رواية أحببت من لايبالي الفصل العشرون بقلم مجهول
براء : اريد تاخذني ازور صار هواي مزايره
زين : باسف ... بالنسبه لوضعي مااكدر اسوق تخليها من اكدر امشي طبيعي ... اوعدج اخذج
براء : بابتسامه ... عادي من تصير زين نطلع مو فد مشكله
زين : تكدرين تطلبين غير شي
براء : شكرا ... كولشي ما اريد بس ازور وانشالله من تصير زين تكدر تاخذني ... يله اني حنزل اغسل المواعين ... تريد اجيبلك شي
زين : لا
براء : اوك ... نزلت غسلت المواعين ... مسحت الطباخ وعزلت المطبخ ... كملت .. دخلت جميله شايله مريومه الي تبجي وتصيح ... شبيج ليش تصيحين
جميله : ولج خبلتني راح اشك هدومي من وراها
براء : بابتسامه .... ليش شسوت والله فقيره مريومه
جميله : دشوفي الفقيره شمسويه
براء : اباوعلها تبجي ... شعرها مكفش وتارسه وجها حمره ... ههه هاي شمسويه بروحج
جميله : ولج عفتها دقايق يم حسن علما اشر الملابس ... دمغتها اجي ... الكاها مخربطه الحمر وملطخه وجها والكاع كلها مكياج احاجيها تمد اللسان هاطوله عليه .... والابو بدال ميحاسبها يضحك لج راح يشلوني هالزوج حسن ومريم
مريومه : وخلي اوفيني حكيره اله اكل لبابي عليج ( وخري عوفيني حقيره )
براء : ههه جيبيها .. شلتها غسلتلها وجها وهي تدفعني متريد امسح الحمره
مريومه : وخلي لتمثحيها ( وخري لتمسحيها)
براء : بستها .... ولجج شنو انتي هاا ... كعدتها على الكاونتر وهاي جميله واكفه وهي تعيب على .. امها ... حبيبتي عيب نغلط على ماما
مريومه : هي تسيح عليه ( تصيح)
براء : ميخالف حتى اذا ميصير تغلطين عليها هاي امج تره الله بعد ميحبج ويزعل منج اذا تغلطين عليها
مريومه : تدوك
براء : اي ... يله بوسها واعتذري منها
مريومه : رفعت اديها لامها
جميله : ابتسمت ... شالتها
مريومه : شبكتها اسفه مامي بعد ما اغلت
جميله : ماا زعلانه بعد ما احبج
مريومه : باستها ... هبابه مامي والله بعد مااغلت
براء : سامحيها لخاطري بعد متغلط وعد
جميله : ضحكت ... بستها ميخالف هاي لخاطر براء ... يله تجين وياي
براء : لا خليها يمي ضايجه اريدها تونسني
جميله : وزين خاف خطيه يريد يرتاح وهاي ادوخه
براء : لا كاعد مانايم ... يله مريومه تجين وياي نلعب سوه
مريومه : اي اي
براء : اخذتها وصعدت ... دخلت للغرفه لكيت زين عوينات (نظارات طبيه) وكاعد يقره كتاب ... نزلت مريومه شافها زين نزع نظارته فتحلها ايده ... راحتله تركض شالها كعدها بحضنه
زين : بستها ... شلونها الحلوه
مريومه : ذينه
براء : عفتها يمه ... رحت جبت قراصات ومشط ... تعاي مريومه ... اجتي كعدت بحضني بوستها ... احب البنات الصغار خاصه اذا مدنفشات مثل مريومه ... يونسن تمشطيلهن تلعبيهن تحسيهن لعاباتج ... كعدت امشط شعرها فدوه رغم صغيره بس شعرها بطولها ... تردين اظفره
مريومه : اي
براء : ظفرت شعرها ... شو اضافرج ... اصبغهن الج
مريومه : تضحك اي اي هبابه
براء : كمت ... جبت اصباغ الاظافر مالتي .. مااستخدمهن بس خالتهن هيج منظر ... كعدت يالون تردين
مريومه : ولدي ( وردي )
