رواية أحببت من لايبالي الفصل الواحد العشرون بقلم مجهول
زين : بعصبيه .... حجيه شهالحجي هذا
المره : ليش خاله كلت شي غلط لاسامح الله
زين : بحده اي ... هاي مرتي ... رفع ايدها ... ماشفتي ايدها لابسه حلقه ... اصلا شعرفتي عنها انتي وجيتي تخطبيها
المره : يااا ... والله ماادري ياخاله البنيه مرتك ... كل عبالي انتو خوالها عمامها ... مامبينه البنيه مزوجه
زين : وهسه عرفتي
جهاد : خزر زين ... ما صار شي خويه قابل شمعرفج انتي
المره : اعذرني خاله ... يله من رخصتكم
جهاد : براحتج خويه ... لك زين شنو هالاسلوب شلون تحاجي المره هيج
زين : ببرود ... ما كلت شي غلط حظرت جنابها جاي تخطب مرتي شتريدني اطيها موافقه مقدمه لو اطيهم عنوان البيت حتى يجون يخطبوها
جهاد : قابل المره تشتم كفه ايدها شدراها براء مرتك
خوله : وشدعوه عليك ما كفرت بيك المره انت رجال شايب وماخذلك طفله طبعا الناس ماعبالها انت رجلها
زين : باوعلها صفح وما رد
قصي : مبروك ابو الزون خطوبه مرتك
زين : ببرود سد حلكك وانجب لا تخليني اهينك هنا ... وانتي يله كومي ... احنه سابقيكم للكراج مو تتاخرون
براء : كمت ... لزم ايدي ومشه ... اباوعله يمشي ويخوزر بالولد ... اسمعه يحجي ويه روحه
زين : والله يا الله ... عبالها خوالها لو عمامها خوش دروب شايفه الشيب تارس روسنه ... اني صوجي ما تبت من الصار بالمول ارجع اطلعها ويايه مره ثانيه
براء : على كيفك زين لتمشي سريع حتوكعني
زين : بحده امشي وانتي ساكته ما اريد اسمع صوتج
براء : ليش شسويت اني
زين : كلشي ما سويتي سلامتج بس لازم اطلع من ديني من اطلع وياج بكل مره
براء : اني شعليه قابل اني كتلها تعاي خطبيني
زين : وانتي مكيفه حضرتج وتحجيها كدامي بصلافه ... دشوفي منو يطلعج بعد
براء : وليش يعني
زين : بكيفي اني اريد احبسج عندج اعتراض
براء : هزت راسها ... زين
زين : نعم
براء : عطشانه اريد اشرب مي
زين : تعاي اشتريلج
براء : لالا لتشتري هذا مي بالبرادات اروح اشرب واجي
زين : عفس وجهه ... وتستنظفين تشربين انتي والناس من نفس الكلاص
براء : باستغراب ليش لا .... وبعدين اكو كلاصات سفري يعني مو نفس الكلاص نشرب
زين : حتى اذا تعاي اشتريلج اني ما استنظف تشربين منا
براء : بكلبها ... شدعوه كل هالوسوسه
زين : تعاي ... وكف كبال محل بيبع مرطبات ... اطيني بطلين ماي ... تردين تشربين او تاكلين شي
براء : اخذت المي ... لا شكرا
زين : دفعت ومشينه
براء : شفت شعر بنات الله اريد ... بس استحي اكله
زين : شفتها تباوع على شعر البنات .... تحبي
براء : شنوه
زين : شعر البنات مدري انتو شتصيحوله
براء : بخجل عزه يمكن شافني ... لا مااحبه
زين : دتعاي وكفت اشتريتلها ... هاج
براء : هاي المن
زين : ببرود لامي
براء : قربته منه تريد
زين : مااكل هالاشياء
براء : بكيفك ... لعد تريد مي
زين : اي
براء : انطيته البطل الممفتوح لان ادري بي ميستنظف يشرب من نفس الحلك ... تفضل
