رواية ليتني واجهتك الفصل الثاني والعشرون
سدره
شفنا جنات واكعه بل حمام وكن كصت شراين اديها وغركانه بل دم اتخبلنا امها كامت تضرب على راسها وتصرخ بنتي راحت
علي شالها ويركض بيها نزل جوى وصل لكراج وكابلو اخو جنات
اخو جنات؛: اختي علي الخاطر الله عايشه
علي؛: اي اي عايشه
اخو جنات سحبها من حضن علي وشالها لسياره وركضو بيها مصيبه تجي بعد مصيبه بعد ماتحمل ياربي شنو الي دا يصير ماعرف ماحسيت على شي بعدها
اماني
جنات حاولت تنتحر واخذوها لمستشفى يركضون بيها وامها معاهم مصدومين بلي دا يصير يعني صح البشر مستحيل يكدر يعيش سعيد ومرتاح لو اشكد من يعيش مرتاح لازم يجي يوم ويصيبو حزن ابجي واضرب على وجهي من شفت صديقتي بهذا المنظر التفت ورايا وشفت سدره وكعت غمى عليها ركضت عليها اني واسماء وبناات عمها وانكعد بيها وطشينا ماي على وجها يالا صحت
سدره
فكيت عيوني اسماء واماني وبنات عمي ملتمين فوك راسي يكعدون بيا خليت راسي بحضن اماني وكمت ابجي وكلها تبجي معايا
سدره؛: اماني شنو الي دا يصير ياامونه والله بعد ماتحمل ولج خسرنه لؤي وهسا عمي بين الحياة والموت وجنات مانعرف ميته لو عايشه
جت ميس عليه وهيا تبجي رفعتني وتحضن بيا
ميس؛: سدوره حبيبتي كوني صبوره دحكي ع حاله عمتي والله اعلم اهلج شنو بيهم هسا
سدره؛؛ مابيا صبر بعد والله مابيا
سلوى ؛: وانتي شكو شايله هم اهلها بل قيل والجهنم عساهم كلهم احتركو
ميس؛: طالع لسانج سلوى احترمي نفسج لاكاعده اتذبين فوك النار بانزين
نور بنت عمي؛: على فكره ترى لؤي ماجان يجرعج حتى هسا امسويه روحج عبلك جنتو روح وحده سلوووى كلنا نعرف شكو بل بير وغطا فاحسن اسكتي
وسلوى صارت تبجبج
سلوى؛: انتو شكو امدخل روحج طبعا ماتريدين مختار يصير بي شي اكيد لان ابن عمج
ميس؛: طوختها سلوى وخليتها بلا ملح اني ماحجيت شي حجيت من باب طيب الخاطر ودحكي ع حالنا كاااااافي لااصيح محمد ويعرف شنو يسوي بيج لاوكفتنا ع الحجه نتظرين وحده تحجي حتي تتعاركين كااافي
وكفت ميس اتصرخ بوجها وتحجي عليها
ميس؛: كلنا مقهروين على موت لؤي وكلنا مصدومين بلي دا يصير بس دا نصبر روحنا الخاطر عمتي والبنات دحكي على روحهم اتريد تبجين روحي ولي ابجي هناك بل زوايه ترى نعرف وافتهمنا لؤي غالي عليج
سلوى دارت نفسها وراحت لصاله وكوموني البنات واخذوني لغرفتي ويلادي ولااعرف وينهم ولااعرف دا يطعمهم دا ينومون
سدره؛:؛ امونه وين حسوني وماري
اماني؛: عند اخت صهيب جانت اطعمهم ارتاحي انتي سدره
سدره؛: اماني مخنوكه ماعرف افكر بلؤي الي صار جوات التراب ب يوم عرسو لو افكر ب مختار شنو راح يكون مصيرو
اماني؛: اخخ ياسدره والله حقج
كعدنا بغرفتي نسوالف ونتذكر ايام لؤي ونبجي اتصلت اماني ب صهيب اتريد تعرف شنو صار ب جنات
علي
شلنا جنات لمستشفى نركض بيها امها الطريق كله تبجي على راس بنتها حقها والله ماعندها غير هاي البنت وصدمه بعد صدمه صعبه
