنفه ماكدر انام يمها
بقيت هوواي كاعده واباوعلها مادري شلون دخت ونمت.
ڪعدت الصبح علئ صوت بجي فتحت عيوني بسرعه شفت اليان كاعده علئ الارض لامه رجليها علئ صدرها وتبجي.
_اليان
لزمت شعرها وصارت تهلس بيه وتبجي وهيه تكول
اليان : لاتحجييين اسكتي ولج اسكتييي ماريد شي منكم عوووفوني عوووفوني ماريدكم
رڪضت عليها ابعد اديها عن شعرها شلعته تشلع
_كاافي خلص هسه اطلع بس عووفي شعرج كافي يروحي انتِ اهدي شويه راح اساعدج والله ماخليج هنا بعد اطلعج من هل جحيم
دفعتني عنها بقوه وكعت علئ الارض باوعتلي بغضب عيونها حمرر دم
اليان : كتلج اطلعيييي عوووفيني وخرري منييي روحيييي منااا ماريدددكم
_تمام تمام طالعه هسه رايحه بس اهدي شويه يلا كافي.
ڪمت بسرعه طلعت من الغرفه الساعه بـ 9 الصبح العياده متفتح بس العصر لازم اروح لغير دكتوره وافهم منهاا
غسلت وجهي وطلعت ڪبل من البيت اخذت تكسي ورحت للمستشفيات والعيدات الخاصه
نزلت علئ صيدليه اسالهم عن نوع الحبوب لازم اعرف شنوو هذا العلاج
_سلام عليكم
::وعليكم السلام تفضلي
_بس اريد تعرفلي هذا شنوو من حبوب اكو بنيه جاي تاخذه وحالتها كلش مدهوره فدوة اشرحلي عنه اني ماعرفه.
اخذه من ايدي بقه صافن باوعلي بستغراب بقيت ساكته منتظره كلمه منه
:: منين هذا الحبوب جبتي؟
_ڪتلك صديقتي تاخذ بيه وفاقده عقلها متخبله فد مره واريد اساعدها فدوة احجيلي شنوو هذا العلاج مفيد مضر الهاا
:: تدرين هذا شنوو الحبوب لوو ماتدرين
_لوو اعرفه ليش جايه اسالك فدوة احجيلي شنوو هذا وشنوو اضراره ع انسان
:: هذا دمار للنسان هذا الحبوب يخلي عند الانسان انهيارات عصبيه فقدان للذاكره وادمان هلوسه من اخطر انواع العلاجات ومستحيل اڪوو منه بالعراق هذا متاجرين بيه او جاي تهريب من غير دوله
فتحت عيوني بصدمه رجعت خطوات ليورا احس رجليه ماتن والله معقوله هيج تيمور يسوي باخته
شسوي هسه شلون اتصرف عمري ماتصورت توصل وياه لهل مستوه ويأذي اخته بس ليش هيه بشنوو مأذيته هذا الانسان ماعنده ضمير ابد ولا يعرف الرحمه لازم اساعدها وابعدها عنهم لازم انقذ صديقتي.
:: خلي البنيه تبتعد عنه لأن اذا تستمر عليه اسبوع واحد صدڪي راح تفقد نفسها وماتعود صحتها ابدد لوو شما تنطوها من علاجات راح تبقه مدمنه لهل علاج وراح تنهار ڪل ماتبعدونه عنهاا وانصحج نصيحه اخو انتِ هم لاتقتربين لهيج ناس تاخذ علاجات لأن يجي يوم ويسحبونج مثلهم.
_شسوي دڪتور فدوة ساعدني انطيني علاج يخليها تتحسن
:: اول شيء تخليها تترك هل علاج وتراجع دكتور اخصائي وتسوي تحاليل لجسمها وينطونها وصفه يلا اڪدر انطيها علاج ماڪدر احددلها علاج اني صيدلاني.
