رواية هو لا يشبههم الفصل الثاني والعشرون بقلم تبارك الوائلي
هِـيَ امْـرَأَةٌ لَا تُـشْـبِـهُ إِلَّا نَـفْـسَـهَـا..
يَـصْـعُـبُ :
إِلْـفَـاتُـهَـا ، وَإِفْـلَاتُـهَـا ، وَإِتْـلَافُـهَـا....🤍🥀
ام صالح: جمانه بنتج مليكه طلعت تشتري ومن عابره الشارع مسحوكه .
جمانه : فتحت عيني بصدمه ورجلي رجفن من الخوف صحت بصوت.
:- يمه عزااااا ، اشلون ندعمت وهسسسه وينها يمه فدووووه مليكه ويننن كليلي يمه .
ام صالح: على كيفج بنتي خدش بسيط حيل
وهسه اخذها اخوج صالح وكواكب .
جمانه : خلي اروح الحكهم يمه بنيتي ربي دخيلك لتفجعني بجهالي .
ام صالح: وين ولج هسه يجون صبري
.
:- واني تردين انتضر الحد ميجون شيصبرني يمه شيصيرنيييي .
رحت اركض بلا وعي اجرت تكسي شافتني جارتنه اجتي ويايه وصلت للمستشفى شفت مليكه من بعيد سوده عليه شحالها من الخوف مخطوف لونها واكف صالح وكواكب يمها والشرطه واكفه تحجي ويا صالح رحت اركض عليها حضنتها حيل وضميتها الصدري وهيه جانت ساكته ومهضومه بس شافتني طكت بالبجي صرت اسكت بيها وابجي وياها
:- يروح امج لتبجين انتِ سبعه وقويه مابيج شي لتخافين .
كواكب :- والله مابجت انسحكت وجبناها وهيه ساكته هسه بجت من شافتج .
:- اي يمكن جانت خايفه اني امانها حبيبتي يروحي اشلون طلعتي انتِ متطلعين ابد اشلون كليلي .
ملك :- ماما نور دزتني اجيب اله جبس ولكيت ابو المحل الي بصفنه معزل وشفت الشارع فارغ وعبرت وطلعت اليه سياره ومادري شلون ندعمت .
:- كافي حبيبتي اسكتي .
صالح : جمانه تتنازلين عن الرجال .
:- لا ماتنازل .
:- بس هوه مامتقصد .
اجه ابو الولد كال .
:- بنتي قدر وصار واحنه منعوفه البنيه شتخسرين عليها حاضرين احنه .
صالح : جمانه تنازلي الرجال انطانه مستمسكاته وهو منتسب خطيه تخلي يتوقف .
جمانه : بكيفك صالح بس الشارع من جيت جان مسدود لان بي صيانه مالت تبليط يعني صوجه هو يمشي سريع وهو الغلطان .
صالح : ميخالف خطيه .
اجه الدكتور وكال اخذوها لمستشفى الواسطي
رجعنه للبيت و صالح كال .
صالح : جمانه ابقي باتي يمنه ونطلع من الصبح للمستشفى .
جمانه : اي هو راح ابقى
بقيت كاعده لليل كله وضع مليكه مو طبيعي
تلوب من الوجع ، اجاني طارق كال .
:- ماما تدرين بيبي شكالت من كتلها مليكه نسحكت
:- شكالت بيبي طارق احجي .
:- كالت طبها مرض وحيل بيكم كل الي يصير ويا امك .
:- ليش اشسوت امك احمدك واشكرك ربي كومت بنتي بسلامه .
ولا واحد اجه لا عمتي ولا طيبه ولا وحده من البنات دكت بالمبايل تسال ابد بقيت بايته يم اهلي دك ايهم عليه يسال على مليكه وتحمد بسلامه الها
وكال .
ايهم : شمحتاجه جمانه تردين اجي .
جمانه : لا تسلم .
أيهم : ادزلج افلوس محتاجه شي .
جمانه : لا والله ممحتاجه شي .
أيهم : اني بالدوام بس انزل اجي اشوفها .
جمانه : ان شاءلله .
سد المكالمه ، كعدت الصبح ورحنه للمستشفى اني وصالح وكواكب وشافو رجلها كالو .
:- تحتاج تعقيم لازم تتنضف ياله انسويلها عمليه .
عقموها الها وهيه شبعت بجي من الوجع رجعنه للبيت ومليكه مصخنه حيل وبالكوه اكلت نطيتها مسكن سوده عليه شصاير بيها الحمدلله والشكر جسمها مابي شي ولا شخط بس رجلها من الجف متاذيه وللمغرب بينت طيبه والله الها كلب من البارحه لليوم تعرف بيها وهسه جايه تسال بقت تحجي ويه امي وتسال وكالت .