صهيب كبل سحب الشماغ من راسي ولفه بي ايد جنات ومسك الجرح قوي وصلنا المستشفى وسحبوها الاطباء من ايدينا ودخلوها غرفه العمليات ضلينا كاعدين نتظر وبعد طلع الطبيب
علي؛: ها دكتور بشر
دكتور:؛الحمدالله المريضه عدت مرحله الخطر والحمدالله على سلامتها
اتشكرنا من الدكتور وطلعو جنات من غرفة العمليات ونقلوها ع غير غرفه وبدت اتصحصح واتصيح باسم لؤي
من صحت امها كامت اتبوس بيها وتبجي على راسها وهيا ادحك علينا كلنا وماتحجي ولاكلمه اخر شي كالت
جنات؛: منو نقذني
صهيب؛؛علي نقذج
جنات؛: منو سمحلك تنقذني ليش ماعفتني اموت ليش ماعفتني الحك لؤي جاوبني
علي؛: جنات اهدي الجالج
جنات؛: اتركوني اموت عوفني عووووووفني اموت لؤؤؤؤؤي وينك حبيبي لؤي وين عفتني
انهارت اعصابها وصارت تبجي وتصرخ باسم لؤي مسكوها اخوها وصهيب بل كوه وهيا تضرب بيهم وسحبت الكانونه من ايدها واندرت ع الجرح اتريد تسحب الخيوط
جنات؛: اررررريد لؤؤؤؤي ولكم ماكدر انام اذا ماسمع صوتوووو لؤيي حبيبي حبيبي يالؤي وييييينك عفت جناتك وين
طلعت اركض ع الممرضات جوى يركضون وضربوها مهدئ بدت تهداء اشويه اشويه وهيا اتكول لؤي وين عفت جناتك حبيبي وين اخر شي نامت ضلينا لساعه وحده بل ليل وكعدت اتريد ترجع لييت
جناات :؛ اريد ارجع لبيت
اخو جنات؛؛ وضعج مو زين مانكدر نعوفج
جنات ؛:؛ كتلكم اريد ارجع لبيت اررررريد ارجع انتو ماتفتهمون عليه محد بيكم يفتهم عليه الوحيد الي جان يفتم شنو اريد من عيوني لؤي وانتو لو اعيد الكلام الف مره ماتفتهمون
علي؛: اهدي جنات هاي هيا هسا نطلع بس اسال الطبيب
رحنا اني وصهيب سالنا الطبيب وكال على مسؤليتكم بين ماكمل اخو جنات اني رحت شفت ابويا واطمنت على صحتو جانت حالتو مستقره بس مايسمح انطلعو لبيت لان محتاج مكان هدوء والمستشفى احسن من البيت جان يم ابويا زوج عبير اختي وفؤاد زوج هدير
كملنا شغلنا وطلعنا لبيت وصلت البيت جان الكل جوى الشباب كاعدين بل حديقه والبنات بل مطبخ بس دخلنا جوى حييل ماضل بيا بعد كعدت كبل بل كاع ومنتكي راسي على الحايط جوي البنات ياخذون من خاطري جت سلوى اخذت من خاطري و من شافتني هيجي تعبان ومقهور كالت
سلوى ؛: افرك كتوفك علي
علي؛: لا تعالي ميس افركي كتوفي
ميس ؛: اي اخويا تدلل
ادحك على بنات خالي لو ماعيب وفاتحه يطكوها ب ضحكه تستاهل الفشله لان سمعت بيها ضاربه سدره حسابها بعدين
سدره
جنت ارضع حسوني وكالو جوي كملت وطلعت اركض على جنات اماني اتقدمت عليها دا اتبوسها جنات ماقبلت احد يسلم عليها
جنات؛؛ اريد اضل وحدي
ام جناات ؛:: امشي لبيت جنات ارتاحي ماما هناك ماخليج تطلعين لغرفه
جنات؛: اني ماعوف هذا البيت محد يمنعني من غرفة حبيبي
اصرينا كلنا عليها ماقبلت واصرت تطلع فوك طلع اخوها لغرفه قفل باب الحمام وشال كل شغله ممكن الشخص يكدر ينتحر بيها