براء : هه اوك انطيني ايدج ... صبغت اظافرها ماعدها اظافر اباوع الادين مطبكات جنهن صمون كهربائي ... ههه لج هاي شنو
مريومه : ثنو
براء : خلي اكل شويه من ايدج جوعانه حبابه
مريومه : جرت ايدها ... بخوف لح تاكليني
براء : بخبث اي ... اجتي تشرد .... لزمتها .... عضعضت اديها وهي تضحك عبالها راح اكلها
مريومه : تضحك بطفوله .... هههه تا ههه في ههه بلاء .... ضلن يلعبن متجاهلات العيون الي تباوعلهن بهيام والشفايف المبتسمه على منظرهن
زين : اباوعلها مبتسم .... حاطه مريم بحضنها وتدغدعها ... صايره حمره من الضحك وشعرها واكع على عيونها ... للحضه اجه على بالي كلام حجيه خوله ... تخيلت مريم بنتي وهاي عائلتي وبراء مرتي من صدك ... ياترى لو عندي طفل هسه من براء هم راح تحبه هيج ااااخ شهالتفكير ياربي
براء : زين
زين : هممم
براء : خلي مريومه يمك هسه بس الم هاي الهوسه واوديها للغرفه واجي
زين : تعاي مريومه ... اجتي كعدها بحضني ... تحبين براء مريومه
مريومه : اي هواي
زين : ابتسم ياهو الاكثر اني لو براء
مريومه : صفنت ... تنينكم
زين : لا اختاري واحد
مريومه : اشليلي تبس واحبك انت اكتر
زين : باستغراب هاي شو صايره سجاد الثاني ولج
مريومه : تضحك ... امووو
زين : هاا
مريومه : خلت ايدها كدام وجهه هلوات ادافري
زين : الله باس ايدها يخبلن
مريومه : ههه .... اموو
زين : ها حبيبتي
مريومه : خلت ايدها على صدره ... هاي اواا
زين : اي اوا
مريومه : تودع (توجع )
زين : اي
مريومه : هسه ابوسها تسير ذينه ... باست مكان الجرح ... هاا لاح الودع
زين : ضحك بايسها... اي راح
براء : طلعت اخذتها من زين .... كعدتها على القنفه رحت جبت غطه غطيتها ...وعلكت التلفزيون خليته على الكارتون .. ورحت جبت كتبي وكعدت اقره ... اباوع زين بعده كاعد ... زين ليش بعدك كاعد متروح تنام
زين : ببرود : ليش وجودي مضايق حضرت جنابج الموقر
براء : باوعتله بهدوء ... عود ليش دائما ترجم كلامي بصوره غلط ... اني قصدي لتضل ثاني رجلك موزين ... احسن تنام حتى تضل ممدوده
زين : يباوعلها .. لارد
براء : ضجت من اسلوبه ... رجعت اقره ... ضليت فتره على نفس الكعده ... شلت راسي افف صارلي ساعتين كاعده ... شفت زين نايم وهو كاعد ... ججج مو كتله ادخل نام بالغرفه احسن الك ... كمت اوي رجلي منمله من الكعده كوه امشي ... كمت على كيفي زين زين
زين : بنعاس هاا
براء : بهدوء ... كوم نام بالغرفه
زين : فتح عيونه كايم
براء : اجيت اساعده يكوم ... التوت رجلي وكعت بحضنه
زين : صارت بحضني صارت قريبه عليه ... اجيتي تكوم شديت على خصرها ... بصوت خافت براء
براء : بارتباك ... هاا
زين : ميجاوب عيونه على عيونها ... نزل لشفايفها ... ضجتي مني
براء : هاا لل لالا
زين : باسها بخدها ودنه وجهه من وجها ... اكيد
براء : بخجل هممم
زين : دنه وجهه اكثر ... بهمس احجي اريد اسمع صوتج
براء : حست بخشمه طخ بخشمها غمضت عيونها ... تحس جسمها خدر ... ززين ع عوفني
زين : جاوبها بخدر ... ليش