_ماتجي وياي ولا اڪدر ابعد هل علاج عنها شسوي
:: اترڪي الموضوع ولاتدخلين بيه انصحج
_ماكدر ماڪدر اعوفها هيه مثل اختي وبنت خالتي تصير شلون اخليها وحدها وماساعدها.
:: والله ماعرف خويه خلي اهلها يساعدوها ابوها امهاا وين عنهاا.
هزيت راسي بأي مجاوبته ميعرف وضعنه حقه يحجي هيج عفته ومشيت احس روحي دمرت بكل معنئ الڪلمه كلشي انسد بوجهي منوو وياي منوو عليه شـهل عالم العايشين بيه
ناس تاڪل بناس وصاخه حقاره حقد ماشفت اسود من گلوبهم اخو يدمر اخته وهيه مكسوره ويتيمه هذا اصعب لحظه تمر عليها المفروض يوكفون وياها موو ضدها.
شعوري لا احسد عليه احس مات كلشي بداخلي ليش تيمور يشرب اخته هيج علاجات ليش كارهه لهل درجه
وليش اني يحميني ويريد يخلصني من الاعداء الي يكرهونه شديصير احس كلشي ديصير حلم مو حقيقه ابد
صعدت تڪسي واني الارض تفتر بيه حايره شسوي شلوون اتصرف لازم ابعد اليان عنهم لازم تكون بامان.
بس اني هسه تزوجت ماكدر اخذها لبيتنه ولاكدر اخليها ويه تيمور وين اخليها؟
فجأه واني افكر ودايخه اتصل جهازي شلته جان آرون صفنت اتذكرت هل انسان هوه الوحيد الي يڪدر يساعدها وهوه قبل بفترا كلي ياريت لوو يمي اداريها حالياً ماڪدر اثق بأي بشر غيره
اليان حجتلي هواي عنه كالت جان يهتم بيها وميأذيها ابد سحبت نفس قوي وجاوبته
_الوو
آرون : صباح الخير
_صباح النور
آرون : اتصلت بوقت غير مناسب اعرف اعذريني بس عندي فراغ بس هل ڪم دقيقه وكلت اخابرج واطمأن علئ اليان شلوونها شلون صارت اكدر احجي وياها
_آرون اكدر اشوفك
آرون : تشوفيني هسه؟
_أي هسه تكدر تجيني اشوفك محتاجتك موضوع كلش ضروري بيه حياة او موت وانتَ الوحيد الي تكدر تساعدني بيه رجاءٍ
آرون : حالياً ماڪدر اعوف شغلي لأن هذا اول يوم الي بيه بس العصر ماعندي شيء اجيج احجيلي شنوو الموضوع يخصج يخص اليان؟
_يخص اليان
آرون : شبيهاا اليان شصارر احجيلي بيها شيء.
_اليان فقدت عقلها جاي يشربونها ادويه اخوانها حته تتخبل حالتها ڪلش تعباانه واني مربطه ماڪدر اسوي شيء لاڪدر افضحهم ولاڪدر اساعدها هسه اني وياها بالبيت تزوجت وعرفت الموضوع لبارحه اخوها تيمور الي هوه نفسه زوجي دينطيها حبوب مخدرات يخليها تدمن عليه وتصير عدها انهيارات عصبيه تصير تأذي بنفسها تخيل لبارحه انتحرت لو ما الله ستر ولحڪنه عليها
آرون : تحجين صدك لو تشاقين معقوله!! مجاي استوعب ڪل هل كلام اخو يضر أخته هيج؟ ويشربها مخدرات ليش شمسويه موو المفروض يڪونون وياها بهل حاله ويدارونها هسه هيه ماعدها غيرهم شنوو من بشر هذول اني من الاول نبهتها من هذا العار تيمور.
_الله يخليك ساعدها لاتخليها تموت فدووة انقذلي صديقتي منهم هيه موو ساعدتك ساعدها وعمري مراح انسالك هل معروف
آرون : اني حاضر اسوي أي شيء الهاا بس ڪولي شسوي شلوون اساعدها؟