واخذ مفتاح الغرفه حتى لاتقفل الباب على نفسها وطلعت فوك ماقبلت احد يضل معاها رحت على عمتي اشوفها يالله شلون حاله جانت بيها وصوتها مايطلع من البجي وعيونها حمر النسوان يتوسلون تاكل لكمه ماتقبل ماتجرأ اتقرب يمها احس نفسي عبالك اني قتلت لؤي يضل
مختار اخويا ويضل هو المذنب
رحت لمطبخ وشفت علي كاعد ماد رجلينو وميس دا تفرك بكتفو ياربي حبيبي اشكد مسكور اول مره اشوفو بهيجي حاله ماتحملت وكفت ب باب المطبخ وكمت ابجي هو سمع صوت بجي رفع راسو ودحك عليه اشرلي اروح عليه حتي مابي حيييل يحجي رحت اتقدمت عليه ابجي وارجف واشهك واهمس علي
سدره؛: ،علي علي لؤي راح
وصلت ليمو وكعدت ع ركبي وحضنتو وازيد ب بجي وشهكاتي خلى راسو ع صدري وجسمو كلو يهتز دا يبجي واحد يحضن الثاني ونبجي
علي؛: سدره انكسرت ياسدره روحي راحت مع لؤي
ضلينا ع هاي الحاله بس نبجي اخر شي جت بنت عمي وميس وبعض من البنات كامو يهدون بينا ويبجون معانا هم رفعت راسي عن حضن علي وصار يحجيلي ويبجي
علي:؛ يكولي ابو حسوني يعني صحيح باجر راح اخذ الي احبها والله صبرت جثير والله اخيرآ انطاني حب حيااتي
وب يوم الي جا يوم عرسو حلمو صار كابوس سدره بهذوله ايديا دفنتو ياسدره بهذوله ايديا ذبيت علي التراب
وعفتو وحيد ب كبرو
نزل راسو وكام يشهك ويزيد بل بجي وكلنا نبجي ع بجيو
سد ايدو وصار يضرب ع كلبو
علي؛؛ ولللللكمممم اخخخخ اخخخ راح الغالي مالي راح الي جان اغلى من روحي
سدره؛؛ علي ... حبيبي ... ابويا انت فدوه لاتسوي هيجي
علي؛: والله هليوم احس روحي عمري100سنه
احجى معا احاول اهدي بي بس اني اتعس من عندو اخر شي دخل حمودي باسو وحضنو واثينهم يبجون
حمودي ؛: علي الخاطر ربك خلي انقوي نفسنا الخاطر امك وابوك
علي؛: حمودي لؤي هد حيلي
حمودي؛:؛ لؤي هد حييلنا كلنا يابو حسوني
واثنيهم يبجون سحب حمودي علي من ايدو وراحو لعمتي عمتي اول من شافتهم كامت تضرب على رجلها وتحجي وتعن
ام عليي؛: ها يمه جيتو عليش جيتو فهموني حتي اشوف مكان لؤي يبنكم وتعذبون كلبي يمه دفنتو اخوكم غطيتو زين ادري والله يتكشف جثير
كعدو مقابيل عمتي اثينهم وصارت عمتي تضرب وتخرمش بوجها وعلي وحمودي يمسكون ايدها
علي؛: يوم حرام حرام الي دا اتسوي
ام علي؛: ولك يمه ماحرام تدفنو اخوكم ب يوم عرسو ولكم يمه اخوكم عرسي صارلو صابر من السادس حتى يتزوج حب عمرو ويوم زواجو يصير بل مكبره ليش يوم ليش كولولي
حضنتهم اثنيهم ويبجون وهيا اتكولهم تعالو يوم اشمك بيكم ريحه اخوكم
اخخخ عمتي كسرت كلبي موتتني لحظتها حقدت على مختار حيييل على شي الي سوى لو علي طلب مني اتبرى من اهلي راح اتبرى لان مختار غلطان حييل غلطان ماجان داعي يضرب طلقات يكفي نركص وانغني ونضحك وناكل ونشرب مو شرط الطلقات يدل ع الفرح اتوسلت بي صرتله صدقه وكتله لاتضرب طلقات بس هو عاند....