براء : لارد
زين : مشه ايده خصرها نزل ايده ضاغظ على خلفيتها بقوه مقربها اكثر عليه ... قرب شفته من شفتها باسها بطرف شفايفها ... هامس بصوت رجولي مثار ... جسمج ليش هيج طري
شفتها باسها بطرف شفايفها ... هامس
بصوت رجولي مثار ... جسمج ليش هيج طري
براء : انخفض تنفسها ... لارد
زين : ضغظ على جسمها اكثر ... ليش متجاوبين هاا .... اجه يخلي شفته على شفتها
مريومه : هاي شدتثون ... فزوو ثنيهم على صوت مريم ... صحت براء على نفسها طفرت من حضن زين ... كامت عدلت شعرها وباوعت .... لنفسها ... التشيرت مرفوع ... نزلته مرتبكه
زين : بارتباك ... ما جاي نسوي شي حبيبتي تعالي ننزل شلتها
مريومه : تباوعلهم ... وبلاء
زين : احم هسه تجي ورانه مو براء
براء : ا اايي ... اخذها وطلعت تمددت على القنفه لازمه كلبي ... احسه حيطلع من مكانه ... انسي الي صار براء هذا الشي صار بدون وعيكم اي اي هو موقصده شي واني هم اي اي ... كمت غسلت وجهي .. بمي بارد اريد اصحه احس جسمي يرجف ... رحت لبست دشداشه مارونيه وبيجيه وشال .... نزلت ... رحت للمطبخ شفت سجاد ونجمه
سجاد : هلوو براء
براء : بهدوء ه هه هلوو
نجمه : بهمس بيج شي
براء : بهدوء ... لا
سجاد : براء .... اطلب طلب ومترديني
براء : اي تفضل
سجاد : حبابه سويلنه كيكه
براء : تدلل
نجمه : انت شبيك مفجوع اكل اكل اكل كافي يااخي
سجاد : جرها من شعرها ... اني ومرت اخويه انتي شعليج ماكل من كدرج اني لو انتي تصرفين على البيت
نجمه : لا بس غير اخاف عليك
سجاد : لتخافين خليج بحالج ... هاا براء تسويلي كيكه
براء : اي عادي
سجاد : والله عمي انتي كنز كسبته هالعائله
نجمه : ابو بطن
سجاد : نجبي
براء : طلعت مواد الكيكه وبديت اسويها .... كملتها وخليها بالفرن تستوي ... رجعت طلعت جلي بالكرز ... حليته بمي حار ... وخليته يبرد على جهه حتى احطه بالثلاجه ... طلعت لكيتهم كاعدين بالصاله ... شفت دارين كاعده يم زين ... رحت اريد اكعد يم شمس
زين : براء تعالي اطيني ماي من يمج
براء : صبيتله كلاص ماي .... ورجعت كعدت يم شمس
زين : يابه اذا ماعدكم شي يوم الخميس اريد نروح للنجف وكربلاء
جهاد : شعندك هناك
زين : نزور
براء : باوعتله ... متفاجأءه .. مو كال مااكدر
جهاد : بس ابني ووضعك
زين : يابه مابيه شي اكدر اتحرك قابل معاق عندي عكازه اكدر اسيطر عليها
مريم : زين يمه انتظر من يصير وضعك تمام ... اقلها نروح براحتنه
زين : لا اني مصر اريد اروح هذا الخميس ... اذا متكدرون ترحون ... اني اخذ براء واروح
لؤي : شلون تسوق ورجلك
زين : اخلي واحد من الحرس يوصلونه مو فد شي صعب
جميله : خلي اروح احنه من اجينه لسه مازايرين ... هم نتونس وهم نزور .... وانتو عدكم الجمعه والسبت عطله ليش متقبلون
جهاد : خلص مادام تردون ترحون اني ماعندي شي انشالله الخميس نروح ونرجع السبت اذا الله راد
قصي : هاي هي على الخميس
الكل : انشالله
حسن : شنو هالريحه