زين : رجعت ذاك واخذت بطلها ... شربت منه
براء : ليش شربت من هذا
زين : ماعليج انتي اني اريد اصير اقتصادي ... يله امشي اخذت ايدها ومشيت
براء : وصلنه للكراج ... اجيت ادخل وياا
زين : اوكفي وين طابه ... تعالي اوكفي هنا كلها زلم جوه خلي ننتظرهم وندخل سوه ... شويه واجو طلعو السيارات صعدنه وطلعنه للمطعم اخذنه عشه سفري ورحنه للفندق وكفو اجرو غرف اخذت مفتاح الغرفه والجنطه مالتنه وصعدت اني وبراء
لؤي : باجر الساعه بثمانيه اجي اكعدكم
زين : خوش ... صعدنه بالمصعد اباوعلها بالمرايه ... واكفه بصفي ... لخاطر محمد هاي شطولها ... وصلنه للطابق الثاني طلعنه لغرفتنه ... وكفت فتحت الباب ... دخلنا ... اباوع للغرفه ماشي حالها ... دخلي ... خليت الاكل على الميز وفتت نزعت ملابسي ولبست بجامه اجيت كعدت
براء : اخذت دشداشه ورحت بدلت ورجعت
زين : يله تعاي خلي نتعشه
براء : كعدنه ناكل ... اباوعله ساكت مانطق ولا حرف ... اجه على بالي اساله سؤال بس اخاف يصير عصبي عليه ... زين
زين : همهم ... هاا
براء : اريد اسألك سؤال بس لتعصب عليه
زين : ببرود احجي
براء : اليوم بالزياره شفت خاله مريم ضامه اديها وتصلي ... لتفهم غلط تره اني مو انحيازيه ولا طائفيه بس تفاجأت من شفتها ... يعني هي سنيه لو اكو صلاه تتصله بهالطريقه
زين : ليش ماتعرفين امي وابويه من طوائف مختلفه
براء : لا والله
زين : هسه اسولفلج بس عزلي هاي الهوسه وتعاي ... كمت غسلت وتمددت
براء : لملمت الاكل بسرعه ... واجيت لكيته كاعد على الجربايه
زين : وخرت البطانيه تعاي بارده الدنيا وانتي لابسه شي خفيف لاتتمرضين
براء : اجيت كعدت يمه ... غطاني وغطه نفسه
زين : دنيتها عليه ... سمعي امي اصلها كرديه سنيه وابويه شيعي من الجنوب اعتقد تعرفين المهم ابو ابويه وابو امي جانو عايشين بنفس المنطقه واصداقاء كلش الي يشوفهم يكول ذوله اخوان مو اصدقاء وبيبي حميده وخوله هم صارن صديقات من وره صداقتهم ... وره ما كبرت امي ... بيبي حميده خطبتها لابويه وطبعا همه ما رفضو .... ورغم همه من طائفات مختلفه بس هذا الشي ما اثر على علاقتهم بالعكس هي تحترم عقائدنه وحتى تلبس اسود بمحرم ويانه ... وابويه هم يخليها تمارس عقائدها بدون ميدخل
براء : بابتسامه شكد حلوو رغم مختلفين بكلشي بس متفاهمين
زين : اي صحيح وعلى فكره امي رغم سنيه بس هم تحب اهل البيت وتزورهم باعتبارها مسلمه وتتبع دين النبي محمد اكيد ما راح تكرهه سلالته واهل بيته فالي يكلج الدين ياثر على الحياه الزوجيه هذا جذاب لان اني جان عندي اصدقاء بلندن عراقيين ومسلمين هم .... تاليتهم تزوجو نسوان من غير دينهم ويعيشون سعداء بدون ما ياثر الدين او العقيده على حياتهم
او العقيده على حياتهم
براء : ابتسمت ... تدري معبالي خاله مريم كرديه يعني ممبين عليها .... اقصد لهجتها مثلنه .... اصلا اني عبالي خاله مريم منا