بدينا اني والبنات نفرش فراش وجنه نطي لويلاد يفرشون فراش الزلم خطفت نفسي وطلعت على جنات سمعتها خلف الباب تبجي وتشهك وبل كوه اطلع الكلمات
جنات.... لؤي حبيبي اني اش اسويتلك حتي اتعوفني ها اش سويتلك انت مو وعدتني اتضل معايا لحد مانشيب لحد مايصير عدنا احفاد مو وعدتني اتصير سندي ليش كسرت ظهري ورحت ها عمري ها كلبي جاوبني ليش
اخخخ. يمه حركت كلبي بكلماتها دخلت عليها ماسكه صور لؤي ب يدها
سدره؛:: جنات
جنات؛: عوفيني وحدي
سدره؛؛ جنات حبيبتي فدوه لاتسوين هيجي
جنت ابجي واحجي معاها صارت اتصرخ عليه
جنات؛ كتلج عوفيني عوفيني وحدي
هزيت براسي دا اطلع كالت
جنات؛: وين دفنو حبيبي
سدره؛: ها
جنات؛: وين دفنو لؤلا
سدره؛؛: يم جد علي ب مقبره...... ليش
جنات؛: عوفيني وحدي
طلعت وعفتها لان مو زين اضغط عليها رحت اتمددت على تختي حاضنه ويلادي واماني يمي متمدده اسمع صوت بجيها وشهكاتها
سدره؛؛ كافي ياامونه حركتي كلبي كاافي الله يخليج
اماني؛؛ياسدره والله الي صار هليوم اذا جنات اتخبلت محد يلومها والله صعبه ولج اني صديقتو مادا استوعب الي صار كيف جنات
ضلينا نحجي ونسولف الي حد مانمنا من التعب وطلعنا نركض كلنا على صوت ام جنات تبجي وتصرخ بنتي وبنتي
ام جنات؛: يمه بنتي يمه بنتي وين راحت
سدره!؛ خاله شكو
ام جنات؛؛ جنات ماب غرفتها ماموجوده ماحسيت عليها من طلعت
علي؛؛؛ اني كاعد ماحسيت على احد من طلع
وصار الكل تتراكض بل بيت واتصيح جنات وينج مالكينها ام جنات بس كاعده وتضرب على راسها جانت الساعه بحدود خمس الفجر يعني توها دا يطلع الضؤ كل واحد ركب ب سياره ابو جنات يركض مثل المخبل ويصيح وين راحت بنتي كلهم طلعو اخرشي لمحت عبدالله واتذكرت
سدره؛؛ عبدالله عبدالله
عبدالله؛؛ اني
سدره؛: اي انت صيح علي
عبدالله؛؛ راح
سدره؛ جنات راحت على كبر لؤي لان سالتني البارحه وين دفنو لؤي وكتلها يم جدكم
عبدالله؛؛ ماشي ماشي هسا اتصل بعلي اكولو
وطلع يركض
علي
كل واحد بينا اتفرق الي كال اروح على المستشفى والي على مركز تونا مشينا عبدالله اتصل بيا كالي سدره هيجي كالتلي وطلعت بوجهي لمكبره كبل
دخلت لمكبره وشفت سيارة لؤي هناك عرفت جنات هينا بل مكبره دخلت ولمحتها نايمه على كبر لؤي اتقربت عليها ولكيتها نايمه ودموعها تنزل ابتعدت عنها ورحت اتصلت بابوها وبلغتو وجا ركض اتقربت عليها همستلها
علي؛: جنات جنات اكعدي
فزت كبل
جنات؛؛ شتريد
علي؛: اشطلعج بل ليل ياجنات ماخفتي على روحج من ويلاد الحرام.... الجيش محد شافج
جنات؛؛ جيت مع اذان الفجر ماكدرت اعوف حبيبي ينام وحدو لؤي دائما يصلي الفجر وينام جيت صليت ونمت يم حبيبي هليوم مو جان بل حك اني نايمه بحضنو وهو جان فرحان اني ماكسرت فرحتو لؤي حبيبي حتي لاتكول جناتك ماتحبك هاي اني جنت نايمه الليل كلو بحضنك
علي؛؛ يالا انروح جنات