براء : عززه الكيكه ... كمت ركض طفيتها وطلعتها ... اافف الحمدلله ما احتركت .. طلعتها من القالب وقطعتها وعفتها تبرد ... رجعت اريد اكعد اشرلي زين يمه ... سوالي مجال ماريد اكعد يمه كلما اباوعله اذكر الموقف السخيف الي صار فوك ... تقربت كعدت يمه ... بهدوء ليش تضغظ على نفسك مو اتفقنه من تطيب نروح
زين : ما ضاغط على نفسي بس اني وعدتج واكرهه اخلف بوعودي
براء : بهدوء شكرا الك
زين : بهمس ... تدلل بنيتي
قصي : شتبسبسون صارلكم ساعه
زين : ببرود ماعليك انت
دارين : ههه قصفك
قصي : باستهزاء ... شوف منو يحجي
مريومه : بابي
حسن : هاا باباتي
مريومه : وين حلوح
حسن : نزور حبيبتي
خوله : هسه هي تفهم شنو يعني نزور
حسن : جاا ليش متفهم ذكيه حبيبه ابوها
براء : نزلت من حضن حسن اجتي بحضن زين ... فدوه تتنقل من حضن لحضن ... كعدها زين بحضنه
قصي : لج ام لسان المكسور منو سوه شعرج اليوم
مريومه : بلاء
دارين : تحبين بلاء انتي
مريومه : اي حبها
دارين : واني
مريومه : ما حبج
الولد : هههه
حسن : حبيبه ابوها صريحه
خوله : قصدك قليله ادب
قصي : اي هو احنه علمناها على قله الادب
خوله : ادبسززيه
براء : اباوع شايلها ومنيمها على صدره وهي حاضنه ركبته
خوله : جاا بيبي اذا تحب الجهال ما تجيبلك طفل وتفض السالفه
زين : بنفاذ صبر .... هم رجعنه على هاي السالفه
خوله : راح يصير ... عمرك تلاثين سنه عجزت تره مو شباب انت ... تلحلح وسويلك طفل بسرعه
دارين : يا بيبي شنو مو شباب زين شيخ الشباب
زين : باوعلها صفح ومارد ... مريومه نمتي وخر راسها ... اكرصها مااريدها تنام
مريومه : ههه امووو تافي
زين : بستها حييل
مريومه : رجعت باسته بشفته ... وشبكته
خوله : ولجج مو عيب هالحركه متستحين تبوسين عمج هيج
زين : باوعتلها برطمت .... شجاج حجيه كل عقلج تحجين ويه طفله هالحجي عادي واذا باست عمها تره هي طفله ليش تخلينه نحجي حجي مينحجه هسه
مريومه : بيبي ... بلاء تبوس اموو دين هنا واموو دين هم يبوسها منا وخلت ايدها على شفايفها
خوله : وانت بيبي ما تستحي تمصمص بمرتك كدام الجهال
براء : نصبغ وجها ... يمه ... لو يذبحوني هسه ميلكون قطره دم بيه ... خرب يومج يامريم ياجذابه شوكت اني بايسه زين ... نوب لا اكدر اكوم ولا اكدر اضل كاعده واغلس ... اباوع لزين غص
زين : كح احم احم احم
براء : ركضت انطيته كلاص ماي
قصي : شاور حسن ... والله وانلكفت يابو الزون
حسن : اسكت ليسمعك ويطيح حظك
زين : بكلبه ... طاحظ ابوج مريم ... اطلع كلب ابن كلب اذا اطببج بعد يمنه ... احم هسه متفقين على الخميس
الكل : انشالله
زين : يله براء من رخصتكم
قصي : زين اخذ مريم وياكم حباب
زين : بحده انت انجب ... صعدنه ... اباوع لبراء ساكته كلشي ماحجت ... واني هم ماحجيت لان اني نفسي مااكدر اسيطر على تصرفاتي هالفتره
براء : رحت للغرفه طلعت ملابس ودخلت للحمام اسبح حتى اطلع اصلي .... لان كملت اليوم ... فتحت الماي الحار لان الجو برد مو مال اسبح بماي بارد ترست الحوض وكعدت
زين : دخلت للحمام واني كمت للغرفه انام ... مااعرف وين اروح