طيبه : اي طبعاً هيج صار لان امها نخطبت بصفر وتعرفين ميصلح بهيج شهر .
محد رد عليها تريد بااي طريقه اطلعني غلطانه او مقصره مليكه من الخوفه تنام وتفز من نومها كعدت اقره عليها ايات نامت والصخونه مانزلت ابد اسويلها كمادات سالتني طيبه .
طيبه : اشلون جمانه راح تبقين هنا يم اهلج .
جمانه : شسوي طيبه تعرفين بعد بصالح اصر عليه ابقه يمهم لان خاف على مليكه كال صير زينه وروحي .
:- هااا براحتج اكوم اروح احسن .
راحت وبقيت ويا مليكه سهراننه وبالكوه نامت كعدت الصبح وريكتها بالكوها ودك علينه حميد ابن خالتي وسال على مليكه وعرف بيها مصخنه وكال
حميد : جمانه لازم هسه تاخذوها للدكتوى هاي صاير عدها التهاب ليصير شي بالطفله ودوه المنقذ الجيبجي احسن دكتور .
هو نفسه الي سوه عمليه بيبيتها .
جمانه : أي أن شاء الله ،
حجيت وياه شويه و تشكرت منه وسديته .
سمع صالح كال هسه نتغده وناخذها لدكتور
وفعلا رحنه وطبينه وشافها الدكتور نصدم وكال .
:- هاي شنو الصخونه العدها لازم هسه عمليه فورن.
:- دكتور بس احنه ماجايبين افلوس ويانه اشلون.
:- دخلوه عمليه وروحو جيبو افلوس لتروح تموت الطفله ماعدكم وقت .
اني سمعت هيج واني ختل كل توازني وصرت
ابجي بقهر
صالح دك على الشخص الي ضربها وكله .
:- العمليه تكلف 2 مليون .
جاوبه الولد
:- كله اني بالدوام ادفع واني احاسبك .
رجع تصل على ابويه وكله وابويه خطيه جامع افلوس بناء البيت كله .
:- تعال بسرعه اخذ افلوس وسويلها العمليه .
راح صالح للبيت يجيب افلوس ودخلنه مليكه للعمليه وهي تبجي حبيبتي تخاف تريدني وياها وما خلاني الدكتور اطب يمها وكفت اني وكواكب بالباب ننتضر تخلص العمليه مرت نص ساعه و ايهم داك على صالح وكاله صالح دخلنه مليكه وهو مجاوبه
جاي بالطريق وفعلا مطول ربع ساعه واجه اباوعله طب ملهوف كال .
أيهم : ها بشرو طلعت .
كواكب : لا والله بعدها .
وكف يسأل كواكب وهيه ترد عليه واني واكفه على نار منتضره مليكه اجه تقرب وكف يمي وكال .
أيهم : اصبري جمانه وصيري قويه كافي بجي هسه تطلع البنيه تشوفج هيج هيه هم تخاف وتبجي .
هزيت راسي اي بس دموعي غصب عني ينزلن كال .
أيهم : مو كلنه كافي شو مسحيلي دموعج وامشي
اخذج بالمصلى صلي ادعي الها تكوم بالسلامه .
كواكب : أي جمانه امشي صلي هسه ترتاحين.
جمانه: لا كواكب خلي بس تطلع واشوفها بعيني سالمه .
مرت نص ساعه تقريبا وطلعوها حبيبتي وجها
اصفر وبعدها نايمه خلوها بغرفه الاستراحه طبيت يمها اني وكواكب وايهم ويانه اشويه و صحت من البنج شافتني ابتسمت وكالت بصوت تعبان .
:- ما...ما ...
:- ها يروح ماما يوجعج شي .
:- لا .
كواكب : الحمدلله على السلامة حبيبتي تنذكر ماتنعاد .
خطيه صالح كل شويه يدك على كواكب يسالها طلعت لو بعدها تقرب أيهم باسها من رأسها وكال .
أيهم : ها عمو حبيبتي الحمدلله على السلامة اشلونج هسه .
:- الحمدلله زينه .
أيهم : حبيبتي سباعيه مليكه .
اجه الدكتور شافها وكال .
:- الحمدلله على سلامتها ان شاء لله ماقصرنه وياكم.
جمانه : تسلم دكتور والله ماقصرت رحم الله والديك .