جنات؛؛ وين اروح
علي؛؛ على البيت
جنات؛؛ لا ماعوف حبيبي ماعوفو وحدو شلون اخلي ينام اذا مااحجي معا
علي؛: يالا جنو امشي صار الصبح
رجعت اتمددت يم كبر لؤي وحضنت الكبر وماقبلت اتكوم ولاتقبل تحجي واترد عليه
شفت ابوها واخوتها يركضون من بعيد
اتقربو ويصيحون جنات ابوها ركض يحضن بجنات
ويبجي ويبوس ب بنتو
ابو جنات؛: جنات بابا وين عفتنا ورحتي ليش طلعتي
ماخفتي على امج وابوج لايصير بيهم شي ها بابا
جنات!؛ بابا جيت يم حبيبي
جنات جانت طريقه كلامها من تحجي على كيفها جنت متوقعه من حزنها بل كوه دا اطلع الكلمه
ابو جنات؛:؛ يالا باباتي انروح خطيه امج
جنات؛: مااجي
علي؛: جنات دحكي انتي دا اتزعلين لؤي عليج وهو بكبرو مايصير اتسوين هيجي
جنات؛؛ لؤي كبل مات
علي؛: لا
كبل دحكت عليه وفكت عيونها منتظره اكمل كلامي
علي ؛: من اخذتو من ايدج وشلتو بل سياره جان بعدو عايش وجانت اخر كلمه كالها جناتي امانه وتوفى
من كلت هيجي ماتحملت درت نفسي عنهم وكمت ابجي عبدالله كبل طلع من المكبره جنات كامت تشهك وتبجي وتحجي
جنات؛؛ هيجي لؤي هيجي حبيبي اتعوفني لهدرجه اتحبني مادام اتحبني ليش عفتني ها لؤي ليش حبيبي جاوبني
خلت راسها على كبرو تبجي وتشهك اتقرب اخوها يمسح دموعها ويحجي معاها
اخو جنات؛؛ لؤي ماراضي على الي دا اتسوي جنات لؤي جان كلشي ولايشوف دموعج كلشي ولايشوفج ضايجه
جنات:: لؤي هو جان سعادتي من فتحت عيوني لدنيا وهو معايا وجان يخاف عليه اكثر من روحوو ليش عافني ها ليش
اخو جناات؛: ربج راد هذا الشي تكدرين اتكولين لرب العالمين ليش راح تعترضين على حكم رب العالمين يالا جنات كومي كومي حبيبتي انروح لبيت
جنات؛؛ بس حبيبي وحدو
ابو جنات؛؛ حبيبج صدكي مرتاح الي يصير يم رب العالمين مرتاح
شالها اخوها بحضنو مثل مايشيل الطفل الرضيع وهيا خلت راسها ب صدر اخوها تبجي وتشهك طلعنا من المكبره لكيت عبدالله واكف يم السياره ويدخن ويصفن
جيت خليت ايدي على كتفو وطبطبت عليه
علي؛: يالا خويه خلي نتوكل
هز براسو وركب السياره وطلعنا رجعنا لبيت لكينا الولد يعدلون بل كراسي اهل جنات اخذوها يمهم اول من دخلت البيت لكيت النسوان متجمعين على امي
علي؛: شكو اش صاير هينا
ميس؛: عمتي صارلها من رحتو غمى عليها انكعد بيها ماتكعد
جيت على امي اتقربت عليها راسها بحضن سدره خليت راسها بحضني واماني رافعه رجليها والبنات حولها كمت اطبطب ع خدها اشمها عطر مايفيد ماتكعد
سدره؛: علي لازم ناخذها لمستشفى لاتدخل غيبوبه
شلتها كبل بحضني وطلعت اركض بيها بره كابلني محمد
محمد؛: هاي شبيها امي الخاطر الله
علي؛: مادري اغمي عليها ومادا تكعد
ياربي دخليك لاتكسر ظهرنا بعد مابينا حييل والله ابويا بين الحياة والموت وجنات الله يعلم شنو راح يصير بيها وامي هلمره والله اموت
اخذنها لمستشفى الاطباء بداء يفحصونها ...