زين : اذا ملاحظه قصي وحسن وسجاد شكر وعيونهم ملونه على امي واني ولؤي ونجمه سمر على ابويه
براء : باوعت بعيونه ... اي صحيح بس انت عيونك ملونه واسمر هم يعني جامع من الاثنين
زين : اني بصراحه ما ملاحظ هالشي
براء : لا عيونك هيج عسلي على اخضر ما اعرف شنو لونهن بالضبط
زين : بخبث وانتي هيج مركزه بعيوني
براء : انصبغ وجها ... هاا لا لا بس هنه مبينات
زين : هاا
براء : بهدوء زين سؤال ثاني
زين : سألي
براء : ليش عندك هواي وشوم
زين : احبهن زائد هذني مسويهن من جنت صغير
براء : يعني شكد عمرك
زين : اعتقد جان 18 سنه من بديت اوشم
براء : اوو صغير
زين : اي
براء : زين ليش ما وخرتهن
زين : كتلج احبهن احسهن جزء من جسمي مااكدر اشيلهن
براء : زين كم وشم عندك
زين : 6وشوم اشر على صدره هذا اول واحد ... وشم الجناحات والشفه ... سويته قبل 5سنوات
براء : حلو وبعد
زين : وهذا اشر على كتفه
براء : اسمك مو
زين : اي وهذا رفع ايده راويتج اياه هذاك اليوم .... الينغ واليانغ
براء : اي وبعد
زين : هذا اشر على ظهره
براء : شنو اسمه هالطير
زين : الفينيق
براء : مو يكولون هذا اسطوره يعني ماله وجود
زين : اي صحيح ... قاري هواي كتب عنه هذا الطير جان مخلوق بزمن الدينصورات ... و كلما يموت يرجع ينخلق من رماده وهكذا لحد ما انقرض البعض يكول ماله وجود اساسا والبعض يكول جان موجود وانقرض
براء : حلوو اغلب وشومك الهن قصص
زين : اي
براء : زين منو يكلك عليهن يعني منين يجيبولك هيج رسمات غريبه
زين : محد يجيبلي ياهن اني ارسمهن واروح لواحد يوشمهن الي
براء : شكد حلوو يعني انت تصممهن
زين : اي
براء : زين الوشم يوجع
زين : بس بالبدايه بعدين يصير الالم طبيعي
براء : بتفكير ... خلي اسوي وشم
زين : مستحيل كطنه وشيلها من اذنج اخليج توشمين
براء : حباب والله عجبني حتى اذا صغير
زين : وانتي وين تردين توشمين
براء : ااااممممم مااعرف بس اعتقد هنا يطلع حلو اشرت على ركبتها
زين : مشه اصبعه على طول ركبتها ... صح
براء : مالت راسها ضاحكه
زين : ليش تضحكين
براء : اغار
زين : ابتسم
براء : بعد عندك وشمين وين مكانهن
زين : هذا اشر على نمر بمتنه
براء : وبعد
زين : كافي بعد
براء : وين السادس
زين : ما عليج وينه كافي راويتج هذنيج عوفي هذا
براء : لا حباب راويني اياا
زين : باوعلها ببرود ... يعني مصره
براء : اي
زين : لزم ايدها مشاها على نهايه بطنه رسن جريت ايدها
براء : هاي شدسوي
زين : بخبث اراويج الوشم مو تردين تشوفي
براء : بارتباك انت متستحي توشم بهيج مكان
زين : جرها عليه لزمها من فكها ... بحده هاي عليمن
براء : انتبهت على جفصتها ... هاا ممم مو عليك بب ببس عيب توشم هنا
زين : ببرود ليش انتي عرفتي اني وين حاط الوشم
براء : بصعوبه تحجي ... هزت راسها
زين : يا منحرفه مو المكان الي ابالج ... هدها ... نزل البجامه شويه ... هذا صاير بنهايه بطنه