:- تعرفين بيتي بنتج وريد اصبعها الجبير مكطوع خيطته الها والجلد كله ماكو بجف رجلها اخذت
من فخذها ترقيع والحمداله كدرت اسوي عمليتين بعمليه وحده .
أيهم : الحمدلله تسلم دكتور .
:- لازم تبقيه 45 يوم مجبسه وتجون وره 45 يوم افتحها واشوفها .
أيهم : عفوا دكتور عمليتها ناجحه .
:- اي ابني الحمدلله ناجحه نجاح تام .
أيهم : اشوكت نكدر نطلعها .
:- ترتاح شويه و تكدرون بعد ساعه اطلعوها
اذا تردون .
جمانه : تسلم دكتور
ايهم : راح اروح اني تعرف طالع من الدوام زمنيه .
صالح : الله وياك .
جمانه : اجه وكف قريب مني وكال .
أيهم : ام نور شتحتاجين اتصلي عليه .
جمانه : تسلم متقصر .
سلم وراح وبقينه اشويه وطلعنه رجعنه للبيت الف الحمدلله والشكر يارب تكوم وتمشي على رجلها مليكه اجيب ذبيحة لسلامتها الكل فرح بسلامتها وكل أقربائنه ومعارفنه اجو يتحمدون بسلامه مليكه واجتي طيبه شافتها وراحت ولليل اجتي عمتي حاطيها بالعربانه كعدت اشويه وشافتها وراحت .
جمانه : ماما نوره شلون ادزين اختج تشتري مو طارق موجود .
نور : ماما والله مادري هيج يصير و طارق جان وياج و دزيتها من المحل الي بصفنه اني ماكلتلها تعبر اساليها .
ملك : اي ماما صدك لكيت ابو المحل الي بصفنه معزل ورحت الشارع فارغ ومادري منين اجه سياره الشرطه وضربني
كواكب : والله هوه الغلطان الله ينتقم منه التكول عنده سباق .
جمانه : هذا هوه كواكب مكتوبه اليه اشوف الوعه على بنتي .
كواكب : الحمدلله على كل حال .
ام صالح : اوف يا بنيتي مادري اشوكت ترتاحين دوم مشلوع كلبج كلهن شفتيهن ومرن عليج .
جمانه الحمدلله يمه المهم سلامه بنتي .
عمتي من اجت وجها جان ثكيل أعرفها من نخطبت الايهم هيه زعلانه وبالكوه تحجي ويايه
نامت مليكه من التعب وبقت خطيه كل يوم تفز بالليل وتخاف من موقف الحادث واني وكواكب
نكعد نقره عليها قران اشويه بدت تتحسن حالتها النفسيه ويا العلاج احسن صارت
نزل أيهم من دوامه واجه علينه جان صالح
ما موجود بس امي وكواكب بالبيت سلم وكعد
كال .
أيهم : ها عمو حبيبتي شلون صرتي .
:- الحمدلله عمو زينه .
أيهم : سباعيه مليكه هم سالو عنها عماتها اجتها بيبيتها اشوفها .
ام صالح : اي عمه اجتي ام بسام وطيبه شافنها بس البنات ماجني ولا سالن عليها حتى بالمبايل مخابرن اضاهر سامعات بخطوبه جمانه .
رد بعصبية وكال .
أيهم : واذا سمعن شنو جرمت جمانه .
كواكب : اضاهر زعلانات .
أيهم : اريد بس اعرف ليش زعلانات شنو الصارررر .
ام صالح : عوفهن عمه شنسويلهم .
أيهم : تدرين خابرتني طيبه ماخلت كلام طايح حضه ماحجته اخر شي حضرت رقمي .
:- عوفه شعليك بيهن .
:- والله ياعمه مستغرب من تصرفهن متوقعتهن هيج
بس يله هنه اصلن من الاول ماحبني ولا اعتبرني
اخ ابد البشر معروف من عيونه اشوف الحقد والكره بعيونهن بس بسام الله يرحمه جان يحبني ويريد قربي منهم .
ام صالح : ابني هنه يحتاجنك مو انت محتاجهن والدليل ساره من زعلت ويه زوجها أول واحد انت خابرتك وانت مقصرت رحت تعاركت علمودها وعفتها شهر ابيتك ومقصرت وياها .
أيهم : أي والله عمه مارجعته اله خليت زوجها يجي بنفسه ويعتذر منها ورجعتلها اعتبارها وهسه لكيتها حاضرتني .
ام صالح : هذا هوه عمه عوفهن لعد .