سدره
بعد ماطلعو الويلاد يدورون على جنات دخلت جوى لكيت عمتي متمدده بفراشها تبجي جيت اتقربت عليها بستها من خدها
يوم
هزت براسها
يوم الله يخليج ماعندنا غيرج كوني قويه يايوم
اتعدلت وخلت راسها على الحايط وتبجي وادحك عليه
ام علي؛: سدره لؤي راح وليدي المدلل راح
صارت تبجي وتشهك واني ابجي معاها خليت راسي بحضنها وصارت خطيه هيا اتهدي بيا
ام علي؛: كااافي ياامي كاافي مو زين انتي ترضعين
سدره ؛: يوم يوم بعد مااتحمل فراك لؤي هدنا وكسر ظهرنا
ام علي؛: اخخخ يايوم وليدي المدلل اش صار بحالك جوات التراب ول حبيبي
اتعدلت امسح بدموعها وابوسها من خدها وايدها وهيا تبجي وتشهك وكل شهكه احسها تزرف صدرها وتطلع خلت راسها ع كتفي وكعت صرت اصيح يوم يوم تسمعيني جاوبني الله يخليج اضرب على خدها ماتصحى التمو البنات اتخبلو شافو عمتي هيجي طولت هيا وغامي عليها وبعدها جا علي اخذها لمستشفى ماكدرت اعو ف عمتي وحدها لبست عبابتي ولحكتهم وصلنا المستشفى اخذوها الاطباء يفحصوها عمتي ماصحت بلغونا الاطباء عمتي دخلت بغيبوبه مؤقته ماتحملت علي انهار من بلغنا الطبيب يوم دخلت بغيبوبه علي وكع بل كاع وكام يبجي مثل الطفل
علي؛: والله تعبت ياربي تعبت اذيتني ياربي باكثر ناس احبهم امي وابويا واخويا ياربي رحمتك يالله رحمتك نزلها علينا
سدره؛؛ علي فدوه لاتسوي هيجي بنفسك خايفه عليك
محمد؛: كوم اخويا كوم
محمد كام يكوم علي مايكدر هو حالو اتعس من علي يبجون الصخر هثيم ابن عمي جان معانا وعبير اتخبلت تضرب على رجليها وتبجي
الممرضين اخذو علي وضربو مهدئ وعلي نام جان جوات عيونو كلها سواد من السهر وماكن اكل شي ومن البجي
كعدت يم راسو ابجي واقراء قران والعب ب شعرو واحجي معا ب صوت ناصي
سدره؛: شنو راح يصير بعد شنو راح يصير بمختار لو ب عمي لو ب عمتي اخخخ تعبانه ياعلي مثلك واكثر صعبه عليه صعبه يااحبيبي اني اخت الي قتل اخوك ياترى راح يصير كلام خواتك واتعوفني وحدي ياترى صح راح تكسرني الله يخليك لاتسمع لكلامهم لاتعوفني وحدي مسكوره سدره من دون علي تموت والله تموت
ضلينا بل مستشفى لعصر امشي واريد اكع من طولي اشكد هيثم لح عليه ماكدر اخلي شي بحلكي بل كوه كدرت اكل كيكه صغيره وعصير
العصر صهيب سال الدكتور على عمي اذا نكدر اطلعو كال تكدرون بس يكون مكان هدوء وصهيب وهثيم اخذو عمي لبيت ابو عبدالله عمي ماقبل وراد يكعد بل فاتحه انجبرو الويلاد ياخذو على فاتحه جان يحجي بس حجيو ثكيل اشويه بس مع الاسف ما جان يكدر يمشي جان على الكرسي وهيثم يدفعو مابلغنا عمتي دخلت بغيبوبه ولابلغنا على حال جنات هو سال بس كلنا الحمدالله
