رواية عشكني ابن شيوخ الفصل الثاني والعشرون بقلم مجهول
هلو بنات شونكم اعرف متاخره بس نفسيتي صفره والله ومالي واهس صاير واغلب وقت نوم او مسلسل او انستا ف اعذرونيييي هواييي وكومه مسجات معصبه مني حقكم وماشي ابقى احبكم 🥺❤️.. يلا نبدي
.. مره ايام واني وسلطان حمدالله ماكو لهسه مشكله ودنتوافق على اي شي ونتفاهم صار اكثر حنون عليه ويلزم اعصابه شويه يعني بديت اغيره شويه وانيهم تغيرت من ناحيته وصرت ماكدر يوم اذا منحجي او اسمع صوته ودائماً اطمن علي وهوه يطمن عليه طلعنا من سنه طبينا بسنه جديده وهسه شهر 2 خلصت متحانات نص سنه وهسه اني بعطلهههه ههههه ليوم اول يوم عطله نايمه فزيت على صوت المنبهه يوهه ناسيه اطفي باقي مال امتحانات طفيته وباوعت ساعه7 بعدني نعسانه رجعت نمت كعدت ب11 كمت شبعانه غسلت ونزلت صبحت على مرام
.. وينهم
.. عمه دتلم غرفتها واخوانج وابوج بشغل
.. تريكتي
.. اي كعدت ب9 ونص
.. شعجبب
.. نجبي لج عجب شنو شبعت وكمت
.. ههههههه شوكت بعد يجي نونو مو طك كلبي
.. لج ضهري ديموتني كلما يتقدم حمل كلما وجع وثكل اففف
.. تهون حب الله يسهل وتهون
.. نشالله
.. روحي تمددي بهول اني اسوي لفه واجي
.. اوك
سويت لفه جبن وجاي ورحت يمعا كعدت وهيع تكلب تلفزيون طلعت امي من غرفتها صبحت عليها وراحت تكمل غده خلصت اكل وسولفنا شويه اني ومرام اجه سيف بهل ثناء نزول هوه بس جان ويا ابويه بشغل ابويه مو هسه يخلص ف مرجع رجع سيف وحده سلم وكعد
.. شسوت امي غده ،
.. دولمه ،
.. خوش حروح اغسل وابدل مرام تعاي فوك ، صعدو فوك بعد ما سيف سلم على امي وحجو شويه
.. ماشي حبيبي
.. اوي عيني عصافير 😂
.. اشش لج ، مرام
.. ههههههه
رحت للمطبخ يم امي خاف تحتاج شي كعدت
.. سلار شونج ويا سلطان سلطان شونه
.. يمه يستار شو كبل شونج ليش متكولين شونه عود اني بنتج ، وسويت روحي ابجي بس بشقه هههه
.. ولج يمه شبيج نفس المعنى هسه شونكم
.. حمدالله ماما متفاهمين
.. حمدالله بتي لا تخلون مشاكل بينكم دائماً تعرفو على بعض تفاهمو كلشي بلتفاهم حلو اذا عصب هوه حاولي بطريقتج تهدي دائماً كسبي لا تخلي دائماً يكرر الاعصاب والعركات انتو بعدكم مخطوبين وجديدين
.. ي ماما نشالله احنا متفاهمين حمدالله
.. حمدالله ربي يجمعكم سويه
.. فدوه لكلبج ماماتي محححح
.. هههههه وخري يلخبله خنكتيني ، حضنتها حضنه تخنك ههههههه
وره شويه وصلتلي رساله
.. شونج بويه مشتاقلج
.. هلو حبيبي زينه ونته
.. انه بخير مدامج بخير
.. دومك يارب شكو ماكو
.. والله ماكو صافيه ودافيه عطلتو مو
.. ي عطلنااا فرحههه
.. ههههه اذا هيج ليش ما نسويلنا سفره
.. صدككك والله احلف عفيه صدك
.. هههههه شبيج ابويه سفره لاربيل اي سفره
.. الله عفيهه خنروح ثلج نازل هسهه عفيه سلطان
.. ههههه مو يدلل يروح سلطان نشالله اسئل الاهل اذا موافقيين حتى اخابر سيف
.. اوك نشالله يقبلونن
.. وحتى وان ما قبلو نروح انه وياج
.. هاا!