أيهم : يشهد ربي عليه احبهن واحسبلهن حساب وماريد اتخارب وياهن بس هنه بايعات الخوه .
ام صالح : ابقى تغده رتاح هنا .
أيهم : والله تعبان حيل هاي نزلتي من الدوام .
:- الله يساعدك .
جمانه : كل هذا واني كاعده وساكته حيل اخجل منه اجه بأس ملوكه وعاف فلوس جوه رأسها وكال .
أيهم : هاي مال حلوياتج اشتري شتحبين .
ام صالح : شلك بيها عمه .
جمانه : ابتسم وسلم وراح وكمت اوقت المنبه يدك بل 6 الصبح اكعد البس عبايتي اروح للبيت الكه بس عمتي كاعده ادري بيها تكعد من وكت وطيبه ونور وطارق نايمين اروح اضرب عمتي ابره السكر واسويلها ريوك تتريك واروح اطبخ الغده يستوي اطفي واكعد نور وطارق اسوي ريوك الهم وانطيهم ريوك همه وطيبه ورجع لبيت اهلي علمود مليكه لان تخاف صايره ومتعلقه بيه متريدني اعوفها ابد على نومتها الصبح اروح اكمل شغل .
كعدت اوصي نور على عمتي والبيت سمعتني عمه كالت .
ام بسام: وانتِ ست جمانه لشوكت تبقين هيج وضعج بله .
جمانه : ليش عمه اشبي وضعي .
ام بسام : عاجبج رايحه وجايه عليه هيج .
جمانه : ليش اني مامقصره وياكم داكعد من 6 لان ادري بيج تكعدين من وكت واسوي ريوك لج واطبخ و هاي نور وطارق يمج عايفتهم يمج يصخرون الكم شسوي غير مجبوره ياعمه علمود مليكه والدكتور منعها من الروايح او العطور وانتِ تعرفين بطيبه تحب البخور وهذا كله مو زين عليها وصالح هم راكب راسه ميقبل يكلي خلي اطيب بنتج وروحي .
ام بسام : لا ميصير هذا مو حجي .
جمانه : ليش هيج تحجين عمه اني من اتوفه ابنج صار 3 سنوات مافديوم عفتكم او بتت يم اهلي
بس هسه اضطريت علمود بنتي .
ام بسام : والله اني ميعجبني هل وضع شوفيلج جاره.
جمانه: عفتها مرديت بله شحجي وياها ضاجت عمتي حيل لان اعرفها متعلمه عليه وطيبه متلفي
على البيت تعوف امها والبيت وتروح تكعد يم هاجر
زوجه اسامه ابن عمي هاي طيبه كل مسوليه ماعدها
مرت 10ايام
اروح الصبح اسويلهم ريوك نوب ارجع بالليل هم اسويلهم العشه ورجع عمتي جانت حيل ضايجه وماتحملت انفجرت بوجهي من اجيت الضهر لكيتها معصبه لان طارق ضارب نور اول ماطبيت صاحت .
ام بسام : اي كاعده يم امج ومرتاحه واني مشلوع كلبي من وره جهالج .
جمانه : ليش عمه قابل اني متونسه والله مجبوره ومتبهذله من الروحه والجيه وملوكه الليل كله تبجي وتخاف وابقه للصبح سهرانه اقره عليها حتى تنام .
ام بسام : اني هم تعبت منهم .
جمانه: تره اني الي متاذيه مو انتو اني الي تعبانه مو انتو اشبيج عمه متكليلي ونور وطارق غير علمودج عفتهم يصخرون الج ولحتياجاتج ليش هيج تحجين واذا تعاركو بينهم خوان يتعاركون ويرضون .
ام بسام : أي بس اني ما اتحملهم بعد .
جمانه : والك طارق اشبيك ويا اختك .
:- مابيه شي ماما والله جنه نلعب وتراضينه اني ونور مامسوين شي احنه .
ام بسام : اي صح ممهوسين لو ما كل اشويه يتعاركون عايفتهم على كلبي وانتِ مرتاحه .
جمانه : والله مادري شكلج عمه .
ام بسام : شوفي جمانه لو تكعدين يم جهالج واسكتين لو بعد بيتي مطبي زين تاخذين جهالج وترحين هذولاك بيت اهلج وروحي اسكني يمهم هوه انتِ كم شهر ومزوجه ورايحه بعد شكو باقيه يمي .
جمانه : ليش عمه بشنو قصرت وياكم اني هاي جزاتي وتعبي الكم لان راح اتزوج صرت منبوذه .