براء : اباوع بنهايه بطنه مكتوبه جمله بلغه مااعرفها شنو هي ... اااا اسفه
زين : عيب هذا التفكير بنيتي نظفي عقلج تفكيرج مو صافي
براء : دمعت عيونها ... والله اني تفكيري نظيف ببس
زين : شافها برطمت ... جريتها عليه ... هسه شكتلج اني عليمن هالدموع ... باسها بخدها يله لا تبجين شبيج اشاقه وياج
براء : مسحت دموعها ... يعني ما راح تفكيرك لبعيد
زين : ابتسم لا ... يله تعاي نامي
براء : منعسانه
زين : نمت بحضنها جاا اني نعسان لعبي بشعري حتى انام
براء : دخلت اصابعي بخصلات شعره ... زين شلون تكدر تحافظ على كثافه شعرك وحيويته يعني ماشاءالله كولش حلوو
زين : كلشي ما اخليله
براء : يعني هو هيج
زين : اي
براء : ضليت العب بشعره ... شويه وكام
زين : عوفج مني تعاي نامي كافي تاخر الوقت
براء : كتلك منعسانه
زين : ببرود تمددي ... تمددت غطيتها وتغطيت يله نامي
براء : درت وجهي وغمضت عيوني ضليت فتره مااكدر انام بس اتكلب ... حست بايده تحضن خصرها
زين : شفايفه ملاصقه لاذنها ... كافي لاتتكلبين قلقتيني اريد انام
براء : بارتباك ااي .... حاولت اوخر ايده شاد عليها
زين : بحده مو كلنه كافي نامي
براء : غمضت عيونها تحاول تنام متكدر ... حست بي دخل راسه بركبتها ... قشعر جسمها من انفاسه ... ضلت فتره متصلبه ..... وبعدها غفت على انفاسه الدافيه
زين : اباوعلها غفت ... تقربت عليها اكثر دحست راسي بركبتها شميتها افييييش بستها حييل هناك ... صحيح اكو تناقض بداخلي عقلي يريد شي وكلبي يريد العكس بس حاليا اني جاي اسوي الي يريحني وبس ... وطز بالدنيا ... شديت على خصرها اقربها عليه .... ونمت
_________
شمس : كعدت ... لؤي حبيبي كوم صارت بالسبعه ونص
لؤي : كايم ... صباح الخير حبيبتي
شمس : بابتسامه .... صباح النور حبيبي يله كوم بدل واطلع كعدهم علما اكعد ايفان ابدله وابدل والحكك
لؤي : خوش كمت بدلت ... وطلعت كعدت الكل بقه بس زين صعدت للطابق البي غرفته ... ادك الباب محد يفتح ... طلعت موبايلي دكيت عليه ميرد شسالفه وينهم ذوله ... نزلت شفتهم مجمعين بغرفه اهلي ... اكلكم صار ساعه ادك الباب على زين محد يطلع
مريم : خاف طلعو قبلنه
لؤي : لا يمه هو مايكدر يسوق وين يروح قابل
حسن : دكيت عليه
لؤي : دكيت عليه تلث مرات ميرد
خوله : اكيد بعدهم نايمين
قصي : ولكم خاف خذه مرته ورجع
لؤي : والله هو اذا يطك عده فيوز يسويها
سجاد : لا مستحيل يروح بدون ميكللنه
حسن : هسه احنه ماعدنه شي شبيكم مخبوصين خلي ننتظرهم لثمانيه كعدو كان بها ماكعدو نبلغ صاحب الفندق وناخذ مفتاح احتياط ويدخل واحد يكعدهم
نجمه : ما اعتقد يطون مفتاح الغرف الشخصيه لاحد
حسن : ما عليج خليها عليه
______
ن : دك موبايلي على سبعه ونص ... وخرت ايدي عنها .... بهمس براء كعدي صار الصبح يله كومي بدلي حتى نطلع
براء : هممم
زين : كعدي يله
براء : دارت عليه حضنت ركبته ودفنت راسها بصدره ماا نعسانه