براء : طلعت ... مالكيت زين بالصاله دخلت للغرفه لكيته نايم ... همزين رحت ركض فرشت السجاده ولبست الجادر حتى اصلي ... وكفت كبرت وبديت اصلي ... يا ألهي شكد احب الصلاه احسها حلقه وصل بينه وبين الله ... سجدت اخر سجده ووياها نزلت دموعي اااه ياربي شوكت ارتاح ... شوكت تنزل دمعه فرح من عيني شوكت ... كملت ولزمت القران كعدت اسبح اقره اريد اكمل الختمه ... كملت الجزء ... كمت عزلت الصاله ولملتمتها ... دخلت للغرفه ... لزمت المشط وكعدت امشط شعري والله بودي اكصه صاير يضوجني
زين : ببرود حتى اكسر ايدج
براء : فزيت .. هاي من شوكت كاعد
زين : كام ماجنت نايم اصلا ... وكفت وراها .... ليش عايفه شعرج منكع ... مو تتمرضين .. اخذت الخاولي درتها عليه نشفت شعرها ... تره تغير الجو دير بالج على روحج لتتمرضين
براء : اباوعله ... هالفتره صايره احب زين الجديد واهتمام الي ظهر فجأءه
زين : وين شارده
براء : بهدوء ماشارده
زين : نشفت شعرها عدل ... ولفيته
براء : شكرا
زين : نقر على خشمها ... عفوا
زين : نقر على خشمها ... عفوا
_____________
محمد : كاعد بغرفتي ... دك موبايلي ... خالي جهاد ... الوو خالي شلونكم
جهاد : هله وليدي شلونكم
محمد : الحمدلله انتو شلونكم
جهاد : الحمدلله بخير .... اكلك خالي .. رايدك بخدمه
محمد : اامر خالي
جهاد : اريد اجي باجر اسجل نجمه بالكليه والجامعه جبيره ما اندل وين قسم القانون تكدر تساعدني ولو ازحمك
محمد : لا خالي شسالفه بعيوني تعال باجر للجامعه واني اطلعك حتى تكمل معامله نجمه
جهاد : ماتقصر وليدي الله يحفظك
محمد : تدلل خالي
جهاد : يله اخذ راحتك وسلملنه على اهلك هواي
محمد : الله وياك ... يوصل سلامك
جهاد : هاي باجر راح اروح اسجلج حتى اداومين كافي كعده بالبيت بعدلج سنتين وتتخرجين حرام تروح عليج
نجمه : اني ما اريد اداوم اشو تعيين وماكو هنا عليمن مداومه
جهاد : انتي تخرجي وما عليج بالتعيين عود اعينج فراشه عدي
نجمه : بابااااا
جهاد : ههههه
_________________
براء : كعدت على صوت المنبه كمت غسلت وجهي وفرشت اسناني .... دخلت بدلت ملابسي وكعدت امشط لبست الشال ... دنيت يم زين غطيته عدل واجيت اطلع
زين : براء
براء : هااا اسفه كعدتك
زين : لا تعاي فتحي هاي المحفظه واخذي مصرف
براء : كتلك ما اصرف والله ما احتاجهن
زين : ميخالف اخذي
براء : اخذت الف ورجعت المحفظه لمكانها
زين : كام شو بس الف
براء : اي لعد شكد اخذ الف كافي
زين : فتح هااج يله روحي لا تتاخرين
براء : اباوع عشره زين شسوي بيها هاي
زين : كلنه خليها عندج لا تعاندين
براء : شكرا
زين : عفوا .. يله روحي وركزي على دروسج
براء : انشالله يله باي
زين : باي ... طلعت واني اخذت كتاب وطلعت اقره بالحديقه ... ما اكدر انام بعد خابرت ادم ... هاا ادم
ادم : هلا زين شلونك شلون صرت
زين : الحمدلله انت شلونك
ادم : من الله بخير
زين : ببرود ... شصار بالشغله الكتلك عليها مو كلت شهر وتخلص شو كلشي ماكو لحد الان
ادم : والله الشغله لسه جاري العمل عليها منكدر نصرف اي تصرف اذا منتاكد منها ميه بالميه