ام بسام : عيني سويتي ماسويتي كافي عايفاتني وحدي بالبيت ويا زعاطيطج .
جمانه : عمه ليش متكدرين تحجين ويا طيبه اتبطل تطلع بس هل فتره وتكعد يمكم باللبيت .
ام بسام : كافي الخاطر ربجن بزعتوني اني مره مريضه اخذي جهالج وروحي جمانه يم اهلج تعبت اني منكم .
جمانه : التردي يصير هسه اطلع وماضايقكم بعد
اخذت نور وطارق ورحت لاهلي واني دمعتي على خدي مانشفت صدك نهضمت صرت ابجي من كل كلبي شافتني امي .
ام صالح: ها يمه اشبيج خيرج .
جمانه : مابيه شي .
شافتني كواكب اجت كالت .
كواكب : جمانه ليش تبجين منو وياج .
جمانه : عمتي تحجي عليه وطردتني .
كواكب : وانت غير علمود بنتج باقيه هنا شبيها عمتي .
جمانه : راح اروح اجيب ملابسي واجي .
:- انتضري اجي وياج .
اجتي كواكب ويايه ورحنه لميت ملابسي وكواكب كالت العمتي .
كواكب : ام بسام ليش متخلين طيبه تكعد يمج وتبطل تطلع مو تكولين محد الي .
ام بسام: اي واني اكدر الطيبه ماتسمع مني وسوي البراسها .
كواكب : اي وجمانه شنو ذنبها تره صار3 سنوات ما باتت لليله وحده يمنه ليش تحجين عليها غير علمود بنته بقت .
ام بسام: لا عيني خليها تروح يم اهلها احسن هيه بعد كم يوم مزوجه بعد شكو باقيه يمي .
كواكب : بس هيه كالت ماتعوفكم وتجيكم من
يروح ايهم للدوام تجي تنضف وتطبخ وتخبز الكم
و الجهال ميبعدون منكم .
ام بسام: لا عيني لا تجي علينه ولا ابد منريد شي منهم ولا يجون جهالها هم يمنه اصلن .
جمانه : يله كواكب جمعت ملابسنه امشي بعد نرجع .
وططلعنه اني وكواكب ورجعت البيت اهلي
صفنت اني بشنو طلعت من هل بيت وشلون طلعت وهسه اشلون رجعت احس بيت اهلي غريب عليه
واخجل اي شي اتصرف بكيفي احس نفسي خطار
و مامسموح اليه حتى افتح الثلاجه رغم همه محد بيهم يحجي شي بس هل حساس ماعرف بس عندي لو عند كل البنات ،
اباوع على الجهال شلون راح ينجمعون ويا جهال اخويه اكيد راح يتعاركون وابويه ميحب الهوسه ياربي وين اروح وشلون
اكدر اصبر طارق ميتحمل بس يتعارك ويا جهال اخويه محتاره يارب دليني على الطريق الصحيح .
رحت خليت ملابسي بمجرات جبتهن ويايه وعزلت ملابس الجهال وكعدت يم مليكه دك مبايلي ايهم رديت بصوت تعبان .
أيهم : هلو جمانه شلونج .
:- الحمدلله .
:- وين انتِ .
:- يم اهلي بعدني وراح ابقه يمهم جبت نور وطارق يمي .
:- شعجب راح تبقين يم اهلي .
:- عمتي كالت روحي يم اهلج .
:- عادي اسالج ومتضوجين .
:- أي عادي .
:- بعدنه على تفاقنه تبقين الجهال يم اهلج بس اول شهر .
:- والله ما اعرف اني اكول هواي شهر ميصبرون واخاف على طارق يتعارك ويا جهال اخويه .
:- أيهم يعني افتهم من كلامج غيرتي راييج .
:- لا اني محترمه قرارك حقك بس جهالي من حقي أخاف عليهم .
:- روحي رتاحي وبعدين نتفاهم .
سديته منه وكعدت استغفر ربي اجت كواكب كالت .
كواكب : ها اشبيج جمانه .
جمانه : والله مادري شكلج كواكب ايهم يكلي بقي الجهال يم اهلج وجيبي الصغار واني من اروح للدوام يجون يمج يكول بس شهر ويرجعون يمج
واني هسه محتاره .
كواكب : والله مادري شكلج جمانه بس تعرفين الجهال يتعاركون واني ماعندي مشكلة بقيهم عمر يمي بس كون ميتعاركون لان تعرفين خالي يضوج من الهوسة .
