رواية الطالبة والعصبي الفصل الواحد والعشرون بقلم مجهول
تذكير
سيف وهوة رافع حاجبة : منو الشايب
نارين : انتة
سيف : لعد خل اوريج اشايب شيسوي كال هيج وهجم علة اشفايف نارين بوس ومص الحد ما حس بيتهة تضرب علة صدرة لأن اختنكت وخر منهة وحط جبهتة علة جبهتهة وكال وهوة يباوع لعيونهة وشفايفهة المنفوخة : هسة منو الشايب
نارين بخجل : عوفني اريد ارجع للمحاضرة
سيف : وذا معفتج اشحسوين
نارين بقهر: سيف
سيف بخدر : يعيونة السيف وعشيرتة
نارين بخجل: خل ارجع للقاعة
سيف بمكر : بشرط
نارين بسرعة : موافقة علة اي شي بس خل ارجع
سيف : يلة لعد بوسيني من هل شفايف الحلوة اهنا وهوة ايأشر علة شفتة
نارين بصدمة: مستحيل
سيف بستفزاز: لعد بكيفج ضلي اهنا الحد ما يخلص الدوام
نارين : ماشي بس بخدك
سيف برود: شنو روضة وتبوسيني بخدي
نارين بخجل : ماشي وقربت شفتهة من شفت سيف وحطت شفتهة علة شفتة واجت اتوخر ابسرعة بس سيف لزمهة من ورة وقربهة علي اكثر وبدة ايبوسهة بس بهدؤ
الحد ما حس بنارين بدات اتبادلة البوسة وحطت اديهة علة ركبت سيف هلشي خلا يتعمق بيهة اكثر الحد ما قاطعهم دكت التليفون مال سيف يلي صحت نارين علة نفسهة وبتعدت بسرعة من سيف وكامت لبست شالهة وطلعت من المكتب اما سيف فا ضل يلعن ويسب المتصل الحد ما شاف الرقم وطلع اخوة اجة ايسدة ابوجهة بس جاوبة وسلم علي وضلو يحجون بموضوع الشغل مال الشريكة ......
_____________
نارين
اول ما طلعت من مكتب سيف رحت للحمامات غسلت وجهي وانبت نفسي لأن بادلتة نوب شفت اشفايفي وجهي بل امراية جان خريطة فا فتحت جنطتي وحطيت اكريم علة مود اخفي الخراميش البخدي وحطيت حمرة وخفيت الورم البشفايفي وعدلت شالي وهديت نفسي ورحت للقاعة دكيت الأباب ودخلت وكلت لأستاذ اني جنت بمكتب استاذ سيف وعتذرت منة ورحت كعدت بمكاني ورجع الأستاذ يشرح الحد ما خلصت المحاضرة سئلتني سرى اصار فكلتلهة انو بس رزلني وعيط علية وكعدنة اشوية سولفنة انوب حضرنة محاضرتين وبهيج خلص الدوام واجت الخطوط واني ودعت سرى ورحت الخطي واجن ايه وبنات الخط وكمل عددنة فرجعنة للبيت ......
___.#myhopes
سيف
بعد ما اتصل اخوية رائد وسولفيلي اشوية عن الشريكة ومشاكلهة وحجينة علة الشغل سديتة منة واخذت نفس ورجعت راسي علة الكرسي وتذكرت نارين وشكلهة تنهدت وكمت اخذت جنطتي وحضرت محاضراتي وكملت رجعت اخذت السويج وتليفوني من مكتبي وطلعت للكراج شفت محمد يم سيارتة حجينة اشوية ونوب سلمت علي وركبت سيارتي ورجعت للبيت .........