زين : ادم بعد ما اكدر اصبر خلي يستعجل والمبلغ الي يريده يجي عسما مليار بس خلي يخلصلي الشغله تره كوه لازم اعصابي
ادم : الزم نفسك زين ديربالك تتهور خليك هادي لحد ما يصير الي تريده وشتريد تسوي سوي محد يلزمك بس اصبر
زين : ببرود احاول ... يله محتاج شي
ادم : لا خويه اخذ راحتك
زين : الله وياك ... سديته شوكت يصير الي بالي حتى اعرف اتبع منو ... رجعت اقره الكتاب احاول اضيع وقت
__________
براء : كاعده بالدرس انتظر شوكت يخلص الدوام حتى نطلع ونروح نزور ... اففف
رقيه : براء تفضلي
براء : شفتها لازمه جيس جكليت ... شنو المناسيه
رقيه : امي جابت
براء : ابتسمت .... اتذكر جنت الح على امي حتى تجيبلنه طفل يونسنه ... اخذت وحده ... الف مبروك حبيبتي
رقيه : الله يبارك بيج يوم الالج
براء : هزيتلها راسي ... راحت واجتي طالبه كعدت كبالي
ايات : هلاوو
براء : هلو
ايات : سمعت بيج مزوجه واني هم مزوجه فكلت نصير صديقات بما انو احنه كبار يعني حتى منختلط ويه هذني الزعاطيط
براء : باستغراب ليش تكولين زعاطيط احنه بعمرهن
ايات : اي بس احنه مزوجات يعني انضج واعقل منهن
براء : بهدوء ... هذا مو مقياس اذا انتي هذا تفكيرج فهذا رائيج الشخصي ... بالنسبه الي اني ما احب استصغر واحد لان هالشي عيب والناس كلها تزوج يعني مو بس احنه ... مو فد شي خارق للطبيعه اذا اكو طالبات مزوجات
ايات : شبيج صرتي عصبيه تره اني لمصلحتج احجي هيج
براء : شكرا الج بس اني اعرف مصلحتي ... دك الجرس كامت من يمي ... عابت شلون تفكير مريض تحسسني مكتشفه علم الذره عبالك بس هي مزوجه ... دخلت المدرسه الكيمياء وكعدنه نشرح الدرس .... خلصت الحصه ... طلعت بالفرصه ... اريد اشتري شي ... طلعت العشره اصرفها
ايات : ياا مصروفج عشره كامله
براء : استغفر الله هاي شبيها .... لا اكيد ... بس اريد اصرفها ... صرفتها واشتريت عصير وجبس ورجعت للشعبه ... كعدت اراجع الدروس
___________
زين : صارت بال12:30 خابرت سجاد حتى يروح ياخذ براء ... صعدت لغرفتي دخلت صارت عيني على خاوليها الوردي ... مبينه تحب الوردي والالوان البناتيه دائما اشوفها تلبس هيج الوان .. شميت خاوليها .... ريحته طيبه ... وكفت على ميز التواليت اباوع على غسولاتها وعطورها ... احب نظافتها واعتنائها بنفسها ... ما فديوم اجيت لكيت الغرفه مدعثره ولا حتى شفتها ملابس وصخه كلشي اجي الكاا بمكانه ملابسي نظيفه ومكويه ومعلكه بمكانها ... احسها تعلمت على طبعي مدري هي هيج اصلا .. شفت موبايلها مخليته على الميز ... اخذته ... فتحته ... ماخاله بي رمز كلبت بي عدها مواقع تواصل ... دخلت على حسابها عام شفت بروفايلها ... مابي شي تنشر حكم ايات قرانيه ... ماخذه صوره لكتب بيها ورد مبينه هي مصورتها ... حظرت كل الشباب وسويت الحساب خاص ... طلعت دخلت على الستوديو .... اكلب بصورها ... اباوعلها بالصور ابتسامتها حقيقه وحلوه عكس هسه احس شمعتها انطفت ... اغلب صورها هي وامير ماعدها صور ويه احد بس امير