جمانه : أي والله اعرف ابويه يحب الهدوء بس شسوي كوكب ايهم كلي بس شهر ويجون يمنه .
:- بقيهم والله كريم حالهم حال الجهال .
اجه ابويه امي حجتله نقهر من عمتي بس كال ابقي هنا معززه مكرمه ، مرت الايام
والجهال متخلص مشاكلهم كلساع يتعاركون على شغله وكمت الاحض اهلي ضاجو من الهوسة
آخر شيء رحت كعدت يم امي كتلها .
:- يمه خلي نكعد هنا بالمشتمل مالتنه .
ام صالح : وين تكعدين يمه لا بي كهرباء لا شي اكعدي و اسكتي يمه .
جمانه : مو اشوف صالح ضاج من وره الجهال وهوستهم .
ام صالح : اسكتي جمانه كله كم يوم ومزوجه انتِ ورايحه .
جمانه : اي سكتت اني خلصت كل عمري ساكته بقت على هل كم يوم .
مرت الايام وصارت مشكلة صالح ويه كواكب
واجه حميد اخوها اخذها وراحت حيل نقهرت عليها لان اني متعلمه اكثر شي عليها .
مرت الايام
وصرت كل يوم بل 5 اكعد اسوي ريوك الابويه يروح لشغله واكعدهم امشيهم للمدرسه كلهم اله نور عادت الخامس للمره الثانيه ابد متحب المدرسه وتبجي منها رغم حاولت ابقيها بس هيه صارت المدرسة عدوه الها وبطلت وكعدت واني حايره بمليكه لازم ابقه يمها ومنا البيت صار مسئوليته عليه و جهالين وجهال اخويه كلهم اني صرت اهتم بيهم لان كواكب لسه مرجعت ، واني احس نفسي ماكو راحه لا جسدياً ولا نفسياً اهم شي لازم اسوي كل هل مسوليه العندي صارو جهالي 4وجهال اخويه اخويه 3 يعني صار 7اطفال بركبتي ولازم اهتم بلبسهم ونضافتهم ودراستهم واطبخ واعجن واخبز وانضف وصرت مثل المكينه الي من 5الصبح تشتغل لل 12بليل بله توقف كواكب بعد ماراحت ماعرفنه اي اخبار عنها او تواصل ماكو ابد وصالح دوم ضايج ومهموم يكعد بغرفته ويسد الباب ، وايهم يخابر كل اسبوع يسال على اخباري واخبار الجهال ويسده اخر مره كال الزواج راح اخلي اسبوع الجاي على فرحه الزهره انسوي وقرر من وحده وحدد كلشي واني كلبي وجعني مادري على جهالي لو على اهلي الي بقو بدون احد ومحد يمهم مليكه وضعها تحسن و ابويه وامي قبلو على موعد الزواج ومعترضو وامي كالت .
:- اي اسكتي لعد شتدرين من خطب الولد يبقه ينتضر هاي صار شهرين خاطبج ازوجي واستقري احسن الج .
:- اي يمه بس مليكه رجلها بعدها اني كتله بس خلي افتح جبس رجلها وتمشي ميقبل يكلي اني بعد حددت السبوع الجاي .
:- اي شسويله هم حقه بنتي رجال وحده بالبيت ويحتاج احد يخدمه لتجلين وتعرضين اقبلي عادي تره .
:- يمه هوه اصلن ماخذ راي ومقرر بعد .
:- اي لعد سكتي .
:- يكلي اوديج لصالون مال اختي و نروح للمطعم نتعشه بره ونرجع للبيت يعني مراح نسوي عرس .
:- بكيفكم انتو بعد بنتي .
نور : اجتي خاله فرح .
ام صالح: هله بيج يمه تعالي الاخيتج حاجيها .
فرح : ها خيه امي كالت هل اسبوع زواجج .
جمانه : اي خيه .
فرح : واشبيج تحجين من وره خشمج جمانه .
جمانه : خلي اطلع بالطرمه ضوجه .
ام صالح : روحي يمه .
طلعت اني افرح كالت .
:- احجي جمانه شكو .
:- ماكو شي فرح بس والله حايره شسوي كليلي اهلي منو الهم من اروح اني وجهالي شلون .
فرح : جمانه فتره وتعدي كافي ولج شنو من كلب عندج بعد يحمل والله احسدج على صبرج شنو انتِ
بس كليلي كافي بجي بلكي ربج من تالي ترتاحين .
جمانه : ولج فرح المتعوب من يومه ماله راحه بالدنيا ابد .