________________
نارين
وصلنة للبيت اني وايه ودخلنة سلمت علة مامة وكتلهة لا تصيحني علة الغدة لأن ما اشتهي ورئستن صعدت سبحت من الحر وصليت ولبست برمودة ومشطت شعري بس شفت ركبتي بل امراية عزة هاي اصاير بية جانت طالع بيهة طكع حمر علة زراك خرب اكيد من سيف لمن عض ركبتي فأخذت اكريم اساس وحطيتة علة ركبتي وحطيت فوكا مثبت خاف اشوفة مامة وبتلي
ونمت بسرعة من التعب وكعدت الساعة بل اربعة ونص ونزلت جوة صبيتلي جاي وكيك ورحت كعدت يم بابة ومامة وايه واول ما دا اكل كال بابة
ابو نارين : بنيتي شنو اليوم كالو متعاركة با الكلية
نارين وهية تبلع ريكهة وكالت بتوتر : ها اي بس مشكلة بسيطة وحليتهة
ايه بخبث : يا بسيطة اجة مسئول القسم وعيط عليهة وداهة للعمد مال كلية
ابو نارين بعصبية : صدك هذة الكلام
نارين بخوف : ها اي بس والله نحلت
ام نارين بعصبية: وشون انحلت سيف حلاهة مو
نارين بخجل: اي
ام نارين : صدك زايحة انتي المستحة فرد مرة يعني ما تستحين تتعاركين بل كلية ويجي خطيبج يشوفج بهل حالة
ايه بحقارة : مامة حتة دكتور سيف سامح البنية التعاركات وياهة نارين ومعاقباهة بس نارين عاقباهة
ام نارين : اكيد يعاقبهة اذا هية مسوية عصابة بل كلية وكل يوم مسويتلهة مصيبة
ايه : اي والله مامة كثرت مشاكلهة باالكلية حتة كمت استحي اكول هاي اختي
نارين مستحملت كلامهن عنهة فكمت صعدت فوك ودخلت للغرفة ودك تليفوني شفت الرقم طلعت هدى جاوبتهة وضليت اسولف واشاقة وياهة الحد المغرب وراهة ودعتهة وسديت التليفون وحطيتة علة الشحن ورحت اتوضيت وصليت وقريت قرأن وكملت ونزلت جوة تعشيت وغسلت المواعين وايه صبت جاي ورحت كعدت وية علي ولعبنة بلي الحد العشرة يلة صعدت غسلت ولبست برمودة لون اصفر واخذت تليفوني وكعدت العب بي الحد ما دك التليفون شفت الرقم غريب فرفضتة نوب دك مرة ثانية وهم ما جاوبتة وضل ايدك الى ان جاوبتة
وكلت : الو منو ......
_______________
سيف
وصلت البيت ودخلت السيارة للكراج وسديت الباب ودخلت سلمت علة امي وابوي وصعدت غسلت وصليت ولبست اتراك لون رصاصي ونزلت جوة اتغديت اوياهم وسولفت اشوية وشربت جاي وصعدت نمت وكعدت بتلاثة كمت سبحت ولبست قاط لون جوزي ومشطت شعري ولبست ساعتي ونزلت جوة شفت البيت هادأ لأن الكل نايم فا رحت للمطبخ وشربت مي بارد وطلعت السيارة من الكراج وسديت الباب وركبت السيارة ورحت للشريكة وصلت وصفيت السيارة ودخلت للشريكة سلمت علة الموظفين وفتريت علة كول القسام وشفتهم شيتغلون بنظام بلة اي تقصير فا صعدت المكتبي وبديت الشغل بين الملفات والأجتماعات وخلصت بل تسعة ونص فا كمت وخذت السويج والتليفون من علة المكتب وطلعت من الشريكة وركبت سيارتي ورجعت للبيت دخلت السيارة للكراج وقفلت الباب ودخلت سلمت علة اختي الي شفتهة اسوي ممة الأبنهة الصغير وصعدت فوك سبحت وصليت ولبست برمودة رصاصية وتشيرت اسود ورحت كعدت علة المكتب البغرفتي وتصلت بنارين اول مرة رفضتة وثاني مرة هم وضليت ادك عليهة الحد ما جاوبت وكال : الو منو
سيف : لأزم ما حافظة رقمي عندج
نارين وعرف هذة سيف كالت : والله ما احب احفظ الأرقام المو مهمة
سيف بستفزاز: صحيح متحفظين ارقامهم بس اتحفضين اصواتهم مو
نارين بحراج حبت اتغير الموضوع
فكالت : هسة شتريد متصل بية بنص اليل
سيف برود: هيج بس حبيت اتصل بخطيبتي واشوفهة اجاي اسوي
نارين : كلشي مجاي اسوي كاعدة وساكتة
سيف : للصراحة الحجي وياج كلش ملل فخل اروح احجي وية ريم احسلي
نارين بعصبية مكتومة : ومنو ريم
سيف بستفزاز: هاي البنية الضربتية اليوم هية ريم
نارين بعصبية : وليش تحجي وياهة ومنين جبت رقمهة
سيف ببتسامة لأن عصبهة: احجي وياهة لأن هية معجبة بية واني معجب بيهة وبنسبة الرقمهة هية انطتني يا
نارين بنفس العصبية : وتعوف خطيبتك وتروح وتحجي وياهة
سيف برود : اذا خطيبتي متريد اتحاجيني فا شي اكيد اعوفعة وروح احجي وية غيرهة
نارين بستفزاز: عادي روح احجي وياهة واني اروح احجي وية لولو
سيف بحدة: ومنو لولو
نارين برود: ابن عمي لوئي وهم هوة يحبني ومعجب بية
سيف بعصبية : وانتي
نارين : شبية اني
سيف بحدة : اتح....
_________________