زين : ابتسم .. لاف ايده عليها وحضنها حيل ... اني هم بعدني نعسان يله مو فد مشكله اذا تاخرنه ساعه ...... سمع موبايله يدك ... مد ايده خلا صامت ورجع نام
لؤي : ادك عليه ميرد وتالي
حسن : امشونه لغرفته اذا ماطلعو نعوفهم ونطلع نتريك ونرجع عليهم بعدين ... وكفنه دكينه الباب حيلل ... هم ماكو رد
جميله : لحضه لحضه اذكرت خلي ادك على براء
حسن : جااا وين جنتي صار ساعه ندك بالباب
جميله : شمدريني راح عن بالي ... دكيت عليها جهازها يرن
براء : اسمع صوت موبايلي ... اريد اكوم بس اكو عطر طيب داشمه يمنعني اكوم حركت خشمي عليه لحضه هذا عطر زين شلت راسي اباوع زين حاضني ونايم واني هم محاوطه ركبته .... لا تره صارت ماصخه مو كل يوم يتكرر هيج موقف اجيت اكوم بس ايده محاصرتني ورجلي مشابكه ويه رجليه مااكدر اتحرك ...بهدوء زين موبايلي يدك عوفني اكوم
زين : جرها .... نامي عوفي الموبايل
براء : كوم زين الباب تندك
زين : وخر ايده من خصرها وكام فتح الباب صار الكل بوجهه
لؤي : صدك جذب ادري موته صار نص ساعه ندك عليكم كسرنه الباب شسالفه شاربين فاليوم ونايمين
زين : فرك عيونه صوتك لا ادوخنه من الصبح
دارين : صباح الخير زين
زين : بعدم موبالاه صباح النور
دارين : وين براء
زين : نايمه
دارين : ياا خلي ادخل اكعدها
زين : خله ايده على الباب مانعها وين ... عوفيها اني اكعدها انتو روحو ربع ساعه احنه جايين وراكم
خوله : امشونه يله همه يلحكونه
زين : سديت الباب ... دخلت لكيتها كاعده على الجربايه
براء : تمغطت صباح الخير
زين : بياوعلها ... صباح النور
براء : كامت عدلت الجربايه وراحت غسلت وطلعت
زين : لبسي شي ثكيل تره الجو بارد
براء : صار ... طلعتله قميص نيلي وبنطرون اسود انطيتهن اله ورحت لبست بنطرون كابوي وقميص ابيض وسمائي صاحلي زين ادكمله القميص رحت يمه ... تعال اوكف هنا
زين : ليش
براء : تعال اوكف هنا حباب ... وكف يم الجربايه صعدت عليها ووكفت اسدله الدكم ... بابتسامه شوف صرت بطولك
زين : ابتسم ... تحلمين
براء : ليش
زين : انتي كصيره لا تحاولين
براء : ابتسمت ميخالف بس هسه صرت بطولك شوف
زين : ابتسم دنزلي جنج فاره
براء : اني فاره
زين : اي طبعا .... يله لبسي عباتج حتى نطلع
براء : رحت لبست عباتي وجواريبي
زين : كملتي
براء : اي
زين : يله امشينه ... اخذت الجنطه وطلعنه لكيناهم منتظرينه بالرسبشن
براء : صباح الخير
الكل : صباح النور
لؤي : يله ترحون تتريكون وبعدها نطلع للنجف
براء : زين اني ما اريد اكل شي لان نفسي تضل تلعب من الطريق
زين : ما كتيلي حتى اجيبلج حبوب مال غثيان حتى ما تتخربطين
براء : ماكو داعي اصلا اني مو جوعانه
زين : احنه ما اريد نتريك خلونه نطلع
براء : صعدنه بالسياره شفت زين نزل يم محل ... شويه ورجع بيده علاكه
زين : هاج هاي الج ولايفان انتي اكلي شي خفيف بسكت كيكه اي شي لا تضلين على معده فارغه مو زين