.. شبيج بويه ههههه
.. يعني امم وحدنا قصدك؟
.. اي
.. لا ماروح
.. هههههههه ول شبيج خايفه ما اكلج
.. ههههه لا مو هيج بس مدري يعني يجوز ميقبل بابا
.. شنو ميقبل انه زوجج بعد
.. اعرف مهم هسه الله كريم
.. نشالله شجاي تسوين
.. مداسوي ونته
.. كاعد بديوان ساعه لخ كعده عندي
.. اها الله يسهل
.. نشالله حبيبي
.. اكلت ؟
.. لا
.. ليشش
.. منتضر اكلج
.. يوهه منك سلطان
.. هههههه اكلت حبيبي
.. بلعافيه
.. انه ما سئلج اذا اكلتي لان اعرفج الاكل الحب مالج هههههه
.. سلطانن خال عينك عليه
.. هههههه لا بويه بالف هنى وعافيه ول اريدج متفحه للعرس
.. ههههه سلطان تسد هل موضوع لو اروح
.. بويه انه كلت شي اي مواضيع ، ينسي روحه عود
.. هيج هيج
.. شنوه لهيج بويه دفهميني
.. ماكو شي
.. هههههه ماشي حبيبي انه رايح بعدين نحجي
.. ماشي عمري الله وياك
.. الله وياج حبيبي
باوعت مسلسل بعديين صاحوني عل اكل نزلت اكلت وتغدينا سويه
.. ماما سلطان كال يمكن نسوي سفره لاربيل وكال يتفق ويا الاهل ويرد خبر حتى نتحضر
.. نشالله بنتي الله كريم، ابويه
كملنا اكل ولمينا صعدت لغرفتي حجيت ويا سلطان شويه وراها نمت كعدت المغرب نزلت جوه امي دصلي ومرام هيه وسيف يسولفون
كعدت يمهم
.. سلطان خابرني كال حضرو روحكم هل يوميين نطلع لاربيل
.. صدككك ، اني ومرام
.. اي
فتحت فوني شفته داز
.. حبيبي سلار عكب باجر نشالله طالعيين لاربيل بس انه لان الحجي والحجيه مارضو يرحون يتعبون من طريق طويل
.. لا حرمات لمه حلوه
سديت فون وباوعت لسيف
.. صدك عود ميجون حرمات
.. ي والله اني كالت مبيه حيل للطريق وابويه هم
.. زين وماما وبابا شكالو
.. عل اكثر ميجون لان ابويه عنده شغل
.. شنوهاي خربت لسفره وبعديين ماكدر اعرف ماما وحدها لان اذا رحنا 4 اني ويوسف وانته مرام ماما ي
منو يبقى يمها
.. سلار شبيج امي ابويه يمها وبعديين هيه كلها 4 ايام ماكدر ابقى اكثر لان لازم التحق
.. ضجت عفيه
.. متريد تروح شنو نجبرها شكد كتلها كالت ماعتقد اجي ابوك شغل واني ماعوفه وحده وهم طريق وبرد بعديين عظامي تصل عليه
.. يوه لهد بس احنا نروح
.. اي
.. ماشي
كمت رحت يم ماما بلغرفه جانت تقره قران
.. ماما صدك متجين للسفره
صدقت وجاوبتني .. اي حبيبتي ليش
.. يعني غير كلنا نروح سويه
.. عادي ع جايات ايام الله هواي
.. زين ماكدر اعوفج وحدج وبابا بشغل صبح شون وحدح تبقيين
.. ههههههه شبيج سلار يمه شون لعد من جنتو ترحون لدوامكم واني وحدي ابقى عادي صغيره قابل
.. مو اعرفج انتي ضوجين البيت فارغ
.. عادي حبيبتي ابوج من يرجع ميتاخر يرجع ب1 من شغل واذا ضجنا نطلع نغير جو روحو انتو شباب تونسو
.. ماشي حب ، بستها من خدها وطلعنا من غرفه كعدنا بل استقبال سولفنا وتعشينا
.....
يوم خميس اجه يوم سفره تحضرنا وكلشي
ساعه 4 حنطلع من بيتنا سيف يسوق ويوسف بصفى واني ومرام ورا ودعنا اهلنا وطلعنا رح نلتقي " الصراحه ماندل وين حيشافون او شون ف انتو غلسو وهمه حيشافون بنقطه معينه ويطلعون لاربيل سويه"
وصلنا للمكان السلطان انتضرنا بي اشرلنا وخابرني
.. هلو سلطان
.. هلا حبيبي هياتني شايفكم
.. ي شفناك
.. حبيبي كولي لسيف ينزلج يم سيارتي وتعاي صعدي يمي
.. هاا
.. شبيج بويه من صبح شو طيني سيف
طيته سيف
.. هلا عيني سلطان ماشي ثواني
وكف سيف سيارته يم سياره سلطان
نزل الجامه واجه سلطان سلم من جامه مال سيف
.. يابه صباح الخير
.. صباح نور، جاوبنا
.. شونكم شخباركم جاي اخذ مرتي عن اذنكم شباب ههههه
.. هههههه تفضل اخذها شيخ ، اشاقه سيف وجاوبه
.. شونج مرام حبيبه مشتاقلج بعديين نسولف رح نتاخر
.. زينه حبيبي سلطان هههه ماشي يلا عيني عروستنه نزلي
دغيته بايدها
.. تفف خجلتيني دسكتي
.. ههههه يلا نزلي، مرام
.. يلا سلار حبيبه نزلي حنتاخر، سلطان
.. احمم اي حنزل
نزلت واخذت جنطتي شالها سلطان وحطها بصندوك اخواني طلعو كدامنا بس مخففين سياقه علما يطلع سلطان صعدت وصعد. سلطان
.. يابويه شكثر مشتاقلج حبيبي
.. انيهم شونك
.. زين بشوفتج
.. اي
.. بويه شنو اي دغازلي دحجي
.. ههههه شحجي
.. سلار برودج موتني
.. اني باردهه!