فرح : كافي باعي نفسج متبهذله كل النهار تركضين على الكل الجهال واللبيت كله بركبتج وفوك .
جمانه : فرح يمكن هل الرجال راح اضلمه ويايه لان اني صدك بعد ماعندي مشاعر ولا شي اشلون راح اتعايش ويا وهو مبين يحب الاهتمام .
فرح : يجوز ربج دزه من تالي لان انتِ انسانه نضلمت بحياتها وماشافت الراحه .
جمانه : ياريت فرح هم اعيش مثل البنات اني هم انحب وهم احب وهم احد يهتم بيه مثل البنات .
:- ليش لا جمانه انتِ ماكو مثلج ولا مثل اخلاقج وطيبت كلبج وحنيت كافي ام دميعه مصدكين تبجين على المسلسل الكاج تبجين عاد هسه الله جابلج .
جمانه : مسحت دموعي وابتسمت الها كالت .
فرح : خلي اضحكج اشويه سمعي ولج جمانه
فهميني اشلون بعد اسبوع العرس ولازم احمم احم.
جمانه : تحجي وتغمزلي كلتلها ، اطكافي فرح بله قله ادب هذا همج انتِ .
:- اي لعد شنو شعندي .
:- دروحي خلي اخبز .
:- عوفي اني اخبز بمكانج روحي طبخي انتِ واني هم ماعوف اهلي جمانه هم اجي اطبخ اخبز الهم ولشيلين هم جهالج هم اول يوم عرسج راح اخلي بنتي زهراء تبات يمهم ولتفكرين بشي .
:- ان شاءلله خلي اروح اكمل طبخ .
مرت الايام
واجه يوم العرس وخابرت هدى بس بت عمي تحضر بعرسي وخابرت زوجه حمودي هم كعدت من 5 الصبح سويت ريوك الابويه ومشه لشغل وعجبنت وكعدت الجهال للمدرسه بس طارق يروح ويا ولد خاله نور ومليكه واموري نايمين ورحت طبخت ونضفت البيت
كعدت نور تسوي ريوك الها ولخوتها اني معلمتها كلشي وهيه هم شاطره بسرعه تعلمت وصرت اعتمد عليها بهواي شغلات سويتلهم دولمه رادو ورحت خبزت وكملت اجوي الجهال من المدرسه وصبيت الهم الغده وراحت نور تغسل مواعين طبيت اني للحمام سبحت واجتي فرح كالت .
فرح : جمانه دك ايهم .
جمانه : أي اجيت ، طلعت على السريع رديت عليه كال .
:- ها جمانه كملتي .
:- أي بس البس .
:- ماشي منتضرج براس الفرع طلعي اوديج
لصالون انهار وهم شوفي سيارتي جديده وباركيلي عليها .
جمانه: بتسمت وكتله ، هسه راح اطلع .
رحت اني وفرح وصيت امي على الجهال بوستهم
وطلعت لكيته واكف النه على الشارع سلمنه وصعدنه وره ابن انهار كاعد ويا بالصدر تحمحم باوعلي بالمرايه و كال .
أيهم : جمانه تدرين كصتج خير عليه البارحه استلمت السياره على عينج الله رزقني .
جمانه : احس وجهي يطلع نار من الخجل كتله .
:- الف عافيه تتهنه بيها .
أيهم : ربي يعافيج .
فرح : الف مبروك هم على السياره وهم على زواجكم ان شاء لله زواج الدهر .
أيهم : ان شاءلله يارب تسلمين فرح .
جمانه : وصلنه و نزلنه كال .
:- من تكملون اتصلو عليه .
:- أن شاء الله.
طبيت لكيت انهار منتضرتني رحت كعدت وبدت انهار تحف وجهي و سوت شعري كالت .
انهار : ماشاء الله شعرج حيل طويل وسرح وسواده لليل معتم ، ايهم يحب الشعر الطويل خلي اليوم يتونس بي هههه .
جمانه : خجلت من كلامها كالت .
:- بالعافيه ربي يسعدكم أن شاء الله.
عافتلي مكياج شكلي نكلب وتغيرت
بكلبي اكول صار سنين كحله ماخاله بعيوني
حيلللل حتى نسيت شكلي بالمكياج .
انهار : هاي شنو فدوه تخبلين جمانه وين ضامه هل جمال .
جمانه : تسلمين عيونج الحلوه .
فرح : هيه جمانه حلوه بله مكياج ونوب مكياج شلون تطلع اكيد كيكه .
ابتسمت الكلامهن ومدحهن كملت انهار وكالت .