شمس : تحرك حواجبها لبراء ... هااا
براء : باوعتلها ليش تباوعيلي هيج
شمس : فديت الدلال عيني
براء : ابتسمت بخجل كافي
شمس : ههه
براء : شغل لؤي اغاني واني عيني على الجامه ... اندمجت
بعد مرور ساعه وصلو للنجف ... ونزلو
سجاد : مو يكولون كلها كبور شو عاديه مثلها مثل اي محافظه
زين : وانت شتسمع تصدك
جهاد : اني وامكم عقدنه سيد هنا بالامام علي (ع) تذكرين مريم
مريم : اي شلون انسه
نجمه : شمعنه هنا بالضبط
جهاد : احب هالمكان وعقدت على امكم بي حتى زواجي يتبارك بهالمكان
جميله : الله شكد حلوو ... حرامات لو جايين هنا يعقدون براء وزين لان تزوجو بالعراق
قصي : ههه كل عقلج ترديهم بهذيج الظروف وبعد كل الي صار يطلعون يزورون ويتونسون .... يمعوده احنه ما عولنه نفض السالفه باقل خسائر ممكنه ونعرسهم
براء : استهضمت من كلامه دنكت راسها
دارين : ليش شنو الي صار وعن اي خسائر تحجي انت
زين : خزره ... قصي يشاقه
سجاد : همسله انت ليش تجفص ... يعني لازم تنكد علينه بكل طلعه
قصي : انتبه لروحه ... والله طلعت مني بدون قصد
جهاد : بحده يله امشونه نزور ونطلع نفتر شويه
براء : مشيت ويه البنات ودموعي تنزل بصمت شكله وين مااروح هالسالفه ملاحكتني ولا يمكن تنمحي واخلص منها .... حسيت بايد لزمت ايدي عرفته زين من دفو ايده ضليت مدنكه وامشي
زين : براء شو بله باوعيلي
براء : بصوت مختنك .... زين البنات حيدخلن للتفتيش اني رايحه ... اشوفك بالصحن ... رحت وياهن مسحت دموعي ودخلنه .... صايره هوسه .. كومه خلص الازدحام تفتشنه وطلعنه دخلنه نزور ... دخلت للضريح هالمره ما بجيت اكتفيت بالصمت اريد ادعي بكلبي زرت وكعدت على جهه اقره قران
نجمه : حبيبتي براء لا تضوجين من قصي تره والله حجه بدون قصد تدرين بي شلون يجفص
براء : بهدوء لا حبيبتي عادي عليمن اضوج ادري بي يشاقه
نجمه : اروح فدوه للتفهم
براء : ضلينه فتره بالضريح .... ريحه المكان تجنن احس نفسيتي ارتاحت من اجيت زرت ... اني وكلت امري لله وادري بي ميردني وحاشه يظلم عباده
مريم : هاا بناتي كملتن
البنات : اي
مريم : جاا يله خلي نطلع
براء : طلعنه لكينه الشباب كاعدين رحنه كعدنه هناك
زين : شلونها الزياره
براء : حلوه
زين : زعلتي من كلام قصي مو
براء : بهدوء لا مزعلت
زين : تقرب يمها ... لزمت ايدها ... راح اسالج سؤال وتجاوبيني عليه بصراحه
براء : هزت راسها ... اي
زين : بصراحه منو يهمج اكثر رأي الناس بيج لو رائيي اني بيج
براء : بدون تفكير ... انت
زين : واذا اكلج بالنسبه الي ... اشوفج اشرف واحسن مره من بعد امي
براء : بس انت كلت بذيج الفتره انو اني دامثل عليك
زين : شد على ايدها هذا الحجي قبل لا اعاشرج واعرفج انتي شنو .... مااجذب عليج جنت ماخذ انطباع غلط على النسوان كلها بصوره عامه وانتي اجيتي دخلتي لحياتي بدون سابق انذار ... لكيت صعوبه بالتعايش وياج اول شي لان انتي مره واني اكرهه النسوان وثاني شي اني شخص انعزالي نوعا ما اكرهه ادخل احد لمحور حياتي