وكم صوره ويه عمتي ناديه ... شفت صوره الها بمناسبه لابسه بدله ورديه ... قربتها على وجها ... ما حاطه مكياج ... اباوع الجسم يلمع طالع حييل حلوه ... شكد عشت ببريطانيا وشفت بنات اشكال والوان بس ولا مره جذبتني وحده او انتبهت على تفاصيليها او حتى عجبتني ما ادري ليش بس براء اركز على ابسط تفاصيلها وياخوفي يطلع الي ابالي صح ساعتها اقره على روحك السلام يازين ... سديت الموبايل ... ونزلت ... صارت بوجهي ... الله يساعدج
براء : هلوو ويساعدك ... شلونك اليوم
زين : الحمدلله
كعدو تغدو ... كملو ... وصعدو ينامون حتى يطلعون العصر للنجف
___________
براء : كعدت الساعه بالاربعه ... كمت كعدت زين دخل للحمام... كمنه بدلنا ملابسنه لبست بنطرون اسود وقميص وردي وشال وردي وابيض ... طلع زين من الحمام لابس البنطرون وكف ... يدكم القميص بس ميكدر ... عبرت من يمه وكفت كباله ... بعدت ايده عن القميص ... سديت الدكم ووكفت على اطراف اصابعي حتى اعدله الياخه بس ما الوحه
زين : خله ايده على خصرها رافعها اله
براء : غمضت عيونها من لمسها ... عدلتها ... كملت نزلني
زين :ابتسم ... نزلتها
براء : دنكت على اريد اطوي بنطرونه عن رجله سحبها
زين : كومتها ... كومي شجاي تسوين
براء : اكف البنطرون عن رجلك حتى متضايققك
زين : عوفيها اني اسويها
براء : جريت ايده كعدته دنكت على رجله كفيت البنطرون ... تره عادي مينقص من قدري اذا ساعدتك انت زوجي وهذا واجبي والله موصيني بي .. ابتسمت يله كملت ... نزلنه لكيناهم مجمعين
جهاد : يله كملتو ... حتى نطلع
الكل : اي
براء : طلعنه احنه وبيت لؤي بسياره لؤي ... ونجمه ودارين وقصي ويه بيت حسن ... وخالو جهاد وخاله مريم وحجيه خوله وسجاد بسياره خالو جهاد ... طلعنه لكربلاء وبعدها نتوجهه للنجف انشالله ...
بعد مرور ساعه ونص
براء : وكفو الولد يم استراحه نزلو كلهم احنه بقينه بالسياره ... داسولف ويه شمس انتبهت على زين ... لابس قميص كابوي وواكف يدخن بعيد عنهم اول مره اشوفه لابس هيج ... منتبهت من لبسته القميص معبالي لابس كاجول
شمس : بخبث ... عيونج راح تاكلين الرجال
براء : ياا رجال
شمس : زينج غير
براء : صفنت زيني
شمس : اي زينج قابل زيني ... بس والله مبين عليج حييل تحبي عيونج يلمعن من تباوعيله
براء : رجعت باوعتله وكفته رجوليه مو مايع مثل بعض الشباب فارض شخصيته اباوع اخوانه من يوكفون بصفه يطلعون اقزام ... رغم رجله مكسوره وعنده جروح خفيفه بوجهه بس هذا مماثر على جماله نهائيا ... بتنهيده سؤال ... اني احبه ؟
شمس : مااعرف انتي شتكولين
براء : انتبهتله باوعلي وابتسم ... نزلت راسي اجوي وره شويه خلو علاكه بالسياره بيها اكل ومي ... ايفان نايم بحضن امه ... كعدته ياكل ... اني ما اشتهي اكل شي بس شربت مي ... وره ساعه وصلنه لكربلاء ... كالت خاله ننزل نصلي بالامام ونزور وبعدها نروح للفندق ... نزلنه بمنطقه الامام ... نزلنه نتمشه ... دخلنه للتفتيش ... فتشونه وطلعنه لان كلنه لابسين عبي حتى البنات ....