علي اشويه صار احسن من اخذ مغذي واملاح وكمنا كلنا رجعنا لبيت ضلت عبير وزوجها يم عمتي ماقبلو يعوفها
رجعنا لبيت اول من وصلنا نزلو عمي عمي جان بس يمسح بدموعو بل شماغ
ابو علي؛؛ ح ..حمودي ..وليدي
حمودي ؛؛ ها يابا
ابو علي؛: اخ ..اخو .ك م ا ت
وخلى الشماغ ع وجهو وكام يبجي واسمع صوت شهكاتو كمنا نبجي على بجيو نزلت من السياره ورحت لبيت كبل
اول من دخلت البيت جان مليان اكثر من البارحه واستقبلوني النسوان بل صياح والبجي وينها ماريه وينها ماريه سكتت ماجاوبت احد هدير كامت اتصيح
هدير ؛: وينها امي ليش ماجبتوها فهميني وينها
سدره؛: هدير عمتي
هدير؛: شبيها احجي
سدره؛: عمتي ماتحملت دخلت غيبوبه وان شاء الله مؤقته وراح تكعد
اني كلت هيجي والبنات ملخو روحهم اتخبلو دخلت كبل لغرفتي خليت ايدي على وجهي وابجي جت اماني خطيه امونه صديقه واخت ونعم الاخت رغم حزنها هيا هم بس ابد ماعافتني
اماني؛: سدره حبيبتي
سدره؛: امونه خايفه خايفه يوم لايصير بيها شي
اماني ؛: كولي يالله عمري صيري قويه الخاطر ويلادج
اتذكرت ويلادي صح وينهم
اخذتهم اسماء على بيتها كالت اطعمهم واسبحهم وارجعهم من قبل الظهر كامو يبجون من الهوسه والنسوان كل اشويه وحده تدخل تبجي وتصرخ
خابري خلي اتجيبهم فدوه حسوني مايحب المم هلكد مايشبع اذا ماياخذ صدري معاها
هسا اخابرها حيااتي
اتصلت باسماء واسماء كالتلها هسا اجيبهم واجي طلعت بره واسمع صوت النسوان بيهم يتهمسون هاي اخوها قتل لؤي الخ اتكول اشكد مستهتر اخوها وهذيجه اترد عليها لايكولون هستوى مهندس متخرج جديد ومثقف على اساس واكف يضرب طلقات بنص العالم
وكومه حجي حيييلي انهد اشتغل واسمع اشكال والوان
سمعت عمي ماخذينو على بيت عمتهم لان مايكدرون يجيبونا لبيت هوسه وهناك يرتاح اكثر
ردت اروح اشوف جنات بس امها ماقبلت كالت بنتي نايمه والمغذي ب يدها ماريد اتعبها
جان من يصير الليل اخخ ياكلبي احس كلبي يريد يتكطع من كثر البجي ومن هينا ماري هم طلعتلي بس تبجي واتصيح واي (لؤي)
سدره؛؛ ياامي دنامي الخاطر الله تعبتيني
ماري؛؛ اليد (اريد) واي
صرت ابجي معاها واتعصبت
سدره؛؛ منين اجيبلج واي منين بس فهميني
ماري؛؛ فود (فوك)
سدره؛؛ اخخخ ياربي ماما واي راح مع جوجو بعدين يجي ويجبلج حلويات انروح على بابا
ماري؛: بابا
سدره؛؛ اي بابا
دحكت عليه و رجعت تبجي
ماري؛: ما ما اليد واي
سدره؛؛ ناااامي لااكسر راسج يالا ماناقصلي انتي هم
اماني؛: سدره على كيفج معاها خطيه
سدره؛؛ اماني دمرتني مادا تشوفيها اتريد لؤي اني الي بيه مكفيني
اماني؛؛ اخذيها على علي بلكي تسكت
كمت واني استغفر سحبت حجاب الصلاه واخذتها وطلعت بره صحت علي
علي؛؛ تعالي يابا ماكو احد غريب
طلعت لحديقه