براء : يعني انت متكرهني
زين : ابدا بالعكس فتح ايدها وعد على اصابعها ... انتي مرتي وبنتي وصديقتي والانسانه اللطيفه الي دخلت حياتي وو
براء : تباوع بعيونه وشنو
حياتي وو
براء : تباوع بعيونه وشنو
زين : وح
لؤي : يله زين عدكم شي لو نكوم
زين : بهمس كومي يله لا يتكرر نفس موقف كربلاء وساعتها ما راح الزم اعصابي ... كام ... شد على ايدها لا ماعدنه شي يله
براء : ابتسمت ...طلعنه نفتر بالولايه ... طبعا كولش احب السوق الشعبي هواي اتونس بي ... اباوع زين يمشي والبنات يباوعله طبعا بكل طلعه لازم اشوف هالمنضر هذا .. افف يعني ميستحن يباوعن على الزلم وكفو الولد يم محل يبيع تحفيات // وهيج اشياء وكفنه اني وزين وياهم ... عجبني دفتر عتيق مدري اوراقه محروكه بس كولش حلو ... زين شوف هذا شكد حلو
زين : شو ... اي حلو بس هذا موجود
براء : ما اعرف اروح اسئله
زين : بحده وين رايحه خليج هنا اني رايح اسئله ... اكو مثل هالكتاب
الرجال : اي
زين : اريد ثنين
براء : شسوي بيهن ثنين
زين : واحد الج وواحد الي .... اخذتهن ودفعت
براء : اجتي وحده وياها بنات حجن ويه زين
البنيه : بمياعه عفوا هذا شكد سعره
زين : باوع ورى
البنيه : وياك شكد سعر هذا الكتاب الي بايدك
زين : عينه على الغراض ... ببرود سألي ابو المحل ... يله براء تعاي
براء : رغم اضوج من اشوف مره تحجي وياا بس افرح بنفس الوقت من يصدهن ومينطيهن مجال ... لزمت ايده
زين : شابك اصابعه ويه اصابعها ... ضلو يفترون بالسوك وبعد ما كملو
جهاد : يله نروح نتغده
مريم : بيش الساعه هسه
جهاد : بالوحده
مريم : خوش جاا يله
براء : رحنه للمطعم حتى نتغده
زين : شتردين تاكلين
براء : بكيفك
زين : بطليها هاي الي بكيفك كدامج المينو واختاري الي يعجبج
براء : شتطلب اطلبي وياك
زين : خوش راح اطلب مشاوي
النادل : تفضلو شنو تامرون ... الكل طلب
سجاد : اريد قوزي ومشاوي و
قصي : لك انت مفجوع كافي الي يشوفك يكول ما شايف
سجاد : ما ماكل من جيبك جاي بفلوسي
براء : جابو الاكل ... اني طبيعتي اكل على كيفي يعني بطيئه
زين : اباوعلها متاكل بس تنقش ... اريد اعرف هاي الخدود شلون صارت وهي متاكل ... ليش متاكلين
براء : داكل
زين : سويتلها لفه صغيره ... هااج اكلي هاي
براء : ابتسمت يحسسني اني طفله ....اخذتها ... شكرا
زين : عفوا ... يله كمليها
براء : كام يسويلي لفات صغار ويطيني
قصي : ابو الزون تره نحن هنا
زين : ببرود خلي راسك على ماعونك وانجب
سجاد : اين هي الجبهه انا لا اراها
زين : انت هم انجب
قصي : ههههه حيل
براء : كملنه اكل وطلعنه ... خليت راسي على الجامه ونمت
زين : اباوعلها نامت ... وصلنه وره 4 ساعات .. نزلنه ... براء كومي وصلنه
براء : هاي وصلنه
لؤي : هه بعد وكت