.. لا انه
.. اففف
.. عليش تأفأفيين
.. ماكو
.. ياصبر ايوب وياج
.. هههه شبيك من صبح
.. ول بويه مشتاقلج وانتي لكل برود تردين
.. انيهم مشتاقتلك بس يعني بسياره شسوي قابل
.. هاا افهم منج لو مو سياره تسويين اشياء ، وغمزلي
اني فهمت وفتحت عيني بكبرهن وضربت جتفه بخفه
.. ياهه سلطان شبيكك
.. هههههه اخ الله ههههههه مابيه بويه مابيه
هههههه
.. اهوو لا اضوجني
.. ول ما يعيش ليضوجج
.. سمالله عليك
.. ليش سمالله؟
.. لان انته ضوجني
.. ههههههههه اخخ من عقلج لطفولي
.. اني مو طفله
.. بويه انه كلت انتي طفله كلت عقلج
.. اي معنى اني
.. ماشي نتراجع
.. اي تراجع
جر ايدي وباسها بهدوء قشعر جسمي
.. وهاي ردينه الحجايه ويحجايه ردي لمكانج
.. هههههه
.. جوعانه حبيبي؟
.. لا عمري ماشتهي
.. براحتج حبيبي من جوعين كولي
.. ماشي
شغل اغنيه اخيراً كالها
ونوب هاديه شويه واغفي وهوه ايد يسوق وايد لازمه ايدي وخالها عل گير وايدع دافيه وجو بارد وسياره دافيه طفيت فدمره ونعست غفيت
حسيت عليي يكعدني بهدوء
.. سلار حبيبي كومي وصلنا
.. ها شنو
.. شنو بويه هههههه كومي وصلنا اربيل
.. شو محسييت
.. هههههه اخ منج ضحكيني هواي طبعاً ما تحسين چا غير كضيتيها نوم هههههه
" سلار مثل الي برمضان يصوم وينام من الصبح يكعد المغرب ويا الاذان ويكول ماحاس بعطش وجوع اخخ بطني متت😂😂 صدك رمضان كريمم وكلعام ونتو بخير حبايب فدشويه انزل ورا البارت معايده😂❤️🥺"
.. ههههه سلطان عفيه
.. هههههه يبعد سلطان نزلي وصلنا الفندق
نزلت وشفت اخواني ومرام ديطبون للفندق
نزل الجنط سلطان وبده يجر بيهن جنطته وجنطتي مقبل اجرها كال ثكيله
مشينا وطبينا لكيتهم يم الرسبشن ديحجزون سويتات
سويت سيف ومرام وسويت اني ويوسف لان مو مال ويا سلطان هههههه وسلطان سويت بصف سويتنا اني ويوسف حتى قريب عليه وسيف ومرام بنفس الممر بس مو بصف غرفنا
صعدنا وصلنا للسويتات فتح يوسف الباب بلكارت وطب وسلطان انطاني جنطتي وباس خدي
.. يلا حبيبي طبي رتاحي ولو انتي هسه شبعانه نوم
.. اي شبعانه بس جسمي تعبان ارتاح شويه انته تعبان سياقه ومنايم روح رتاح ونام
.. ماشي حبيبي مجوعانه حتى اذا جوعانه نتغدى وارجع انام
.. لا حبيبي روح رتاح من اجوع ننزل اني ويوسف
.. لا انه وياج
.. هههه ماشي روح رتاح حبيبي
.. هسه شيصير لو وياي انتي بل سويت اخ الله
.. ياه سلطان روح النعس اثر بيك
.. هههههه ماشي حبيبي
طبيت اضحك وهوه راح طب شفت يوسف نايم على جربايته ام نفر واني ام نفريين نيههها مبين محاس بروحه ونام ع ام نفر لان يوسف واعرفه لو صاحي جان صار مذابح اني ويا عل جربايه ام نفريين ههههههه
فتحت جنطتي طلعت تراك ورحت للحمام غسلت وبدلت اوفف هسه رتاحيت ملابس مريحه وجربايه مريحه ذبيت روحي ومحسييت بعد هم نمت 😂 .......