انهار: خلي اخابر ايهم يجي ياخذكم واني اقفل المحل علمود نطلع سوه ، اليوم اخويه يفقد يم
هل جمال لك وينك أيهم تعال اخذ جمارتك
جمانه : انهار عليج الله كافي تره راح ابطل.
ضحكت عليه وردت على المكالمه كالت .
:- ها عيني اجيت .... يله راح اطلع الك .
سدته منه واجت عدلت الحمره وكالت .
:- والله مبين مستعجل اخويه ههههه .
فرح : أي حقه المسكين صايم ويريد يفطر.
جمانه : يااا فرح شو متستحين .
فرح : اني شكو هيه اخته تحجي .
جمانه: كافي تره والله اخجل .
:- امشي يمعوده تخجل هيه .
طلعنه سوه انهار كالت .
:- اصعدوي بالسياره اني اقفل الصالون .
صعدنه واني من الخجل راسي مرفعته وصلنه للبيت حيل قريب .
انهار : يله راح انزل اني وتوته وياهم وانت اشوكت تجي .
أيهم : ما اطول بس اروح للبيت ابدل واجي .
أنهار : يله ننتضرك .
جمانه : طبيت للبيت لكيت هدى وزوجه حمودي تغريد ابيت اهلي هلهلن اول مفتت وبوسني وفرحن اليه وامي وشهد وفرح فرحانات كعدت واجت تغريد كعدت بصفي وكالت .
تغريد : جمانه وين راح ترحون .
جمانه : ما اعرف بس كال للمطعم ولمول المنصور .
تغريد : ها اي حلو احسن غيرو جو و ترجعون للبيت
غير .
جمانه : اي يمكن .
تغريد : اكلج ديربالج من المصعد الكهرباء تره يخوف .
جمانه : يااا ... صدك تغريد تحجين .
تغريد : اي والله اني ومتعلمه على طول اروح واضوج منه واخاف مو انتِ ماصاعده بي اول مره .
جمانه : اي والله تغريد حتى شايله هم المطعم اول مره اطب مطعم ومول وكلشي ما اعرف هناك .
تغريد : مابيها شي تتعودين حبيبتي خليج هادءه واذا خفتي من الدرج بس كودي وحطي رجلج ولتخافين .
جمانه : لو ماحاجيه احسن .
اشويه وكالو اجه ايهم دك على انهار وكللها .
" اني بالسياره انتضركم طلعولي .
انهار: غير تجى اطب انت للبيت .
" انهار طلعي وطلعيها بساع ولتضلين طلعيلي سوالف مدري منين .
انهار: يا .. يله فهمنه طالعيلك ..
سدته منه وكالت .
:- يله عمه راح نروح ايهم اضاهر يستحي يطب
ياخذ عروسته راح نطلعلها احنه .
ام صالح : الله وياكم ربي يسعدهم .
باركلي البنات وطلعت بس جانت اكو غصه بكلبي من طلعت مكان جهالي مو ويايه اني دخلت حياه جديده لازم اتحمل كل شي بس علمود انجمع اني وجهالي ابيت واحد وهادء ومرتاحين من ضجيج البشر هل شي تمنيته من ربي وصلنه السياره لكيته واكف ويه صالح يحجي وصالح يبارك اله على سيارته رحت اصعد ليوره انتبه عليه و اجه هو فتح الباب وكلي .
أيهم : هنا اصعدي بالصدر .
جمانه : خجلت وكعدت وانهار وبنته ركبو وره
سلم على صالح وركب باوع عليه بابتسامه وكال .
أيهم : الف مبروك ان شاءلله زواج الدهر .
جمانه : كوه رديت من الخجل ، ان شاء لله يارب .
كلساع اسرق نضره اباوع مبتسم و حيل فرحان
علك اغاني علاها كلهم فرحانين ويغنون ويا الاغنيه واني صافنه عليهم أجواء جديده ومعايشتها انتبهت
عليه مشال عينه مني اخر شي فززني بحركته من كمش ايدي وهوه يسوق بالسياره اني متت خجل
وجهي واطرافي يطلع منهن ناررر شال ايدي باسها وهوه مبتسم بقى شابك ايده بيدي انصدمت من موقفه حيل عبالك مسويه جريمه وشي جديد ومعايشته اول مره احد هيج يتصرف ويايه ويبوس ايدي هاي السوالف شايفتها بس بالمسلسلات المكسيكيه معبالي احنه نعيشها بالحقيقة هم
وصلنه للمول خله السياره بالكراج نزلنه اجه
لزم ايدي ووو..............