زين : يمه احنه راح ندخل نصلي ونزور من تخلصون تعالو كعدو هناك
مريم : خوش يمه
براء : اجينه نروح صاحلي زين ... هاا
زين : دير بالج على روحج وخليج ويه امي مو تضيعين خوش
براء : خوش
زين : يله روحي
براء : اول ما دخلنه لمرقد الامام الحسين ( عليه السلام ) نزلت دموعي ... بجيت ... دنينه يم الشباك ... احجي بكلبي يا إلهي احلفك باهل البيت احلفك بقدسيه هالمكان تظهر الحقيقه وتظهر برائتي ... يا ابا عبد الله كلها تكول عليك قاضي الحوائج اريدك تظهر للكل اني ما مسويه شي احلفك بستر اختك زينب تظهر الحقيقه وتاخذ حوبتي من كل الي اتهموني باطل ... ضليت فتره اندعي وابجي ... حسيت على ايد انحطت على متني ... درت وجهي شفت مره جبيره كلتلي .... ينطيج مرادج لا تخافين .. مسحت دموعي ورحت صليت صلاه الزياره ... وكفت انتظر البنات يكملن ... انصدمت شفت خاله مريم ضامه اديها وتصلي ... تفاجأت .... هاي اول مره اشوفها تصلي ... شفتها باوعتلي
مريم : يله يمه كملت خلي نطلع
براء : طلعنه زرنه العباس (عليه السلام ) كملنه وطلعنه لكينه الشباب متجمعين بمكان يم الصحن رحنه كعدنه يمهم كعدت يم زين
زين : عدلت شالها من كدام ونزلت ردان العبايه على اديها ... زياره مقبوله
براء : بابتسامه للجميع انشالله
جهاد : اذا كملتو خلي نروح نتعشه ونحجز بفندق
دارين : عفيه لا تحجزون فندق هنا كون بمنطقه راقيه
سجاد : ولا تكعد راحه الست زبيده
الكل : كاتمين ضحكتهم ميكدرون يضحكون
براء : اباوع الاجواء تجنن هيج مينشبع منها ....انتبهت على واحد يباوعلي ويبتسم نزلت راسي الكبر ... وره شويه شفت وحده هم تباوعلي وتتشاور ويه بنات وياها .. هذوله شبيهم .... شو هاي كامت تقربت منه
تباوعلي وتتشاور ويه بنات وياها .. هذوله شبيهم .... شو هاي كامت تقربت منه
المره : من رخصتكم اسفه على الازعاج ... بس ممكن دقايق من وقتكم
جهاد : تفضلي خويه محتاجه شي
المرة : والله خويه اني من سكنه كربلاء كاعدين بمنطقه .... عندي تلث بنات وولدين واحد مهندس ومزوج والثاني محامي وكاعده ادورله على مره وشفنه بتكم وعجبتنه ماشاءالله حليوه تخبل ومبينه حبابه ... ياريت تنطونه عنوانكم حتى نجي نتقدم رسمي وماجذب عليك خويه راويتها لوليدي وعجبته حييل والنه الشرف اذا توافقون والله واحطها بعيوني وحق الحسين ... وياريت متردونه طلبنه
جهاد : باوع للبنات ... خويه على منو تحجين
المره : على هاي ام الحجاب الوردي
الكل باوع لبراء
براء : اباوع لزين عيونه نطت من مكانها ... رجع خزرني وكال
زين : ح...........