براء : نزلت ونزله الجنط الدنيا جانت عصر دخلنه للبيت كلمن صعد لغرفته دخل زين للحمام ... نزعت عباتي وحجابي طلعت تراك ثخين شويه لان بردانه ... طلع زين بالمنشفه ... ياا زين شلون تسبح بدون متلف ايدك ورجلك مو يلتهبن جروحك
زين : نسيت يله هسه انشفهن
براء : رحت طلعتله ملابس اخذ بس البجامه ... لعد والتشيرت
زين : حران
براء : بارده زين حباب البسه
زين : كتلج حران من ابرد البس
زين : كتلج حران من ابرد البس
براء : افف شكد يعاند راح بدل واجه نام ... طلعت كعدت بالصاله لان نمت بالطريق فشبعانه نوم ... كعدت اقره شويه همزين باجر عندي عطله ... ضليت فتره كاعده اقره ... حتى باجر اضل مرتاحه ... شويه واذن رحت توضيت وصليت قريت قران شويه ونزلت جوه مالكيت احد الواضح الجماعه تعبانين بحيث لسه نايمين رحت للمطبخ سويت لروحي نسكافيه وصعدت ... دخلت للغرفه كعدت اكلب بالتلفزيون طلعت فلم وكعدت اتابعه ... حلوو ... باوعت بثمانيه كمت اكعد زين حتى يصلي ... زين اكعد صلي ... دنيت يمه اسمعه يون ... زين شبيك ... علكت الضوه اشوفه عركان ومدري شيحجي خليت ايدي على كصته عززه حرارته حيل مرتفعه أباوعله يرجف من البرد ... وخرت الغطه عنه ... ورحت ركض خليت مي بارد بطاسه وجبت خاولي صغير كعدت اسويله كمادات
زين : يون وخرري بارده
براء : مو كتلك لتسبح هسه تتمرض متسمع كلامي
زين : كتلج وخري
براء : خلي حرارتك تنزل ... رجعت عصرت الخاولي وخليتها على كصته ججج سوده عليه جسمه يرجف من البرد
زين : لزم ايدها براء كافي
براء : مارديت عليه ضليت فتره اسويله كمادات اباوع صارت بالعشره وحرارته لسه ما نزلت ... كومته ... كوم ... ميكدر ... كوم زين حباب عيني كومته يمه هو ثكيل وذاب ثكله عليه كوه امشي ... دخلت للحمام .... يازين بس ساعدني شويه ... وكفته بالبانيو وفتحت الدوش ... المي البارد صار علينه اشششه بارده دفعني زين يريد يطلع حضنته من وره ضليت كاعده وياا فتره ... اباوعله تنكع ونكعني وياا اباوعله شكله بهاللحضه مااكدر اوصفه ... سندت راسي على راسه وبقينه جوه الدوش وره نص ساعه طلعته وهم كوه يمشي كسر ظهري ... زين اني هسه شلون حبدله ... زين حباب تكدر تبدل ... هزلي راسه ... كعدته بالصاله ورحت جبتله ملابس شتويه ... لبس بس البجامه اجيت لبسته بلوز وفوكه سويتر مال التراك وكومته سوده عليه كوه يمشي مددته ورجعت اسويله كمادات واقره على راسه قران بلكي تنزل حرارته منا لساعه اذا ما نزلت حرارته اروح اكل للولد ياخذو للمستشفى ... ضليت على حاله اسوي بهالكمادات وارجع لوره وخرتها لمست ركبته وكصته اووووف الحمدلله ... طلعت الطاسه ورجعت غطيته ببطانيتين
زين : بتعب روحي بدلي هدومج متنكعات
براء : رحت بدلت .... واجيت نمت بصفه خله راسه على صدري وحضن خصري
زين : بردان
براء : حضنته اقرب الي ... وامشي ايدي على راسه .... كمت اقره ايه الكرسي عليه حسيته شويه هدئ
زين : بنعاس براء
براء : مسحت على شعره .. هاا
زين : اني .....
*********************