سدره؛؛ علي ماري ماتقبل اتنام كاعده تبجي
علي؛؛ ليش تبجي شبيها
سدره؛: اتريد لؤي
كلتها وكمت ابجي علي ندك براسو ورجع كالها
علي؛؛ حتى انتي يابابا اتريدين عمج
ماري؛: بابا واي
علي؛: تعالي باباتي تعالي من يجي واي خلي ينومج بحضنو
اخذها بحضنو وكام يحاول ينومها ومره يلعبها بين ماتسكت اني دخلت جوى مثل كابوس الليله القبلها كل ماغفى صدري يخنكني واكعد ابجي الى حد صلاة الفجر اصلي وارضع حسوني واكوم اشتغل بل بيت نزلت ميس وكعدت اماني واسماء وبدين انحضر الريوك لزلم رحت لحديقه شفت علاوي نايم وصوت الشخير مالتو عالي اعرف طبعو من ينقهر يشخر وامخلي ماري بحضنو
عفتهم ورحت جوى اكمل الشغل خابرت عبير وكالت امي صحت الحمدالله ياربي
بس كملو ريوك والبيت كامو يجون النسوان انترس جت اسماء تبجي
وي سدره امي
شبيها ماما اسماء
ماما صاير معاها سكر وشايلها لمستشفى راح اروح اني
ياربي روحي حبيبتي اني ماكدر اجي تعرفين وضعي وحتي ماعرف جهازي وين
ماشي حبيبتي ماشي
سلمت باستني وطلعت بالي حيييل انشغل على ماما لعصر طلعو عمتي من المستشفى جانت حييل تعبانه البنات اشويه صارو احسن جانت كل ماطب مره اتريدي اتصرخ البنات مايقبلون
مشت ايام الفاتحه وسمعت من ام جنات جنات ماتقبل تكعد بس اتنام وعايشه على المغذي خلصت الفاتحه وكلها انجمعت بل ليل وجابو عمي وعمي كال اريد اشوف جنات جابو جنات جانت بس تصفن جت ماباست عمي ولاحتى كالتلو شلونك ابوها وامها جانو ماسكيها
ابو جنات؛:؛ بابا جنات هذا عمج هذا يابا
جنات دحكت على ابوها ورجعت دحكت على عمي وتصفن ماتقبل تجاوب
ابو علي؛: ش .. شب يها .. لي ش ما تج اوب
ام جنات؛: هذا حالها ياابو حمودي من يوم الي توفى لؤي الله يرحمو
جنات؛: لؤي
جانت تسمع باسم لؤي اتفز وتذكر اسمو كبل عافت ايد امها وابوها ودحكت على الدرج اتريد تطلع فوك
اتقربت على الدرج اهلها لحكوها رادو مايخلوها تطلع فوك بس ماقبلت وطلعت فوك وسدت الباب على نفسها ماخلت احد يدخل ضلينا واكفين يم الباب اشويه ودخلت اني لكيتها كاعده يم التخت وحاضنه جاكيت لؤي وحاضنه نفسها تهتز واتكول اخذنا شمعة بيتكم اخذنا شمعة بيتكم
هاي اخر جمله كلنها لحظة لؤي انضرب جنه دا انهوس بيها واغني اخذنا شمعة بيتكم الحجي(الكلام) بعد مايفيدكم
سدره؛؛ جنات جنو يروحي شبيج ليش هيجي اتسوين بروحج حيااتي
حضنتها ماشفت اي رده فعل منها طلعت اصيح اهلها جوي يركضون عليها سحبو جاكيت لؤي من ايدها ماقبلت مسكتو ب قوه اخذتها امها وراحو لبيتهم
جان البيت بعد بي خطار بس شي قليل لهذا علي ضل بره مع الويلاد جنت متوقعه على مود هذا الشي
فزينا ب نص الليل على صوت اهل المنطقه اتصيح الحكو بيت اهل جنات احترك .......
